Tag Archives: robot

ரோபோ புன்னகை என்ன விலை?

DOnf8ENXcAAXL_Zவிருதுகள், தேர்வுகள் என்று வந்தாலே சர்ச்சைகள் எழுவது இயல்பானது தான். ஆனால், சர்வதேச புகைப்பட போட்டி ஒன்றில் எழுந்திருக்கும் சர்ச்சை கொஞ்சம் வித்தியாசமானது. இந்த சர்ச்சை விருதுக்கு தேர்வு செய்யப்பட்ட புகைப்படத்தின் தரம் அல்லது தகுதி குறித்து உண்டாகவில்லை. மாறாக புகைப்படத்தில் இருக்க வேண்டிய உயிர்த்துடிப்பு அல்லது ஆன்மா தொடர்பான கேள்விகளை எழுப்புகிறது. இந்த கேள்விகள் சுவாரஸ்யமாக அமைவதோடு, நம் காலத்து கேள்விகளாகவும் இருப்பது தான் முக்கிய விஷயமாக இருக்கிறது.

சர்ச்சைக்குள்ளாகி இருக்கும் அந்த புகைப்படத்தில் ஒரு நல்ல புகைப்படத்திற்கு தேவையான எல்லா அம்சங்களும் இருக்கவே செய்கின்றன. அந்த படம் அழகாக இருக்கிறது. அதில் ஒரு வசீகரம் இருக்கிறது. அது ஒரு மைய கருத்தை பேசுகிறது. எல்லாம் இருந்தும் அந்த படத்தினுள் உயிரோட்டம் இல்லை எனும் குற்றச்சாட்டு எழுந்துள்ளது. ஏனெனில் அந்த படத்தில் இருப்பது மனித முகம் அல்ல, மனித இயந்திரம் முகம் என்பது தான்!

மனித மாதிரிகளை போஸ் கொடுக்க வைத்து படம் எடுப்பது போல, புகைப்பட கலைஞர் ஒருவர் இயந்திர மனித மாதிரியை போஸ் கொடுக்க வைத்து படம் எடுத்திருக்கிறார். படம் எடுத்தவர் பின்லாந்து நாட்டைச்சேர்ந்தவர். அவர் படம் எடுத்த மாதிரி, ஜப்பானைச்சேர்ந்த எரிகா எனும் எந்திரன். எரிகா ஒரு ரோபோ தான் என்றாலும், சாதாரண ரோபோ அல்ல. அது ஒரு ஆண்ட்ராய்டு. அதாவது மனித முகம் போன்ற தோற்றத்தை கொண்ட ரோபோ.

ரோப்போக்களி;ல் பலவகை உண்டு. தொழிற்சாலைகளில் பார்க்க கூடிய ரோபோக்கள் இயந்திர வகையை சேர்ந்தவை. மனித வடிவிலான ரோபோக்களும் இருக்கின்றன. ஹோண்டோவின் அசிமோ இதற்கு நல்ல உதாரணம். ரோபோ விலங்குகளும் உள்ளன. அண்மையிம் மறுஅறிமுகம் செய்யப்படுவதாக அறிவிக்கப்பட்ட சோனியின் ஐபோ நாய்க்குட்டி இதற்கு அழகான உதாரணம். இன்னும் பல வகை ரோபோக்கள் உள்ளன. இவற்றில் அச்சு அசல் மனித உருவத்தை கொண்டுள்ளவை ஆண்ட்ராய்டு என குறிப்பிடப்படுகின்றன.

ஆண்ட்ராய்டு ரோபோவுக்கு உதாரணம் தேவையில் எனில் நமக்கு பரீட்சயமான எந்திரன் படத்தின் சிட்டி ரோபோவை சொல்லலாம். ரஜினியை போலவே காட்சி அளித்தததால் தான் சிட்டி ஆண்ட்ராய்டு ரகம். இத்தகைய ஆண்ட்ராய்டு ரோபோ உருவாக்கத்திலும், ஆய்விலும் முன்னணியில் இருப்பது ஜப்பானியர்கள் தான். அதிலும் ஹிரோஷி இஷிகுரோ (Hiroshi Ishiguro ) எனும் விஞ்ஞானி தான் படுகில்லாடியாக இருக்கிறார். ரோபோ குரு என்றே வர்ணிக்கப்படும் இஷிகுரோ, மனித வடிவிலான ரோபோக்களை உருவாக்கும் ஆய்வில் தீவிரமாக ஈடுபட்டு வருபவர். சுய தோற்றம் கொண்ட ரோபோ ஒன்றையும் உருவாக்கியுள்ள இஷிகுரோவின் மற்றொரு உருவாக்கம் தான் எரிகா.

23 வயது பெண் தோற்றம் கொண்ட எரிகாவை விஷேசமான ரோபோ என்று தான் சொல்ல வேண்டும். ஏனெனில் இது பேசும் ரோபோ என்பது மட்டும் அல்ல, கிட்டத்தட்ட மனிதர்கள் போலவே பேசும் ஆற்றலும் கொண்டது. குறிப்பிட்ட தலைப்புகளின் கீழ் உரையாடவும் செய்யக்கூடியது. உலகிலேயே மிகவும் அழகான ஆண்ட்ராய்டு என வர்ணிக்கப்படும் எரிகா, மனித தோற்றத்துக்கு மிகவும் நெருக்கமான உருவ அமைப்பையும் கொண்டிருக்கிறது.

இஷிகுரோ உருவாக்கிய ரோபோக்களில் எரிகா மட்டும் தான் சுயம்பு ரகம். அதாவது, மனித மாதிரியை அடிப்படையாக கொள்ளாமல் சுயேட்சையாக உருவாக்கப்பட்டது.

எரிகா ரோபோ பற்றியே நிறைய பேசலாம். ஆனால், இப்போதைக்கு எரிகாவால் உண்டான சர்ச்சை மற்றும் அது தொடர்பான இருத்தலியல் கேள்விகள் பார்க்கலாம்.

எரிகா அச்சு அசல் பெண் போலவே இருப்பதால் பின்லாந்து புகைப்படக்கலைஞரான மைஜா டம்மி என்பவர், எரிகாவை அழகாக படமெடுத்து டெய்லர் வெஸிக் போட்டோகிராபில் போர்ட்ரய்ட் பரிசுக்கு அனுப்பி வைத்தார். அந்த புகைப்படம் இறுதிச்சுற்றுக்கு தேர்வானதோடு, மூன்றாவது பரிசையும் வென்றிருக்கிறது. இந்த தேர்வே சர்ச்சைக்கு காரணமாகியுள்ளது.

போட்டியே போர்ட்ரயட் எனப்படும் உருவப்படம் தொடர்பானது. உருவப்படம் என்றால், மனிதர்களின் ஆளுமை சித்திரங்கள் என புரிந்து கொள்ளலாம். இந்த வகை படங்கள் பல உணர்வுகளை சொல்லாமல் சொல்லக்கூடியவை. இந்த போட்டியிலேயே முதல் பரிசை வென்ற லிபியா கடற்கரை பகுதியில் மீட்கப்பட்ட ஆப்பிரிக்க அகதியின் புகைப்படம் இதற்கான சரியான உதாரணமாக அமைகிறது. காமிராவை அகன்ற கண்களால் வெறித்துப்பார்ப்பது போல அமைந்துள்ள அந்த அகதியின் ஊடுருவும் பார்வை, மீட்கப்பட்ட நம்பிக்கை, சூழலின் மீதான அவநம்பிக்கை, இனம் புரியாத அச்சம் என பலவித உணர்வுகளை பேசுவதாக பாராட்டப்படுகிறது.

