Tag Archives: tags

1emoji

இமோஜி ஐகான்கள் மூலம் பேட்டி அளித்த ஆஸ்திரேலிய அமைச்சர்

ஆஸ்திரேலிய வெளியுறவுத்துறை அமைச்சர் ஜூலி பிஷப் இதற்கு முன் எந்த தலைவரும் அளித்திராத சாதனை பேட்டியை அளித்து வியக்க வைத்திருக்கிறார். அவர் இணையத்தில் இளைஞர்களின் மொழியாக இருக்கும் இமோஜி ஐகான்கள் மூலமாகவே பேட்டி அளித்திருக்கிறார்.

அரசியல் தலைவர்கள் பத்திரிகைகளுக்கும் ,இணைதளங்களுக்கும் பேட்டி அளிப்பது ஒன்றும் புதிய விஷயமில்லை தான். ஒரு சில தலைவர்கள் குறும்பதிவு சேவையான டிவிட்டர் மூலம் கூட பேட்டி அளித்த்துள்ளனர். ஆனால் ஆஸ்திரேலிய வெளியுறவுத்துறை அமைச்சரான ஜூலி பிஷப், இதற்கெல்லாம் ஒரு படி மேலே போய் முற்றிலும் இமோஜி ஐகான்கள் மூலமே கேள்விகளுக்கு பதில் அளித்துள்ளார். பிரபல இணையதளமான பஸ்ஃபீட் இந்த பேட்டியை உலகின் முதல் இமோஜி பேட்டி என்றும் வரனணையோடு வெளியிட்டுள்ளது.

enhanced-3269-1424047799-6ஸ்மைலிகளின் அடுத்த அவதாரங்களாக கருதப்படும் இமோஜி ஐகான்களை இணையவாசிகள் நன்றாக அறிந்திருக்கலாம். குறுஞ்செய்தி உரையாடல்களிலும் இதர இணைய உரையாடல்களிலும் இந்த ஐகான்கள் பிரபலமாக இருக்கின்ற்ன. குறிப்பாக வாட்ஸ் அப் பயனாளிகளி இந்த ஐகான்களுக்கு மிகவும் பரிட்சயமானவை.
புன்னகைகும் முகம், கேலி முகம், அழுகை முகம், கைகூப்பல், பூச்செண்டு என எத்தனையோ விதமான இமோஜி ஐகான்கள் இருக்கின்றன. வார்த்தைகளுக்கு பதிலாக மட்டும் அல்லாமல், ஒரு கருத்தை சுவையாக சொல்லவும் இந்த காட்சிரீதியிலான குறியீடுகள் பயன்படுத்தப்படுகின்ற்ன.

சுருக்கமாக சொன்னால் இணைய யுகத்தில் இது இளைஞர்களின் மொழி.

ஆனால் எல்லோருமே இதை பயன்படுத்தி வருகின்றனர். அந்த வகையில் ஆஸ்திரேலிய வெளியுறவுத்துறை அமைச்சர் ஜூலி பிஷப் இமோஜி குறியீடுகளை பயன்படுத்துவதில் வல்லவராக கருதப்படுகிறார்.
குறுப்பதிவு சேவையான டிவிட்டரில் தீவிரமாக இருக்கும் பிஷப் அடிக்கடி இமோஜிகளையும் அழகாக பயன்படுத்தி வருகிறார். சமிபத்தில் கூட ஆஸ்திரேலியா யூரோவிஷன் போட்டியில் பங்கேற்க இருப்பதை நடன மங்கை, மற்றும் மைக் உள்ளிட்ட குறியீடுகளுடன் அவர் செய்தியாக வெளியிட்டிருந்தார்.

இப்படி இமோஜி பிரியையாக இருக்கும் அமைச்சர் பிஷப்புடன் பிரபல இணையதளமான பஸ்பீட் புதுமையான முறையில் இமோஜி மூலம் பதில் அளிக்க கேட்டு பேட்டிக்கண்டு வெளியிட்டுள்ளது.

