Tag Archives: travel

லெகோ பயணங்களில் ! இணைய உலகம் ரசிக்கும் பயணம்

insஎப்படியும் உங்கள் பயணங்களை புகைப்படமாக்கி பேஸ்புக்கிலும் இன்ஸ்டாகிராமிலும் நண்பர்களுடன் பகிர்ந்து கொள்ளத்தான் போகிறீர்கள் . இந்த புகைப்படங்களை உலகமே பார்த்து ரசிக்க வேண்டும் என்றாலோ, உங்கள் பயணங்களை எல்லோரும் ஆர்வத்துடன் பின் தொடர வேண்டும் என்றால் நீங்கள் கொஞ்சம் புதுமையாக செயல்பட வேண்டும். இந்த ஸ்காட்லாந்து ஜோடியைப்போல !

கிரேக் மெக்கார்ட்னி மற்றும் அவரது காதலி லின்சே தான் அந்த ஜோடி. இப்போதைக்கு தங்கள் பயணங்களால் இணைய உலகை கலக்கும் ஜோடி!

மெக்கார்டினியும், லின்சேவும் தங்கள் பயணங்களின் போது எடுத்து வெளியிடும் புகைப்படங்களை ஆயிரக்கணக்கானோர் ஆர்வத்துடன் பார்த்து ரசித்து வருகின்றனர். பேஸ்புக்கிலும் , இன்ஸ்டாகிராமிலும் அவர்கள் பயணத்தை ஆயிரக்கணக்கானோர் புகைப்படங்களின் மூலம் பின் தொடர்கின்றனர். அந்த புகைப்படங்களை பார்ப்பவர்கள் எல்லோருமே , ஒரு புன்னகையோடு மனதுக்குள் அவற்றை பாராட்டி மகிழ்கின்றனர்.

மெக்கார்ட்னி ஜோடி எடுத்து மகிழும் புகைப்படங்களில் என்ன சிறப்பு என்றால் அவற்றில் மைய பாத்திரங்கள் தான். ஆம், அந்த படங்களில் அவர்கள் பயணிக்கும் அழகான இடங்களை பார்க்கலாம். ஆனால் அவற்றின் நடுவே அவர்களை பார்க்க முடியாது. அதற்கு பதிலாக அவர்களின் பிரதிநிதியான் லெலோ பொம்மைகளை தான் பார்க்கலாம். எல்லா இடங்களிலும் தங்களுக்கு பதிலாக லெகோ பொம்மைகளை நிறுத்தி வைத்து படம் எடுத்து பகிர்ந்து கொண்டு வருகின்றனர். அவர்களின் அடையாளமாக இருக்கும் லெகோ பொம்மைகள் ஒவ்வொரு இடத்திலும் ஒரு விதமான போஸ்களில் காட்சி அளிக்கின்றன.

எத்தனையோ அருமையான படங்களை பார்த்து ரசித்திருக்கிறோம். சுற்றுலா பயணிகள் எடுத்துக்கொண்ட படங்களில் அவற்றின் அழகை மீறி ஒரு தனிப்பட்ட தன்மை இருக்கும். அதே நேரத்தில் தொழில்முறை கலைஞர்கள் எடுக்கும் புகைப்படங்களில் அவற்றின் நேர்த்தி இயற்கை மீறிய அழகாக இருக்கும். ஆனால் இந்த புகைப்படங்களில் , பார்த்து ரசிக்க கூடிய இடங்களில் , லெகோ பொம்மைகளை பார்ப்பது ஒரு புதிய அனுபவமாக இருக்கிறது. இந்த படங்களுக்கு வழக்கத்தை மீறிய உயிரோட்டத்தை தருவதோடு , உலகையே லெகோ பொம்மைகள் வழியே பார்ப்பது போல இருக்கிறது.

ins2எல்லோரும் தங்களை முன்னிறுத்தி சுயபடங்கள் எடுத்துக்கொள்ளும் காலத்தில் , படம் எடுப்பவர் தன்னை பின்னுக்கு தள்ளிக்கொண்டு அந்த இடத்தில் லெகோ பொம்மையை நிறுத்தி வைப்பது வித்தியாசமானது தான். ஆனால் , இந்த லேகோ பொம்மைகள் தான் எத்தனை விதமாக இருக்கின்றன.

