Tag Archives: songs

nostalgiamachine

இந்த தளம் இசை கால இந்திரம்!

விரும்பின இசையை கேட்டு ரசிக்க புதிய வழியை மட்டும் அல்ல புதுமையான வழியை அறிமுகம் செய்திருக்கிறது தி நாஸ்டால்ஜியா மிஷின் இணையதளம்.  அப்படி இந்த தளம் என்ன செய்கிறது என்று கேட்டால் ,காலத்தால் பின்னோக்கி அழைத்துச்சென்று அந்த காலத்தி இசையை கேட்டு லயிக்க வைக்கிறது. அந்த வகையில் இது சாதாரண இணையதளம் அல்ல, இசைக்கான கால இயந்திரம்.

இப்போது இசைப்பிரியர்களுக்கு இந்த தளம் என்ன செய்கிறது என்பது இசை மின்னலாக தோன்றியிருக்குமே !

சிறு வயதிலோ அல்லது இளம் பருவத்திலோ கேட்டு ரசித்த பாடல்கள் எல்லோர் மனதிலும் இருக்கும் அல்லவா? இந்த பாடல்களை கேட்கும் போதே அந்த கால நினைவுகளில் மூழ்கிவிடலாம். இந்த பிளேஷ்பேக் அருமையான அனுபவம் . இதே அனுபவத்தை தான் இந்த இணையதளம் வழங்க முற்படுகிறது.  இதன் முகப்பு பக்கத்தின் மையத்தில் உள்ள கட்டத்தில் கடந்த காலத்தில் நாம் விரும்பும் ஆண்டை தேர்வு செய்து கிளிக் செய்தால் போதும் இந்த தளம் அந்த காலத்தில் பிரபலமான போக்காக இருந்த பாடல்களை பட்டியல் போட்டு காட்டுகிறது.

ஒவ்வொருவரும் அவர்களுக்கு விரும்பிய ஆண்டை தேர்வு செய்து கொள்ளலாம். அந்த கால இசை நினைவுகளில் மூழகலாம். அருமையான இணைதளம் இல்லையா? என்ன ஒரே குறை , எல்லா பரிந்துரைகளுமே பாப் பாடல்கள் மற்றும் மேற்கத்திய மெட்டுகள் தான். நம்மூர் இசையையும் சேர்த்திருந்தால் நன்றாக இருக்கும். அல்லது நம்மூர் இசை தளங்கள் இதே போன்ற சேவையை முயற்சிக்கலாம். 70 களை கிளிக் செய்து இளையராஜாவின் அன்னக்கிளியை கேட்பதோ 60 களை கிளிக் செய்து டிஎம்.எஸ் ஹிட்களை கேட்பதோ சுகமாக இருக்கும்  அல்லவா?

 

இசை நினைவில் மூழ்க; http://thenostalgiamachine.com/

பின்னணியில் பாட்டு கேட்க ஒரு இணையதளம்

http _www.getworkdonemusic.com_http _www.getworkdonemusic.com_அலுவலத்திலோ வீட்டிலோ கம்ப்யூட்டர் முன் அமர்ந்து வேலையில் ஈடுப்பட்டிருக்கும் போது பின்னணியில் பாட்டு கேட்டபடி இருப்பது பலருக்கு பழக்கமானது. பிடித்தமானது. இத்தகைய இசைப்பிரியர்களுக்காக பின்னணி பாடல்களை தானாக ஒலிக்கச்செய்யும் சேவையை அளிக்கிறது கெட் ஒர்க் டன் மியூசிக் இணையதளம். அதாவது பாட்டு கேட்டபடி வேலையை பாருங்கள் என ஊக்குவிக்கும் இந்த தளம் என்ன பாட்டு பாட என்று கேட்காமல் கேட்டு உங்களுக்கான பாடல்களை ஒலிபரப்புகிறது.

ஒலிபரப்பாகும் பாடல்கள் பிரபல ஆடியோ சேவையான சவுண்ட் கிலவுடுடன் உபயத்துடன் வழங்கப்படுகிறது. பின்னணியில் கேட்கும் பாடகளின் வேகத்தையும், பாடல்களையும் விரும்பினால் மாற்றியும் கொள்ளலாம்.

கேட்டுப்பாருங்கள்; http://www.getworkdonemusic.com/#.

இளையராஜா வந்தால் சொல்லுங்கள்!

எனக்கொரு பாடல் வேணுமடா!

