Tag Archives: music

பேஸ்புக்கில் பாடல் வரிகளை பகிர …

‘பனியில்லாத மார்கழியா…’ என்பது போல பாடல் வரியை பகிர்ந்து கொள்ளாதவர் எல்லாம் ஒரு பேஸ்புக் பயனாளியா என்று கேட்கிறது மியூசிக்கோ இணையதளம்.

லிரிக்ஸ் ஸ்டேடஸ் இணைய சேவைக்கான அறிமுகத்தில் தான் இந்த தளம் இப்படி குறிப்பிடுகிறது.

அடிப்படையில் லிரிக்ஸ் ஸ்டேடஸ் பாடல் வரிகளுக்கான தேடியந்திரம். ஆனால் பேஸ்புக்கை மையமாக கொண்டது.இதில் வரிகளை தேடலாம்,தேடிய கையோடு பேஸ்புக்கில் அதனை பகிர்ந்து கொள்ளலாம்.

பேஸ்புக்கில் அப்போதைய மன‌நிலையை பகிர்ந்து கொள்ளும் போது எப்படி உண‌ர்கிறோம் என்பதை இசைமய‌மாக உணர்த்த நினைப்பவர்களுக்கானது இந்த சேவை.

அப்படி செய்யும் வழக்கம் இல்லாதவர்களும் இருக்கின்றனரா என்ன?(இதுவும் மியுசிக்கோவில் வரும் குறிப்பு)

யோசித்து பார்த்தால் எல்லாமே இசைமயமானது தான்.சந்தோஷமாக இருக்கும் போது நாம் அதற்கேற்ற பாடலை முணுமுணுப்பது இல்லையா?அதே போல ஒவ்வொரு மன‌நிலைக்கேற்ற பாடல்களையும் பாடுவது தான் இல்லையா?

சொல்லப்போனால் நம்மூர் மாமூம் மசாலா படங்களை (ஆதவன் மொழியில் மெலோடிராமாக்கள்)எவ்வள்வு தான் விமசன‌ம் செய்தாலும் அவற்றில் வரும் சிச்சுவேஷன் பாடல்களை நமக்காகவே பாடியிருப்பதாக தோன்றுகிறது.என்ன சூழ்நிலைக்கு தான் தமிழில் பாடல்கள் இல்லை.எந்த மன‌நிலையில் இருந்தாலும் சினிமா பாடல்களை பாடி மனதை வெளிப்படுத்தி கொள்ளலாம்.

இதே போலவே பேஸ்புக்கிலும் மனதில் உள்ளதை சில நேரங்களில் பாடல் வரிகளாகவே வெளிப்படுத்தலாம் அல்லவா?

மகிழ்ச்சியை வெளிப்படுத்த ‘இன்றைக்கு ஏன் இந்த அனந்தமோ…’ என்ற வரிகளை போடுவது இசைமயமாக தானே இருக்கும்.

ஆனால் இதில் உள்ள ஒரே சிக்கல் பாடல் வரிகளை பிழையில்லாமல் சரியாக மேற்கோள் காட்டுவது தான்.வார்த்தைகள் மாறிவிட்டால் அர்த்தம் மாறிவிடலாம்.நண்பர்களும் வறுத்தெடுத்துவிடுவார்கள்.

இது போன்ற நேரங்களில் சரியான பாடல் வரிகளை தேடுவதற்காக என்றே லிரிக்ஸ் ஸ்டேடஸ் தளம் உருவாக்கப்பட்டுள்ளது.மனதில் உள்ள பாடலை இந்த தேடியந்திரத்தில் டைப் செய்து தேடினால் அந்த பாடல் வரிகள் வருகிற‌து.அதை அப்படியே கிளிக் செய்து பேஸ்புக்கில் பகிரலாம்.தேவைப்பட்டால் முழு வரிகளையும் இணைக்கலாம்.

