Tag Archives: iphone

பெண் விஞ்ஞானிகள் புகழ் பரப்பும் விக்கி வீராங்கனை!

_88730047_keilana_portraitஇணையத்தில் புழங்குபவர்கள் எமிலி டெம்பிள் உட்டை அவசியம் அறிந்து கொள்ள வேண்டும். எமிலியை பற்றி தெரிந்து கொண்டால் அவர் மீது மதிப்பு உண்டாகும் என்பது மட்டும் அல்ல இணையம் மீதான நம்பிக்கையும் அதிகமாகும். அதைவிட முக்கியமாக இணையத்தின் இருண்ட பக்கமான டிரால்களின் தொல்லையை எதிர்கொள்வதற்கான ஊக்கமும் உண்டாகும்.

அமெரிக்க கல்லூரி மாணவியான எமிலி விக்கிபீடியாவின் முன்னணி பங்களிப்பாளராக இருக்கிறார். கூட்டு முயற்சியின் அடையாளமாக திகழும் விக்கிபீடியாவில் ஆயிரக்கணக்கான தன்னார்வ பங்களிப்பாளர்கள் இருந்தாலும், எமிலியின் பங்களிப்பை விஷேசமாக குறிப்பிட காரணம் இல்லாமல் இல்லை.

அவர் விக்கிபீடியாவின் பெருங்குறை ஒன்றை சரி செய்யும் வகையில் பங்களிப்பு செய்து வருகிறார். அதோடு இணையத்தின் பெருங்குறை ஒன்றை எதிர்கொள்ளும் வகையிலும் அந்த பங்களிப்பில் தீவிரம் காட்டி வருகிறார்.
இதை தான் விக்கிமீடியாவின் வலைப்பதிவு, எமிலி பகலில் உயிரியல் மாணவியாகவும்,இரவில் இணைய டிரால்களுடன் மல்லு கட்டுபவராகவும் இருக்கிறார் என குறிப்பிடுகிறது. டிரால்களுக்கு அவர் நல் தண்டனை வழங்கி வருவதாகவும் அந்த பதிவு பாராட்டுகிறது. அதாவது டிரால்கள் தொடுக்கும் ஒவ்வொரு ஆவேச தாக்குதலுக்கும் பதிலாக கோபமோ, வெறுப்போ கொள்ளாமல் ஒரு பெண் விஞ்ஞானிக்கான அறிமுக பக்கத்தை அவர் விக்கிபீடியாவில் உருவாக்கி வருகிறார்.

இது டிரால்களின் தாக்குதலை இலக்கு தவறிய அம்புகளாக மாற்றும் அதே நேரத்தில் அவரது ஆதார நோக்கத்தை மேலும் செழுமையாக்குகிறது.
எமிலி இதை எப்படி செய்கிறார் என பார்ப்போம்.

எமிலிக்கு இப்போது 21 வயதாகிறது. ஆனால் 12 வயதிலேயே அவர் விக்கிபீடியாவில் களமிறங்கிவிட்டார். 5 வயதிலேயே குழந்தைகள் கலைக்களஞ்சியத்தை கரைத்து குடித்திருந்தவருக்கு இதே ஆர்வத்தை உள்ளடக்கத்தை உருவாக்கும் திசையில் திருப்புவது இயல்பாக இருந்திருக்கிறது. தைவான் பாடகி ஏஞ்சலா சாங் பற்றிய முதல் கட்டுரையை உருவாக்கியவர் அதன் பிறகு நூற்றுக்கணக்கான கட்டுரைகளை சமர்பிப்பவராகவும், கட்டுரை தகவல்களை திருத்துபவராகவும் உருவானார்.

அவரது கட்டுரைகளில் பல குறிப்பிடத்தகவையாக இருந்தாலும், 2012 ல் அவர் துவங்கிய முயற்சி தான் இப்போது அவரைப்பற்றி பேச வைத்திருக்கிறது.

பெண் விஞ்ஞானிகளுக்கான அறிமுக பக்கங்களை கட்டுரையாக எழுதுவது தான் அவர் துவங்கிய விக்கி திட்டம்!
விக்கி நோக்கில் இது மிகவும் முக்கியமான முயற்சி. ஏனெனில் விக்கிபீடியா உள்ளடக்கத்திலும், செயல்பாட்டிலும் பெண்கள் தொடர்பாக இருக்கும் குறையை களையும் வகையில் இது அமைந்துள்ளது.

விக்கிபீடியா பங்களிப்பாளர்களில் பெண்களின் பிரதிநித்துவம் போதுமான அளவு இல்லை என்ற ஒரு கருத்து முன்வைக்கப்பட்டு கவலையுடன் விவாதிக்கப்படுவதை நீங்கள் அறிந்திருக்கலாம். அதே போலவே விக்கிபீடியா உள்ளடக்கத்திலும் பாலின இடைவெளி வெளிப்படையாகவே இருக்கிறது. விக்கிபீடியாவில் உள்ள வாழ்க்கை வரலாறுகளில் 15 சதவீதம் தான் பெண்கள் பற்றியதாக இருப்பதாக புள்ளிவிவரங்கள் தெரிவிக்கின்றன. அதிலும் பெண் விஞ்ஞானிகள் என்று எடுத்துக்கொண்டால் இது இன்னமும் குறைந்து போகும்.

எமிலி இந்த குறையை ராயல் சொசைட்டி ஆப் சயின்ஸ் அமைப்பின் பெண் விஞ்ஞானிகள் பற்றி விக்கிபீடியாவில் போதிய தகவல்கள் இல்லாததை கவனித்த போது உணர்ந்து கொண்டார். இந்த தகவல் அப்போது தனக்கு பெரும் ஆவேசத்தை தந்ததாக எமிலி கூறியிருக்கிறார். ராயல் சொசைட்டி என்பது விஞ்ஞானிகளின் புகழரங்கு போன்றது. அதில் இடம் பெற்ற பெண் விஞ்ஞானிகளுக்கே விக்கிபீடியாவில் இடமில்லை என்றால் எப்படி என கொதித்துப்போனவர் அந்த கணமே ( அதிகாலை 2 மணி) ஒரு பெண் விஞ்ஞானி பற்றிய அறிமுக கட்டுரையை எழுதி பதிவேற்றினார். அத்தோடு நின்று விடாமல் பெண் விஞ்ஞானிகள் பற்றிய கட்டுரைகளை தொடர்ந்து எழுதுவதற்காக என்றே ஒரு விக்கி திட்டத்தையும் துவக்கினார். இதன் ஒரு பகுதியாக பெண் விஞ்ஞானிகளை அணுகு அவர்கள் பங்களிப்பையும் கோரினார். அறிவியல் பயிலும் மாணவிகளையும் ஒன்று திரட்டி இந்த முயற்சியில் ஈடுபடுத்தி வருகிறார். இதன் பயனாக பெண் விஞ்ஞானிகள் பற்றிய 300 க்கும் மேற்பட்ட கட்டுரைகளை விக்கிபீடியா முகப்பு பக்கத்தில் கொண்டு வந்திருக்கிறார்.