இத்தகைய ஆளுமை சித்திரங்கள் நடுவே ஒரு ரோபோ படத்தை தேர்வு செய்வது சரியா? என்பது தான் கேள்வியாக எழுந்துள்ளது. ஆனால், இந்த கேள்விக்கு பதில் தேடும் முன் எரிகாவின் உருவப்படத்தை ஒரு முறை பார்த்துவிட வேண்டும். முதல் பார்வைக்கு ஜப்பானிய பெண் எனும் தோற்றத்தை தரக்கூடிய அந்த புகைப்படத்தில் எரிகா, பக்கவாட்டில் நோக்கியபடி புன்னகைக்க முயல்பவர் போல காட்சி அளிக்கிறார். இந்த படத்தை சட்டென்று பார்க்கும் எவரும் இதில் உள்ளது ரோபோ என உணர மாட்டார்.

எனினும் எரிகா ரோபோ என்று கண்டுபிடிக்க முடியாதது என்பதல்ல விஷயம். எரிகா எனும் ரோபோவை படம் எடுத்து அனுப்பியிருக்கிறேன் என்று குறிப்பிட்டே புகைப்பட கலைஞர் டம்மி போட்டியில் பங்கேற்று இருக்கிறார். இந்த விஷயம் தெரிந்து விவாதிக்கப்பட்டே நடுவர்களும் இந்த படத்தை அனுமதித்து தேர்வும் செய்துள்ளனர்.

_97673208_taylor_wessing_ppp_2017_0155உருவப்படத்திற்கான போட்டி விதிகளின் படி, வாழ்க்கையில் இருந்து தேர்வு செய்யப்பட்டவர் மற்றும் உயிருடன் போஸ் கொடுத்தவரின் படமாக இருக்க வேண்டும் என தெளிவாக குறிப்பிடப்பட்டுள்ளது. அதன் படி பார்த்தால், ரோபோவை படமெடுத்தது உருவப்படம் கீழ் வராது. ஆனால் இந்த காரணத்தினால் படத்தை தகுதி நீக்கம் செய்யாமல், தேர்வு செய்ய நடுவர்கள் தீர்மானித்துள்ளனர். இது தொடர்பாக விதிகளில் மாற்றம் தேவையா என பின்னர் தீர்மானிக்கபடும் என கூறியுள்ள போட்டி நிர்வாகிகள், ஒரு சில தீவிரமான உருவப்பட சித்திரங்கள், அவற்றின் ரகம் தொடர்பாக வலுவான கேள்விகளை எழுப்பக்கூடியவை எனும் அடிப்படையில் எரிகாவின் தேர்வு அனுமதிக்கப்படுவதாக தெரிவித்துள்ளனர்.

ஒரு ரோபோ புகைப்படம் பரிசுக்குறியதாக தேர்வு செய்யப்பட்டது சுவாரஸ்யமாக இருந்தாலும், புகைப்பட வல்லுனர்கள் இதை கேள்விக்குள்ளாக்கி உள்ளனர். உருவப்படம் என்பது ஜீவன் சார்ந்தது, உயிரில்லாத ஒரு படத்தை எப்படி ஏற்க முடியும் என கேள்வி எழுப்பியுள்ளனர். இந்த படம் அழகாக இருக்கலாம் ஆனால், அதில் ஜீவனோ, உயிரோட்டமோ இல்லையே என விமர்சித்துள்ளனர். எரிகா ஒரு பொம்மை போல் அல்லவா இருக்கிறது, அதன் ஆன்மா எங்கே என்றும் சிலர் கேட்டுள்ளனர்.

இந்த கேள்விகளே அழமான விவாதத்திற்கு வழி வகுத்துள்ளன. ரோபோக்கள் சகஜமாக துவங்கும் சாத்தியம் உள்ள சூழலில், ஆன்மா இல்லை என்பதால் அவற்றை நிராகரிக்க முடியுமா என்பது போன்ற கேள்விகள் எழுகின்றன. அதிலும் செயற்கை நுண்ணறிவு சார்ந்த ஆய்வுகள் தீவிரமடைந்துள்ள நிலையில், பேசும் இயந்திரங்களும், இன்னும் பிறவகை புத்திசாலி இயந்திரங்களும் உருவாக்கப்பட்டு வரும் சூழலில் இயந்திரம் தொடர்பான நம்முடைய புரிதல் எவற்றின் அடிப்படையில் அமைய வேண்டும் எனும் கேள்வி எழுகிறது.

ஒரு சில புகைப்பட கலைஞர்கள் எரிகா சர்ச்சை சார்ந்து இருத்தலியல் தொடர்பான கேள்விகளையும் எழுப்பியுள்ளனர். எது ரோபோ தன்மை, எது மனித தன்மை எனும் கேள்விகளும் இது தொடர்பாக எழுகின்றன.

எரிகாவை படமெடுத்த புகைப்படக்கலைஞர் டம்மி எதிர்பார்த்ததும் இத்தகைய விவாதத்தை தான். ’ மனிதர்களாக இருப்பது என்றால் என்ன? உயிருடன் இருப்பது என்றால் என்ன? என்பது போன்ற கேள்விகளை எழுப்ப முயன்றிருக்கிறேன் என அவர் கூறியிருக்கிறார். இதற்காகவே ஜப்பான் சென்று எரிகாவுடன் அரை மணி நேரம் செலவிட்டு இந்த படத்தை எடுத்துள்ளார்.

புகைப்படக்கலையில் டாக்டர் பட்டம் பெற ஆய்வு செய்து வருபவர் ரோபோக்களை நாம் அணுகும் விதத்தையும் கேள்விக்குள்ளாக்குகிறார். அவர் எழுப்பும் கேள்வியில் உங்களுக்கு உடன்பாடு இருக்கிறதா? உங்கள் பதிலை பதிவு செய்யுங்களேன்.

 

எரிகா தேர்வு புகைப்பட போட்டி செய்தி: http://www.bbc.com/news/in-pictures-41161964

புகைப்பட போட்டி அமைப்பின் இணையதளம்: https://www.npg.org.uk/whatson/twppp-2017/exhibition.php

 

நன்றி; யுவர் ஸ்டோரி தமிழ் இணையதளத்தில் எழுதும் பத்தியிர்ல் இருந்து…

 

ரோபோக்கள் தேடி வருகின்றன!

https _blueprint-api-production.s3.amazonaws.com_uploads_card_image_338737_77f3143b-e1f6-4ca8-95ca-5c5c2913fc8eபுத்தாண்டு பிறந்ததுமே கவனத்தை ஈர்க்கும் நிகழ்வுகளில்,  சி.இ.எஸ் எனப்படும் நுகர்வோர் மின்னணு கண்காட்சி முக்கியமானது. அமெரிக்காவின் லாஸ் வேகாஸ் நகரில் நடைபெறும் இந்த கண்காட்சியில் நுகர்வோர் உலகில் வருங்காலத்தில் ஆதிக்கம் செலுத்தக்கூடிய தொழில்நுட்ப சாதனங்கள் மற்றும் அவற்றின் முன்னோட்ட மாதிரிகள் அறிமுகம் செய்யப்படுவது வழக்கம். கடந்த ஆண்டு வரை இந்த கண்காட்சியில் பெரிய சைஸ் ஸ்மார்ட் டிவிகள், தானியங்கி கார்கள், அணிகணிணி வகை சாதனங்கள் ஆதிக்கம் செலுத்தி வந்த நிலையில், இந்த ஆண்டு கண்காட்சியில், பலவகையான ரோபோக்கள் அறிமுகமாகி கவனத்தை ஈர்த்துள்ளதாக தொழில்நுட்ப இணையதளங்கள் வியப்புடன் வர்ணித்துள்ளன. காபி போடும் ரோபோ, துணி மடித்து வைக்கும் ரோபோ, விளக்குகளை போட்டு அனைக்கும் ரோபோ, தினசரி வேலைகளை செய்யும் சேவக ரோபோ என பலவித ரோபோக்களை அறிமுகம் செய்யப்பட்டுள்ளதாகவும் யு.எஸ்.ஏ டுடே இதழ் இணையதளம் தெரிவிக்கிறது. மனிதர்களை போலவே தோன்றும் ரோபோக்கள் கவனத்தை ஈர்த்ததாகவும், அதிலும் குறிப்பாக விஞ்ஞானி ஐன்ஸ்டின் போலவே தோன்றும் ஆண்ட்ராய்டு ரக ரோபோ அற்புதக் என இந்த இதழ் குறிப்பிடுகிறது.