பாட‌ல் ,பாடியவர் என்று இரண்டையுமே குறிப்பிட்டு தேடலாம்.ஏற்கனவே தேடப்பட்ட வரிகளையும் அவற்றில் பிரபலமாக‌ உள்ளவற்றையும் பார்க்கலாம்.எல்லாவற்றுக்கும் தனி பட்டியல் உள்ளது.நாமும் பாட‌ல்களை சம‌ர்பிக்க‌லாம்.நமக்கான பாடல்களை கோரலாம்.

பாடல் வரி தேடியந்திரங்களிலேயே மிகவும் வித்தியாசமானது.ஆனால் ஒன்று நாம் தேடினால் கண்ணதாசனோ வாலியோ வைரமுத்துவோ கிடைக்க மாட்டார்கள்.எல்லாம் ஜஸ்டீன் பைபரும் ரிக்கி மார்டினும் தான்.

இணையதள முகவ‌ரி;http://www.lyricstatus.com/

எல்லாம் சரி பேஸ்புக்கில் பாட‌ல்களை பகிரும் வழக்கம் உங்களுக்கு இருக்கிற‌தா?அப்படி நீங்கள் பகிர்ந்த பாடல் என்ன?

janmap

உலகின் பாடலை கேட்டு ரசிக்க இந்த இணையதளம்.

அமெரிக்கா என்றால் ராக் அன் ரோல்.ஜமைக்கா என்றால் ரெகே.பிரேசில் என்றால் துள்ளி குதிக்க வைக்கும் சம்பா நடன மெட்டு.கியூபா என்றால் தாளம் போட் அவைக்கும் கரிபிய இசை.இந்தியா என்றால் வடக்கே இந்துஸ்தானி,தெற்கே கர்நாடக சங்கீதம்.கூடவே நாட்டு பாடல்கள்.

இப்படி ஒவ்வொரு நாட்டுக்கும் ஒரு இசை மனம் உண்டு.வியட்னாமில் போனால் ஒரு வகையான சங்கீதம் கேட்கலாம்.இத்தாலியிலோ ஸ்பெயினிலோ முற்றிலும் வேறு வகையான இசையை கேட்டு மகிழலாம்.

உள்நாட்டு சங்கீதம் இல்லையென்றால் சர்வதேச அளவிலான பிரபலமான பாப் பாடல்களை கேட்டு ரசிப்பத்தை காட்டிலும் புதுப்புது வகையான இசையை கேட்டு ரசிக்க வேண்டும் என்ற விருப்பம் இருந்தால் ஜாம்மேப் இணையதளம் உங்களை துள்ளி குதிக்க வைத்துவிடும்.

உலகில் உள்ள எந்த நாட்டின் இசையை கேட்டு ரசிக்க வேண்டும் என்றாலும் இந்த தளம் வழி செய்கிறது.

புதிய நாட்டின் பாடலை கேட்டு ரசிப்பதும் எளிதானது தான்.எந்த நாட்டின் இசையை கேட்க விருப்பமோ அந்த நாட்டின் மீது கிளிக் செய்தால் போதும் அந்த நாட்டில் இருந்து பட்டியலிடப்பட்டுள்ள பாடல்கள் வந்து நிற்கின்றன.அதில் தேவையானதை கிளிக் செய்து கேட்க வேண்டியது தான்.

தளத்தின் முகப்பு பக்கத்திலேயே இதற்கான உலக வரைபடம் தோன்றுகிறது.அதில் நாடுகளை கிளிக் செய்து கொள்ளலாம்.

இந்தியாவிற்கான பட்டியலில் சென்னை இசைக்குழு உட்பட பல்வேறு குழுக்களின் இசை பட்டியலிடப்படுகிறது.

ஆனால் ஒன்று ஒரு நாட்டின் இசைக்கான மாதிரியாக தான் இந்த பட்டியல் அமைகிறதே தவிர குறிப்பிட்ட ஒரு நாட்டின் இசை பரப்பை அப்படியே முழுமையாக பிரதிபலிக்ககூடியது என்று சொல்ல முடியாது.இதற்கு காரணம் பொது காப்புரிமை உள்ள பாடல்கள் மட்டுமே இடம் பெறுவது தான்.

