Tag Archives: job

அலுப்பை விரட்ட ஒரு இணையதளம்!

boredButtonஇணையத்தில் உலாவும் போது அலுப்பாக உணர்ந்தாலும் சரி, இணையத்துக்கு வெளியே சலிப்பை உணர்ந்தாலும் சரி, கொஞ்சம் இளைப்பாறி உற்சாகம் பெற உதவும் இணையதளங்கள் இல்லாமல் இல்லை. இந்த வகையில் முன்னணி தளமாக போர்ட் பட்டன் தளம் வந்து நிற்கிறது.

அலுப்புக்காக நன்கறியப்பட்ட ஆங்கிலச்சொல்லை கொண்டு உருவாக்கப்பட்டுள்ள இந்த தளம் போர் அடிக்கிறதா? என முகப்பு பக்கத்திலேயே கொட்டை எழுத்துக்களில் கேட்கிறது. பள்ளியில், பணியில், வாழ்க்கையில் என எதில் அலுப்பாக உணர்ந்தாலும் சரி, நீங்கள் சரியான இடத்திற்கு வந்திருக்கிறீர்கள் என உற்சாகம் அளிக்கும் இந்த தளம், அலுப்பை போக்கி கொள்ள தளத்தின் மேல் பகுதியில் உள்ள சிவப்பு பட்டனை அழுத்துமாறு கூறுகிறது.

அந்த சிவப்பு பட்டனை கிளிக் செய்யும் போது ஆச்சர்யம் அளிக்கும் ஒரு இணையதளம் தோன்றுகிறது. அர்த்தம் பொதிந்த தளம் என்று சொல்ல முடியாது. ஆனால் ஏதோ ஒரு வகையில் சுவாரஸ்யத்தை அளித்து கவனத்தை ஈர்க்கும் தளமாக இருக்கிறது.

உதாரணத்திற்கு ஒரு தளம், இரண்டு பூனைகளின் படங்களை வரிசையாக காண்பித்து அதில் எந்த படத்தை கிளிக் செய்கிறோம் என்பதை வைத்து பயனாளிகளின் நாடு, மாநிலம், நகரம் ஆகியவற்றை சரியாக சொல்கிறது. இன்னொரு தளம் வரிசையாக சீட்டுகளை காண்பித்து அதில் ஒரு சீட்டை மட்டும் மனதில் நினைக்கச்சொல்லி அடுத்த கிளிக்கில் அது என்ன சீட்டு என காண்பிக்கிறது. லேசான வியப்பை ஏற்படுத்தவும் செய்கிறது.

இப்படி ஒவ்வொரு முறை சிவப்பு பட்டனை கிளிக் செய்யும் போதும் அலுப்பை விரட்டும் அருமையான தளத்திற்கு அழைத்துச்செல்கிறது இந்த தளம். இணையத்தில் இத்தனை விநோதமான தளங்களா என வியப்பில் ஆழ்ந்து ரசிக்க, அப்படியே அலுப்பை மறக்க, இந்த தளத்தை நாடவும்.

இணையதள முகவரி:http://www.boredbutton.com/

3043768-poster-p-2-now-on-the-career-menu-free-lunch-with-a-side-of-dream-job

புதிய தளம் ;புதுமையான தளம்

இது வேலைவய்ப்புக்கான புதிய இணையதளம் என்றாலும் அமெரிக்காவை மையமாக கொண்டது.எனவே இங்கு வேலை தேடிக்கொண்டிருப்பவர்களுக்கு பயன்படாது.ஆனாலும் கூட இந்த தளத்தை அதன் புதுமையான கருத்தாக்கத்திற்காக தெரிந்து கொள்ளலாம்.இணையதள உருவாக்கத்தில் புதுமை அம்சம் தான் மையமாக இருக்கிறது என்பதற்கும் இந்த தளம் அழகிய உதாரணம்!

