Tag Archives: students

கல்லூரி மாணவர்களுக்கு கைகொடுக்கும் புதுமையான இணையதளங்கள்!

 

intகல்லூரி மாணவர்கள் நிச்சயம் தங்களுக்கு சுவாரஸ்யமான இணையதளங்களை அறிந்து வைத்திருப்பார்கள். அவற்றோடு வேலைவாய்ப்புக்கு உதவக்கூடிய தளங்களையும், பாடத்திட்டங்களில் வழிகாட்டக்கூடிய கல்வி சார்ந்த இணையதளங்களையும் அறிந்து வைத்திருப்பார்கள். இப்படி மாணவர்கள் குறித்து வைத்திருக்கும் முக்கிய இணையதளங்களின் பட்டியலில், தனிப்பிரிவிட்டு இண்டெர்ன்சாலா, லெட்ஸிண்டெர்ன், ஹலோஇண்டெர்ன் போன்ற இணையதளங்களையும் சேர்த்துக்கொள்ள வேண்டும். இவை எல்லாமே பயிற்சி நிலை பணிகளை பெறுவதற்கு வழிகாட்டும் இணையதளங்கள். எனவே மாணவர்களுக்கு முக்கியமானவை.

பயிற்சி நிலை என்பது ஆங்கிலத்தில் இண்டெர்ன்ஷிப் என்று குறிப்பிடப்படுகிறது. ஒரு நிறுவனத்தில் முழு நேர ஊழியராக பணிக்கு சேரும் முன், தங்கள் விரும்பும் துறை சார்ந்த ஏதேனும் ஒரு நிறுவனத்தில் பயிற்சியாளராக பணிக்கு சேர்ந்து முன் அனுபவம் பெற இந்த பயிற்சி நிலை பணி உதவுகிறது. பெரும்பாலும் கல்லூரியில் படித்துக்கொண்டிருக்கும் போதே இந்த பணியில் சேரலாம். கோடை விடுமுறை, குளிர்கால விடுமுறை போன்ற காலம் மிகவும் ஏற்றவை.

மாணவர்களுக்கும் சரி, நிறுவனங்களுக்கும் சரி இது மிகவும் ஏற்றது. மாணவர்களைப்பொருத்தவரை வர்த்தக நிறுவனத்தில் பணிக்கு சேர்வதற்கு முன்பே துறை சார்ந்த அனுபவம் பெறுவதற்கான வாய்ப்பாக பயிற்சி நிலைப்பணி அமைகிறது. தங்கள் ஆர்வத்தை பட்டைத்தீட்டிக்கொள்ளவும், துறை சார்ந்த செயல்பாடுகளை நேரடியாக அறிமுகம் செய்து கொள்ளவும் இந்த அனுபவம் கைகொடுக்கும். பயிற்சி நிலை பணிக்குப்பிறகு அவர்கள் மேலும் நம்பிக்கையிடன் வேலை வாய்ப்பை தேடலாம். தாங்கள் பயிற்சியாளராக பணியாற்றிய நிறுவனத்திலேயே முழு நேர ஊழியராக பணிக்கு சேரும் வாய்ப்பு இருப்பதோடு, வேறு நிறுவனத்திற்கு வேலைக்கு விண்ணப்பித்து நேர்க்காணலுக்கு செல்லும் போது பயிற்சி நிலை பணி அனுபவம் சாதகமான அம்சமாக கருதப்படும்.

அதோடு படித்துக்கொண்டிருக்கும் காலத்திலேயே மாணவர்கள் தங்களுக்கான துறையை தேர்வு செய்யவும் இந்த அனுபவம் வழிகாட்டும். இந்த காலத்திற்கு ஊக்கத்தொகையாக ஊதியமும் வழங்கப்படும்.

வர்த்தக நிறுவனங்களைப்பொருத்தவரை எதிர்கால திறமைகளை கண்டறிய, மாணவர்களை பயிற்சியாளராக பணிக்கு அமர்த்திக்கொள்வது சிறந்த வழியாகும். அதிலும் தற்போது தகவல் தொழில்நுட்பம், பொறியியல் என எல்லாத்துறைகளிலும் பட்டம் பெற்று வரும் மாணவர்களின் பணி தயார் தன்மை அல்லது திறன் பயிற்சி ஏமாற்றம் அளிக்கும் வகையில் இருப்பதாக கருதப்படுகிறது. தொழில்துறைக்கு என்ன தேவையோ அவை வகுப்பறைகளில் கற்றுத்தரப்படுவதில்லை, வகுப்பறைகளில் கற்றுத்தரப்படுபவை தொழில்துறைக்கு தேவைப்படுவதில்லை” என சொல்லும் வகையில் நிலைமை உள்ளது. இந்த சூழலில் இளம் பட்டதாரிகள் தொழில்துறைக்கு ஏற்றவர்களாக உருவாவதில் பயிற்சி நிலை பணிகள் பெருமளவு கைகொடுக்கின்றன.

கல்லூரி வளாகத்திற்கு வந்து முகாமிட்டு பிரகாசமான மாணவர்களை கொத்திக்கொண்டு போவது ஒரு பக்கம் நடந்தாலும், இன்னொரு பக்கம் வர்த்தக நிறுவனங்கள் தகுதியான, திறன் பயிற்சி மிக்க மாணவர்களை தேடிக்கொண்டே இருக்கின்றன. அதே நேரத்தில் பெரும்பாலான மாணவர்கள் அடுத்தது என்ன எனும் கேள்விக்கு சரியான விடை தெரியாமல் அல்லாடிக்கொண்டிருக்கின்றனர். இந்த இரண்டு கேள்விக்கும் விடை தான் பயிற்சி நிலை பணி எனப்படும் இண்டெர்ஷிப்.