இருந்தாலும் கூட உலக நாடுகளின் இடையை இருந்த இடத்தில் இருந்தே கேட்டு ரசிப்பதற்கான வாய்ப்பு இசை பிரியர்களை மகிழ்ச்சியில் ஆழ்த்திவிடும்.

அதிலும் உறுப்பினராக சேர வேண்டிய தேவையில்லாமல்,எந்த இசை கேட்கும் பிளேயரையும் டவுண்லோடு செய்யாமல் கிள்க் செய்து மட்டுமே கேட்டு மகிழ்வது உண்மையிலேயே இனிமையான அனுபவம்.பல நேரங்களில் அருமையான புதிய இசயையும் கூடவே புதிய பாடகர்ளையும் அறிமுகம் செய்து கொள்ளலாம்.

உலகில் எத்தனை நாடுகள் இருக்கின்றன.எத்தனை வகையான இசையை கேட்டு ரசிக்கலாம் இல்லையா!

உலக இசையை கேட்க இணைய முக‌வரி;http://www.jammap.com/

இசை பிரியர்களுக்கான தேடியந்திரம்.

பாடகர்கள் பற்றியோ இசை கலைஞர்கள் பற்றியோ தகவல் தேவைப்பட்டால் கூகுலில் போய் அவர்களின் பெயரை டைப் செய்து அதன் பிறகு பட்டியலிடப்படும் ஒவ்வொரு பக்கமாக தேடிப்பார்க்க வேண்டிய அவசியமில்லை.அதற்கு பதிலாக இசை தேடியந்திரம் என்று வர்ணித்து கொள்ளும் மியூசிக்கி பக்கம் சென்றால் எல்லா பாடகர்கள் பற்றியும் அதிலேயே தகவல்களை தேடிப்பார்த்து விடலாம்.

எந்த பாடகர் பற்றி தகவல் தேவையோ அவர்களின் பெயரை டைப் செய்தால் அவரைப்பற்றிய விவரங்களை அழகாக ஒரே பக்கத்தில் தொகுத்து அளிக்கிறது. பாடகரின் பயோ டேட்டா ,அமேசானில் கிடைக்கும் அவரது ஆல்பங்கள் ஆகிய தகவல்கள் இடம்பெறுவதோடு தொடர்புடைய பிற கலைஞர்களின் பெயர்களும் சுட்டிக்காட்டபடுகின்றன.

பாடகர்களின் புகைப்பட தொகுப்பும் இணைக்கப்பட்டுள்ளது.அருகிலேயே பாடக்ர்கள் தொடர்பாக ரசிகர்கள் டிவிட்டரில் பகிர்ந்து கொள்ளும் கருத்துக்களையும் பார்க்க முடிகிறது.

ஒவ்வொரு பாடகர்களுக்கான விக்கிபீடியா பக்கம் போல தகவ்ல்கள் இடம் பெறுகின்றன.

இசை கலைஞர்கள் பற்றிய முழுமையான தகவல் திரட்டி என்று சொல்ல முடியவிட்டாலும் ஒரே இடத்தில் அவர்களை பற்றிய விவரங்களை தேடுவதற்கான எளிய வழி என்பதில் சந்தேகம் இல்லை.

இந்த தேடியந்திரத்தில் மற்றொரு ஆச்சர்யம் என்னவென்றால் உண்மையிலேயே எல்லா பாடகர்கள் மற்றும் இசை கலைஞர்கள் பற்றிய தகவலை தருகிறது என்பது தான்.காரணம் பொதுவாக் இது போன்ற இசை தளங்களில் பெரும்பாலும் மேற்கத்திய இசை கலைஞர்கள் தொடர்பான தகவல்களை மட்டுமே பெற முடியும்.

ஆனால் இதில் ஆச்சர்யப்படும் வகையில் நம் நாட்டி லதா மங்கேஷ்கரை தேடினாலும் தகவல் தருகிறது.பீ சுசிலா பற்றி தேடினாலும் தகவல் தருகிறது.