லஞ்ச்கிருட் ( Lunchcruit ) எனும் அந்த இணையதளம் வேலை தேடுபவர்களையும், வேலைக்கு பொருத்தமான திறமைசாலிகளை தேடிக்கொண்டிருக்கும் நிறுவனங்களையும் இணைத்து வைக்கிறது.இது வழக்கமாக எல்லா வேலை வாய்ப்பு தளங்களும் செய்வது தான் – ஆனால் லன்ச்கிருட் தளத்தில் வேறுபாடு என்ன என்றால் இது நேரக்காணலுக்கான சந்திப்பை ஏற்பாடும் செய்யும் விதம் கொஞ்சம் சுவாரஸ்யமானது மற்றும் சுவையானது என்பது தான்.ஆம்,உண்மையிலேயே சுவையாகவே இந்த தளம் மூலம் வேலைவாய்ப்பை பெறலாம்.ஏனெனில் இந்த தளம் வேலை வாய்ப்பு சந்திப்புகளை மதிய உணவுடன் தான் ஏற்பாடு செய்து தருகிறது.

இலவச மதிய உணவு கிடையாது என பொருள் படும் பிரபலமான ஆங்கில பழபொழி ஒன்று உண்டு.அதை அப்படியே தலைகீழாக்கி, இலவச மதிய உணவு கிடையாது என்று யார் சொன்னது என கேட்டு நிறுவனங்களுடன் இலவச மதிய உணவு சாப்பிட அழைப்பு விடுக்கிறது இந்த இணையதளம்.

அதாவது விண்ணப்பங்கள் பரிசீலனை,பயோடேட்டா படலம்,நேர்க்காணல் கேள்விகள் எல்லாம் இல்லாமல்,ரிலாக்சான சூழலில் மதிய உணவு சுவைத்தபடி, நிறுவன அதிகாரி மற்றும் வேலை வாய்ப்பை நாடுபவர் சந்தித்துப்பேச வழி செய்து தருகிறது.இந்த சந்திப்பின் போது,நிறுவன தரப்பில் தங்களது எதிர்பார்ப்பு மற்றும் தேவைகளை நடபான முறையில் உணர்த்தி வந்திருப்பவர் அதற்கு பொருந்துவாரா என தெரிந்து கொள்ளலாம்.வேலை வாய்ப்பை நாடுபவரோ, நிறுவனத்தின் தன்மை ,அதன் திட்டங்கள் போன்றவற்றை தெரிந்து கொண்டு அதில் உள்ள வேலைவாய்ப்பு தனக்கு பொருத்தமாக இருக்கமா என தெரிந்து கொள்ளலாம்.இதை மதிய் உணவுக்கு நடுவிலான உரையாடல் மூலம் செய்து கொள்ளலாம்.

இரு தரப்பிற்கும் ஏற்புடையதாக இருந்தால் அடுத்த கட்டத்திற்கு செல்லலாம்.இல்லை என்றால் கையை குலுக்கி விடைபெறலாம்.

வேலைவாய்ப்புக்கான தேடலில் உதவும் இணையதளங்களும் சேவைகளும் எண்ணற்றவை இருந்தாலும்,இவற்றை மீறி பொருத்தமான நபர்களை தேடுவதும் சரி,பொருத்தமான வேலையை தேடுவதும் சரி இருதரப்பினருக்குமே சிக்கலாக தான் இருக்கிறது.பல நேரங்கள் நண்பர்கள் அல்லது தெரிந்தவர்கள் பரிந்துரை மூலம் தான் நல்ல தொடர்புகளும் வாய்ப்புகளும் கிடைக்கின்றன.