தொழில்நுட்ப இணையதளமான மாஷபிள், ஐன்ஸ்டீன் ரோபோ பற்றி தனியாகவே விரிவாக எழுதியிருக்கிறது. ஐன்ஸ்டீன் என்றதும் சார்பியல் கோட்பாடு, இ=எம்சி2 (E = mc 2 ) சமன்பாடு போன்றவை நினைவுக்கு வருவது போலவே அவரது தலைமுடி, அவர் நாக்கை நீட்டும் விதம் உள்ளிட்ட அம்சங்களும் நினைவுக்கு வரும். இத்தகைய அம்சங்களுடன் ஐன்ஸ்டீனை கச்சிதமாக நம் முன் கொண்டு வந்து நிறுத்தும் வகையில் அமைந்துள்ள இந்த ரோபோவை ஹாங்காங்கை சேர்ந்த ஹான்சன் ரொபோட்ஸ் நிறுவனம் அறிமுகம் செய்துள்ளது. பேராசியர் ஐன்ஸ்டீன் எனும் பெரிலான இந்த ரோபோ வை-பை வசதி கொண்டுள்ள இந்த ரோபோ கற்றலுக்கு உதவும் செயலியுடனும் இணக்கப்பட்டுள்ளது.

மனித உணர்வுகளை வெளிப்படுத்தும் ரோபோக்களை தயாரிப்பதற்காக அறியப்படும் ஹான்சன் நிறுவனம் உருவாக்கியுள்ள இந்த ஐன்ஸ்டீன் ரோபோ அந்த மகா விஞ்ஞானியின் 50 க்கும் மேற்பட்ட முக உணர்வுகள் மற்றும் செய்கைகளை வெளிப்படுதக்கூடியதாக இருக்கிறது. ஐன்ஸ்டீன் தொடர்பான தகவல்களையும் தெரிவிக்கும் ஆற்றல் கொண்டுள்ளது.

செயற்கை நுண்ணறிவை மேலும் திறன் மிக்கதாக ஆக்குவது மற்றும் மக்களுடன் சிறந்த முறையில் தொடர்பு கொள்ள வைப்பதே எங்கள் இலக்கு என்கிறது ஹான்சன் நிறுவனம். ரோபோ ஆர்வலர்கள், பெற்றோர்கள் மற்றும் குழந்தைகள் என அனைத்து தரப்பினரையும் கவரும் வகையில் உருவாக்கப்பட்டுள்ள இந்த ரோபோ மனிதர்களுடன் உரையாடுவதோடு அவர்களின் பழக்க வழங்களில் இருந்து கற்றுக்கொள்ளும் வகையிலும் வடிவமைக்கப்பட்டுள்ளது. ஜெரூசலம் பல்கலைக்கழகத்துடன் இணைந்து ரோபோ ஐன்ஸ்டீனை ஹான்சன் உருவாக்கியுள்ளது. இந்த ரோபோ மினியேச்சர் சிறிய வடிவில் அமைந்திருந்தாலும், வழக்கமான அளவிலும் உள்ள ரோபோவையும் காட்சிக்கு வைத்திருந்தது. இந்த ரோபோவுக்காக என்று பிரத்யேகமான கிக்ஸ்டார்ட்டர் பக்கமும் அமைக்கப்பட திட்டமிட்டுள்ளது.

ஐன்ஸ்டீன் தவிர ஜிபோ , குரி, பாரீஸ்டா, அரிஸ்டாட்டில், ஓலி, ஹப், ஏர்பாட், ரோபோமோவர் உள்ளிட்ட ரோபோக்களும் இந்த கண்காட்சியில் அறிமுகமாகியுள்ளன.

இவற்றில் குரி இல்லங்களில் பயன்படக்கூடிய ரோபோ. 20 அங்குலம் உயரம் கொண்டு குரி, சக்தி வாய்ந்த காமிராக்களை கண்களாக கொண்டிருக்கிறது. தன்னைச்சுற்றிய காட்சிகளை உணரக்கூடிய இந்த ரோபோ வீட்டில் உள்ளவர்களுடன் தொடர்பு கொள்ளும் திறனும் கொண்டது. ஒளிபடங்களை எடுத்து ஒளிபரப்பும் ஆற்றலும் பெற்றிருக்கிறது. மேபீல்ட் ரோபாட்டிக்ஸ் நிறுவனத்தின் படைப்பு இது. சாதாரண வேலைகளையும் கூட செய்து முடிக்கும் திறன் கொண்டுள்ளது என்பதையும் கவனிக்க வேண்டும்.

யூ.கே. வின் எமோடெக் நிறுவன உருவாக்கமான ஓலி, இசை கேட்பு சாதனங்கள் மற்றும் இணையத்துடன் இணைக்கப்பட்ட சாதனங்களை இயக்க கூடியது. ஹப் ரோபோ, மனித முகம் கொண்ட டிஜிட்டல் உதவியாளராக உருவாக்கப்பட்டுள்ளது. இசை சார்ந்த கேள்விகளுக்கு பதில் அளிக்க கூடியதாக வானிலை விவரங்களை அளிக்க கூடியதாக இது கவர்கிறது என்கிறது டெக் ரிப்பபிள் இணையதளம்.

ரோபோ மோவர் வீட்டுக்கு வெளிப்புறத்தில் பணியாற்றக்கூடியது என்றால் எல்.ஜி நிறுவனத்தின் ஏர்பாட் விமானநிலையத்திற்கு வழிகாட்டக்கூடியது. அரிஸ்டாட்டில் ரோபோ சிறார்களுடன் உரையாடி அவர்கள் கேள்விக்கு பதில் அளிக்க கூடியது. பாரிஸ்ட்டா காலையில் சூடாக காபி போட்டு தரக்கூடியது. யூனிபாட் எனும் வாக்குவம் கிளினர் ரோபோ பாதுகாப்பு காமிரா அம்சத்தையும் கொண்டுள்ளது. 4 அடி உயரம் கொண்ட மோரோ சிறிய ரோபோ, நீங்கள் கட்டளையிட்டால் பிரிட்ஜ் போன்ற பொருட்களை கூட உங்களுக்காக தூக்கி வருமாம். டெர்டில் எனும் ரோபோ தோட்ட வேலை செய்து களைகளை அகற்றக்கூடியதாக இருக்கிறது.

இதே போல ஜப்பானின் செவன் டிரீமர்ஸ் அறிமுகம் செய்துள்ள லாண்ட்ராய்டு, துணைகளை துவைத்து, உலர்த்தி அழகாக மடித்து அயன் செய்தும் தருகிறது. காட்சி உணர் திறன் கொண்ட இந்த இயந்திரம் துணிகளை தரம்பிரித்து அதற்கேற்ப செயல்படுகிறது. இவைத்தவிர இன்னும் சில விநோத ரோபோக்கள் அறிமுகமாகியுள்ளன.

இந்த வகை ரோபோக்கள் வருங்காலத்தில் வீடுகளை நோக்கி படையெடுக்க இருப்பதாக வல்லுனர்கள் சொல்கின்றனர். ஏற்கனவே வீடுகளில் பயன்படுத்தப்படும் ரூம்பா ரக ரொபோக்கள் மற்றும் அமேசான் அலெக்சா வகை டிஜிட்டல் உதவியாளர்கள் வரிசையில் இவையும் இணையும் வாய்ப்பு இருக்கிறது என்கின்றனர்.

மனிதர்களுடன் உரையாடி கற்றுக்கொள்ளக்கூடிய ரோபோக்கள், அவர்கள் சொல்வதை புரிந்து கொண்டு செயல்படக்கூடிய உதவியாளர் ரோபோக்கள் எதிர்காலத்தில் சகஜமாக பயன்பாட்டிற்கு வரும் என்றும் கணிக்கின்றனர். ரோபோ எதிர்காலத்திற்கு நீங்கள் தயாரா?

