Tag Archives: images

கண்ணை நம்பாதே! ஒளிப்படங்கள் ஏமாற்றும்…

42570D2B00000578-4697160-One_of_these_images_has_been_changed_but_which_one_is_it_and_whe-a-90_1500359733849இனி அடுத்தமுறை இணையத்தில் ஒளிப்படங்களை பார்த்து ரசிக்கும் போது கொஞ்சம் கூடுதல் கவனம் செலுத்துங்கள். கண்ணில் விளக்கெண்ணெய் விட்டுக்கொண்டு பார்ப்பது என்பார்களே, அது போல கூட நீங்கள் காணும் ஒளிப்படத்தை ஆய்வு செய்யுங்கள். அதிலும் முக்கியமாக, ஒரு ஒளிப்படம் உங்களை கவர்ந்து அதை இணையவெளியில் பகிர்ந்து கொள்ளத்தோன்றும் நிலையில், அந்த படத்தை ஒருமுறைக்கு இருமுறை கூர்ந்து கவனிப்பது நல்லது. ஏனெனில், அந்த படம் போலியான ஒளிப்படமாக கூட இருக்கலாம். எனவே நீங்களும் ஏமாந்து, மற்றவர்களையும் ஏமாற செய்யக்கூடாது அல்லவா? அதனால் தான், ஒளிப்படங்கள் விஷயத்தில் கொஞ்சம் எச்சரிக்கை தேவை.

இது என்ன வம்பா பேச்சோ என்று நீங்கள் நினைக்கலாம். ஆனால் இணைய யதார்த்தம் இப்படி தான் இருக்கிறது. இணையத்தை ஒரு பக்கம், ஃபேக் நியூஸ் எனப்படும் பொய்ச்செய்தி உலக்கிக்கொண்டிருக்கிறது என்றால் இன்னொரு பக்கம் பொய் படங்கள் பெரிய பிரச்சனையாக இருக்கிறது. அண்மையில் இது தொடர்பாக முக்கியமான ஆய்வு முடிவு ஒன்றும் வெளியாகி இருக்கிறது. அதைப்பற்றி பார்க்கும் முன், முதலில் பொய் படங்களின் பிரச்சனையை சுருக்கமாக பார்த்துவிடலாம்.

ஃபேக் நியூஸ் பிரச்சனை பற்றி நீங்கள் அறிந்திருக்கலாம். இணையத்தில் நிஜ செய்திகள் ;போலவே வெளியிடப்படும் உண்மை அல்லாத செய்திகளே இவ்வாறு கூறப்படுகின்றன. உண்மையான இணையதளம் போல தோன்றும் இணையதளங்களில் வெளியிடப்படுவதும், கவனத்தை ஈர்க்கும் பளிச் தலைப்புகளும், விறுவிறுப்பான விவரிப்பும் பொய்ச்செய்திகளின் முக்கிய அம்சங்களாக அமைகின்றன. பெரும்பாலான இணையவாசிகள் இவற்றை அடையாளம் காண முடியாமல் ஏமாந்து போவதும், அதைவிட முக்கியமாக இவற்றை சமூக ஊடகங்களில் தாராளமாக பகிர்ந்து கொண்டு பிரபலமாக்குவதும் மோசமான தாக்கத்தை ஏற்படுத்தி வருகிறது. சமூக வலைப்பின்னல் சேவையான பேஸ்புக் மற்றும் கூகுளில் இத்தகைய பொய்ச்செய்திகள் வடிகட்டப்படாமல் தலைகாட்டுவதும் பெரும் விவாதத்தை ஏற்படுத்தியுள்ளது.

பொய்ச்செய்திகளை கண்டறிவது எப்படி? கட்டுப்படுத்துவது எப்படி? களைவது எப்படி? என்றெல்லாம் விவாதம் தீவிரமாகி இருக்கிறது. இதற்காக என்றே பிரத்யேக அல்கோரிதம்கள் உருவாக்கப்படுகின்றன. இந்த பொறுப்பை மென்பொருள்கள் வசம் ஒப்படைப்பது பலன் தராது, விக்கிபீடியா பாணியில் இணைய கூட்டமே இந்த கண்டறிதலை சிறப்பாக செய்ய முடியும் எனும் நம்பிக்கையில், விக்கிபீடியா நிறுவனர் ஜிம்மி வேல்சும் தன் பங்கிற்கு, விக்கிடிரிப்யூன் எனும் புதிய இணையதளத்தை நிறுவியிருக்கிறார்.

