Tag Archives: photo

தகவல் திங்கள்: ஒரு புகைப்படத்தின் கதை

Bliss
அந்த ஒளிபடத்தை நான் பலமுறை பார்த்திருக்கிறேன். நீங்களும் பல முறை பார்த்திருப்பீர்கள். நம்மைப்போலவே உலகின் பல பகுதிகளில் இருக்கும் எண்ணற்ற மனிதர்கள் அந்த படத்தை பார்த்திருக்கிறார்கள். ஆனால், அந்த படத்தின் அருமையை எத்தனை பேர் உணர்ந்திருக்கிறோம் எனத்தெரியவில்லை. உங்களைப்பற்றி தெரியவில்லை; ஆனால் நான் நிச்சயம் உணரவில்லை. அந்த படத்தின் சிறப்பை தற்செயலாக படித்த போது, அடாடா இந்த படத்தின் பின் இத்தனை விஷயங்கள் இருக்கின்றனவா? என வியந்து போனேன். அந்த வியப்பை பகிர்ந்து கொள்ளத்தான் இந்த பதிவு.

அந்த ஒளிபடம் கம்ப்யூட்டர் திரையில் ஸ்கிரீன்சேவர் சித்திரமாக நாம் பார்த்துப்பழகிய காட்சி தான். பச்சை புல் வெளி பரந்து விரிந்திருக்க அதன் விளிம்பில் நீல வான மேகங்கள் திரண்டிருக்கும் காட்சி தான் அது. இப்போது, அட ஆமாம் எனும் ஆமோதிப்புடன் உங்கள் மனத்திரையிலும் அந்த ஒளிபடம் காட்சியாக ஓடிக்கொண்டிருக்கலாம். பல இடங்களில் வால்பேப்பராக பார்த்து பழகிய ஸ்கிரீன்சேவவர் தான் என்றாலும் அது பத்தோடு பதினொன்னு ரக வால்பேப்பர் அல்ல;

உலகில் எந்த மூளைக்குச்சென்றாலும் அங்குள்ள கம்ப்யூட்டர் அல்லது லேப்டாப்பில் பார்க்க கூடிய வால்பேப்பர் அது. மைக்ரோசாப்டின் எக்ஸ்பி இயங்குதள வடிவின் தானாக தோன்றும் வால்பேப்பராக அமைக்கப்பட்ட காரணமாக அந்த வால்பேப்பர் எங்கெலும் விண்டோஸ் கம்ப்யூட்டர்கள் இருக்கிறதோ அங்கெல்லாம் தோன்றிக்கொண்டே இருக்கிறது. அதனால் தான் அந்த படம் உலகில் அதிகம் பார்க்கப்பட ஒளிபடம் எனும் அங்கீகாரத்தை பெற்றுள்ளது. ஆம், ஒரு கணக்குபடி அந்த படம் 100 கோடி முறைக்கு மேல் பார்க்கப்பட்டிருக்கலாம் என கருதப்படுகிறது. சும்மாயில்லை புகழ் பெற்ற மோனோலிசா ஓவியத்திற்கு அடுத்தபடியாக இப்படி உலகம் முழுவதும் பார்த்து ரசிக்கப்பட்ட படமாக இது இருக்கிறது.

ஆனால் வெறும் எண்ணிக்கை மட்டும் அல்ல இதன் பலம். இந்த படத்தின் பின்னே ஒரு சுவாரஸ்யமான கதை இருக்கிறது. அது மட்டும் அல்ல அந்த படமே ஒரு அர்த்தம் நிறைந்த ஓவியமாக இருக்கிறது. கவித்துவமாக அதை ஒரு காமிரா காவியம் என்று கூறலாம். அதனால் தான் அதை நாம் பார்த்து ரசித்திருக்கிறோம்.
முதலில் அந்த படம் மைக்ரோசாப்ட் வசம் வந்த கதையை பார்க்கலாம்.

புத்தாயிரமாண்டின் துவக்கத்தில் மைக்ரோசாப்ட் நிறுவனம் எக்ஸ்பி இயங்குதள வடிவத்தை அறிமுகம் செய்தது. அதற்கு முன்னதாக புதிய இயங்கு தளத்தின் தானாக தோன்றும் பின்னணி காட்சியாக அமைப்பதற்கான ஒரு ஒளிபடம் மைக்ரோசாப்ட் பொறியாளர்களுக்கு தேவைப்பட்டது. அவர்கள் வலைவீசி கோர்பிஸ் ஒளிபட நிறுவனத்திடம் இருந்து ஒரு படத்தை தேர்வு செய்தனர். இங்கு கவனிக்க வேண்டிய விஷயம் கோர்பிஸ் மைக்ரோசாப்ட் அதிபர் பில்கேட்சுக்கு சொந்தமான நிறுவனமாகும். எனவே அவர்கள் மற்றொரு ஒளிபட சேவை நிறுவனமான கெட்டி இமேஜசிடம் செல்லவில்லை.

