Tag Archives: camera

சூரியனை துரத்திச்சென்ற புகைப்பட கலைஞர்

ci1இது வரை இப்படி ஒரு சூரிய அஸ்தமன காட்சியை ஒருவரும் பார்த்திருக்கு முடியாது என்று அசந்து போகும் வகையில் சூரிய அஸ்தமனத்தை அட்டகாசமாக படம் பிடித்து வியக்க வைத்திருக்கிறார் புகைப்பட கலைஞரான சைமன் ராபர்ட்ஸ். சூரிய அஸ்தமன காட்சியை படம் பிடிப்பது அப்படி என்ன கஷ்டமா? என்று கேட்கலாம். அமெசூர் புகைப்பட கலைஞர்கள் முதல் தொழில்முறை வல்லுனர்கள் வரை ஆயிரக்கணக்கானோர் சூரியோதயத்தையும் சூரிய அஸ்தமனத்தையும் படம் எடுத்து தள்ளியிருக்கின்றனர். அநேகமாக உலகில் அதிகம் படம் பிடிக்கப்பட்ட காட்சிகளில் சூரிய அஸ்தமனமும் கூட ஒன்றாக இருக்கலாம்.

இருந்தும் சைமன் ராபர்ட்ஸ் எடுத்துள்ள சூரிய அஸ்தமன காட்சி(கள்) இதற்கு முன்னர் ஒருவரும் எடுத்திராதது. ராபர்ட்ஸ் ஒரே நாளில் அனைத்து சூரிய அஸ்தமன காட்சிகளை காமிராவில் கிள்க் செய்திருக்கிறார் என்பது தான் விஷேசம். அதாவது 24 சூரிய அஸ்தமன காட்சிகளை அவர் தொடர்ந்து படம் பிடித்திருக்கிறார்.
அதெப்படி 24 சூரிய அஸ்தமனம் வரும்? என்று கேட்கலாம். பூமியில் உள்ள ஒவ்வொரு நேர மண்டலத்திலும் ( டைம் ஜோன்) சூரியன் அஸ்தமிக்கும் காட்சியை அவர் கிளிக் செய்திருக்கிறார்.

தினமும் பூமி தன்னைத்தானே சுற்ற்க்கொண்டிருக்கும் நிலையில் தொடுவானத்திற்கு கீழே சூரியன் செல்லும் போது நாம் சூரிய அஸ்தமனத்தை காண்கிறோம். ஆனால் இதில் நாம் கவனிக்காத விஷயம் என்ன என்றால், பூமியில் வேறு ஒரு பகுதியில் சூரியன் ஏற்கனவே மறைந்திருக்கலாம் என்பதும் இன்னும் சில பகுதிகளில் இனி மேல் தான் மறைய இருப்பதும் தான். அதாவது பூமியின் சுழற்சிக்கு ஏற்ப ஒவ்வொரு நேர மண்டலமாக சூரிய அஸ்தமனம் நிகழ்கிறது.
ci2
ஆக, ஒரு நாளில் ( ஒவ்வொரு நாளும்) 24 முறை சூரிய அஸ்தமனம் ஏற்படுகிறது. -24 நேர மணடலங்களிலும் வரிசையாக அதை காணலாம். பூமி சுற்றும் திசையிலேயே நாமும் பயணம் செய்தால் நமது பயணத்தில் சூரியன முழுவதும் மறையாமல் இருக்கும் அதிசயத்தை பார்க்கலாம். இதை தான் புகைப்பட கலைஞரான சைமன் ராப்ர்ட்ஸ் செய்திருக்கிறார். காமிராவை கழுத்தில் மாட்டிக்கொண்டு விமானத்தில் பூமி சுழற்ச்சிக்கு ஏற்ப சூரியனை பின் தொடர்ந்து சென்று ஒவ்வொரு இடத்திலும் சூரியன் மறையும் காட்சியை கிளிக் செய்திருக்கிறார். ஐஸ்லாந்தில் அவர்கள் பயணம் துவங்கியிருக்கிறது. ஒரு இடத்தில் கிளி செய்ததும் உடனே விமானத்தில் ஏறி சூரியனை துரத்திச்சென்றிருக்கிறார். இப்படி 24 நேர மண்டலத்திலும் சூரிய அஸ்தமன காட்சிகளை கிளிக் செய்து ஒரே நாளில் அனைத்து சூரிய அஸ்தமன காட்சிகளையும் பதிவு செய்திருக்கிறார்.
மனிதர் என்ன பாடு பட்டிருப்பார்? எப்படி ஓடி இருப்பார் ?மலைக்க வைக்கிறது அல்லவா? அவருக்காக விமானம் செலுத்திய சாரதியையும் நினைத்துப்பாருங்கள்.