ஒரு புகைப்படடத்தில் பேக்பேக் மாட்டிய லெகோ ஆணும் ,கையில் காமிரா ஏந்திய லெகோ பெண்ணும் ஒன்றாக கைகோர்த்தபடி நடந்து செல்கின்றனர். இன்னொரு படத்தில் புல்வெளி நடுவே லகோ ஆண்ல் போஸ் கொடுக்க லெகோ பெண் படம் பிடிக்கிறாள். மற்றொரு படம், நீரூற்று நடுவே லேகோ ஜோடி சைக்கிள் ஓட்டிச்செல்கிறது. பாலத்தின் முன்னே லெகோ ஜோடி போஸ் கொடுப்பதாக இன்னொரு படம். இப்படி எல்லா புகைப்படங்களிலும் லெகோ பொம்மை வழியே அந்த இடங்களை பார்ப்பது தனியான அனுபவமாக இருக்கிறது.

அதனால் தான் இன்ஸ்டாகிராம் புகைப்பட பகிர்வு தளத்தில் இந்த ஜோடியின் கணக்கை பின்தொடர்பவர்களின் எண்ணிக்கை 5,000 தொட இருக்கிறது. இது தவிர பேஸ்புக்கில் சில ஆயிரம் பேர் பின் தொடர்கின்றனர். டிவிட்டர் பக்கத்தில் சில ஆயிரம் பேர் பின்தொடர்கின்றனர். எல்லா கணக்குகளுக்குமே லெகோ டிராவலர்ஸ் என்பது தான் முகவரி.

ins3இந்த ஜோடி தங்களை , லெகோ பயணிகள் என்று தான் அழைத்துக்கொள்கிறது. தங்கள் வாழ்க்கையை லெகோ வாழ்க்கை என குறிப்பிடுகிறது. ஸ்காட்லாந்தில் இருந்து புறப்பட்ட இந்த ஜோடி ஐரோப்பிய நாடுகளில் சுற்றி விட்டு இப்போது ஆஸ்திரேலியாவில் தங்கள் பயணத்தை பதிவு செய்து கொண்டிருக்கிறது.

எல்லாம் சரி, இந்த எண்ணம் உருவானது எப்படி? மெக்க்கார்டினியின் அம்மா கடந்த ஆண்டு , வீட்டை சுத்தம் செய்து கொண்டிருந்த போது , அவர் சிறுவனாக இருந்த போது விளையாடிய பழைய லெகோ பொம்மைகளை எடுத்து பார்த்திருக்கிறார். அந்த பொம்மைகளை பார்தததும் சிறுவயது நினைவுகளில் மூழ்கிய மெக்கார்ட்னி அவற்றை தனது காதலி லின்சேவுக்கு பரிசளித்திருக்கிறார். அந்த பொம்மைகளைல் இரண்டு பொம்மைகள் அவர்களது அடையாளமாக இருக்கவே பாரீஸ் நகரில் அவற்றை தங்கள் இடத்தில் நிற்க வைத்து புகைப்படம் எடுத்தனர். அப்போது விளையாட்டாக, இந்த லேகோ படத்திற்காகவே ஒரு பேஸ்புக் பக்கம் அமைப்பது பற்றி பேசியுள்ளனர். ஆனால் அந்த ஐடியா பிடித்துப்போகவே , அதன் பிறகு போகும் இடங்களிலும் எல்லாம் லெகோ பொம்மகளை நிறுத்தி வைத்து படம் எடுத்து பேஸ்புக் பக்கத்தில் பகிர்ந்து கொண்டனர்,.முதலில் நண்பர்களுக்கும் உறவினர்களுக்கும் என்று இருந்த இந்த பக்கம் படிப்படியாக எல்லோரும் பார்த்து ரசிக்கும் பக்கங்களாக மாறிவிட்டன. தொடர்ந்து இன்ஸ்டாகிராம் மற்றும் டிவிட்டர் பக்கங்களும் அமைக்கப்பட்டன.