கோர்பிஸ் கோப்புகளில் இருந்து அவர்கள் தேர்வு செய்த படம் தான் சார்லஸ் ஓ’ரியர் எனும் ஒளிபட கலைஞர் எடுத்த புல்வெளி படர்ந்த மலைச்சரிவும், நீல வானமும் சங்கமிக்கும் காட்சி. புகழ் பெற்ற நேஷனல் ஜியாகிராபிக் இதழின் முன்னாள் ஒளிபட கலைஞரான ஓ’ரியர், 1996 ம் ஆண்டு அமெரிக்காவின் கலிபோரினியா மாகாணத்தில் தனது காதலியை பார்க்கச்சென்ற போது அந்த படத்தை எடுத்திருந்தார். அவரது காதலி ( அவரும் முன்னாள் தான்) ஓயின் தோட்டம் பற்றிய புத்தகம் எழுதிக்கொண்டிருந்தார். அதற்கான படம் எடுக்க வந்த ஓ’ரியர் வேலையை முடித்து திரும்பிச்செல்லும் வழியில், நேபா பள்ளத்தாக்கில் வழக்கமான திராட்சை கொடிகளுக்கு பதிலாக பச்சை பசேலென புல்வெளியாக காட்சி அளித்த மலைப்பகுதியை பார்த்து மனதை பறி கொடுத்து அந்த காட்சியை கிளிக் செய்தார். சூரிய ஒளி மின்ன, பின்னணியில் மேக கூட்டம் தவழ புல்வெளி படர்ந்த தாழ்வான மலைப்பகுதி காமிராவில் அழகிய காட்சியாக பதிவானது.

இந்த படத்தை பயன்படுத்த விரும்பிய மைக்ரோசாப்ட் அதிக விலை கொடுத்து வாங்க தீர்மானித்தது. அந்த படத்தை பயன்படுத்தும் உரிமையை மட்டும் வாங்காமல் அந்த படத்திற்கான மொத்த உரிமத்தையும் வாங்க தீர்மானித்தது. இதற்காக பெரும் தொகை கொடுக்கப்பட்டது. தொகையின் அளவு ரகசியமாக வைத்துக்கொள்ளப்பட்டாலும், ஒரு ஒளிபடத்திற்கு அளிக்கப்பட்ட இரண்டாவது பெரிய தொகை என்றும் மட்டும் ஒ’ரியர் ஒரு பேட்டியில் கூறியிருக்கிறார்.
Charles_O'Rear
இதன் காரணமாகவே கூரியர் நிறுவனம் அந்த படத்தை கொண்டு சேர்க்கும் பொறுப்பில் இருந்து பின் வாங்கி கொண்டதால், ஒ’ரியரே விமானத்தில் நேரில் சென்று படத்தை மைக்ரோசாப்டிடம் ஒப்படைத்திருக்கிறார்.
அப்போது அந்த படம் எதற்காக பயன்படுத்தப்பட போகிறது எனும் விவரம் அவருக்கு தெரியாது. எக்ஸ்.பி வெளியான பின்னர் தான் அதன் பின்னணிக்காட்சியாக அலங்கரித்த விஷயம் தெரிய வந்தது. மைக்ரோசாப்ட் அந்த படத்திற்கு பிளிஸ் அதாவது ஏகாந்தம் என்றும் பெயர் சூட்டியிருந்தது.

அதன் பிறகு எங்கு பார்த்தாலும் அந்த படத்தை பார்க்க முடிந்தது. அமெரிக்காவின் வெள்ளை மாளிகை, ரஷ்யாவின் அதிபர் மாளிகையான கிரெம்லின் என எல்லா இடங்களிலும் அந்த படத்தை பார்க்க முடிந்திருக்கிறது. உலகின் பார்வையில் இருந்து விலகி இருக்கும் வட கொரியா சென்றால் கூட கம்ப்யூட்டரில் அந்த படத்தை பார்க்க முடிந்தது என ஓ’’ரியரே வியந்து போய் கூறியிருக்கிறார் என்றால் பார்த்துக்கொள்ளுங்கள். இப்போது 15 வயதில் இருக்கும் எவருக்கும் வாழ்நாள் முழுவதும் இந்த படம் நினைவில் இருக்கும் என்றும் அவர் கூறியிருக்கிறார்.
ஆயிரத்திற்கும் மேற்பட்ட புகைப்படங்களை எடுத்திருந்தாலும் இந்த ஒரு படத்திற்காக தான் அறியப்படுவேன் என்றும் ஓ’ரியர் கூறியிருக்கிறார்.
இந்த படத்தை அவர் புகைப்பட சுருளில் எடுத்தார். அதன் தனித்தன்மைக்கு இதுவும் ஒரு காரணம்.
எல்லாம் சரி, இந்த படம் ஏன் இத்தனை கோடி பேரை கவர்ந்திருக்கிறது. மைக்ரோசாப்டின் திணிப்பு தான் காரணமா? நிச்சயம் இல்லை.பெயருக்கு ஏற்ப அந்த படத்தில் ஏகாந்தமான ஒன்று இருக்கிறது. ஒளிபட கலைஞர் ஒருவர் இது பற்றி அழகாக விளக்கியிருக்கிறார். “சிலர் இந்த படம் வெறுமையாக ,சுவாரஸ்யம் இல்லாமல் இருப்பதாக கருதலாம். ஆனால் அழகிய பரப்பில் பளிச்சென மின்னும் பொழுதே ஈர்க்கிறது என பலரும் கருதலாம். மலைச்சரிவில் ஊடுருவும் சூரிய ஒளி கனவு போன்ற தோற்றத்தை அளிக்கிறது. அதுவே இந்த பட்த்தை தனித்து காட்டுகிறது” என்கிறார் டேவிட் கிளார்க் எனும் அந்த கலைஞர். இந்த படம் பார்க்க உறுத்தாமல் சுலபமானதாக இருப்பதால் மைக்ரோசார்ப் இதை தேர்வு செய்திருக்கலாம் என்கிறார் அவர். அதே நேரத்தில் டெஸ்க்டாப்பில் உள்ள எதற்கும் இடையூறு இல்லாமல் அமைந்திருக்கிறது என்றும் அவர் சொல்கிறார்.
எது எப்படியோ, இணைய யுகத்தில் அதிகம் பார்க்கப்பட்ட படமாக இது இருக்கிறது.