_88736330_288விக்கிபீடியாவில் பெண் விஞ்ஞானிகள் பற்றி நூற்றுக்கணக்கான கட்டுரைகள் உருவாக்கி இருப்பது ஒரு சாதனை என்றால், அவர்களில் இன்னும் கவனிக்கப்படாத பிரிவினராக இருக்கும் கருப்பின பெண் விஞ்ஞானிகளையும் அடையாளப்படுத்தும் செயலில் எமிலி ஈடுபட்டு வருவது சாதாரண செயல் அல்ல என்கிறார் விக்கிமீடியா அமைப்பின் முன்னாள் ஊழியரான சிகோ பவுட்டர்சே.

இந்த செயலுக்காக எமிலி பாராட்டுக்கு மட்டும் இலக்காகவில்லை; அதைவிட அதிகமாக இணைய தாக்குதலுக்கு இலக்காகி வருகிறார். அவர் பெண் என்படாலும், பெண் விஞ்ஞானிகள் பற்றிய தகவல்களை தேடித்தேடி இடம்பெறச்செய்வதாலும் அதிருப்தி அடைந்த டிரால்கள் எனும் இணைய விஷமிகள் பலர் அவருக்கு இமெயில் மூலம் தொல்லை கொடுப்பதை வழக்கமாக கொண்டிருக்கின்றனர். அவரை ஆபாசமாக வர்ணிப்பது, டேட்டிங்கிற்கு அழைப்பது, அவதூறாக பேசுவது என பலவிதங்களில் தங்கல் துவேஷத்தை வெளிப்படுத்துகின்றனர்.

இப்படி இணைய தாக்குதலுக்கு பெண்கள் இலக்காவது தொடர்ந்து நடக்கத்தான் செய்கிறது. இதனால் மனம் உடைந்து போகிறவர்கள் இருக்கின்றனர். இணையமே வேண்டாம் என வெறுத்து ஒதுங்கியவர்களும் உண்டு. வரிந்து கட்டுக்கொண்டு பதிலடி கொடுப்பவர்களும் இல்லாமல் இல்லை.

ஆனால் எமிலி இந்த தாக்குதலை எதிர்கொண்ட விதம் கொஞ்சம் வித்தியசாமாக இருக்கிறது. ஒவ்வொரு முறை தாக்குதலுக்கு இலக்காகும் போதும் அவர், புதிதாக ஒரு பெண் விஞ்ஞானி பற்றிய அறிமுக கட்டுரையை எழுதுவது எனும் கொள்கையை கடைபிடித்து வருகிறார். ஆக, மனம் வருந்தச்செய்யும் மெயில் வரும் போதெல்லாம் அதனால் துவண்டு விடாமால் அதையே ஒரு உத்வேகமாக மாற்றிக்கொண்டு புதிய கட்டுரையை எமிலியும் அவரது சகாக்களும் எழுதி வருகின்றனர்.
இப்படி அடுத்தடுத்து எழுத வேண்டிய கட்டுரைகளுக்கு என்று அவர் ஒரு பெரிய பட்டியலே வைத்திருக்கிறார்.
இது போன்ற தாக்குதல்களை எதிர்கொள்ள தேவைப்படும் உணர்வு ரீதியான உழைப்பு அளவில்லாதது எனும் நிலையில், இத்தகைய தாக்குதல் ஒவ்வொன்றையும் தனது நோக்கத்தை மேலும் வலுவாக்கி கொள்ளும் வகையில் எமிலி செயல்படுவது துணிச்சலானது என்று பாராட்டுகிறார் பவுட்டர்சே. இது இணையத்தில் பெண்களை மவுனமாக்க முயல்பவர்களை தோல்வியடையச்செய்கிறது என்றும் அவர் புகழ்கிறார்.

எமிலியின் பங்களிப்பில் கவனிக்க வேண்டிய இன்னொரு விஷயம் அவரது விக்கி நிபுணத்துவம். விக்கிபீடியாவில் எந்த புது கட்டுரையையும் இடம்பெற வைக்கலாம் என்றாலும் அது விக்கி விதிகளுக்கு உட்பட்டிருக்க வேண்டும். இல்லை என்றால் நிராகரிக்கப்பட வேண்டும். அதிலும் வாழ்க்கை வரலாறு கட்டுரையை பதிவேற்ற வேண்டும் என்றால் அதற்கான தகுந்த முகாந்திரம் இருக்க வேண்டும். அதாவது வாழ்க்கை வரலாற்றுக்குறிய நபர் பற்றி ஏற்கனவே பரவலாக எழுதப்பட்டிருக்க வேண்டும். அந்த நபர் பற்றி ஆதார பூர்வமான கட்டுரைகள் வெளியாகி இருக்க வேண்டும்.

பெண் விஞ்ஞானிகள் வெளியே தெரியாமல் இருப்பது தான் பெருங்குறை எனும் போது அவர்களை பற்றிய கட்டுரைகள் விக்கிபீடியாவில் இடம்பெறாமல் போக இதுவே ஒரு காரணமாக இருக்கிறது. ஆனால் எமிலி விக்கிபீடியா நிபந்தனைகளை பூர்த்தி செய்யும் ஆதாரங்களை தேடிப்பிடித்து அதில் ஏற்கப்படும் நடையில் பெண் விஞ்ஞானிகளை அறிமுகம் செய்து வருகிறார்.

எமிலி பற்றிய விக்கிமீடியா வலைப்பதிவு குறிப்பு: https://blog.wikimedia.org/2016/03/08/alchemy-turning-harassment-into-women-scientists/

எமிலியின் பெண் விஞ்ஞானிகள் விக்கி திட்டம்: https://en.wikipedia.org/wiki/Wikipedia:WikiProject_Women_scientists

——-


இணைய குறிப்பேடு

papiewrஇணையத்தில் உலாவும் போது, காகிதமும் பேனாவும் கையில் இருந்தால் நல்லது தான். பயனுள்ள இணைதளங்கள் அல்லது பின்னர் பார்க்க நினைக்கும் இணைய சேவைகளை குறித்து வைத்துக்கொள்ள இது உதவலாம். அப்படியே இணைய உலாவுதலின் போது மனதில் மின்னலென தோன்றும் எண்ணங்களையும் உடன் எழுதி வைக்கலாம். காதிக குறிப்பேட்டை விட டிஜிட்டல் குறிப்பேடு இன்னும் நல்லது. இதற்கென தனியே இணைய சேவையை நாடாமல் நினைத்த நேரத்தில் குறித்து வைக்கும் வசதி இருப்பது மேலும் சிறந்தது – இப்படி நினைப்பவர்கள் குரோம் பிரவுசரில் நீட்டிப்பாக செயல்படும் கெட்பேப்பியர் சேவையை புக்மார்க் செய்து கொள்ளலாம்.