தேடியந்திர முகவரி;http://www.musikki.com/

எனக்கென்று ஒரு நெட்வொர்க்

 மை ஸ்பேசை மறந்து விடுங்கள். இப்போது மை ஸ்பேசுக்கு நிகராக தனக்கென்று ஒரு வலைப்பின்னல் தளத்தை பாடகி ஒருவர் அமைத்திருப்பது பற்றித்தான் இன்டெர்நெட் உலகில் பரபரப்பாக பேசப்படுகிறது. ஆஸ்திரேலியாவை சேர்ந்த பிரபல பாப் பாடகி கெய்லி மினோ கெய்லி கனெக்ட் டாட் காம் எனும் பெயரில் புதிய இணையதளத்தை அமைத்திருக்கிறார்.

.
இந்த தளத்தின் மூலம் அவர் தன்னுடைய ரசிகர்களோடு முன்னை விட நெருக்கமான முறையில் தொடர்பு கொள்ள திட்டமிட்டிருக்கிறார். பாப் உலகில் எத்தனையோ இளவரசிகள் மற்றும் அரசிகள் உண்டு.அவர்களில் ஒருவரான கெய்லி மினோ, தனக்கென பெரிய ரசிகர் பட்டாளத்தை கொண்டிருப்பவர்.  இசைக்காக அவரை நேசிக்கும் ரசிகர்களோடு, அவருடைய மன உறுதிக்காக நேசிப்பவர்களும் அதிகமாகி இருக்கின்றனர்.

40 வயதை தொட இருக்கும் அவர், புற்றுநோயால் பாதிக்கப்பட்டு அந்த நோயோடு போராடி மீண்டு வந்திருக்கிறார். புற்றுநோயிலிருந்து மீண்ட அவர் மீண்டும் மேடையேற தொடங்கி இருக்கிறார். தனக்கு வந்த சோதனையை மிகுந்த உமீண்டும் இசை வானில் மின்ன தொடங்கியிருக்கும் அவர், விரைவில் புதிய பாடல் ஆல்பம் ஒன்றை வெளியிட இருக்கிறார். ஒற்றை பாடலோடு வெளியாக இருக்கும் இந்த ஆல்பம் பற்றி இசையுலகில் பரபரப்பாக பேசப்பட்டு வரும் நிலையில், இன்டெர்நெட் உலகில் அவர் அடியெடுத்து வைத்திருக்கிறார்.

கெய்லி மினோ பெயரில் ஏற்கனவே இணையதளம் இருக்கிறது. அவரது அபிமானிகளும் பல இணையதளத்தை அமைத்திருக்கின்றனர். ஆனால் இவற்றையெல்லாம் மிஞ்சும் வகையில் கெய்லி மினோ தனக்கென ஒரு வலைப்பின்னல் தளத்தை அமைத்திருக்கிறார்.
இன்டெர்நெட் உலகில் இப்போது வலைப்பின்னல் தளங்கள்தான் உச்சத்தில் இருக்கின்றன.

மை ஸ்பேஸ் மற்றும் ஸ்பேஸ் புக் போன்ற இணையதளங்கள் வலைப் பின்னல் முறையில் நண்பர்களை தேடிக் கொள்ள உதவி செய்து இணையவாசிகளை பெரிதும் கவர்ந்துள்ளன.

மை ஸ்பேசின் வெற்றி வலைப் பின்னல் கருத்தாக்கத்திற்கு கிடைத்த வெற்றியாக கருதப்படுகிறது. இதனால் வலைப்பின்னல் கருத்தாக்கம் மிகவும் பிரபலமாகி இருக்கிறது.
மை ஸ்பேஸ் தளத்தில் புகழ் பெற்ற பாடகர்கள் தங்களுக்கென தனிப் பகுதியை அமைத்திருக்கின்றனர். மை ஸ்பேஸ் மூலம் ரசிகர்களை தொடர்பு கொள்வதே சுலபமானதாக கருதப்படுகிறது.

