Tag Archives: photo

விண்வெளியில் இருந்து ஒரு சுயபடம் !

swanson-iss-instagram-cupola-2தன்னைத்தானே புகைப்படம் எடுத்து வெளியிட்டுக்கொள்ளும் சுயபட (செல்ஃபீ) கலாச்சாரத்தை நீங்கள் விரும்பினாலும் சரி வெறுத்தாலும் சரி, ஸ்டீவ் ஸ்வான்சனின் சுயபடத்தை நிச்சயம் வியந்து பாராட்டுவீர்கள். ஏனெனில் இது வழக்கமான சுபபட அல்ல; சாதனை சுயபடம்!. ஆம், விண்வெளியில் இருந்து இன்ஸ்டாகிராம் செய்யப்பட்டுள்ள முதல் புகைப்படம் இது. அமெரிக்க விண்வெளிவீரரான ஸ்டீன் ஸ்வான்சன் விண்வெளியில் அமைக்கப்பட்டு வரும் சர்வதேச விண்வெளி ஆய்வு மையத்திற்கு ( ஐ.எஸ்.எஸ்) சென்றிருக்கிறார். விண்வெளி ஆய்வு மைத்தில் இருந்து தான் அவர் தன்னை புகைப்படம் எடுத்து அதை இன்ஸ்டகிராம் புகைப்பட பகிர்வு சேவை மூலம் வெளியிட்டுள்ளார். ஏப்ரல் 7 ந் தேதி வெளியிடப்பட்ட இந்த புகைப்படம் விண்வெளியில் இருந்து இன்ஸ்டாகிராமில் வெளியிடப்பட்ட முதல் புகைப்படம் எனும் சிறப்பை பெற்றிருக்கிறது.

ஸ்டீவன்சன், விண்வெளி மையத்தில் மிதந்தபடி காட்சித்தரும் இந்த புகைப்படத்தை அவரே எடுத்து வெளியிட்டிருக்கிறார். அதாவது சுயபடமாக வெளியிட்டிருக்கிறார். ” ஐ.எஸ்.எஸ் -சுக்கு திரும்பி வந்திருக்கிறேன், இங்கு வாழ்க்கை நன்றாக இருக்கிறது’ எனும் புகைப்பட குறிப்பையும் அதனுடன் இணைத்திருக்கிறார். ஸ்வான்சன் புன்னகைத்துக்கொண்டிருக்கும் இந்த புகைப்படம் விண்வெளி மையத்தில் வாழ்க்கையை எடுத்துக்காட்டும் வகையில் இருக்கிறது. அதனால் உற்சாகம் அளிக்கிறது.

இன்ஸ்டாகிராம் புகைப்பட பகிர்வு சேவை மிகவும் பிரபலமாக இருக்கிறது. இன்ஸ்டாகிராமில் நட்சத்திரங்கள் முதல் சாமான்யர்கள் வரை பலதரப்பினரும் இருக்கின்றனர். இன்ஸ்டாகிராமில் லட்சக்கணக்கில் புகைபப்டங்கள் பகிரப்பட்டு பார்த்து ரசிக்கப்படுகின்றன. இருந்தாலும் கூட விண்வெளியில் இருந்து இன்ஸ்டாகிராமில் புகைப்படம் வெளியிடப்பட்டிருப்பது விஷேசமானது.
ஏற்கனவே விண்வெளியில் இருந்து டிவிட்டர் செய்தி பகிரப்பட்டது உங்களுக்கு நினைவிருக்கலாம். நாசாவின் மைக் மாரிமொனோ (Mike Massimino ) எனும் விண்வெளி வீரர் கடந்த 2009 ம் ஆண்டு விண்வெளியில் இருந்து முதல் டிவிட்டர் செய்தியை வெளியிட்டார். அவரது டிவிட்டர் கணக்கு : @Astro_Mike