Google Self-Driving Car Project - Google Plus 2

கூகுள் ரோபோ காரின் முழுமையான மாதிரி அறிமுகம்

கூகுல் தானியங்கி காரை நினைவிருக்கிறதா? கடந்த மே மாதம் முன்மாதிரி வடிவில் அறிமுகம் செய்யப்பட்ட இந்த தானியங்கி காரின் முழுமையான முதல் மாதிரியை கூகுள் தற்போது அறிமுகம் செய்துள்ளது. விடுமுறை கால பரிசாக தானியங்கி காரின் முதல் செயல்பாட்டு வடிவை அறிமுகம் செய்வதாக கூகுள் அறிவித்துள்ளது.
முன்னணி தேடியந்திரமான கூகுள் எக்ஸ் எனும் திட்டத்தின் கீழ் பல்வேறு முக்கிய ஆய்வு முயற்சிகளில் ஈடுப்பட்டு வருகிறது. கூகுள் கிளாஸ் போன்ற முயற்சிகள் இதில் இடம்பெற்றுள்ளன. இதன் ஒரு பகுதியாக கூகுள் தானியங்கி கார் ஆய்விலும் தீவிரமாக ஈடுப்பட்டு வருகிறது. 2010 ம் ஆண்டு முதல் கூகுள் இதற்காக ஆய்வில் ஈடுப்பட்டு வருகிறது. இதன் பயனாக கடந்த மே மாதம் தானியங்கி காரின் முன்மாதிரி (ப்ரோட்டோடைப்) வடிவை அறிமுகம் செய்தது. டிரைவர் இல்லாமல் தானாகவே இயங்க கூடிய இந்த காரின் வெள்ளோட்ட காட்சி வியப்பையும், பரபரப்பையும் ஏற்படுத்தியது.
ரோபோ கார் என்றும் குறிப்பிடப்படும் இந்த கார் சாப்ட்வேர் வழிகாட்டுதலோடும் சென்சார்கள் துணையோடும் தன்னைத்தானே இயக்கி கொள்ளும். மனிதர்கள் இதில் ஹாயாக பின்சீட்டில் அமர்ந்து கொண்டால் போதுமானது. இந்த காரில் ஸ்டியரிங்கும் கிடையாது. பிரேக்கும் கிடையாது. எல்லாவற்றையும் சாப்ட்வேர் கவனித்துக்கொள்ளும். ஒரு பட்டனை அழுத்தினால் போதும் கார் போக வேண்டிய இடத்திற்கு அழைத்துச்சென்றுவிடும் என்றும் குறிப்பிடப்பட்டது.
போக்குவரத்தின் எதிர்காலம் என்றும் வர்ணிக்கப்படும் இந்த தானியங்கி கார் ஆச்சர்யத்தை மட்டும் அல்லாமல் பல்வேறு கேள்விகளையும் சந்தேகங்களையும் எழுப்பியது. அவற்றில் பிரதானமானது, இந்த கார் உண்மையில் நடைமுறையில் சாத்தியம் தானா ? என்பதாகதான் இருந்த்து. தானியங்கி கார்கள் எல்லாம் சரிபட்டு வருமா? போன்ற கேள்விகள் முன்வைக்கப்பட்டு இதன் பின் உள்ள தொழில்நுட்பம் சார்ந்த விவாதமும் நடைபெற்று வருகிறது.
மெல்ல கூகுள் கார் பற்றிய பரபரப்பு அடங்கிய நிலையில் இப்போது கூகுள் இதன் முழு மாதிரி வடிவை அறிமுகம் செய்திருக்கிறது. தானியங்கி கார் முயற்சியில் மிகப்பெரிய பாய்ச்சலாக இதன் முதல் முழு செயல்பாட்டு வடிவை உருவாக்கி இருப்பதாக கூகுள் அறிவித்துள்ளது.
மே மாதம் அறிமுகம் செய்யப்பட்ட மாதிரி ஹெட்லைட் கூட இல்லாத வடிவம் என்று குறிப்பிட்டுள்ள கூகுள் தற்போது முதல் முழு தானியங்கி கார் மாதிரி வடிவமைக்கப்பட்டுள்ளதாக குறிப்பிட்டுள்ளது. மே மாத அறிமுகத்திற்கு பின் பலவேறு வகையான சோதனை முயற்சியில் ஈடுபட்டு அவற்றின் எல்லா அம்சங்களையும் உள்ளடக்கியதாக புதிய மாதிரி உருவாக்கப்பட்டுள்ளதாகவும் கூகுள் தெரிவித்துள்ளது.
கிறிஸ்துமஸ் விடுமுறை காலத்திலும் புத்தாண்டிலும் கலிபோர்னியா சாலைகளில் இந்த தானியங்கி கார் வலம் வர இருப்பதாகவும் தெரிவிக்கப்பட்டுள்ளது. தானியங்கி கார்களில் பிரேக் மற்றும் ஸ்டியரிங் தேவை இல்லை என்ற போதிலும் போக்குவரத்து விதிமுறைகளுக்கு உட்படும் வகையில் இவை மாதிரி வடிவில் சேர்க்கப்பட்டுள்ளன. அவசர தேவை எனில் கைக்களால் இயக்கி கட்டுப்படுத்தும் வசதியும் இருக்கிறது.
உருவாக்கத்திலும் ,வெள்ளோட்டங்களிலும் பாதுகாப்பு அம்சத்திற்கு முக்கியத்துவம் அளிக்கப்பட்டுள்ளதாகவும், சென்சார்கள் சாலையில் மேடுபள்ளங்கள் உள்ளிட்ட அனைத்து முக்கிய அம்சங்களையும் கவனத்தில் கொள்ளும் வகையில் வடிவமைக்கப்பட்டுள்ளதாகவும் தெரிவித்துள்ளது.
வரும் ஆண்டுகளில் 100 க்கும் மேற்பட்ட மாதிரி கார்களை உருவாக்கி போக்குவரத்து சோதனைகளில் ஈடுபட கூகுள் திட்டமிட்டுள்ளது. முதல் கட்ட சோதனையில் வெற்றி கிடைத்தால் அடுத்த கட்டமாக கலிபோர்னியாவில் மாதிரி திட்டம் ஒன்றையும் நடைமுறைபடுத்த உள்ளது. இந்த சோதனையின் போது கற்றுக்கொண்டு அந்த அனுப்வத்தின் அடிப்படையில் தானியங்கி கார் தொழில்நுட்பத்தை மேம்படுத்தவும் கூகுள் விரும்புகிறது.
கூகிள் தவிர வேறு சில நிறுவன்ங்களும் கூட தானியங்கி கார் ஆய்வில் ஈடுபட்டு வருகிறது. சமீபத்தில் பிரிட்டனின் பிரிஸ்டல் உள்ளிட்ட 4 முக்கிய நகரங்களில் தானியங்கி காருக்கான சோதனை முயற்சியை மேற்கொள்ள அனுமதி அளிக்கப்பட்டது.
கூகுல் கார் தானியங்கி கார் திட்டத்தின் முன்னேற்றத்தை அறிந்து கொள்வதற்காக கூகுள் பிளஸ் பக்கத்தையும் அமைத்துள்ளது: https://plus.google.com/+GoogleSelfDrivingCars/posts

கூகுல் கார் பற்றிய முந்தைய பதிவு இது ;

கூகுலின் டிரைவர் இல்லாத கார் அறிமுகம்.;

http://cybersimman.com/2014/05/28/google-car/

—–

 

_79507168_robotatcomputer

கூகிள் அறிமுகம் செய்யும் புதிய பரிசோதனை!