இந்த சாகசத்திற்காக இந்த குழு வட துருவத்திற்கு சென்று அங்கிருந்து சூரியனை விமானத்தில் பின் தொடர்ந்திருக்கிறது. வட துருவத்தில் என்ன ஸ்பெஷல்? பூமி சுழற்சிப்பாதையில் அங்கு தான் சுழலும் வேகமும் குறைவு, சுற்றளவும் குறைவு. மற்ற இடங்களில் அசுர வேகத்தில் சென்றாக வேண்டும். மேலும் பகலின் நீளம் அதிகமாக உள்ள பிப்ரவரி மாதத்தை இதற்காக தேர்வு செய்து இந்த பயணத்தை மேற்கொண்டுள்ளனர்.
வட துருவத்தில் இந்த சாதகம் இருந்தாலும் அந்த பனிப்பிரதேசத்தில் விமான பாதையோ விமான நிலையங்களோ கிடையாது. முற்றிலும் புதிய பாதையில் ராபட்ஸ் பயணம் செய்திருக்கிறார்.
பூமி சுழலும் கோணம், காற்று வீசும் திசை, எரிபொருள் எல்லாவற்றையும் கணக்கில் கொண்டு இந்த பயணத்தை மேற்கொண்டிருக்கின்றனர். நடுவே இரண்டு முறை 20 நிமிடம் மட்டுமே எரிபொருள் நிரப்ப முடிந்திருக்கிறது. 50 டிகிரிக்கும் குறைவாக வெப்ப நிலையில் 24 மணி நேரம் இந்த பயணம் நீடித்திருக்கிறது. பைலம் மற்றும் துணை பைலெட் ஷிப்ட் போட்டு தூங்கி இருக்கின்றனர். மற்ற குழுவினருக்கு தூங்கா பயணம் தான்.
இப்படி ஓடி ஓடி எடுத்த சூரிய அஸ்தமன காட்சிகளை வரிசையாக ஒரே வீடியோ காட்சியாக தொகுத்து வெளியிட்டுள்ளனர். அதன் புகைப்பட தொகுப்பை பார்த்தாலே பிரம்மிக்க வைக்கிறது.
ci3
பிரபல கைகடிகார தயாரிப்பு நிறுவனமான சிட்டிசன் தனது இகோடிரைவ் கைகடிகாரத்திற்கான விளம்பரத்திற்காக சைமன் ராப்ர்ட்சை இப்படி சவால் விடும் புகைப்பட கலையில் ஈடுபடுத்தியுள்ளது. உலகின் எந்த பகுதிக்கு சென்றாலும் அங்குள்ள நேரத்தை தானாக காட்டும் இகோடிரைவ் கடிகாரத்தின் தனித்தன்மையை உணர்த்துவதற்காக சிட்டிசன் இந்த புதுமையான ஐடியாவை செயல்படுத்தியிருக்கிறது.
இந்த அசைன்மெட்ன் பற்றி குறிப்பிடும் சைமன் ராப்ர்ட்ஸ் , சூரிய அஸ்தமனம் கிளிக் செய்து அலுத்துப்போன விஷயம் என்பதால் வரிசையாக சூரிய அஸ்தமனத்தை கிளிக் செய்யும் பணியை ஒப்புக்கொள்வேன் என ஒருபோதும் நினைத்ததில்லை என்று கூறுகிறார்.
ci4
கூகிளில் சூரிய அஸ்தமனம் என்று டைப் செய்தால் லட்ச்கணக்கில் புகைபப்டங்கள் வந்து நிற்கின்றன. அவற்றில் இருந்தெல்லாம் மாறுபட்ட படத்தை எப்படி எடுக்க முடியும் என்று நினைத்தாதாக மேலும் கூறும் ராபர்ட்ஸ் , இந்த ஐடியா சூரிய அஸ்தமனததை அதன் விளிம்பிற்கு கொண்டு சென்று விட்டது என்கிறார் மன நிறைவுடன்.