குறுஞ்செய்தி வடிவில் கேட்கப்பட்ட கேள்விகளுக்கு அவர் பொருத்தமான இமோஜி குறியீடுகளாக பதில் அளித்துள்ளார். ஆரம்ப கேள்விகள் எளிதாக இருந்தாலும் , ரஷ்யாவுடனான உறவு , இந்தோனேசிய பிரச்ச்னை என சிக்கலான ராஜாங்க கேள்விகளுக்கும் அவர் இமோஜியில் பதில் அளித்திருக்கிறார்.
ரஷ்ய அதிபர் புதின்பற்றிய கேள்விக்கு ஆவேச முக்த்தை பதில் அளித்தவர், அமெரிக்காவுடான ஆஸ்திரேலிய உறவு பற்றி கேட்கப்பட்ட போது , கட்டை விரல் ,டிக் மற்றும் புன்னகை முகத்தை பதில் அளித்துள்ளார்.
சிக்கலுக்கு ஆளாகி இருக்கும் ஆஸ்திரேலிய பிரதமர் டோனி அபாட் பற்றிய கேள்விக்கு ஓட்டம் எடுக்கும் மனிதரின் குறியீட்டை பதிலாக்கியுள்ளார். தனது தனிப்பட்ட ஆர்வங்கள் குறித்தும் அழகாக இமோஜியில் பேசியிருக்கிறார்.ஆனால் அவர் பிரதமராகும் வாய்ப்பு பற்றி கேட்கப்பட்ட கேள்விக்கு அரசியல்வாதிக்கே உரிய சாதுர்யத்துடன் புதிரான இமோஜியாக பதில் அளித்திருக்கிறார்.

இமோஜி போட்டிகள் தொடருமா? பார்க்கலாம்!

அமைச்சர் ஜூலி பிஷப்பின் இமோஜி பேட்டி: http://www.buzzfeed.com/markdistefano/emoji-plomacy#.el1XKZ8YOW

———

.

saythanksபேஸ்புக்கில் ஏற்கனவே லைக் செய்யலாம். ஷேர் செய்யலாம். இப்போது நண்பர்களுக்கு தேங்க்யூவும் சொல்லலாம். அதுவும் வீடியோ வடிவில் கொஞ்சம் புதுமையாக. இதற்கான புதிய வசதியை பேஸ்புக் சே தேங்க்ஸ் எனும் பெயரில் அறிமுகம் செய்திருக்கிறது.

பேஸ்புக் நண்பர்களுக்கு தனிப்பட்ட டச்சுடன் நன்றி சொல்லக்கூடிய வகையில் இந்த வசதியை அறிமுகம் செய்வதாக பேஸ்புக் தெரிவித்துள்ளது. ’லட்சக்கணக்கானோர் தினமும் பேஸ்புக்கை நண்பர்களுடன் தொடர்பு கொள்ளவும் தங்களுக்கு முக்கியமானவற்றை பகிர்ந்து கொள்ளவும் பயன்படுத்துகின்றனர். உங்கள் நண்பர்கள் தான் பேஸ்புக் அனுபவத்தின் மையமாக இருக்கின்றனர்” என்று குறிப்பிட்டுள்ள பேஸ்புக் இந்த நட்பை கொண்டாட உதவும் புதிய வழிகளை உருவாக்கித்தர முயன்று வருவதாகவு குறிப்பிட்டுள்ளது . இப்படி உருவாகி இருக்கும் சமீபத்திய வசதி தான் சே தேங்ஸ்.

இதன் மூலம் நண்பர்களுக்கோ சக ஊழியருக்கோ பேஸ்புக் மூலம் ஒரு தேங்யூ வீடியோவை அனுப்பி வைத்து நன்றி தெரிவிக்கலாம். ஒருவர் முக்கியமாக நினைக்கும் யாருக்கு வேண்டுமானாலும் இந்த வீடியோவை உருவாக்கி அனுப்பலாம்.

இந்த வீடியோவை எப்படி உருவாக்க, facebook.com/thanks பகுதிக்கு செல்ல வேண்டும். அதன் பிறகு நன்றி சொல்ல உள்ள பேஸ்புக் நண்பரை தேர்வு செய்தால் உடனே பேஸ்புக்கே உங்கள் டைம்லைனில் இருந்து ஒரு வீடியோவை உருவாக்கித்தரும். அந்த வீடியோவில் உங்கள் நட்பை அடையாளப்படுத்தும் புகைப்படங்களும் பதிவுகளும் இருக்கும். பேஸ்புக் பரிந்துரைக்கும் வீடியோவை உங்கள் விருப்பம் போல திருத்தி அமைக்கலாம். பொருத்தமான தீமை தேர்வு செய்து அதில் இடம் பெறும் புகைப்ப்டங்களையும் பதிவுகளையும் எடிட் செய்யலாம். எல்லாம் தயாரான பிறகு அதனுடன் நன்றி தெரிவிக்கும் வாசகத்தை எழுதி தனிப்பட்ட டச்சுடன் பகிர்ந்து கொள்ளலாம்.

