Tag Archives: share

கோப்புகள் மூலம் நட்பு வளர்க்க உதவும் இணையதள‌ம்.

இண்டெர்நெட் மூலம் கோப்புகளை பகிர்ந்துகொள்ள உதவும் மெகாஅப்லோடு இணையதளம் வம்பில் மாட்டிக்கொண்டிருப்பது உங்களுக்கு தெரிந்திருக்கலாம்.அமெரிக்க நீதிமன்றத்தில் இந்த தளத்திற்கு எதிராக வழக்கு தொடர்ப்பட்டு அதன் உரிமையாளரான டாட்காம் நியூசிலாந்தில் கைது செய்யப்பட்டுள்ளார்.

இணைய சுதந்திரத்தை பறிக்கும் சோபா கருப்பு சட்டத்தை எதிர்த்து மாபெரும் போராட்டம் நடத்தப்பட்டதற்கு அடுத்த நாள் இந்த சம்பவம் நடதிருப்பது தற்செய்லா என்று தெரியவில்லை.

மெகாஅப்லோடு விவகாரம் பற்றி தனி பதிவு எழுத திட்டமிட்டுள்ளேன்.இப்போது மெகாஅப்லோடு போலவே கோப்புகளை பகிர உதவும் புதியதொரு இணையதளமான பைல்பிரண்ட் பற்றி பார்ப்போம்.

கோப்புகளை இமெயில் வாயிலாக அனுப்பி வைக்க முயன்று கொண்டிருந்தது எல்லாம் ஒரு காலம். இப்போதெல்லாம் கோப்புகளை அனுப்ப எங்ககிட்ட வாங்க நாங்க பார்த்துகிறோம் என்று சொல்லும் இணைய சேவைகள் நிறைய இருக்கின்றன.

பைல்பிரண்ட் இந்த பிரிவில் புதிய வரவு.ஆனால் கவனத்தை ஈர்க்ககூடிய வகையில் கூடுதலான அம்சத்தோடு அறிமுகமாகியுள்ளது.

இந்த தளத்தில் கோப்புகளை பகிர்ந்து கொள்ளும் போது அவற்றை பேஸ்புக் டிவிட்டர் போன்ற சமூக வலைப்பின்னல் தொடர்புகளோடும் பகிர்ந்து கொள்ளலாம்.இதன் காரணமாக நீங்கள் பதிவேற்றும் கோப்புகளை உங்கள் நண்பர்களும் பார்க்கலாம்,டவுன்லோடு செய்யலாம்.

பொதுவாக கோப்பு பகிர்வு தளங்களில் குறிப்பிட்ட கோப்பை பகிர்ந்து கொண்டுவிட்டு அதற்கான இணைய முகவரியை அனுப்பி வைத்தால் அந்த முகவரியை கொண்டு உரிய கோப்பை அவர்கள் டவுண்லோடு செய்து கொள்ளலாம்.

பைல் பிரண்ட் தளத்தில் நேரடியாகவே நண்பர்கள் வட்டத்தில் கோப்புகளை பகிர்ந்து கொள்ளலாம்.பைல் பிரண்டில் கோப்புகளை பதிவேற்றுவது மிகவும் சுலமம்.கிளிக் செய்து தளத்திற்குள் ஏற்றிவிடலாம்.அதன் பிறகு பயனாளிகள் தங்களின் பேஸ்புக் உள்ளிட்ட சமூக வலைப்பின்னல் சேவைகளில் அதனை இணைத்துவிடலாம்.

இதன் மூலம் அவர்கள் நட்பு வட்டத்தில் உள்ள அனைவரும் அந்த கோப்பை பெற முடியும்.அவர்களின் நட்பு வட்டத்தில் உள்ளவர்களும் பெற முடியும்.

கோப்புகளை பகிர்டந்து கொள்ளாமல் சேமித்து மட்டும் வைக்கலாம்.அதாவது ஒரு பேக் அப்பாக பயன்ப்டுத்தலாம்.பின்னர் தேவைப்படும் போது அவற்றை தேடி எடுத்து பயன்படுத்தலாம்.