நடுவே சில காலம் இந்த ஒளிபடம் எங்கே எடுக்கப்பட்டது எனத்தெரியாமல் குழப்பமாக இருந்திருக்கிறது. பல யூகங்களும் வெளியாகி இருக்கின்றன. ஆனால் சில ஆண்டுகள் கழித்து இதன் பின்னணி பற்றிய விவரங்கள் வெளியாகின.

இப்போது குழப்பமே இல்லை. இந்த ஒளிபடத்திற்கு என தனியே ஒரு விக்கிபீடியா பக்கம் இருக்கிறது. இந்த படம் தொடர்பாக ஒரு ஆவணப்பட வீடியோவும் இருக்கிறது. இந்த இடத்தை கூகுள் ஸ்டிரீட் வீயூவிலும் பார்க்கலாம். அது மட்டும் அல்ல, மேலும் பல ஒளிபட கலைஞர்கள் அந்த இடத்திற்கு சென்று அதே படத்தை எடுக்க முயன்றிருக்கின்றனர். அந்த இடமே மாறிப்போய்விட்டாலும் கூட பலரும் சளைக்காமல் அங்கு படம் எடுத்து மூல காட்சியை மறு உருவாக்கம் செய்ய முயன்றிருக்கின்றனர். ஆனால் மூலப்படத்திற்கு நிகரான காட்சி யாருக்குமே கிடைக்கவில்லை!

பிளிஸ் ஒளி படத்திற்கான விக்கிபீடியா பக்கம்: https://en.wikipedia.org/wiki/Bliss_(image)

இன்ஸ்டாகிராமில் உயிர்பெறும் தீப்பெட்டி கலைகள்

Untitledகையிலே கலைவண்ணம் என்பது போல,பெட்டியில் கைவண்ணம் என்கிறார் ஸ்ரேயா கத்தூரி.அவரது இன்ஸ்டாகிராம் பக்கமான ஆர்ட் ஆன் எ பாக்ஸ்-க்கு (https://www.instagram.com/artonabox/ ) சென்றால் இதன் அர்த்ததை பளிச்சென புரிந்து கொள்ளலாம்.அப்படியே தீப்பெட்டிகளின் அழகிலும் மெய்மறந்து நிற்கலாம்.ஆம், ஸ்ரேயா தீப்பெட்டிகளின் மேலே உள்ள படங்களை ஆர்வத்துடன் சேகரித்து வருபவர்.இப்படி தான் சேகரிக்கும் தீப்பெட்டி படங்களை அவர் தனது இன்ஸ்டாகிராம் பக்கம் மூலம் பகிர்ந்து கொண்டு வருகிறார்.

அடடா! தீப்பெட்டிகளின் மீது இடம்பெறும் படங்கள் தான் எத்தனை அழகாக இருக்கின்றன. அவற்றின் வகைகள் தான் எத்தனை! இந்த வியப்பை தான் அவரது இன்ஸ்டாகிராம் பக்கம் உண்டாக்குகிறது.

தீப்பெட்டிகளை சாதாரணமாக நினைத்துவிட முடியாது என்கிறார் ஸ்ரேயா. அவை பலவற்றை வெளிப்படுத்துவதாகவும்,அவற்றை வெறும் பெட்டிகளாக பார்க்கத்தயாராக இல்லை என்றும் ஒரு பேட்டியில் உற்சாகமாக கூறியிருக்கிறார். தீப்பெட்டிகள் பிரச்சார சாதனமாக ,விளம்பர வாகனமாக பயன்படலாம் என்கிறார்.
தீப்பெட்டி மேலே இருக்கும் ஒவ்வொரு படமும் மேலும் ஆழமான ஒன்றை,கனவின் கதைகளை,தினசரி பொருட்களின் கதைகளை ,சமூகத்தின் மனப்போக்கை பேசுவதாக அவர் சொல்கிறார்.

அவரது இன்ஸ்டாகிராம் பக்கத்தில் வெளியாகி கொண்டிருக்கும் தீப்பெட்டி படங்களை ஒரு முறை வலம் வந்தால் இதே கருத்தை அவை ஒவ்வொன்றும் வலியுறுத்துவதை புரிந்து கொள்ளலாம்.
இந்தியா முழுவதும் வெளியாகும் தீப்பெட்டிகளில் உள்ள படங்கள் பெரும்பாலும் கடவுளின் உருவங்களை கொண்டிருக்கின்றன என்றாலும் பலவகையான படங்களையும் அலங்கரிக்கின்றன.

குடியரசு தின வாழ்த்துடன், இந்திய தேசியக்கொடி படம் கொண்ட தீப்பெட்டி சித்திரம் மற்றும் ராஜஸ்தான் சுற்றுலாத்துறை விளம்பரம் தொடர்பான குறிப்புடன் ராஜஸ்தான் அரண்மனை பட தீப்பெட்டி சித்திரத்தை அவர் பகிர்ந்து கொண்டுள்ளதை பார்க்கும் போது தீப்பெட்டி கலை என்பது எத்தனை பரந்துவிரிந்தது என்பது மட்டும் அல்ல நம் நாட்டின் இயல்பை அவை எப்படி பிரதிபலிக்கின்றன என்பதையும் உணர முடிகிறது.

ஸ்ரேயாவின் ஆர்வத்தை அறிந்து அவரது உறவுனர்களும் நண்பர்களும் எங்கே சென்றாலும் தீப்பெட்டிகளை சேகரித்து வந்து தருகின்றனராம். அதோடு இண்டாகிராம் பக்கம் மூலம் உலகம் முழுவதும் உள்ளவர்களும் அவருடன் தீப்பெட்டி கலையை பகிர்ந்து கொண்டு வருகின்றனர்.