இந்த வீடியோ உங்கள் டைம்லைனில் தோன்றும் .அதில் உங்கள் நண்பரும் டேக் செய்யப்பட்டிருப்பதால் அவர்கள் டைம்லைனிலும் தோன்றும்.
அடிப்படையில் , இந்த தேங்க்யூ வீடியோ வசதி கடந்த ஆண்டு இறுதியில் அறிமுகம் செய்யப்பட்ட லுக் பேக் வீடியோ தொகுப்பு வசதியின் இன்னொரு வடிவம் தான் என்று ஒரு கருத்து இருக்கிறது.
டைம்லைனில் தோன்றும் வீடியோ பொதுப்பார்வைக்கு வரும் போது எப்படி தனிப்படதாக இருக்கும் என்ற கேள்வியும் முன்வைக்கப்படுகிறது.
அதோடு தேங்க்யூ வீடியோ பெற்றவர்கள் பதிலும் தேங்க்யூ வீடியோ அனுப்ப வேண்டும் என்று எதிர்பார்க்கப்படுவார்களா? என்றும் கேட்கப்படுகிறது.

பயனாளிகளுக்கு எப்படியோ பேஸ்புக்கிற்கு இந்த சேவை முக்கியம். சமீபத்தில் வீடியோ பகிர்வு சேவையான யூடியூப்புடன் பேஸ்புக் போட்டி போடக்கூடிய அளவுக்கு அதன் வழியே வீடியோக்கள் பகிரப்படுவதாக செய்தி வெளியானது. பேஸ்புக் இந்த நிலையை வலுப்படுத்திக்கொள்ளும் முயற்சியாக இது இருக்கலாம்.
தேங்க்யூ வசதி பேஸ்புக் பயனாளிகள் மத்தியில் பிரபலமாகிறதா என்பதையும் அதைவிட முக்கியமாக ப்யனுள்ளதாக இருக்குமா என பொருத்திருந்து தான் பார்க்க வேண்டும்.

புதிய இடங்களை அறிய

தேங்க்யூ வசதியை தவிர பேஸ்புக் புதிய இடங்களை அறிமுகம் செய்து கொள்வதற்கான வசதியையும் சத்தமில்லாமல் அறிமுகம் செய்திருக்கிறது தெரியுமா?
பேஸ்புக் பிலேசஸ் எனும் இந்த வசதி மூலம் உலகம் முழுவதும் உள்ள நகரங்களில் பார்க்க வேண்டிய இடங்களை தெரிந்து கொள்ளலாம். பார்க்க வேண்டிய இடங்கள் என்றால் சுற்றுப்பார்க்க வேண்டிய இடங்கள் மட்டும் அல்ல, ரெஸ்டார்ண்ட்கள்,ஹோட்டல்கள், பார்கள், சுற்றுலா இடங்கள், பள்ளிகள், கலைக்கூடங்கள் என சகல விதமான இடங்களையும் பரிந்துரைக்கிறது. இவை எல்லாமே பேஸ்புக் வலைப்பின்னலில் பகிரப்படும் தகவல்களின் அடிப்படையில் திரட்டப்பட்டு அவற்றின் லைக் அளவுக்கு ஏற்ப பட்டியலிடப்பட்டவை. இந்த பட்டியலை தாண்டியும் பரிந்துரைகளை பார்க்கலாம். அப்படியே நண்பர்களின் பின்னூட்டங்களையும் பார்க்கலாம். விரும்பிய நகரை குறிப்பிட்டும் தேடும் வசதியும் பிரதானமாக இருக்கிறது.
நீங்கள் விரும்பும் நாட்டையும் நகரையும் தேர்வு செய்து அங்குள்ள இடங்களை அலசத்துவங்கலாம். நம்முரான சென்னை துவங்கி அநேக உலக நகரங்கள் இடம்பெற்றுள்ளன. இடங்களுக்கான பேஸ்புக் கையேடு என்றும் இது வர்ணிக்கப்படுகிறது.
சுற்றுலா செல்வதாக இருந்தாலும் சரி, டின்னருக்கு செல்வதாக இருந்தாலும் சரி அல்லது வீக் எண்டை திட்டமிடுவதாக இருந்தாலும் இந்த சேவையை முயன்று பார்க்கலாம்.