பட்டப்படிப்பில் இத்தனை மதிப்பெண் பெற்றேன் என மாணவர்கள் பெருமையாக கூறிக்கொள்வது போலவே, ஆறு மாதம் இந்த நிறுவனத்தில் பயிற்சி நில பணி செய்துள்ளேன் என கூறிக்கொள்ளலாம். நிறுவனங்களும் இந்த அம்சத்தை சாதகமாக கருதும்.

எல்லாம் சரி, பயிற்சி நிலை பணிகள் தொடர்பான தகவல்களை அறிவது எப்படி? இந்த கேள்விக்கு விடையாக தான் பயிற்சி நிலை பணி தளங்கள் அமைந்துள்ளன. இவை பயிற்சி நிலை பணி தகவல்களை பட்டியலிட்டு, மாணவர்கள் மற்றும் வர்த்தக நிறுவனங்களை இணைத்து வைக்கின்றன. மான்ஸ்டர்.காம். நவ்கரி.காம் போன்ற வேலைவாய்ப்பு தளங்களை நாடுவது போலவே மாணவர்கள் படித்துக்கொண்டிருக்கும் போதே இந்த தளங்களை பயன்படுத்திக்கொள்ளலாம்.

பயிற்சி நிலை பணிகளுக்கான தேடியந்திரம் போலவே இவை அமைந்திருக்கின்றன. பணிகளை தேடுவது தவிர, பயிற்சி நிலை பணி தொடர்பாக பயனுள்ள தகவல்களையும் சுவாரஸ்யமான முறையில் அளிக்கின்றன. இண்டெர்ன்சாலா .காம் இதற்கு அழகான உதாரணம். இந்த பிரிவில் முன்னிலை பெற்றும் விளங்குகிறது.

இந்த தளத்தில் பயிற்சி நிலை பணிகளை இரண்டு விதமாக தேடலாம். பயிற்சி நிலை பணிகள் நகரங்களை மையமாக கொண்டு வகைப்படுத்தப்பட்டுள்ளன. சென்னை, தில்லி, பெங்களூரு, மும்பை என பல்வேறு நகரங்களில் உள்ள நிறுவனங்களில் உள்ள வாய்ப்புகளை இந்த பகுதி மூலம் அறிந்து கொண்டு விண்ணப்பிக்கலாம். வீட்டில் இருந்து பணியாற்றக்கூடிய வாய்ப்புகள் மற்றும் சர்வதேச அளவிலான வாய்ப்புகளையும் இந்த பட்டியலில் காணலாம். இதே போல பொறியியல் ஊடகம், சட்டம், தன்னார்வ பணி என துறைகளின் அடிப்படையிலும் வாய்ப்புகள் பட்டியலிடப்பட்டுள்ளன. மாணவர்கள் தாங்கள் விரும்பும் நகரம் அல்லது துறையை தேர்வு செய்து அவற்றில் உள்ள வாய்ப்புகளில் பொருத்தமானவற்றை கண்டறியலாம்.

மாணவர்கள் தங்களுக்கு தேவையான அம்சங்களுக்கு ஏற்ப வாய்ப்புகளை தேடும் வாய்ப்பும் உள்ளது. பொருத்தமான வாய்ப்பை கண்டறிந்ததும் இந்த தளத்தில் இருந்தே விண்ணப்பிக்கலாம். பணி காலம், ஊக்க ஊதிய தொகை, பயிற்சியின் தன்மை உள்ளிட்ட விவரங்களை தெரிந்து கொண்டு விண்ணப்பிக்கலாம்.

இவைத்தவிர பல்வேறு துறைகளில் இந்த தளமே இணையம் மூலமான பயிற்சிகளையும் அளிக்கிறது. மேலும் பயிற்சி பணி வாய்ப்பு தொடர்பான வலைப்பதிவு மூலம் பயனுள்ள தகவல்களையும் அளிக்கிறது. பயிற்சி பணி பெறுவது எப்படி? பயிற்சி பணிக்கு விண்ணப்பிக்கும் வழிமுறைகள் என்ன? என்பது உள்ளிட்ட கேள்விகளுக்கான விரிவான பதிலை இந்த கட்டுரைகள் அளிக்கின்றன.

சர்வேஷ் அகர்வால் எனும் ஐஐடி பட்டதாரி இந்த தளத்தை நிறுவி நடத்தி வருகிறார். ராஜஸ்தானைச் சேர்ந்தவரான அகர்வால், சென்னை ஐஐடியில் பட்டம் பெற்றவர் என்பது குறிப்பிடத்தக்கது. பட்டப்படிப்பை முடித்தப்பிறகு வெளிநாட்டில் சில ஆண்டுகள் பணியாற்றிக்கொண்டிருந்தார். அப்போது, ஐஐடி பட்டதாரிகள் பலர் தொழில்முனைவோர்களாக ஸ்டார்ட் அப் துறையில் கலக்கி கொண்டிருப்பதை கேள்விப்பட்டு வியந்து நின்றார்.