உடனடி குறிப்பேடாக செயல்படக்கூடியது என்பது இதன் சிறப்பு. இந்த சேவையை நீட்டிபாக நிறுவிக்கொண்ட பின், எப்போது குறிப்பேடு தேவையோ அப்போது புதிய டேப் ஒன்றை கிளிக் செய்து விட்டு அந்த பக்கத்தில் டைப் செய்யத்துவங்கிவிடலாம். டைப் செய்பவை தானாக சேமிக்கப்படும். இதற்கென தனியே கணக்கு துவங்க தேவையில்லை. இந்த குறிப்பேட்டை அச்சிட்டுக்கொள்ளலாம். இரவு வாசிப்புக்கு ஏற்ற அம்சமும் இருக்கிறது.

மேலும் விவரங்களுக்கு: https://getpapier.com/

———

செயலி புதிது; மரம் வளர்க்கும் செயலி
forest-app-trees
ஸ்மார்ட்போனை கையில் எடுத்தால் கீழே வைக்க முடியவில்லை என்று புலம்பும் அளவுக்கு அதற்கு பழகிவிட்டீர்களா? கவலையே வேண்டாம், ஸ்மார்ட்போன் மோகத்தில் இருந்து சற்றே விடுபட சுவாரஸ்யமான முறையில் வழி காட்டுகிறது பாரஸ்ட் ஆப் செயலி.

ஸ்மார்ட்போனில் கவனம் செலுத்தாமல் வேறு முக்கிய பணிகளில் ஈடுபட விரும்பும் போது இந்த செயலியை இயக்க வேண்டும். உடனே திரையில் ஒரு மரம் வளரத்துவங்கும். அடுத்த அரை மணி நேரத்திற்கு செயலி அப்படியே இயங்கி கொள்ள அனுமத்தீர்கள் என்றால் மரம் முழுவதும் வளரும். அது வரை நீங்களும் உங்கள் பணியில் மூழ்கி இருக்கலாம்.

மரத்தை வெட்டாமல் இருக்க வேண்டும் எனும் நல்லெண்ணத்தில் நீங்கள் போனில் கை வைக்காமல் இருக்க வேண்டும். மரம் வளர்ந்து நிற்பதை பார்க்கும் போது உற்சாகம் ஏற்படும் அல்லவா? அதற்காக பொறுமையாக இருக்கத்தோன்றும். வேலையையும் கவனிக்கலாம்.

போனில் இருந்து விடுதலை தேவை என நினைக்கும் போது இந்த செயலியை நாடலாம்.
ஸ்மார்ட் போன் மோகத்திற்கு கொஞ்சம் எளிமையான தீர்வு தான். ஆண்ட்ராய்டு, ஐபோனில் செயல்படுவதோடு, இணைய பிரவுசர்களிலும் செயல்படுகிறது.

பிரவுசரில் பயன்படுத்தும் போது, அரை மணி நேரத்திற்கு இணையதளங்களின் பக்கம் செல்லாமல் இருக்க வேண்டும். எந்த தளங்களை பிளாக் செய்ய வேண்டும் எனும் பட்டியலை பயனாளிகள் தீர்மானித்துக்கொள்ளலாம். சதா பேஸ்புக், டிவிட்டர் என இருப்பவர்களும் இதை முயன்று பார்ககலாம். கவனச்சிதற்ல்களுக்கான வாய்ப்பு இணையத்தில் அதிகம் இருக்கும் நிலையில், அவற்றில் இருந்து மீட்டுக்கொள்ள இந்த சேவை கைகொடுக்கும்.

மேலும் விவரங்களுக்கு: http://www.forestapp.cc/

—-

தளம் புதிது: உடனடி மொழிபெயர்ப்பு வசதி
tras
இணையத்தின் மூலம் கருத்துக்களை வெளியிடுவது மிகவும் எளிதாக இருக்கிறது. சில நேரங்களில் சொந்த மொழி தவிர பிற மொழிகளிலும் கருத்துக்களை வெளியிட இணையத்திலேயே மொழிபெயர்ப்பு வசதியும் இருக்கிறது. இப்படி பல மொழிகளில் மொழிபெயர்க்கும் வசதியை ஒரே இடத்தில் தொகுத்தளிக்கிறது டிரான்ஸ்லேட்டர் இணைதளம்.
எளிமையாக உள்ள இந்த தளத்தில் மேல் பக்கத்தில் மொழிபெயர்க்க விரும்ப்பும் வரிகளை டைப் செய்து விட்டு, கீழே உள்ள பட்டியலில் இருந்து மொழிபெயர்க்கப்பட வேண்டிய மொழியை தேர்வு செய்து கொள்ளலாம். அவ்வளவு தான் மொழிபெயர்ப்பு முடிந்தது. ஆனால் நீளமான பத்திகளுக்கு எல்லாம் பொருத்தமாக இருக்காது. சின்ன சின்ன வாசகங்கள் என்றால் சரியாக இருக்கும். ஒரே நேரத்தில் பல மொழிகளிலும் மாற்றிக்கொள்ளலாம். மிக எளிமையான சேவை; ஆனால் பயன்மிக்கது.
கூகுள் மொழிபெயர்ப்பு வசதியை அடிப்படையாக கொண்டு இந்த சேவை உருவாக்கப்பட்டுள்ளது.

இணையதள முகவரி: http://translatr.varunmalhotra.xyz/

——-

வீடியோ புதிது: புளுடோனியம் அறிவோம்
science-elements
புளுடோனியம் தான் உலகின் ஆபத்தான தனிமம் என்று கருதப்படுவது உங்களுக்குத்தெரியுமா? மற்ற தனிமங்கள் கண்டுபிடிக்கப்பட்டவை என்றால், புளுடோனியம் மனிதர்களால் உருவாக்கப்பட்டவை. கதிரியக்க செயல்பாடால் கண்டறியப்பட்டது என்பதால் அது ஆபத்தானது. அது கதிரியக்க தன்மை கொண்டது. புளுடோனியத்தை சாதாரண ஆய்வுக்கூடத்தில் வைத்திருக்க முடியாது.; அதற்கென வடிவமைக்கப்பட்ட ஆய்வுக்கூடத்தில் தான் வைக்க முடியும். புளுடோனியத்தை நேரில் பார்ப்பது சாத்தியமில்லை. புளுடோனியம் பற்றி இப்படி இன்னும் பல சுவாரஸ்யமான தகவல்களை வழங்குகிறது ரியல் புளுடோனியம் வீடியோ. ஆர்வத்தை தூண்டும் ஆவணப்பட பாணியில் அமைந்துள்ள இந்த வீடியோவை பார்த்து பல பயனுள்ள தகவல்களை தெரிந்து கொள்ளலாம். புளுடோனியம் பற்றி மட்டும் அல்ல, பீரியாடிக் டேபிள் எனப்படும் தனிப அட்டவனையில் உள்ள ஒவ்வொரு தனிமம் பற்றிய வீடியோக்களையும் இதன் பின்னே உள்ள யூடியூப் சேனலில் பார்க்கலம்;