இன்று அவர்களின் லெகோ பயணங்களை உலகமே பார்த்து ரசிக்கிறது.

 

——

லெகோ பயண பேஸ்புக் பக்கம் :https://www.facebook.com/LegoTravellers

இன்ஸ்டாகிராம் பக்கம்’; http://instagram.com/legotravellers

 

பிண்டிரெஸ்ட் மூலம் கோடை விடுமுறையை திட்டமிடுவது எப்படி ?

pinகோடை விடுமுறை காலம். சுற்றுலா பயணங்களுக்கான காலம். இந்த ஆண்டு விடுமுறையை கழிக்க எங்கே செல்லலாம் என்பதை ஏற்கனவே தீர்மானித்திருந்தால் பயண டிக்கெட்டை முன்பதிவு செய்வது, தங்கிமிட வசதியை முன்பதிவு செய்வது போன்றவற்றை எல்லாம் இருந்த இடத்தில் இருந்தே இணையம் மூலம் செய்து விடலாம் என்பது உங்களுக்குத்தெரியும் . சுற்றுலா செல்லும் ஊர்களில் பார்க்க வேண்டிய இடங்கள் பற்றியும் அவற்றின் சிறப்புகள் பற்றியும் இணையம் மூலமே ஆய்வு செய்து தகவல்களை தெரிந்து கொள்ளலாம். இப்படி முன்கூட்டியே திட்டமிட்டு, முன்னதகாவே தகவல்களை தெரிந்து கொண்டு செல்லும் போது எந்த டென்ஷனும் இல்லாமல் சுற்றுலாவை அனுபவிக்கலாம்.

சுற்றுலா ஆய்வு

சரி,சுற்றுலா செல்வதற்கான இடத்தையே தேர்வு செய்ய முடியாமல் குழப்பமாக இருக்கிறதா? கவலையே வேண்டாம், நம் விருப்பத்திற்கு ஏற்ற சுற்றுலா தலங்களை தேர்வு செய்வதற்கான ஆய்வையும் இணையம் மூலமே மேற்கொள்ளலாம். இதற்காக என்றே பிரத்யேகமாக பல பயண இணையதளங்கள் இருக்கின்றன. இந்த ஆய்வை கொஞ்சம் சுவாரஸ்யமான முறையில் வண்ணமயமாக மேற்கொள்ள விரும்பினால் , இருக்கவே இருக்கிறது பிண்டிரெஸ்ட் சேவை.
பிண்டிரெஸ்ட் சேவை பற்றி நீங்கள் அறிந்திருக்கலாம். இதுவும் பேஸ்புக் போல சமூக வலைப்பின்னல் சேவை தான். ஆனால் கொஞ்சம் வித்தியாசமானது. இந்த சேவையில் புகைப்படங்கள் தான் எல்லாம். புகைப்படங்களை பின் செய்வதன் முலம் இதில் தகவல்களை தெரிந்து கொள்ளலாம்.பகிர்ந்து கொள்ளலாம்.
பிண்டிரெஸ்ட் பலவிதங்களில் பயன்பட்டு வருகிறது. இளம் பெண்கள் திருமண ஏற்பாடுகளை திட்டமிட பிண்ட்ரெஸ்ட்டை பயன்படுத்துகின்றனர். வீடுகளுக்கு உள் அலங்காரம் செய்ய தேவையான ஊக்கம் மற்றும் யோசனைகளை பெற பயன்படுத்துகின்றனர். இதே போலவே சுற்றுலா பயணங்களை திட்டமிடவும் பிண்டிரெஸ்ட்டை அழகாக பயன்படுத்தலாம்.
சுற்றுலா செல்வதற்கான இடத்தை தேர்வு செய்வதில் துவங்கி அந்த இட்த்தின் சிறப்புகளை தெரிந்து கொள்வது வரை அனைத்தையும் பிண்ட்ட்ரெஸ்ட் பலகை மூலமே செய்துவிடலாம்.