பொய்ச்செய்திகள் போலவே, பொய் படங்களும் இணையத்தில் உலா வருகின்றன. அதாவது ஒளிப்படங்களை திருத்தி மேம்படுத்த உதவும் போட்டோஷாப் மென்பொருள் கொண்டு, மாற்றப்பட்ட படங்கள். பொதுவாக ஒளிப்படத்தின் பின்னணியில் உள்ள ஒளி அடர்த்தியை மாற்றுவது, சின்ன சின்ன குறைகளை சரி செய்வது போன்றவை மூலம் ஒளிப்படத்தை மெருகேற்றுவதற்காக போட்டோஷாப் பயன்படுகிறது. வண்ணத்தை கூட்டலாம், குறைக்கலாம் என்றாலும், படத்தின் மூல அம்சங்களில் கை வைக்க கூடாது. அதாவது படத்தில் இல்லாத அம்சத்தை சேர்ப்பது, இருக்கும் அம்சத்தை நீக்குவது போன்றவற்றை செய்யக்கூடாது. இப்படி மூல அம்சங்களில் மாற்றம் அல்லது திருத்தங்களை செய்தால் அந்த படம் பொய் படமாக கருதப்படுகிறது.

ஆர்வக்கோளாறு கொண்ட இணையவாசிகள் பலர் இப்படி போடோஷாப் செய்த படங்களை வெளியிட்டு மாட்டிக்கொண்டிருக்கின்றனர். இதைவிட மோசம், முன்னணி ஒளிப்பட கலைஞர்கள் சிலரும் இத்தகைய சர்ச்சையில் சிக்கி இருக்கின்றனர். அதே போல முன்னணி வலைப்பதிவாளர்கள் சிலரும் கூட, ஒளிப்படத்தில் கையை வைத்து மாட்டிக்கொண்டிருக்கின்றனர். அண்மையில் கூட, பிரபல பேஷன் மற்றும் சுற்றுலா வலைப்பதிவாளரான அமீலியா லயானா என்பவர், போட்டோஷாப் மூலம் மாற்றப்பட்ட படங்களை தனது இன்ஸ்டாகிராம் பக்கத்தில் பகிர்ந்து கொண்டது கண்டுபிடிக்கபட்டு கடும் விமர்சனத்திற்கு இலக்கானார்.

இன்னொரு பக்கம் பார்த்தால், சமூக ஊடகங்களில் பகிரப்பட்டு பரபரப்பாக பேசப்படும் பல படங்கள் உண்மையில் மாற்றம் அல்லது திருத்தம் செய்யப்பட்டவையாக இருப்பதை பலரும் உணர்வதில்லை. இந்த பின்னணியில் தான், பிரிட்டனின் வார்விக் பல்கலைக்கழகத்தை சேர்ந்த ஆய்வுக்குழு ஒன்று, பொய் படங்கள் தொடர்பான ஆய்வை நடத்தி, அதன் முடிவுகளை வெளியிட்டுள்ளது.

இந்த ஆய்வின் போது, 707 பயனாளிகளிடம் இரண்டு வகையான ஒளிப்படங்கள் காண்பிக்கப்பட்டுள்ளன. இவற்றில் ஐந்து மூலப்படங்கள் மற்றும் ஐந்த படங்கள் டிஜிட்டல் முறையில் மாற்றப்பட்டவை. இந்த படங்களில் பொய்யான அம்சங்களை கண்டறிய முடியுமா எனும் கேள்வியோடு, அவற்றை கண்டறியும் சோதனையில் ஈடுபடுத்தப்பட்டனர். இவர்களில் 60 சதவீதம் பேருக்கு மேல் பொய் படங்களை கண்டறிந்தாலும், அதில் என்ன பிரச்சனை என கண்டறிய முடியாமல் திண்டாடியிருக்கின்றனர்.

இன்னொரு சோதனையில், பொய்படங்கள் பற்றிய தகவல் தெரிவிக்காமல் இரண்டு வகையான படங்களை பார்த்து வித்தியாசத்தை கண்டறியுமாறு கேட்கப்பட்டனர். இவர்களில் 65 சதவீதம் பேர் படத்தில் வில்லங்கம் இருப்பதை கண்டுபிடித்தாலும், பெரும்பாலானோரால் படத்தில், எந்த இடத்தில் பிரச்சனை இருக்கிறது என கண்டறிய முடியவில்லை.

இந்த ஆய்வு முடிவுகள் தொடர்பான விரிவான கட்டுரை அறிவியல் சஞ்சிகை ஒன்றில் வெளியிடப்பட்டுள்ளது. ஒரு ஒளிப்படம் உண்மையானதா? பொய்யானதா? என்பதை கண்டறியும் திறன் மக்களிடம் குறைவாக இருப்பதை இந்த ஆய்வு சுட்டிக்காட்டுகிறது.