வீடியோவைக்காண: https://www.youtube.com/watch?v=89UNPdNtOoE

நன்றி; தமிழ் இந்துவில் எழுதியது

பூகம்ப எச்சரிக்கை சேவைக்கு ஒரு செயலி!

cropped_MyShake3
ஸ்மார்ட்போன்கள் நமக்கு பழகிவிட்டன.அவை இன்றியமையாததாவும் ஆகிவிட்டன. ஆனால், அவற்றின் அருமையை நாம் முழுவதுமாக உணர்ந்திருக்கிறோமா என்று தெரியவில்லை.ஸ்மார்ட்போன்களின் சர்வசகஜமான தன்மை அவற்றால் சாத்தியமாகக்கூடிய அற்புதங்கள் பற்றிய நாம் வியப்பு கொள்வதை மழுங்கடித்துவிட்டது.
ஆனாலும் என்ன,உள்ளங்கையில் இருக்கும் ஸ்மார்ட்போன்களின் மகத்துவத்தை உணர்த்தக்கூடிய பயன்பாடுகளும்,செயலிகளும் அறிமுகமாகி கொண்டு தான் இருக்கின்றன.

இந்த வரிசையில் சமீபத்தில் அறிமுகமாகி இருக்கும் மைஷேக் செயலி, நம் கையில் இருக்கும் ஸ்மார்ட்போனை பூகம்பத்தை கண்டறிய உதவும் சாதனமாக மாற்றுக்கூடியதாக இருக்கிறது. ஆண்ட்ராய்டு போன்களுக்காக அறிமுகமாகியுள்ள இந்த செயலி ஸ்மார்ட்போன்களில் உள்ள சென்சார்களை கொண்டு பூகம்ப அதிர்வுகளை முன்கூட்டியே உணர்ந்து எச்சரிக்கை செய்யக்கூடிய சாத்தியத்தை கொண்டிருக்கிறது.ஆனால்,அதற்கு இந்த செயலி உலகம் முழுவதும் உள்ள கணிசமான எண்ணிக்கையிலான ஸ்மார்ட்போன்களில் பொருத்தப்பட்டிருக்க வேண்டும்.
ஊர் கூடி தேர் இழுப்பது போல மைஷேக் செயலி எண்ணற்ற ஸ்மார்ட்போன்களை இணைக்கும் மாபெரும் வலைப்பின்னலை உருவாக்கி பூகம்ப அதிர்வுகளை கண்டறிந்து எச்சரிக்கை செய்யக்கூடியதாக உருவாக்கப்பட்டுள்ளது.செயலி மூலம் இணைக்கப்ட்ட ஸ்மார்ட்போன்களின் எண்ணிக்கை தவிர, இந்த மகத்தான நோக்கத்தை நோக்கி முன்னேற அதிர்வுகளை பகுத்துணரும் மென்பொருள் ஆற்றலிலும் மேம்பாடு தேவைப்படுகிறது.எனினும் கோட்பாடு அளவில் பார்க்கும் போது எங்கும் நீக்கமற நிறைந்திருக்கும் ஸ்மார்ட்போன்களை கொண்டு செயல்திறன் மிக்க பூகம்ப எச்சரிக்கை வசதியை உருவாக்கும் நம்பிக்கையை மைஷேக் செயலி கொண்டுள்ளது.

ஸ்மார்ட்போனில் ஜிபிஎஸ் மற்றும் சென்சார் வசதியை பூகம்ப கண்டறிதலுக்காக பயன்படுத்தும் முயற்சி சில ஆண்டுகளாகவே மேற்கொள்ளப்பட்டு வருகிறது. இதில் விரைவில் பெரும் பாய்ச்சல் நிகழக்கூடும் என்பதற்கான அறிகுறியாக அமெரிக்காவின் கலிபோர்னியாவில் உள்ள பெர்கிலி பூகமப் ஆய்வு மையம் மைஷேக் செயலியை உருவாக்கி இருக்கிறது. ஆண்ட்ராய்டு போனுக்கான இதன் முன்னோட்ட வடிவம் சமீத்தில் அறிமுகமானது.
ஸ்மார்ட்போன்களில் இருக்கும்,ஆக்சலரோமீட்டர் எனும் அசைவை உணரும் சென்சார்களை தான் இந்த செயலி மையமாக கொண்டிருக்கிறது.

பூமியின் மேற்பரப்பில் புதைக்கப்படும் சென்சார்கள் எப்படி, பூகம்பத்திற்கு முந்தைய அதிர்வுகள் உண்டாகும் போது அவற்றை உணர்கின்றனவோ அதே போலவே ஸ்மார்ட்போன் சென்சார்களாலும் பூகம்ப அதிர்வை உணர முடியும் என்பது தான் இந்த செயலியை இயக்கும் எண்ணம்.

ஸ்மார்ட்போன்களால் பூமி அதிர்வுகளை உணர முடியும் என்பதை புரிந்து கொள்ள முடிந்தாலும், சாதாரணமாக போனை அசைப்பது,இடம் மாற்றி வைக்கும் போதும் இதே உணர்வு ஏற்படும் தானே என்று சந்தேகம் எழலாம்.உண்மை தான். ஆனால் இந்த செயலி,வழக்கமான ஸ்மார்போன் நகர்த்தல் அல்லது அசைவுகளுக்கும் ,பூகம்ப அதிர்வுக்கும் இடையிலான வேறுபாட்டை கிரகித்துக்கொள்ளக்கூடிய ஆற்றலோடு வடிமைக்கப்பட்டுள்ளது. அதற்கான விஷேச அல்கோரிதம் அதன் மூளையாக செயல்படுகிறது.

சோதனைகளில் இந்த செயலி சாதாரண நகர்த்தலுக்கு மத்தியில் ,பூகம்ப அதிர்வு ஒலிப்பதிவுகளை சரியாக கண்டுபிடித்திருக்கிறது.

நடைமுறையில் இது எப்படி செயல்படும் என்றால், குறிப்பிட்ட இடத்தில் அதிவு உணரப்பட்டவுடன் இந்த செயலி அந்த தகவலை, இருப்பிடம் மற்றும் அளவு பற்றிய விவரங்களுடன் மைய சர்வருக்கு அனுப்பி வைக்கும். இதே போன்ற அதிர்வுகள் அருகாமையில் உள்ள ஸ்மார்ட்போன்களில் இருந்தும் வருமாயின் அவற்றை ஆய்வு செய்து பூகம்ப எச்சரிக்கை தகவலை அனுப்பி வைக்கிறது. பூகம்பத்தின் மையப்பகுதியில் இருந்து அதன் பாதிப்பு எல்லைக்குள் இருப்பவர்களுக்கு இந்த எச்சரிக்கை அனுப்பப்படும்.
handphonemapupdatesm
ஆக,பூகம்பம் தாக்க உள்ள தருணங்களில் இந்த செயலி அது பற்றி சில நொடிகளுக்கு முன் எச்சரிக்கை செய்யக்கூடியதாக இருக்கும்.

