Tag Archives: fans

ஒலிம்பிக் காலி இருக்கை டிவிட்டர் செய்கிற‌து.

ஒரு மரம் டிவிட்டர் செய்திருக்கிறது.காணாமல் போன பாம்பு டிவிட்டர் செய்திருக்கிறது.இப்போது ஒரு காலி இருக்கை டிவிட்டர் செய்து உலகின் கவனத்தை ஈர்த்து வருகிறது.

ஒரு இருக்கை எப்படி டிவிட்டர் செய்யும் என்று கேட்பதற்கில்லை.இருக்கை போல யாரேனும் டிவிட்டர் செய்கின்றனர் என்பதை எளிதாக புரிந்து கொள்ளலாம்.

அதாவது புனை பெயரில் டிவிட்டர் செய்வது போல யார் வேண்டுமானாலும் வேறு ஒரு வஸ்துவின் பின்னே ஒளிந்து கொண்டு அது பேசுவது போல டிவிட்டர் செய்யலாம்.

இப்படி தான் அமெரிக்க விலங்கியல் பூங்காவில் இருந்து பாம்பு ஒன்று காணாமல் போன போது வாலிபர் ஒருவர் அந்த பாம்பின் பெயரில் டிவிட்டர் கணக்கை பதிவு செய்து குறும்ப்திவுகளை வெளியிட்டு பரபரப்பை ஏற்படுத்தி கொஞ்சம் போல இணைய புகழை தேடிக்கொண்டார்.

இப்போது லண்டன் ஒலிம்பிக் நடைபெற்று கொண்டிருக்கும் போது எப்படி இணைய புகழ் தேடிக்கொள்வது என்று அறிந்த புத்திசாலி வாலிபர் ஒருவர் ஒலிம்பிக் அரங்கில் உள்ள காலி இருக்கையை டிவிட்டரில் பேச வைத்திருக்கிறார்.

லண்டன் ஒலிம்பிக் கோலகலமாக துவங்கி நடைபெற்றாலும் பல போட்டிகளுக்கான அரங்கில் காலி இருக்கைகள் அதிகம் இருப்பது சர்ச்சையை ஏற்படுத்தியுள்ளது.காலி இருக்கைகளுக்கான காரணம் பற்றிய விவாதம் ஒரு புறம் இருக்க யாரோ ஒருவர் இந்த காலி இருக்கை பேசினால் எப்படி இருக்கும் என்பது போல கற்பனை செய்து காரியத்திலும் இறங்கி விட்டார்.

எம்டி சீட் என்னும் பெயரில் டிவிட்டர் கணக்கை துவக்கியவர் அந்த இருக்கை யாருமற்ற தனிமையில் இருக்கும் மன உண்ரவை குறும்பதிவுகளாக பகிர்ந்து கொள்ள துவங்கினார்.

‘வெறுமையை தவிர வேறு எதையும் உணரவில்லை’ என்னும் அறிமுகத்தை கொண்ட அந்த காலி இருக்கையின் முதல் குறும்பதிவு ஒற்றை வார்த்தையில் அலுப்பாக வெளியானது.அடுத்த குறும்பதிவு நான் மிகவும் மன அயர்ச்சியோடு இருக்கிறேன் என வெளியானது.

நான் மிகவும் வெறுமையாக இருக்கிறேன் என அதன் நான்காவது குறும்பதிவு அமைந்திருந்தது.

அதன் பிறகு தான் அந்த காலி இருக்கை தன மனதை திறக்க துவங்கியது.

ஒலிம்பிக் இருக்கையாக வேண்டும் என்பது என்பது வாழ் நாள் லட்சியம்.ஊக்கமும் உற்சாகமும் கொண்ட விளையாட்டு ரசிகருக்கு இருக்கையாக இருக்க வேண்டும் என விரும்பினேன்.ஆனால் இப்போதோ ஒரு தோல்வியாக உண்ர்கிறேன்.

இப்படி வேதனையை வெளிப்படுத்திய அந்த இருக்கை அடுத்த குறும்பதிவில் ” அம்மா என் வாழ்க்கை ஒரு ஐகியா இருக்கை போல நிலையானதாக இருக்க வேண்டும் என விரும்பினால் ஆனால் நான் தான் லட்சிய இருக்கையாக வேண்டும் என‌ விரும்பினேன்” என குறை பட்டு கொண்டது.