24 சூரிய அஸ்தமன காட்சிகளை காண;http://www.betterstartsnow.com/en/f100/chasing-horizons/

சைமமன் ராபர்ட்ஸ் இணையதளம்: http://simoncroberts.com/news/
——–

விகடன்.காமில் எழுதியது. நன்றி;விகடன்.காம்

பிலிக்கர் புகைப்பட சேவையை சிறப்பாக பயன்படுத்த உதவும் இணையதளங்கள்.

fliபிக்காசா, இன்ஸ்டாகிராம் போன்ற புகைப்பட சேவைகளின் வருகையையால் பிலிக்கர் சேவை கொஞ்சம் பளபளப்பு குறைந்து விட்டதாக தோன்றினாலும் இதன் பயன்பாட்டுத்தன்மையை குறைத்து மதிப்பிட்டுவிட முடியாது. தொழில்முறை புகைப்பட கலைஞர்கள் மத்தியிலும் சரி, அமெச்சூர் ஒளிப்பட கலைஞர்கள் மத்திலும் சரி பிலிக்கர் தான் இன்னும் செல்வாக்கு பெற்றிருக்கிறது. அதோடு பிலிக்கர் சமீப காலங்களாக புதிய வசதிகளையும் அறிமுகம் செய்டு வருகிறது. அது மட்டும் அல்லாமல் புகைப்படங்களை சேமிப்பதற்கான இட வசதியையும் வாரி வழங்கியிருக்கிறது. எனவே பிலிக்கருக்கு நிகரில்லை என்றே சொல்ல வேண்டும். பிலிக்கர் புகைப்பட சேவையை மேலும் சிறப்பாக பயன்படுத்த உதவக்கூடிய இணையதளங்களும் இருக்கின்றன. பிலிக்கர் அனுபவத்தை மேம்படுத்தும் பிலிக்கர் சார்ந்த சில முக்கிய சேவைகள் இதோ;

பிலிக்கர் தேடியந்திரம்

பிலிக்கர் சேவையில் வெளியாகும் புகைப்படங்களை தேட பல வழி இருக்கிறது. பிலிக்கர் தளத்திலேயே கூட இதற்கான வசதி இருக்கிறது. என்றாலும் கூட பிலிக்கர் பிரியர்கள் ரிட்ரிவர் ( http://labs.systemone.at/retrievr/) தேடியந்திரத்தை நிச்சயம் விரும்புவார்கள். ஏனெனில் இந்த தேடியந்திரம் தேவையான புகைப்படங்களை வரைந்து காட்டி தேட உதவுகிறது. இந்த தளத்தின் இடது பக்கத்தில் உள்ள கட்டத்தில் , காகிதத்தில் வரைவது போல வரைந்து காட்டினால் தொடர்புடைய புகைப்படங்களை அடையாளம் காட்டுகிறது. நாம் வரைந்து காட்டுவதற்கு ஏற்ப பொருத்தமான புகைப்படங்கள் காட்டப்படுவதை பார்த்தால் வியப்பாக தான் இருக்கிறது. அதே போல் நம்மிடம் உள்ள புகைப்படத்தை இதில் பதிவேற்றி அதே போன்ற புகைபடங்களையும் தேடலாம். சோதனை முறையில் செயல்படுத்தப்படும் தேடியந்திரம் , எனவே அதிகம் எதிர்பார்க்க வேண்டாம் என்று குறிப்பிடப்பட்டுள்ளது. ஆனால் இந்த எச்சரிக்கையை மீறி முதல் முறை பயன்படுத்தும் எவரையும் வியப்பில் ஆழ்த்திவிடக்கூடும்.