முனைவர் பட்ட ஆய்வாளர் சோபியா நைட்டிங்கேல் மற்றும் டெரிக் வாட்சன் உள்ளிட்டோர் இந்த ஆய்வை மேற்கொண்டுள்ளனர். ஒளிப்படங்களை ஆதாரமாக கொள்வதை இது சிக்கலாக்கும் என்று சோபியா கூறியிருக்கிறார். ஒளிப்படங்கள் நமது நினைவாற்றல் மீது மிகப்பெரிய தாக்கம் செலுத்துவதால், உண்மையான படத்தையும், பொய்யான படத்தையும் கண்டறிய முடியாதது நாம் நம்புவது மற்றும் நினைவில் கொள்வது மீது தாக்கம் செலுத்தலாம் என்கிறார் வாட்சன்.

இந்த ஆய்வு தொடர்பாக இணையதளம் ஒன்றும் அமைக்கப்பட்டுள்ளது; http://bit.ly/2uEbjow  இந்த தளத்தில் நீங்களும் கூட பொய பட கண்டறிதல் சோதனைக்கு உங்களை உட்படுத்திக்கொள்ளலாம். உங்கள் திறமையை சோதித்துக்கொள்வதோடு, இணைய ஆய்வுக்கு பங்களிப்பு செலுத்தியது போலவும் இருக்கும்.

 

 

தளம் புதிது; செய்திகளுக்கான சமூக வலைப்பின்னல்

செய்திப்பிரியர்களை உற்சாகத்தில் ஆழ்த்தும் வகையில், செய்திகளை தெரிந்து கொள்வதற்காக புதிய இணையதளம் ஒன்று அறிமுகம் ஆகியிருக்கிறது. காங்ஸ்டர்ஸ் எனும் அந்த தளம், செய்திகளை கண்டறிவதற்கானது மட்டும் அல்ல, பகிர்ந்து கொள்வதற்கானதாகவும் இருக்கிறது. அதாவது செய்திகளுக்கான வலைப்பின்னல் தளம் போல இது உருவாக்கப்பட்டுள்ளது.

இதில் சக உறுப்பினர்கள் பகிர்ந்து கொள்ளும் செய்திகளை பார்ப்பதோடு, அவற்றை சமூக ஊடகங்களிலும் பகிர்ந்து கொள்ளலாம். இதில் முன்னிலை பெறும் செய்திகளை கிளிக் செய்தால் அவற்றின் சுருக்கத்தை வாசிக்கலாம். மேலும் கிளிக் செய்தால் விரிவான செய்தியை வாசிக்கலாம்.

பலவித தலைப்புகளில் செய்திகள் வெளியாகின்றன. தினமும் ஒரு லட்சத்திற்கு மேற்பட்ட செய்திகளை பரிசீலித்து செய்திகளை தேர்வு செய்து வழங்குவதாக இந்த தளத்தின் அறிமுகப்பகுதியில் குறிப்பிடப்பட்டுள்ளது.

சமூக செய்தி கண்டறிதல் சேவையாக அறியப்பட்ட டிக் உள்ளிட்ட தளங்கள் வழங்கிய சேவையை போன்றதே என்றாலும், செய்திகளை அறிந்து கொள்வதில் ஆர்வம் உள்ளவர்கள் இந்த தளத்தை பயன்படுத்திப்பார்க்கலாம்.

செய்திகளை தேடிப்பார்க்கும் மற்றும் சமர்பிக்கும் வசதி இருக்கிறது.

இணைய முகவரி: http://gongsters.com/

 

 

 

செயலி புதிது: வரலாற்றில் நடந்தது என்ன?

வரலாற்று நிகழ்வுகளை உள்ளங்கையில் கொண்டு வரும் வகையில் வாட் ஹாப்பண்ட் டுடே இன் ஹிஸ்டிரி, செயலி உருவாக்கப்பட்டுள்ளது. ஐபோனுக்காக உருவாக்கப்பட்டுள்ள இந்த செயலியில், ஒவ்வொரு மாதத்திற்கான முக்கிய வரலாற்று நிகழ்வுகள் சுட்டிக்காட்டப்படுகின்றன. அவற்றில் எந்த நிகழ்வு தொடர்பான கூடுதல் தகவல்களையும் தெரிந்து கொள்ளலாம். நிகழ்வுகளின் ஒளிப்படங்களையும் காணலாம். எல்லா நிகழ்வுகளுமே கவனமாக தேர்வு செய்யப்பட்டுள்ளதாக குறிப்பிடப்பட்டுள்ளது. முப்பரிமான டச் முன்னோட்ட வசதியும் இருப்பதாக தெரிவிக்கப்பட்டுள்ளது.

நிகழ்வுகளை அறிவிக்கையாக பெறும் வசதியும் இருக்கிறது. இந்த வசதி மூலம் முக்கிய நிகழ்வுகளை தவறவிடாமல் இருக்கலாம். வரலாற்று நிகழ்வுகளில் ஆர்வம் உள்ளவர்களை கவரக்கூடிய செயலி இது. ஆண்ட்ராய்டு வடிவம் எப்போது வெளியாகும் என்றுத்தெரியவில்லை.