இந்த அம்சத்தை அடிப்படையாக கொண்டு தான் லஞ்ச்கிருட் செயல்படுகிறது.இது நிறுவனங்களை தொடர்பு கொண்டு அவற்றின் சார்பில் மதிய உணவு சந்திப்புகளுக்கு அழைப்பு விடுக்கிறது.வேலை வாய்ப்பை நாடுபவர்கள் இந்த அழைப்புகளில் தேடிப்பார்த்து தங்களுக்கு பிடித்தமான வாய்ப்புகள் இருந்தால்
விண்ணப்பிக்கலாம்.அதைப்பார்த்து நிறுவனம் அழைத்தால் மதிய விருந்துக்கு செல்லலாம்.அந்த சந்திப்பு வேலைவாய்ப்புக்கு வித்திடுவதாக அமையலாம்.இல்லை என்றாலும் கூட சுவாரஸ்யமான சந்திப்பாக துறை சார்ந்த தகவல்களை அளிக்க கூடியதாக இருக்கலாம்.மதிய விருந்தில் பங்கேற்க எந்த நிபந்தனையும் இல்லை.
அமெரிக்காவின் சான்பிரான்சிஸ்கோ நகரில் அறிமுகமாகி மற்ற நகரங்களுக்கும் இந்த தளம் விரிவடைந்து வருகிறது.கண்டா நாட்டிற்கும் விரிவாக உள்ளது.

வேலைவாய்ப்பு தேடலுக்கான போரடிக்கும் முறையை மாற்றி அதில் கொஞ்சம் சுவாரஸ்யத்தை கொண்டு வந்துள்ள இந்த தளத்தை வில்லியம் சூ மற்றும் டோம் பேட்ரிக் ஆகிய நண்பர்கள் துவக்கியுள்ளனர்.
என்ன இப்படி ஒரு வேலைவாய்ப்பு தளம் நம்மூரிலும் இருக்கலாம் என்று தோன்றுகிறதா? ஏன் நீங்களே கூட இதை ஆரம்பிக்கலாமே – இது ஸ்டார்ட் அப்களின் காலமாச்சே!

இணையதள முகவரி: http://lunchcruit.com/

——

இதன் நிறுவனர்கள் பற்றி பாஸ்ட்கம்பனியின் அருமையான கட்டுரை:http://www.fastcompany.com/3043768/most-creative-people/now-on-the-career-menu-free-lunch-with-a-side-of-dream-job

e

வேலை வாய்ப்பிற்கான நேர்க்காணல் செயலி அறிமுகம்

வேலைவாய்ப்பு தகவல்களை தேட உதவும் செயலிகளும் , வேலைவாய்ப்பு நேர்க்காணலுக்கு தயாராக உதவும் செயலிகளும் இருக்கின்றன. இப்போது வேலைவாய்ப்பிற்கான நேர்காணலில் பங்கேற்க உதவும் செயலி அறிமுகமாகி இருக்கிறது.

இ-பாய்ஸ் எனும் இந்த செயலி மூலம் வேலை தேடுபவர்கள் தாங்கள் விண்ணப்பிக்கும் நிறுவனங்களுடன் நேரடியாக நேர்க்காணலில் பங்கேற்கலாம்.

வழக்கமாக வேலை வாய்ப்பு நாடும் இளைஞர்கள் முதலில் தங்களுக்கு பொருதமான வேலை வாய்ப்பு அளிக்கும் நிறுவனங்களை தேர்வு செய்து விண்ணப்பிப்பார்கள். அதன் பிறகு அந்த நிறுவனங்களிடம் இருந்து நேர்க்காணலுக்கான அழைப்பு வர காத்திருக்க வேண்டும்.

இந்த காத்திருக்கலான அவசியத்தை நீக்கி நேரடியாக நேர்க்காணலில் பங்கேற்க வழி செய்கிறது இ-பாய்ஸ் செயலி. வேலை தேடுபவர்கள் முதலில் இந்த செயலியை டவுண்லோடு செய்து தங்களை பதிவு செய்து கொள்ள வேண்டும். அதன் பிறகு இந்த தளத்தில் உள்ள நிறுவன வேலைவாய்ப்புகளில் தங்களுக்கு பொருத்தமானதை தேர்வு செய்ய வேண்டும்.

