Tag Archives: apps

தானாக லைக் செய்ய ஒரு அப்ளிகேஷன்

loveஇது லைக்குகளின் காலம்.பேஸ்புக்கில் நண்பர்கள் புதிய பதிவுகளையும் புகைப்படங்களையும் லைக் செய்வது குறைந்தபட்ச இணைய நாகரீகமாக கருதப்படுகிறது. புதிய பதிவிற்கு லைக் குவிந்ததாக மகிழ்வதும், யாருமே லைக் போடவில்லை என்று குறைபட்டு கொள்வதும் இணைய பழக்கமாகி இருக்கிறது. லைக்குகள் உண்மையான் ஆதரவின் வெளிப்பாடா என்பது ஆய்வுக்குறியது. நம் இணைய உலகம் லைக்குகளால் இயங்குகிறது என்பது தான் உண்மை.

லைக் என்றதும் பேஸ்புக் தான் நினைவுக்கு வரும் என்றாலும் புகைப்பட பகிர்வு சேவையான இன்ஸ்டாகிராம் உள்ளிட்ட சேவைகளிலும் லைக் வசதி உண்டு.  இன்ஸ்டாகிராமில் வெளியாகும் புகைப்படங்களை பார்த்து ரசித்து பிடித்திருந்தால் லைக் செய்யலாம்.
இப்போது இதற்காக என்றே ஒரு செயலி (அப்ளிகேஷன்) உருவாக்கப்பட்டுள்ளது. இது ஒரு தானியங்கி லைக் சேவை. இந்த செயலியை டவுண்லோடு செய்து கொண்டால் போதும் அதன் பிறகு இன்ஸ்டாகிராம் கணக்கு வைத்திருப்பவர்கள் பக்கத்தில் புதிதாக வெளியாகும் புகைப்படங்களையும் எல்லாம் அவர்கள் சார்பாக இந்த சேவை தானாகவே லைக் செய்து விடும். மிகவும் பொறுத்தமாக இந்த செயலிக்கு லவ்மேட்டிகலி என பெயர் வைக்கப்பட்டுள்ளது.
தானாக லைக் செய்ய ஒரு செயலியா ? இது தேவை தானா என்று கேட்கலாம். லைக் தெரிவிப்பது இயல்பானதாக இருக்க வேண்டாமா என்றும் கேட்கலாம். ஆனால் லவ்மேட்டிகலில் செயலியை உருவாக்கியவர் இதற்கு அழகான பதில் வைத்திருக்கிறார். பேஸ்புக்கை விட இன்ஸ்டாகிராம் சேவை வித்தியாசமானது என்கிறார் அவர். பேஸ்புக்கில் தகவல்கள் இடம்பெறுகின்றன. அவற்றை யாரும் லைக் செய்யவில்லை என்றால் கூட பார்த்திருப்பார்கள் படித்திருப்பார்கள் என நினைத்துக்கொள்ளலாம். ஆனால் இன்ஸ்டாகிராமில் வெறும் புகைப்படங்கள் தான். அவற்றை லைக் செய்யவில்லை என்றால் படத்தை பார்க்கவில்லை என்று நினைத்து விட வாய்ப்பிருக்கிறது. எனவே தான் , இன்ஸ்டாகிராமில் நண்பர்கள் புகைப்படங்கள் வெளியாகும் போது அவற்றை தானாகவே லைக் செய்ய இந்த செயலையை உருவாக்கியதாக அதை உருவாக்கிய ரமீத் சாவ்லா கூறியுள்ளார்.
சாவ்லாவின் நண்பர் ஒருவர் , நீ ஏன் எனது இன்ஸ்டாகிராம் படத்தை லைக் செய்யவில்லை என்று கவலையோடு கேட்ட போது , சாவ்லாவுக்கு எல்லோரும் லைக் செய்வதை எத்தனை முக்கியமாக கருதுகின்றனர் என்பதும் ,லைக் செய்யப்படாமல் இருப்பதால் கவலை அடைவதும் புரிய வந்திருக்கிறது. அதன் பயனாகவே இந்த செயலியை உருவாக்கியுள்ளார்.
லைக் பிரியர்கள் விரும்பக்கூடிய இந்த செயலியை இன்ஸ்டாகிராம் நிறுத்து வைத்துள்ளதாம்.