இந்நிலையில், கெய்லி மினோ மை ஸ்பேஸ் பக்கம் போகாமல் சொந்த வலைப் பின்னலை உருவாக்கி கொள்ள திட்டமிட்டிருக்கிறார். இதற்காக இந்த நோக்கத்தோடு அவர் அமைத்திருக்கும் தளம்தான் கெய்லி கனெக்ட் டாட் காம்.

இந்த தளம் வரும் நாட்களில் முழு வீச்சோடு அறிமுகமாக உள்ளது. தன்னுடைய ரசிகர்களோடு நேரடியாக தொடர்பு கொள்வதற்கான வழியாக இந்த தளத்தை கெய்லி கருதுவதாக கூறப்படுகிறது.

வலைப்பின்னல் தளத்திற்குரிய அனைத்து அம்சங்களுடனும் அதே நேரத்தில் எளிமையான தோற்றத்தோடும் இந்த தளம் அமைந்துள்ளது. இசை நிகழ்ச்சிகள் மற்றும் புதிய பாடல் வெளியீடு பற்றி இந்த தளத்தின் மூலம் கெய்லி மினோ தனது ரசிகர்களோடு உடனுக்குடன் பகிர்ந்து கொள்ள இருக்கிறார். மேலும் ரசிகர்களும் கெய்லி மினோ படங்களை இந்த தளத்தில் இடம் பெற வைக்கலாம். அவற்றை தங்கள் நண்பர்களோடும் பகிர்ந்து கொள்ளலாம்.

உதாரணத்திற்கு கெய்லியின் இசை நிகழ்ச்சியை கேட்டு ரசித்துக் கொண்டிருக்கும் போதே அந்த காட்சியை கிளிக் செய்து செல்போன் மூலம் அதனை நண்பர்களுக்கு அனுப்பி வைக்கலாம்.றுதியோடு அவர் எதிர்கொண்ட விதம் அவர் மீதான மதிப்பை அதிகரிக்க வைத்துள்ளது.
மேலும் பல வசதிகள் ரசிகர்களுக்காக இந்த தளத்தில் அமைக்கப்பட உள்ளது. வெறும் பாடகி என்ற நிலையிலிருந்து ஒரு இன்டெர்நெட் தொழில் முனைவோராக தன்னை உயர்த்திக் கொள்ள கெய்லி திட்டமிட்டிருப்பதாக அவரது உதவியாளர் தெரிவிக்கிறார்.

தன்னை சுற்றியுள்ள வர்த்தக நடவடிக்கைகளை தானே கட்டுப்படுத்தும் முயற்சியாகவும் இதனை அவர் கருதுவதாக கூறப்படுகிறது. இந்த திட்டம் குறித்து கெய்லி மினோ மிகுந்த பெருமிதம் கொண்டிருப்பதாகவும் அவரது உதவியாளர் தெரிவிக்கிறார்

மெட்டைச் சொல்லவா!

தமிழ் திரைப்பட ரசிகர்கள் பொறா மைப்படவும், ஏங்கித் தவிக்கவும் இன்டெர்நெட்டில் நிறைய விஷயங்கள் இருக்கின்றன. அதிலும் குறிப்பாக தமிழ் திரைப்பட பாடல்களை கேட்டு ரசிப்பவர்களை  பொறாமையில் புழுங்கித் தவிக்க வைக்க கூடிய இணையதளங்களும், இணைய சேவைகளும் அநேகம் இருக்கின்றன.”வாட்சட் சாங்’  (தீச்t த்ச்t ண்ணிணஞ்) நிச்சயம் அதில் ஒன்று.
.
மெட்டைச் சொன்னால் பாட்டைச் சொல்லி இசைப்பிரியர்களை மகிழ வைக்கும் தளமாக இது இருக்கிறது. இப்போது நீங்கள் மெட்டை முணுமுணுத்தபடி பாடல் வரிகளை தேடி ஞாபக விதிகளில் அலைந்த  அனுபவத்தை நினைத்துப்பாருங்கள். அந்த பாட்டு என்றோ ஒரு நாள் கேட்டு ரசித்திருந்தும், அதன் பாடல் வரிகள் மட்டும் நினைவில் வராமல் ஆட்டம் காட்டுகிறது. கண்ணை மூடியபடி அதன் வரிகளை முணுமுணுத்து பார்க்க முயற்சி செய்வீர்கள். வரிகள் காதின் அருகே கேட்பது போல தோன்றும். ஆனால் வாயில் வார்த்தைகள் வராமல் தொண்டையில் சிக்கிக் கொள்ளும். வாய் வரை வந்து விட்டது ஆனால்… என்று அலுத்துக் கொள்ள வைக்கும் அனுபவம் எப்போது வேண்டுமானாலும் ஏற்படலாம். 