இணையத்தை மேலும் எளிதாக பயன்படுத்தும் வகையில் கூகிள் இணையவாசிகளுக்கான புதிய பரிசோதனை முறையை அறிமுகம் செய்திருக்கிறது. இதன் மூலம் , இணையவாசிகள் தாங்கள் மனிதர்கள் தான் என்பது முன்போல எரிச்சலூட்டும் அனுபவமாக இருக்காது என கூகிள் கருதுகிறது.

கூகிள் அறிமுகம் செய்துள்ள இந்த பரிசோதனையின் பெயர் ரி-கேப்ட்சா. ( No-CAPTCHA ) . இந்த சோதனையின் முந்தைய வடிவமான கேப்ட்சாவை நீங்கள் பலமுறை எதிர்கொண்டிருக்கலாம். புதிய இணைய சேவைக்காக பதிவு செய்யப்படும் போது அல்லது இணைய ஷாப்பிங் போன்றவற்றில் ஈடுபடும் போது ஏதாவது ஒரு நிலையில் சின்ன கட்டத்தில் , ஜாங்கிரி போன்ற எழுத்துக்கள் தோன்றும். அந்த எழுத்துக்களை நீங்கள் சரியாக கண்டுபிடித்து டைப் செய்தால் உள்ளே நுழையும் அனுமதியை பெறலாம்.

இந்த சோதனை தான் கேப்ட்சா என்று சொல்லப்படுகிறது. இந்த சோதனையின் நோக்கம் இணையத்தை பயன்படுத்த முயற்சிப்பவர்கள் மனிதர்கள் தான் என்பதை உறுதி செய்வது தான் . அதாவது இந்த சோதனையை முன்வைக்கும் ஒவ்வொரு இணையதளமும் நீங்கள் மனிதர் தானா? என்ற கேள்வியை முன்வைத்து அதை உறுதி செய்து கொள்கின்றன.
இது அபத்தமாக தோன்றலாம்.
ஆனால், இந்த சோதனையை இணையவாசிகள் எதிர்கொள்ள நேர்ந்தாலும் உண்மையில் இது அவர்களுக்கான அல்ல; இணையத்தில் உலாவும் அல்லது உலாவவிடப்படும் பாட் என்பபடும் சாப்ட்வேர் படைப்புகள் அல்லது எந்திரங்களை தடுப்பதற்காக தான்.

ஸ்பேம் மெயில் அனுப்ப, பாஸ்வேர்டு திருட என்று பலவிதமான பாட்கள் உருவாக்கப்பட்டு உலாவ விடப்பட்டுள்ளன. இவற்றை தடுக்கும் பொருட்டே, இணையவாசிகளுக்கு கேப்ட்சா சோதனைக்கு உள்ளாக்கப்பட்டு உள்ளே அனுமதிக்கப்படுகின்றனர்.
கிளிக் செய்து உள்ளே உழைய மட்டுமே தயார் செய்யப்பட்ட ஸ்பேம் பாட்களால் , இந்த சோதனையில் வெற்றிபெற முடியாது என்பதால் அவை திருதிருவென்று முழித்து நிற்கும். அவற்றுக்கு அனுமதி மறுக்கப்பட்டு வெளியேற்றப்படும்.

இப்படி தான் கேப்ட்சா முறை இணையசேக்கான பூட்டு சாவியாக செயல்படுகிறது. அமெரிக்காவின் கார்னகி மெலான் பல்கலை ஆய்வாளர்கள் உருவாக்கிய முறை இது.
ஆனால், இந்த சோதனையை எதிர்கொள்வது எரிச்சலாக இருக்கும். சில நேரங்களில் மீண்டும் மீண்டும் எழுத்துக்களை டைப் செய்ய வேண்டியிருக்கும் போது எரிச்சல் பலமடங்கு அதிகமாகும்.
அதோடு, இப்போதெல்லாம் இந்த கேப்ட்சா சோதனைக்காக பதிலை அளிக்ககூடிய புத்திசாலித்தனமான பாட்களை உருவாக்கத்துவங்கிவிட்டனர். விளைவு பாட்கள் கேப்ட்சா சோதனையை கூடு உடைத்து உள்ளே நுழைந்துவிடுகின்றன.

இதற்கு மாற்று மருந்தாக தேடியந்திர நிறுவனமாக கூகிள் ,ரி-கேப்ட்சா எனும் புதிய முறையை முன்வைத்துள்ளது. இணைய பாட்களுக்கு கடுமையாக இருக்கும் வகையில் உருவாக்கப்பட்டிருக்கும் இந்த புதிய முறை இணையவாசிகளுக்கு மிகவும் எளிதாக இருக்கும் என கூகிள் சொல்கிறது. இணையவாசிகள் , நான் ரோபோ இல்லை எனும் கட்டத்தை கிளிக் செய்தால் மட்டும் போதுமானது. இந்த கிளிக்கை வைத்தே ரி-கேப்ட்சா சேவையை பயன்படுத்த இருப்பது இணையவாசியா அல்லது ரோபாவா என தீர்மானித்துவிடும்.
ரோபோக்களுக்கு சிக்கலானது, மனிதர்களுக்கு எளிதானது எனும் வர்ணணையோடு கூகிள் இந்த சேவையை அறிமுகம் செய்திருக்கிறது. இந்த சேவையை மற்ற இணையதளங்களுக்கும் கூகிள் வழங்க இருக்கிறது. ஏற்கனவே வலைப்பதிவு சேவையான வேர்டுபிரஸ் போன்றவை இதை பயம்படுத்த முன்வந்துள்ளன,.
இந்த சேவை எளிதாக தோன்றினாலும் இதன் பின் பெரிய அளவிலான ஆய்வு மற்றும் சிக்கலான செயல்முறைகள் இருக்கின்றன என்று கூகிள் சொல்கிறது.

கடந்த காலங்களில் இணையவாசிகள் கேப்ட்சா சோதனையை எதிர்கொள்ளும் விதம் மற்றும் பாட்கள் அணுகும் வித்த்தை ஆழமாக கவனித்து அதன் அடிப்படையில் புதிய முறை உருவாக்கப்பட்டுள்ளதாக கூறுகிறது. அட்வான்ஸ்ட் ரிஸ் அனாலசிஸ் என்று கூகிள் இதை சொல்கிறது.

ரி-கேப்ட்சா சோதனையின் போது, அதற்கு முன்னர் மற்றும் பின்னர் இணையவாசியின் செயல்பாட்டை கவனித்து செயல்படும் ஆற்றல் இந்த முறையில் இருப்பதாக கூகிள் குழு சொல்கிறது. சில நேரங்களில், புகைப்படம் போன்றவை காண்பிக்கப்பட்டு அடையாளம் காட்ட கேட்கப்படலாம். இந்த சோதனை மனிதர்களுக்கு எளிதாக இருக்கும் என்பதோடு , புத்தகங்களை டிஜிட்டல் மயமாக்கும் வசதி, வரைபட சேவை மேம்பாடு ஆகியவற்றுக்கும் பயன்படும் என தெரிவிக்கப்பட்டுள்ளது.

எல்லாம் சரி கேப்ட்சா என்றால் என்ன என்று குழப்பமாக இருந்தால் , அதற்கான விரிவாக்கம் :Completely Automated Public Turing test to tell Computers and Humans Apart. கம்ப்யூட்டர் மற்றும் ரோப்போக்களை வேறுபடுத்துவத்ற்கான தானியங்கி டியுரிங் டெஸ்ட் என்று பொருள்.
கம்ப்யூட்டர் மேதையான ஆலன் டியூரிங் செயற்கை அறிவிற்காக முன்வைத்த சோதனை டியூரிங் டெஸ்ட் என்று அழைக்கப்படுகிறது என்பதும் குறிப்பிடத்தக்கது.

