Tag Archives: twitter

டிவிட்டரில் இந்திய கேப்டன் டோனி

tதொழில்நுட்பத்தின் தாக்கம் நமக்கு எதிர்மறையாகாவே அறிமுகமாவது குறித்து எனக்கு எப்போதுமே வருத்தம் உண்டு.

இமெயிலின் அருமையை உணர்வதற்கு முன் இமெயில் மோசடி பற்றி தான் அதிகம் தெரிந்துகொண்டோம்.செல்போன் கொண்டு வ‌ந்துள்ள‌ மாற்ற‌ங்க‌ள் குறித்து எத‌தனையோ ந‌ல்ல‌ விஷய‌ங்க‌ள் இருக்க‌ செல்போனில் ஆபாச‌ ப‌ட‌ம் எடுக்க‌ முடிவ‌து ப‌ற்றியே அதிக‌ம் செய்திக‌ள் வெளியாகின்ற‌ன‌.

பொதுவாக‌வே இண்டெர்நெட் ப‌ய‌ன்பாடு தொட‌ர்பாக‌ எதிர்ம‌றையான‌ செய்திக‌ளே பெரிய அளவில் வெளியாகின்றன.இண்டெர்நெட் அறிமுகமில்லாதவர்கள் இந்த செய்திகளை படிக்க நேர்ந்தால் இந்த தொழில்நுடபமே தீமையானது என நினைத்து விடுவார்கள்.

பேஸ்புக் ம‌ற்றும் டிவிட்ட‌ர் போன்ற‌ வ‌லை பின்ன‌ல் த‌ள‌ங்க‌ள் விஷ‌ய‌த்திலும் இதே நிலை தான் தொட‌ர்கிற‌து.இந்த‌ இர‌ண்டு த‌ள‌ங்க‌ளுமே த‌க‌வ‌ல் ப‌ரிமாற்ற‌த்திலும் தொட‌ர்புக‌ளை உருவாக்கி கொள்வ‌திலும் புதிய‌ எல்லைக‌ளை உண்டாக்கி வருகின்ற‌ன‌.இவை ப‌ய‌ன்ப‌டுத்த‌ப்ப‌டும் வித‌ம் குறித்து எழுத‌வும் விய‌க்க‌வும் எவ்வ‌ள‌வோ இருக்கின்ற‌ன‌.

ஆனால் பேஸ்புக் ப‌ற்றி ந‌ம‌க்கு கிடைக்கும் த‌க‌வ‌ல்க‌ள் எத்த‌கைய‌து தெரியுமா?ந‌டிக‌ர் த‌னுஷ் பெய‌ரில் பேஸ்புக் த‌ள‌த்தில் மோச‌டி என்ப‌து தான்.பிர‌ப‌ல‌ங்க‌ள் பெய‌ரில் பேஸ்புக் ப‌க்க‌த்தை அமைத்து செய‌ல்ப‌டுவ‌து என்ப‌து உல‌க‌லாவிய‌ நிக‌ழ்வாக‌வே இருக்கிற‌து.

பேஸ்புக் போன்ற‌ த‌ள‌ங்க‌ளின் அருமையை புரிந்து கொள்ளும் பிர‌ப‌ல‌ங்க‌ள் த‌ங்க‌ளுக்கான‌ ப‌க்க‌த்தை உருவாக்கி கொண்டு ர‌சிக‌ர்க‌ளோடு தொட‌ர்பு கொள்கின்ற‌னர்‌.ம‌ற்ற‌ பிர‌ப‌ல‌ங்க‌ள் இத்த‌கைய‌ தொழில்நுட்ப‌ங்க‌ளின் முக்கிய‌த்துவ‌தை உண‌ராம‌ல் இருந்துவிடுகின்ற‌ன‌ர்.அப்போது யாராவ‌து ர‌சிக‌ர்க‌ள் அல்ல‌து விஷ‌மிக‌ள் அவ‌ர்க‌ள் பெய‌ரில் பேஸ்புக் ப‌க்க‌த்தை அமைத்து விடுகின்ற‌ன‌ர்.

இதில் பெரிய‌ மோச‌டி எல்லாம் ந‌ட‌ந்துவிட‌வில்லை.ஒரு ஏமாற்று வேலையாக‌வே இத‌னை க‌ருத‌லாம்.