முயன்று பாருங்கள்; https://www.facebook.com/places

பேஸ்புக் பிரைவஸி
பேஸ்புக் தொடர்பான இன்னொரு முக்கிய செய்தி , அதன் பிரைவசி அறிக்கை புதுப்பிக்கப்பட்டு தெளிவாக வெளியிடப்பட்டுள்ளது. பேஸ்புக் பிரைபசி கொள்கை தொடர்பாக பல காட்டமான விமர்சனங்கள் உண்டு. அவற்றில் ஒன்று இந்த அறிக்கை சிக்கலாக, குழப்பமாக புரியாமல் இருக்கிறது என்பது. இதை சரி செய்யும் வகையில் அறிக்கை அல்லது விதிகள் எளிமையாக்கப்பட்டுள்ளன.
எல்லோரும் புரிந்து கொள்ளகூடிய வகையில் இது அமைந்திருப்பதாக சொல்லப்படுகிரது. ஆனால் சர்ச்சைக்குறிய பல அம்சங்கள் தொடர்கின்றன. பேஸ்புக் பிரைவசி கொள்கையை நீஙக்ள் சரியாக புரிந்து கொள்ளலாம் ஆனால் உங்களை பிரைவசையை கட்டுப்படுத்த அல்லது உங்கள் கையில் எடுத்துக்கொள்ள அதிகம் செய்ய முடியாது என்று சொல்லப்படுகிறது. எதற்கும் படித்துப்பார்த்து உங்கள் பேஸ்புக் உரிமை மற்றும் உரிமையின்மையை தெரிந்து கொள்ளுங்கள்: http://newsroom.fb.com/news/2014/11/updating-our-terms-and-policies-helping-you-understand-how-facebook-works-and-how-to-control-your-information/


நன்றி; விகடன்.காமில் எழுதியது

வீடியோக்களை எளிதாக தரவிறக்கம் செய்ய உதவும் இணையதளம்.

tubeஇணையத்தில் வீடியோக்களை பார்த்து ரசிப்பது மிகவும் எளிதானது தான். இதற்காக என்றே பிரபலமான வீடியோ பகிர்வு சேவையான யூடியூப் உள்ளிட்ட தளங்கள் இருக்கின்றன. இது தவிர பேஸ்புக் அல்லது இமெயில் மூலம் நண்பர்களிடம் இருந்து வீடியோக்கள் வந்து சேர்கின்றன. சில நேரங்களில் வீடியோக்களை பார்த்து ரசிப்பதோடு நில்லாமல் அவற்றை தரவிறக்கம் செய்யவும் விரும்பலாம். வீடியோக்களை தரவிறக்கம் செய்யவும் எளிதானது தான். இதற்காக தரவிறக்கம் செய்யவும் பட்டனை கிளிக் செய்தாலே போதுமானது.

ஆனால் வீடியோக்களை தரவிறக்கம் செய்யும் போது சில சங்கடங்களை எதிர்கொள்ள வேண்டியிருக்கும். குறிப்பிட்ட அந்த வீடியோ கோப்பு தரவிறக்கம் ஆக நேரம் ஆகலாம். வேறு பணிகளில் மூழ்கியிருக்கும் போது இப்படி வீடியோ கோப்புக்காக காத்திருப்பது தமாதத்தை ஏற்படுத்தலாம். இப்படி தாமதமாவதை தவிர்க்க , பார்த்து ரசித்த வீடியோவை பின்னர் ஓய்வாக இருக்கும் போது தரவிறக்கம் செய்து கொள்ளலாம் என்று தீர்மானிக்கலாம். ஆனால் சில நேரங்களில் சோதனையாக அந்த வீடியோவை கண்டுபிடிக்க முடியாமல போகலாம். அல்லது இன்னும் மோசமாக அந்த வீடியோ இணையத்தில் இருந்தே காணாமல் போயிருக்கலாம்.
இது போன்ற சங்கடங்களை தவிர்ப்பதற்காக வீடியோக்களை தரவிறக்கம் செய்து தருவதற்காக என்றே பிரத்யேகமாக டியூப் ஆப்லைன் (http://www.tubeoffline.com/ ) இணையதளம் உருவாக்கப்பட்டுள்ளாது. இணையத்தில் பார்த்து ரசித்த வீடீயோவை தரவிறக்கம் செய்து கொள்ள விரும்பினால் அதற்கான இணைய முகவரியை மட்டும் இந்த இணையதளத்தில் சமர்பித்தால் போதுமானது, அதை தரவிறக்கம் செய்து கொடுத்து விடும். பின்னர் பார்த்து ரசிக்க நினைக்கும் வீடியோக்களை எந்த சிக்கலும் தரவிறக்கம் செய்து கொள்ள இந்த தளம் சிறந்த வழி.
இந்த தளத்தின் மூலம் தரவிறக்கம் செய்வதும் எளிதானது தான். இந்த சேவையை பயன்படுத்த இதில் உறுப்பினராக வேண்டிய தேவையில்லை. எந்த மென்பொருளையும் இன்ஸ்டால் செய்து கொள்ள வேண்டாம். இதில் உள்ள யூடியூப்பில் இருந்து தரவிறக்கம் செய்க கட்டத்தில் வீடியோவுக்கான முகவரியை டைப் செய்தால் போதுமானது.