மேலும் தகவல்களுக்கு: http://apple.co/2gX5U6R

 

 

 

சைபர்சிம்மன்

 

இன்ஸ்டாகிராமில் புத்தக விமர்சனம்

slide_356238_3918995_free
புகைப்பட பகிர்வு சேவையான இன்ஸ்டாகிராமை பலவிதங்களில் பயன்படுத்தலாம். பலர் முற்றிலும் புதுமையான யோசனைகள் மூலம் இன்ஸ்டாகிராம் பயன்பாட்டை விரிவுபடுத்தியிருக்கின்றனர். இப்போது அமெரிக்க வலைப்பதிவாளர் ஒருவர் இன்ஸ்டாகிராம் பயன்பாட்டை புதிய உச்சத்திற்கு கொண்டு சென்றுள்ளார்.
யூலி பெய்ட்டர் கோஹன் எனும் அந்த வலைப்பதிவாளர் இன்ஸ்டாகிராம் மூலம் புத்தக விமரன்ங்களை வெளியிட்டு வியப்பையும் ஏற்படுத்திருக்கிறார். நல்ல வரவேற்பையும் பெற்றிருக்கிறார்.

இன்ஸ்டாகிராமில் புகைப்படங்களை தானே வெளியிட முடியும், புத்தக விமரசனங்களை வெளியிடுவது எப்படி சாத்தியம் என சந்தேகிக்கலாம். இன்ஸ்டாகிராம் தரும் சாத்தியத்தை யூலி கோஹன் அழகாக பயன்படுத்திக்கொண்டு இதை சாத்தியமாக்கி இருக்கிறார். அதாவது மனிதர்களையும், அவர்கள் வாசிக்கும் புத்தகங்களையும் இணைத்திருக்கிறார்.

புத்தக பிரியர்களை தேடிப்பிடித்து அவர்கள் வாசித்துக்கொண்டிருக்கும் புத்தகத்துடன் கிளிக் செய்து அந்த படங்க்ளை தனது இன்ஸ்டாகிராம் பக்கத்தில் வெளியிட்டு வருகிறார். புகைப்பட குறிப்புடன், வாசக்ர்கள் புத்தகம் பற்றி தெரிவிக்கும் கருத்தை விமர்சனமாக இடம்பெறச்செய்து வருகிறார்.
பலதரப்பட்ட வாசர்கள் இப்படி தாங்கள் படித்துக்கொண்டிருக்கும் புத்தகம் பற்றி தெரிவிக்கும் கருத்துக்களை படிப்பது சுவாரஸ்யமாக இருக்கிறது. புதிய புத்தகங்களை அறிமுகம் செய்து கொள்வதற்கான நல்ல வழியாகவும் இருக்கிறது.

இந்த முயற்சியில் கூடுதல் சுவாரஸ்யம் என்ன என்றால், இந்த வாசகர்கள் எல்லாமே நியூயார்க் நகரின் மெட்ரோ ( சப்வே) பயனாளிகள் என்பது தான். ஆம், நகரின் மெட்ரோ ரெயில் பயணத்தின் போது புத்தகம் வாசிப்பவர்களை பேட்டி கண்டு யூலி கோஹன் வெளியிட்டு வருகிறார்.