தொழில்முனைவு ஆர்வத்தோடு மும்பை வந்தவர் வங்கி ஒன்றில் பணிக்கு சேர்ந்தார். புதிய நிறுவனங்களுக்கான பல யோசனைகளை பரிசீலித்துக்கொண்டிருந்தவர் நண்பர்களுடன் இணைந்து செயல்பட்டார். இந்த காலட்டத்தில் தான் நண்பர் ஒருவர் வெளிநாட்டு படிப்பு முடித்த நண்பர் ஒருவர் இந்தியாவில் பயிற்சி நிலை பணி பெற விரும்பிய போது சரியான வாய்ப்பு கிடைக்காமல் அல்லாடிக்கொண்டிருப்பதை பார்த்தார். அப்போது தான் அவருக்கு பயிற்சி நிலை பணிக்கான தகவல்களை திரட்டித்தரும் எண்ணம் உண்டானது. முதல் கட்டமாக சாதாரண வலைப்பதிவு ஒன்றை துவங்கி தனக்கு கிடைத்த பயிற்சி நிலை பணிகளை பகிர்ந்து கொண்டார். இந்த வலைப்பதிவுக்கு மாணவர்கள் மத்தியில் நல்ல வரவேற்பு கிடைத்தது. நிறுவனங்களும் இந்த சேவையை விரும்பின. இதன் பயனாக ஒரு கட்டத்தில் தனது வேலையை விட்டுவிட்டு தனது வலைப்பதிவை முழுவீச்சிலான இணையதளமாக மாற்றினார். இப்படித்துவங்கிய இண்டெர்சாலா தான் இன்று முன்னணி சேவையாக வளர்ச்சி அடைந்துள்ளது. பயிற்சி நிலை பணிகள் பெற உதவும் இந்த தளம் ஆரம்ப கட்டத்தில், இத்தகைய பயிற்சி நிலை பணியாளர்களை கொண்டே வளர்ந்தது என்பது தான் கவனிக்க வேண்டிய விஷயம்.

இந்த பிரிவில் முன்னணியில் இருக்கும் மற்றொரு சேவை லெட்ஸிண்டெர்ன். இந்த தளமும் பயிற்சி பணி வாய்ப்புகளுக்கான தேடியந்திரம் போலவே விளங்குகிறது. எந்த வகை பயிற்சி பணி தேவை என இதில் உள்ள முகப்பு கட்டத்தில் குறிச்சொல் மூலம் தேடலாம். இவைத்தவிர பயிற்சி பணி வாய்ப்புகள் தனியே பட்டியலிடப்பட்டுள்ளன. நிறுவன வாய்ப்புகளும் பட்டியலிடப்பட்டுள்ளன. மாணவர்கள் தங்கள் பேஸ்புக் கணக்கு மூலம் இதில் பதிவு செய்து கொள்ளலாம். நிறுவனங்கள் தங்கள் வசம் உள்ள பயிற்சி நிலை வாய்ப்புகளை இந்த தளத்தில் பட்டியலிடலாம்.

நகரம் மற்றும் துறை சார்ந்த வாய்ப்புகளை தேட முடிவதோடு, மாணவர்கள் தங்கள் திறன் சார்ந்த வாய்ப்புகளையும் தேடலாம். திறன் பயிற்சிகளுக்கான பாடத்திட்டம் தொடர்பான தகவல்களையும் அளிக்கிறது. மாணவர்களுக்கு வழிகாட்டக்கூடிய கட்டுரைகளை வலைப்பதிவு மூலமாகவும் அளிக்கிறது.

ஹலோஇண்டெர்ன் , மேக்ன் இண்டெர்ன், டுவண்டி19.காம், இந்தியன் இண்டெர்ன்ஷிப் உள்ளிட்ட இணையதளங்களும் இதே போன்ற சேவையை அளித்து வருகின்றன.

 

  • வணிகமணி இதழில் எழுதும் இனி எல்லாம் இணையமே தொடரில் எழுதியது.

மாணவர்களுக்கான சிறப்பு தேடியந்திரங்கள்!

இணையத்தில் தேடல் என்றவுடன் கூகிள் தான் பெரும்பாலனோருக்கு நினைவுக்கு வரும். அந்த அளவுக்கு கூகுள் தேடியந்திரம் பிரபலமாக இருக்கிறது. ஆனால் கூகிள் தவிர வேறு நல்ல தேடியந்திரங்களும் இணையத்தில் இருப்பது உங்களுக்குத்தெரியுமா? அதைவிட முக்கியமாக உங்களைப்போன்ற மாணவர்களுக்காக என்றே சிறப்பு தேடியந்திரங்கள் இருப்பது உங்களுக்குத்தெரியுமா? அப்படியா என்று ஆர்வத்துடம் கேட்கத்தோன்றுகிறாதா?

முதலில் ஸ்வீட்சர்ச்.காம் (http://www.sweetsearch.com/ ) தேடியந்திரத்தை பார்க்கலாம். ஸ்வீட்சர்ச் தன்னை மாணவர்களுக்கான தேடியந்திரம் என்று வர்ணித்துக்கொள்கிறது. இந்த தேடியந்திரத்தில் என்ன சிறப்புத்தெரியுமா? இது கூகிள் போல கோடிக்கணக்கான இணையதளங்களில் தேடாமல் மாணவர்களுக்கு ஏற்றது என தேர்ந்தெடுக்கப்பட்ட 35,000 இணையதளங்களில் இருந்து மட்டுமே தேடல் முடிவுகளை பட்டியலிடுகிறது. ஆக, இதன் தேடல் முடிவுகள் பாதுகாப்பாகவும் இருக்கும் பயனுள்ளதாகவும் இருக்கும். ஏனெனில் இந்த‌த‌ள‌ங்கள் எல்லாமே ஆசிரிய‌ர்க‌ள்,கல்வியாளர்கள்,நூல‌க‌ர்க‌ள் போன்ற‌வ‌ர்க‌ளால் கவனமாக தேர்ந்த்டுக்கப்பட்டு அவற்றில் உள்ள தகவல்கள் ச‌ரிபார்க்க‌ப்ப‌ட்டவை. பொதுவாக‌க‌ல்வி அமைப்புக‌ளின் இணைய‌த‌ள‌ங்க‌ள் தேடிய‌ந்திர‌ங்கள் கண்ணில் படும் வகையில் தகவல்களை வடிவமைக்கவேண்டும் என்பதில் கவன‌ம் செலுத்துப‌வையாக‌இல்லாதாதால் அவ‌ற்றில் உள்ள‌விவ‌ர‌ங்க‌ள் தேட‌ல் ப‌க்க‌த்தில் இட‌ம்பெறாம‌லேயே போக‌லாம்.ஆனால் ஸ்வீட்ச‌ர்ச் க‌ல்வி நிறுவ‌ன‌த‌ள‌ங்களில் உள்ள‌த‌க‌வ‌ல்களை அழ‌காக‌தேடி எடுத்து ப‌ட்டிய‌லிடுகிற‌து.