பிண்டிரெஸ்ட் ஒரு அறிமுகம்

முதலில் பிண்டிரெஸ் சேவை பற்றி சுருக்கமாக அறிமுக்ம் செய்து கொள்ளலாம். பிண்டிரெஸ்ட் இணைய குறிப்பு பலகை என்று குறிப்பிடப்படுகிறது. அதாவது இணையத்தில் நமக்கான பலகையை உருவாக்கி அதில் தேவையான விவரங்களை புகைப்படம் வாயிலாக குறித்து வைத்துக்கொள்ளலாம். இதை பின் செய்வது என பிண்டிரெஸ்ட் குறிப்பிடுகிறது. பள்ளி ,கல்லூரிகளில் அறிவிப்பு பலகையில் தகவல்க்ளை குறித்து வைப்பது போல இதில் நமக்கான பலகையில் புகைப்பட தகவல்களை குறித்து வைத்துக்கொள்ளலாம். எந்த தலைப்பின் கீழும் பலகையை உருவாக்கலாம். இந்த பலகையை மற்றவர்களிடன் பகிர்ந்து கொள்ளலாம். அவர்கள் பலகையில் பிடித்த தகவல்களை நாமும் பின் செய்து கொள்ளலாம். டிவிட்டர் போலவே இதிலும் சக உறுப்பினர்களை பின்தொடர்லாம். இப்படி புகைப்படம் சார்ந்த சுவாரஸ்யமான சமூக வலைப்பின்னல் சேவையாக பிண்டிரெஸ்ட் இருக்கிறது. சில மாதங்களுக்கு முன் இருப்பிடம் சார்ந்த தகவல் பரிமாற்றத்துக்கான பிலேஸ்பின்ஸ் வசதி அறிமுகம் செய்யபட்டது.

பிண்டெர்ஸ்ட் வழி திட்டமிடல்

பிண்டிரெஸ்ட் அறிமுகம் செய்துள்ள பிலேஸ்பின்ஸ் வசதி தான் இப்போது பயண திட்டமிடலுக்கு அருமையாக கைகொடுக்கிறது. பிண்டிரெஸ்ட்டில் வழக்கமாக புகைப்படங்களை பின் செய்து கொள்ளலாம். தொடர்புடை புகைப்படங்களையும் பின் செய்து கொள்ளலாம். இந்த புகைப்படங்களில் இருப்பிடம் சார்ந்த தகவல்களை இணைப்பதற்கும் அந்த புகைப

ரெயில் பயணங்களுக்கான விருப்ப உணவை ஆர்டர் செய்ய உதவும் இணையதளங்கள்

yatரெயில் பயண டிக்கெட்டை ஆன்லைனிலேயே புக் செய்ய முடிவது போல , இப்போது அந்த பயணங்களின் போது சுவைத்து மகிழ்வதற்கான உணவையும் ஆன்லைனிலேயே ஆர்டர் செய்ய முடியும் தெரியுமா? இல்லை, ரெயில்யேவே இணையதளத்தையோ , ரெயில்வே மூலம் வழங்கப்படும் உணவையோ குறிப்பிடவில்லை. ரெயில் பயணங்களின் போதும் உங்களுக்கு விருப்பமான உணவை சாப்பிட உதவும் புதிய இணையதள சேவைகளை பற்றி குறிப்பிடுகிறேன்.

