Tag Archives: elections

எதையும் கற்றுக்கொள்ள ஒரு தளம்

இணையம் கற்றுக்கொள்வதற்கான சிறந்த இடமாக இருப்பதையும் நீங்கள் அறியலாம். பல்வேறு தலைப்புகள் தொடர்பான யூடியூப் வீடியோக்கள் துவங்கி, இணைய கற்றலுக்கான பிரத்யேக தளங்களான கான் அகாடமி, கோர்சரா என பலவழிகளில் இணையம் மூலம் கற்கலாம். இவைத்தவிர பிரத்யேகமான கற்றல் இணையதளங்களும் அநேகம் இருக்கின்றன. இந்த பட்டியலில் ஹவ் காஸ்ட் இணையதளத்தையும் சேர்த்துக்கொள்ளலாம்.

இந்த தளம் வழிகாட்டி வீடியோக்களுக்கான இருப்பிடமாக இருக்கிறது. அதாவது எப்படி என வழிகாட்டும் வீடியோக்கள் இந்த தளத்தில் இடம்பெற்றுள்ளன. டிஜிட்டல் புகைப்படக்கலை, நடன வகுப்புகள், உணவு, ஆரோக்கியம், உள் அலங்காரம் என எண்ணற்ற தலைப்புகளில் வழிகாட்டி வீடியோக்கள் பட்டியலிப்பட்டுள்ளன. அவரவர் தங்கள் ஆர்வத்திற்கு ஏற்ற தலைப்புகளை தேர்வு செய்து அதில் உள்ள வீடியோக்களை காணலாம்.

தொழில்நுப்டம், வீடியோகேம் , தனிநபர் ஆரோக்கியம் என இதில் உள்ள தலைப்புகளும் பரந்து விரிந்திருக்கின்றன. இணையவாசிகள் தங்களுக்கு தேவையான வீடியோக்களை தேடிப்பார்ப்பதற்கான தேடல் வசதியும் இருக்கிறது.

இணையதள முகவரி: http://www.howcast.com/

 

 

செயலி புதிது: தேர்தல் கமிஷனின் புதிய செயலி

தேர்தல் கமிஷன் சார்பில் இ.சி.ஐ ஆப்ஸ் எனும் பெயரில் புதிய ஒருங்கிணைந்த செயலி அறிமுகம் செய்யப்பட்டுள்ளது. தேர்தல் நடைபெறும் நாட்கள், வாக்குச்சாவடிகள், தேர்தல் செயல்பாடுகள் உள்ளிட்ட அனைத்து பிரிவுகள் தொடர்பான தகவல்களையும் இந்த செயலி கொண்டுள்ளது. தேர்தல்கள் தொடர்பான தகவல்களை வாக்காளர்கள், வேட்பாளர்கள் என அனைத்து தரப்பினரும் எளிதான வகையில் தெரிந்து கொள்ளும் வகையில் இந்த செயலி உருவாக்கப்பட்டுள்ளது. தேர்தல் அதிகாரிகள், மக்கள், வாக்காளர்கள், வேட்பாளர்கள், அரசியல் கட்சிகள் ,ஊடகம் உள்ளிட்ட பிரிவுகளை இந்த செயலி கொண்டுள்ளது.

தேர்தல் கமிஷனின் அறிவிப்புகளை தெரிந்து கொள்ளும் வசதியும் இருக்கிறது. தொடர்புடைய மற்ற செயலிகளையும் இதில் ஒருங்கிணைத்துக்கொள்ளலாம். ஐந்து மாநில சட்டமன்ற தேர்தல் அடுத்த மாதம் நடைபெற உள்ள நிலையில் இந்த செயலி அறிமுகமாகியுள்ளது. முதல் கட்டமாக ஆண்ட்ராய்டு போன்களுக்கு அறிமுகம் செய்யப்பட்டுள்ளது. அடுத்த கட்டமாக ஐபோன்களுக்கு அறிமுகமாக உள்ளது.