டிவிட்ட‌ரிலும் இதே போல‌ ந‌ட‌ந்து வ‌ருகிற‌து.பிர‌ப‌ல‌ங்க‌ள் பெய‌ரில் போலி முக‌வ‌ரிக‌ள் உருவாக்க்க‌ப்ப‌ட்டு அவ‌ர்க‌ளின் ப‌க்க‌ங்க‌ள் இய‌க்கப்ப‌ட்டு வ‌ருகின்ற‌ன‌.இத‌னை த‌டுப்ப‌த‌ற்காக‌வே டிவிட்ட‌ர் நிர்வாக‌ம் க‌ண‌க்கை ச‌ரிபார்க்கும் சேவையை அறிமுக‌ம் செய்துள்ள‌து.

இப்பொது இந்திய‌ கேப்ட‌ன் டோனி உள்ளிட்டோர் இந்த‌ நிலைக்கு ஆளாகியுள்ள‌ன‌ர் என்ற‌ செய்தியை பிடிஐ நிறுவ‌ன‌ம் வெளியிட்டுள்ள‌து.இந்த‌ க‌ண‌க்குக‌ளை பார்த்து ப‌ல‌ ர‌சிக‌ர்க‌ள் ஏமாந்து போயிருப்ப‌தாக‌வும் கூற‌ப்ப‌டுகிற‌து.

இங்கே நான் கூற‌ விரும்புவ‌து என்ன‌வென்றால் டோனி பெய‌ரில் மோச‌டி என‌ இத‌னை புரிந்து கொள்ள‌ முற்ப‌டுவ‌து த‌வ‌று என்ப‌தே.டிவிட்டர் சார்ந்த நிகழ்வுகளில் இது ஒரு சின்ன நிகழ்வு மட்டுமே.டிவிட்டரின் பரிமாணம் பலவிதமாக இருக்கும் போது டோனி பெயரில் மோசடி என்பது சரியான அறிமுகம் அல்ல.பிரபலங்கள் டிவிட்டர் பயன்பாடு பெரிய அளவில் பேசப்படும் போது இத்தகைய நிகழ்வுகளும் பெரிதுப்படுத்தப்படுவது இயல்பானது தான்.இருந்தாலும் கூட டோனி ஏமாற்றப்பட்டது போல இந்த செய்தி வெளியிடப்பட்டால் அது டிவிட்டருக்கான மோசமான அறிமுகமே.

உண்மையில் டிவிட்ட‌ரின் அருமையை புரிந்து கொள்ளாம‌ல் த‌ன்னுடைய‌ டிவிட்ட‌ர் ப‌க்க‌த்தை உரிய‌ நேர‌த்தில் உருவாக்க‌த்த‌வ‌றிய‌ இந்திய‌ கேப்ட‌னுக்கு இது ஒரு எச்ச‌ரிக்கை ம‌ணி என்றே க‌ருத‌ வேண்டும்.

டிவிட்ட‌ர் மூல‌ம் விளையாட்டு ந‌ட்ச‌த்திர‌ங்க‌ள் ர‌சிக‌ர்க‌ளை நேர்டியாக‌ தொட‌ர்பு கொள்ள‌லாம் எனும் போது அதை டோனி போன்ற‌ இந்திய‌ வீர‌ர்க‌ள் உண‌ராம‌ல் இருப்ப‌தே ஏமாற்ற‌ம்.

ஒரு கட்டிடம் டிவிட்டர் செய்கிற‌து

oleஅமெரிக்காவில் உள்ள‌ க‌ட்டிட‌ம் ஒன்று டிவிட்ட‌ர் செய்ய‌ துவ‌ங்கியுள்ள‌து தெரியுமா?

பிரபலங்களும் விளையாட்டு நட்சத்திரங்களும் டிவிட்டர் செய்து வருவது தெரிந்த விஷயம் தான். சாமன்யர்களும் கூட ஆர்வத்தோடு டிவிட்டர் மூலம் கருத்துக்க‌ளை பகிர்ந்து கொண்டு வருகின்றனர். ஆனாலும் கூட ஒரு கட்டிட்டம் டிவிட்டர் செய்வது என்பது ஆச்சர்யம் தானே.

மிசிசிபி பல்கலையில் உள்ள கட்டிடம் ஒன்று தான் இப்ப‌டி டிவிட்டர் கட்டிடமாகியிருக்கிறது.

ஆச்சர்யம் இருக்கட்டும் ஒரு க‌ட்டிட‌ம் எப்ப‌டி டிவிட்ட‌ர் செய்ய‌ முடியும் என ச‌ந்தேக‌ம் எழ‌லாம்.இதில் சில‌ சுவார‌சிய‌மான‌ ச‌ங்க‌திக‌ள் உள்ள‌ன‌.சிந்த‌னைக்குறிய‌ விஷ‌ய‌ங்க‌ளும் இருக்கின்ற‌ன‌.