வானொலியில்,எப்எம்மில்,தொலைக்காட்சியில்,செல்போனில் பாடல்களை கேட்டு ரசிப்பதை எல்லாம் விட நண்பர்கள் பரிந்துரைக்கும் பாடல்களை கேட்டு ரசிப்பதே இனிமையானது என்று நீங்கள் நினைத்தால் சென்ட்2மீ தளம் உங்களை சொக்க வைத்து விடும்.

காரணம் இந்த தளம் உங்கள் நண்பர்களிடம் இருந்து பாடல்களை பெறுவதற்கு வழி செய்கிறது.அதே போல நீங்களும் கூட உங்கள் நண்பர்களுக்கு பாடல்களை அனுப்பி வைக்கலாம்.

இணையம் வழி பாடல் பகிர்வு தளங்கள் பல இருந்தாலும் இந்த தளம் நண்பர்களுடன் நேரடியாக உங்களுக்கு பிடித்த பாடலை பகிர்ந்து கொள்வதற்காக என்றே உருவாக்கப்பட்டது.

சென்ட்2மீ தளத்தில் அதன் பெயருக்கேற்பவே யார் வேண்டுமானாலும் உங்களுக்கு பாடலை பரிந்துரையோடு அனுப்பி வைக்கலாம்.இதற்காக முதலில் பேஸ்புக் வழியே இந்த தளத்தில் உறுப்பினர் பக்கத்தை உருவாக்கி கொள்ள வேண்டும்.அதன் பிறகு உங்கள் பேஸ்புக் நண்பர்களுக்கு பாடல்களை அனுப்பி வைக்குமாறு கோரிக்கை வைக்கலாம்.

நண்பர்கள் தங்களுக்கு பிடித்த பாடலை அல்லது உங்களுக்கு பிடிக்ககூடும் என கருதும் பாடலை அனுப்பி வைக்கலாம்.பாடலை அனுப்புவது மிகவும் சுலபம்.அந்த பாடலின் யூடிப்பு இணைப்பை கொடுத்து விட்டால் போதுமாது.இந்த இணைப்போடு அந்த பாட்டுக்கான தனிப்பட்ட குறிப்பையும் எழுதி அனுப்பலாம்.இந்த குறிப்பு பாடல் சார்ந்ததாக இருக்கலாம்.அல்லது பாடலை அனுப்புவதற்காக காரணமாக இருக்கலாம்.

இசை சார்ந்த உரையாடலில் போது நண்பர்கள் பரஸ்பரம் கேட்டு ரசித்த பாடல்களை பகிர்ந்து கொள்வது உண்டல்லவா?இது வரை கேட்டிராத இனிய பாடல்களை மறைந்திருக்கும் இசை முத்துக்களை கண்டறிய இத்தகைய உரையாடல்களே சிறந்த வழி.

அது போலவே இந்த தளம் நண்பர்கள் பரிந்துரை வாயிலாக புதிய பாடல்களை கேட்டு ரசிக்க வைக்கிறது.

நீங்களும் கூட உங்கள் பங்கிற்கு நண்பர்களுக்கு யூடியூப் இணைப்பாக பாடலை அனுப்பலாம்.நண்பர்கள் வட்டம் விரிய விரிய பாடல்களின் பரப்பும் விரியலாம்.இந்த தளத்தின் மூலம் நண்பர்களை பின் தொடர்ந்து புதிய பாடல்களை அறிமுகம் செய்து கொள்ளலாம்.

பிறந்த நாள் மற்றும் திருமண நாளுக்கு இப்படி நண்பர்களுக்கு இசைமயமாக வாழத்து சொல்லலாம்.

இந்த தளத்தின் முகப்பு பக்கத்தில் யார் யாருக்கு அனுப்பியது என பாடல்களின் பட்டியல் இடம் பெற்றுள்ளது.அதன் மூலமும் புதிய பாடலை கேட்கலாம்.அதே போல புதிய பயனாளிகளின் அறிமுகமும் முகப்பு பக்கத்தில் இடம் பெறுகிறது.

உங்கள் நண்பர்களை இந்த வலைப்பின்னலுக்குள் அழைப்பதோடு இதில் உள்ள நபர்களையும் அவர்கள் கேட்டு ரசிக்கும் இசை மூலமாக அறிமுகம் செய்து கொண்டு நட்பாக்கி கொள்ளலாம்.

இப்போதைக்கு இந்த தளம் முழுவதும் பாப் பாடல்களின் ஆதிக்கம் தான்.

ஆனால் நம் பங்கிற்கு இளையராஜாவையோ ரஹ்மானையோ எம் எஸ் வியையோ ஆர்டி பர்மனையோ பகிர்ந்து கொள்ள எந்த தடையும் இல்லை.