மேலும் தகவல்களுக்கு: https://play.google.com/store/apps/details?id=eci.com.neologicx.eci&hl=en

 

 

கூகுள் தேடலில் புதிய வசதி

கூகுள் தனது ஆண்ட்ராய்டு தேடல் செயலியில் புதிய அம்சத்தை அறிமுகம் செய்துள்ளது. இதன்படி இந்த புதிய வசதியின் மூலம் இணைய இணைப்பு இல்லாமல் போனாலும் தொடர்ந்து தேடலில் ஈடுபடலாம். அதற்காக இணைய இணைப்பு இல்லாமல் தேடலாம் என்று பொருள் கொள்ளக்கூடாது. உண்மையில் இந்த வசதி என்ன செய்கிறது என்றால் தேடலில் ஈடுபட்டிருக்கும் போது இணைய இணைப்பு துண்டிக்கப்பட்டால் அல்லது செயலிழந்தாலோ, அப்போது தேடும் குறிச்சொற்களை அப்படியே சேமித்து வரிசை படுத்தி வைக்கிறது. பின்னர் இணைய இணைப்பு சீரானதும், பழைய தேடல்களை துவங்கி முடிவுகளை அளிக்கிறது. இது தொடர்பான தகவலையும் அளிக்கிறது. இணைய இணைப்பு திரும்பும் போது தேடல் தொடரப்படும் என்று அந்த தகவல் தெரிவிக்கிறது. தேடல் முடிவு தயாரானதும் தகவல் தெரிவிக்கப்படும். அதை ஏற்றுக்கொள்ளலாம் அல்லது நிராகரிக்கலாம்.

தேடல் வசதியை நாடுபவர்களுக்கு இந்த வசதி பயனுள்ளதாகவும், சுவாரஸ்யமானதாகவும் இருக்கும் என கருதப்படுகிறது. என்ன தேடினோம் என்று குழம்பி நிற்காமல் விட்ட இடத்தில் இருந்து தேடலை தொடர இந்த வசதி உதவலாம். கூகுள் சேமித்து வைத்துள்ள தேடல் குறிப்புகளை நிர்வகிக்கும் வசதியும் அளிக்கப்பட்டுள்ளது. இவற்றை முற்றிலுமாக நீக்கும் வசதியும் அளிக்கப்பட்டுள்ளது.

புதிய தேடல் வசதி தொடர்பாக கூகுள் விளக்கம்: https://blog.google/products/search/dont-let-spotty-connection-stop-you-searching/

 

நரேந்திர மோடி போன் வாங்கிடீங்களா?

modiphoneஇந்தியா முழுவதும் நரேந்திர மோடி அலை வீசுவதாக சொல்கிறார்கள். இது உருவாக்கப்பட்ட அலை என்றும் சொல்கிறார்கள். இந்த அலை முதலில் இணையத்தில் தான் வீசத்துவங்கியது. இப்போதும் இதன் மையம் இணையத்தில் தான் இருக்கிறது.

எல்லாம் மோடியின் இணைய படை செய்த வேலை. மோடியின் ஆதர்வாளர்கள் இணையத்தை எப்படி பயன்ப‌டுத்துவது என்பதில் நிபுணர்களாக இருக்கின்றனர்.  இணையத்தில் அவர்கள் காட்டிவரும் உற்சாகம் மோடி மீது மிகப்பெரிய எதிர்பார்ப்பை உருவாக்கி பேச வைத்தது. தனிப்பட்ட முறையில் நரேந்திர மோடியும் தொழில்நுட்ப பயன்பாட்டை புரிந்தவராக இருப்பதால், அதிலும் குறிப்பாக பிரச்சார நோக்கில் அறிந்திருக்கிறார். அவர் பேஸ்புக் மற்றும் டிவிட்டரை பயன்படுத்தும் விதமும் இணையத்தில் அவருக்கு ஆதரவு அலை வீச வைத்திருக்கிறது.அல்லது அது போன்ற தோற்றத்தை ஏற்படுத்தியிருக்கிற‌து.

மோடியின் இந்த ஆதரவு அலை அவரது பெயரில் ஸ்மார்ட் போனை அறிமுகம் செய்யும் அளவுக்கு கொண்டு வந்திருக்கிறது.

ஸ்மார்ட் நமோ எனும் பெயரில் இந்த போன் அறிமுகமாகியுள்ளது. இந்த போனுக்காக என்று பிரத்யேக இணையதளமும் அமைக்கப்பட்டுள்ள‌து. நாங்கள் மோடியின் ஆதரவாளர்கள் என்று இந்த தளம் வர்ணித்து கொள்கிற‌து. நவீன இந்தியாவின் இரும்பு மனிதருக்காக இந்த ஆன்ட்ராய்ட் போனை உருவாக்கியுள்ளதாக குறிப்பிடப்பட்டுள்ளது.