இந்த செயலியில் பதிவு செய்துள்ள நிறுவனங்கள் தங்களுக்கான நேர்க்காணல் கேள்விகளை சமர்பித்துள்ளன. எனவே விண்ணப்பித்தவுடன் இந்த கேள்விகளுக்கு பதில் அளித்து நேர்க்காணலில் பங்கேற்கலாம்.ஆடியோ மற்றும் வீடியோவில் பதில்கள் பதிவாகும். நிறுவனம் பின்னர் இந்த வீடியோ நேர்க்காணலை பரிசீலித்து அதனடிப்படையில் தொடர்பு கொள்ளும். இந்த நேர்க்காணல் முதல் கட்டமாகவே அமையும். தேர்வு செய்யப்படுபவர்களை அடுத்த கட்டன் தேர்வுக்கு அழைத்து பரிசீலினை செய்யும். எனினும் வேலை தேடுபவர்கள் மற்றும் வேலைகாக தகுதியானவர்களை நியமிக்க விரும்பும் நிறுவனங்கள் என இருதரப்பினருக்குமே இந்த செயலி பயனுள்ளதாக இருக்கும். வேலை தேடுபவர்களை பொருத்தவரை அழைப்பிற்கு காத்திருக்காமல், தங்களுக்கு விருப்பமான நேரத்தில் விரும்பிய இடத்தில் இருந்து நேர்க்காணலில் பங்கேற்கலாம்.

மேலும் நேர்க்காணலுக்கு அழைக்கப்பட்ட நேரம் பொருத்தமானது தானா? என்பது பற்றி எல்லாம் கவலைப்பட வேண்டியதில்லை. பயணம் செய்யும் தேவையும் இல்லை. நிறுவனங்களை பொருத்தவரை தகுதியான நபர்களை தேர்வு செய்ய ஆயிரக்கணக்கில் விண்ணபங்களை பரிசீலித்து அவர்களில் பலரை நேர்முகத்தேர்வுக்கு அழைத்து வடிகட்டி தேர்வு செய்யும் தேவை இல்லாமல் விண்ணபித்தவர்களின் தகுதையை நேர்க்காணல் மூலம் மதிப்பிட்டு அடுத்த கட்ட நடவைக்கை மேற்கொள்ளலாம். சச்சின் அகர்வால் மற்றும் பிஷன் சிங் ஆகிய தொழில்முனைவோர் இந்த செயலியை உருவாக்கியுள்ளனர். சாப்ட்வேர் நிறுவனங்களுக்கான அமைப்பான நாஸ்காமின் இளம் ஸ்டார்ட் அப்கள் திட்டத்தில் இந்த செயலி தேர்வு செய்யப்பட்டுள்ளது குறிப்பிடத்தக்கது.

வேலை வாய்ப்பை நாடுபவர்கள் இந்த செயலியை முயற்சி செய்து பார்க்கலாம். செயலி இணையதளம்; http://www.epoise.com/ ——-

உஷார்,நீங்கள் கூகுலில் தேடப்படுகிறீர்கள்!

googling

இணையத்தில் தகவல்கள் தேவை என்றால் நீங்கள் கூகுலில் தேடுவீர்கள் என்பது தெரிந்த விஷயம் தான்.தேடியந்திரமான கூகுலில் எந்த தகவலையும் தேடிப்பெறலாம். நீங்கள் கூகுலில் தகவல்களை தேடுவது இருக்கட்டும்,நீங்களும் கூகுலில் தேடப்படுகிறீர்கள் என்பது உங்களுக்கு தெரியுமா?