பஸ்சில் போய்க்கொண்டிருக்கும் போது, தொலைவில் பாடிக் கொண்டிருக்கும் ஒலிபெருக்கியில் இருந்து அருமையான பாடல் ஒன்று காதில் விழும். வீட்டுக்கு வந்ததும் அதன் மெட்டு மட்டும் தாலாட்டிக் கொண்டிருக்கும். வரிகள் மறந்து போயிருக்கும். அல்லது வரிகள் நினைவில் இருந்தாலும், என்ன பாடல்? அது இடம் பெற்ற படம் எது? பாடியது யார்? போன்ற விவரங்கள் தெரியாது!

தொலைக்காட்சியில் அல்லது வானொலியில் நிகழ்ச்சிக்கு நடுவே எப்போதோ கேட்டு ரசித்த பாடலை கேட்க நேரில் அடடா, நல்ல பாடலாச்சே என்று மெய் மறக்கும் கணத்தில் பாடலும் மறந்திருக்கும்.

இன்னும் சில நேரங்களில் அழகான யுவதி மெல்லிய குரலில் பாடல் ஒன்றை தனக்குள் முணுமுணுத்தபடி போவதை கேட்கும்போது, அந்த பாடல் வரிகள் கண்ணாமூச்சி காட்டும்.
இசைப்பிரியர்கள் இப்படி மெட்டையும், வரிகளையும் வைத்துக் கொண்டு பாட்டைத் தேடி அலையும் அனுபவத்தை பல முறை பல விதங்களில் எதிர் கொண்டிருக்கலாம்.

இவ்வளவு ஏன்? கைவசம் நேரம் இருந்தால் நண்பர்கள் மெட்டைச் சொல்லி பாட்டை கேட்கும் விளையாட்டில் மூழ்கி இசை மயமாகி பொழுதை கழிக்கலாம்.
இப்போது மீண்டும் “வாட் சன் சாங்’ தளத்திற்கு போகலாம்.

மனதின் ஒரு மூளையில் கேட்டுக் கொண்டே இருந்தாலும், நினைவில் வராத பாடல் வரிகளை அறிய விரும்புகிறவர்கள், (அதாவது ஆங்கில (அ) மேற்கத்திய பாடல்கள் என்று அர்த்தம்) இந்த தளத்திற்குள்  நுழைந்து அந்த மெட்டை பாடிக்காட்டினால் அதற்குரிய முழு பாடல் வரிகளையும் தெரிந்து கொள்ளலாம். அதோடு பாடலை பாடியவர் பெயர் உள்ளிட்ட விவரங்கள் மற்றும் அந்த பாடலை எங்கே வாங்கலாம் என்னும் தகவலையும் கூட தெரிந்து கொண்டு விடலாம்.

நீங்கள் அறிய விரும்பும் பாடலின் மெட்டைக் கேட்டு அந்த புதிரை விடுவிப்பதற்காக என்று யாராவது ஒருவர் பலர் தளத்தில் காத்திருப்பார் கள். யார் இவர்கள்? என்று நீங்கள் கேட்கலாம். அவர்களும் உங்களைப் போன்ற இசைப் பிரியர்கள்தான்! உங்களைப் போலவே  மெட்டுக்குரிய பாடலை கேட்கவும், மற்றவர்களின் இசை சந்தேகங்களை தீர்த்து வைக்கவும் விரும்பும் இந்த தளத்தில் உறுப்பினர்களாக பதிவு செய்து கொண்டார்கள்.