இந்த செயலி முதலில் ஆயிரக்கணக்கானோரால் பதவிற்க்கப்பட்டு, ஓரிரு பூகம்ப அதிர்வுகள் பதிவு செய்யப்பட்டு பரிசோதிக்கப்பட்டால் இந்த அமைப்பில் உள்ள எல்லா அம்சங்களும் சரியாக செயல்படுவதை உறுதி செய்து கொள்ள முடியும் என்று ,பெர்கிலி பூகம்ப ஆய்வு மையத்தின் இயக்குனரான ரிச்சர்டு ஆலன் நம்பிக்கை தெரிவித்துள்ளார்.

உலகம் முழுவதும் விரியக்கூடிய அடர்த்தியான பூகம்ப அதிர்வு உணர் வலைப்பின்னலாக இது உருவாகும் என்றும் அவர் கூறியுள்ளார்.

இந்த செயலி மூலம் திரட்டப்படும் தகவல்கள் பூகம்பம் பற்றிய புரிதலை மேம்படுத்துவதுடன், உரிய நேரத்தில் முன்கூட்டியே பூகம்ப எச்சரிக்கைகளை அளித்து பாதிப்பை குறைப்பதையும் சாத்தியமாக்கும் என்கிறார் ஆலன்.
பொதுவாக பூகம்ப நிகவுகளின் போது சில நொடிகள் என்பதே உயிர் பிழைப்பதற்கும், பலியாவதற்கும் போதுமான அவகாசமாக இருக்கிறது. மேலும் பெரும்பாலும் பூகம்ப பாதிப்பை விட இடிபாடுகளில் சிக்கிக்கொள்வதாலேயே அதிக உயிரிழப்பு ஏற்படுகிறது. முன்கூட்டியே எச்சரிக்கை பெறுவதன் மூலம் இந்த பொன்னான அவகாசத்தை பெற்று உரிய தற்காப்பு நடவடிக்கைகளை மேற்கொள்ளலாம்.

உதாரணமாக, இயக்கத்தில் இருக்கும் மெட்ரோ ரெயில்களை அதிர்வை உணர்ந்தவுடன் தானாக நிற்கச்செய்யலாம்.அதே போல அடுக்கு மாடி கட்டிடங்களில் லிப்ட்கள் நடுவழியில் அல்லாமல், தளத்தின் மேல் அல்லது கீழே உள்ள வாயிலுக்கு அருகே வந்து நிற்கச்செய்யலாம்.

ஏற்கனவே கலிபோர்னியா போன்ற பகுதிகளில் பொருத்தப்பட்ட பூமிக்கு அடியிலான சென்சார்கள் வலைப்பின்னல் திரட்டும் தகவல்களுடன் ஒருங்கிணைக்கும் வகையில் இந்த செயலி செயல்படும் என்கிறார் ஆலன்.
சென்சார்களை எல்லா இடங்களிலும் பொருத்துவது சாத்தியமில்லை,ஆனால் எல்லா இடங்களிலும் ஸ்மார்ட்போன் இருப்பதால் இந்த செயலி சிறந்த முறையில் பூகம்பத்தை உணரக்கூடிய ஆற்றலை அளிக்கும் என்கிறார் அவர்.
அதிலும் குறிப்பாக நேபாளம் போன்ற நாடுகளில் இது பேரூதவியாக இருக்கும் என்கிறார். கடந்த ஆண்டு பூகம்பத்தால் பாதிப்புக்குள்ளான நேபாளத்தில் 6 மில்லியன் போன்கள் இருக்கின்றன.தலைநகர் காட்மாண்டுவில் மட்டும் 6 லட்சம் ஸ்மார்ட்போன்கள் உள்ளன. இவை போதுமானவை என்கிறார்.

ஆனால் இதற்கு இந்த செயலி போதுமான அளவில் ஸ்மார்ட்போனில் இயங்கும் நிலை வரவேண்டும்.68 சதுர கிமீ பரப்பில் 300 ஸ்மார்ட்போன்களிலாவது செயலி இயங்கினால் தான் செயல்திறன் இருக்கும். உலகில் உள்ள பெரும்பாலான போன்களில் இந்த செயலி பொருத்தப்படும் நிலை வரவேண்டும் என ஆலன் மற்றும் அவரது சகாக்கள் விரும்புகின்றனர். அதற்கேற்ப, இந்த செயலி பயனாளிகளின் போனில் அதிக ஆற்றலை எடுத்துக்கொள்ளாத வகையில் உருவாக்கப்பட்டுள்ளது.பூகம்பம் தொடர்பான தகவல்களையும் இதன் மூலம் பயனாளிகள் பெறலாம்.

மைஷேக் செயலிக்கான இணையதளம்:http://myshake.berkeley.edu/

——-
நன்றி; தமிழ் இந்துவில் எழுதியது

wa1

தண்ணீர் குடிக்க மறக்கிறீர்களா? நினைவூட்ட ஒரு செயலி

தினமும் போதுமான அளவு தண்ணீர் குடிக்க வேண்டும் என்பது எல்லோருக்கும் தெரிந்தது தான். ஆனால் நாம் தேவையான அளவு தண்ணீர் குடிப்பதை உறுதி செய்து கொள்வது எப்படி? வேலை பளு, மறதி என பல காரணங்களினால் உடலுக்கு தேவையான அளவு தண்ணீர் குடிக்காமல் இருக்கும் நிலையை எப்படி தவிர்ப்பது?
இந்த கேள்வி உங்கள் மனதிலும் இருந்தால் அதற்கான பதில் அழகான செயலி வடிவில் இருக்கிறது தெரியுமா?
ஆம்,மறக்காமல் தண்ணீர் குடிக்க நினைவூட்டுவதற்காக என்றே வாட்டர் யுவர் பாடி செயலி உருவாக்கப்பட்டுள்ளது.ஆண்ட்ராய்டு மற்றும் ஐபோனில் செயல்படு இந்த செயலி நீங்கள் எப்போதெல்லாம் தண்ணீர் குடிக்க வேண்டும் என்பதை நினைவூட்டுக்கிறது.

இதை கச்சிதமாக செய்ய முதலில் இந்த செயலியில் உங்கள் உடல் எடையை சமர்பிக்க வேண்டும். அதனடைப்படையில் உங்களுக்கு தேவையான தண்ணீர் அளவை தீர்மானித்துக்கொள்கிறது.
அடுத்ததாக செயலியில் உள்ள தண்ணீர் பாட்டில் மற்றும் கிளாஸ்களின் அளவை தேர்வு செய்ய வேண்டும். இந்த அளவை கொண்டு நீங்கள் ஒவ்வொரு வேளையும் பருக வேண்டிய தண்ணீரின் அளவை செயலி புரிந்து கொண்டு, அதற்கான நேரம் வந்ததும் சரியாக நினைவூட்டும். செயலியில் தோன்றும் கிளாஸ் அளவு பொருத்தமாக இல்லை என்றால், உங்களிடம் உள்ள கிளாஸ் அளவை குறிப்பிடுவதற்கான வசதியும் இருக்கிறது. கிளாஸ் அளவை மட்டும் அல்லாமல், எப்போது தண்ணீர் குடிக்க துவங்குகிறீர்கள் , நாள் முழுவதும் எச்சரிக்கை செய்யப்பட வேண்டுமா? போன்ற விவரங்களையும் நாமே செட் செய்து கொள்ளலாம்.