இப்போது ஸ்வான்சன் விண்வெளியில் இருந்து சமூக ஊடக உலகிற்கு அடுத்த பாய்ச்சலை இன்ஸ்டாகிராம் படம் மூலம் செய்திருக்கிறார். இன்ஸ்டாகிராமில் சரவ்தேச வின்வெளி மையத்திற்காக அமைக்கப்பட்டுள்ள கணக்கு மூலம் இந்த புகைப்படத்தை வெளியிட்டுள்ளார். அவரும் ரஷ்யாவைசேர்ந்த சக விண்வெளி வீரரகள் இருவருமாக சேர்ந்து கடந்த ஜனவரியில் இன்ஸ்டாகிராம் கணக்கை துவக்கினர். விண்வெளி பயணத்திற்கு தயாராகும் புகைப்படங்களை அதில் பகிர்ந்து வந்தனர். இப்போது வின்வெஇல் இருந்தே படம் வந்து விழுந்துள்ளது.
ஸ்வான்சன் மேலும் சில புகைப்படங்களையும் விண்ணில் இருந்து வெளியிட்டிருக்கிறார். தொடர்ந்து அவரிடம் இருந்து விண்வெளி புகைப்படங்களை எதிர்பார்க்கலாம். விண்வெளி வீர்ர்களின் புகைப்படத்தை பார்த்து ரசிப்பது விஞ்ஞான ஆர்வலர்களுக்கு நிச்சயம் மகிழ்ச்சியானது . அப்படி இருக்க வீரரகள் விண்வெளியில் இருக்கும் காட்சியை அங்கிருந்தே பார்க்க முடிவது நிச்சயம் வியப்பானது தான்.

விண்வெளி வீரர்களுக்கு இந்த இன்ஸ்டாகிராம் பழக்கம் தேவையா என்று கேட்க நினைக்கலாம். ஆனால் விண்வெளி ஆய்வு தொடர்பான தகவல்களை பொதுமக்களுடன் பகிர்ந்து கொண்டு அவர்களுக்கு விண்வெளி ஆய்வில் விருப்பத்தையும் விழிப்புணர்வையும் ஏற்படுத்தும் வகையில் சமூக ஊடகத்தை பயன்படுத்தும் பரவலான முயற்சி
யின் ஒரு அங்கமாகவே இது அமைந்துள்ளது. சமூக ஊடகம் வாயிலாக மக்களுடன் விண்வெளி ஆய்வு பற்றிய விவரங்களை பகிர்ந்து கொள்வதில் அமெரிக்க விண்வெளி ஆய்வுக்கழகமான நாசா தீவிரமாக உள்ளது. நம்முடைய இஸ்ரோ அமைப்பும் சமூக ஊடகத்தை பயன்படுத்துவதில் முனைப்புடன் இருக்கிறது.

ஸ்வான்சன் இன்ஸ்டாகிராம் மூலம் வெளியிடுள்ள புகைப்படம் இணையவாசிகள் மத்தியிலும் பரவலான வரவேற்பை பெற்றுள்ளது. 4000 பேருக்கு மேல் அந்த புகைப்படத்தை லைக் செய்துள்ளனர். பலர் பின்னூட்டம வாயிலாக கருத்துக்களையும் தெரிவித்துள்ளனர். அதில் சிலர் தாங்களும் விண்வெளி வீரராக வேண்டும் எனும் விருப்பத்தை தெரிவித்துள்ளனர். இத்தகைய ஆர்வத்தை ஏற்படுத்துவதே தானே இந்த முயற்சியின் நோக்கமாக இருக்க வேண்டும்.

ஸ்டீவ் ஸ்வான்சன் இன்ஸ்டாகிராம் புகைப்படங்களை பார்க்க: http://instagram.com/iss

————-

நன்றி; தமிழ் இந்து

 

 

இவர் இன்ஸ்டாகிராம் பாட்டி

granmdaபுற்றுநோயால் பாதிக்கப்பட்ட வயதான பெண்மணியின் இறுதி நாட்கள் எப்படி இருக்கும். கண்ணீரும் கவலையுமாக இருக்கும் என்று வருத்தத்தோடு நீங்கள் நினைத்தால் மாற்றிக்கொள்ளுங்கள். புற்றுநோயின் பாதிப்பை மீறி நாட்கள் உற்சாகமானதாகவும் இருக்கும். தினமும் புதிய நண்பர்களை பெற்றுத்தருவதாகவும் இருக்கும். சந்தேகம் இருந்தால் அமெரிக்க பாட்டி கிராண்ட்மாபெட்டியை இன்ஸ்டாகிராமில் பின் தொடர்ந்து பாருங்கள். அவரது உற்சாகம் உங்களையும் தொற்றிக்கொள்ளும். அவரது 4 லட்சத்துக்கும் அதிமான இணைய நண்பர்களில் நீங்களும் ஒருவராகி விடுவீர்கள்.