எல்லாம் சரி, ஸ்ரேயாவுக்கு எப்படி தீப்பெட்டி கலை மீது ஆர்வம் வந்தது? சில ஆண்டுகளுக்கு முன் இதழியல் பட்டத்திற்கான ஆய்வுக்கட்டுரையை சமர்பிக்க வேண்டியிருந்த போது , தீப்பெட்டி படங்கள் உணர்த்தும் செய்தி எனும் தலைப்பை தேர்வு செய்திருக்கிறார். அப்போது துவங்கிய தீப்பெட்டி சேகரிப்பு இப்போது இன்ஸ்டாகிராமில் விரிவாக்கம் பெற்றுள்ளது.

——-


வீடியோ புதிது;நேர்க்காணல் வழிகாட்டி

வேலைவாய்ப்புக்கான நேர்க்காணலின் போது செய்யக்கூடியவை, செய்யக்கூடாதவை என பெரிய பட்டியலே இருக்கிறது. இவற்றில் சிலவற்றை நீங்களும் கூட அறிந்திருக்கலாம். இந்த பட்டியலில் கைகளுக்கான பிரதேயக குறிப்புகள் இருப்பது தெரியுமா? அதாவது நேர்க்காணலின் போது கைகளை எப்படி வைத்திருக்க வேண்டும் எப்படி எல்லாம் வைத்திருக்க கூடாது என்பதற்கு தெளிவான விதிகள் இருக்கின்றன.
உதாரணத்திற்கு மேஜை மீது கைகளை தாளமிட்ட படி இருப்பதையும், உள்ளங்கை மறைந்திருக்கும் நிலையில் வைத்திருப்பதையும் தவிர்க்க வேண்டும். முன்னது பதற்றத்தின் வெளிப்பாடாக அமையும் என்றால் இரண்டாவது சைகை ஒருவர் எதையோ மறைப்பதாக நினைக்க வைக்கும். அதே போல கைகளை கட்டியபடியும் இருக்க கூடாது. உள்ளங்கையை வெளிப்புறமாக வைத்திருக்கலாம். இது நம்பகத்தன்மையை உணர்த்தும். கைகளை கூப்புவது போல ஒன்றாகவும் வைத்திருக்கலாம்.
கிரேசி குட் இண்டர்வியூவிங் எனும் புத்தகத்தை அடிப்படையாக கொண்டு இந்த குறிப்புகளை அருமையான வீடியோவாக பிஸ்னஸ் இன்சைடர் தளம் உருவாக்கியுள்ளது: https://www.youtube.com/watch?v=uAHb6uzDVrU

———–
comments-section-640x440
டிராப் பாக்ஸ் ரகசியம்

கோப்பு பகிர்வு சேவையான டிராப் பாக்சில் கோப்புகளை அனுப்பி பெறுவதை தவிர பல துணை அம்சங்களும் கூடுதல் வசதிகளும் இருக்கின்றன. இவற்றில் ஒன்று, இணையத்தில் டிராப் பாக்ஸ் மூலம் பகிரும் கோப்புகள் மீதான கருத்தறியும் வசதி. உங்கள் கோப்பின் வலது பக்க பட்டையில் பார்த்தால், பகிர்க பட்டன் கீழ்யே ,பின்னூட்டம் எனும் பகுதியை பார்க்கலாம். இதன் மூலம் கோப்பு தொடர்பான கருத்துக்களை பகிரலாம். கருத்தறிய விரும்பும் நபரை பற்றிய விவரத்தை @ எனும் குறியீட்டுடன் குறிப்பிட்டால் அது தொடர்பான தகவல் அருக்கு தெரிவிக்கப்பட்டு கருத்து கோரப்படும். இதற்கு அந்த நபர் டிராப் பாக்ஸ் பயனாளியாக இருக்க வேண்டும் என்ற அவசியமில்லை.

தானாக மறையும் கோப்புகள்

youtube-videos-sideplayer
தளம் புதிது; வீடியோ வசதி

இணையத்தில் உலாவும் போது யூடியூப்பில் வீடியோ பார்ப்பது உங்களுக்கு பிடித்தமானது என்றால் சைடுபிளேயர் (http://sideplayer.com/ )இணையதளத்தை நீங்கள் நிச்சயம் விரும்பாலாம். இந்த இணையதளம்,இணையத்தில் உலாவியபடியே யூடியூப் வீடியோவை பார்த்து ரசிக்க வழி செய்கிறது.அதாவது எந்த ஒரு இணையதளத்தையும் பயன்படுத்தியபடியே அதன் பக்கவாட்டில் ஒரு மூளையில் யூடியூப் வீடியோவை பார்க்கலாம்.குரோம் பிரவுசருக்கான நீட்டிப்பாக செயல்படும் இந்த சேவை யூடியூப் வீடியோவை பிரவுசரின் ஒரு மூளையில் சின்ன பெட்டியாக தோன்றச்செய்கிறது.ஆக,பார்த்து கொண்டிருக்கும் இணையதளத்தில் ஒரு கண் வைத்தபடி வீடியோவை ரசிக்கலாம். வீடியோ தோன்றும் பெட்டியையை எந்த இடத்திற்கு வேண்டுமானாலும் நகர்த்திக்கொள்ளலாம்.அதன் அளவையும் மாற்றிக்கொள்ளலாம். வேறு கட்டுப்பாட்டு வசதிகளும் இருக்கின்றன.ஒரு இணையதளத்தில் இருந்து வேறு ஒரு இணையதளத்திற்கு தாவினாலும் பிரச்சனையில்லை, அந்த தளத்தின் மூளையிலும் வீடியோ தோன்றும். காட்சி விளக்க வீடியோக்களை பார்க்கும் போது அந்த இணையதளத்தில் இருந்தபடியே வீடியோவை பார்க்க முடிவது பயன் தரக்கூடியதாக இருக்கும்.உதாரணத்திற்கு வேர்ட்பிரஸ் வலைப்பதிவின் பயன்பாட்டை விளக்கும் வீடியோவை பார்த்தபடியே வலைப்பதிவில் அந்த வழிகாட்டுதலை பின்பற்றலாம்.