கோப்புகளை நண்பர்களோடு பகிர்ந்து கொள்ளலாம்.விரும்பினால் தளத்தின் மற்ற உறுப்பினர்களோடும் பகிர்ந்து கொள்ளலாம்.அதே போல மற்ற உறுப்பினர்கள் பொது பிரிவில் பகிர்ந்து கொள்ளும் கோப்புகளை நாமும் பார்வையிடலாம்.கோப்புகள மூலமே நட்பையும் வளர்த்து கொள்ளலாம்.

மிக எளிமையான வடிவமைப்பு இந்த தளத்தின் சிறப்பம்சம்.இந்த மாத இறுதிக்குள் உறுப்பினராக சேர்ந்தால் ஓராண்டு கட்டணம் கிடையாதாம.

இணையதள முகவரி;http://www.filefriend.com/index.html

lifty

இந்த இணையதளம் இபுக் தளங்களின் சிகரம்.

இணையத்திலேயே புத்தகங்களை படிப்பதற்கு ‘ரீட் எனி புக்‘ தான் சிறந்த இணையதளம் என்று நினைத்து கொண்டிருந்தால் லிட்பை இணையதளம் அதைவிட சிறந்ததாக இருக்கிறது.தோற்றத்திலும் சரி உள்ளடக்கத்திலும் சரி லிட்பை இணையதளம் ஒரு படி மேலானதாக இருக்கிறது.

முழுமையான இணைய புத்தக வாசிப்பு தளம் என்று இதனை தயக்கமே இல்லாமல் பாராட்டலாம்.அந்த அளவுக்கு வாசிப்பு சார்ந்த அம்சங்களை கொண்டிருக்கிறது.

புத்தகங்களை படிக்க விருப்பமா? எங்களிடம் வாருங்கள் என்று அழைப்பு விடுக்கும் இந்த தளம் இபுத்தகங்களை(பெரும்பாலும் நாவல்கள்) இலவசமாக படிக்க தருகிறது.இதுவரை 2 ஆயிரம் புத்தகங்களே இருப்பதாக சொல்லப்பட்டாலும் நாளுக்கு நாள் இந்த எண்ணிக்கை கூடிக்கொண்டே போவதாக இந்த தளம் உற்சாகம் அளிக்கிறது.

நாவல்களை எந்த இடத்திலும் எந்த நேரத்திலும் வாசித்து மகிழலாம்!இதன் பொருள் கம்ப்யூட்டரிலும் வாசிக்கலாம்,லேப்டாப்பிலும் வாசிக்கலாம்,வேரு எந்த வாசிப்பு வசதி கொண்ட சாதனத்திலும் படிக்கலாம் என்பதே.

எந்த புத்தகத்தை படிக்கலாம் என்று தேர்வு செய்து கொள்வது மிகவும் எளிதானது.புத்தகங்கள் பகுதியை கிளிக் செய்தால் புத்தக பட்டியல் அவற்றின் அட்டை படத்தோடு அழகாக தோன்றுகிறது.சமீபத்தில் சேர்க்கப்பட்ட புத்தகம்,அதிகம் படிக்கப்பட்ட புத்தகம் என்னும் தலைப்பிலும் புத்தகங்களை காணலாம்.

புத்தகத்தை தேர்வு செய்து கிளிக் செய்த பின் ஒரு கணம் திக்குமுக்காடி போக நேரலாம். அந்த அளவுக்கு புத்தகம் சார்ந்த தகவல்களும்,வசதிகளும் இருக்கின்றன.அதற்கு காரணம் இந்த தளம் வெறும் வாசிப்பு தளம் அல்ல.படித்ததை பகிர்ந்து கொள்ளவும் விவாதிக்கவும் உதவும் தளம் இது.