என தாத்தா 1948 ஒலிம்பிக்கில் இருக்கையாக இருந்தது பற்றி பெருமையோடு கூறியுள்ளார்.அவர் வழியை தான் நான் பின்பற்றியிருக்கிறேன் என அடுத்த குறும்பதிவு அமைந்திருந்தது.

இந்த தருணத்திற்காக தான் 7 ஆண்டுகளாக காத்திருந்தேன் ஆனால் எல்லாம் எதற்காக? என ஒலிம்பிக்கிறகாக லண்டன் 7 ஆண்டுகளாக தயாராகி வந்ததை சுட்டிகாட்டி அமைந்த அடுத்த பதிவு காலி இருக்கையின் வேதனையை இன்னும் கூடுதலாகவே வெளிப்படுத்தி ‘நான் மாபெரும் தோல்வியாக உணர்கிறேன்’ என அடுத்த பதிவில் அழுது புலம்பியது.

தொடர்ந்து வெளியான குறும்பதிவுகள் சுவாரஸ்யமாகவே இருந்தன.எல்லாம் காலி இருக்கை பேசுவது போலவே இருந்தன.

ஒரு வேளை நான் பீச் வாலிபால் போன்ற விளையாட்டு அரங்கை தேர்வு செய்திருக்க வேண்டுமோ ?இப்படி ஒரு குறும்பதிவு.

இன்று மூன்றாவது நாள்;இன்னும் வெறுமை.இது ஒரு குறும்பதிவு.

இந்த வெறுமை யார் தவறு;எல்லோரும் நிர்வாகிகளை குறை சொல்கின்றனர்.ஆனால் நான் என்ன்னையே நொந்து கொள்கிறேன்.இது இன்னொரு குறும்பதிவு.

இதனிடயே பிரிட்டன் தங்கப்பதக்கம் வென்ற‌ செய்தியையும் பகிர்ந்து கொண்டது.அருகே வந்த ஒருவர் தள்ளி போய் வேறிடத்தில் அமர்ந்த ஏமாற்றத்தையும் பகிர்ந்து கொண்டது.

5 வது நாள் அன்று நாளை எனது நாளாக இருக்கலாம் என்ற‌ நம்பிக்கையை வெளியிட்டது.

இதற்குள் காலி இருக்கை டிவிட்டரில் பிரபலமாகி விட்டது.ஆம் அதற்கு 20 ஆயிரம் பின் தொடர்பாளர்கள் உண்டாகி விட்டனர்.டிவிட்டரில் நுழைந்த சில நாட்களிலெயே பல்லாயிரக்கணக்கில் ஆதரவு கிடைப்பது நட்சத்திரங்களுக்கு மட்டுமே சாத்தியம் .ஆனால் காலி இருக்கையும் இந்த அந்தஸ்தை பெற்று விட்டது.

இந்த ஆதரவையும் குறும்பதிவாக பகிர்ந்து கொண்ட இருக்கை ஒருவழியாக ஒருவர் தன் மீது அமர்ந்து விட்ட மகிழ்ச்சியையும் பகிர்ந்து கொண்டது.

ஆனால் அடுத்த சில குறும்பதிவுகளிலேயே இனியும் நான் ஒலிம்பிக் இருக்கையாக இருக்க விரும்பவில்லை என்னும் மன மாற்றத்தை வெளியிட்டது.பின்னர் இருக்கையாக இருப்பதில் இருந்து விலகி கொள்வதாக தெரிவித்தது.

நிச்சயம் அதன் பின் தொடர்பாளர்கள் அனைவரும் இந்த குறும்பதிவுகளை ரசித்திருப்பார்கள்.

ஒரு சிறு கதை போல இந்த குறும்பதிவுகள் அழகாக இல்லை.

டிவிட்டரில் வெற்றி பெற வேண்டும் என்றால் இது தான் சுட்சமம்.

கொஞ்சம் படைப்பற்றல் கொஞ்சம் கற்பனை போதும் டிவிட்டரில் நீங்களும் பிரபலமாகலாம்.

காலி இருக்கையின் டிவிட்டர் முகவரி;https://twitter.com/OlympicSeat

மலிவு விலையில் திரைப்பட டிக்கெட்கள் தரும் இணையதளம்..