மிசிசிபி ப‌ல்க‌லைக‌ழ‌க‌த்தின் ப‌சுமை செய‌ல்பாடுக‌ள் பிரிவு இந்த‌ முய‌ற்சியை மேற்கொண்டுள்ள‌து.ப‌ல்க‌லையில் உள்ள‌ நூல‌க‌ம் ,விளையாட்டு அர‌ங்க‌ம் ஆகிய‌ க‌ட்டிட‌ங்க‌ளுக்காக‌ டிவிட்ட‌ர் ப‌க்க‌ங்க‌ளை இந்த‌ பிரிவு அமைத்துள்ள‌து.

க‌ட்டிட‌ங்க‌ளுக்காக‌ டிவிட்ட‌ர் ப‌க்க‌ங்க‌ளை ஏற்ப‌டுத்துவ‌து ச‌ரி. ஆனால் கட்டிடத்தால் டிவிட்ட‌ர் ப‌க்க‌த்தை எப்ப‌டி இய‌க்க‌ இய‌லும்.மேலும் ஒரு க‌ட்டிட‌ம் என்ன‌ த‌க‌வ‌ல்க‌ளை ப‌கிர்ந்து கொண்டு விட முடியும்?

இந்த‌ க‌ட்டிட‌ங்க‌ளில் ஸ்மார்ட்மீட்ட‌ர்ஸ் என்னும் சாத‌ன‌ங்க‌ள் பொருத்த‌ப்ப‌ட்டுள்ள‌ன.அதாவது இங்குள்ள மின்சாதன கருவிகளில் இவை பொருத்தப்பட்டுள்ளன. இந்த‌ சாத‌ங்க‌ள் மின் சாத‌ன‌ க‌ருவிக‌ளுக்கு ‘ஐபி ‘முகவரி என்று சொல்லப்படும் த‌னி இண்டெர்நெட் அடையாள‌த்தை ஏற்ப‌டுத்தி த‌ர‌ வ‌ல்ல‌வை.மேலும் அவ‌ற்றின் ப‌ய‌ன்பாடு குறித்த‌ விவ‌ர‌ங்க‌ளையும் செல்போன் அல்லது வயர்லஸ் இணைப்பு மூலம் வெளியிட‌ வைக்க‌ கூடிய‌வை.

இந்த‌ த‌ன‌மையை கொண்டு மின்ச‌க்தி ப‌ய‌ன்பாடு ப‌ற்றிய‌ விவ‌ர‌ங்க‌ள் டிவிட்ட‌ர் மூல‌ம் தெரிவிக்க‌ப்ப‌டுகின்ற‌ன‌.அதாவ‌து விள‌க்குக‌ள் எப்போது அணைக்க‌ப்ப‌டுகின்ற‌ன‌, எதுவ‌ரை எரிகின்ற‌ன‌ போன்ற‌ த‌க‌வ‌ல‌க‌ள் இந்த‌ சாத‌ன‌ங்க‌ள் மூல‌மே டிவிட்ட‌ர் ப‌திவுக‌ளாக‌ வெளியாகின்ற‌ன‌.

மின்ச‌க்தி ப‌ய‌ன்பாடு ப‌ற்றிய‌ விழிப்புண‌ர்வை உண்டாக்க‌ இந்த‌ த‌க‌வ‌ல்க‌ள் ப‌ய‌ன‌ப‌டும் என்று க‌ருத‌ப்ப‌டுகிற‌து.மின்சக்தி முறையாக‌ ப‌ய‌ன்ப‌டுத்த‌ப்ப‌டுகிற‌தா,வீணாக்க‌ப்ப‌டுகிற‌தா போன‌ற‌ புரித‌லும் சாத்திய‌மாக‌லாம்.ப‌சுமை விழிழ்ப்புண‌ர்வு ஏற்ப‌ட்டு மின்ச‌க்தி ம‌ற்றும் எரிச‌க்தியை சிக்க‌ன‌மாக‌ ப‌ய‌ன்ப‌டுத்த‌ வேண்டும் என்று வ‌லியுறுத்த‌ப்ப‌டும் நிலையில் க‌ட்டிட‌ங்க‌ளே மின் ச‌க்தி ப‌ய‌ன்பாடு ப‌ற்றி டிவிட்ட‌ர் செய்வ‌து ப‌ய‌னுள்ள‌தாக‌ தானே இருக்கும்.