புத்தக விற்பனை தளமான அமேசான் தளத்தில் புத்தகங்கள் பற்றிய தகவல்களை தேடும் போது ,புத்தகத்தின் சுருக்கமான அறிமுகம்,அதன் ரகம்,வாசகர்கள் விமர்சனம்,அவர்களின் ரேட்டிங் உள்ளிட்ட அம்சங்களை பார்த்திருக்கலாம்.அதோடு நாமும் விமர்சனம் எழுதி சமர்பிக்கலாம்.

அதே போல தான் இதிலும் புத்தகத்தின் அறிமுக குறிப்பு,அதில் உள்ள அத்தியாயங்கள்,அது எந்த வகையை சார்ந்தது என்ற குறிப்பு,ஏற்கனவே படித்தவர்களின் விமர்சனங்கள்,வாசகர்களின் மதிப்பீடு ஆகிய விவரங்கள் வரவேற்கின்றன.

இவை போதாதென்று குறிப்பிட்ட அந்த எழுத்தாளரின் பிற புத்தகங்கள் மற்றும் அதே போன்ற மற்ற புத்தகங்களின் பட்டியலும் தரப்படுகிறது.புதிய புத்தகங்களை அறிமுக செய்து கொள்ள இதை விட வேறு என்ன வேண்டும்.

புத்தகத்தை பற்றி அப்படியே பேஸ்புக் அல்லது டிவிட்டர் மூலம் நண்பர்களோடு பகிர்ந்து கொள்ளலாம்.ஜிமெயில்,வலைப்பதிவு போன்றவற்றிலும் இங்கிருந்தே பகிர்ந்து கொள்ளலாம்.

புத்தகம் நன்றாக இருக்கிறதா ,பிடித்திருக்கிறதா அது பற்றி நண்பர்களோடு கருத்துக்களை பகிர்ந்து கொண்டு விவாதிக்கலாம்.இந்த தளத்தில் உள்ள உறுப்பினர் குழுக்களிலுல் நுழைந்து விவாதத்தில் பங்கேற்கலாம்.அதற்கேற்பவே தளத்தின் முகப்பு பக்கத்தில் தற்போது யாரெல்லாம் என்ன புத்தகங்களை படித்து கொண்டிருக்கின்றனர் என்றும் தெரிந்து கொள்ளலாம்.

விருபினால் வாகர்களே கூட ஒரு புதிய விவாத குழுவை துவக்கி மற்றவர்களை அழைக்கலாம்.ஏதானும் சந்தேக்ம் இருந்தாலும் மற்றவர்களிடம் விளக்கம் கேட்கலாம்.

வாசகர் என்ற முறையில் ஒருவருக்கு பிடித்த சிறந்த புத்தகங்களை பட்டியலிடவும் செய்யலாம்.இப்படி சக வாசகர்கள் பட்டியல் மூலம் புதிய புத்தகங்களை அறிமுகம் செய்து கொள்ளலாம்.

இந்த அமசங்களை எல்லாம் ரசித்து மகிழ்ந்து விட்டு வாசிப்பதற்கான பட்டனை கிளிக் செய்தால்,இன்னொரு முறை அசந்து போக நேரும்.

காரணம் பல தளங்களில் பார்க்க கூடியது போல புத்தக பக்கங்களின் பிடிஎப் வடிவம் வந்து நிற்காமல் அழகான இபுக் ரீடர் தோன்றுகிறது.வரிசையாக ஒவ்வொரு பக்கமாக படித்து கொண்டே போகலாம்.

படிக்கும் போது ஏதாவது தோன்றுகிரதா,உடனே படித்து கொண்டிருக்கும் பக்கத்தின் அருகிலேயே அந்த குறிப்புகளை எழுதி வைக்கலாம்.இதற்கென தனியே இணைய குறிப்பேடு வசதி உள்ளது.மனதை கவர்ந்த் வரிகளை அடிக்கோடிட்டும் வைக்க முடியும்.