எப்படியாவது டிக்கெட் வாங்கி திரைப்படம் பார்த்து விட வேண்டும் என்று ரசிகர்கள் துடித்ததெல்லாம் ஒரு காலம்.இதற்காக மணிக்ககணக்காக வரிசையில் காத்திருப்பார்கள்,பிளாக்கில் விற்கப்படும் டிக்கெட்களை இடண்டு மூன்று மடங்கு விலை கொடுத்து வாங்கவும் தயாராக இருப்பார்கள்.

ஆனால் இப்போதோ ரசிகர்கள் எப்போதோ தான் படம் பார்க்க வருகின்றனர்.அடித்து பிடித்து டிக்கெட் வாங்க எல்லாம் யாருக்கும் ஆர்வம் இல்லை.

விளைவு திரையரங்குகள் காற்று வாங்குகின்றன.ஹவுஸ்புல் போர்டு போட்டு வெறுப்பேற்றிய காலம் போய் இன்று பாதி திரையரங்கு நிறைந்தாலே பெரிய விஷயமாகி விட்டது.

ஹாலிவிட் முதல் கோலிவுட் வரை இந்த நிலை தான்.இதற்கான காரணங்கள் ஆய்வுக்குறியவை .அவை ஒரு புறம் இருக்கட்டும் இந்த நிலையில் இரு தரப்பினருக்குமே பயனளிக்கக்கூய வகையிலான சேவையை டீல்பிலிக்ஸ் இணையதளம் அறிமுகம் செய்துள்ளது.

டீல்பிலிக்ஸ் தளம் மலிவு விலையில் அதாவது டிக்கெட் விலையை விட 40 முதல் 50 சதவீதம் வரை குறிவான விலையில் வழங்குகிறது.இதன் மூலம் ரசிகர்களுக்கு குறைந்த விலையில் படம் பார்த்த பலன் கிடைக்கும் என்றால் திரையரங்குகளுக்கோ காலி இருக்கைகள் நிரம்பிய பலன் கிடைக்கும்.

அமெரிக்காவில் அறிமுகமாகியுள்ள தளம் இது.

திரையரங்குகளில் கூட்டம் குறைந்து கொண்டே வருவது பற்றி பலரும் கவலை பட்டு கொண்டிருக்கும் நிலையில் அதற்கான சிறு தீர்வாக இந்த சேவை அறிமுகமாகியுள்ளது.

இந்த சேவையின் மூலம் குறைந்த விலையில் டிக்கெட் பெற விரும்பும் ரசிகர்கள் தாங்கள் பார்க்க விரும்பும் திரைப்படத்தையும்,பார்க்க விரும்பும் நாளையும் தேர்வு செய்து தெரிவிக்க வேண்டும்.எந்த பகுதியில் படம் பார்க்க விருப்பம் என்பதையும் குறிப்பிட வேண்டும் ,ஆனால் எந்த திரையரங்கம் என்பதை தேர்வு செய்ய முடியாது.(திரையரங்குகளுக்கு கவுரவ பிரச்சனையாக இருக்கலாம் என்பதால் இப்படி)

இதனையடுத்து டீல்பில்க்ஸ் தளம் உங்களுக்கான சலுகை விலை டிக்கெட்டை பரிந்துரைக்கும் .அதற்கு ஒப்புக்கொண்டு டிக்கெட்டை வாங்கி கொண்ட பின் எந்த திரையரங்கு என்பது தெரியவரும்.

விற்காத சரக்கை தள்ளுபடியில் தள்ளிவிடுவது போல தான் இதுவும்.ஆனால் ரசிகர்கள்,திரையரங்குகள் இரு தரப்பினருக்குமே ஆதாயம் தரக்கூடியது.

ஹாலிவிட்டில் ஆரம்பித்து விட்டார்கள்,கோலிவுட்டிலும் ஆரம்பிக்கலாம்.

யோசித்து பாருங்கள் சலுகை விலையில் கூட்டமாக கூட டிக்கெட்கள் பெற்று அரங்கை நிரப்பி விடலாம்.குழுவாக பார்க்க விரும்பும் ரசிகர்கள் கூடுதல் சலுகையும் கோரிப்பெறலாம்.