சிறந்த படங்களை காண’

பிலிக்கரில் வெளியாகும் ஆயிரக்கணக்கான புகைப்படங்களில் அருமையான படங்களை கண்டு ரசிக்க வழி செய்கிறது லவர்லி.காம் (http://www.lurvely.com/ ) இணையதளம். இதன் முகப்பு பக்கத்திலேயே பிலிக்கர் பயனாளிகள் மத்தியில் பிரபலமாக இருக்கும் புகைப்படங்களை பார்த்து ரசிக்கலாம். செய்திப்படங்கள், பிரபலமான புகைப்படங்கள், பரிந்துரைக்கப்பட்ட புகைப்படங்கள் என பலவகையான தலைப்புகளில் புகைப்படங்கள் இடம்பெற்றுள்ளன. புகைப்பட கலைஞர்களின் படங்கள் மற்றும் குறிப்பிட்ட இருப்பிடம் சார்ந்த புகைபப்டங்களையும் காணலாம். பிலிக்கரில் உங்களுக்கு உறுப்பினர் கணக்கு இருந்தால் அதை குறிப்பிட்டு நீங்கள் விரும்பிய புகைப்படங்கள் போன்றவற்றையும் பார்த்து ரசிக்கலாம். பிலிக்கரில் வெளியாகும் சிறந்த புகைப்படங்களை எளிதாக பார்த்து ரசிப்பதற்கான இணையதளம் என்று இந்த சேவை தன்னை வர்ணித்துக்கொள்கிறது.

புகைப்படங்களை பதிவேற்ற!

பிலிக்கர் புகைப்படங்களை பகிர்ந்து கொள்வதற்கான சிறந்த இடம் மட்டும் அல்ல, புகைப்படங்களை சேமித்து வைப்பதற்காகவும் இதை பயன்படுத்தலாம்.உங்களிம் நிறைய புகைப்படங்கள் இருந்து அவற்றை பிலிக்கரில் பதிவேற்ற விரும்பினால் அதற்கு உதவுவதற்காக என்றே ஜப்லோடர் ( http://juploadr.sourceforge.net/ சேவை உருவாக்கப்பட்டுள்ளது. இதன் மூலம் உங்கள் கம்ப்யூட்டரில் இருக்கும் புகைப்படங்களை பிலிக்கருக்கு எளிதாக் கொண்டு செல்லலாம். இதற்கான மென்பொருளை டவுண்லோடு செய்து கொண்டால் போதும்.

புகைப்படங்களை அழகாக்க

பிலிக்கரில் பகிர்ந்து கொள்ளும் புகைப்படங்களை திருத்தி மேம்படுத்தி பகிர
்ந்து கொள்ள உதவுகிறது பிர்லோடர் இணையதளம் (http://www.preloadr.com/ ) .இதற்கென தனியே உறுப்பினர் கணக்கு தேவையில்லை.எதையும் டவுண்லோடு செய்யவும் வேண்டாம். பிலிக்கர் கணக்கு மூலமே இந்த சேவையை பயன்படுத்திக்கொள்ளலாம். பதிவேற்றப்படும் புகைப்படங்கள் திருத்தப்பட்டு வண்ணங்கள் சரி செய்யப்பட்டு பதிவேற்றப்படுகின்றன. புகைப்படங்களுக்கு இன்ஸ்டாகிராமில் இருப்பது போல பில்டர்க்ளையும் பொருத்தலாம். எளிமையான சேவை.ஆனால் மிகவும் பயனுள்ளது.

இதே போல பிலிக்கர் காம்ன்ஸ்( https://www.flickr.com/commons) மூலம்
குறிப்பிட்ட பகுதியில் எடுக்கப்பட்ட வரலாற்று புகைப்படங்களை பார்த்து ரசிக்கலாம். இது பிலிக்கர் தளமே தரும் அருமையான வசதி. சரித்திர பொக்கிஷங்களை க்ண்டு கொள்ள இந்த வசதி உதவும்.

 

பிலிக்கர் சேவையை இப்படி எல்லாமும் பயன்படுத்தலாம்!