மெட்டாகவே தொண்டையில் சிக்கியிருக்கும் பாட்டை அறிய துடிக்கும் நேரத்தில் நீங்கள் நண்பர்களிடமும் தெரிந்தவர்களிட மும் கேட்டுப்பார்ப்பதுதானே வழக்கம்.
“வாட் சட் சாங்’ இணையதளம், இத்தகைய இசைப் பிரியர்களின் சங்கமமாக  உருவாக்கப்பட்டுள்ளது. எனவே பாட்டில் ஏதாவது சந்தேகம் என்றால், இந்த தளத்தில் நிவர்த்தி செய்து கொள்ளலாம்.

பாடலை நீங்களே பாடிக் காட்டலாம். பாடியவர் (அ) இடம்பெற்ற படம்/ஆல்பம் விவரம் தெரிய வேண்டும் என்றால் அந்த இசைக் கோப்பை அப்படியே பதிவேற்றவும் செய்யலாம்.
சங்கீத சந்தேகம் நீங்கப் போவதோடு, இசை பட நட்பை வளர்த்துக்கொண்டு இனிமையாக  நேரத்தை செலவிடவும் இந்த தளத்தை பயன்படுத்திக் கொள்ளலாம்.

உங்களுக்கு தெரியாத பாட்டே கிடையா என்று வைத்துக்கொள்வோ அல்லது எந்த பாட்டை கேட்டாலும் உடனே பாடிக்காட்டி விடுவீர்கள் என்று வைத்துக்கொள்வோம். அப்படி என்றால் நீங்கள் இந்த தளத்தில் மற்றவர்கள் கேட்கும் சந்தேகங் களுக்கு பதில் அளித்து இவ்வாறு நீங்கள் பாடிக்காட்டிய பாடல்களை எல்லாம் உங்களுடைய உறுப்பினர் பக்கத்திலேயே குறிப்பிட்டு வைக்கலாம். இதனடிப் படையில் தரவரிசை பட்டியலும் உண்டு. அதில் முந்தி நிற்பதில் மகிழ்ச்சி அடைய லாம். மற்றவர்களின் உறுப்பினர் பக்கத்தை பார்த்து ஒப்பீடும் செய்து கொள்ளலாம். தேவைப் பட்டால்  இணைய தளத்தையே மெட்டுக்களை சொல்லச் சொல்லி அதற்கான பாடல்களை பாடிக்காட்டி உங்கள் திறமையை பரிசோதித்துக் கொள்ளலாம். இந்த விளையாட்டில் மற்ற உறுப்பினர் களையும் சேர்த்துக் கொண்டு போட்டா போட்டியில் ஈடுபடலாம்.

நீங்கள் இசைப்பிரியராக இருந்து, ஒரு முறை இந்த தளத்திற்குள் உள்ளே நுழைந்து விட்டீர்கள் என்றால் இந்த இசை சமூகத்தில் அப்படியே ஐக்கியமாகி விடுவீர்கள்.
தளத்தின் உள்ளே நுழைந்ததுமே, மற்றவர்கள் கேட்கும் மெட்டுகள் மற்றும் நீங்கள் கேட்க்கூடிய மெட்டு ஆகியவற்றுக்கான வாசகங்கள் வரவேற்கின்றன. அதன் கீழே சமீபத்தில் கேட்கப்பட்ட பாடல்களின் பட்டியல், தீர்க்கப்பட வேண்டிய பாடல்களின் பட்டியல் இடம்பெற்றுள்ளது.

நிற்க, தமிழில் தேனாய் தித்திக்கும் திரைப்பட பாடல்களும், மெல்லிசை பாடலும், ஆயிரமாயிரம் இருந்தென்ன இப்படி வழிகாட்டும் தளம் இல்லையே!
பி.கு.: டிஞீஞுண.tடிtதூ.தண் என்று மற்றொரு இணையதளம் இருக்கிறது. இதுவும் இசை தீர்வு அளிக்கும் தளம்தான். இங்கும் தெரியாத பாடல்களை பாடிக்காட்டி தெளிவு பெறலாம்.