இணையதள முகவரி;http://www.dealflicks.com/movie_index.php

920a84e4a502422425143e0bb75b5d4e

திரைப்படங்களுக்கான புதுமையான தேடியந்திரம்.


எனி கிளிப் தளத்தை பற்றி கேள்விப்பட்டவுடன் திரைப்பட ரசிகர்கள் எல்லோரும் அதனை புக்மார்க் செய்து கொள்ள விரும்புவார்கள் .அதன் பிறகு ஆங்கில படங்கள் தொடர்பாக எப்போது சந்தேகம் ஏற்பட்டாலும் எனி கிளிப்பை தான் நாடுவார்கள்.திரைப்படங்களை ரசிக்க விரும்பினாலும் எனி கிளிப்பை தான் நாடுவார்கள்.

முதல் முறையாக இந்த தளத்தை பார்க்கும் போதே உணமையான திரைப்பட ரசிகர்கள் சொக்கிப்போய் விடுவார்கள்!.காரணம் இந்த தளம் திரைப்படங்கள் தொடர்பான எந்த தகவலையும் தேடிக்கொள்ளலாம் என்பது தான்.அந்த வகையில் இந்த தளம் திரைப்படங்களுக்கான தேடியந்திரம்.ஆனால் மாமூலான தேடியந்திரம் அல்ல.
திரைப்படங்களுக்குள் உள்ள விவரங்களை தேடித்தரும் தேடியந்திரம்.அதாவது ஒரு படத்தில் உள்ள காட்சிகள்,வசனங்கள்,ஆடை அலங்காரம் என எதை வேண்டுமானாலும் தேடலாம்!.

சில நேரங்களில் திரைப்பட ரசிகர்களுக்கு தாங்கள் பார்த்து ரசித்த அபிமான நட்சத்திரத்தின் படத்தில் குறிப்பிட்ட காட்சி குறித்த சந்தேகம் ஏற்படலாம்.நண்பர்களுடன் விவாதித்து கொண்டிருக்கும் போது ஒரு படத்தின் குறிப்பிட்ட வசனத்தை நினைவு கூர விரும்பலாம்.இது போன்ற நேரங்களில் எனி கிளிப்பில் அந்த விவரத்தை குறிப்பிட்டு தேடினால் சம்பந்தப்பட்ட காட்சியை அல்லது வசனத்தை வீடியோ கிளிப்பாக இது உன் வைக்கிற‌து.

இதே போல ஒரு படத்தின் எந்த இடத்திலும் எந்த விவர்த்தையும் தேடலாம்.சந்தேகம் நிவர்த்தியாக மட்டும் அல்ல ஏற்கனவே பார்த்து ரசித்த படத்தில் குறிப்பிட்ட காட்சியை மீண்டும் பார்த்து ரசிக்க விரும்பினாலும் இதனை பயன்படுத்தி கொள்ளலாம்.

காட்சிகள்,வசனங்கள்,பாடல்கள்,நாயகியின் ஆடை என எல்லாவற்றையும் தேடி அவற்றுக்கான வீடியோ கிளிப்பை பெறலாம்.அதற்கேற்ற வகையில் திரைப்படங்கள் தொடர்பான எல்லா விவரங்களையும் சேகரித்து பட்டியலிட்டுள்ளனர்.

இந்த கிளிப்களை நண்பர்களோடு பகிர்ந்து கொள்ளவும் செய்யலாம்.

தேடப்பட்ட கிளிப்கள் தற்போது பார்க்கப்பட்டு வரும் கிளிப்கள் போன்ற தலைப்புகளிலும் காட்சிகளை ரசிக்கலாம்.

ஹாலிவுட் படங்களுக்கான இந்த தேடியந்திரம் எத்தனை அற்புதமானது என்று சொல்ல வேண்டியதில்லை.

அதே நேரத்தில் இணையத்தை பொருத்த வரை கோலிவுட் எத்தனை பின் தங்கியிருக்கிறது என்பதையும் இந்த தளம் உணர்த்துகிறது.

கோலிவுட்டுக்கும் இதே போன்ற‌ தேடியந்திர‌ம் இருந்தால் ரஜினியின் பன்ச் டயலாகையோ சிவாஜியின் நடிப்பு கீற்றையோ ,எம்ஜிஆரின் பாடல் வ‌ரிகளையோ நொடிப்பொழுதில் தேடி ரசிக்கலாம்.