யூடியூப் தவிர வேறு பல வீடியோ சேவைகள் இருக்கின்றனவே , அவற்றில் பார்க்கும் வீடியோக்களை எப்படி தரவிறக்கம் செய்வது என்று கவலைப்பட வேண்டாம். யூடியூப்பில் இருந்து தரவிறக்கம் செய்யும் வசதி பிரதானமாக கொடுக்கப்பட்டிருந்தாலும் மற்ற வீடியோ தளங்களை மறந்துவிடவில்லை. மற்ற வீடியோ தளங்களை தனி பட்டியலாக கொடுக்கப்பட்டுள்ளது. பரவலாக அறிந்த விமியோ உட்பட பெரும்பாலான வீடியோ பகிர்வு தளங்கள் அகர வரிசையில் இடம்பெற்றுள்ளன. பல வீடியோ சேவைகள் இதுவரை அறிமுகம் ஆனதாக கூட இல்லாமல் இருக்கலாம். இவை தவிர செல்போன் செயலிகளான இன்ஸ்டாகிராம் மற்றும் வைன் வீடியோக்களும் இடம் பெற்றுள்ளன. இந்த பட்டியலை பார்க்கும் போது இத்தனை வீடியோ பகிர்வு சேவைகள் இருக்கின்றவா என்ற வியப்பும் ஏற்படலாம்.

அது மட்டுமா வாரந்தோறும் புதிய வீடியோ சேவைகளை சேர்த்து வருவதாகவும் டியூப் ஆப்லைன் குறிப்பிடுகிறது. ஆக வீடியோ பிரியர்களுக்கு இந்த இணையதளம் நிச்சயம் பயனுள்ளதாக இருக்கும். அதே நேரத்தில் ஆடியோ பிரியர்களை கவரும் வகையில் எம்பி3 கோப்புகளை தரவிறக்கம் செய்யும் வ்சதியையும் இந்த தளம் வழங்குகிறது. வீடியோவுக்கு எப்படி யூடியூப்போ அதே போல ஆடியோ கோப்புகளுக்கான சேவையாக இருக்கும் சவுண்ட்கிளவுட் உள்ளிட்ட தளங்களில் இருந்து ஒலி கோப்புகளை எம்பி3 வடிவில் தரவிறக்கம் செய்து கொள்ளலாம். ஆனால் இந்த சேவை சோதனை முறையில் அறிமுகம
் செய்யப்பட்டுள்ளதால் ஒரு சில கோப்புகள் தரவிறக்கம் ஆகாமல் போகலாம்.

இந்த இணையசேவை தொடர்பாக ஏதேனும் சந்தேகம் இருந்தாலும் அதற்கு பதில் அளிப்பதாக உறுதி அளிக்கப்பட்டுள்ளது. வீடியோக்களில் விளம்பர இடையூறு இருக்காது என்றும் தெரிவிக்கப்பட்டுள்ளது. குறிப்பிட்ட வீடியோவை ஒருவர் தனது இணையதளம் அல்லது வலைப்படிவிலும் இடம்பெற வைக்கும் வ்சதியும் இருக்கிறது.

இணையதள முகவரி; http://www.tubeoffline.com/

———————

சைபர்சிம்மன் கையேடு குறிப்புகள்

websiteசைபர்சிம்மன் கையேடு தொகுப்பில் உங்களுக்கு மிகவும் பிடித்தமான இணையதளம் எது ? பயனுள்ள தளம் எது? உங்களை மிகவும் வியப்பில் ஆழ்த்திய தளம் எது? போன்ற தகவல்களை , இந்த தொகுப்ப்பை படித்த வாசக்ர்கள் பகிர்ந்து கொண்டால் மகிழ்ச்சி அடைவேன். ‘

மேலும் வலைப்பதிவில் படித்ததற்கும் புத்தக வடிவில் படிப்பதற்குமான உணர்வு எப்படி இருக்கிறது என்றும் பகிர்ந்து கொள்ளலாம். தொகுப்பிற்காக பதிவுகளை தனியே திருந்து செம்மை செய்து மேம்படுத்தியுள்ளேன்.