இணைய முகவரி; http://lovematically.com/

ஆபத்து காலத்தில் கைகொடுக்கும் செல்போன் செயலிகள்.

nirbhayaசெல்போன் செயலிகள் உடல் இளைக்கவும், புகைப்படங்களை பகிர்ந்து கொள்ளவும், ஆங்க்ரி பேர்ட்ஸ் போன்ற கேம்கள் விளையாடவும் தான் என்று நினைத்து கொண்டிருந்தால் மாற்றிக்கொள்ளுங்கள் . நடைமுறை வாழ்க்கையில் பயன் தரகூடிய செயலிகளும் பல இருக்கின்றன. அது மட்டுமா ஆபத்து காலத்தில் உதவிக்கான கோரிக்கை விடுக்க உதவும் செயலிகளும் இருக்கின்றன. செல்போன் செயலிகளில் ஆர்வம் இல்லாதவர்கள் கூட இந்த உயிர்காக்கும் செயலிகள் பற்றி அறிந்து கொள்ள வேண்டும்.
எப்படியும் பெரும்பாலானோர் கைகளில் செல்போன் வைத்திருக்கின்றனர். ஆபத்து என வரும் போது இந்த செல்போன்கள் மூலமே ஒரு கிளிக்கில் உதவி கோர வழிசெய்யும் ஆபத்பாந்தவனாக  உயிர் காக்கும் செயலிகள் அமைந்துள்ளன.
ஆபத்து என தெரிந்தால் , செல்போனில் வேண்டியவர்களுக்கு தகவல் தெரிவித்து உதவி கோரலாம் தான். ஆனால் சில நேரங்களில் செல்போனில் உள்ள எண்களில் வேண்டியவர்களின் எண்ணை தேடி கண்டுபிடித்து அவர்களை அழைத்து உதவி தேவை என சொல்ல முடியாத அளவுக்கு நெருக்கடியில் சிக்கி கொள்ளலாம். அதோடு ஆபத்து சூழ்ந்திருக்கும் போது பயத்திலும் பதட்டத்திலும் செல்போனில் உரியவர்களை அழைத்து உதவி கோருவது கடினமாக இருக்கலாம். எதிர்பாரமால் விபத்து ஏற்படும் சூழல், உடனடி மருத்துவ உதவி தேவையான் நிலை மற்றும் வன்செயலாளர்களிடம் சிக்கி கொள்ளும் ஆபத்தான நிலைகளில் இந்த செயலிகள் உதவிக்கு வருகின்றன. பெண்கள், குழ்ந்தைகள், வயதானவர்கள் என அனைத்து தரப்பினருக்கும் இவை ஆபத்து காலத்தில் கைகொடுக்கும்.