ஆனால் அதற்கு முதலில் நமது படங்களில் உள்ள சகல விதமான விவரங்க‌ளையும் தொகுத்து தேடக்கூடியவையாக மாற்ற வேண்டுமே!.

இணையதள முகவரி;http://www.anyclip.com/

mashroomdisplay1

நீங்களூம் ரீமிக்ஸ் செய்யலாம்.

பழைய பாடல்களை ரீமிக்ஸ் செய்வது நல்லதா?தேவையானதா? தெரியவில்லை.நல்ல பாடல்களை ரீமிக்ஸ் என்ற பெயரில் கொலை செய்து ரீம்க்ஸ் பெயரையே கோலிவுட் இசையமைப்பாளர்கள் கெடுத்து வைத்துள்ளனர்.

ஆனால் ரீமிக்ஸ் அழகான கலை வடிவமே.ரீமிக்ஸ் என்பது பதிவான பாடலுக்கான மாற்று வடிவம் என்கிறது ரீமிக்ஸ் பற்றிய விக்கிபீடியா கட்டுரை.ரீமமிக்ஸ் செய்யப்படுவதற்கு பல்வேறு காரணங்கள் இருப்பதாக சொல்லும் இந்த கட்டுரை இசை உலகில் மேக்னெடிக் டேப் மூலம் அறிமுகமான தொழில்நுட்பமே ரீமிக்ஸ் கலைக்கும் வாய்ப்பளித்ததாக தெரிவிக்கிறது.

இசையில் மட்டும் அல்ல கலையிலும் இலக்கியத்திலும் கூட ரீமிக்ஸ் இருப்பதாக இந்த கட்டுரை சொல்கிறது.

இவை ஒரு புறம் இருக்க இசையமைப்பாளர்கள் ரீமிக்ஸ் செய்வது என்பது வேறு ரசிகர்கள் ரீமிக்ஸ் செய்வது என்பது வேறு.ரீமிக்ஸ் மூலம் ரசிகர்களூக்கு தாங்கள் ரசிக்கும் பாடல்கள் மீது கூடுதல் உரிமை கிடைக்கிறது.

இந்த கருத்தில் உங்களூக்கும் உடன்பாடு இருந்து நீங்களும் ரீமிக்ஸ் செய்ய விரும்பினால் மாஷ்ரூம் தளம் அதற்கான வாய்ப்பை ஏற்படுத்தி தருகிறது.

மாஷ்ரூமில் இசைப்பிரியர்கள் தாங்கள் விரும்பும் எந்த பாடலையும் இஷ்டம் போல ரீமிக்ஸ் செய்யலாம்.

இதற்கு அவர்கள் செய்ய வேண்டியதெல்லாம் அந்த பாடலில் யூடியூப் கோப்பை பதிவேற்றுவது மட்டும் தான்.இதற்கும் கூட கஷடப்பட வேண்டாம்.பாடலில் யூடியூப் முகவரியை சமர்பித்தாலே போதும்.

அதன் பிறகு அந்த பாடலில் விரும்பிய ஒலிகளை சேர்த்து அவற்றின் அளவை ஏற்றி இறக்கி முற்றிலும் புதிய பாடலை உருவாக்கி கொள்ளலாம்.இப்பைட் ரீமிக்ஸ் செய்த பாடலை இந்த தளத்திலேயே கேட்டி ரசிப்பதோடு அதனை பேஸ்புக் டிவிட்டர் வழியே நண்பர்களோடும் பகிர்ந்து கொள்ளலாம்.

இணையதள முகவரி;http://mashroom.fm/
———
இசை தொடர்பான இன்னொரு சுவாரஸயமான சேவை ;http://cybersimman.wordpress.com/2012/04/02/songs-3/

பாட்டு கேட்டால் டிஷர்ட் தரும் இணையதளம்.

பாண்டேராவோ,லாஸ்ட்.எப் எம்மிலோ அல்லது ஸ்பாட்டிபையிலோ எதில் வேண்டுமானாலும் பாட்டு கேளுங்கள் அந்த தகவலை மட்டும் எங்களிடம் சொல்லுங்கள் உங்கள் அபிமான இசைக்குழுவின் ட் ஷர்ட்களை அனுப்பி வைக்கிறோம் என்று சொல்கிறது ஷர்டிபை இணையதளம்.