அதும‌ட்டும் அல்ல‌தொட‌ர்ந்து இந்த‌நிபுண‌ர் குழு இணைய‌த‌ள‌ங்க‌ளை தொடர்ந்து ப‌ரிசில‌த்த‌வ‌ண்ண‌ம் இருந்து பொருத்த‌மான‌இணைய‌த‌ள‌ங்க‌ளை ம‌ட்டுமே தேட‌லுக்கு சேர்த்துக்கொள்கிற‌து. மேலும் முடிவுகளை அலசி ஆராய்ந்து அவற்றை தொடர்ந்து பட்டை தீட்டிக்கொண்டே இருக்கிறது.
மாண‌வ‌ர்க‌ளை பொருத்த‌வ‌ரை இந்த‌தேடிய‌ந்திர‌ம் மிக‌வும் ப‌ய‌னுள்ள‌தாக‌இருக்கும்.தேட‌ல் முடிவுக‌ளில் பொருத்த‌மான‌தையும் ந‌ம்ப‌க‌மான‌தையும் தேடிக்க‌ண்டுபிடிக்க‌அல்லாடாம‌ல் எடுத்த‌எடுப்பிலேயே தேவையான‌முடிவுகளை இதன் மூல‌ம் பெற‌லாம்.

இணைய‌உல‌கில் கூகுல் விள‌ம்ப‌ர‌ங்க‌ளை பெறுவ‌த‌ற்காக‌என்றே புத்திசாலித்த‌ன‌மாக‌உருவாக்க‌ப்ப‌ட்ட‌இணைய‌த‌ள‌ங்க‌ள் ப‌ல‌இருக்கின்ற‌ன‌. இவ‌ற்றில் உள்ள‌விவ‌ர‌ங்க‌ள் பெரும்பாலும் ப‌ய‌ன‌ற்ற‌வையாக‌இருக்கும். ஸ்வீட்ச‌ர்ச் இந்த இணைய ப‌த‌ர்க‌ளை எல்லாம் த‌விர்த்துவிடுகிற‌து. என‌வே மாண‌வ‌ச‌மூக‌த்திற்கு மிக‌வும் ப‌ய‌னுள்ள‌தாக‌இருக்கும்.

ஸ்வீட்ச‌ர்ச்சில் இன்னும் சில‌அற்புத‌ங்க‌ள் இருக்கின்ற‌ன‌.அத‌ன் தேட‌ல் ப‌க்க‌த்த‌ல் இட‌து ப‌குதியில் யோலிங்க் என்று ஒரு கட்ட‌ம் தோன்றும்.அதில் ஏதாவ‌து ஒரு குறிச்சொல்லை அடித்தால் முடிவுகளின் பொருத்த‌மான‌த‌ன்மையை அல‌சி ஆராய்ந்து அத‌ற்கேற்ற‌முடிவுக‌ள் வ‌டிக்க‌ட்ட‌ப்ப‌டும்.இந்த‌முடிவுக‌ளை பேஸ்புக் அல்ல‌து டிவிட்ட‌ர் வ‌ழியே ப‌கிர்ந்தும் கொள்ள‌லாம்.

இந்த‌பிர‌தான‌தேட‌ல் வ‌ச‌தியை த‌விர‌இதில் சில‌உப‌தேடல்க‌ளும் உண்டு.ஸ்வீட்ச‌ர்ச்மீ என்ற‌ப‌குதியை இள‌ம் மாண‌வ‌ர்க‌ள் த‌ங்களுக்கான‌தாக‌வ‌டிவ‌மைத்துக்கொள்லாம். இதே போல‌ஆசிரிய‌ர்க‌ள் ம‌ற்றும் நூல‌க‌ர்க‌ளுக்கான‌த‌னித்த‌னி ப‌குதிக‌ளும் இருக்கின்ற‌ன‌.
இவ‌ற்றை எல்லாம் விட‌சூப்ப‌ரான‌து தின‌ம் ஒரு தகவல் ப‌குதியும்,சுய‌ச‌ரிதைக்கான‌ப‌குதியும் தான் .தின‌ம் ஒரு த‌க‌வ‌ல் ப‌குதியில் தின‌ந்தோறும் ஏத‌வாது புதிதாக‌க‌ற்றுக்கொள்ள‌லாம்.இன்றைய‌வார்த்தை,இன்றைய‌பொன்மொழி,இன்றைய‌பேட்டி,இன்றைய கவிதை,என‌ஏக‌ப்ப‌ட்ட‌விஷ‌ய‌ங்க‌ள் இருக்கின்ற‌ன.

சுய‌ச‌ரிதை ப‌குதியில் சுய‌ச‌ரிதை எழுதுவ‌த‌ற்கான‌குறிப்புக‌ளோடு,தின‌ம் ஒரு சுயசரிதைக‌ளின் தொகுப்பு பிற‌ந்த‌நாள் காண்ப‌வ‌ர்க‌ள் என‌நிறைய‌விஷ‌ய‌ங்க‌ள் இட‌ம்பெறுகின்ற‌ன‌.ஆர்வ‌ம் உள்ள‌வ‌ர்க‌ள் மணிக்க‌ன‌க்கில் பொழுதை க‌ழிக்க‌லாம். டல்சினியா மீடியா எனும் நிறுவனம் இந்த தேடியந்திரத்தை நடத்தி வருகிறது. அடிப்படையில் கூகிள் சேவையை தான் பயன்படுத்துகிறது என்றாலும் வல்லுனர்கள் மற்றும் கல்வியாளர்கள் துணையுடன் கவனமாக தேர்வு செய்து பாதுகாப்பான தளங்களில் உள்ள முடிவுகளை மட்டுமே வழங்குகிறது. கட்டாயம் இந்த தேடியந்திரத்தை புக்மார்க் செய்து கொள்ளுங்கள். தகவல் சேகரிப்பிலும் ,வீட்டுப்பாடத்திற்கான ஆய்விலும் உதவியாக இருக்கும்.