ஹெல்ப் மீ ஆன் மொபைல்

ஹெல்ப் மீ ஆன் மொபைல் செயலி பாதுகாப்பை விரல் நுனியில் கொண்டு வருகிறது. ஆண்ட்ராய்டு போனுக்கான இந்த செயலியின் மூலம் ஆபத்தான நேரங்களில் குடும்பத்தினர் மற்றும் நண்பர்களுக்கு தகவல் தெரிவித்து உதவி கோரலாம். இந்த செயலியை பயன்படுத்துவதும் எளிதானது. ஆண்ட்ராய்டு போனில் இவற்றை டவுண்லோடு செய்து கொண்டால் போதுமானது.  இந்த செயலியில் உள்ள பாதுகாவலர் பகுதியில் பயனாளிகள் வீட்டில் அறியப்படும் பெயரை குறிப்பிட வேண்டும். அதன் பிறகு பாதுகாவலர்களின் செல்போன் எண்களை குறிப்பிட வேண்டும். தந்தை, சகோதரர், மாமா, நண்பர் ஆகியோரது செல்போன் எண்களை குறிப்பிடலாம். ஆபத்தில் சிக்கி கொள்ளும் நிலை ஏற்பட்டால் , இந்த செயலியின் உதவி தேவை பகுதியை கிளிக் செய்தால் போதும் , அதில் குறிப்பிடப்பட்டுள்ள நபர்களுக்கு அந்த கோரிக்கை குறுஞ்செய்தியாக போய் சேர்ந்துவிடும். மேலும், பயனாளியின் இருப்பிடம்  ஜிபிஎஸ் மூலம் சுட்டிக்காட்டப்பட்டிருக்கும். அது மட்டும் அல்லாமால் , செல்போனில் இருந்து ஆபத்து எச்சிரிக்கை ஒலி கேட்டிக்கொண்டே இருக்கும். இதில் அருகே உள்ளவர்களை உதவிக்கு அழைக்கும் அபயக்குரலாக செயலபடும்.
இந்த செயலியை பெண்கள் விஷமிகள் மத்தியில் சிக்கி கொண்டால் அல்லது முன்பின் தெரியாதவர்களால் பின் தொடர்ப்பாட்டால் பயன்படுத்தலாம். மேலும் விபத்து நேரங்களிலும் பயன்படுத்தலாம்.
அதே போல, எங்காவது சென்றிருக்கும் போது எதிர்பார்த்ததை விட கூடுதல் நேரம் ஆகிவிட்டால் , இதில் உள்ள நான் இங்கிருக்கிறேன் வசதி மூலமாக பயனாளிகள் தங்கள் இருப்பிடத்தை பாதுகாவலர்களுக்கு தெரிவிக்கலாம். செல்போன் சார்ந்த மதிப்புகூட்டப்பட்ட சேவைகளை வழ்ங்கி வரும் ஆன்மொபைல் நிறுவனம் இந்த செயலியை உருவாக்கி உள்ளது. நிறுவன இணையதளம் மற்றும் கூகிள் பிலே ஸ்டோரில் தரவிறக்கம் செய்யலாம்.

இணையதள முகவரி; http://www.helpme-onmobile.com/

https://play.google.com/store/apps/details?id=com.onmobile.helpme&feature=search_result#?t=W251bGwsMSwxLDEsImNvbS5vbm1vYmlsZS5oZWxwbWUiXQ..


நிர்பயா செயலி.

ஆபத்தில் சிக்கி கொள்ளும் பெண்களுக்கு உதவுவதற்காகவே உருவாக்கப்பட்டுள்ள செயலி இது. கடந்த ஆண்டு தில்லியில் வன்செயலாலர்களின் கொடுரத்துக்கு பலியான இளம்பெண் நிர்பயா பெயரில் உருவாக்கப்பட்டுள்ளது. நிர்பயாவுக்கு நேர்ந்த கதி இனி வேறு எந்த பெண்ணுக்கும் ஏற்படாமல் தடுக்க உதவும் வகையில் இந்த செயலியை ஸ்மார்ட் கிலவுட் இன்போடெக் நிறுவனம் வடிவமைத்துள்ளது. நிர்பயா – பி பியர்லெஸ் எனும் பெயரிலான இந்த செயலியில் உதவி தேவை எனும் செய்தியை குடும்பத்தினர் மற்றும் தெரிந்தவர்களுக்கு அனுப்பி வைக்கலாம். அதே போல உதவி தேவை எனும் தகவலை பேஸ்புக் பக்கத்திலும் நண்பர்கள் மத்தியில் பகிர்ந்து கொள்ள இந்த செயலி வழி செய்கிறது. விஅப்த்து மற்றும் மருத்துவ அவசர நிலைகளிலும் இந்த செயலியை பயன்படுத்தலாம். குடும்பத்தினர் தவிர காவல்தூறையினர் , மருத்துவமனை மற்றும் அவசர உதவி எண்கள் ஆகியவற்றுக்கும் உடனயாக தகவல் அனுப்ப முடியும். ஆண்ட்ராட்யு, ஐபோன் விண்டோஸ் போன் என எல்லாவற்றிலும் பயன்படுத்தலாம். ஆங்கில் மொழியிலானது.

இணையதள முகவரி; http://www.smartcloudinfotech.com/nirbhaya.html

ஆறு பேர் வட்டம்.

