Tag Archives: songs

songshare

பாடல்களை பகிர ஒரு இணையதளம்.


சமூக வலைப்பின்னல் யுகத்தில் எதையுமே தனியே செய்வதில் சுவாரஸ்யம் இல்லை.பாடலை கேட்டு ரசித்தாலு அதனை நண்பர்களோடு பகிர்ந்து கொள்வதில் தான் முழு திருப்தியே இருக்கிறது.

அந்த வகையில் நீங்கள் விரும்பும் பாடலை உங்கள் நண்பர்களும் கேட்டு ரசிக்க வழி செய்கிறது சாங் ஷேர் இணையதளம்.நீங்கள் பரிந்துரைக்க விரும்பும் பாடலை பேஸ்புக் அல்லது டிவிட்டர் மூலம் சுலபமாக பகிர்ந்து கொள்ள வைப்பதன் மூலம் இதனை சாத்தியமாக்குகிறது.

பாடல்களை பகிர்வது மிகவும் எளிதானதே.பேஸ்புக் அல்லது டிவிட்டர் கணக்கு மூலம் இந்த தளத்தி நுழைய வேண்டும்.அதன் பிறகு தளத்தில் வரிசையாக பட்டியலிடப்பட்டுள்ள பாடல்களில் இருந்து உங்களுக்கு பிடித்தமானதை தேர்வு செய்து கொள்ள வேண்டும்.அல்லது பிடித்தமான பாடலை தேடிப்பார்த்து தேர்வு செய்து கொள்ளலாம்.

அதன் பிறகு அந்த பாடலை பேஸ்புக் அல்லது டிவிட்டர் மூலம் உங்கள் நண்பர்கள் வட்டத்தில் அந்த பாடலை பகிர்ந்து கொள்ளலாம்.பாடலை பகிர்ந்து கொள்வதற்கான காரணத்தை சிறு குறிப்பாகவும் இணைக்கலாம்.நண்பர்களும் பாடல்களை கேட்டு விட்டு தங்கள் கருத்தை தெரிவிக்கலாம்.பாடலுக்கு வாக்களிக்கலாம்.

பாடல்களுக்கான வாக்குகளின் அடிப்படையில் பாடல்கள் முகப்பு பக்கத்தில் பட்டியலிடப்படுகின்றன.பாடல்களை கேட்ட பின் அவற்றை இணைய சேவைகள் மூலம் வாங்கி கொள்ளும் வசதியும் உள்ளது.

ஆக உங்கள் நண்பர்கள் யாரேனும் இந்த தளத்தை பயன்படுத்தினால் அவர்கள் வாயிலாக நீங்களும் கூட அழகான பாடல்களை பேஸ்புக் வழியே எதிர் கொள்ளலாம்.

பிரதானமாக மேற்கத்திய பாடல்களுக்கான சேவை என்றாலும் நம்மூர் பாடல்களும் வந்து நிற்கின்றன.இளையராஜா என்று டைப் செய்தாலும் பாட‌ல்கள் அந்து நிற்பது மெலிதான ஆச்சர்யம்.ஆனால் ராஜாவின் சூப்பர் டூப்பர் பாட்ல்களுக்கு பதிலாக ஏனோதானோவென்று பாடல்களின் பட்டியல் தோன்றுப்வது கொஞ்ம் ஏமாற்றம் தான்.

இருப்பினும் தமிழ் பாடல்களையும் தேடிததருவதற்காக சந்தோஷப்பட்டுக்கொள்ளலாம்.

பகிர்வதற்கான தளம் என்றாலும் புதிய பாடல்களை அறிமுகம் செய்து கொள்வதற்கான சேவையாகவும் இதனை பயன்படுத்தி கொள்ளலாம்.

இணையதள முகவரி;http://www.songshare.fm/

mashroomdisplay1

நீங்களூம் ரீமிக்ஸ் செய்யலாம்.

பழைய பாடல்களை ரீமிக்ஸ் செய்வது நல்லதா?தேவையானதா? தெரியவில்லை.நல்ல பாடல்களை ரீமிக்ஸ் என்ற பெயரில் கொலை செய்து ரீம்க்ஸ் பெயரையே கோலிவுட் இசையமைப்பாளர்கள் கெடுத்து வைத்துள்ளனர்.