தினம் ஒரு டிவிட்டர் பதிவு

இந்த வலைப்பதிவின் வாசகர்கள் நான் டிவிட்டர் பற்றி தொடர்ந்து எழுதி வருவதை கவனித்திருக்கலாம்.

டிவிட்டரின் பயன்பாடுகள் வியப்பானதாகவும் புதுமையானதாகவும் இருப்பதாலும் ,அதன்பயன்பாட்டு எல்லை விரிவடைந்து வருவதாலும் டிவிட்டர் குறித்து எழுத நிறையவே உள்ளன.டிவிட்டரில் இலக்கியம் டிவிடரில் நாடகம் என டிவிட்டர் பலவித அவதாரங்களை எடுத்தின வருகிற‌து.டிவிட்ட சார்ந்த போராட்டங்களும் அரசியல் புரட்சிகளும் நடந்து வருகின்றன்.பிரபலங்களும் மக்கள் பிரதிநிதிகளும் டிவிட்டரில் இணைவது அதற்கு புதிய பரிமாணத்தை ஏற்படுத்தியுள்ளது.

எனவே தொடர்ந்து டிவிட்டர் பற்றி எழுத விரும்புகிறேன். அப்படியே டிவிட்டர் ப‌ற்றிய புத்தக‌மாக கொண்டுவர வேண்டும் என்று நினைக்கிறேன்.

ஆனால் தினமும் டிவிட்டர் பற்றி படிப்பதை எல்லோரும் விரும்ப்பாமல் போக‌லாம்.எனவே மற்ற பதிவுகளோடு தினமும் டிவிட்டர் பற்றிய கூடுதல் பதிவையும் எழுத திட்டமிட்டுள்ளேன்.என் பணி சூழலுக்கு ஏற்ப இயன்றவரை தினமும் என்பதை கடைபிடிக்க முயற்சிக்கிறேன்.

தினம் ஒரு டிவிட்டர் பதிவு என்னும் யோசனையை வழங்கியது இந்த‌ வலைப்பதிவின் வாசகராகவும், எனது வழிகாட்டியாகவும் விளங்கும் என் பத்திரிக்கையாள ந‌ண்ப‌ர் என‌ப‌தை இங்கே ந‌ன்றியோடு குறிப்பிட‌ விரும்புகிறேன்.

இத‌ன் துவ‌க்க‌மாக‌ டிவிட்ட‌ர் ப‌ற்றிய‌ அறிமுக‌ ப‌குதி ஒன்றையும் எழுதியுள்ளேன்.டிவிட்ட‌ர் என்றால் ச‌ரியாக‌ புரியாம‌ல் குழ‌ப்பம் அடைய‌க்கூடிய‌வ‌ர்க‌ளுக்காக‌ இந்த‌ ப‌திவு. அதோடு டிவிட்ட‌ரின் ப‌ய‌ன்பாட்டை புரிந்து கொள்ள‌வும் இது உத‌வும்.

டிவிட்டர் தொடர்பான தகவல்களை வாச்கர்களாகிய நீங்களும் பகிர்ந்து கொள்ளலாம்.டிவிட்டர் தொடர்பான கேள்விகள் மற்றும் சந்தேகங்களையும் கேட்காலாம்.நான் டிவிட்ட‌ர் நிபுண‌ர் இல்லை என்றாலும் இய‌ன்ற‌வ‌ரை தேடிப்பார்த்து ப‌தில‌ளிக்க‌ முய‌ல்வேன்.

‍ ……………..
அன்புடன்
சிம்ம‌ன்.

டிவிட்டர் சாதனையாளர்களும், தேவதைக‌ளும்

twஒரே நாளில் அதிக டிவீட்களை செய்தவர் என்னும் பட்டத்திற்கு உரிமை கொண்டாடும் சாதனையாளர்கள் வரும் காலத்தில் உருவாகலாம். அதாவது ஒரு நாளில் டிவிட்டர் மூலம் அதிக செய்திகளை பகிர்ந்து கொண்டவர். தொடர்ந்து அதிக நாட்கள் டிவிட்டரில் அதிக செய்திகளை வெளியிட்ட சாதனையாளர்களும் உருவாகலாம்.இந்த சாதனையை முறியடிக்க போட்டா போட்டி ஏற்படலாம். இந்தப் போட்டியில் முந்துவதற்காக விரைவாக டிவீட் செய்யும் உத்திகளும் குறுக்கு வழிகளும் கண்டுபிடிக்கப்படலாம். இதற்காகவே விசேஷ பயிற்சிகளும் அறிமுகமாகலாம். அதி விரைவாக டிவீட் செய்பவர்களை கண்டறிவதற்காக உலகலாவிய போட்டியும் நடத்தப்படலாம்.