சர்கில் ஆப் 6 செயலி , ஆபத்து காலத்தில் மட்டும் அல்லாது சிக்கலான எந்த சூழலிலும் உதவி கிடைக்கசெய்கிறது. இந்த செயலியில், உங்கள் உதவி வட்டத்தில் ஆறு நபர்களின் தொடர்பு எண்களை குறிப்பிடலாம். உதவி தேவைப்படும் சூழலில் இந்த ஆறு பேருக்கும் பயனாளியின் இருப்பிடம் பற்றிய விவரத்துடன் தகவல் தெரிவிகக்ப்படும். மூன்று விதமான உதவிகளை கோரலாம். ஆபத்து இல்லை ஆனால் அச்சமூட்டும் சூழலில் இருந்தால் , உடனே வந்து அழைத்து செல்லுமாறு செய்தி அனுப்பலாம். இதற்காக கார் ஐகானை கிளிக் செய்தால் போதும். பெரும் ஆபத்து என்றால் , உதவி தேவை என்னும் தகவல் தெரிவிக்கலாம். இதே போலவே மிகவும் அறுவையான ஆசாமிகளிடம் மாட்டிக்கொண்டால் வந்து காப்பற்றுங்கள் எனும் செய்தியையும் அனுப்பலாம். குடும்ப சிக்கல் அல்லது காதல் விவகாரம் போன்றவ்ற்றால் மன் உளைச்சலுக்கு ஆளாகி இருந்தால் ஆலோச்னை மற்றும் ஆறுதல் தேவை என்றும் செய்தி அனுப்பலாம். அவசர எண்களை தொடர்பு கொள்ளும் வசதியும் இருக்கிறது. சர்வதேச அலவிலான செயலி இது. ஆங்கிலம் தான் பிரதான மொழி என்றாலும் இப்போது இந்தி மொழி வசதியும் சேர்க்கப்பட்டுள்ளது. ஆண்ட்ராட் ,ஐபோன் இரண்டிலும் செயல்படுகிறது.
அமெரிக்காவில் பயனுள்ள செயலிகளுக்காக வெள்ளை மாளிகை நடத்திய போட்டியில் தேர்வான செயலி இது,.

இணையதள முகவரி; http://www.circleof6app.com/

நண்பர்களை சவாலுக்கு அழைக்க ஒரு செயலி

chocசமூக வலைத்தளங்கள் தெரியும் . சமூக செயலிகள் ?

செல்போன்களில் பயன்படுத்த பலவித செயலிகள் இருக்கின்றன அல்லவா ? அவற்றில் சமூக நோக்கம் கொண்டவற்றை தான் சமூக செயலிகள் என்று சொல்கின்றனர். அதாவது பொது நலன் நோக்கிலான செயலிகள். இவை மற்றவர்களுக்கு கைகொடுக்கவோ உதவவோ செய்யும்.

உதாரணத்துக்கு பட்ஜ் என்று ஒரு செயலி இருக்கிறது. நண்பர்களை சவாலுக்கு அழைத்து நன்கொடை வழங்க உதவுகிறது இந்த செயலி.

சவாலுக்கு அழைப்பது என்றால் , பெட் கட்டுவது. நண்பர்களோடு பேசிக்கொண்டிருக்கும் போது, இப்படி தான் நடக்கும் எவ்வளவு பெட் என்று கேட்பது உண்டல்லாவா ? பொதுவாக இப்படி பெட் கட்டும் போது அதற்கான பரிசாக பணத்தையோ, ஒரு பக்க மீசையை எடுக்க வேண்டும் என்பது போன்ற செயலையோ குறிப்பிடுவது உண்டு.

எல்லோருக்குள்ளும் இருக்கும் இந்த பழக்கத்தை தான்  , பட்ஜ் செயலி மாற்றிக்காட்டுகிறது. இந்த செயலியை செல்போனில் டவுண்லோடு செய்து , அதன் மூலம் நண்பர்களை சவாலுக்கு அழைக்கலாம். அஜீத் பழம் ஓடுமா , விஜய்யின் ஜில்லா ஹிட்டாகுமா ? என்பது உட்பட சவால் எதுவாக வேண்டுமானால் இருக்கலாம். ஆனால் யார் வெற்றி பெற்றாலும் , தோற்றவர்கள் பேசப்பட்ட தொகையை சேவை அமைப்பு ஒன்றுக்கு நன்கொடையாக வழங்க வேண்டும். நண்பர்களுடன் விளையாடியது போலவும் இருக்கும். நன்கொடை வழங்கியது போலவும் இருக்கும்.