இணையதள முகவரி:http://sideplayer.com/

———
MAIN-Colour-Blind-App
செயலி புதிது;கண்ணில் தெரியும் வண்ணங்கள்

உலகம் எல்லோருக்குமே வண்ணமயமாக தெரிவதில்லை.வண்ணங்களை மற்றவர்கள் போல உணர முடியாமல் தவிக்கும் பார்வை குறைபாடு கொண்டவர்கள் இருக்கின்றனர். இவர்கள் வண்ணங்களை பிரித்துணரும் வகையில் புதிய செயலி அறிமுகமாகி இருக்கிறது.ஐபோனுக்காக உருவாக்கப்பட்டுள்ள கலர் பிளைண்ட் பால் எனும் அந்த செயலி போனில் உள்ள காமிரா மூலம் படம் பிடிக்கப்படும் காட்சிகளில் உள்ள பல்வேறு வண்ணங்களை பிரித்து காட்டுகிறது.காமிராவில் உள்ள பில்டர் மற்றும் ஸ்லைடர் மூலமாக வண்ணங்களின் வேறுபாட்டை உணரலாம்.இதற்கு முன்னர் பல வண்ணங்களை காண முடியாத பலர் இந்த செயலியின் மூலம் முதல் முறையாக வண்ணங்களை துல்லியமாக பார்க்க முடிவதால் ஆனந்த அதிர்ச்சியில் ஆழ்ந்துள்ளனராம். பார்வை குறைபாடு கொண்ட வின்செண்ட் பியோரெண்டினி என்பவர் இந்த செயலியை உருவாக்கி உள்ளார். தன்னைப்போன்றவர்கள் முழு வண்ணங்களையும் காண உதவும் வகையில் இந்த செயலியை வடிவமைத்தாக அவர் சொல்கிறார். இயல்பான பார்வை கொண்டவர்கள், வண்ண குறைபாடு கொண்டவர்கள் காணும் காட்சிகள் எப்படி இருக்கிறது என்பதை தெரிந்து கொள்ளவும் இந்த செயலியை பயன்படுத்தலாமாம்!

செயலி பற்றிய விவரங்களுக்கு: http://www.apppicker.com/apps/1037744228/color-blind-pal

—–

2c728f0e-6bfa-4c51-a5c5-75820d59bbbd-2060x1236

21693195851_9cf1b76774_zநிலவின் ஒளிபடங்கள்

புகைப்பட பகிர்வு சேவையான பிளிக்கரில் அவரவர் விருப்பத்திற்கும் ரசனைக்கும் ஏற்ப ஒளிபடங்களை பார்த்து ரசிக்கலாம்.இப்போது இந்த பட்டியலில் நிலவில் எடுக்கப்பட்ட ஒளிபடங்களும் சேர்ந்திருக்கின்றன.ஆம் நிலவில் விண்வெளி வீரர்களால் எடுக்கப்பட்ட ஒளிபடங்களை அனைத்தும் பிளிக்கர் இணையதளத்தில் ( https://www.flickr.com/photos/projectapolloarchive) பதிவேற்றப்பட்டுள்ளன. அமெரிக்க விண்வெளி ஆய்வு கழகமான நாசாவால் அப்பல்லோ விண்கலம் முலம் அனுப்பி நிலவுக்கு அனுப்பி வைக்கப்பட்ட போது எடுக்கப்பட்ட ஒளிபடங்கள் இவை. மொத்தம் 8400 ஒளிபடங்களை வரிசையாக பார்த்து ரசிக்கலாம்.நிலவில் மனிதன் காலடி வைத்த பயணத்தின் டிஜிட்டல் ஒளிபடங்கள் மற்றும் ஆய்வு குறிப்புகளை பராமரித்து வரும் பிராஜக்ட் அப்பல்லோ ஆர்கேவ் சார்பாக இந்த ஒளிபடங்கள் பிளிக்கர் தளத்தில் பதிவேற்றப்பட்டுள்ளன. இவை எல்லாமே நாசாவின் மூல ஸ்கான் பதிவின் வடிவங்கள். விண்வெளி சார்ந்த விஷயங்களில் ஆர்வம் உள்ளவர்களுக்கு இந்த இணைய பக்கம் பொக்கிஷமாக இருக்கும். கருப்பு வெள்ளையில் வரிசையாக நிலவின் தோற்றத்தையும் அதன் மேற்புற காட்சிகளையும் பார்த்து ரசிப்பது புதிய அனுபவம் தான்.