.
அதிக டிவீட்களை செய்வது ஒன்றும் பெரிய விஷயமல்ல. அவற்றில் எத்தனை பயனுள்ளதாக இருக்கின்றன என்பதே முக்கியம் என்னும் விவாதமும் சூடு பிடிக்கலாம். ஒருநாள் முழுவதும் இடைவிடாமல் டிவிட்டர் செய்பவர்களும் உருவாகலாம். எது எப்படியோ, டிவிட்டரின் பயன்பாட்டில் புதுமைகளும், சாதனைகளும் தொடர்ந்து நிகழப் போகின்றன என்பது மட்டும் நிச்சயம்.
இப்படி உருவாக்கக் கூடிய டிவிட்டர் சாதனையாளர்களுக்கெல்லாம் முன்னோடி என்று அமெரிக்க பெண்மணி போனி ஸ்மால்லேவை (Bonney Smalley)குறிப்பிட வேண்டும்.

இவரை முதல் டிவிட்டர் தேவதை என்றும் சொல்லலாம். ஸ்மால்லே அப்படி என்ன சாதனையை செய்து விட்டார்?
அதிக டிவீட்களை வெளியிடுவதுதான் டிவிட்டரின் எவரெஸ்ட் என்றால் அந்த சிகரத்தை முதலில் ஏறி கடந்த டிவிட்டர் பயனாளி அவர்தான். ஆம், ஸ்மால்லே நாளொன்றுக்கு சராசரியாக 400 டிவீட்கள் மேல் செய்து ஒரே நாளில் அதிக டிவிட்டர் செய்தி வெளியிடுபவர் என்னும் பெருமையை பெற்றிருக்கிறார்.

இவர் டிவீட் செய்யும் வேகத்தை பார்த்து மிரண்டுப் போன டிவிட்டர் நிர்வாகம் இவரது டிவிட்டர் கணக்கை தற்காலிகமாக நிறுத்தி வைத்தது. ஆம், இந்த அளவுக்கு வேகமாகவும், சீராகவும் “டிவீட்’ செய்ய வேண்டும் என்றால் அதை செய்பவர் மனிதராக இருக்க முடியாது. இதற்காகவே உருவாக்கப்பட்ட சாப்ட்வேராக இருக்க வேண்டும் என சந்தேகித்து டிவிட்டர் நிர்வாகம் நடவடிக்கை எடுத்தது.

ஆனால் ஸ்மால்லே சாப்ட்வேர் அல்ல, அதி விரைவாக டிவீட் செய்யும் ஆற்றல் கொண்ட மனிதர் என்பதை தெரிய வந்த பின் இந்த நடவடிக்கை ரத்து செய்யப்பட்டது. இதனால் டிவிட்டர் கொஞ்சம் அசடு வழிய நேர்ந்தாலும், ஸ்மால்லேயின் விசேஷ ஆற்றலை இந்த சம்பவம் வெளிச்சத்திற்கு கொண்டு வந்தது.

நேரம் கிடைக்கும் போதெல்லாம்/ அல்லது பகிர்ந்து கொள்ளத் தோன்றும் போதெல்லாம் டிவீட் செய்யலாம். இப்படி ஒரு நாளுக்கு 10, 15 டிவீட் செய்யலாம். சில நாளில் 30,40 செய்யலாம்.ஆனால் நூற்றுக்கணக்கில் டிவீட் செய்வது சாத்தியமா என பலரையும் இந்த சம்பவம் ஸ்மால்லேவை நினைத்து வியக்க வைத்தது.

நாள் முழுவதும் டிவிட்டர் முன் அமர்ந்திருப்பதை வேலை என்றால் இது சாத்தியம்தான். அதாவது டிவீட் செய்வதே தொழிலாக வாய்த்தவர்கள் என்று பொருள்! ஆம், ஸ்மால்லே காம்காஸ்ட் நிறுவனத்தில் வாடிக்கையாளர் சேவை பிரிவில் பணியாற்றுகிறார். வாடிக்கையாளர்களின் புகார்களை/ கோரிக்கைகளை படித்து அவற்றுக்கு டிவிட்டர் மூலம் பதிலளிப்பதே அவரது வேலை.