பேஸ்புக் அளவுக்கு இப்போது இணைய உலகில் பரபரப்பாக பேசப்படாவிட்டாலும் கூட புகைப்பட பிரியர்கள் மத்தியில் பிலிக்கர் தான் இன்னும் நம்பர் ஒன்னாக இருக்கிறது. இணையத்தில் புகைப்பட பகிர்வு மற்றும் புகைப்பட சேமிப்பு என்று வரும் போது பிலிக்கர் தான் விரும்பி பயன்படுத்தப்படும் சேவையாக இருக்கிறது.

பிலிக்கர் என்றதுமே அதில் கொட்டிக்கிடக்கும் அழகான புகைப்படங்கள் தான் நினைவுக்கு வரும். அழகிய புகைப்படங்களை பார்த்து ரசிக்க பிலிக்கர் தான் சிறந்த வழி. அதே போல புகைப்படங்களை பகிரவும் பிலிக்கருக்கு நிகர் பிலிக்கர் தான். ஆனால் , புகைப்பட பகிர்வுக்கு மட்டும் அல்லாமல் வேறு விதங்களிலும் பிலிக்கர் சேவையை பயன்படுத்தலாம் என்பது உங்களுக்கு தெரியுமா?

அவற்றில் சில வழிகளை இப்போது பார்க்கலாம்!.

புதிய காமிரா வாங்கும் முன்!


நீங்கள் புகைப்பட பிரியராக இருந்து புதிதாக காமிரா வாங்க விரும்புகிறீகள் என வைத்து கொள்வோம். என்ன காமிரா வாங்குவது என்று தீர்மானிப்பதற்கு முன்பாக பலவிதமான காமிரா மற்றும் அவற்றில் எடுக்கப்பட்ட புகைப்படங்கள் தொடர்பாக பிலிக்கரில் ஆயும் செய்து கொள்ளலாம். பிலிக்கர் தளத்தில் காமிரா பைண்டர் (http://www.flickr.com/cameras ) எனும் பகுதி இருக்கிறது. இந்த பகுதியில் அனைத்து விதான காமிரா தொடர்பான தகவல்களையும் பார்க்கலாம். காமிராவின் மாடல், அதன் லென்ஸ் ஆற்றல், எடை,இதர வசதிகள் ஆகியவற்றோடு அந்த காமிரா மூலம் எடுக்கப்பட்ட புகைப்படங்களையும் பார்க்கலாம். குறிப்பிட்ட அந்த காமிராவின் விலை, பிலிக்கர் பயனாளிகள் அந்த காமிரவைல் மொத்தம் எத்தனை படங்கள் எடுத்துள்ளனர் போன்ற விவரங்களையும் கூட தெரிந்து கொள்ள முடியும். பயனாளிகளின் மதிப்பீடும் பயனுள்ளதாக இருக்கும்.

இந்த பக்கத்திலேயே பிலிக்கர் சமுகத்தில் எந்த காமிரா பிரபலமாக இருக்கிறது என்பதையும் தெரிந்து கொள்ளலாம். கேனான்,நிக்கான் ஆகிட காமிராக்களோடு ஐபோனும் புகைப்படம் எடுக்க அதிகம் பயன்படுத்தப்படுகிறது என்பது ஆச்சர்யமான விஷயம்.

இதே போல காமிரா லென்சுகளுக்கு என்று தனி பகுதி இல்லாவிட்டாலும் கூட, உங்கள் மனதில் உள்ள் லென்ஸை குறிப்பிட்டு தேடி அது தொடர்பான தகவல்களை பெற முடியும்.

காமிராக்களுக்கு மட்டும் தான் என்றில்லை, நீங்கள் வாங்க உள்ள மற்ற பொருட்களுக்கான ஆய்வையும் கூட் இதே முறையில் மேற்கொள்ளலாம்.ஆனால் என்ன தகவல்கள் எல்லாம் புகைப்பட மயமாக இருக்கும். அவற்றில் இருந்து தேவையான விவரங்களை நீங்கள் தான் சேகரிக்க வேண்டும். உதாரணத்திற்கு புதிய சோஃபா வாங்குவதாக இருந்தால் பிலிக்கரில் சோஃபா என தேடிப்பார்த்தால் சோஃபா தொடர்புடைய புகைப்படங்களை காணலாம். சோஃபாக்களின் பல ரகங்களை பார்க்க முடிவதோடு சோஃபாக்களின் பயன்பாட்டை உள் அலங்கார நோக்கிலும் புரிந்து கொள்ளலாம். கொஞ்சம் கவனமாக தேடினால் சோஃபா தொடர்பான விலை விவரங்களையும் தேடி கண்டுபிடிக்கலாம்.