ட்ராவல்கானா, யாத்ராசெஃப் ஆகிய இரண்டு இணையதளங்களும் தான் இந்த உணவு சேவைய வழங்குகின்றன.

ரெயில் பயணங்களில் எதிர்கொள்ளக்கூடிய சங்கடங்களில் , சரியான உணவு கிடைக்காமல் போவதை குறிப்பிடுவதில் பெரும்பாலானோருக்கு உடன்பாடு இருக்கலாம். ரெயிலில் கிடைக்ககூடிய உணவில் சுவை ,சுகாதாரம் இரண்டுமே பிரச்ச்னையாக இருப்பதாக பலரும் கருதுகின்றனர்.ரெயில் நிலையங்களில் கிடைக்கும் உணவு ஆரோக்கியத்துக்கு உகந்ததாக இல்லாமல் போகலாம். ரெயில்வே நிர்வாகம் வழங்கும் உணவும் கூட பலருக்கு திருப்தி இல்லாமல் இருக்கலாம். சுகாதாரம் பற்றிய பிரச்சனை இல்லாவிட்டாலும் சுவையில் பிரச்சனை இருக்கலாம். சுவை திருப்தியாக இருந்தால் கூட உணவில் தேர்வுகளை எதிர்பார்க்க முடியாது.

இப்படி ரெயில் பயணங்களின் போது கிடைக்ககூடிய உணவின் சுவை மற்றும் தரம் பற்றி புகார்களும் , ஏக்கமும் ,எதிர்பார்ப்பும் உங்களுக்கு இருந்தால் , அதற்கான தீர்வை தான் இந்த இரண்டு இணையதளங்களும் அளிக்கின்றன. டிராவ்ல்கானா, யாத்ராசெஃப் ஆகிய இரண்டு தளங்களுமே ரெயில் பயணங்களின் போது சுவைக்ககூடிய உணவை ஆன்லைனிலேயே ஆர்டர் செய்ய உதவுகின்றன. ஆன்லைனில் ரெயில் டிக்கெட் முன்பதிவு செயவ்து போலவே இந்த தளங்களில், நீங்கள் பயணம் செய்யும் ரெயிலை குறிப்பிட்டு உணவை புக் செய்து கொள்ளலாம். பயண நாள், ரெயிலின் பெயர் போன்றவற்றை குறிப்பிட்டு எந்த ரெயில் நிலையத்தில் உணவு தேவை என குறிப்பிட வேண்டும். அதன் பிறகு அந்த ரெயில் நிலையம் அருகே உள்ள ரெஸ்டாரண்ட்களின் பெயர்கள் மற்றும் அவற்றில் கிடைக்ககூடிய உணவு வகைகள் காண்பிக்கப்படும். அதிலிருந்து விருப்ப்மானதை தேர்வு செய்தால் , பயனத்தின் போது குறிப்பிட்ட அந்த ரெயில் நிலையத்தில் உங்களுக்கு விருப்பமான உணவு டெலிவரி செய்யப்படும்.

பயன்படுத்திப்பாருங்கள்; http://www.travelkhana.com/travelkhana/jsp/order.jsp

https://www.yatrachef.com/

நகரங்கள் உங்கள் கையில்….


அலுவல் நிமித்தமாகவோ சுற்றுலா பயணியாகவோ புதிய நகரங்களுக்கு செல்ல நேரும் போது அந்த நகரங்கள் பற்றிய தகவல்களை முன்கூட்டியே தெரிந்து வைத்து கொள்வது நல்லது தான்.செல்ல இருக்கும் நகரம் பற்றிய அனைத்து விவரங்களும் இல்லாவிட்டாலும் கூட ஒரு பறவை பார்வையாக அந்நகரம் தொடர்பான தகவல்களை அறிந்து கொள்ள வேண்டும்.

பொதுவாக இணையவாசிகள் இந்த தகவல்களை திரட்ட கொஞ்ச்ம இணைய ஆராய்ச்சியில் ஈடுபட்டாக வேண்டும்.