———-
ரிகேப்ட்சா பற்றி கூகிள் விளக்கம்: https://www.google.com/recaptcha/intro/index.html

—–

நெட்சத்திரங்கள் அப்டேட்;
மஹிர் காக்ரியை தெரியுமா என நேற்று கேட்டிருந்தேன். காக்ரி துருக்கி நாட்டவர். இணைய நட்சத்திரம். சொல்லப்போனால் இணையத்தின் முதல் நட்சத்திரம். யூடியூப் காலத்திற்கு வெகு முன்னரே, இமெயில் மூலம் இணைய வெளி முழுவதும் பிரபலமானவர். ஒரு சாமான்யர் பற்றி எல்லோரையும் பேச வைக்க முடியுமா என புத்தாயிரமாண்டில் வியக்க வைத்தவர்.
காக்ரி என்ன செய்தார் ? எப்படி பிரபலமானா? அதன் பிற்கு என்ன ஆனார் ? என்பது பற்றி எல்லாம் , நெட்சத்திரங்கள் புத்தக்த்தில் விரிவாக எழுதியிருக்கிறேன்.
மேலும் நெட்சத்திரங்கள் பற்றிய சுவாரஸ்ய்மான தகவல்களை பகிர்ந்து கொள்கிறேன்.

அன்புடன் சிம்மன்



புத்தகம் பற்றிய விவரங்களுக்கு ;

புத்தகத்தின் விலை ரூ. 130 ( 176பக்கங்கள்).

விவரங்களுக்கு ; Vivek Enterprises,
No.2/3, 4th Street,
Gopalapuram,
Chennai – 600 086.
Ph: 044-28111506

அன்புடன் சிம்மன்.

இணைய வரைபடமும், துணி துவைக்கும் ரோபோ மீனும் !


இது தான் இணைய வரைபடம்

இணையத்தில் தொடர்புடைய எல்லா சாதங்களையும் ஒரே வரைபடத்தில் கொண்டு வந்திருக்கிறார் அமெரிக்க சாப்ட்வேர் வல்லினரான ஜான் மேத்ர்லி. அதாவது இண்டெநெர் இணைப்பு கொண்டிருக்கும் எல்லா சாதனங்களையும் அவர் உலக வரைப்டத்தில் புள்ளிகாளாகி காட்டியிருக்கிறார். பல வண்ண புள்ளிகளுடன் மின்னும் அந்த படத்தை பார்த்தாலே உலகின் எந்த பகுதிகளில் இணைய இணைப்பு கொண்ட சாதனங்கள் இருக்கின்றன என்று தெரிந்து கொள்ளலாம். சிவப்பு புள்ளிகள் அதிக அடர்த்தியை குறிக்கும். நீல புள்ளிகள் குறைவான எண்ணிக்கையை குறிக்கின்றன. இணையத்துடன் இணைகக்ப்பட்ட சாதனங்களுக்கு எல்லாம் கோரிக்கை அனுப்பி தகவல் திரட்டி இந்த வரைபடத்தை உருவாக்கி இருக்கிறார். இந்த வரைபடத்தை வருங்காலத்தில் அப்டேட் செய்யும் எண்ணமும் இருப்பதாக சொல்லி இருக்கிறார்.
மேதர்லி சாதாரண நபர் இல்லை. ஷோடன் எனும் தேடியந்திரத்தை அவர் நடத்தி வருகிறார். உலகிலேயே திகிலூட்டும் தேசியந்திரம் என இது வர்ணிக்கப்படுகிறது. இணையம் மூலம் எவரும் தொடர்பு கொண்டு ஹேக் செய்து விடக்கூடிய வெப்கேம்களையும் , இதர சாதனங்களையும் தேடி அடையாளம் காட்டுகிறது இந்த தேடியந்திரம். ஆனால் இந்த சேவை தவறான பயன்பாட்டிற்கானது அல்லது, இணைய பாதுகாப்பு பற்றிய விழிப்புணர்வுக்கானது என்கிறார் மேதர்லி.

மேதர்லியின் இணைய வரைபடம் ; https://imgur.com/aQUHzgu

ஷோடன் தேடியந்திரம்; http://www.shodanhq.com/

*****

அமிதாப்புக்கு 15 மில்லியன் லைக்ஸ்

பாலிவுட் நட்சத்திரம் அமிதாப் பச்சனுக்கு 71 வயதானாலும் கூட இணையம் மற்றும் சமூக ஊடகங்களை பயன்படுத்துவதில் இளைஞனுக்குரிய உற்சாகத்தை வெளிப்படுத்தி வருகிறார். அதன் பயனாக அமிதாப் பேஸ்புக்கில் ஒரு மைல்கல்லை தொட்டுள்ளார். ஆம் பேஸ்புக்கில் அவருக்கு 15 மில்லியன் லைக்ஸ் கிடைத்துள்ளன. இது பற்றி அமிதாப் தனது டிவிட்டர் பக்கத்தில் குறிப்பிட்டு ரசிகர்களுக்கு நன்றி தெரிவித்துள்ளார்.
அதிக பேஸ்புக் லைக் பட்டியலில் இந்திய நட்சத்திரங்களில் சல்மான் கான் தான் முன்னிலையில் இருக்கிறார் ( 19,143,677 லைக்ஸ்). ஆனால் அமிதாப்பிற்கு டிவிட்டரில் பாலோயர்கள் அதிகம் ( 9.85 மில்லியன்).

*****

ஒரு பேராசிரியரின் பெருந்தன்மை

2-marybeardjpg_2857755b
பிரபலங்கள் துவங்கி சாதாரண இணையவாசிகள் வரை இணையத்தில் பலரும் சீண்டலுக்கும் தாக்குதலுக்கும் இலக்காவது தொடந்ந்து கொண்டு தான் இருக்கிறது. இந்த சீண்டல்கள் சில நேரங்களில் எல்லை மீறிச்சென்று விடுதலால் அதற்கு இலக்கானவர்கள் மனம் வெதும்பி இணையத்தில் இருந்தே விலகிச்சென்றிருக்கின்றனர். சிலர், விஷமத்தனமாகவும் ,துவேஷமாகவும் கருத்து தாக்குதல் நடத்தியவர்களுக்கு பாடம் புகட்டுவதற்காக பதிலடி கொடுக்க முறப்பட்டதும் உண்டு. ஆனால் கேம்பிர்ட்ஜ் பல்கலைக்கழக பேராசிரியர் மேரி பியரட் தன் மீது ஆவேச தாக்குதல் நடத்திய வாலிபரை மன்னித்து அவர் மனதையும் மாற்ற வைத்திருக்கிறார்.
கடந்த ஜூலை மாதம் ஆலிவர் ராலிங்ஸ் எனும் 20 வயது வாலிபர் ,பேராசிரியர் பியர்ட்டின் ஒரு கருத்துக்கு எதிர்ப்பு தெரிவிக்கும் வகையில் அவர் மீது மோசமான தாக்குதலை தொடுத்திருந்தார். ’வயதான கிழமே வாயை மூடு முதலில் .. என கூறியிருந்தவர் அதன் பிறகு மிக மோசமான கருத்தையும் கூறியிருந்தார். இதனால் வெறுத்துப்போன பேரசிரியர் தனது டிவிட்டர் பக்கதில் இது பற்றி தெரிவித்திருந்தார். டிவிட்டரில் அவருக்கு 42,000 பாலோயர்கள் இருந்தனர். அவர்களில் பெரும்பாலானோர் இந்த கருத்தை ரீடிவீட் செய்து வாலிபர் ராலிங்சிற்கு கண்டனம் தெரிவித்தனர். ஒரு சிலர் ராலிங்க்ஸ் வீட்டு முகவரியை கண்டுபிடித்து தருகிறோம் அவன் அம்மாவிடம் இது பற்றி முறையிடுங்கள் என்றும் சொல்லியிருந்தனர்.
இணைய உலகமே ராலிங்கிஸிற்கு எதிராக பொங்கியது எனலாம். ஆனால் பேராசியரோ பின்னர் ரேடியோ பேட்டி ஒன்றில், அந்த வாலிபரை மன்னித்து விட்டதாகவும் வாய்ப்பு கிடைத்தால் அவரை நேரில் சந்தித்து , இது போல இனி செய்யக்கூடாது என அறிவுரை சொல்லவும் விரும்புவதாக தெரிவித்தார்.
சொன்னது போலவே ,பேராசிரியர் ராலிங்சை சந்தித்து பேசியிருக்கிறார். அப்போது ராலிங்க்ஸ் பேராசிரியரிடம் தன் செயலுக்காக மன்னிப்பு கேட்டதுடன் தொர்ந்து இமெயில் மூலம் கருத்து பரிமாற்றம் செய்து கொள்ளும் அளவுக்கு இருவரும் நட்பாகி இருக்கின்றனர்.
அது மட்டும் அல்ல, பேராசிரியர் பியர்ட் அந்த வாலிபருக்கு வேலைவாய்ப்புக்கான பரிந்துரையும் செயதிருக்கிறார்.
எப்போது கூகிளில் ராலிங்க்ஸ் பற்றி தேடினாலும் இந்த சம்பவம் பற்றிய தகவல்கள் வந்து நின்று அவனது வேலைவாய்ப்பை பாதிக்க்கப்போகிறது. ஒரு நிமிட மடத்தனத்தால் அவனது வாழ்க்கை பாழாக வேண்டுமா? என்று பேராசிரியர் இது தொடர்பாக நியூயார்கர் பத்திரிகை பேட்டியில் குறிப்பிட்டுள்ளார்.