இதே போலவே இன்போடோபியாவும் (http://www.infotopia.info/ ) மாணவர்களுக்கான தேடியந்திரம் தான். ஸ்வீட்சர்ச் போலவே இதுவும் வல்லுனர்களால் தேர்வு செய்யப்பட்ட இணையதளங்களில் இருந்து மட்டும் முடிவுகளை தேடித்தருகிறது. இதுவும் அடிப்படையில் கூகிள் தேடல் வசதியை தான் பயன்படுத்துகிறது.
இந்த தேடியந்திரத்தின் முகப்பு பக்கத்தில் மேலே அறிவியல்,இலக்கியம், கணிடம், செய்தி, சுயசரிதை போன்ற தலைப்புகளை பார்க்கலாம். அவற்றில் எதை கிளிக் செய்தாலும் அந்த தலைப்பில் மேற்கொண்டு தகவல்களை தெரிந்து கொள்வதற்கான இணைப்புகள் இருக்கின்றன. ஆக, இதை ஒரு களஞ்சியம் போலவும் பயன்படுத்தலாம்.
மாணவர்களுக்கான இன்னொரு தேடியந்திரம் ஐசீக் (http://www.iseek.com/iseek/home.page ) .இந்த தேடியந்திரத்தில் கேள்வியாகவும் கேட்கலாம் அல்லது வழக்கமான முறையில் தொடர்புடைய கீவேர்டை டைப் செய்தும் தேடலாம். எடுத்த எடுப்பிலேயே தேடும் சொல்லுக்கான விளக்கததை வழங்கிவிட்டு, தொடர்புடைய சொற்களையும் சுட்டிக்காட்டி , தேடல் முடிவுகளை பட்டியலிடுகிறது. கல்வி சார்ந்த இணையதளங்களை மட்டுமே இந்த பட்டியலில் பார்க்கலாம். வலது பக்கத்தில் தேடலை எப்படி எல்லாம் விரிவுபடுத்திக்கொள்ளலாம் என்பதற்கான குறிப்புகளும் கொடுக்கப்பட்டுள்ளன. கூகிள் போல லட்சகணக்கில் எல்லாம் முடிவுகள் வந்து நிற்காமல் தேவையான முடிவுகள் மட்டுமே இடம்பெறுகின்றன. தேடலை கல்வி சார்ந்த்தாக அல்லது இணையம் சார்ந்த்தாக தேர்வு செய்து கொள்ளும் வசதியும் இருக்கிறது. ஆய்வு நோக்கில் மிகவும் பயனுள்ளதாக இருக்கும்.
இதே போலவே ஸ்டடி நேவிகேடர் ( http://www.studynavigator.com/) தேடியந்திரம் கல்வி சார்ந்த இணையதளங்களில் தேட உதவுகிறது. தேடும் தகவல்கள் களஞ்சியங்களில் இருந்து வேண்டுமா? அகராதிகளில் இருந்து தேவையா? என தீர்மானித்துக்கொள்ளலாம். தகவல்கள் மற்றும் மேற்கோள்களையும் குறிப்பிட்டு தேடலாம்.

இணையத்தில் உலாவும் போது எச்சரிக்கையாக இருக்க வேண்டும் என்று வலியுறுத்தப்படுவதை நீங்கள் அறிந்திருக்கலாம். அந்த வகையில் இணையத்தில் பாதுகாப்பாக தேட இந்த தேடியந்திரங்கள் உதவியாக இருக்கும்

—-
சுட்டி விகடனில் எழுதியது. நன்றி சுட்டி விகடன்-
—–

தேடியந்திரங்களில் பலரும் அறிந்த கூகிள் தவிர எண்ணற்ற தேடியந்திரங்கள் இருக்கின்றன. கணித சமன்பாடுகளுக்கான பிரத்யேக தேடியந்திரம் போன்றவையும் உண்டு. இவை பற்றி அறியும் ஆர்வமும் தேவையும் இருக்கிறதா? என தெரிவிக்கவ்உம்

அன்புடன் சிம்மன்

மின்னல் அட்டைகள் உங்களுக்கு தெரியுமா?

flஉங்களுக்கு மின்னல் அட்டைகள் பற்றித் தெரியுமா? அதென்ன மின்னல் அட்டைகள், புதிதாக இருக்கிறதே என்று நினைக்கிறீர்களா? ஆங்கிலத்தில் பிளாஷ் கார்ட்ஸ் என்று குறிப்பிடப்படும் மின்னல் அட்டைகளை வாசிப்புத்தோழன் என்று சொல்லலாம். தேர்வுக்கு தயாராகி கொண்டிருக்கும் போது சரி , புதிதாக ஒரு விஷயத்தை கற்றுக்கொள்ள முயற்சிக்கும் போது சரி, நீங்கள் படித்ததை நினைவில் வைத்துக்கொள்ள உதவும் அட்டைகளை தான் பிளாஷ் கார்ட்ஸ் அதாவது மின்னல் அட்டைகள் என்று சொல்கின்றனர்.