கூகுலில் நகரின் பெயரை டைப் செய்து அதில் வரும் முடிவுகளில் இருந்து கொஞ்ச்ம கொஞ்சமாக விவரங்களை சேகரிக்க வேண்டும்.விக்கிபீடியா கட்டுரை,வரைபட‌ விவரங்கள் என்று பல இடங்களில் இருந்து தகவல்களை திர‌ட்ட வேண்டும்.

அப்படியே ஷாப்பிங் செய்ய வேண்டிய இடங்கள் சுற்று பார்க்க வேண்டிய இடங்களையும் தெரிந்து கொள்ளலாம்.

இதற்கான பொறுமை இல்லாதவர்கள் அல்லது இந்த வகை சுயதேடல் தேவையிலாதது என கருதுபவர்கள் நேரடியாக சுற்றுலா சார்ந்த தளங்களில் சென்று தேவையான நகரம் பற்றிய தகவலக்ளை ஒரே கிளிக்கில் பெற்று கொள்ள முயற்சிக்கலாம்.

இந்த வகையான சுற்றுலா விவர தளங்களில் அரைவ்டுஇன் தளமும் ஒன்று.இந்த தளம் ஒரே கிளிக்கில் எந்த ஒரு நகரம் பற்றிய தகவல்களையும் பறவை பார்வையாக எளிய வடிவில் புள்ளிவிவரங்களாக தருகிறது.

ஒரு விதத்தில் இதனை நகரங்களுக்கான தேடியந்திரம் என்றும் சொல்லலாம்.இதில் உள்ள தேடல் கட்டத்தில் உங்களுக்கு தேவையான நகரின் பெயரை குறிப்பிட்டால் போதும் அந்த நகரம் தொடர்பான விவரப்பக்கம் வந்து நிற்கிறது.

முதல் தகவலாக நகரின் அடிப்படை தகவல்களாக விரைவு விவரங்களாக கொடுக்கப்பட்டுள்ளது.நகரின் பெயர்,மக்கள் தொகை,இருப்பிடம்,விக்கிபீடியா கட்டுரை ஆகியவை இதில் அடக்கம்.அப்படியே கீழே வந்தால் அருகாமையில் உள்ள விமான நிலையங்கள்,நகரங்கள் ஆகியவற்றை அறிந்து கொள்ளலாம்.அருகே உள்ள நகரங்கள் தேவையா சிறிய நகரங்கள் மற்றும் சிற்றூர் போன்றவை தேவையா என்றும் முடிவு செய்து கொள்ளலாம்.

இவற்றுக்கு கீழே நகரில் இயங்கும் விமான சேவை நிறுவன‌ங்கள்,வானிலை விவரங்கள் மற்றும் நகரின் வேறு பெயர்கள் ஆகிய தகவல்க‌ளையும் தெரிந்து கொள்ளலாம்.

இந்த விவரங்களுக்கு அருகே நகரின் வரைபடம் மற்றும் பறவை பார்வை காட்சி ஆகியவையும் இடம் பெற்றுள்ளது.நாணய மாற்று விவர தகவல்களும் இடம் பெற்றுள்ளது.

இவற்றில் எந்த எந்த தகவல்கள் தேவை என்றும் தீர்மானித்து அதற்கேற்ப சுருக்கி கொள்ளலாம்.

குறிப்பிட்ட‌ நகரமே உள்ளங்கையில் வந்து விடுவதாக சொல்ல முடியாவிட்டாலும் எந்த ஒரு நகரின் நாடித்துடிப்பையும் இந்த பக்கங்கள் படம் பிடித்து காட்டி விடுகின்றன என்று சொல்லலாம்.

நகரங்கள் தொடர்பான விவரங்களை தெரிந்து கொள்வது மட்டும் அல்லாமல் விரும்பினால் இந்த தளத்தின் உள்ள பேஸ்புக் இணைப்பு மூலம் அந்த நகர்ம் குறித்த உங்கள் கருத்தையும் பதிவு செய்யலாம்.