ஆனால் ரீமிக்ஸ் அழகான கலை வடிவமே.ரீமிக்ஸ் என்பது பதிவான பாடலுக்கான மாற்று வடிவம் என்கிறது ரீமிக்ஸ் பற்றிய விக்கிபீடியா கட்டுரை.ரீமமிக்ஸ் செய்யப்படுவதற்கு பல்வேறு காரணங்கள் இருப்பதாக சொல்லும் இந்த கட்டுரை இசை உலகில் மேக்னெடிக் டேப் மூலம் அறிமுகமான தொழில்நுட்பமே ரீமிக்ஸ் கலைக்கும் வாய்ப்பளித்ததாக தெரிவிக்கிறது.

இசையில் மட்டும் அல்ல கலையிலும் இலக்கியத்திலும் கூட ரீமிக்ஸ் இருப்பதாக இந்த கட்டுரை சொல்கிறது.

இவை ஒரு புறம் இருக்க இசையமைப்பாளர்கள் ரீமிக்ஸ் செய்வது என்பது வேறு ரசிகர்கள் ரீமிக்ஸ் செய்வது என்பது வேறு.ரீமிக்ஸ் மூலம் ரசிகர்களூக்கு தாங்கள் ரசிக்கும் பாடல்கள் மீது கூடுதல் உரிமை கிடைக்கிறது.

இந்த கருத்தில் உங்களூக்கும் உடன்பாடு இருந்து நீங்களும் ரீமிக்ஸ் செய்ய விரும்பினால் மாஷ்ரூம் தளம் அதற்கான வாய்ப்பை ஏற்படுத்தி தருகிறது.

மாஷ்ரூமில் இசைப்பிரியர்கள் தாங்கள் விரும்பும் எந்த பாடலையும் இஷ்டம் போல ரீமிக்ஸ் செய்யலாம்.

இதற்கு அவர்கள் செய்ய வேண்டியதெல்லாம் அந்த பாடலில் யூடியூப் கோப்பை பதிவேற்றுவது மட்டும் தான்.இதற்கும் கூட கஷடப்பட வேண்டாம்.பாடலில் யூடியூப் முகவரியை சமர்பித்தாலே போதும்.

அதன் பிறகு அந்த பாடலில் விரும்பிய ஒலிகளை சேர்த்து அவற்றின் அளவை ஏற்றி இறக்கி முற்றிலும் புதிய பாடலை உருவாக்கி கொள்ளலாம்.இப்பைட் ரீமிக்ஸ் செய்த பாடலை இந்த தளத்திலேயே கேட்டி ரசிப்பதோடு அதனை பேஸ்புக் டிவிட்டர் வழியே நண்பர்களோடும் பகிர்ந்து கொள்ளலாம்.

இணையதள முகவரி;http://mashroom.fm/
———
இசை தொடர்பான இன்னொரு சுவாரஸயமான சேவை ;http://cybersimman.wordpress.com/2012/04/02/songs-3/

பாட்டு வரும்,டிவிட்டரில் பாட்டு வரும்.

இணையத்தில் பாட்டு கேட்கவும் பிடிக்கும் கேட்டு ரசிக்கும் பாடலை நண்பர்களோடு பகிர்ந்து கொள்ளவும் பிடிக்கும் என்றால் அதற்கேற்ற சேவையாக சாங்.லி தளத்தை சொல்லலாம்.

சாங்.லி தளத்தி எம்பி3 வடிவிலான எந்த பாட்டை சமர்பித்தாலும் அதற்கான இணைய முகவரியை உருவாக்கி தருகிறது.இந்த முகவரியை டிவிட்டர் குறும்பதிவாக நண்பர்களோடு பகிர்ந்து கொள்ளலாம்.

இந்த குறும்பதிவை காணும் நண்பர்கள் அந்த இணைப்பை கிளிக் செய்து பாடலை கேட்டு மகிழலாம்.பாடலை டவுண்லோடு செய்ய வேண்டும் என்ற அவசியம் இல்லை.ஆனால் ஒன்று பகிர்ந்து கொள்ளப்படும் பாடல் இணையத்தில் எங்காவது ஒரு தளத்தில் இருக்க வேண்டும்,அப்போது தான் அதனை கேட்க முடியும்.