போனின் செயல்திறன் மற்றும் சிறப்பம்சங்கள் குறித்த விவரங்களும் இடம் பெறுள்ளன. இந்த தளம் மூலமே வாங்கலாம்.தேர்தல் களம் விந்தையானது. கூட்டம் கூடும் .ஓட்டு விழாது. மோடியில் இணையத்தில் ஆதரவு குவிகிறத்.வாக்குகள் விழுமா?

மோடி போனுக்கான தளம்: http://www.smartnamo.com/

இண்டெர்நெட்டின் முன்னோடி எம் பி

kennedyசமீபத்தில் மரணமடைந்த அமெரிக்க ‘எம் பி’ டெட் கென்னடிக்கு இணைய உலகின் சார்பில் வீரவண‌க்கம் செலுத்த வேண்டும்.காரணம் மனிதர் சாதரண எம் பி இல்லை .இண்டெர்நெட்டின் முன்னோடி எம் பி.

ஆம் இண்டெநெநெட்டில் தனக்கென இணையதள‌த்தை அமைத்துக்கொண்ட முதல் அமெரிக்க எம் பி இவர் தான். அநேகமாக உலகிலேயே முதல் எம் பியாகவும் இருக்க வேண்டும்.

ஒரு எம் பி சொந்தமாக இணையதளம் வைத்திருப்பது இன்று பெரிய விஷயமல்ல. அது மட்டுமல்ல அமெரிக்கா போன்ற நாடுகளில் மக்கள் பிரதிநிதிகள் இணைய‌தள‌மில்லாம‌ல் இருந்தால் வாக்க‌ள‌ர்க‌ள் ம‌திக்க‌ மாட்டார்க‌ள். (இந்தியாவில் எத்த‌னை எம்பிக்க‌ள் இணைய‌த‌ள‌ம் வைத்துள்ள‌ன‌ர் என்று தெரிய‌விக்ல்லை)

தேர்ந்தெடுத்த‌ ம‌க்க‌ளோடு தொட‌ர்பு கொள்ள‌வும் அடுத்த‌ தேர்த‌லில் வாக்கு சேக‌ரிக்க‌வும் இணைய‌த‌ள‌ம் மிக‌வும் அவ‌சிய‌ம்.த‌ற்போதைய‌ எம்பிக்க‌ள் ஃபேஸ்புக் ப‌க்கம், டிவிட்ட‌ர் ப‌க்க‌ம் எல்லாம் வைத்துகொண்டு அச‌த்துகின்ற‌ன‌ர்.

ஆனால் இண்டெர்நெட் பிர‌ப‌ல‌மாக‌த்துவ‌ங்காத‌ கால‌த்தில், அதனை எப்ப‌டியெல்லாம் ப‌ய‌ன்ப‌டுத்த‌லாம் என்ப‌து தெளிவாக‌ புரியாத‌ ஆர‌ம்ப‌ கால‌த்திலேயே கென்ன‌டி த‌ன‌க்கான‌ இணைய‌த‌ள‌த்தை அமைத்துக்கொன்டார் என்றால‌ பார்த்துக்கொள்ளுங்க‌ள்.

இண்டெர்நெட்டின் த‌ற்போதைய‌ வ‌டிவ‌மான‌ வைய விரிவு வ‌லை அறிமுக‌மான‌ 1993 ம் ஆண்டே கென்ன‌டி த‌ன‌க்கான‌ இணைய‌த‌ள‌த்தை உருவாக்கிகொண்டார்.அப்போது அமெரிக்க‌ நாடாளும‌ன்ற‌த்தின் எந்த‌ அலுவ‌ல‌க‌மும் இண்டெர்நெட்டில் இட‌ம்பெற‌வில்லை.

இத‌ன்மூல‌ம் டெட் கென்ன‌டி இண்டெர்நெட்டில் இட‌ம் பெற்ற‌ முத‌ல் அமெரிக்க‌ எம்பி என்னும் சிற‌ப்பை பெற்றார். அத‌ன்பிற‌கு இண்டெர்நெட்டை ப‌ய‌ன்ப‌டுத்துவ‌திலும் அவ‌ர் முன்னினியில் திக‌ழ்ந்தார்.