*****

விண்ணில் இருந்து ஒரு லைவ் பேட்டி!
2stronaut_3014794b
சமூக வலைப்பின்னல் சேவையான பேஸ்புக்கில் பிரபலங்களுடனான கேள்வி பதில் பகுதி மிகவும் பிரபலமானது. அதாவது பிரபலங்கள் பேஸ்புக் வாயிலாக பயனாளிகளின் கேள்விகளுக்கு பதில் அளிப்பார்கள். சில வாரங்களுக்கு முன் பெண் கல்வி போராளியான பாகிஸ்தான் இளம்பெற் மலாலா இதில் பங்கேற்றார்.
இந்நிலையில் பேஸ்புக்கில் முதல் முறையாக விண்ணில் இருந்து கேள்வி பதில் நிகழ்ச்சி நடத்தப்பட்டுள்ளது. விண்வெளியில் இருக்கும் சர்வதேச விண்வெளி ஆய்வு மையத்தில் வசிக்கும் விண்வெளி வீரர் அலக்சாண்டர் ஜெர்ஸ்ட் ( Alexander Gerst ) இதன் மூலம் விண்வெளியில் இருந்து கேள்விகள்க்கு பதில் அளித்தார்.
ஒவ்வொரு முறை விண்கள ஜன்னலில் இருந்து எட்டிப்பார்த்து பூமியை பார்க்கும் போது கண்ணில் நீர் வந்துவிடுகிறது என ஜெர்ஸ்ட் ஒரு கேள்விக்கு பதில் அளிக்கும் போது கூறினார். பூமியை மேலிருந்து பார்ப்பது அற்புதமான அனுபவம் என்று கூறியவர் , நான் நினைத்ததை விட அது மிகவும் சிறியதாக இருக்கிறது, ஒரே நேரத்தில் தென் அமெரிக்கா, ஆஸ்திரேலியா மற்றும் ஆப்பிரிக்காவை எல்லாம் ஒரே நேரத்தில் பார்க்க முடிகிறது என்றும் கூறிருந்தார். விண்வெளியில் வேலை பார்க்கும் விண்வெளி வீரர்கள் தினமும் 12 மணீ நேரம் பணியாற்றுவதாகவும் ஒரு மணி நேரம் குடும்பத்துடன் பேசவும், மெயில் அனுப்பவும் கிடைப்பதாக அவர் கூறியிருந்தார். நவம்பரில் பூமிக்கு திரும்ப உள்ள ஜெர்ஸ்ட் விண்ணில் இருந்து பூமியை பார்க்கும் அற்புத அனுபவத்தை தான் மிஸ் செய்ய வேண்டிருக்கும் என்று கூறியுள்ளார். இருந்தாலும் மழையில் நனைவது , காட்டில் மரங்களுக்கு நடுவே சுற்றுவது போன்ற பூமி தரும் சுகங்களுக்கு ஈடில்லை என்றும் கூறியுள்ளார்.

*****

ஆண்ட்ராய்டுக்கு சீனா பதிலடி

இணையத்தை பொருத்தவரை சீனாவின் வழி தனி வழி தான். உலகமே தேடியந்திரம் என்றாலே கூகிள் என்று நினைத்துக்கொண்டிருந்தாலும் சீனாவில் பெய்டு தான் தேடியந்திர ராஜா. அதே போல குறும்பதிவு சேவையாட ட்விட்டருக்கு நிகரான சீனாவில் வெய்போ குறும்பதிவு சேவை செல்வாக்கு பெற்றிருக்கிறது. மின்வணிகத்தை பொருத்தவரை அலிபாபா தான் சீனத்து அமேசான். இப்போது சீனா , ஓப்பரேட்டிங் சிஸ்டத்திலும் தனக்கான தனி வழியை நாட முடிவு செய்திருக்கிறது.
இணைய உலகில் பிரபலமாக இருக்கும் மைரோசாப்டின் விஸ்டோஸ் மற்றும் மொபைல் உலகில் ஆதிக்கம் செலுத்தும் ஆண்டராய்டுக்கு போட்டியாக உள்நாட்டில் உருவான ஆப்பரேட்டிங் சிஸ்டத்தை அறிமுகம் செய்ய சீனா தீர்மானித்துள்ளது. அடுத்த மாதம் இந்த ஆப்பரேடிங் சிஸ்டம் அறிமுகமாக இருக்கிறது. முதல் டெஸ்க்டாப் கம்ப்யூட்டர்களிலும் அதன் பிறகு ஸ்மார்ட்போன்களிலும் இந்த ஓ.எஸ் பயன்பாட்டிற்கு வரலாம் என கூறப்படுகிறது.
மார்ச் மாதம் இதற்கான சாப்ட்வேர் கூட்டு ஏற்படுததப்பட்டதாக சீன செய்தி நிறுவனம் தெரிவித்துள்ளது.
சீனாவின் சுயசார்பு தணிக்கை சார்ந்த்தாகவும் இருக்கிறது. எனவே தான் வெளிநாட்டு நிறுவனங்கள் ஆதிக்கம் தனது இணைய சந்தையில் ஆதிக்கம் செலுத்துவதை அது விரும்பவில்லை. சாப்ட்வேர் மூலம் அமெரிக்கா உளவு பார்ப்பதாகவும் சீனா குற்றம்சாட்டுகிறது.
ஓ.எஸ் தொடர்பான் இன்னொரு செய்தி, மைரோசாப்ட் விண்டோசின் அடுத்த வடிவமான விண்டோஸ் 9.0 செப்டம்பர் 30 ந் தேதி அறிமுகமாக இருப்பதாக சொல்லப்படுகிறது. தெர்ஷ்ஹோல்ட் எனும் கோட்நேம் கொண்ட இந்த வடிவில் விண்டோஸ் 8 ல் சொல்லப்பட்ட குறைகள் எல்லாம் நீக்கப்பட்டிருக்கலாம் என்றும் சொல்லபடுகிறது.