பாண்டோரா ,ஸ்பாட்டிபை போன்ற தளங்களை இணைய வானொலி என்றும் வர்ணிக்கலாம்.பாடல் பரிந்துரை தளங்கள் என்றும் சொல்லலாம்.பிடித்தமான மற்றும் புதிய பாடல்களை கேட்டு ரசிக்க உதவும் இந்த தளங்கள் இசை பிரியர்கள் மத்தியில் பிரபலமாக இருக்கின்றன.

ஷர்டிபை இசை பிரியர்களை மனதில் கொண்டு துவக்கப்பட்டுள்ள தளம் என்றாலும் இந்த தளங்களோடு எந்த விததிதிலும் போட்டி போடுவது அல்ல இதன் நோக்கம்.மாறாக ரசிகர்களுக்கு அவர்களின் அபிமான இசைக்குழுவின் சார்பில் டிஷர்ட்களை அனுப்பி வைக்கும் சேவையை மட்டுமே இந்த தளம் வழங்குகிறது.

அந்த வகையில் இசைக்குழுவிற்கும் ரசிகர்களுக்கும் இடையே பாலமாக விளங்குகிறது.

டிஷர்ட்கள் அபிமானத்தின் வெளிப்பாடாக அமையக்கூடியவை அல்லவா?நிறுனவங்கள் மற்றும் இசை குழுக்கள் போன்றவை நிதி திரட்டவும் விளம்பர்த்துக்காகவும் பிரத்யேக டி ஷர்ட்களை வெளியிடுவதுண்டு.இவை இலவசமாகவும் கிடைக்கும்.விற்கப்படுவதும் உண்டு.படம் மற்றும் வாசகம் பொறிக்கப்பட்ட இத்தகைய டி ஷர்ட்களை ரசிகர்களும் விரும்பி அணிந்து தங்கள் அபிமானத்தை வெளிப்படுத்துவதுண்டு.

டி ஷர்ட்களை வாங்குவதற்கோ பெறுவதற்கோ பலவிதமான வழிகள் இருக்கின்றன.அவற்றோடு இன்னொரு சுலபமான சுவாரஸ்யமான வழியாக ஷர்டிபை அறிமுகமாகியுள்ளது.

ரசிகர்கள் எந்த பாடகர் அல்லது இசைக்குழுவின் பாடல்களை அதிகம் கேட்டு ரசிக்கின்றனரோ அந்த பாடகர் அல்லது இசைக்குழுவின் டி ஷர்ட்டை இந்த தளம் அனுப்பி வைக்கிறது.இலவசமாக இல்லை.கட்டணம் செலுத்த வேண்டும்.மூன்றுவிதமான சந்தா திட்டங்கள் இருக்கின்றன.அவற்றில் விருப்பமானதை தேர்வு செய்து கொள்ள வேண்டும்.

அதன் பிறகு எந்த சேவையை பயன்படுத்து பாடல் கேட்கின்றனர் என்ப்தை குறிப்பிட்டால் அந்த சேவையில் கேட்கப்படும் பாடல்களை கவனித்து அதனடிப்படையில் பிடித்தமான பாடகர்களை அனுமானித்து டி ஷ்ர்ட்டை அனுப்பி வைக்கும்.டி ஷர்ட்டுக்கான தொகை சம்பந்தப்பட்ட இசைக்குழுவுக்கே நேரடியாக அனுப்பி வைத்து விடுவதாக இந்த தளம் சொல்கிறது.

இடைத்தர்கர்கள் இல்லாமல் நேரடியாக இசைக்குழுவுக்கு ஆதரவு தெரிவிக்க விரும்பினால் இந்த சேவையை நாடலாம்.

அமெரிக்க ரசிகர்களை மனதில் கொண்டு துவக்கப்பட்டுள்ள தளம் என்ற போதிலும் எப்படி எல்லாம் புதுசாக யோசித்து சேவைகளை உருவாக்குகின்றனர் என்ற வியப்பை ஏற்படுத்தும் தளம்.மிகப்பெரிய சேவை எல்லாம் கிடையாது.எளிமையான சேவை.ஆனால் இசைப்பிரியர்களுக்கு சுவாரஸ்யமானது.

இணையதள முகவரி;http://www.shirtify.fm/