மின்னல் அட்டைகள் என்பவை சின்ன அட்டைகள் தான். இந்த  அட்டைகளில் படித்தவற்றில் நினைவில் கொள்ள வேண்டிய விஷயங்களை குறித்து வைத்துக்கொண்டு தேவைப்படும் போது பார்த்துக்கொள்ளலாம்.

ஆங்கில பாடம் என்றால் கடினமான சொற்களுக்கான அர்த்தம், அறிவியல் பாடம் என்றால் சம்பாடுகள் , கணிதம் என்றால் சூத்திரங்கள் ஆகியவற்றை இப்படி அட்டைகளில் எழுதி வைத்துக்கொள்ளலாம். வரலாறு பாடத்தில் முக்கிய நிகழ்வுகளின் வருடங்களை எழுதி வைத்துக்கொள்ளலாம். இந்த அட்டைகள் எளிமையான ஐடியா தான். ஆனால் படித்தவற்றை நினைவில் கொள்ள இவை சிறந்த வழி என்று நினைவாற்றல் நிபுணர்கள் சொல்கின்றனர்.

உங்களுக்கேத்தெரியும் படித்தால் மட்டும் போதாது. படித்தவை நினைவில் இருக்க வேண்டும். இல்லை என்றால்  தேர்வு அறையில் அமர்ந்திருக்கும் போது குழம்பி விடுவோம். ஆக, படித்தவற்றை மறக்காமல் இருக்க அவற்றை அவ்வப்போது நினைவு படுத்திப்பார்க்க வேண்டும். இதற்கான எளிய வழி தான் , நினைவில் நிற்க வேண்டியவற்றை அட்டைகளில் எழுதி வைத்துக்கொள்வது.

மின்னல் அட்டைகளின் பின்னே, இடைவெளி விட்டு தொடந்து நினைத்து பார்க்கும் உத்தி இருப்பதாக சொல்கின்றனர். அதாவது ஒரு விஷயத்தை கொஞ்சம் இடைவெளி விட்டு மீண்டும் மீண்டும் நினைவுபடுத்தி பார்ப்பது. உட்கார்ந்து மணிக்கணக்கில் மனனம் செய்து கொண்டிருப்பதை விட , இப்படி அழகாக அட்டைகளில் எழுதி வைத்துக்கொண்டு படித்து பார்ப்பதன் மூலம் படித்த விஷயங்கள் காலத்துக்கும் நினைவில் நிற்கும் என்றும் ஊக்கம் தருகின்றனர்.

அட, நன்றாக இருக்கிறதே நாமும் கூட மின்னல் அட்டைகளை பயன்படுத்திப்பார்க்கலாம் என்று நினைக்கிறீர்களா? மின்னல் அட்டைகளை தேடி எங்கும் போக வேண்டாம். இணையத்திலேயே தேவையான மின்னல் அட்டைகளை எளிதில் உருவாக்கி கொள்ளலாம். இதற்கு உதவும் அட்டகாசமான இணையதளங்களில் சிலவற்றை பார்ப்போம்.

முதலில் கார்ட்விக்கி.காம் (http://cardkiwi.com/ ) .மின்னல் அட்டை உருவாக்க உதவும் இணையதளங்களில் இது தான் மிகவும் எளிதானது. இந்த தளத்தை பயன்படுத்த முதலில் உறுப்பினராக பதிவு செய்து கொள்ள வேண்டும். அது எளிதானது தான். உறுப்பினரான பின், நீங்கள் படிக்க விரும்பும் தலைப்பு அல்லது பாடங்களில் இணைய அட்டைகளை உருவாக்கி கொள்ளலாம். அட்டைக்கான தலைப்பை கொடுத்து விட்டு , ஒரு பக்கத்தில் கேள்வி அல்லது குறிப்பை எழுது விட்டு மறு பக்கத்தில் அதற்கான பதிலை எழுத வேண்டும். இப்படி வரிசையாக எத்தனை கார்டுகளை வேண்டுமானாலும் உருவாக்கி கொள்ளலாம். இந்த கார்டுகளை கொஞ்சம் இடைவெளி விட்டு கிளிக் செய்து பார்த்து ,குறித்து வைத்தவை நினைவில் இருக்கிறதா என்று பார்க்க வேண்டும். எவ்வளவு கடினமான விஷயமாக இருந்தாலும் இப்படி அட்டைகள் மூலம் பார்க்கும் போது தானாக மனதில் பதிந்து விடும் என்கின்றனர். நீங்களே பயன்படுத்திப்பாருங்கள் தெரியும்!

மின்னல் அட்டைகளை பயன்படுத்தும் முறைப்பற்றி இந்த தளத்திலேயே அழகான வீடியோ விளக்கமும் இருக்கிறது. இந்த தளத்தில் கூடுதல் விஷேசம் என்ன என்றால் , நீங

my_teacher_my_hero

ஆசிரியர்களை கொண்டாடுவோம்… அழைக்கும் இணையதளம்!

உமா மகேஸ்வரி கொலை – ஆசிரியர் சமூகத்தையே கொஞ்சம் ஆடிப்போக வைத்தது.

இதுவரை மாணவர்கள்தான் ஆசிரியர்களை நினைத்து பயந்திருக்கின்றனர். ஆனால், மாணவனின் பழி வாங்கும் வெறிக்கு உமா மகேஸ்வரி பலியான சம்பவத்தை அடுத்து ஆசிரியர்களுக்கு மாணவர்கள் பற்றிய பயம் ஏற்பட்டிருப்பதை மறுக்க முடியாது.

மாணவர்களை வழிக்கு கொண்டுவர என்ன செய்யலாம் என்ன செய்யக்கூடாது என்னும் தடுமாற்றம் ஆசிரியர்களை ஆட்டிப்படைக்க துவங்கியிருக்கிறது. நல்வழிப்படுத்த கண்டிக்கலாமா அல்லது நமக்கேன் வம்பு என விட்டுவிடலாமா என்றெல்லாம் யோசிக்கும் நிலைக்கு ஆசிரியர்கள் தள்ளப்பட்டுள்ளனர்.