புத்தகத்தை வாசித்த வலைப்பதிவு நண்பர்களின் கருத்துக்களை ஆவலோடு எதிர்நோக்கியுள்ளேன்

அன்புடன் சிம்மன்.

 

———————

புத்தகம் கிடைக்கும் இடம்;

விவேக் எண்டர்பிரைசஸ் .( மதி நிலையம்)

2/3, 4வது தெரு

கோபாலபுரம்

சென்னை. -86

போன்; 044-28111506

 

 

 

 

icorrect

மறுப்பதற்கு ஒரு இணையதளம் இருந்தால்…

பிரபலமானவர்களும் நடசத்திரங்களும் என்ன சொன்னாலும் செய்தி தான்.எது செய்தாலும் செய்தி தான்.செல்வாக்கு தரும் அணுகூலங்கள் இவை.ஆனால் சில நேரங்களில் பிரபலங்கள் சொல்லாததும் செய்திகளாகும்.செய்யாதவையும் பரபரப்பாக பேசப்படும்.செல்வாக்கின் பக்க விளைவுகள் இவை.

கிசுகிசு,வதந்தி என பலவிதங்களில் வெளியாகும் இந்த செய்திகளை பிரபலங்கள் நினைத்தாலும் கட்டுப்படுத்துவதற்கில்லை.பிரபலங்கலும் இதை புரிந்து கொண்டு பெரும்பாலான நேரங்களில் இவற்றை அலட்சியப்படுத்தி விடுவதுண்டு.

ஆனால் எப்போதும் அப்படி அலட்சியமாக இருக்க முடியாது.சில நேரங்களில் தவறான தகவல்களோடு செய்தி வெளியாகிவிட்டதாக பிரபலங்கள் புழுங்கி தவிக்கும் நிலை ஏற்படலாம்.அப்போது தான் அவர்கள் செய்தியை மறுக்க விரும்புவார்கள்.

மறுப்பாக அறிக்கை வெளியிடலாம்.பேட்டி அளிக்கலாம்.ஆவேசமாக வழக்கு போடலாம்.அவதூறு செய்தி என்றோ பொய்யான தகவல்கள் தரப்பட்டுள்ளன என்றோ விளக்கம் அளிக்கலாம்.உண்மையை திரித்து கூறிவிட்டதாக புலம்பலாம்.

இப்போது வலைப்பதிவிலோ அல்லது அதைவிட சுலபமாக டிவிட்டரிலோ கூட மறுப்பு வெளியிடலாம்.இன்னும் ஒரு படி மேலே போய் யூடியூப் வீடியோ மூலமும் மறுக்கலாம்.

மறுப்புகளை வெளியிடுவதில் பிரபலங்களுக்கு உள்ள ஆர்வம் அவற்றை படிப்பதில் வாசகர்களுக்கும் உண்டு.

இப்படி மறுப்புகளை வெளியிட என்றே ஒரு இணையதளம் இருந்தால் நன்றாக இருக்கும் இல்லையா?பிரபலங்களும் நட்சத்திரங்களும் இப்படி ஒரு தளம் தேவை என்று ஏங்கலாம் அல்லவா?அப்படி நினைத்து தான் அமெரிக்காவை சேர்ந்த டேவிட் டாங் மறுப்புகளை வெளியிட வழிசெய்வதற்காக என்றே ஐ கரெக்ட் இணையதளத்தை ஆரம்பித்திருக்கிறார்.

வாங்கே கூட பிரப்ல தொழிலதிபர் தான்.அதிலும் அவருக்கு நட்சத்திர நண்பர்களும் அதிகம் உள்ளனர்.அதனால் தானோ என்னவோ வாங் இந்த தளத்தை அமைத்திருக்கிறார்.

பொய்கள்,தவறான தகவல்கள்,திரித்து கூறப்பட்ட விவரங்களை மறுப்பதற்கான உலகலாவிய இணையதளம் என்று வர்ணிக்கப்படும் இந்த தளத்தில் பிரபலங்கள் தங்களைப்பற்றி தவறான தகவல்கள் வெளியாகும் போது அவற்றுக்கான மறுப்பு அல்லது திருத்தங்களை இங்கே பதிவு செய்யலாம்.