*****

சுயபட சர்ச்சைக்கு சுவையான முடிவு
2macaca_nigra_selfie
சுயபடம் (selfie.) என்பது சுயம்புவான படமாகவே கருப்பட வேண்டும் என அமெரிக்க காப்புரிமை அலுவலகம் தெரிவித்துள்ளது. இந்த முடிவு சுயபட காப்புரிமை தொடர்பான சர்ச்சைக்கான தீர்ப்பாகவும் அமைந்துள்ளது. நிச்சயம் இந்த கருத்து புகைப்பட கலைஞர் டேவிட் ஸ்லேட்டருக்கு ஏமாற்றத்தையே அளித்திருக்கும். அவர் தான் இந்த சுயபட சர்ச்சையின் மையத்தில் இருப்பவர். இல்லை, இந்த சர்ச்சையின் மையமாக இருப்பது ஒரு குரங்கு எடுத்த புகைப்படம். அந்த புகைப்படம் தனக்கு சொந்தமானது என்னும் உரிமையை நிலை நாட்ட ஸ்லேட்டர் போராடி வருகிறார்.
குரங்கு எடுத்த படத்திற்காக ஸ்லேட்டர் எப்படி உரிமை கொண்டாடலாம் ? இந்த கேள்வி தான் சர்ச்சையின் சுவாரஸ்யமே.
விஷயம் இது தான். பிரிட்டனைச்சேர்ந்த வனவிலங்கு புகைப்பட கலைஞரான டேவிட் ஸ்லேட்டர் 2011ல் இந்தோனேசியாவின் சுலாவேசி தீவுகளில் அங்குள்ள மாகாவு (macaque ) ரக குரங்குகளை படமெடுத்துக்கொண்டிருந்தார். அப்போது குரங்கு ஒன்று அவரது காமிராவை பறித்துக்கொண்டு சென்று அதை வைத்து கிளிக்கி தள்ளியது. இப்படி குரங்கு எடுத்த படங்களில் சுயபடமும் ஒன்று. அதாவது தன்னைத்தானே எடுத்துக்கொண்ட் புகைப்படம். குரங்கு காமிராவை பார்த்து சிரிப்பது போன்ற அந்த படம் பத்திரிகைகளில் வெளியாகி தலைப்புச்செய்தியானது.
அந்த படம் தான் ஸ்லேட்டருக்கு தலைவலியாகவும் மாறியது. அந்த புகைப்படத்தை ஆன்லைன் களஞ்சியமான விக்கிபீடியாவை நிர்வாகிக்கும் விக்கிமீடியா தனது புகைப்படங்கள் பகுதியில் இடம்பெற வைத்தது. இங்குள்ள படங்கள் எல்லாமே காப்புரிமை இல்லாதவை என்பதால் யார் வேண்டுமானாலும் பயன்படுத்தலாம்.
ஆனால் ஸ்லேட்டர், தனது காமிராவில் எடுக்கப்பட்ட அந்த புகைப்படம் தனக்கு சொந்தமானது என கருதுகிறார். அந்த படத்தை எல்லோரும் பயன்படுத்த அனுமதிப்பதால் தனது வருமானம் பாதிப்பதாகவும் ஆகவே அந்த புகைப்படத்தை தளத்தில் இருந்து நீக்க வேண்டும் என்றும் ஸ்லேட்டர் விக்கிமீடியாவிடம் கோரிக்கை வைத்தார்.
விக்கிமீடியா இதை ஏற்க மறுத்துவிட்டது. குரங்கு எடுத்த சுயபடத்திற்கான காப்புரிமை ஸ்லேட்டருக்கு உரியது அல்ல எனவே படத்தை காப்புரிமை இல்லாததாகவே கருதுவோம் என கூறிவிட்டது.
விக்கிமீடியா டெக்னிக்கலாக பேசுகிறது, காமிரா விசையை அழுத்தியதை தவிர இதில் பல விஷயங்கள் இருக்கின்றன, இதை நீதிமன்றம் தான் முடிவு செய்ய வேண்டும் என்று ஸ்லேட்டர் சொல்கிறார்.
காமிரா தன்னுடையது என்பதால் அதில் குரங்கு எடுத்த சுயபடமும் தனக்கு உரிமையானது என்பது அவரது வாதம்.
இந்நிலையில் அமெரிக்க காப்புரிமை அலுவலகம் சமீபத்தில் வெளியிட்டுள்ள அறிக்கையில் குரங்கு எடுத்த சுயபடம் ,யானை வரைந்த ஓவியம் போன்றவை எல்லாம் காப்புரிமை பெற முடியாதவை என கூறியுள்ளது.
ஆக குரங்கு எடுத்த சுயபடம் யாருக்கும் சொந்தமில்லாதது!.

*****

துணிகளை சுத்தமாக்கும் ரோபோ மீன்.

2lectroluxdesignlab_
கொரியாவை சேர்ந்த வடிவமைப்பாளர் ஒருவர் ரோபோ மீன்கள் கொண்டு துணிகளை சுத்தமாக்கும் வஷிங் மிஷினை உருவாக்கி வியக்க வைத்திருக்கிறார். இந்த ரோபோ மீன்கள் துணியின் உள்ள அழுக்கை எல்லாம் உறிஞ்சி எடுத்துவிடும் என்பதால் சலவைத்தூள் இல்லாமலே துணி துவைத்து விடலாம் .
சான் யோப் ஜியோங் (Chan Yeop Jeong. ) எனும் அந்த வடிவமைப்பாளர் உருவாக்கி உள்ள வாஷிங் மெஷினின் பெயர் பெசிரா. இது பார்த்தற்கு வாஷிங்மெஷின் போல இல்லாமல் அழகிய மீன் தொட்டி போல இருக்கும். இந்த தொட்டியில் உள்ள தண்ணீரில் டோஃபி ( Dofi) எனும் குட்டி ரோபோ மீன்கள் நீந்திக்கொண்டிருக்கும்.
இந்த ரோபோ மீன்கள் தான் ,துணிகளில் உள்ள அழுக்குகளை எல்லாம் உறிஞ்சி எடுத்து விடுகிறது. ரோபோ மீன்களில் கண்கள் போல பொருத்தப்பட்டுள்ள காமிரா மூலம் துணிகளில் உள்ள அழுக்கை கண்டுபிடித்து செயல்படுகிறது.
மனிதர்கள் கால்களில் உள்ள அழுக்குகளை உணவாக கொண்டு தூய்மையாக்கும் டாக்டர் பிஷ் என்று சொல்லப்படும் காரா ருஃபா ( Garra rufa) மீன்களை அடிப்படையாக கொண்டு இந்த துணிகளை சுத்தமாக்கும் ரோபோ மீன்களுக்கான எண்ணம் பிறந்ததாக வடிவமைப்பாளர் ஜியோங் சொல்கிறார்.
எலக்ட்ரோலக்ஸ் நிறுவனம் நடத்திய புதுமையான வாஷிங் மிஷின் வடிவமைப்பு போட்டிக்காக இந்த ரோபோ மீன் ஐடியாவை அவர் சமர்பித்திருக்கிறார்.
இந்த முறையில் சலவைத்தூளும் தேவை கிடையாது என்கிறார் ஜியோங். ரோபோ மீன் துணிகளை சுத்தமாக்கி தருவதோடு தொட்டியில் உள்ள தண்ணீரையும் சுத்தமாகவே வைத்திருப்பதால் நீரை மீண்டும் பயன்படுத்தலாம் என்கிறார்.
ஆக இந்த எந்திரம் சுற்றுச்சூழலுக்கு நட்பானது என்கிறார். எலக்ட்ரோலக்ஸ் டிசைன்லேப் தளத்தில் இந்த ரோபோ மீன் பற்றிய விரிவான விவரங்கள் மற்றும் அவை செயல்படும் விவரங்கள் வீடியோவுடன் இடம்பெற்றுள்ளன.
மீன் தொட்டி வடிவில் இருப்பதால் இதை வீட்டில் எந்த பகுதியில் வேண்டுமானாலும் வைத்திருக்கலாம் என்று குறிப்பிடப்பட்டுள்ளது. அதோடு இதில் துணி துவைக்கும் அழகை பார்த்து கொண்டே இருக்கலாமாம்.
இப்போதைக்கு சிறந்த வடிவமைப்பு கருத்தாக்கமாக மட்டுமே இது இருக்கிறது. இந்த ரோபோ மீன் துணி துவைக்க, அதாவது தயாரிப்புக்கு எப்போது வரும் என்று தெரியவில்லை.
ரோபோ மீன் துணை துவைப்பதை பார்க்க: http://electroluxdesignlab.com/2014/development-blog/chan-yeop-jeong/
——

நன்றி; விகடன்.காம்