காலையில் 10 மணிக்கு முதல் கிளாஸ் தண்ணீர் குடித்தீர்கள் என்று வைத்துக்கொள்வோம் அதன் பிறகு உங்களுக்கு நினைவு இருக்கிறதோ இல்லையோ இந்த செயலி அடுத்ததாக எப்போது தண்ணீர் குடிக்க வேண்டும் என நினைவூட்டும்.
கோடை காலம் என்றால் அடிக்கடி தாகம் எடுத்துக்கொண்டே இருக்கும் என்பதால் தண்ணீர் குடிக்க மறக்க மாட்டோம். ஆனால் மற்ற காலங்களில் தேவையான அளவு தண்ணீர் குடிக்காமல் இருக்கும் வாய்ப்பு இருக்கிறது.
ஆனால் இந்த செயலியை ஸ்மார்ட்போனில் வைத்திருந்தால் அது உற்ற நண்பன் போல சரியான நேரங்களில் நினைவூட்டிக்கொண்டே இருக்கும்.

தண்ணீர் குடிப்பது இயல்பான தேவையாக இருந்தாலும் தினமும் போதுமான அளவு தண்ணீர் குடிப்பது என்பது ஒரு பிரச்சனையாகவே இருக்கிறது. சீரான அளவு தண்ணீர் குடிப்பது உடல் ஆரோக்கியத்திற்கு அவசியம் என மருத்துவர்கள் வலியுறுத்தும் நிலையில் இதற்காக என்றே ஒரு செயலி இருப்பது நல்ல விஷயம் தான். தண்ணீர் குடிப்பதை மறக்காமல் இருக்க உதவுவதோடு அதை கொஞ்சம் சுவாரஸ்யமானதாகவும் ஆக்குகிறது இந்த செயலி. சும்மா இல்லை, தண்ணீர் அளவு பற்றிய விவரங்களை வரைபட அறிக்கையாக தந்து அசத்துகிறது. எனவே பிடன்ஸ் செயலிகள் பட்டியலில் இந்த செயலியையும் சேர்த்துக்கொள்ளலாம்.

ஆண்ட்ராய்டில் தரவிறக்கம் செய்ய: https://play.google.com/store/apps/details?id=com.northpark.drinkwater&hl=en

——-

பாஸ்வேர்டு பொன்விதி மீறல்கள்

பாஸ்வேர்டு பாதுகாப்பில் போதிய விழிப்புணர்வு இல்லை என்பதையே பாஸ்வேர்டு பயன்பாடு தொடர்பான ஆய்வுகள் தொடர்ந்து நிருபித்து வருகின்றன. இதற்கு லேட்ட்ஸ்ட் உதாரணம் பிரிட்டன் மற்றும் அமெரிக்காவில் டெலி சைன் எனும் மொபைல் சேவை நிறுவனம் நடத்தியுள்ள ஆய்வு.
இணைவாசிகளில் ஐந்தில் ஒருவர் பாஸ்வேர்டு பொன்விதியை மீறி வருவதாக இந்த ஆய்வு தெரிவிக்கிறது. அதாவது இவர்கள் பத்தாண்டுகளுக்கும் மேலாக தங்கள் பாஸ்வேர்டை மாற்றாமல் இருக்கின்றனர். பாஸ்வேர்டு தாக்குதலுக்கு இலக்காகாமல் இருக்க அவற்றை அடிக்கடி மாற்றிக்கொண்டிருக்க வேண்டும் என்கின்றனர். இது தான் பாஸ்வேர்டு பயன்பாட்டின் பொன்விதியாக கருதப்படுகிறது. அடிக்கடி மாற்றாமல் இருந்தால் கூட பரவாயில்லை ஆண்டுக்கணக்கில் ஒரே பாஸ்வேர்டை பயன்படுத்துவது என்பது, தாக்காளர்களின் பணியை எளிதாக்குவதாகும்.
47 சதவீதம் பேர் கடந்த ஐந்து ஆண்டுகளில் ஒரு பாஸ்வேர்டையேனும் தொடர்ந்து பயன்படுத்தி வருவதாகவும் இந்த ஆய்வு தெரிவிக்கிறது. அது மட்டுமா, 73 சதவீத இணைய கணக்குகள் அவற்றுக்கென் பிரத்யேக பாஸ்வேர்டு இல்லாமல் பயன்படுத்தப்படுவதாகவும் ஆய்வில் தெரிய வந்துள்ளது. அதாவது ஒரு இணைய கணக்கிற்கு பயன்படுத்தும் பாஸ்வேர்டு இன்னொரு இணைய கணக்கை இயக்கவும் பயன்படுத்தும் நிலை பரவலாக இருக்கிறது.
இதற்கு உதாரணம் வேண்டும் என்றால் இமெயிலுக்கான பாஸ்வேர்டையே இன்ஸ்டாகிராம் சேவைக்கோ அல்லது வேறு சேவைகளுக்கோ பயன்படுத்துவது. ஒரே பாஸ்வேர்டை பயன்படுத்துவது எளிதாக இருக்கலாம், ஆனால் தப்பித்தவறி அந்த பாஸ்வேர்டு களவாடப்பட்டால், அந்த ஒரு இணைய சேவை மட்டும் அல்லாமல் அது பயன்படுத்தப்பட்ட அனைத்து இணைய சேவைகளுக்கான கதவுகளும் தாக்காளர்களுக்கு திறக்கப்பட்டு விடும். எனவே தான் கட்டாயம் ஒவ்வொரு சேவைக்கும் தனித்தனி பாஸ்வேர்டு தேவை என்கின்றனர். ஆனால் இதன் முக்கியத்துவமும் பரவலாக அறியப்படாமல் இருப்பதையும் இந்த ஆய்வு உணர்த்துகிறது.
ஆக முதலில் பாஸ்வேர்டு விழிப்புணர்வு தேவை!


தளம் புதிது; கோப்பு மாற்றும் பூனை!