பாதி படித்து கொண்டிருக்கும் போதே வேறு வேலை வருகிறதா,அந்த பக்கத்தை அப்படியே புக மார்க் செய்து விட்டும் போய்விடலாம்.அடுத்த முறை படித்து கொண்டிருந்த பக்கத்தை தேடும் தேவையில்லாமல் அதே பக்கத்தில் இருந்து படிக்க துவங்கலாம்.புத்தகத்திற்கான மதிப்புரையும் எழுதி,மதிப்பீட்டையும் அளிக்கலாம்.இவற்றுக்கெல்லாம்உறுப்பினராக பதிவு செய்து கொள்ளுதல் அவசியம்.

ஆக இங்கே புத்தகம் வாசிப்பது என்பது அலுப்புட்டக்கூடிய தனிமையான அனுபவம் அல்ல,நண்பர்களோடு இணைந்து படிக்க கூடிய இனிமையான அனுபவம்.

இதை போன்ற வாசிப்பு அனுபவத்தை செழுமையாக்க கூடிய முழுமையான தளம் வேறில்லை என்றே சொல்ல வேண்டும்.

ஆங்கிலம் மட்டும் அல்லாமல் பிற மொழி புத்தகங்களும் இடம் பெற்றிருப்பது இந்த தளத்தின் கூடுதல் சிறப்பம்சம்.

இணையதள முகவரி:http://www.litfy.com/

aww-logo-normal

வரையலாம்,பகிரலாம்;அழைக்கும் இணையதளம்.

இணைய வெள்ளை பலகை! இப்படி தான் அந்த ஏட்பில்யூட்பில்யூஆப் இணையதளம் த‌ன்னை வர்ணித்து கொள்கிறது.

இணைய வெள்ளை பலகை என்றால் வரைந்து தள்ளுவ‌தற்கான இடம் என்று வைத்து கொள்ளுங்கள்.வரைவதற்கான இடம்,தூரிகை,வண்ணங்கள், இன்னும் பிறவற்றை இந்த தளம் வழங்குகிற‌து.

ஒரு பலகையோடு இணைந்த மூன்றே கட்டங்களில் இந்த வசதியை மிக ழகாக இந்த தளம் அளிக்கிறது.இடது பக்கத்தில் உள்ள இந்த கட்டங்களில் நடுவில் உள்ள கட்டத்தை கிளிக் செய்தால் வரைவதற்கான இணைய‌ தூரிகை அல்லது பேனா வந்து நிற்கிறது.நமக்கு தேவையான் அளவுக்கு தூரிகையின் முனையை பெரிதாக்கி கொள்ளலாம்.இதனுடனே அழிக்கும் வசதியும் இருக்கிறது.

மேலே உள்ள கட்டத்தல் வண்ணங்கள் இருக்கின்றன.எந்த வண்ணம் தேவையோ அதனை தேர்வு செய்து கொள்ளலாம்.

மூன்றாவது கட்டம் வரைந்த சித்திரத்தை சேமித்து கொள்வது உள்ளிட்ட வசதியை த‌ருகிறது.

சித்திரத்தை பேஸ்புக் அல்லது டிவிட்டரில் பகிர்ந்து கொள்ளும் வசதியும் இருக்கிறது.அதோடு இந்த முகவரியை நண்பர்களோடு பகிர்ந்து கொண்டு அவர்களையும் வரைய சொல்லலாம்.

கம்புயூட்டர்,டேப்லெட்,ஸ்மார்ட்போன் என எதில் வேண்டுமானாலும் இதனை பயன்படுத்தலாம்.

நண்பர்களோடு பகிர்ந்து கொள்ளும் வசதியும்,அவர்களோடு சேர்ந்து வரையும் வசதியுமே இந்த தளத்தின் சிற‌ப்பம்சம்.

இப்படி வரைதல் மூலம் நட்பு வளர்த்து கொள்ள உதவும் தளங்கள் ஏற்கனவே உள்ளன.அந்த பட்டியலில் இத‌னையும் சேர்த்து கொள்ளலாம்.

இணைய‌தள முகவரி;http://awwapp.com/

qotables

பொன்மொழிகளுக்கான வலைவாசல்.