நம்மூர் ஆசிரியர்களுக்கு ஏற்பட்டுள்ள இந்த பரிதாப நிலையின் பின்னணியில் அமெரிக்காவில் ஆசிரியர் சமூகத்துக்காக உருவாக்கப்பட்டுள்ள ‘டீச்சிங் சேனல்’ இணையதளத்தை பார்க்கும்போது பாராட்டக்கூடிய முயற்சியாகவே தோன்றுகிறது.

இத்தகைய இணையதளம் ஒன்று ஆசிரியர்களுக்கு தேவை தான் என்றும் தோன்றுகிறது. பலியான ஆசிரியை உமா மகேஸ்வரியின் ஆத்மாவும் கூட இதனை ஆமோதிக்கும்.

‘டீச்சிங் சேனல்’ தளத்தை ஆசிரியர்களுக்கான ஆலோசனை தளம் என்று சொல்லலாம்.

ஒவ்வொரு ஆசிரியருக்கும் பாடம் நடத்துவதில் ஒரு முறையும் கல்வி கற்பிப்பதில் அவர்களுக்கு என்று ஒரு பார்வையும் இருக்கும் அல்லவா? அந்த பார்வையும் பாடம் நடத்தும் முறையையும் ஆசிரியர்கள் சக ஆசிரியர்கள் மத்தியில் பகிர்ந்து கொள்ள வழி செய்வது தான் இந்த தளத்தின் நோக்கம். அழகாக வீடியோ காட்சியாக இதனை பகிர்ந்து கொள்ளலாம்.

இப்படி பாடம் நடத்தும் முறையை பகிர்ந்து கொள்வதன் மூலமாக ஆசிரியர்கள் அதில் உள்ள குறை நிறை குறித்து கருத்துக்களை பகிர்ந்து கொள்ளலாம். சக ஆசிரியர்கள் இந்த குறிப்புகளை பார்த்து அதிலிருந்து தங்களுக்கு தேவையான குறிப்புகளை பெறுவதோடு தங்கள் கருத்தையும் பகிர்ந்து கொள்ளலாம்.

பாடம் நடத்தும் முறை மட்டும் அல்ல, மாணவர்களை கையாளும் முறை, சண்டித்தனம் செய்யும் மாணவர்களை எப்படி அணுகுவது, தண்டனையை எப்படி பயன்படுத்துவது போன்ற விஷயங்களையும் இந்த தளத்தில் பகிர்ந்து கொண்டு விவாதிக்கலாம்.

ஆசிரியர்கள் தங்கள் கற்பிக்கும் ஆற்றலை பட்டைத்தீட்டி கொள்ளவும் இதனை பயன்படுத்தி கொள்ளலாம். ஏதாவது பிரச்னை என்றால் சக ஆசிரியர்களிடம் பகிர்ந்து கொண்டு ஆலோசனை கேட்கவும் பயன்படுத்தி கொள்ளலாம்.

இப்போது யோசித்து பாருங்கள் நம்மூரிலும் கூட இது போன்ற இணையதளம் இருந்தால் ஆசிரியர்கள் உமா மகேஸ்வரி சம்பவத்திற்கு பிறகு ஏற்பட்டுள்ள தயக்கங்களையும் அச்சங்களையும் தனிப்பட்ட அனுபவங்களை சக ஆசிரியர்களோடு பகிர்ந்து கொள்ளலாம் தானே. இந்த கருத்து பரிமாற்றம் ஆசிரியர்களுக்கு சிக்கலான மாணவர்களை கையாள்வதற்கு பயனுள்ள குறிப்புகளை வழங்கக்கூடும்.அனுபவம் வாய்ந்த ஆசிரியர்கள் சொல்லும் குறிப்புகள் இளம் ஆசிரியர்களின் கண்களை திறந்து விடுவது போல அமையலாம்.

ஆசிரியர்களுக்கான பயிற்சி என்பது பணியில் சேருவதோடு முடிந்து விடக்கூடியதா என்ன? மாணவ‌ர்களுக்கு வழிகாட்டும் பொறுப்பில் இருப்பவர்கள் தங்கள் வழிமுறைகளை அப்டேட் செய்து கொண்டே இருக்க வேண்டும் அல்லவா?

அந்த வகையில் பார்த்தால் இந்த தளம் ஆசிரியர்கள் கருத்து பரிமாற்றத்தின் மூலம் தங்களை புதுப்பித்து கொண்டே இருக்க உதவுகிற‌து. பிர‌ச்னை என்று வரும் போது ஆசிரியர்கள் தங்களுக்குள்ளேயே அதனை பகிர்ந்து கொண்டு தீர்வு காணலாம்.ஒரு ஆசிரியர் எதிர் கொண்ட அனுபவமும் அதில் அவர் பெற்ற அனுபவமும் மற்ற ஆசிரியர்களுக்கு வழிகாட்ட செய்யும் தானே.

அதை தான் இந்தத் தளம் செய்ய முயற்சிக்கிறது.

இது ஆசிரியர்களுக்கான தளம் என்றால் இந்த தளத்தின் சகோதர இணையதளம் ஒன்றும் இருக்கிற‌து.

‘மை ஹீரோ மை டீச்சர்’ என்னும் அந்த தளம் மாணவர்கள் தங்களை பாதித்த ஆசிரியர்களை கொண்டாடி மகிழ வழி செய்கிறது. அதாவது ஒவ்வொருவரும் தாங்கள் பெரிதும் போற்றி ம‌திக்கும் ஆசிரியர்கள் பற்றிய அனுபவத்தை இந்த தளத்தில் வீடியோ வாக்குமூலமாக பகிர்ந்து கொள்ளலாம்.