எல்லோரும் நல்லவரே, மற்றவர்களுக்கு உதவும் எண்ணம் கொண்டவரே எனும் நம்பிக்கையில் அந்த கொடைதன்மைக்கு வாய்ப்பளிக்கும் வகையில் இந்த செயலி உருவாக்கப்பட்டுள்ளதாக் பட்ஜ் தெரிவிக்கிறது.

ஐபோனுக்காக உருவாக்கப்பட்டுள்ள செயலி. அமெரிக்காவை மையமாக கொண்டது, இதில் பட்டியலிடப்பட்டுள்ள சேவை அமைப்புகளும் அமெரிக்காவை மையமாக கொண்டதாக இருக்கலாம். அதனால் என்ன , நல்ல செயலி. தெரிந்து கொள்வோமே. நாமும் இது போன்ற செயலியை உருவாக்குவோமே.

செயலி முகவரி: http://www.thebudge.com/

ஆன்ட்ராய்டு போனில் இருந்து புகைப்படங்களை கம்ப்யூட்டருக்கு மாற்ற சூப்பரான வழி.

http _www.coolphototransfer.com_கூல் ஃபோட்டோ டிரான்ஸ்பர் செயலி(அப்) ஆன்ட்ராய்டு போனில் இருந்து புகைப்படங்களை டெஸ்க்டாப் கம்ப்யூட்டருக்கு எளிதாக இடமாற்றம் செய்து அசத்துகிறது.இந்த செயலியை பயன்படுத்தும் போது  வழக்கமாக செல்போனில் உள்ள புகைப்படங்களை கம்ப்யூட்டருக்கு கொண்டு செல்ல வேண்டும் என்றால் யூஎஸ்பி கேபில் தேவைப்படும் அல்லவா? ஆனால் இந்த செயலி கேபில் எதுவும் இல்லாமலேயே வைபீ மூலமாக புகைப்படங்களை கம்ப்யூட்டருக்கு மாற்றி விடுகிறது.

இது புகைப்படங்களை மாற்றுவதற்கான சுலபமான வழி மட்டும் அல்ல, விரைவான வழியும் கூட என்கிறது இந்த செயலி.

அது மட்டும் அல்ல சும்மா ஜாலியாக புகைப்படங்களை மாற்றலாம் என்கிறது. அதாவது விதவிதமான முறையில் ப‌டங்களை ,அனிமேஷன் பாணியில் படங்களை மாற்றலாம். எப்படி தெரியுமா? செல் போனில் உள்ள புகைப்படத்தின் மீது கையை வைத்து அப்படியே தள்ளிவிட்டால் அது கம்ப்யூட்டருக்குள் போய்விடும். அல்லது போனை கம்ப்யூட்டர் மேலே வைத்து மானிட்டர் மீது வைத்தாலும் புகைப்படம் இடம் மாறிவிடுகிறது.

இதே போல போனை குலுக்கினாலும் புகைப்படல் கம்ப்யூட்டருக்குள் போய் உட்கார்ந்து கொள்கிறது. புகைப்படத்தை கைகளால் பெரிதாக்கி அப்படியே தள்ளி விட்டாலும் புகைப்படம் கம்ப்யூட்டருக்கு சென்று விடுகிறது. உங்களுக்கு விசில் அடிக்க தெரியுமா? அடித்து பாருங்கள். அசந்து போவீர்கள். காரணம் விசில் அடித்தாலும் புகைப்படம் இடம்மாறிவிடுகிறது.

இந்த அனிமேஷன் வசதிகளை தான் புகைப்படங்களை கம்ப்யூட்டருக்கு மாற்ற கூலான வழி என கூல் ஃபோட்டோ டிரான்ஸ்பர் வர்ணிக்கிறது. இதற்கான விளக்க வீடியோவே சூப்பராக இருக்கிறது.ஆன்ட்ராய்டு போன் இருந்தால் பயன்படுத்தி பாருங்கள்.