கோட் காயில்‘ தளம் பொன்மொழிகளுக்கான கூகுல் என்றால் கோட்டபில்ஸ் தளத்தை பொன்மொழிகளுக்கான யாஹூ என்று சொல்லலாம்.அதாவது அது பொன்மொழி தேடியந்திரம் என்றால் இது பொன்மொழிகளுக்கான வலைவாசல்.

பொதுவாக இணைய உலகில் வலைவாசல் என்னும் கருத்தாக்கமே தேய்பிறையாகி கொண்டிருக்கிற‌து.ஒரு காலத்தில் இணையய உலகின் நுழைவு வாயில் என்று வர்ணிக்கப்பட்ட யாஹு இன்று களையிழந்த இணைய மாடமாகிவிட்டது.

இந்த சூழலில் யாஹூவுடன் ஒப்பிடக்கூடிய எண்ணம் ஏற்படுவதே வியப்பானது தான்.ஆனால் கோட்டபில்ஸ் தளம் இந்த எண்ணத்தை தான் ஏற்படுத்துகிறது.

வலைவாசல் தளங்கள் எப்படி செய்திகள்,தகவல்கள்,தளங்கள் என சக‌லவிதமான தகவல்களையும் ஒரே இடத்தில் வழங்குகின்றனவோ அதே போல இந்த தளம் பொன்மொழிகள் தொடர்பான விரிவான அனுபவத்தை வழங்குகிறது.இந்த தளம் வலைவாசல் மட்டும் அல்ல;ஒருவிதத்தில் பொன்மொழிகளுக்கான விக்கிபிடியா இன்னொரு விதத்தில் பொன்மொழி வலைப்பின்னல் சேவை.

காரணம் ,இங்கு பொன்மொழிகளை தேடலாம்.பகிர்ந்து கொள்ளலாம்.குறித்து வைக்கலாம்.கருத்து தெரிவிக்கலாம்.பொன்மொழிகளை மையமாக கொண்டு இன்னும் நிறைய விஷயங்களை செய்யலாம்.

மொத்தத்தில் பொன்மொழி பிரியர்களை கொண்டாட்டத்தில் ஆழ்த்தக்கூடிய தளம் தான்.

பொன்மொழிகளுக்கான இணைய இருப்பிடம் என்று தான் இந்த தளம் தன்னை வர்ணித்து கொள்கிற‌து.இணையவாசிகள் இங்கு புதிய பொன்மொழிகளை பலவிதங்களில் தெரிந்து கொள்ளலாம்.முகப்பு பக்கத்தில் தேர்ந்தெடுக்கப்பட்ட பொன்மொழி வாசகங்கள் வரவேற்பதோடு சமீபத்தில் சேர்க்கப்பட்டவை,அதிகம் பார்க்கப்பட்ட பொன்மொழிகள் போன்ற தலைப்புகளின் கீழும் பொன்மொழிகளை தெரிந்து கொள்ளலாம்.இதை தவிர பொன்மொழிகள் அவற்றின் வகைகளுக்கு ஏற்பவும் பொருத்தமான குறிச்சொற்களோடு இடம் பெறுகின்றன.

பொன்மொழிகள் அவசர தேவை என்றால் நேராக தேடல் கட்டத்தில் குறிச்சொல்லை அடித்து தேடிக்ககொள்ளலாம்.இல்லை என்றால் விலாவாரியாக பொன்மொழிகளை அலசி ஆராயலாம்.

பொன்மொழிகளை படித்து ரசித்தவுடன் அவற்றை பிடிச்சிருக்கு என்று நமக்கான பக்கத்தில் குறித்தும் வைக்கலாம்.(உறுப்பினர்களுக்கான வசதி இது)இதற்கான பொன்மொழிகளின் இடது பக்கத்தில் உள்ள இதயத்தின் சின்னத்தை கிளிக் செய்தால் போதும்.