இணையதள முகவரி;http://www.sendmusic2.me/

பாட்டு (போட்டி) போட வா?அழைக்கும் இணையதளம்!


எதையும் வெளியிடுவதை இணையம் எளிதாக்கி இருக்கிறது.கதை கவிதையாகட்டும்,ஆடல் பாடலாகட்டும் இணையத்தில் அவற்றை வெளியிட எண்ணற்ற வழிகள் இருக்கின்றன.அதற்கான தளங்கள் இருக்கின்றன,வலைப்பின்னல்கள் இருக்கின்றன!

யூசவுன்ட் தளமும் இந்த வகையை சேர்ந்தது தான்.பாடுவதில் ஆர்வமும் திறனும் கொண்டவர்கள் தங்கள் படைப்புகளை அதாவது பாடல்களை வெளியிட்டு தாங்களும் பாடகர்களாக இந்த தளம் உதவுகிறது.

யார் வேண்டுமானாலும் இந்த தளத்தின் மூலம் பாடகர்களாக உலகின் முன் அறிமுகமாகலாம் என்றாலும் இந்த தளத்தில் என்ன சிறப்பு என்றால் இதில் அரங்கேற்றம் காண்பதற்கு முன் போட்டியில் பங்கேற்று ஜெயித்தாக வேண்டும்.

ஆம் பாடகர்கள் முதலில் இந்த தளத்தில் தங்கள் பாடல்களை சமர்பித்த பிறகு இணையவாசிகள் அந்த பாடல் மீது வாக்களிப்பார்கள்.எந்த பாடகருக்கு அதிக வாக்குகள் கிடைக்கிறதோ அவரது பாடல் இந்த தளத்தின் வாயிலாக வெளியிடப்பட்டு விற்பனை செய்யப்படும்.

இசைத்தட்டு நிறுவனம் வெளியிடுவது போலவே இந்த தளமும் புதிய பாடகர்களின் பாடலை வெளியிட்டு அறிமுகம் செய்கிறது.ஆனால் வெளியீட்டு வாய்ப்பை பெற இசைத்தட்டு நிறுவனத்தின் தயவோ கடைக்கண் பார்வையோ தேவையில்லை,இணையவாசிகளின் ஆதரவு இருந்தால் போதும்.

அந்த வகையில் இளம் பாடகர்கள் தங்கள் திறமையை வெளிப்படுத்தி கொள்ளும் வாய்ப்பை பெறுவதோடு அந்த திறமையை சீர் தூக்கி பார்த்து கொள்ளும் வாய்ப்பையும் பெறுகின்ற‌னர்.

இசைத்த‌ட்டுக்கள் வெளியிடப்படும் முறையையே தலைகீழாக பிரட்டி போடுவதாக இந்த தளம் பெருமை பட்டு கொள்கிற‌து.ஒரு விதத்தில் இது உணமை தான்.பாடல் வெளியிடும் வாய்ப்பை திறமை சார்ந்ததாக மாற்றி அனைவருக்கும் இசை உலகின் கதவுகளை திற‌ந்து விட்டுள்ளது இந்த தளம்.

பாடல்களை சவுன்ட் கிலவுட் மூலம் பகிர்ந்து கொள்ளலாம்.இங்கு வெளியிட்ட பிறகு பேஸ்புக்,டிவிட்டர் மூலமும் பகிர்ந்து கொண்டு ஆதரவு திரட்டலாம்.

இணையதள முகவரி;http://www.yousound.dj/

இசை கேட்கும் இணைய சுவர்.


இணையதில் இலவசமாக பாடல்களை கேட்டு ரசிக்க ஏராளமான இணையதளங்களும் சேவைகளும் இருக்கின்றன.பாடல்களை தேடித்திரும் தேடிய‌ந்திர சேவைகளும் இருக்கின்றன.இவற்றை இசை கண்டுபிடிப்பு தளங்கள் என குறிப்பிடலாம்.

அந்த வகையில் யூவால்.டிவி தளத்தை இன்னொரு இசை கண்டுபிடிப்பு தளமாக கருத வேண்டியிருந்தாலும் இன்னொரு இசை சார்ந்த தளம் என்னும் அலுப்பை மீறி இசைப்பிரியர்களை முதல் பார்வையிலேயே கவர்ந்திழுக்க கூடிய இணையதளமாகவே இது இருக்கிறது.