டவுண்லோடு செய்ய:http://www.coolphototransfer.com/

காதலுக்கு கை கொடுக்கும் ஆப்.

loveapp

காதலிக்க விரும்புகிறவர்களுக்காக உருவாக்கப்பட்டுள்ள அருமையான செயலி வுட்லவ் 2. காதலை நிராகரிப்பில் இருந்து விடுவிட்ட உதவுது தான் இந்த செயலியின் தனிச்சிறப்பு.

காதலுக்கு முன்பாக பரஸ்பர அறிமுக படலம் தேவை அல்லவா? மேலை நாடுகளில் இதை டேட்டிங் என்கின்றனர். நம்மூரில் கட‌லை போடுவது என் வைத்துக்கொள்ளலாம்.

டேட்டிங் செய்ய விரும்பும் நபர் தனக்கான துணையை விருப்பம் போல தேர்வு செய்யலாம்.ஆனால் , தேர்வு செய்யும் நபருக்கும் அந்த விருப்பம் இருக்க வேண்டுமே? நாம் டேட்டிங் வேண்டுகோளை வைக்கும் போது அந்த நபர் அதை நிராகரித்து விட்டால் என்ன செய்வது? இதனால் வருத்தமாகலாம்.மனது வலிக்கலாம். நிராகரித்தவர் நட்பு நோக்கில் மட்டுமே பழகியதாக தெரிய வந்தால் சங்கடமாகலாம்.

இப்படி காதலை தெரிவிக்கும் போது நிராகரிக்கப்படும் சங்கடத்தை இல்லாமல் செய்கிறது இந்த செயலி.எப்படி?

முதலில் இந்த செயலியில் செல் போனில் டவுண்லோடு செய்து கொள்ள வேண்டும்.அதன் பிறகு உங்கள் பேஸ்புக் தொடர்புகளை பதிவேற்றிக்கொள்ள வேண்டும்.அவர்களில் உங்களுக்கு யார் மீது விருப்பம் உள்ளதோ அவர்களை தேர்வு செய்து கொள்ள வேண்டும்.அவ்வளவு தான் அந்த நபர் உங்களுக்கான விருப்ப பட்டயலில் சேர்க்கப்படுவார்கள்.அதாவது இந்த செயலி அந்த பெயரை லாக்கரில் சேர்த்துக்கொள்ளும்.

இனி நீங்கள் செய்வதற்கு ஒன்றும் இல்லை. காத்திருப்பதை தவிர.

காத்திருப்பு கணிந்தால் செயலியே தகவல் தெரிவிக்கும். அதாவது நீங்கள் தேர்வு செய்த நபரும் உங்களை டேட்டிங் செய்ய விரும்புவதாக தேர்வு செய்திருந்தால் அந்த தகவல் உங்களுக்கு தெரிவிக்கப்படும்.

இந்த மாயம் நிகழ அந்த நபரும் இந்த செயலியை பயன்ப‌டுத்த வேண்டும். அதைவிட பெரிய கஷ்டம் அவருக்கும் உங்கள் மீது ஈடுபாடு இருக்க வேண்டும்.இரண்டும் அமைவதற்கான வாய்ப்புகள் குறைவு. ஆனால் நீங்கள் விருப்பத்தை தெரிவித்து அது முகத்தில் அடித்தார் போல் நிராகடிக்கப்படும் வாய்ப்பு இல்லை என்பதால் இதை மகிழ்ச்சியோடு ஏற்றுக்கொள்ளலாம். நாம் விருப்பம் தெரிவித்தவர் பதில் விருப்பம் தெரிவிக்க வில்லை என்றால் நமது விருப்பம் ரக்சியமாகவே இருந்துவிடும்.

காதல் சார்ந்த எளிமையான செயலி. முதலி ஐபோனுக்காக அறிமுகமாகியுள்ளது.அடுத்து ஆச்ட்ராய்டு வடிவம் வருகிறது.அமெரிக்கர்களை மனதில் கொன்டு வடிவமைக்கப்பட்டிருந்தாலும் காதல் சர்வதேச அளவிலானதாயிறே,நாமும் பயன்ப‌டுத்தலாம்.

காதலை சொல்லாமல் சொல்லிப்பார்க்க:<a href="http://www.wouldlove2.com/

“>http://www.wouldlove2.com/