ஆம்,உண்மை தான்,நீங்களும் கூகிளில் தேடப்படுகிறீர்கள்.இப்போது கூட யாராவது உங்களைப்பற்றி கூகுலில் தேடிக்கொண்டிருக்கலாம்.ஆனால் இதில் வியப்பதற்கோ அதிர்ச்சி அடைவதற்கோ எதுவும் இல்லை.இணைய யுகத்தில் இது மிகவும் இயல்பானது தான்.

கூகுல் தேடலை எளிதாக்கி இருப்பதோடு பரவலாகவும் ஆக்கியிருக்கிறது.விளைவு எல்லாவற்றுக்கும் கூகுலை பயன்படுத்துகின்றனர். உங்களைப்பற்றிய தகவல் தேவை என்றாலும் கூகுலை பயன்படுத்துகின்றனர்.

சரி, இப்படி உங்களைப்பற்றி தேடுவது யார்? அவர்கள் நோக்கம் என்ன? அவர்கள் தேடலில் கிடைப்பது என்ன? சுவாரஸ்யமான கேள்விகள். அவசியம் தெரிந்து கொள்ள வேண்டிய கேள்விகள்.

கூகுலில் தேடப்படுகிறீர்கள் என்றதுமே ஏதோ குற்றவாளிக்கான வலைவீச்சு போல புரிந்து கொள்ள வேண்டியதில்லை. உங்களைப்பற்றிய தகவல்களை தெரிந்து கொள்வதற்கு அல்லது சரி பார்த்து கொள்வதற்கானதேடல் தான் இது.யாருக்கெல்லாம் உங்களைப்பற்றி தெரிந்து கொள்ள ஆர்வம் இருக்கும் என்பதை தெரிந்து கொண்டால் இந்த தேடலை எளிதாக புரிந்து கொள்ளலாம்.

பெரும்பாலும் வேலைக்கு ஆள் எடுக்கும் நிறுவனங்களே இத்தகைய தேடலில் ஈடுபடுகின்றன.வழக்கமாக நிறுவனங்கள் புதியவர்களை வேலைக்கு அமர்த்திக்கொள்ள என்ன செய்யும் என்றால் விளம்பரம் கொடுத்து நேர்முகத்தேர்வுக்கு அழைத்து ஒருவரது திறமையை பரிசோதிக்கும். அவரது குணநலன்கள் குறித்த சான்றிதழ்களை சரி பார்க்கும்.தேவைப்பட்டால் யாரிடமாவது விசாரித்தும் பார்க்கலாம்.

இதெல்லாம் பழைய கால பழக்கங்கள். இன்று ஒருவரைப்பற்றிய தகவல்கள் இணையத்தில் கொட்டிக்கிடக்கின்றனவே. எனவே யாரைப்பற்றி தெரிந்து கொள்ள வேண்டும் என்றாலும் இணையத்தில் தேடினாலே போதுமானது. அது தான் நிறுவனங்கள் கூகிளில் தேடிப்பார்க்கின்றன.

புதிய வேலைக்காக விண்ணப்பித்தவர்களின் திறமையை பரிசோதிக்கும் போது கூடுதல் தகவல் தேவைப்பட்டாலோ அல்லது விண்ணப்பத்தில் குறிப்பிடப்பட்டுள்ள தகவல்கள் சரியானது தானா என்று தெரிந்து கொள்ள விரும்பினாலோ நிறுவன மேலதிகாரி உடனடியாகசெய்யக்கூடியது,கூகுலில் அந்த நபரின் பெயரை டைப் செய்து தேடிப்பார்ப்பது தான்.

இவ்வாறு தேடும் போது அந்த நபர் பெயரில் உள்ள தகவல்களை எல்லாம் பார்க்க முடியும்.உதாரனத்திற்கு அவர் பேஸ்புக் சேவையை பயன்படுத்துபவர் என்றால் அவரது பேஸ்புக் பக்கம் வந்து நிற்கும். வலைப்பதிவு வைத்திருப்பவர் என்றால் வலைப்பதிவு தோன்றும். அதே போலவே ட்விட்டர் பக்கம், தொழில் முறை வலைப்பின்னல் சேவையான லின்க்ட் இன் பக்கம் போன்றவையும் தேடலில் கிடைக்கலாம்.