இப்போதெல்லாம் வாடிக்கையாளர்கள் ரொம்ப விவரமாகி விட்டார்கள். நிறுவன தயாரிப்பு/சேவையில் திருப்தி இல்லை என்றால் அவர்கள் நண்பர்களிடம் புலம்பிக் கொண்டிருப்பதோ அல்லது நிறுவனத்திடம் முறையிட்டு பதிலுக்கு காத்திருப்பதோ இல்லை. உடனே டிவிட்டரில் தங்கள் மனக்குறையை தட்டி விட்டு விடுகின்றனர்.

சில நேரங்களில் இத்தகைய டிவிட்டர் செய்திகள் பற்றிக் கொள்ளலாம்.மேலும் பல வாடிக்கையாளர்கள் இதே போன்ற புகார்களை டிவிட்டர் செய்யும் பட்சத்தில் நிறுவனத்தின் நற்பெயர் பாதிக்கப்படலாம்.டிவிட்டரில் வெளியாகும் புகார்கள் செய்தி நிறுவனங்கள், நாளிதழ்கள் பார்வையில் பட்டு அவற்றால் ஊதி பெரிதாக்கப்பட்டால் பாதிப்புக்கு கேட்கவே வேண்டாம்.

இப்படி டிவிட்டர் மூலம் பகிர்ந்து கொள்ளப்பட்ட புகார்களால் தலைகுனிந்து நின்ற நிறுவனங்கள் பற்றி நிறைய கதைகள் உள்ளன. டிவிட்டர் புகார்களால் ஏற்படக் கூடிய பாதிப்புகளை நிறுவனங்களும் உணரத் தொடங்கி இருக்கின்றன. ஒரு சில நிறுவனங்கள் இத்தகைய புகார்களை முளையிலேயே கிள்ளியெறியும் நோக்கத்தோடு டிவிட்டரில் தங்கள் நிறுவனம் தொடர்பான கருத்துகள் வெளியாகின்றனவா என்று கண்டறிந்து நடவடிக்கை எடுப்பதற்காக என்றே ஒரு ஊழியரை நியமிக்கும் பழக்கத்தை ஏற்படுத்திக் கொண்டுள்ளன.

டிவிட்டர் வெளியில் நிறுவனம் பற்றி ஏதாவது சொல்லப்படுகிறதா என கண்கொத்தி பாம்பு போல பார்த்திருந்து அதற்கு பதில் அளித்து வாடிக்கையாளர்களை சாந்தப்படுத்துவதுதான் இவர்களின் வேலை. காம்காஸ்ட் சார்பில் இப்படி நியமிக்கப்பட்டவர்களில் ஒருவர்தான் போனி ஸ்மால்லே தினந்தோறும் டிவிட்டரில் தோன்றும் புகார்களை பார்த்து விளக்கம் அளிக்கும் பணியை அவர் மிகுந்த ஈடுபாட்டோடு செய்ததின் விளைவே நாளொன்றுக்கு சராசரியாக 400 டிவீட்கள் மூலம் அவரால் பதிலளிக்க முடிந்திருக்கிறது. டிவிட்டர் புகார்களைத் தவிர இமெயில், பேஸ்புக் மூலம் வரும் புகார்களையும் அவர் கவனித்து பதிலளிக்கிறார்.

வாடிக்கையாளர் தொலைபேசி செய்யும் போது ரிசிவரை காதில் வைத்துக் கொண்டு பக்கத்தில் உள்ள தோழியோடு அரட்டை அடிக்கும் ஊழியரோடு இவரை ஒப்பிட்டுப் பாருங்கள்! ஸ்மால்லே கடமையில் மட்டுமே கருத்தாக புகார்களை படிப்பதும், டிவிட்டரில் பதிலளிப்பதுமாக இருப்பதால்தான் அவரை டிவிட்டர் தேவதை என்றும் வர்ணிக்கத் தோன்றுகிறது.

எப்போதும் டிவிட்டரில் பதிலளிக்க ஸ்மால்லே காத்திருப்பதால் அவர் மீதான வாடிக்கையாளர் எதிர்பார்ப்பும் அதிகரித்துள்ளது. விளைவு வேலை முடிந்து செல்லும்போது ஸ்மால்லே டிவிட்டரில் அதை மறக்காமல் குறிப்பிட்டு விட்டு மறுநாள் சந்திப்பதாக விடைபெற்றுச் செல்கிறார்.