சமீபத்தில் தான் நியூயார்க் நகருக்கு குடிபெயர்ந்த யூலி கோஹன் , மெட்ரோ ரெயில் பயணத்தில் பலரும் புத்தகம் படிப்பதை பார்த்திருக்கிறார். அடிக்கடி இந்த காட்சியை எதிர்கொண்டவர் எது அவர்களை இப்படி வாசிக்க தூண்டுகிறது என அறிந்து கொள்வதற்காக புத்தக வாசிப்பு பயணிகள் சிலரிடம் பேசிப்பார்த்துள்ளார்.
அவர்கள் தெரிவித்த கருத்துக்கள் சுவாரஸ்யமாக இருந்ததுடன் , பயணிகள் வாசிக்கும் புத்தகங்கள் பெரும்பாலும் நடப்பு நிகழ்வுகள் சார்ந்த்தாக அல்லது வாசகரின் தனிப்பட்ட அனுபவம் சார்ந்த்தாக இருப்பதை தெரிந்து கொண்டார். இந்த கதைகள் மிகவும் சுவாரஸ்யமாக இருக்கவே இவற்றை பகிர்ந்து கொள்ள தீர்மானித்தார்.
இதற்காக இன்ஸ்டாகிராமில் சப்வே புக்ரிவ்யூ எனும் பக்கத்தை துவக்கினார் இந்த பக்கத்தில் பயணிகளை அவர்கள் வாசிக்கும் புத்தகத்துடன் புகைப்படம் எடுத்து, அந்த படங்களை அவர்களின் புத்தக கருத்துக்களுடன் பகிர்ந்து கொள்ளத்துவங்கினார். புத்தகம் பற்றிய சுருக்கம் மற்றும் அதை அவர்கள் ஏன் வாசிக்கின்றனர் என்ற விவரம் விமர்சனமாக இடபெறுகின்றன.
slide_356238_3919000_free
வழக்கமான புத்தக விமர்சனத்தில் இருந்து மிகவும் மாறுபட்டு, தனிப்பட்ட தன்மையுடன் துடிப்பாக இருந்த இந்த விமர்சனங்கள் புத்தக வாசிப்பு பற்றிய புதிய பார்வையைடும் கொடுத்தன.இதன் காரணமாகவே வாசகர்களை இந்த பக்கம் வெகுவாக கவர்ந்திருக்கிறது. இன்ஸ்டாகிராமின் ஆதார அம்சமான புகைப்பட பகிர்வுடன் வாசிப்பு அனுபவமும் கைகோர்த்திருப்பது இணையவாசிகளை கவர்ந்திழுத்து வருகிறது. இன்ஸ்டாகிராமில் இந்த பக்கத்திற்கு 33 ஆயிரத்திற்கும் மேற்பட்ட பின் தொடர்பாளர்கள் கிடைத்துள்ளனர்.

இன்ஸ்டாகிராம் பக்கம் தவிர சப்வே புக்ரீவ்யூவிற்காக தனியே இணைய தளமும் (http://www.subwaybookreview.com/)இவர் அமைத்திருக்கிறார்.
மக்களுடன் தொடர்பு கொண்டு அவர்களின் கதைகளை பகிர்ந்து கொள்வதே தனது நோக்கம் என்று கூறும் யூலி கோஹன் இந்த முயற்சியும் அதை பிரதிபலிப்பதாக உற்சாகமாக சொல்கிறார். இந்த கதைகள் நாம் தனியே இருக்கவில்லை என்பதையும் உலகுடன் ஏதோ ஒருவகையில் பின்னி பினைந்திருக்கிறோம் என்பதையும் உணர்த்துவதாக அவர் சொல்கிறார். தனது இணையதளத்தில் எழுத்தாளர்களின் நேர்க்காணல்களையும் அவ்வப்போது வெளியிட்டு வருகிறார்.

புத்தக விமர்சன இன்ஸ்டாகிராம் பக்கம்: https://instagram.com/subwaybookreview/

——
ufr.ee
தளம் புதிது; இ(எ)ன்று சந்திப்போம்

நண்பர்களுடன் சேர்ந்து ஒன்றாக பொழுதை கழிப்பது மகிழ்ச்சியானது. இதற்கான திட்டமிடலை எளிதாக்கும் வகையில் யூப்.ரீ இணையதளம் அமைந்துள்ளது. இந்த சேவை இலவசமானது என்பது மட்டும் அல்ல, இதை பயன்படுத்த உறுப்பினராக வேண்டும் என்ற அவசியமும் இல்லை.
சந்திப்புக்கான அழைப்புகளை அனுப்ப விரும்பினால் இந்த தளத்தில் நுழைந்து , புதிய நிகழ்ச்சி பகுதியை கிளிக் செய்ய வேண்டும். அடுத்தாக தோன்றும் பக்கத்தில் மேலே உள்ள கட்ட்த்தில் நிகழ்ச்சி தலைப்பை குறிப்பிட்ட், கீழே உள்ள காலண்டரில் அதற்கான தேதியை தேர்வு செய்ய வேண்டும். அதன் பிறகு வரும் பக்கத்தில் உங்க்ளை பெயரை சேர்த்து விட்டு, இந்த பக்கத்தை அழைப்பிதழாக நண்பர்களுக்கு அனுப்பி வைக்கலாம். இதற்கான இணைய இணைப்பை மட்டும் இமெயில் மூலம் அனுப்பி வைத்தால் போதும், நண்பர்கள் அதைப்பார்த்து, குறிப்பிட்ட தினத்தில் தாங்களுக்கு ஓய்வு இருக்கிறதா என தெரிவிக்கவும், நிகழ்ச்சியில் பங்கேற்பதை உறுதி செய்யவும் முடியும்.
இணையதள முகவரி: http://ufr.ee/