இன்ஸ்டாகிராம் புகைப்பட பகிர்வு சேவை. ட்விட்டர் குறும்பதிவுகளுக்கான களம் என்றால்,இன்ஸ்டாகிராமில் புகைப்படங்கள் மூலம் பேசலாம். புகைப்படங்கள் வாயிலாக புதியவர்களோடு தொடர்பு கொள்ளலாம். அறிமுகம் இல்லாதவர்களை எல்லாம் நண்பர்களாக்கி பின் தொடர வைக்கலாம். இப்படி லட்சக்கணக்கான பின் தொடர்பாளர்களை பெற்றுள்ள பிரபலங்கள் எல்லாம் இன்ஸ்டாகிராமில் உறுப்பினர்களாக இருக்கின்றனர். ஹாலிவுட் நட்சத்திரங்களும் , பாடகிகளும் கோலோச்சும் இன்ஸ்டாகிராமில் இப்போது 80 வயது பாட்டி கிராண்ட்மாபெட்டி பிரபலமாகி இருக்கிறார்.

பெட்டி என்னவோ பொக்கை வாய் பாட்டி தான்.ஆனால் அவரது புன்னகையோடு உற்சாகமாக போஸ் கொடுக்கும் புகைப்படங்களை பார்த்தால் பாட்டிம்மா என்று பாசத்தோடு அழைக்கத்தோன்றும். இப்படித்தான் பலரும் பாட்டிக்கு அடிமையாகி கொண்டிருக்கின்றனர். பலர் பாட்டியை பின் தொடர்வதற்காக என்றே இன்ஸ்டாகிராமில் உறுப்பினராகி வருகின்றனர்.பாடகி மைலி சைரஸ் உட்பட பிரபலங்களும் பாட்டியின் நண்பர்களாகி இருக்கின்றனர்.

கிராண்ட்மாபெட்டி இன்ஸ்டாகிராமில் வெளியிடும் ஒவ்வொரு புகைப்படமும் ஆயிரக்கணக்கானோரால் பார்த்து ரசிக்கப்படுகின்றன. பலரும் பாட்டியுடன் பேசுவது போல பின்னூட்டம் வழியே உருகி வழிகின்றனர். எல்லாம் பாட்டியின் பேரன் துவக்கி வைத்தது. பிலடல்பியாவில் வசிக்கும் கிராண்ட்மா பெட்டி புற்றுநோயால் பாதிக்கப்பட்டது தெரிய வந்ததும் பேரன் ஜேக் பெல்டன் மிகுந்த வேதனைக்குள்ளானார். சில மாதங்கள் அல்லது அதிகபட்சம் சில ஆண்டுகளில் பாட்டியை நிரந்தரமாக பிரிய வேண்டியிருக்கும் என்ற எண்ணம் வாட்டியது. பாட்டியின் இறுதி நாட்களை வாழ்க்கையை நினைவில் நிறுத்தும் வகையில் அவரது இறுதி நாட்களை பதிவு செய்ய விரும்பினார். ஜேக்கின் பல நண்பர்களுக்கும் பாட்டி அறிமுகமானவர் என்பதால் அவர்களுடனும் பாட்டியின் வாழ்க்கையை பகிர்ந்து கொண்டது போல இருக்கும் என்ற எண்ணத்தில் இன்ஸ்டாகிராமில் பாட்டி பெயரில் கிராண்ட்மாபெட்டி எனும் பக்கத்தை துவக்கி , புகைப்படங்களை வெளியிடத்துவங்கினார்.