முகப்பு பக்கத்திலே ஏதேனும் மூன்று நக‌ரங்களின் தகவல் புகைப்படத்தோடு இடம் பெற்றுள்ளன.இந்த படங்களுக்கு கீழே மற்ற நகரங்களின் பெயர்களும் கொடுக்கப்பட்டுள்ளன. அதிகம் தேடப்படு நகரங்களுக்கு ஏற்ப இவற்றின் எழுத்துக்கள் சின்னதாகவும் பெரிதாகவும் இருக்கின்றன.அவற்றை கிளிக் செய்தாலே அந்த நகருக்கான பக்கத்திற்கு சென்று விடலாம்.

இணையதள‌ முகவரி;http://www.arrivedin.com/

சுவாரஸ்யமான பயண இணையதளம்.

ஊரில் இருந்து உங்கள் நண்பர் வந்தால் அவரை வரவேற்று சுவையோடு சாப்பிட வைத்து அகமகிழ்ந்து போவீர்கள் அல்லவா?நெருக்கமான நண்பர் என்றில்லை.அப்படி ஒரு நண்பரின் அறிமுகத்தோடு வரும் புதிய நண்பரையும் மனதார வரவேற்று விருந்து வைத்து குளிர வைப்பீர்கள் அல்லவா?

சுற்றுலா பயணியாக வ‌ருபவருக்கும் இத்தகைய உபசரிப்பும் விருந்தும் கிடைத்தால் எப்படி இருக்கும்?அதை தான் சாத்தியமாக்குகிற‌து ஈட் வித் லோக்கல் இணையதள‌ம்.

எந்த நாட்டுக்கு சுற்றுலா செல்வதாக இருந்தாலும் அந்த நாட்டில் உள்ளுர் உணவை சுவைப்பதற்கான வழியை இந்த தளம் உருவாக்கி தருகிற‌து.அப்படியே அந்த நாட்டில் நண்பர்களையும் அறிமுகம் செய்து வைக்கிற‌து.உணவு வழியே நட்பையும் நட்பு வழியே உன‌வையும் பெற்று சுற்றுலாக்களை சுவையுள்ள அனுபவமாக்கி தருகிற‌து .

இதன் பின்னே உள்ள ஐடியா எளிமையானது.

சுற்றுலா பயணிகளையோ அல்லது வெளிநாட்டு மாணவர்களையோ வரவேற்று விருந்து படைக்க தயாராக இருப்பவர்கள் இந்த தள‌த்தில் உறுப்பினராக வேண்டும். உறுப்பினர்கள் புதிதாக ஒரு நாட்டுக்கு செல்லும் போது அந்த நாட்டில் உள்ள சக உறுப்பினரை இந்த தளம் மூலம் தொடர்பு கொண்டு சாப்பிட வரலாமா என்று கேட்டு சென்று அவரது வீட்டில் சாப்பிட்டு மகிழலாம்.

ஊர் சுற்றி பார்த்து சுற்றுலா தளங்களையும் புகழ் பெற்ற இடங்களையும் பார்த்து ரசித்தால் மட்டும் போதுமா?உள்ளூர் உணவை சுவைக்காத எந்த பயணமும் முழுமையாகாது என்பது பயனங்களுக்கான பொன்விதிகளில் ஒன்று அன்றோ!.

ஆனால் உள்ளுர் உணவு சுவை அனுபவிப்பது என்றால் அதிலும் இல்லச்சுழலில் சுவைப்ப‌து என்றால் நண்பர்கள் யாராவது இருந்தால் தானே சாத்தியம்.

ஈட் வித் லோக்கல் தளம் இத்தகைய நண்பர்களை அடையாளம் காட்டுகிற‌து.அதே போல உறுப்பினர்கள் தாங்கள் வெளிநாடு செல்லும் போதும் இத்தகைய நண்பர்களை தொடர்பு கொண்டு அந்த ஊர் உண‌வை சுவைத்து மகிழலாம்.