prvacyhack
செயலி அறிமுகம்; ஸ்மார்ட்போன் கழுகு

ஸ்மார்ட்போன் கையில் இருந்தாலே எப்போதும் புதிய செயலிகள் மீது ஒரு கண் வைத்திருப்பது வழக்கம். ஆனால் செயலிகளை தேர்வு செய்யும் போது அவற்றின் பயன்பாட்டின் மீது தான் குறியாக இருக்கிறோமோ தவிர அந்த செயலி எந்த அளவுக்கு பாதுகாப்பானது என்பது பற்றி அதிகம் கவலைப்படுவதில்லை. அதிலும் குறிப்பாக செய்லிகள் கோரும் அனுமதிக்கு எல்லாம் பச்சைக்கொடி காட்டுவிடுகிறோம். விளைவு,இந்த செயலிகள் போன் பின்னணியில் இருந்தபடி பலவிதமான விவரங்களை சேகரித்து விளம்பர நிறுவனம் உள்ளிட்டவற்றுக்கு அனுப்பி வைக்கின்றன. இந்த நிலைக்கு மாறாக போனில் உள்ள செயலிகள் மீதெல்லாம் ஒரு கண் வைத்திருக்க விரும்பினால் அந்த பணியை பிரைவசி ஹாக் செயலி செய்கிறது.
எந்த செயலிக்கு என்ன என்ன அனுமதி அளித்தோம் என்பதை நீங்கள் மறந்துவிட்டாலும், பிரைவசி ஹாக் செயலி எல்லாவற்றையும் ஆய்வு செய்து அவற்றின் செயல்பாடு குறித்து தகவல் அளிக்கிறது. செயலிகள் என்ன வகையான விவரங்களை எல்லாம் சேகரிக்கின்றன என்பதன் அடிப்படையில் அவற்றின் பாதுகாப்பு தன்மை குறித்தும் எச்சரிக்கிறது. புதிய செயலியை டவுண்லோடு செய்வதற்கு முன்னதாகவும் இந்த செயலி மூலம் ஸ்கேன் செய்து பார்க்கலாம்.
ஆண்ட்ராய்டில் தரவிறக்கம் செய்ய: https://play.google.com/store/apps/details?id=com.marblesecurity.labs.android

டிராப்பாக்ஸ் பாதுகாப்பு!

கோப்புகளை சேமிக்கவும் பகிரவும் நீங்கள் டிராப் பாக்ஸ் சேவையை பயன்படுத்துபவராக இருந்தால் இதில் கூடுதல் பாதுகாப்பிற்காக இரண்டு அடுக்கு பரிசோதனை முறை வசதியை நாடலாம். இந்த முறையில் நீங்கள் எப்போது புதிய சாதனம் அல்லது கம்ப்யூட்டரில் இருந்து டிராப்பாக்ஸ் கணக்கை அணுக முயன்றாலும் உங்கள் செல்போனுக்கு ரகசிய குறியீடு அனுப்பி வைக்கப்படும். அதை சமர்பித்தால் மட்டுமே டிராப்பாக்ஸ் கணக்கில் நுழைய முடியும். தாக்காளர்களின் கைவரிசைக்கு இலக்காகும் அபாயத்தை இந்த இரண்டு அடுக்கு பாதுகாப்பு குறைக்கும் என கருதப்படுகிறது.

இமெயில் பற்றிய இனிய செய்தி

இமெயில் என்றவுடன் அவற்றின் மூலம் வந்து சேரும் குப்பை ( ஸ்மேம்) மெயில்களும் சேர்த்தே நினைவுக்கு வரும்.தகவல் தொடர்புக்கு அருமையான வழியாக விளங்கும் இமெயிலுக்கு களங்கமாக அமைந்திருக்கும் குப்பை மெயில்களின் வரத்து இப்போது குறைந்திருக்கிறது. சைபர் பாதுகாப்பு நிறுவனமான சைமண்டெக் வெளியிட்டுள்ள தகவலின் படி ஜூன் மாதம் இணையத்தில் பரிமாறிக்கொள்ளப்பட்ட மெயில்களில் குப்பை மெயில்களின் எண்ணிக்கை 50 சதவீதத்திற்கும் குறைவாக இருக்கிறது. கடந்த 12 ஆண்டுகளில் முதல் முறையாக இப்படி குப்பை மெயில்களின் எண்ணிக்கை நல்ல மெயில்களின் எண்ணிக்கையை விட குறைந்திருப்பதாக அந்நிறுவனம் தெரிவிக்கிறது. இணைய பயன்பாட்டில் இது நிச்சயம் நல்லதொரு மைல்கல் தான். குப்பை மெயில்களுக்கு எதிரான பாதுகாப்பு மற்றும் சட்ட நடவடிக்கை உள்ளிடவை இதற்கு காரணம் என தெரிவிக்கப்பட்டுள்ளது. இதே நிலை தொடர்ந்து குப்பை மெயில்களே இல்லாத நிலை வரட்டும்!