பாட்டியின் மீதான பாசத்தின் வெளிப்பாடாக அமைந்ததே தவிர, பேரன் ஜேக் வேறு எதுவும் எதிர்பார்க்கவில்லை. ஆனால், கிராண்ட்மாபெட்டி, புற்றுநோய் போராளி, இயேசுவை ந்ம்புவர் … எனும் சுருக்கமான அறிமுகத்துடன் அமைந்திருந்த அந்த பக்கத்தில் வெளியான பாட்டியின் புகைப்படங்கள் மற்றவர்களையும் கவரத்துவங்கியது. முதல் வார்த்திலேயே 100 பேர் பாட்டியின் நண்பர்களாகி அவரை இன்ஸ்டாகிராமில் பின் தொடரத்துவங்கினர். புற்றுநோயின் பாதிப்பையும் மீறு புன்னகையுடன் காட்சி அளித்து வாழ்வின் மீதான பாசத்தையும் நேசத்தையும் பகிர்ந்து கொண்ட அந்த பாட்டியின் தோற்றம் பலருக்கு பிடித்துப்போனது. பல்ரும் தங்கள் அபிமானத்தை பின்னூட்டம் மூலம் வெளிப்படுத்தினர். “ நீங்கள் தான் மிகவும் அழகான்வர் ‘ என் ஒருவர் குறிப்பிட்ட
ார். இன்னொருவர்’ உங்கள் முடி அழகாக உள்ளது. அதை விட உங்கள் உள்ளம் அழகாக இருக்கிறது ‘ என தெரிவித்திருந்தார். இப்படி பலரும் பாட்டியின் மன உறுதியை பாராட்ட அவரது ஆதரவாளர்களின் எண்ணுக்கை கூடிக்கொண்டே சென்றது. மிக விரைவிலேயே பாட்டியை பின் தொடர்பவர்களின் எண்ணிக்கை ஆயிரத்தை கடந்தது. இன்ஸ்டாகிராமில் புகைப்படத்தை பகிர்வது பற்றியும் அவற்றைப்பார்க்க ஆயிரத்துக்கும் மேற்பட்டோர் தயாராக இருப்பதையும் பேரன் சொல்லக்கேட்ட பெட்டி பாட்டி மகிழ்ந்து போனார்.

நோயின் பாதிப்பை தள்ளி வைத்துவிட்டு அவர் அன்பு பொங்க சிரித்தபடி காட்சி அளிக்கும் புகைப்படங்கள் மேலும் ஆயிரக்கணக்கானோரின் உள்ளத்தை உருக் வைத்தது. இதனிடையே புற்றுநோயால் பாதிக்கப்பட்ட பாட்டிக்காக பேரன் உருவாக்கிய இந்த இன்ஸ்டாகிராம் பக்கம் நாளிதழ்கள் மற்றும் தொலைக்காட்சிகளின் கவனத்தை ஈர்க்க பாட்டி மேலும் பிரபலமாகி விட்டார். பாட்டிக்கு அன்பும் ஆதரவும் தெரிவித்து கடிதங்களும் குவிந்து வருகின்றன. இன்ஸ்டாகிராம் பக்கத்திலும் பலரும் பாட்டியின் உறுதியை பாராட்டி பாசத்தோடு கருத்து பதிவு செய்து வருகின்றனர்.

இணையம் சாத்தியமாக்கும் எளிய அற்புதங்களுக்கு எத்தனையோ அழகான உதாரணங்கள் இருக்கின்றன. கிராண்ட்மாபெட்டி அந்த வரிசையில் நெகிழ வைக்கிறார்.

 

பாட்டியின் இன்ஸ்டாகிராம் பக்கம்; http://instagram.com/grandmabetty33

நண்பர்கள் ரியாக்‌ஷனை பார்த்து ரசிக்க ஒரு செயலி

app_prevcவிழுந்து விழுந்து சிரிக்க வைக்கும் நகைச்சுவை புகைப்படங்களையோ ,வீடியோக்களையோ நண்பர்களிடம் பகிர்ந்து கொள்ளாதவர்கள் யார் ? சொல்லுங்கள். ஆரம்பத்தில் இமெயில் வாயிலாக, அப்புறம் பேஸ்புக் வாயிலாக என்று , யாம் பெற்ற சிரிப்பு நண்பர்களும் பெறட்டும் என , நகைச்சுவை படங்களை அனுப்பி வைப்பது இயல்பாக தான் இருக்கிறது. இப்போது , இதற்காக என்றே ஒரு செல்போன் செயலி அறிமுகமாகியிருக்கிறது.

கிகில் மெயில் எனும் அந்த செயலி சிரிக்க வைக்கும் படங்களை எடுத்து நண்பர்களுக்கு அனுப்பி வைக்க உதவுகிறது. இது என்ன புது விஷயமா ? புகைப்பட புகழ் செயலி ஸ்னேப்சேட் இதை தானே செய்கிறது என்று கேட்கலாம். இன்னும் கூட பல செயலிகள் செல்வழி புகைப்படங்களை பகிர வைக்கின்றனவே என்று செயலிகள் விஷயத்தில் அப்டட்டாக இருப்பவர்கள் கேட்கலாம்.

