புகைப்படத்திற்கு ஏற்ற பாடல்

ins

நீங்கள் இன்ஸ்டகிராம் பிரியர் என்றால் சாங் ஃபார் பிக் தளத்தை ரசித்து மகிழலாம். சாங் ஃபார் பிக்கை இணையதளம் என்பதை விட இணைய விளையாட்டு என்று சொல்வதே பொருத்தமாக இருக்கும்.உங்கள் நண்பர்களோடு சேர்ந்து விளையாடும் விளையாட்டு.

புகைப்பட செயலியான இன்ஸ்டாகிராம் மூலம் செல்போனில் எடுத்த புகைப்படங்களை டிவிட்டரில் பகிர்ந்து கொள்ளாம்.இப்படி பகிர்ந்து கொள்ளும் படங்களை நணபர்கள் பார்த்து ரசித்து தங்கள் கருத்துக்களையும் தெரிவிக்கலாம்.

இன்ஸ்டாகிராம் படங்களை பார்ப்பதே ஒரு சுவாரஸ்யம் தான். அதை இன்னும் கொஞ்சம் சுவாரஸ்யம் ஆக்குகிறது சாங் ஃபார் பிக். இந்த தளம் நீங்கள் எடுத்த புகைப்படங்களில் ஏதாவது ஒரு படத்தை தேர்வு செய்து உங்கள் நண்பர்களோடு பகிர்ந்து கொள்கிற‌து.உடனே நண்பர்கள் அந்த புகைப்படத்திற்கு ஏற்ற பாடல் ஒன்றை தேர்வு செய்து சம‌ர்பிப்பார்கள்.இதற்காக என்று தேர்வு செய்யப்பட்ட நான்கு பாடல்களில் ஒன்றை அவர்கள் சம‌ர்பிக்கலாம்.

புகைப்படங்களுக்கேற்ற பாடலை கேட்பது பாடல்களை கேட்டு ரசிப்பதற்கான சுவாரஸ்யமான வழியாகலாம்.அதிலும் நீங்கள் எடுத்த படங்கள் என்னும் போது இன்னும் கூட சுவார்ஸ்யம்.

இன்ஸ்டாகிராம் பிரியர்கள் மட்டும் அல்ல இசைப்பிரியர்களும் பயன்படுத்தி மகிழலாம்.

இணையதள முகவரி;http://songforpic.com/

Leave a Reply

Your email address will not be published. Required fields are marked *