வருங்காலத்தில் மேலும் பல நிறுவனங்கள் இத்தகைய டிவிட்டர் தேவதைகளை பணியில் அமர்த்தலாம். இவர்கள் எப்பொழுதும் வாடிக்கையாளர்களுக்கு சேவை யாற்ற டிவிட்டரில் தயாராக இருக்க வேண்டும் என்பதால் விரைவாக டிவிட்டர் செய்யும் கலையையும் அதில் ஈடுபாட்டையும் வளர்த்துக் கொண்டாக வேண்டும்.

நிறுவனங்கள் மட்டுமல்ல, வேறு அமைப்புகளும், மருத்துவமனை போன்றவைகளும் கூட டிவிட்டர் பிரதிநிதி ஒருவரை நியமிக்கலாம். எங்கெல்லாம் உடனடி விளக்கங் களும், தகவல் பரிமாற்றம் தேவையோ அங்கெல்லாம் ஒரு டிவிட்டர் பிரதிநிதி தேவைப்படலாம்.

உதாரணத்திற்கு ரேஷன் அலுவலகம் போன்ற அரசு இலாகாக் களில் பொதுவாக காணப்படும் குறைகள் முறையீடுகள், சந்தேகங் கள் ஆகியவை குறித்து பொறுப்பான ஒருவர் டிவிட்டர் மூலம் விளக்கம் அளித்தால் எப்படி இருக்கும் யோசித்துப் பாருங்கள்?

இதே போல மருத்துவமனையில் ஒரு நர்ஸ் (அ) வார்டுபாய், நோயாளிகளுக்கான தகவல்களை டிவிட்டர் மூலம் பகிர்ந்து கொண்டால் எப்படி இருக்கும்? இவ்வளவு ஏன், திருமணங்களின் போது யாராவது ஒருவர், விருந்தினர் களை வரவேற்பதையும், திருமண நிகழ்வுகளை வர்ணிப்பதையும் டிவிட்டர் செய்யலாம். விருந்தினர் களை பார்க்கும் போது ஏற்படும் மகிழ்ச்சியையும், நலம் விசாரிப் பதையும் டிவிட்டரில் தெரிவிக்க லாம்.

இதற்கு ஒரு அழகான இளம்பெண்ணை லாப்டாப்போடு வரவேற்பு மேஜை அருகே அமர வைக்கலாம். இல்லை, கையில் செல்போனோடு சுற்ற விடலாம். (போன் மூலம் டிவிட்டர் செய்யலாம்). மிதமிஞ்சிய கற்பனையாக தோன்று கிறதோ! டிவிட்டர் பயன்பாட்டிற்கு எல்லையில்லை என்பதே விஷயம்!

டிவிட்டரில் அரசியல் விவாத‌ம்

senateநீள‌மான அறிக்கைகளில் தாக்கி கொள்வது ;விஷயத்தை விட்டு வார்த்தை விளையாட்டில் ஈடுபடுவது இவற்றையெல்லாம் விட்டு விட்டு அரசியல் தலைவர்கள் டிவிட்டரில் விவாதித்தால் எப்படியிருக்கும்.

ஆர்லான் ஸ்பெக்டர் ம‌ற்றும் சக் கிராஸ்லே விவாதித்தது போல அருமையாக இருக்கும்.

இருவரும் அமெரிக்க எம் பி க்கள் .ஸ்பெக்டர் ஜனநாயக கட்சியைச்சேர்ந்தவர் .கிராஸ்லே குடியரசுக்கட்சியை சேர்ந்தவர்.

அமெரிக்க அரசு உத்தேசித்துள்ள சுகாதரத்துறை சீர்திருத்த திட்டம் தொடர்பாக இருவருக்கும் இடையே கடும் கருத்து வேறுபாடு இருக்கிற‌து.

அமெரிக்காவில் இந்த திட்டம் நாடு தழுவிய அளவில் பெரும் விவாதத்தை ஏற்படுத்தியுள்ளது.ஸ்பெக்ட‌ர் இந்த‌ திட்ட‌த்தை தீவிர‌மாக‌ ஆத‌ரிப்ப‌வ‌ர். கிராஸ்லே அதே தீவிர‌த்தோடு எதிர்ப்ப‌வ‌ர்.