என்ன தான் உறுப்பினர் என்றாலும் அறிமுகம் இல்லாதவர் வீட்டை நாடு பாதுகாப்பானதா என்னும் இயல்பான சந்தேகம் எழலாம். உறுப்பினர்கள் சம்ர்பித்துள்ள விவரங்களை வைத்து அவர்களை பற்றி தெரிந்து கொள்வது நம்பிக்கையை அளிக்கும்.முன் கூட்டியே இமெயில் தொடர்பு கொண்டும் தகவல்களை பரிமாறிக்கொள்ளலாம்.

அதோடு உறுப்பின‌ர்கள் தங்களுக்கு கிடைத்த வரவேற்பு குறித்து அவரது உறுப்பினர் பக்கத்தில் கருத்துக்களை பகிர்ந்து கொண்டால் அதுவும் மற்றவர்களுக்கு வழிகாட்டியாக அமையும்.

அதற்கேற்ப விருந்துக்கு அழைக்கும் போது அதனை நிகழ்ச்சியாக தளத்தில் பட்டியலிடுமாறும் இந்த தளம் கேட்டு கொள்கிற‌து.அதே போல சாபிட்டு முடித்ததும் அந்த அனுபவத்தை புகைப்படத்தோடு பகிர்ந்து கொள்ளவும் வேன்டுகோள் வைக்கிற‌து.இதன் மூலம் மற்றவர்களுக்கு தேவையான தகவல்கள் கிடைக்க வாய்ப்புள்ளது.

புதிய நாட்டில் புதிய நண்பரை அறிமுகம் செய்து கொண்டு அந்த ஊர் உணவை சுவைக்க வழி செய்யும் இந்த தளம் பயண அனுபவத்தை மேலும் விலாசமாகவும் சுவாரஸ்யமாகவும் ஆக்க கூடிய‌து.

இணையதள முகவரி;http://www.eatwithalocal.socialgo.com/

(ஏற்கனவே சுவை பயணங்களை உருவாக்கி தரும் சுவையான இனையதளம் பற்றி எழுதியுள்லேன்.அந்த தளம் உண‌வு சார்ந்த பயனத்தை ஏற்பாடு செய்கிற‌து என்றால் இந்த தளம் பயணத்தின் ந‌டுவே உள்ளூர் உண‌வை சுவைக்க வழி செய்கிற‌து.)

———–

(சுவை பயணங்கள் பற்றிய எனது பதிவு உனமையிலேயே சுவையாக உள்ள‌து போலும்.அதனால் தான் பலரும் அதனை அப்படியே பிரதியெடுத்து தங்கள் வலைப்பதிவு மற்றும் கூகுல் + ல் பதிவு செய்துள்ளனர்.பார்க்க கூகுல் தேடல் பட்டியல்.)

சிம்மன்-http://www.google.co.in/#sclient=psy-ab&hl=en&source=hp&q=%E0%AE%9A%E0%AF%81%E0%AE%B5%E0%AF%88+%E0%AE%AA%E0%AE%AF%E0%AE%A3%E0%AE%99%E0%AF%8D%E0%AE%95%E0%AE%B3%E0%AF%8D&pbx=1&oq=%E0%AE%9A%E0%AF%81%E0%AE%B5%E0%AF%88+%E0%AE%AA%E0%AE%AF%E0%AE%A3%E0%AE%99%E0%AF%8D%E0%AE%95%E0%AE%B3%E0%AF%8D&aq=f&aqi=&aql=&gs_sm=s&gs_upl=4408l4408l0l5538l1l1l0l0l0l0l164l164l0.1l1l0&bav=on.2,or.r_gc.r_pw.,cf.osb&fp=7e4524f24f1c98b8&biw=800&bih=436