முதல் பார்வையிலேயே என்பது கவனிக்க வேண்டிய விஷயம்.காரணம் இசைமயமான இந்த தளம் காட்சிமயமாக அமைந்திருப்பது தான்.அதாவது இசை தேவையை இந்த தளம் காட்சிரீதியாக நிறைவேற்றி தருகிறது.

பாடல்கள்,பாடக‌ர்கள்,இசை வகைகள் என எல்லாமே வரிசையாக பட்டியலிப்பட்டிருக்கும் முறை அலுப்பு தரக்கூடியது என கருதுபவர்கள் இதன் முகப்பு பக்கத்தில் நுழைந்ததுமே சொக்கிப்போய் விடுவார்கள்.அதற்கு காரணம் இந்த தளமே இசை சுவராக வண்ணமயமாக வரவேற்பது தான்.!.

ஆம் தளத்தின் முகப்பு பக்கம் முழுவதும் பாடகர்கள் ,இசை கலைஞர்களின் புகைப்படங்களாக நிறைந்திருக்கின்றது.எந்த படத்தை கிளிக் செய்தாலும் அந்த பாடகரின் பாடல்களுக்கான இணைய ஜன்னல் எட்டிப்பார்க்கிறது.பாடகரின் பாடலும் வீடியோ காட்சியோடு கேட்கத்துவங்கிறது.அந்த பாடகர் பிடித்தமானவர் என்றால் தொடர்ந்து அதே ஜன்னலில் அவரது பாடல்களை கேட்டு கொண்டே இருக்கலாம்.

இல்லை என்றால் வேறு பாடகரின் பாடலை கேட்க சென்று விடலாம்.பாடகரை தேர்வு செய்வது மிகவும் சுலபம்.இசை சுவற்றில் பாடகரின் படத்தை தேர்வு செய்து கிளிக் செய்தால் போதும்.

இந்த சுவர் பாடகர்களால் உருவாக்கியிருந்தாலும் இதில் நீங்கள் விரும்பிய பாடகர்கள் இல்லாமல் போகலாம்!அப்போதும் கவலைப்படவேண்டாம் உங்கள் மனதில் உள்ள பாடகரின் பெயரை டைப் செய்து தேடினால் அவருக்கான இசை ஜன்னல் வந்து நிற்கிறது.

முகப்பு பக்கத்தில் பெரும்பாலும் மேற்கத்திய பாடகர்களே ஆதிக்கம் செலுத்தினாலும் தேடல் பகுதியில் நமது இசைஞானியில் துவங்கி சித்ரா,யுவன்,ஹாரீஸ்,ரஹ்மான் என எல்லோரையும் கண்டுபிடிக்க முடிகிறது.பாடல் பட்டியல் முழுமையாக இருப்பதாக சொல்ல முடியாவிட்டாலும் ஏதுமில்லாத ஏமாற்றம் ஏற்படுவதில்லை.

அது மட்டும் அல்ல,ஒரு பாடகர் அல்லது இசையமைப்பாளரை தேடும் போது அவருடன் தொட‌ர்புடைய மற்றவர்களின் பெயர்களும் பரிந்துரைக்கப்படுகிறது.

உதாரணத்திற்கு ரஹ்மானை தேடும் போது யுவன் ,ஹாரீஸ் ஆகியோரின் பெயர்கள் பரிந்துரைக்கப்படுகிறது.

பாடகர்களை கொண்டு தேடுவது மட்டும் அல்ல ஒவ்வொருவரின் மனநிலையை குறிப்பிட்டும் தேடும் வசதி இருப்பது கவரக்கூடியது.காதல் மனநிலைக்கேற்ற பாடல்கள்,உற்சாக மனநிலைக்கேற்ற பாடல்கள்,சோகமாக மூடுக்கேற்ற பாடல்கள் என்றும் தேர்வு செய்து கொள்ளலாம்.

இதைத்தவிர வழக்கமான இசை வகைகளுக்கேற்ற படி தேடிக்கொள்ளும் வசதியும் இருக்கிறது.

பேஸ்புக் மூலம் பதிவு செய்து கொண்டால் நண்பர்களோடு பகிர்ந்து கொள்ளும் கூடுதல் வசதியும் இருக்கிறது.

தோற்றம் உள்ளடக்கம் என்று இரண்டிலுமே கவர்ந்திழுக்கும் இசைமயமான இணையதளம் இது.இல்லை வண்ணமயமான இசை சுவர் இது.இதில் சாய்ந்தபடி இசை இளைப்பாறலாம்.இனிமையான உலகில் சஞ்சரிக்கலாம்.

இணையதள முகவரி;http://www.uwall.tv/