இசை சார்ந்த சேவைகளில் எளிமையானது,சுவாரஸ்யமனது,பயனுள்ளதும் கூட!

இணையதள முகவரி;http://song.ly/#axzz1qr0f8mRy

top

டிவிட்டர் பரிந்துரைக்கும் பாடல்கள்.

இன்றைய முன்னணி நாற்பது பாடல்களை கேட்டு ரசிக்கலாம் வாங்க என்று அழைப்பு விடுக்கிறது டாப்பார்டி.இட் இணையதளம்.அதற்கேற்ப 40 முன்னணி பாடல்களை முகப்பு பக்கத்திலேயே பட்டியலிடுகிறது.

பாடல்களோ புத்தகங்களோ திரைப்படங்களோ பொதுவாக டாப் டென் பட்டியல் வெளியிடப்படுவது தான் வழக்கம்.டாப் டென்னை விட்டால் டாப் 100 க்கு போய்விடுவார்கள்.ஆனால் டாப் 40 என்ன கணக்கு என்று புரியவில்லை.

டாப் 40 என்பது கொஞ்சம் விநோதமாக இருந்தாலும் இந்த தளம் முன்னணி பெரும் பாடல்களை தேர்வு செய்யும் விதம் சுவாரஸ்யமாகவே உள்ளது. நேயர்கள் கேட்டு ரசிக்கும் பாடல்களை டிவிட்டர் மூலம் கண்டறிந்து அதனடிப்படையில் முன்னணி பாடல்களை பட்டியலிடுகிற‌து.

இப்படி ஒவ்வொரு தினமும் நேயர்கள் மத்தியில் முன்னிலை பெறும் பாடல்களின் பட்டியலை நாள்தோறும் வெளியிட்டு வருகிறது.எனவே தினமும் புதிய பட்டியலை பார்க்கலாம்.

பட்டியலில் உள்ள பாடலை கிளிக் செய்தால் அதனை கேட்க துவங்கிவிடலாம்.

பட்டியல் என்றாலே சர்ச்சைக்குறியவை தான்.ஆனால் இந்த பட்டியல் மிகவும் ஜனநாயகமயமானவை என்று சொல்லலாம்.காரணம் இந்த பட்டியல் தனிநப‌ராலோ குழுவாலோ தேர்வு செய்யப்படாமல் தானாக தேர்வு செய்யப்படுவது தான்.

அதாவது டிவிட்டர் பயனாளிகள் தாங்கள் கேட்டு ரசித்து கொண்டிருக்கும் பாடல் பற்றி பகிர்ந்து கொள்ளும் தகவலின் அடிப்படையில் பாடல்கள் தேர்வு செய்யப்படுகின்றன.

பாப் இசை பிரியர்களை கொண்டாட்டத்தில் ஆழ்த்தக்கூடிய தளம் தான்.இந்த பட்டியலில் எப்போதாவது நம்மூர் பாடல்கள் இடம் பெற வாய்ப்புண்டா என்று தெரியவில்லை.ஆனால் டிவிட்டரில் பகிரப்படும் தமிழ் பாட‌ல்களை கொண்டு நாமும் ஒரு பட்டியல் தயாரிக்கலாம்.

இணையதள முகவ‌ரி

;http://topforty.it/#/

whatsout

படம்,பாட்டு,புத்தகம்,விளையாட்டு… எல்லாம் ஒரே தளத்தில்

திரைப்பட ரசிகர்களை பொருத்தவரை புதிதாக என்ன படம் வந்திருக்கிறது என்பதை அறிந்து கொள்வதில் ஆர்வம் காட்டுவார்கள்.இதற்காக என்று இணையதளம் இருக்கிறது. அதே போல புத்தக பிரியர்கள் என்றால் என்ன புத்தகம் புதிதாக வெளியாகியுள்ளது என்று தெரிந்து கொள்ள விரும்புவார்கள்.இசை பிரியர்களை பொருத்தவரை புதிய ஆல்பங்களை அறிய விரும்புவார்கள்.இவற்றுக்கும் இணையதளங்கள் இருக்கின்றன.