———

தானாக மறையும் கோப்புகள்
file.io_
இணைய உலகில் ஏற்கனவே தானாக மறையும் மெயில் சேவைகள் இருக்கின்றன.அதாவது நாம் அனுப்பும் மெயில்கள் படிக்கப்பட்டவுடன் அவை அழிக்கப்பட்டுவிடும். அதே போல ஸ்மார்ட்போன் செயலியான ஸ்னேப்சாட் மூலம் அனுப்படும் ஒளிபடங்கள் மறுமுனையில் பார்க்கபப்ட்டவுடன் தானாக அழிக்கப்பட்டுவிடும்.இப்போது இதே வசதியை கோப்பு பகிர்வுக்கு பைல்.இயோ (https://www.file.io/#one )கொண்டு வந்திருக்கிறது. இந்த சேவை மூலம் பகிர்ந்து கொள்ளும் கோப்பு அதற்குறிய நபர் பார்த்ததும் காணாமல் போய்விடும். தேவை எனில் எவ்வளவு நேரம் அந்த கோப்பு பயன்பாட்டில் இருக்கலாம் என நிர்ணயிக்கும் வசதியும் இருக்கிறது. குறிப்பிட்ட நேரம் முடிந்ததும் அந்த கோப்பு அழிக்கப்பட்டுவிடும்.ச்ட்ட விரோதமான மற்றும் காப்புரிமைக்கு உட்பட்ட கோப்புகளை பகிர இந்த சேவையை பயன்படுத்த முடியாது என தெரிவிக்கப்பட்டுள்ளது.

Boy_Studying_620.jpg=s1300x1600

இணையத்தை உருக வைத்த ஏழை சிறுவனின் கல்வி ஆர்வம்

ஸ்மார்ட்போன் வைத்திருக்கும் எல்லோரும் தான் புகைப்படம் எடுக்கிறோம்- பேஸ்புக்கில் பகிர்ந்து கொள்கிறோம். ஆனால் பிலிப்பைன்ஸ் நாட்டில் கல்லூரி மாணவி ஒருவர் பேஸ்புக்கில் பகிர்ந்து கொண்ட புகைப்படம் இணையத்தின் மனசாட்சியையே உலுக்கியிருக்கிறது. அது மட்டும் அல்லாமல் அந்த புகைப்படத்தின் நாயகனான ஏழை சிறுவனை ஊக்கத்தின் அடையாளம் என மனதார பாராட்டுகிறது.அதைவிட முக்கியமாக அந்த சிறுவனுக்கு உதவிகள் குவிந்து அவனது வாழ்க்கையையே மாற்றி இருக்கிறது.

எல்லாம் அந்த ஒரு புகைப்படத்தால் நிகழ்ந்த மாற்றம் !
அந்த புகைப்படத்தை பார்த்தால் நீங்களும் கூட உருகிதான் போவீர்கள்!

ஒரு சிறுவன் டெஸ்க் முன் அமர்ந்து மங்கிய விளக்கொளியில் வீட்டுப்பாடம் செய்து கொண்டிருக்கும் புகைப்படம் தான் அது. சாதாரணமாக பார்த்தாலே கூட அந்த சிறுவனின் ஆர்வம் கவரக்கூடியதாக தான் இருக்கும். ஆனால் இந்த புகைப்படத்தின் பின்னணி தான் முக்கியமானது.

அந்த சிறுவன் அமர்ந்திருக்கும் இடம் வீடு அல்லது வீதி. ஆம், வசிப்பதற்கு வீடு கூட இல்லாத அந்த ஏழை சிறுவன், சாலையோரமாக அமர்ந்து அருகே உள்ள மெக்டொனால்ட்ஸ் ரெஸ்டாரண்ட் விளக்கு வெளிச்சத்தின் ஒளியில் சிரத்தையாக வீட்டுப்பாடம் செய்து கொண்டிருந்தான்.
ஆர்வம் மற்றும் அர்பணிப்பு ஆகியவற்றின் அடையாளமாக விளங்கிய அந்த காட்சியை தற்செயலாகப்பார்த்த ஜாய்ஸ் டோரேபிரான்கா எனும் மருத்துவக்கல்லூரி மாணவி தன்னை அறியாமல் ஸ்மார்ட்போனில் கிளிக் செய்து கொண்டார். வறுமை வாட்டும் நிலையை மீறி சாலையோரத்தில் அமர்ந்து படித்துக்கொண்டிருந்த அந்த சிறுவனின் ஆர்வம் அவரை அசர வைத்தது.
மறுநாள் இந்த புகைப்படத்தை அவர் தனது பேஸ்புக் பக்கத்தில் பகிர்ந்து கொண்டார். ” இந்த சிறுவனைப்பார்த்து நான் ஊக்கம் பெற்றேன்” என்றும் அந்த புகைபத்துடன் குறிப்பிட்டிருந்தார்.
filipino-homework-411x500
அந்த புகைப்படத்தை பார்த்த பலரும் , சூழலை மீறி அந்த சிறுவன் காட்டிய கல்வி ஆர்வத்தால் கவரப்பட்டு, ஊக்கம் பெற்று அந்த படத்தை தங்கள் நட்பு வட்டத்தில் பகிர்ந்து கொண்டனர். இப்படியே அந்த படம் அடுத்தடுத்து 7,000 முறைக்கு மேல் பகிரப்பட்டு பேஸ்புக் முழுவதும் பரவியது. அப்படியே உள்ளூர் தொலைக்காட்சி சேனலிலும் ஒளிப்பரப்பாகி சர்வதேச அளவில் கவனத்தை ஈர்த்தது.
அனைவரும் இந்த சிறுவனை ஊக்கத்தின் அடையாளமாக குறிப்பிட்டனர்.மோசமான வாழ்க்கை சூழலிலும் படிப்பில் கவனம் செலுத்தும் சிறுவனின் மன உறுதியை பாராட்டினர். இன்னும் சிலரோ எல்லா வசதி வாய்ப்புகள் இருந்தும் வீட்டுப்பாடம் செய்யவும் படிக்கவும் முரண்டு பிடிக்கும் மாணவர்கள் இந்த சிறுவனை பார்த்து பாடம் கற்றுக்கொள்ள வேண்டும் என்று கருத்து தெரிவித்திருந்தன்ர்.