அதே போல புத்தக அலமாரி அல்லது மேஜை வாங்கும் முன் இவை தொடர்பான புகைப்படங்களை பார்த்தும் ஆயுவு செய்தா

புகைப்பட இணையதளங்களில் ஒரு புரட்சி.


வீசே.காம் இணையதளத்தை புரட்சிகரமானது என வர்ணிப்பது அந்த சொல்லுக்கான நியாயமாகாது தான் என்ற போதிலும் மற்ற புகைப்பட தளங்களில் இருந்து மாறுப்பட்ட தன்மையை சுட்டிக்காட்டுவதற்காக இந்த வர்ணனையை பயன்படுத்தலாம்.

அது மட்டும் அல்லாமல் வீசே புகைப்பட வெளியீட்டில் ஒரு சமத்துவத்தை கொண்டு வருவதையும் முக்கிய நோக்கமாக கொண்டிருப்பதால் இப்படி வர்ணிப்பதில் தவறில்லை.

புகைப்பட பகிர்வு தளங்களில் முன்னோடியான பிலிக்கர் உட்பட அநேக புகைப்பட தளங்கள் எந்த கட்டுப்பாடும் இல்லாமல் சுலபமாக புகைப்படங்களை பகிர்ந்து கொள்ள உதவுகின்றன.இந்த படங்களை பார்த்து ரசிக்கலாம் அவ்வளவு தான்.

ஆனால் வீசே செய்தி புகைப்படங்களை பகிர்ந்து கொள்ள வழி செய்கிற‌து.அதனால் தான் இது தன்னை செய்தி தளம் என அறிமுகம் செய்து கொள்கிறது.அதிலும் மாறுப்ப்ட்ட செய்தி தளம்.

அப்படி என்ன மாறுப்பட்ட தன்மை என்றால் செய்திகளை புரிய வைக்கும் புகைப்படங்களை தொழில் முறையிலான புகைப்பட கலைஞர்கள் மட்டும் அல்லாமல் சாமான்யர்களும் பகிர்ந்து கொள்ள வழி செய்கிற‌து.

அதனால் தான் காமிரா வைத்திருக்கும் சாமான்யர்களை அவர்களை சுற்றி நடக்கும் விஷயங்கள் குறித்து புகைப்படம் எடுத்து சம‌ர்பிக்குமாறு கேட்டு கொள்கிற‌து.

இந்த புகைப்படங்கள் தொழில்முறை புகைப்பட கலைஞர்கள் படங்களுக்கு நிகராக வெளியிடப்படும்.உலக நிகழ்வுகளையும் நாட்டு நடப்புக்களையும் தேர்ந்த புகைப்பட கலைஞர்கள் மட்டும் தானா படம் எடுத்து வெளியிட வேண்டும்.சாதாரண மனிதர்களும் கூட இப்படி சமூக நிகழ்வுகளை புகைப்படம் வழியே பதிவு செய்யக்கூடிய சமமான வாய்ப்பை வழங்குவது தான் இந்த தளத்தின் பிரதான நோகமாக இருக்கிறது.

பெரிய பத்திரிகை நிறுவனங்கள் மற்றும் தொழில் முறையிலான புகைப்பட கலைஞர்கள் செய்தி வெளியிட்டில் ஆதிக்கம் செலுத்து வருவதை குறைத்து சாமானயர்க்கும் சரிசமமான வாய்ப்பு ஏறப்டுத்தி தருகிறது.

இன்று பெரும்பாலானோர் கைகளில் டிஜிட்டல் காமிராவோ செல்போன் காமிராவோ இருக்கிறது.இவர்களில் நாட்டு நடப்பு மீது ஆர்வம் உள்ளவர்கள் மக்கள் புகைப்பட கலைஞராக மாறி புகைப்படங்களை எடுத்து சம‌ர்பிக்க ஊக்கம் அளிக்கிறது இந்த தளம்.