திரைப்பட ரசிகரோ,புத்தக பிரியரோ,இசை பிரியரோ யாராக இருந்தாலும் அவர்கள் எல்லோர் கேள்விக்கும் அழகாக பதில் சொல்கிறது வாட்ஸ் அவுட் இணையதளம்.

ஆம் இந்த தளம் புதிதாக வெளியாகியுள்ள படங்கள்,பாடல்கள்,புத்தகங்கள் தொடர்பான தகவல்களை ஒரே இடத்தில் வழங்குகிறது. இவற்‌றோடு புதிய வீடியோ கேம் வெளியீட்டு தகவலகளையும் வழங்குகிறது.

படம்,பாட்டு,புத்தகம் என எல்லா தகவல்களும் ஒரே பக்கத்தில் இருப்பதோடு எல்லாமே மிக எளிமையாக இருக்கின்றன.அதிகப்படியான தகவல்களோ அநாவசிய விவரங்களோ கிடையாது.எப்போது வெளியாயின எங்கே கிடைக்கும் அல்லது எங்கே பார்க்கலாம்,கேட்கலாம் போன்ற விவரங்கள் மட்டுமே நச் என இடம் பெற்றுள்ளன.

திரைப்படங்கள் திரையரங்குகள் மற்றும் படங்கள் என இரண்டு தலைப்புகளின் கீழ் பட்டியலிடப்பட்டுள்ளன.எல்லாவற்றிலும் வரிசையாக படத்தின் போஸ்டர்கள் வரவேற்கின்றன.திரையரங்க பகுதியில் உள்ள ப‌டத்தை கிளிக் செய்தால் அந்த படம் வெளியான தேதி வந்து நிற்கிறது.அதோடு அந்த படத்தின் டிக்கெட்டை வாங்குவதற்கான இனைப்பு மற்றும் டிரைலரை காண்பதற்கான இணைப்பு இடம் பெறுகிறது .அவ்வளவு தான்.

இதை தவிர கடந்த வாரம்,இரண்டு வார்த்திற்கு முன்,கடந்த மாதம் வெளியான படங்களை அடையாளம் காட்டும் வசதியும் இருக்கிறது.அடுத்த வாரம் வரும் படங்களையும் அறியலாம்.

அதே போல புத்தக பகுதியில் புத்தக அட்டையில் கிளிக் செய்தால் அவை வெளியான நாள் மற்றும் அமேசானில் வாங்குவதற்கான இணைப்பு இருக்கிறது.பாடல்கள் ,மற்றும் வீடியோ கேமிலும் இதே போன்ற இணைப்புகள் வரவேற்‌கின்றன.

இமெயில் முகவ்ரியை சம‌ர்பித்தால் புதிய படங்கள் அல்லது பாடல்கள் ,புத்தகங்கள் வெளியாகும் போது தகவல் தெரிவிக்கும் சேவையையும் இந்த தளம் வழங்குகிறது.

ப‌டங்களை எடுத்து கொண்டால் மூவி டேட்டாபேஸ் விவரம்,விமர்சனம், பேஸ்புக் மற்றும் டிவிட்டர் குறிப்புகள்,ரசிகர்களின் ரேட்டிங் என விலாவரியாக தகவல்களை திரட்டித்தந்து திணறடிக்கும் தளங்கள் எல்லாம் இருக்கின்றன.பாடல்களூக்கும்,புத்தகங்களுக்கும் விதவிதமான வலைப்பின்னல் சேவைகள் இருக்கின்றன.எல்லா தளங்களுமே விவரங்கள் மூச்சு முட்ட வைத்துவிடும்.

ஆனால் வாட்ஸ் அவுட் தளம் அப்படியெல்லாம் திணற வைக்காமல் என்ன படம் ,என்ன புத்தகம்,என்ன பாடல் புதிதாக வந்துள்ளன என்பதை மட்டும் அடையாளம் காட்டி ஒதுங்கி கொள்கிறது.இந்த எளிமை எனக்கு மிகவும் பிடித்திருக்கிறது.

வாட்ஸ் அவுட அமெரிக்க தளம் என்பது மட்டும் தான் கொஞ்சம் ஏமாற்றம்.நம்மூருக்கும் இதே போன்ற தளம் உருவாக்கப்பட்டால் எப்படி இருக்கும்?

இணையதள‌ முகவரி:http://whatsoutt.com/