இந்த தளத்தில் மறுப்பு தெரிவிப்பது என்பது மிகவும் எளிதானது.எந்த செய்திக்கு மறுப்போ அதனை குறிப்பிட்டு அதற்கான மறுப்பை வெளியிடலாம்.செய்தி இடது பக்கமும் அதன் அருகிலேயே மறுப்பும் விளக்கமும் இடம்பெறும்.

இப்படி அருகருகே செய்தியையும் அதற்கான மறுப்பும் தோன்றுவது தவறான விவரங்களுக்கான சரியான விளக்கமாக அமையும்.

நட்சத்திரங்கள் என்றில்லை,அரசியல் தலைவர்கள் போன்றோரும் இந்த சேவையை பயன்படுத்திக்கொள்ளலாம்.அதே போல வர்த்த நிறுவன அதிபர்களும் இதனை பயன்படுத்தி மறுப்பு வெளியிடலாம்.

அதாவது யாருக்கெல்லாம் தங்களை பற்றிய செய்திகளுக்கு விளக்கம் தர வேண்டும் என்று தோன்றுகிறதோ அவர்கள் இந்த தளத்தை பயன்படுத்தி தவறான விவரங்களை நேர் செய்யலாம்.இதற்காக வருட சந்தா செலுத்த வேண்டும்.தனிநபர் என்றால் 1000 டாலர் நிறுவனம் என்றால் 5000 டாலர் கட்டணம்.

நிச்சயம் ரசிகர்களுக்கும் தொண்டர்களுக்கும் இந்த தளம் சுவாரஸ்யத்தை அளிக்கும். ஒரு சேர் செய்திகள் மற்றும் மறுப்புகளை அலசிப்பார்ப்பது அவர்களுக்கு மகிழ்ச்சியை தரலாம்.அதிலும் சமீபத்திய செய்திகளும் அதற்கான மறுப்புகளையும் தெரிந்து கொள்ள ஆர்வம் கொள்ளலாம். அதோடு மறுப்புகளை தேடி பார்க்கும் வசதியும் இருக்கிறது.

ஹாலிவுட நடிகர் ஸ்டீப்ன் பிரை தான் கதொலிக்கர்களுக்கு எதிரானவன் என்று சொல்லப்படுவதை இங்கு மறுத்திருக்கிறார்.முன்னாள் பிரதமர் டோனி பிலேரின் மனைவி செரி விருந்து ஒன்றுக்கு நடிகை போலவே உடை அணிந்து சென்றதாக கூறப்படுவதை மறுத்துள்ளார்.நடிகை சியானா மில்லர் தான் டிவிட்டரில் இல்லை என்று தெளிவுபடுத்தியுள்ளார்.

முதல் கட்டமாக தன்க்கு நெருக்கமானவர்களை எல்லாம் இந்த தளத்தில் வாங்க் உறுப்பினராக சேர்த்திருக்கிறார்.ஆனால நாளடைவில் திருத்தங்கள் மற்றும் விளகங்களுக்கான இருபிடமாக இந்த தளம் விளங்கும் என்று அவர் நம்பிக்கை தெரிவிக்கிறார்.

இணையதளம் முகவரி;http://www.icorrect.com/

s

வியப்பில் ஆழ்த்தும் புதிய தேடியந்திரம்.

தேடல் முடிவுகளால் உங்களை வியப்பில் ஆழ்த்தி விடுவோம் என்கிறது புதிய தேடியந்திரமான ஸ்பெர்ஸ்.

மேலும் ஒரு தேடியந்திரமா என்ற அலுப்பு ஏற்பட்டாலும் ஸ்பெர்ஸ் இணையவாசிகளின் பரிசிலனைக்கு தகுதியானது தான்.காரணம் ஸ்பெர்ஸ் எல்லோரும் பயன்படுத்தி கொண்டிருக்கும் கூகுலுக்கு போட்டியாக வந்திருப்பதுஅல்ல;கூகுலுக்கு மாற்று என ஸ்பெர்ஸ் மார்தட்டி கொள்ளவும் இல்லை.

ஸ்பெர்ஸ் முற்றிலும் வேறு வகையை சார்ந்தது.இது பெருந்தேடியந்திரம்,அதாவது மெட்டா தேடியந்திரம்.அப்ப்டி என்றால் பல தேடியந்திரங்களில் தேடி அதனடிப்படையில் தேடல் முடிவுகளை தரும் தேடியந்திரம்.