இணைய பயன்பாட்டில் கோப்புகளை மாற்றும் தேவை அடிக்கடி ஏற்படலாம்.புகைப்பட கோப்போ அல்லது வரி வடிவ கோப்பையோ ஒரு வடிவில் இருந்து இன்னொரு முறைக்கு மாற்றிக்கொள்ள வேண்டிய நிர்பந்தம் பலகாரணங்களில் பல சூழல்களில் ஏற்படலாம். இது போன்ற நிலையில் கைகொடுக்கும் கோப்பு மாற்று சேவைகளும் இல்லாமல் இல்லை. இந்த சேவைகள் வரிசையில் கன்வெர்ட்கேட் இணையதளத்தையும் சேர்த்துக்கொள்ளலாம்.
இந்த இணையதளம் குறிப்பிட்ட வடிவிலான கோப்புகளை எச்.டி.எம்.எல், எக்.எம்.எல், பிடிஎப் ,பிஎம்பி, ஜேபெக், ஜிஃப் என நீங்கள் விரும்பும் வடிவில் மாற்றித்தருகிறது. இதற்காக செய்ய வேண்டியதெல்லாம் மாற்ற விரும்பும் கோப்பை பதிவேற்றி விட்டு, மாற்ற விரும்பும் கோப்பை வடிவை தேர்வு செய்து கொள்வது மட்டும் தான்.
வரி வடிவ கோப்பி, வீடியோ ,புகைப்படம் என எந்த வடிவ கோப்பை மாற்றவும் இதை பயன்படுத்தலாம்.
இணையதள முகவரி: http://convertcat.com/

———-
செயலி புதிது; பிக் ஸ்டிச்

புகைப்படங்களை அழகிய புகைப்பட தொகுப்பாக்க ( கொலேஜ்) வழி செய்கிறது பிக் ஸ்டிச் செயலி. ஐபோன் மற்றும் ஆண்ட்ராய்டு போன்களில் செயல்படும் இந்த செயலி மூலம் பல புகைபப்டங்களை ஒன்றாக தைத்து தொகுப்பாக்கலாம். இதற்கான வடிவமைப்பும் ,டெம்ப்லேட்டும் கொடுக்கப்பட்டுள்ளது. விரும்பியதை தேர்வு செய்து கொள்ளலாம். டெஸ்க்டாப், பேஸ்புக் என எதிலிருந்தும் படங்களை எடுத்து தொகுக்கலாம். ஸ்மார்ட்போனில் புதிதாக எடுக்கும் புகைப்படங்களையும் பயன்படுத்தலாம்.
இந்த தொகுப்பை எளிதாக் எடிட் செய்யலாம். அப்பயே சமூக வலைப்பரப்பில் பகிரவும் செய்யலாம்.
ஆண்ட்ராய்டில் தரவிறக்க: https://play.google.com/store/apps/details?id=com.bigblueclip.picstitch&hl=en



பிரவுசர் குறுக்கு வழிகள்

இணையத்தில் உலாவும் போது கைகொடுக்கும் கீபோர்ட் ஷார்ட்கட் எனப்படும் குறுக்கு வழிகள் பல இருப்பதை நீங்கள் அறிந்திருக்கலாம். இதே பிரவுசர் பயன்பாடு தொடர்பான சில எளிய வழிகள்.
CTRL F; இணைய பக்கத்தில் உள்ள குறிப்பிட்ட சொல்லுக்கான அர்த்த்தை தேட தனி தேடபெட்டி வசதி.
CTRL D ; இணைய பக்கத்தை புக்மார்க் செய்ய்.
CTRL P; செலக்ட் செய்தவற்றை அச்சிட.
CTRL W: ஜன்னலை (விண்டோ) மூட
CTRL +: சிறியதாக்க ( ஜும் இன் )
CTRL – :பெரியதாக்க (ஜிம் அவுட் )
Alt Home:ஹோம்பேஜுக்கு திரும்ப.
F5: பார்த்துக்கொண்டிருக்கும் பக்கத்தை புதுப்பிக்க
CTRL T:புதிய இணைய பக்கத்திற்கான டேப்

கேள்வி பதில் நேரம்

கேள்வி பதில் சேவை என்றால் ரெட்டிட் தளத்தின் ஏ.எம்.ஏ (AMA) சேவை தான் பலருக்கும் நினைவுக்கு வரும். இணையத்தின் முகப்பு பக்கம் என வர்ணிக்கப்படும் ரெட்டிட் தளத்தின் பின்னே இருக்கும் இணைய சமூகத்தின் முன் ஆஜராக அவர்கள் கேட்கும் எந்த கேள்விக்கும் பதில் அளிக்க இந்த கேள்வி பதில் வசதி வழி செய்கிறது. பல பரபலங்கள் இப்படி ரெட்டிட் சமூகம் முன் ஆஜராகி பதில் அளித்திருக்கின்றனர். இவ்வளவு ஏன் அமெரிக்க அதிபர் கூட இதில் பங்கேற்றுள்ளார்.
இப்போது டம்பளர் வலைப்பதிவு சேவையிலும் இதே போன்ற கேள்வி பதில் வசதி அறிமுகமாகியிருக்கிறது. டம்ப்ளர் சமூக வலைப்பின்னல் அம்சங்களை கொண்ட வலைப்பதிவு சேவையாக இருக்கிறது. இதன் பின்னும் வலுவான ஒரு இணைய சமூகம் இருக்கிறது.
இந்த சமூகத்தை பயன்படுத்திக்கொள்ளும் வகையில் பதில் நேரம் ( ஆன்சர் டைம் ) எனும் வசதி அறிமுகம் செய்யப்பட்டுள்ளது. இசைக்கலைஞர்கள், அரசியல் தலைவர்கள், இணைய பிரபலங்கள் ஆகியோர் இந்த சேவை மூலம் ஆஜராகி பயனாளிகளின் கேள்விகளுக்கு பதில் அளிக்கலாம். இணையவாசிகளுடன் நேரடியாக தொடர்பு கொள்வதற்கான அருமையான வழியாக இது இருக்கும் என கருதப்படுகிறது.
இந்த வசதிக்கான பகுதி ”கேளுங்கள்’ எனும் கோரிக்கையுடன் அருமையான அமைந்துள்ளது.

இணைய முகவரி: https://play.google.com/store/apps/details?id=com.bigblueclip.picstitch&hl=en

———–

ikea1

ஸ்மார்ட்போனை சார்ஜ் செய்யும் மேஜை, நாற்காலிகள்

ஸ்மார்ட்போனில் சார்ஜ் தீர்ந்து போவதும், அந்த நேரத்தில் சார்ஜர் தேடி அலைவதோ அல்லது சார்ஜரை பொருத்த மின்சார வசதியை தேடி அலைவதோ பரவலாக எல்லோருக்கும் ஏற்படும் அனுபவம் தான். ஆனால் வருங்காலத்தில் இந்த பிரச்சனை அநேகமாக இல்லாமல் போய்விடும் வாய்ப்பு இருக்கிறது. எப்போது போனில் சார்ஜ் இல்லாமல் போனாலும் இருந்த இடத்திலேயே சார்ஜ செய்து கொண்டு விடலாம். இதற்கு சார்ஜரே தேவை இருக்காது. அதெப்படி என்று ஆர்வத்தோடு கேட்டீர்கள் என்றால் எல்லாம் வயர்லெஸ் செய்யும் மாயம் என்று தான் சொல்ல வேண்டும்.