இணைய உலகில் இப்படி தீவிர விவாதத்தை ஏற்படுத்திய அந்த சிறுவனை உள்ளூர் தொலைக்காட்சி தேடி கண்டுபிடித்து செய்தி வெளியிட்ட போது அவனைப்பற்றிய மேலும் விவரங்கள் தெரியவந்தது.

பிலிப்பைன்ஸின் மத்திய மாகாணமான செபுவில் உள்ள மாண்டேயு எனும் பகுதியில் சிறுவன் தனது அம்மா மற்றும் சகோதரருடன் வசிக்கிறான். அவனது பெயர் டேனியல் கேப்ரேரா. வயது 9. சிறுவனின் அப்பா சில ஆண்டுகளுக்கு முன் இறந்துவிட்டார். அம்மா ஸ்பினோசா தான் கிடைத்த வேலைகளை செய்து குடும்பத்தை காப்பாற்றி வருகிறார். வாடகைக்கு கூட கொடுக்க முடியாத நிலையில் சாலையோரத்தில் இருக்கும் தற்காலிக ஷெட்டில் வசித்து வருகின்றன. ஆனால் இந்த வறுமை நிலையிலும் சிறுவன் கேப்ரேரா விடாமல் பள்ளிக்கு சென்று படித்துவருகிறான். வீடு இல்லாததால் தினமும் சாலையோரத்தில் மெக்டோனால்ட்ஸ் ரெஸ்டாரண்ட் விளக்கு வெளிச்சத்தில் வீட்டுப்பாடம் செய்வதை வழக்கமாக கொண்டிருக்கிறான்.
_84331104_gettyimages-111656508

Boy_Studying_620.jpg=s1300x1600
மகனுக்கு படிப்பதில் மிகுந்த ஆர்வம் என்றும் , படித்து முடித்து காவலராக வேண்டும் என்பது அவனது லட்சியம் என்றும் தொலைக்காட்சி பேட்டியில் ஸ்பினோசா கூறியிருந்தார். இந்த விவரங்களை எல்லாம் கேள்விப்பட்ட மக்கள் நெகிழ்ந்து போயினர்.குறிப்பாக சிறுவன கேப்ரேரா தன்னிடம் இரண்டு பென்சில்கள் மட்டும் இருந்ததாகவும் அதில் ஒன்றை பள்ளியில் மாணவர்கள் திருடிவிட்டதாகவும் கூறியதை கேட்டு மேலும் நெகிழந்தனர். இந்த சிறுவன் நன்றாக படித்து முன்னேற உதவி செய்வது தங்கள் கடமை என்று பலருக்கும் இயல்பாக தோன்றியதால் நிதி உதவியும் பொருளுதவியும் குவிந்திருக்கிறது. பலர் சிறுவனின் உதவித்தொக்கைக்கு ஏற்பாடு செய்திருக்கின்றனர் என்றால் சிலர் எழுதுபொருள் மற்றும் மேசை விளக்கு வாங்கு கொடுத்துள்ளனர். இது மட்டும் அல்லாமல் சிறுவனின் கல்விக்கு நிதி திரட்டுவதற்காக என்றே தனி இணைய பக்கமும் துவக்கப்பட்டது; (http://bayanihanproject.com/projects/daniel-crowdfunding-campaign/ )
இந்த எதிர்பாராத உதவிகளால் சிறுவனின் தாய் திக்குமுக்காடி போயிருக்கிறார்.

இந்த புகைப்படத்தை பகிர்ந்து கொண்ட கல்லூரி மாணவி ஜாய்ஸ் , ‘ ஒரு எளிய புகைபப்டம் இந்த அளவுக்கு மாற்றத்தை ஏற்படுத்தும் என்று நினைக்கவில்லை” என்று குறிப்பிட்டு இந்த படத்தை பகிர்ந்து கொண்டவர்களுக்கு எல்லாம் தனது பேஸ்புக் பக்கத்தில் நன்றி தெரிவித்துக்கொண்டிருக்கிறார்.
வாழ்க்கையின் சூழலை மீறி ஊக்கத்துடன் செயல்பட டேனியல் கதை நமக்கெல்லாம் உதாரணமாக இருக்கும் என்றும் அவர் குறிப்பிட்டுள்ளார்.’உண்மை தானே!.

———-

புகைப்படம் மூலம் வயதை கணிக்கும் இணையதளம்

புகைப்படத்தை வைத்து அதில் உள்ளவரின் வயதை கணித்துச்சொல்லும் இணையதளம் ஆயிரக்கணக்கானோரை கவர்ந்து ,வைரலாக பரவி இணையத்தின் மிகவும் பிரபலமான இணையதளமாகி இருக்கிறது.

மைக்ரோசாப்ட் நிறுவனம் சார்பில் ஹவ் ஓல்டு.நெட் எனும் பெயரில் இந்த இணையதளம் அமைக்கப்பட்டுள்ளது. மனித முகங்களை கண்டுணறக்கூடிய பேசியல் ரிகக்னேஷன் எனும் தொழில்நுட்பத்தின் அடிப்படையில் இந்த இணையதளம் அமைக்கப்பட்டுள்ளது. அதாவது இந்த தளத்தின் பின்னே உள்ள நுட்பம் மனித முகத்தை பார்த்து,புரிந்து கொண்டு அவர்களின் பாலினம் மற்றும் வயதை சரியாக கணித்து சொல்லக்கூடியது. சரியாக என்றும் சொல்வது பொருத்தமாக இருக்காது. கணித்துச்சொல்வது என்பதே சரியாக இருக்கும்.

இந்த தளத்தின் திறனை இணையவாசிகள் யார் வேண்டுமானாலும் பரிசோதித்துப்பார்க்கலாம். இதற்கு செய்ய வேண்டியதெல்லாம், தங்கள் புகைப்படத்தை இந்த தளத்தில் சமர்பித்து, எங்கே என் வயதை சொல்லுப்பார்க்கலாம் என கேட்பது தான். உடனே இந்த தளம் உங்கள் வயதை கணித்துச்சொல்லும்.