ஒரு காலத்தில் இவ்வகை தேடியந்திரங்கள் பரபரப்பாக பேசப்பட்டு பின்னர் பின்னுக்கு தள்ளப்பட்டு விட்டன.

இப்போது ஸ்பெர்ஸ் இந்த பிரிவில் அறிமுகமாகியுள்ளது.

ஸ்பெர்ஸ் தனது சிறப்பாக சொலவது என்னவென்றால் ஒரே தேடலில் இணையத்தின் மிகச்சிறந்த முடிவுகளை கண்டுபிடித்து தருவதை தான்.அதாவது தேடியந்திர மும்மூர்த்திகளான கூகுல்,யாஹூ,பிங் ஆகிய மூன்று தேடியந்திரங்களிலும் தேடி அவற்றோடு தனது சொந்த தேடல் தொழில்நுட்ப‌த்தையும் கலந்து மிகசிறந்த இணைய முடிவுகளை தருவதாக சொல்கிற‌து.

ஒரே முடிவு ஒன்றுக்கும் மேற்பட்ட தேடியந்திரங்களில் இருந்தால் அவை மீண்டும் மீண்டும் தோன்றாமல் ஒருங்கிணத்தும் தருகிறது.

எல்லா தேடியந்திரங்களில் தேடுவது போல தான் இதிலும் தேட வேண்டும்.முடிவுகளும் மற்ற தேடியந்திரங்கள் போலவே பட்டியலிடப்படுகின்றன.ஆனால் ஒவ்வொரு முடிவிலும் அது எந்த எந்த தேடியந்திரத்தில் இருந்து எடுக்கப்பட்டது என்ற தகவல் இணைக்கப்பட்டுள்ளது.உதாரணத்திற்கு ஒரு முடிவு கூகுலில் மட்டும் இருப்பதாக குறிப்பிட்ப்படலாம்.இன்னொரு முடிவு கூகுல் ,பிங் ஆகிய இரண்டு தேடியந்திரங்களிலிம் இடம்பெற்றிருக்கலாம்.சில முடிவுகள் மூன்று தேடியந்திரங்களிலும் இருக்கலாம்.

ஆக‌ ஒரே தேடலில் மூன்று முன்னணி தேடியந்திரங்களிம் உள்ள முடிவுகளை பார்த்து விடலாம்.இதை தான் ஸ்பெர்ஸ் ஒரே தேடலில் இணையத்தின் சிறந்த‌ முடிவுகளை தருவதாக சொல்கிற‌து.ஒரே கல்லில் இர‌ன்டு மாங்காய் என்பது போல ஒரே கிளிக்கில் பல தேடல்கள்!இந்த அம்சமே இணையவாசிகளை வியப்பில் ஆழ்த்தும் என்று ஸ்பெர்ஸ் நம்புகிற‌து.

ஒரே இடத்தில் மூன்று தேடியந்திர‌ங்களிலும் முடிவுகளை தேட உதவும் தேடியந்திரங்களில் இருந்து கொஞ்சம் மேம்பட்ட சேவையாகவே இது தோன்றுகிற‌து.

ஸ்பெர்ஸ் மேலும் சில கூடுதல் வசதிகளையும் தருகிறது.தேடல் பட்டியலிலேயே முடிவுகளின் முன்னோட்டத்தை பார்த்து கொள்ளலாம்.செய்திகள்,படங்கள்,வீடியோ,விக்கிபீடியா தகவல் என முடிவுகளை நமது தேவைக்கேற்ப வடிக்கட்டி கொள்ளலாம்.

அதோடு டிவிட்டரில் இப்போது பகிரப்படும் முடிவுகளை உடனடியாக தேடும் வசதியும் இருக்கிறது.

கூகுல் முடிவுகள் மட்டும் போதாது என நினைக்கும் போது இந்த தேடியந்திரத்தை பயன்ப‌டுத்தி பார்க்கலாம்.

பயன்படுத்தி பாருங்கள்.பார்த்து வியப்பு ஏற்படுகிறதா என்று சொல்லுங்கள்.

தேடியந்திர‌ முகவரி;http://www.sperse.com/

———-
இவற்றில் மேலும் தேடிப்பாருங்கள் ;http://cybersimman.wordpress.com/2012/02/03/search-34/

http://cybersimman.wordpress.com/2012/01/29/search-33/
—–
http://cybersimman.wordpress.com/2012/01/26/search-32/

http://cybersimman.wordpress.com/2012/01/21/search-31/
——-
http://cybersimman.wordpress.com/2011/09/11/search-30/