———

1i3

செயற்கைகோள் படங்களால் வியக்க வைக்கும் இன்ஸ்டாகிராம் பக்கம்

விண்ணில் இருந்து மண்ணுலகை பார்த்தால் எப்படி இருக்கும்? இப்படி பார்க்கும் காட்சிகள் எப்படி வியக்க வைக்கப்பதாக இருக்கும் என்பதை உணர விண்வெளியில் இருந்து பூமியை பார்க்க வேண்டும்.விண்வெளி வீரர்களுக்கு மட்டும் இந்த அரிய வாய்ப்பு கிடைக்கும்.

பூமியில் பரந்து விரிந்து கிடக்கும் நிலப்பரப்பும் அதன் மீது பிரம்மாண்டமாக காட்சி தரும் கட்டிடங்களும் விண்வெளியில் இருந்து பார்க்கும் போது சின்னஞ்சிறியதாக தோற்றம் தரும். இந்த உணர்வு உலகம் பற்றிய நமது பார்வையை மாற்றக்கூடியதாக இருக்கும். இந்த விளைவை ஓவர்வியூ எஃபெக்ட் என்கின்றனர்.

விண்வெளி வீரர்களுக்கு மட்டுமே சாத்தியமாகும் இந்த உணர்வை எல்லோருக்கும் சாத்தியமாக்கி வருகிறார் பெஞ்சமின் கிராண்ட். இவர், டெய்லி ஓவர்வீயூ எனும் தனது இனஸ்டாகிராம் புகைப்பட சேவை பக்கம் மூலமாக விண்ணில் இருந்து எடுக்கப்பட்ட காட்சிகளை புகைபப்டங்களாக பகிர்ந்து கொண்டு வருகிறார். அநேகமாக தினம் ஒரு பிரம்மாண்ட பார்வை படத்தை பகிர்ந்து வருகிறார்.
1i
இந்த புகைப்படங்கள் உண்மையில் வியக்க வைக்க கூடியதாக இருக்கிறது. ஒரு படத்தில் கலிப்போர்னியா சரக்கு விமான நிலையத்தில் வரிசையாக விமானங்கள் நிறுத்தப்பட்டிருக்கும் காட்சியை பார்தால் , சிறுவர்கள் அடுக்கி வைத்திருக்கும் பொம்மை விமானங்கள் போல இருக்கின்றன. ஆனால் எல்லாமே பெரிய விமானங்கள். பயன்பாட்டில் இருந்து விலக்கி கொள்ளப்பட்டவை.

இன்னொரு படத்தில் பார்த்தால் வர்ஜினியாவில் உள்ள நிலக்கரி ஆலையில் வரிசையாக டிரக்குகள் ஊர்ந்து செல்வது ஓவிய வரிசை போல இருக்கிறது.

சிங்கப்பூர் துறைமுகத்தின் மேல் பகுதியில் எடுக்கப்பட்ட படத்தில் கப்பல்கள் வல வண்ணங்களில் மீன்கள் போல நீந்திக்கொண்டிருக்கின்றன. உலகிலேயே மிகவும் ப்ரபரப்பாக இருக்கும் இரண்டாவது துறைமுகம் எனும் தகவலை மனதில் கொண்டு பார்க்கும் போது கப்பல்கள் பாய்ந்து முன்னேறும் உணர்வை பெறலாம்.
துபாயில் மூன்று சாலைகளை இணைக்கும் மிராகல் தோட்டத்தை மேலிருந்து பார்க்கும் போது அந்த காட்சி மலைக்க வைக்கிறது. கொஞ்சம் குளோசப்பில் பார்த்தால் சாலையில் சென்று கொண்டிருக்கும் வாகனங்களை சிறியதாக பார்க்கலாம்.

இப்படி ஒவ்வொரு படமும் ஒவ்வொரு விதத்தில் பிரம்மாண்டத்தை உள்ளடக்கியிருக்கும் விதத்தில் வியக்க வைக்கின்றன.
கிட்டத்தட்ட பூமி பற்றிய புதிய பார்வையை தருவதாகவும் இருக்கின்றன.
1i2
கிராண்டும் இந்த நோக்கத்துடன் இந்த புகைப்படங்களை பகிர்ந்து கொண்டு வருகிறார். கூகுள் எர்த் செயற்கைகோள் சேவையில் இருந்து புகைப்படங்களை அவர் தேடி எடுத்து வெளியிடுகிறார். ஒவ்வொரு படத்தையும் தேட ஒரு மணி நேரம் வரை ஆகலாம் என்கிறார்.