சரி தான், புகைப்பட பகிர்வுக்கு செய்லிகள் இல்லாமல் இல்லை. ஆனால் கிகிலி மெயில் செயலி , ஸ்னேப்சேட்டை விட ஒரு படி மேலே சென்று அசத்துகிறது. எப்படி தெரியுமா?  ஸ்னேப்சேட் போன்றவை புகைப்படங்களை எடுத்து அனுப்ப மட்டும் தானே செய்கின்றன ? கிகில் மெயில் இப்படி அனுப்பிய புகைப்படத்தை பார்த்ததும் நண்பர்கள் என்ன ரியாக்‌ஷன் செய்கின்றன்றோ அதை பார்த்து ரசிக்க உதவுகிறது.

சிரிப்பு புகைப்படம் அல்லது வீடியோவை பகிர்வதே, என்னைப்போல நீங்களும் சிரியுங்கள் என்று சொல்வது தானே. அப்படி இருக்க, சிரிப்பு படத்தை பார்த்த்தும் நண்பர்கள் எப்படி உணர்ந்தனர் என்று தெரிந்து கொண்டால் தான் அந்த பகிர்வு முழுமையாகும். ஆனால் எங்கோ இருக்கும் நண்பர்கள் ரியாக்‌ஷனை எப்படி தெரிந்து கொள்வது? இதை தான் கிகில் மெயில் சாத்தியமாக்குகிறது. இதன் மூலம் , புகைப்பட அல்லது வீடியோவை அனுப்பியதுமே , அவர்கள் போனில் புதிய  மெயிலுக்கான தகவல் போய் சேரும் . அந்த மெயிலை கிளிக் செய்து பார்த்ததுமே நண்பர்கள் ரியாக்‌ஷன் என்னவோ அது அப்படியே புகைப்படமாக கிளிக் ஆகி, பதில் மெயிலாக வந்தடையும். ஆக, நண்பர்கள் நகைச்சுவை காட்சியை பார்த்து , எப்படி ரசித்து மகிழ்கின்றனர் என்று இந்த செயலி வழியே உடனடியாக தெரிந்து கொள்ளலாம்.

மிகவும் சுவாரஸ்ய்மான செயலி தான். கொஞ்சம் யோசித்து பாருங்கள், இதில் எத்தனை விதமான ரியாக்‌ஷ்ன்களை எல்லாம் பார்க்க கூடும் என்பதை . சில வீடியோக்களை பார்த்து பலரும் விழுந்து விழுந்து சிரிக்கலாம். சிலர் சிரித்து கொண்டே இருக்கலாம். இன்னும் சில படங்களை பார்த்து யாரேனும் , உம்மனா மூஞ்சியாக முகத்தை வைத்துக்கொள்ளலாம். சிரிப்பு படத்துக்கான இந்த ரியாகஷனே கூட சிரிக்க வைக்கலாம் தானே.

செயலி முகவரி; http://www.gigglemail.com/#

ஆன்ட்ராய்டு போனில் இருந்து புகைப்படங்களை கம்ப்யூட்டருக்கு மாற்ற சூப்பரான வழி.

http _www.coolphototransfer.com_கூல் ஃபோட்டோ டிரான்ஸ்பர் செயலி(அப்) ஆன்ட்ராய்டு போனில் இருந்து புகைப்படங்களை டெஸ்க்டாப் கம்ப்யூட்டருக்கு எளிதாக இடமாற்றம் செய்து அசத்துகிறது.இந்த செயலியை பயன்படுத்தும் போது  வழக்கமாக செல்போனில் உள்ள புகைப்படங்களை கம்ப்யூட்டருக்கு கொண்டு செல்ல வேண்டும் என்றால் யூஎஸ்பி கேபில் தேவைப்படும் அல்லவா? ஆனால் இந்த செயலி கேபில் எதுவும் இல்லாமலேயே வைபீ மூலமாக புகைப்படங்களை கம்ப்யூட்டருக்கு மாற்றி விடுகிறது.