பள்ளியிலோ அல்லது கல்லூரியிலோ முற்றிலும் புதிய பாதையை நோக்கி அறிவு கண்களை திறந்துவிட்ட ஆசிரியர்கள் பற்றிய அனுபவங்களை பகிர்ந்து கொள்ளலாம். இதன் மூலம் நல்வழிப்படுத்திய ஆசிரியர்களுக்கு நன்றி தெரிவித்து கொள்வதோடு இனி வர உள்ள ஆசிரியர்களுக்கும் ஊக்கத்தை அளிக்கலாம்.

சமூகத்துக்கே முன்னுதாரணமாக விளங்கும் மகத்தான ஆசிரியர்களை அடையாளம் காண்பதற்கான இருப்பிடமாகவும் இந்த தளம் விள‌ங்குகிற‌து.

ஆசிரியர்களின் அருமையை மாணவர்கள் புரிந்து கொள்ளவும் இந்த தளம் வழி செய்கிற‌து.

இணையதள முகவரிகள்:

https://www.teachingchannel.org/

http://myteachermyhero.com/

————-

யூத்பூல் விகடன் குட் வெப்சைட் பகுதியில் வெளீயானது.நன்றி விகடன்

seriousman_uncertainty

திரைப்படங்களில் கணித காட்சிகள்.

கோலிவுட் படங்களை விட ஹாலிவுட் படங்கள் அறிவுப்பூர்வமானவை தெரியுமா?என்று கேட்க வைக்கிறது ஆலிவர் நில்லின் இணையதளம்.

ஆலிவர் உருவாக்கியுள்ள இணையதளம் கோலிவுட் ப‌டங்களை பற்றி எதையும் சொல்லவில்லை,ஹாலிவுட் படங்களோடு அவற்றை ஒப்பிடவும் செய்யவில்லை.ஆனால் அவரது இணையதளம் ஹாலிவுட் படங்களை பாராட்ட வைக்கும்.

காரணம் கணிதப்பிரியரான ஆலிவர் உருவாக்கியுள்ள அந்த தளம் ஹாலிவுட் படங்களில் இடம் பெற்ற கணிதம் தொட‌ர்பான காட்சிகளை எல்லாம் பட்டியலிடுகிறது.அதை பார்க்கும் போது ஹாலிவுட படங்களின் காட்சிகளில் கணிதம் பயன்படுத்தப்பட்ட விதம் பாராட்டும் படி இருக்கிறது.

அமெரிக்காவின் புகழ்பெற்ற ஹார்வெர்டு பல்கலையின் கணித பேராசிரியரான ஆலிவர் மேத்தமேடிக்ஸ் இன் முவிஸ் என்னும் தலைப்பிலான அந்த தளத்தில் ஹாலிவுட் தளத்தில் வந்துள்ள கணித‌ம் தொட‌ர்பான காட்சிகள் தொகுக்கப்பட்டுள்ளன.

திரைப்படங்களில் கணிதம் வரும் காட்சிகளின் தொகுப்பு என்ற அறிமுகத்தோடு அந்த காட்சிகள் பட்டியலிடப்ப‌ட்டுள்ளன.

மிக அழகாக ,திரைப்படத்தின் கணித காட்சியின் புகைப்படத்தோடு அந்த குறிப்பிட்ட காட்சிக்கான இணைப்பும் அளிக்கப்பட்டுள்ளது.அதிலேயே அந்த காட்சியில் இடம் பெறும் கணிதத்திற்கான குறிப்பும் இடம் பெறுகிறது.

மேலோட்டமாக ஒரு பார்வை பார்க்கும் போதே எத்தனை ஹாலிவுட் படங்களில் கணித காட்சிகள் இடம் பெற்றுள்ளன என்ற‌ விவரம் வியக்க வைக்கிறது.

குறிப்பிட்ட காட்சிகளை படிக்கும் போது அவற்றின் ஆழம் இன்னும் வியக்க வைக்கிற‌து.கனிதம் சார்ந்த படங்கள் வந்திருப்பதையும் உண‌ர முடிகிறது.

கணிதத்தில் ஆர்வம் கொண்டவர்கள் பார்த்தால் சொக்கிப்போய் விடுவார்கள்.

இணையத்தை எப்படி எல்லாம் பயன்படுத்தலாம் என்பதற்கு இந்த தளம் அழகான உதாரணம்.திரைப்படம் சார்ந்த தகவல்களை அளிக்க எத்தனையோ இணையதளங்கள் இருகின்றன.

ஆனால் திரைப்படத்தை வெறும் பொழுதுபோக்கை விரும்பாமல் சீரியசான விஷய‌ங்களை எதிர்ப்பார்ப்பவர்களையும் கவரும் வகையில் திரைப்பட தகவல்களை இந்த தளம் தருகிற‌து.

திரைப்படங்களை வெறுப்பவர்கள் கூட இந்த தளத்தை பார்த்தால் ஹாலிவுட் படங்களை உயர்வாக நினைப்பார்கள்.அதே போல பெற்றோர்களும் கனிதத்தை கண்டு ஓடும் பிள்ளைகளுக்கு கணித ஆர்வத்தை உண்டாக்க இந்த தள‌த்தை பயன்படுத்தலாம்.

எல்லாவற்றுக்கும் மேல் கனிதம் சார்ந்த காட்சிகளை வைக்க இயக்குனர்களுக்கு இந்த தளம் உக்கமளிக்கலாம்.

சரி,நமது படங்களில் எத்தனை படங்களில் கணித காட்சிகளை காண முடியும்?

இணையதள முகவ‌ரி;http://www.math.harvard.edu/~knill/mathmovies/index.html