ஆனால் இந்த கணிப்பு எல்லா நேரங்களிலும் துல்லியமாக இருக்க முடியும் என்று சொல்ல முடியாது. சில நேரங்களில் சரியாக இருக்கும். சில நேரங்களில் தவறாக இருக்கும். தவறு எனில் அடுத்த படத்தை சமர்பிக்கவும் என இந்த தளமே சொல்லி விடுகிறது.

வயது விஷயத்தில் உணர்ச்சிவசப்படக்கூடியவர் என்றால் இந்த தளத்தில் உங்கள் புகைப்படத்தை சமர்பிக்காமல் இருப்பதே நல்லது. ஏனெனில் நீங்கள் இளமையானவராக இருந்து இந்த தளம் உங்கள் வயதை 50 க்கு மேல் குறிப்பிட்டால் உங்கள் மனது லேசாக முறிந்துப்போகலாம்.

சொந்த புகைப்படத்தை சமர்பிக்க தயங்குபவர்களும் தாராளமாக இந்த தளத்தை சோதித்துப்பார்க்கலாம். அத்ற்கும் ஒரு வழி இருக்கிறது. அதாவது இணையத்தில் உள்ள புகைப்படங்களை சமர்பித்து இந்த தளத்தை கணிக்கச்சொல்லலாம். இதற்காக மைக்ரோசாப்டின் பிங் தேடியரத்தின் புகைப்பட சேவையில் இருந்து படங்களை தேர்வு செய்து கொள்ளலாம்.

இந்த வசதி தான் இந்த தளத்தை பிரபலமாக்கியுள்ளது. பலரும் இணையத்தில் கிடைக்கும் பிரபலங்களின் புகைப்படத்தை இந்த தளத்தில் சமர்பித்து அது தரும் கணிப்பை தங்கள் சமூக வலைதள பக்கங்களில் பகிர்ந்து கொண்டு வருகின்றனர்.

ஹாலிவுட் நடிகை ,அரசியல் தலைவர்கள் என நன்கறியப்பட்ட நபர்களின் புகைபப்டங்களை சமர்பித்து, அவர்களின் வயது கணிப்பை ,அது எந்த அளவுக்கு சரியாக இருக்கிறது என்பதை லேசான கிண்டலுடன் பகிர்ந்து கொள்கின்றனர்.
இந்த தளம் யாருடையை வயதை எல்லாம் சரியாக சொல்கிறது, யாருடைய விஷ்யத்தில் கோட்டை விடுகிறது போன்ற விவரங்கள் சுவாரஸ்யமாக இருக்கிறது.
இந்த சுவாரஸ்ய அம்சமே இந்த தளத்தை ஹிட்டாகி இருக்கிறது.

இதில் என்ன சுவாரஸ்யம் என்றால் இந்த தளம் இந்த அளவு ஹிட்டாகும் என்பதை மைக்ரோசாப்டே எதிர்பார்க்கவில்லை. சமீபத்தில் மைக்ரோசாப்ட் நடத்திய டெவலப்பர் மாநாட்டில் தான் இந்த தளம் அறிமுகம் செய்யப்பட்டது.

மைக்ரோசாப்டின் அஸ்யூர் மெஷின் லேர்னிங் பிரிவைச்சேர்ந்த இரண்டு வல்லுனர்கள் சோதனை முறையில் இந்த தளத்தை உருவாக்கினர். முகங்களை கண்டுணரும் சாப்ட்வேரின் ஆற்றலை வெள்ளோட்டம் பார்ப்பதற்காக மிக எளிமையான முறையில் புகைப்படம் பார்த்து வயதை சொல்லும் வகையில் தளத்தை அமைத்தனர். முதலில் 50 பேருக்கு தான் மெயில் அனுப்பியிருந்தன்ர். ஆனால் இந்த மெயில் வைரலாகி 35,000 பேர் இந்த தளத்தை பார்த்து பயன்படுத்தினர். இதனால் மீடியாவின் கவனத்தை ஈர்த்து இப்போது இணையவாசிகள் மத்தியிலும் பிரபலமாகி விட்டது.

மெஷின் லேர்னிங் என்று சொல்லப்படும் தொழில்நுட்பத்தின் எதிர்கால ஆற்றல் மற்றும் போதாமைகளின் அடையாளமாக இந்த தளம் விளங்குகிறது. நீங்களும் தாராளமாக இந்த தளத்தை பயன்படுத்திப்பார்த்துச்சொல்லுங்கள் .

ஆனால் ஒரு விஷயத்தை நினைவில் கொள்ளுங்கள், இந்த தளத்தில் சமர்பிக்கப்படும் புகைப்படங்கள் பயன்படுத்தப்படக்கூடிய விதம் குறித்த ஒரு சர்ச்சை இருக்கிறது. இந்த புகைப்படங்களை மைக்ரோசாப்ட் விரும்பிய வகையில் பயன்படுத்த வாய்ப்பிருப்பதாக சொல்லப்படுகிறது. மைக்ரோசாப்டோ புகைப்படங்களை சேமித்து வைத்துக்கொள்ளவில்லை என சொல்கிறது.

கவனிக்க வேண்டிய இன்னொரு விஷயம் இந்த தளத்தின் பின்னே இருக்கும் மைக்ரோசாப்ட் பொறியாளர்களில் நம்மவரான சந்தோஷ் பாலசுப்பிரமணியமும் ஒருவர்!

இணையதள முகவரி; http://how-old.net/