நாளைடைவில் நமது பக்கத்திலும் நாம் விரும்பிய பொன்மொழிகள் சேர்ந்து விடுவதோடு எப்போதாவது பொன்மொழியை நினைவுபடுத்தி கொள்ள முயன்றால் எப்போது எந்த இடத்தில் பார்த்தோம் என்றெல்லாம் குழம்பி தவிக்க தேவையில்லாமல் நமது பட்டியலில் இருந்து சுலபமாக தேடி எடுத்துவிடலாம்.

பொன்மொழிகள் பிடித்திருந்தால் என்ன செய்வோம் ,நண்பர்களிடம் சொல்ல நினைப்போம் அல்லவா அதையும் இங்கிருந்தே செய்து விடலாம்.பேஸ்புக் மறும் டிவிட்டர் வழியே பொன்மொழிகளை பகிர்ந்து கொள்ளும் வசதியும் இருக்கிற‌து.

அதே போல நமக்கு மிகவும் பிடித்த பொன்மொழிகளை இங்கு சம்ர்பிக்கவும் செய்யலாம்.அதிக பட்சம் 75வார்த்திகளுக்குள் இருக்க வேண்டும் என்றும் ஆபாசமாகவோ அவதூறாகவோ இருக்க கூடாது என்பது மட்டும் தான் நிபந்தனை.

பொன்மொழிகளின் கீழ் எப்போது யாரால் சமர்பிக்கப்பட்டவை போன்ற விவரங்காளையும் காணலாம்.விரும்பினால் பொன்மொழிகள் குறித்து அவை பாதித்தவிதம் குறித்தும் கருத்துக்களை பகிர்ந்து கொள்ளலாம்.இவை போதாதென்று பொன்மொழிகளுக்கான வலைப்பதிவும் இருக்கிறது.

இணையதள முகவரி;http://quotabl.es/

உணவோடு உறவு வளர்க்கும் இணையதளம்.

ஒரே கல்லில் இரண்டு மாங்காய் அடிப்பது போல மதிய உணவை நண்பர்களுடன் சேர்ந்து சாப்பிட்டது போலவும் இருக்க வேண்டும்,அதே நேரத்தில் புதிய வர்த்தக தொடர்பு அல்லது தொழில் முறை உறவை ஏற்படுத்தி கொண்டது போலவும் இருக்க வேண்டும் என்று நினைப்பவர்களுக்கு அதற்கான வாய்ப்பை உண்டாக்கி தரும் இணையதளங்களின் வரிசையில் லஞ்ச் மீட் சேவையையும் சேர்த்து கொள்ளலாம்.

மதிய உணவை மையமாக வைத்து கொண்டு நட்பு பாலம் அமைத்து கொள்ள வழி செய்யும் இந்த தளம் இனி ஒரு முறை தனிமையில் மதிய உணவு சாப்பிடாதீர்கள்,எங்கேயும் எப்போது நண்பர்களோடு சேர்ந்தே சாப்பிடுங்கள் என்கிற‌து.

தனிமையில் சாப்பிடாமல் இருப்பதற்கான சேவை என்பதே இதன் நோக்கம்.அதை தான் கோஷமாகவும் முன்வைக்கிற‌து.

மருத்துவ பிரதிநிதிகள்,ஐடி ஊழியர்கள்,ஆலோசகர்கள்,தொழில்முனைவோர் போன்றவர்களுக்கு இந்த வாசக‌த்தின் அருமை சொல்லமலே புரிந்து விடும்.காரணம் மதிய உணவு நேரம் என்பது பசியாறுவதற்கு மட்டும் அல்ல;சாப்பாட்டை சுவைத்தபடியே யாருடனாவது பேசி கருத்துக்களை பாரிமாறி புதிய வாய்ப்புகளை தேடிக்கொள்வதற்கானதும் தான்.

சாப்பிட்டு கொண்டே உரையாடலில் ஈடுபடுவதைவிட சுவாரஸ்யமானது வேறு என்ன இருந்து விட முடியும். உடன் சாப்பிடும் புதிய நண்பர்களை பற்றி தெரிந்து கொள்ளலாம் .அப்படியே ந‌ம்மை பற்றி இன்னும் சரியாக அறிமுகம் செய்து கொள்ளலாம்.இந்த கருத்து பரிமாற்றம் தொழில்முறையான புதிய வாயில்களை திறந்து விடக்கூடியது.