இந்த படங்கள் முகப்பு பக்கத்தில் வெளியிடப்படுவதோடு பல்வேறு புகைப்பட போட்டி நடத்தப்பட்டு அதில் பரிசு பெறும் வாய்ப்பும் பெற்றிருக்கின்றன.

உறுப்பினர்கள் முதலில் தாங்கள் எடுத்த புகைப்படத்தை தங்களுக்கான பக்கத்தில் வெளியிடலாம்.அதன் பிறகு ஆசிரியர் குழு அவற்றை பரிசிலித்து முகப்பு பகத்தில் இடம் பெற வாய்ப்பு அளிக்கப்படுகிற‌து.

பின்னர் பல்வேறு போட்டிகளிலும் பங்கேற்கலாம்.

செய்தி,பிரபலங்கள்,விளையாட்டு என பல பிரிவுகளில் படம் எடுத்து சம்ர்பிக்கலாம்.உங்கள் சுற்றுப்புரத்தின் பிரச்ச்னைகளையும் படம் எடுத்து சமர்பிக்க‌லாம்.

மற்றவர்கள் எடுத்த புகைப்படங்களை பார்த்து ரசிக்கவும் செய்யலாம்.அவற்ரை பாராட்டியோ விமர்சித்தோ கருத்தும் தெரிவிக்கலாம்.

சில முக்கிய நிகழ்வுகளின் போது சாமான்யர்கள் எடுத்த புகைப்படங்கள் அரிதானதாக அமைந்து அந்த ப்டங்கள் கொண்டாடப்படுவதை அவப்போது பார்க்கிறோம்.

இனி இவை தற்செய்லாக இருக்க வேண்டியதில்லை.நீங்களும் கூட திட்டமிட்டு புகைப்படம் எடுத்து பெயர் வாங்கலாம்.

ஆக காமிராவை குறி பாருங்கள்.கிளிக் செய்யுங்கள்.கிளிக் ஆகுங்கள்.

இணையதள முகவரி;http://www.wesay.com/

camera-compared-to-human-hand

காமிராக்களை ஒப்பிட ஒரு இணையதளம்.

இணையத்தில் ஒப்பிடுவது என்பது பிரச்சனையே இல்லை.பொருட்களை வாங்கும் முன் அவற்றின் விலை உள்ளிட்ட அமசங்களை ஒப்பிட்டு பார்த்து கொள்ள கம்பேரிசன் ஷாப்பிங் தள‌ங்கள் இருக்கின்றன.அதே போல இணைய‌த்தில் புத்தகம் வாங்குவதாக இருந்தால் எந்த தளத்தில் குறைவாக வாங்கலாம் என முடிவெடுக்க வசதியாக விலைகளை ஒப்பிட்டு காட்டும் தளங்களும் இருக்கின்றன.

இந்த வரிசையில் காமிரா சைஸ்.காம் காமிராக்களின் அளவை ஒப்பிட்டு காண்பித்து வியக்க வைக்கிறது.

புதிய காமிரா வாங்கும் போது விலை மட்டுமே கவனத்தில் கொள்ள வேண்டிய விஷயமல்ல.வடிவமைப்பு,படம் எடுக்கும் துல்லியம் என பல விஷய‌ங்கள் இருக்கின்றன.இவற்றோடு காமிராவின் அளவையும் சேர்த்து கொள்ள வேண்டும்.

காரணம் ,இன்று உள்ளங்கையில் அடங்கி விடும் கையடக்க காமிராக்கள் எல்லாம் வந்து விட்டன.எனவே புதிய காமிரா அளவில் சின்னதாக கச்சிதமாக இல்லாவிட்டால் அதுவே ஒரு உறுத்தலாக இருக்கும்.அதிலும் நாம் காமிரா வாங்கிய பின் நண்பர்களிடம் அதை விட சின்ன காமிராவை பார்த்து விட்டால் வருத்தமாகவும் இருக்கும்.

அதோடு ஒரு காமிரவை வாங்கும் முன் அனைத்து அம்சங்களையும் ஒப்பிட்டு பார்த்து கொள்வது நல்லது தானே.