இந்த தளங்களில் ஒருவர் பகிர்ந்து கொண்டுள்ள தகவல்களை அலசுவதன் மூலம் நிறுவன அதிகாரி விண்ணப்பித்தவர் தெரிவித்த தகவல்கள் உண்மையாவவை தானா என்று சரி பார்த்து கொள்ள முடியும். அது மட்டும் அல்ல, விண்ணப்பதாரரின் தன்மை மற்றும் திறமை பற்றிய மேலதிக தகவல்களையும் தெரிந்து கொள்ள முடியும்.
விண்ணப்பதாரர்கள் பயோ டேட்டாவில் தங்களைப்பற்றிய தகவல்களை தெரிவித்திருப்பார்கள் தான் .ஆனால் அவை முழுமையானதாக இருக்கும் என்று சொல்ல முடியாது.குறைந்தபட்சம், வேலைக்கு பொருத்தமான நபர்களை தேடிக்கொண்டிருக்கும் நிறுவன மேலதிகாரியின் பார்வை

இணைய‌வாசிக‌ளுக்கு ந‌ன்றி

thஇணைய உலகில் எதிர்கொள்ளும் அனுபவங்களையும்,அதன் போக்குகளையும் சுவையான தகவல்களையும் இந்த வலைப்பதிவில் பகிர்ந்து கொண்டு வருகிறேன்.இவற்றை படித்துவிட்டு வாசகர்கள் பின்னூட்டங்களாக தெரிவிக்கும் கருத்துக்களே எனக்கு மகிழ்ச்சியும் ஊக்கமும் அளிக்கின்றன.

இதுவரை பின்னுட்டமிட்ட அனைவருக்கும் நன்றி. தொட‌ர்ந்து கருத்துக்களை தெரிவிக்குமாறு கேட்டுக்கொள்கிறேன்.

மேலும் சமீபத்தில் இந்த பதிவில் குறிப்பிடப்பட்ட இணையதளங்களின் உரிமையாளர்களே ந‌ன்றி தெரிவித்தும் பாராட்டியும் பின்னூட்டமிட்டிருப்பது இரட்டிப்பு மகிழ்ச்சியை தருகிறது.

‘பாலிடேவுக்கு வாருங்கள்’ என்னும் பதிவை பார்த்துவிட்டு பாலிடே இணையதளம் சார்பிலும் ‘திருமண அழைப்பு தளம் பதிவுக்கு இன்வைட்டி தளம் சார்பிலும் நன்றி தெரிவிக்கப்பட்டுள்ளது.

அதோடு வேலை வேட்டை இணையதளம் பதிவில் குறிப்பிடப்பிடட்டுள்ள ஜான் கோல்பே என்னும் அமெரிக்கர் இந்த‌ பதிவுக்கு நன்றி தெரிவித்துள்ளதோடு தனது இணையதளத்திலும் இந்த‌ ப‌திவை இணைத்துள்ளார்.

த‌மிழில் என்னைப்ப‌ற்றி எழுதியிருக்கிறார்க‌ள் என நினைக்கிறேன் என்று அவ‌ர் குறிப்பிட்டு ம‌கிழ்ச்சி தெரிவித்துள்ளார்.அவ‌ருக்கும் ந‌ன்றி.

இந்த வலைப்ப‌திவுக்கு கிடைத்து வ‌ரும் இத்த‌கைய‌ ஆத‌ர‌வு மேலும் சிற‌ப்பாக‌ செய‌ல்ப‌ட‌ ஊக்க‌ம‌ளிக்கிற‌து.ஆத‌ர‌வு அளிக்கும் இணைய‌வாசிக‌ளுக்கு ந‌ன்றி.