அதனால் தான் திறமைசாலிகள் வாய்ப்பு கிடைக்கும் போதெல்லாம் சாப்பிட்டு கொண்டே பேசலாமா என்று மதிய உணவு நேரமாக பார்த்து ஓட்டலுக்கு அழைத்து சென்றுவிடுகிறார்கள்.

சிலருக்கு மட்டுமே கைவந்த கலையான இந்த மதிய உணவு சந்திப்பை எல்லோருக்கும் எற்படுத்தி தருகிறது லஞ்ச் மீட் சேவை.

தொழில்முறை நப‌ர்களுக்கான வலைப்பின்னல் சேவை தளமான லிங்க்ட் இன் தளத்தை அடிப்படையாக கொண்டு இது செய்லப‌டுகிற‌து. லிங்க்ட் இன் உறுப்பினர்கள் இந்த தளத்தின் மூலம் தாங்கள் மதிய உணவு திட்டம் பற்றி தெரிவித்தால் அதனடிப்படையில் உங்கள் வலைப்பின்னலில் இருப்பவர்கள் யாரேனும் அருகாமையில் உள்ளனரா என்று தேடிப்பார்த்து சொல்லி விடுகிற‌து.

உடனே அந்த நப்ரை தொடர்பு கொண்டு உணவு சாப்பிட சம்மதாமா என்று அழைப்பு விடுக்கலாம்.நேரம் மற்றும் இடத்தையும் விவாதித்து முடிவு செய்து கொள்ளலாம்.இருவருக்கும் உடன்பாடு என்றால் சேர்ந்து சாப்பிட்டு மகிழலாம்.

தொழில்முறையிலான வலைப்பின்னலில் இருப்பவர்கள் என்பதால் பேசுவதற்கும் பொதுவான விஷயங்கள் இருக்கும்.எனவே சுலபமாக உரையாடலை துவக்கி சரளமாக தொடரலாம்.

அவரவர் தேவை மர்றும் எதிர்பார்ப்பிற்கு ஏற்ப இந்த சந்திப்பை பயன்படுத்தி கொள்ளலாம்.வேலையில் இருப்பவர் என்றால் வேறு நல்ல வேலைக்கான வாய்ப்பு பற்றி அறிந்து கொள்ளலாம்.வேலைக்கு ஆள் பிடிப்பவர் என்றால் தகுதியான நபர்களுக்கு வலைவீசி பார்க்கலாம்.தொழில் மூனைவோர் என்றால் புதிய வார்த்தக வாய்ப்பை நாடலாம்.ஆலோசகர்கள் என்றால் தங்கள் நிபுணத்துவத்தை வெளிப்படுத்தி பயன் பெறலாம்.

இன்னும் எத்தனையோ விதங்களில் இந்த சந்திப்புகளை பயன்ப்டுத்தி கொள்ள முடியும்.உங்கள் நண்பர்களும் இந்த சேவையை பயன்படுத்தும் பட்சத்தில் அவர்களிடம் இருந்தும் கூட உங்களுக்கு மதிய உணவுக்கான அழைப்பு வரலாம்.

நட்புகு நட்பும் வலரும்.புதிய வாய்ப்புகளும் உருவாகும்.அது தான் இந்த சேவையின் சிறப்பு.

மதிய உண‌வின் இந்த மகத்துவத்தை எல்லாம் விளக்கி கீத் பெராசி என்பவர் நெவர் ஈட் அலோன் என்னும் புத்தகத்தை எழுதியுள்ளார்.இந்த புத்தகம் தந்த உந்துலால் தான் ல‌ஞ்ச் மீட தளத்தை உருவாக்கியதாக அதன் நிறுவனர் குறிப்பிட்டுள்ளார்.

இணையதள முகவரி;http://lunchmeetapp.com/