அதை தான் காமிரா சைஸ்.காம் சாத்தியமாக்குகிறது.

அது மட்டும் அல்ல இந்த தளத்தில் காமிராக்களின் அளவை ஒப்பிட்டு பார்ப்பதே காட்சி ரீதியாக சிறந்த அனுபவமாக இருக்கிற‌து.

அடிப்படையில் இந்த தளம் இரண்டு காமிராக்களின் அளவை ஒப்பிட்டு காட்டுகிறது.அருகருகே வைத்து பார்ப்பது போல இரண்டு காமிராக்களையும் ஒப்பிட்டு பார்த்து கொள்ளலாம்.அவரவர் விருப்பத்திற்கேற்பவும் தேவைக்கேற்பவும் எந்த இரண்டு காமிராக்களையும் ஒப்பிடலாம்.

ஒப்பிடுவதற்கான காமிராக்களை தேர்வு செய்வதும் சுலபமானது தான்.ஒப்பிடுவதற்கான பகுதியில் இரண்டு வரிசைகள் இருக்கின்றன.இரண்டிலும் காமிராக்களின் மாதிரிகள் வரிசையாக வருகின்றன.எந்த நிறுவனத்தின் எந்த மாதிரி தேவையோ அதனை தேர்வு செய்து கொண்டு அதே போலவே அருகே உள்ள பட்டியலில் இருந்து ஒப்பிடுவதற்கான மாதிரியையும் தேர்வு செய்து கிளிக் செய்தால் இரண்டு காமிராக்களையும் அருகருகே வைத்து காண்பிக்கிறது.

தோற்றத்திலேயே வேறுபாடு தெரிகிறது என்றாலும் கூடுதல் புரிதலுக்காக இரண்டின் அளவுகளும் வேறுபாடுகளும் செமீ கணக்கிலும் கிழே கொடுக்கப்பட்டுள்ளது.மேலும் அருகிலேயே ஒரு பேட்டரியையும் வைத்துள்ளனர்.அதன் அளவின் அடிப்படையிலும் காமிரா அளவை மனதுக்குள் உள்வாங்கி கொள்ளலாம்.

முதல் காமிராவை இந்த பக்கத்தில் இருந்து அந்த பக்கம் மாற்றுவது அந்த காமிராவை இங்கே கொண்டு வருவது என இஷ்டத்திற்கு மாற்றியும் பார்த்து கொள்ளலாம்.ஒரு காமிரா பின் இன்னொரு காமிராவையும் வைத்தும் பார்க்கலாம்.அதே போல காமிராவை பக்கவாட்டில் வைத்து தலைகீழாக வைத்து என விதவிதமான கோணங்களில் ஒப்பிட்டு பார்க்கும் வசதியும் இருக்கிறது.

காமிராவின் வண்ணங்களையும் ஒப்பிட்டு பார்க்க‌லாம்.காமிராவின் உள்ளங்கை தோற்றத்தியும் காணலாம்.

இவற்றோடு காமிராவுக்கான பயனாளிகள் விமர்சனத்தை அமேசான் தளத்திலிருந்தும் ஒரே கிளிக்கில் பார்க்கலாம்.

சந்தையில் புதுப்புது காமிரா வர வர அதனையும் இந்த பட்டியலில் சேர்த்து விடுகின்ற‌னர்.

ஒப்பிட்ட விவரத்தை அப்படியே பேஸ்புக் அல்லது டிவிட்டர் மூலம் நண்பர்களோடு பகிர்ந்து கொள்ளலாம்.

எனவே அடுத்த முறை காமிரா வாங்குவதாக இருந்தால் இந்த தளத்தை பயன்படுத்தி பாருங்கள்.

இணையதள முகவரி;http://camerasize.com/

—————
காமிரா தொட‌ர்பான பிற பதிவுகள்;

1.நமக்கேற்ற காமிரா எது?;http://cybersimman.wordpress.com/2009/04/02/digital-camera/

2.தொலைந்த காமிராவை கண்டெடுக்க ஒரு இணையதளம்;http://cybersimman.wordpress.com/2010/12/01/camera-2/