இது புகைப்படங்களை மாற்றுவதற்கான சுலபமான வழி மட்டும் அல்ல, விரைவான வழியும் கூட என்கிறது இந்த செயலி.

அது மட்டும் அல்ல சும்மா ஜாலியாக புகைப்படங்களை மாற்றலாம் என்கிறது. அதாவது விதவிதமான முறையில் ப‌டங்களை ,அனிமேஷன் பாணியில் படங்களை மாற்றலாம். எப்படி தெரியுமா? செல் போனில் உள்ள புகைப்படத்தின் மீது கையை வைத்து அப்படியே தள்ளிவிட்டால் அது கம்ப்யூட்டருக்குள் போய்விடும். அல்லது போனை கம்ப்யூட்டர் மேலே வைத்து மானிட்டர் மீது வைத்தாலும் புகைப்படம் இடம் மாறிவிடுகிறது.

இதே போல போனை குலுக்கினாலும் புகைப்படல் கம்ப்யூட்டருக்குள் போய் உட்கார்ந்து கொள்கிறது. புகைப்படத்தை கைகளால் பெரிதாக்கி அப்படியே தள்ளி விட்டாலும் புகைப்படம் கம்ப்யூட்டருக்கு சென்று விடுகிறது. உங்களுக்கு விசில் அடிக்க தெரியுமா? அடித்து பாருங்கள். அசந்து போவீர்கள். காரணம் விசில் அடித்தாலும் புகைப்படம் இடம்மாறிவிடுகிறது.

இந்த அனிமேஷன் வசதிகளை தான் புகைப்படங்களை கம்ப்யூட்டருக்கு மாற்ற கூலான வழி என கூல் ஃபோட்டோ டிரான்ஸ்பர் வர்ணிக்கிறது. இதற்கான விளக்க வீடியோவே சூப்பராக இருக்கிறது.ஆன்ட்ராய்டு போன் இருந்தால் பயன்படுத்தி பாருங்கள்.

டவுண்லோடு செய்ய:http://www.coolphototransfer.com/

புகைப்படத்திற்கு ஏற்ற பாடல்

ins

நீங்கள் இன்ஸ்டகிராம் பிரியர் என்றால் சாங் ஃபார் பிக் தளத்தை ரசித்து மகிழலாம். சாங் ஃபார் பிக்கை இணையதளம் என்பதை விட இணைய விளையாட்டு என்று சொல்வதே பொருத்தமாக இருக்கும்.உங்கள் நண்பர்களோடு சேர்ந்து விளையாடும் விளையாட்டு.

புகைப்பட செயலியான இன்ஸ்டாகிராம் மூலம் செல்போனில் எடுத்த புகைப்படங்களை டிவிட்டரில் பகிர்ந்து கொள்ளாம்.இப்படி பகிர்ந்து கொள்ளும் படங்களை நணபர்கள் பார்த்து ரசித்து தங்கள் கருத்துக்களையும் தெரிவிக்கலாம்.

இன்ஸ்டாகிராம் படங்களை பார்ப்பதே ஒரு சுவாரஸ்யம் தான். அதை இன்னும் கொஞ்சம் சுவாரஸ்யம் ஆக்குகிறது சாங் ஃபார் பிக். இந்த தளம் நீங்கள் எடுத்த புகைப்படங்களில் ஏதாவது ஒரு படத்தை தேர்வு செய்து உங்கள் நண்பர்களோடு பகிர்ந்து கொள்கிற‌து.உடனே நண்பர்கள் அந்த புகைப்படத்திற்கு ஏற்ற பாடல் ஒன்றை தேர்வு செய்து சம‌ர்பிப்பார்கள்.இதற்காக என்று தேர்வு செய்யப்பட்ட நான்கு பாடல்களில் ஒன்றை அவர்கள் சம‌ர்பிக்கலாம்.

புகைப்படங்களுக்கேற்ற பாடலை கேட்பது பாடல்களை கேட்டு ரசிப்பதற்கான சுவாரஸ்யமான வழியாகலாம்.அதிலும் நீங்கள் எடுத்த படங்கள் என்னும் போது இன்னும் கூட சுவார்ஸ்யம்.

இன்ஸ்டாகிராம் பிரியர்கள் மட்டும் அல்ல இசைப்பிரியர்களும் பயன்படுத்தி மகிழலாம்.

இணையதள முகவரி;http://songforpic.com/