இந்த திட்ட‌த்தின் கீழ் த‌னியார் இன்சூர‌ன்ஸ் நிறுவ‌ன‌ங்க‌ளுக்கு இனையாக‌ அர‌சு இன்சூர‌ன்ஸ் வ‌ழ‌ங்க‌ இருப்ப‌து ச‌ர்ச்சைக்கு உள்ளாகி உள்ள‌து.இத‌னால் ம‌ருத்துவ‌ சேவை பாதிக்க‌ப்ப‌டும் என்று எதிர்ப்பாளர்க‌ள் க‌ருதுகின்ற‌ன‌ர்.
இவ‌ர்க‌ளில் ஒருவ‌ரான‌ ஐயோவா எப் பி கிராஸ்லே,இந்த‌ திட்ட‌ம் வயாதா‌ன‌வ‌ர்க‌ளை அர‌சு க‌ருணைக்கொலை செய்ய‌ வைத்து விடும் என்று ஒரு க‌ருத்தை கொளுத்திப்போட்டு நாடு முழுவ‌தும் ப‌ர‌ப‌ர்ப்பை ஏற்ப‌டுத்திவிட்டார்.

இந்த‌நிலையில் இந்த‌ திட்ட‌த்தை ஆத‌ரிப்ப‌வ‌ரான‌ பெனிசில்வேனியா எம் பி ஸ்பெக்டர், கிராஸ்லே கூறும் க‌ருத்துக்க‌ள் த‌வ‌றான‌வை என‌ அவ‌ரோடு விவாதிக்க‌ முற்ப‌ட்டார்.

இதற்காக அவ‌ர் தேர்வு செய்த‌ வ‌ழி தான் டிவிட்ட‌ர்.அமெரிக்காவில் டிவிட்ட‌ர் செய்யும் ப‌ழ‌க்க‌ம் கொண்ட‌ அர‌சிய‌ல் த‌லைவ‌ர்க‌ளில் அவ‌ரும் ஒருவ‌ர். கிராஸ்லேவின் க‌ருத்துக்க‌ள் வெளியான‌ நிலையில் ஸ்பெக்ட‌ர் த‌ன‌து டிவிட்ட‌ர் ப‌க்க‌த்தில் ,சுகாதார‌ திட்ட‌ம் தொட‌ர்பாக‌ பொய்யான‌ த‌க‌வ‌ல்களை ப‌ர‌ப்புவ‌தை நிறுத்திக்கொள்ளுமாறு கூற‌ எம் பி கிறாஸ்லேவை தொட‌ர்பு கொண்டேன் , ஆனால் முடிய‌வில்லை , எப்ப‌டியும் விரைவில் இது ப‌ற்றி விவாதிப்பேன் என‌ குறிப்பிட்டிருந்தார்.

அர‌சு திட்ட‌ம் ப‌ற்றி க‌ருத்து தெரிவிப்ப‌து த‌வ‌ற‌ல்ல‌ ஆனால் இற‌க்கும் த‌ருவாயில் ம‌ருத்துவ‌திட்ட‌ம் ப‌ற்றி பேசி அச்சுறுத்த‌ யாருக்கும் உரிமையில்லை என்று அடுத்த‌ டிவிட்ட‌ர் ப‌திவில் க‌டுமையாகவே அவ‌ர் தெரிவித்தார்.

இவ்வாறு க‌ராச்லேவின் நிலைப்பாட்டை மிக‌ அழ‌காக‌ த‌ன‌து டிவிட்ட‌ர் ப‌திவில் அவ‌ர் விம‌ர்சித்திருந்தார்.கூட‌வே த‌ன‌து நிலையையும் தெளிவு ப‌டுத்தியிருந்தார்.

இந்த‌ டிவிட்ட‌ர் ப‌திவுக‌ள் க‌வ‌ன‌த்தை ஈர்த்த‌ நிலையில் கிராஸ்லேவும் த‌ன‌து டிவிட்ட‌ர் ப‌க்க‌த்தில் இது ப‌ற்றி க‌ருத்து தெரிவித்தார்.அதாவ‌து ஸ்பெக்ட‌ர் க‌ருத்துக்கு ப‌தில் அளித்து த‌ன‌து நிலையை தெளிவுப‌டுத்தினார்.

இந்த‌ விவாத‌ம் இப்போதைக்கு இத்தோடு நிற்கிற‌து.

கொஞ்ச‌ம் யோசித்துப்பாருங்க‌ள் இதே போல‌ ம‌க்க‌ள் பிர‌திநிதிகள் டிவிட்ட‌ரை ப‌ய‌ன்ப‌டுத்தி விவாதித்தால் எப்ப‌டி இருக்கும். அது தொட‌ர் விவாத‌மாக‌ அமிந்தால் மேலும் ப‌ய‌னுல்ள‌தாக‌ இருக்கும்.