ஆம், ஸ்மார்ட்போன் உள்ளிட்ட சாதனங்களை வயர்லெஸ் மூலம் சார்ஜ் செய்து கொள்ளும் முறை தற்போது மெல்ல பிரபலமாகி கொண்டு வருகிறது. இதன் அடையாளமாக ஸ்பைனின் பார்சிலோனாவில் நடைபெற்று வரும் மொபைல் வேர்ல்ட் காங்கிரஸ் எனும் கேட்ஜெட் கண்காட்சியில், ஸ்மார்ட்போன் உள்ளிட்ட சாதனங்களை சார்ஜ் செய்ய வழி செய்யும் மேஜை, நாற்காலி மற்றும் மின்விளக்கு ஆகியவை அறிமுகம் ஆகியிருக்கிறது. பர்னீச்சர்கள் உலகில் புகழ்பெற்ற ஸ்வீடன் நிறுவனமான ஐகியா இந்த மேஜை நாற்காலிகளை அறிமுகம் செய்திருக்கிறது.
இந்த நவீன பர்னீச்சர்கள் ஒவ்வொன்றிலும் வயர்லெஸ் சார்ஜிங் பேட் இணைக்கப்பட்டிருக்கும். அவற்றின் மீது போனை வைத்தால் போதும் வயர்லெஸ் உயிர்பெற்று போன் சார்ஜாகத்துவங்கிவிடும். தனியே கேபிள்களை பயன்படுத்தும் அவசியம் எல்லாம் கிடையாது.

மேஜை, நாற்காலி என்றால் அவற்றுடன் மின்சார் கேபிளை இணைக்க வேண்டும். மின் விளக்கு என்றால் அந்த தேவையும் இல்லை.
ikea_3214675b
இவை தவிர தனியே சார்ஜிங் பேடையும் ஐகியா அறிமுகம் செய்திருக்கிறது. அவற்றை சுவற்றிலோ அல்லது வேறு எந்த பரப்பிலோ பொருத்தி , வயர்லெஸ் மூலம் சார்ஜ் செய்து கொள்ளலாம்.
வயர்லெஸ் மூலம் சார்ஜிங் செய்யும் வசதி நவீன வாழ்க்கைக்கு மிகப்பெரிய வரப்பிரசாதமாக அமையும் என்றாலும் இதை சாத்தியமாக்கும் தொழில்நுட்பம் நூற்றாண்டு பழைமையானது என்பது தான் சுவாரஸ்யமான விஷயம்.
வயர்லெஸ் சார்ஜிங் முறை மேக்னட்டிக் இண்டக்‌ஷன் எனும் முறையில் செயல்படுகிறது. இந்த வகை வயர்லெஸ் சாதனத்தில் டிரான்ஸ்மிட்டர் மற்றும் ரிசிவர் என இரண்டு பகுதிகள் இருக்கும். டிரான்ஸ்மிட்டரில் பாயும் மின்சாரம் காந்த மண்டலைத்தை உருவாக்கும். இதன் மூலம் ரிசிவரில் வோல்டேஜ் உண்டாகும். இந்த மின்சாரம் தான் சாதனங்களை சார்ஜ் செய்ய கைகொடுக்கிறது.

வயர்லெஸ் சாரிஜிங் முறையில் கேபிலுக்கே வேலை கிடையாது.
நவீன சாதனங்களில் அடிக்கடி சார்ஜ் தீர்ந்து போகும் பிரச்சனைக்கு தீர்வு காண பலவகையான பேக்கப் வழிகள் உருவாக்கப்பட்டு வரும் நிலையில் வயர்லெஸ் சார்ஜிங் இதற்கான சரியான தீர்வாக அமையும் என கருதப்படுகிறது.

ஆனால் ஒன்று இந்த வகையில் சார்ஜிங் செய்து கொள்ள ஸ்மார்ட்போனில் அதற்கு ஏற்ற வசதி இருக்க வேண்டும். புதிய போன்கள் எல்லாம் இந்த அம்சத்துடன் தான் வருகின்றன. பார்சிலோனா கண்காட்சியில் அறிமுகமாகும் சாம்சங் ஸ்மார்ட்போன் உள்ளிட்ட புதிய போன்களில் இந்த வசதி இருக்கிறது.
பழைய போனாக இருந்தாலும் கவலையில்லை, பொருத்தமான சார்ஜிங் கேஸ் மூலம் வயர்லெஸ் சார்ஜிங் வசதியை பயன்படுத்தலாம்.

வயர்லெஸ் சார்ஜிங் பேட்களும் தனியே சந்தையில் இருக்கும் நிலையில் ஐகியா இதை பர்னீச்சர்களுடன் இணைத்து வீட்டிற்குள் கொண்டு வந்துள்ளது.

முதல் கட்டமாக, அமெரிக்கா மற்றும் ஐரோப்பிய சந்தைகளில் இந்த வயர்லெஸ் சாதங்கள் அறிமுகமாகி பின்னர் மற்ற நாடுகளுக்கு வர உள்ளது. அநேகமாக மற்ற நிறுவனங்களும் இந்த பாதையை பின்பற்றலாம்.
இவை தவிர ஸ்டார்பக்ஸ் மற்றும் மெக்டோனால்ட்ஸ் போன்ற நிறுவனங்களும் வயலெஸ் சார்ஜிங் வசதியை தங்கள் மையங்களில் அமைத்து வருகின்றன. வருங்காலத்தில் மேலும் பல பொதுஇடங்களில் வயர்லெஸ் சார்ஜிங் மையங்கள் உருவாகலாம்.

ஆகையால் போனில் சார்ஜ் தீரும் பிரச்சனையை மறந்தே போகலாம்.,
ஆனால் இதில் உள்ள ஒரே சிக்கல் என்ன என்றால், இப்படி வயலெஸ் மூலம் சார்ஜ் செய்யும் வசதியை வழங்க மூன்று வகையான முறைகள் பின்பற்றப்பட்டு வருகின்றன. மூன்று அமைப்புகள் இவற்றை உருவாக்கி பிரபலமாக்கி வருகின்றன. இவற்றில் கியூஐ எனும் முறையை தான் ஐகியா பின்பற்றுகிறது. வயலெஸ் பவர் கன்சார்டியம் அமைப்பு இதன் பின்னே இருக்கிறது. சாம்சங் போன்றவை இதில் உறுப்பினர்கள்.

இந்த மூன்று அமைப்புகளும் வயர்லெஸ் சார்ஜ் வசதிக்கான பொது வரையறையை உருவாக்க வேண்டும் என வலியுறுத்தப்படுகிறது. இல்லை என்றால் ஒரு முறையில் செயல்படும் சார்ஜிங் இன்னொரு முறையில் செயல்படாமல் போகும்.

———

விகடன்.காமில் எழுதியது