நம்முடைய பூமி நிலப்பரப்பு பெரும் மாற்றத்திற்கு உள்ளாகி கொண்டிருக்கும் முக்கியமான கட்டத்தில் இருக்கிறோம் என்பதை இந்த படங்கள் மூலம் உணர்த்த விரும்புவதாக கிராண்ட் சொல்கிறார்.
அதற்கேற்ப புகைப்படங்களை தேடுவதற்கும் சுவார்ஸ்யமான வழிகளை வைத்திருக்கிறார். நடப்பு நிகழ்வுகள் மற்றும் சுற்றுச்சூழல் பிரச்சனைகள் தொடர்பான புகைப்படங்களை செயற்கைகோள் படங்களில் இருந்து தேடி எடுத்து வெளியிடுகிறார்.

இந்த படங்கள் சுற்றுப்புறச்சூழல் பற்றிய விழிப்புணர்வையும் ஏற்படுத்த வல்லவை என்கிறார் கிராண்ட்.

பெஞ்சமின் கிராண்ட் இன்ஸ்டாகிராம் பக்கம்: https://instagram.com/benjaminrgrant/

——

இணையம் கொண்டாடும் குட்டி தேவதையின் புகைப்படங்கள் !

daughter3ஒரு தாயால் தனது செல்ல மகளை இந்த அளவுக்கு கொள்ளை அழகாக படம் எடுக்க முடியுமா? என வியக்க வைக்கும் புகைப்படங்கள் அவை. அந்த புகைப்படங்களை தான் பேஸ்புக்கும் இணையமும் கொண்டாடி மகிழ்ந்து கொண்டிருக்கிறது. அந்த புகைப்படங்களை பார்த்தால் நீங்களும் நிச்சயம் அசந்து விடுவீர்கள். ஆனால் அந்த புகைப்படங்களின் அழகை விட அதன் பின்னே இருக்கும் தாய்மையும் நம்பிக்கையும் தான் உங்கள் உள்ளத்தை தொடும்; நெகிழ வைக்கும். கூடவே நம்பிக்கை என்றால் என்ன என்றும் புரிய வைக்கும்.

அந்த புகைப்படங்களின் மையமாக இருக்கும் குட்டி தேவைதையின் பெயர் வொய்லெட். 5 வயதாகும் வொய்லெட்டின் தாயான ஹோலி ஸ்பிரிங் ஒரு புகைப்பட கலைஞர். காமிராவை தொழிலாக கொண்ட ஹோலி ஸ்பிரிங் தனது செல்ல மகளை விதவிதமாக புகைப்படம் எடுத்து பேஸ்புக் மூலம் பகிர்ந்து கொண்டு வருகிறார்.
ஒரு தாய் தனது மகளை விதவிதமாக படம் எடுக்க ஆசைப்படுவதோ, அதை ஆர்வத்துடன் பகிர்ந்து கொளவ்தோ பெரிய விஷயம் இல்லை. அதிலும் அந்த அம்மா புகைப்பட கலைஞராக இருக்கும் போது இதில் வியப்பதற்கு ஒன்றும் இல்லை. ஆனால் இந்த புகைப்படங்கள் வழக்கமான புகைப்பங்கள் அல்ல. இவை ஒரு தாயின் பாசப்பதிவுகள். அதன் பதிவுகளின் மையமாக இருக்கும் குட்டி தேவதை ஒரு அசாதரனமான சிறுமி. அதனால் தான் இந்த புகைப்படங்கள் அழகை மீறிய ஆன்மாவோடு கவர்கின்றன.

ஐந்து வயதாகும் அந்த குட்டி தேவதை வொய்லெட் ஸ்பிரிங் பிறவி குறைப்பாடு காரணமாக முழுவதும் வளர்ச்சி அடையாத ஒரு கையுடன் பிறந்தவர். அதோடு ஒரு வகையான வயிறு மற்றும் சிறுகுடல் தொடர்பான நோயாலும் பாதிக்கப்பட்டவர்.

இந்த நோயால் பைபாஸ் அறுவை சிகிச்சை செய்ய வேண்டிய நிலை.அறுவை சிகிச்சையின் போது உயிர் பிழைத்து வந்தாள் என்றே சொல்ல வேண்டும். தொடர்ந்து சிறுமியின் வாழ்க்கை சோதனையானதாகவே இருந்து வருகிறது. மகள் அதிக காலம் வாழாமல் போய்விடும் அபாயம் இருக்கிறது என்பதை விட தாயுள்ளத்தை உலுக்ககூடியது எது?
daughter5
இந்த உணர்வுக்கு ஆளான ஹோலி ஸ்பிரிங், ஒரு வேளை மகள் தன்னை விட்டு பிரியும் நிலை ஏற்பட்டால் அவளது அரிய நினைவுகளுக்கான சாட்சி தன்னிடம் இல்லாமலே போய்விடுமே என கலங்கியிருக்கிறார். அப்போது தான் அவரது கணவர் , காமிரா ஒன்றை வாங்கி கொடுத்திருக்கிறார். அதிலிருந்து அவர் தனது மகளின் வளர்ச்சியை புகைப்படங்களாக பதிவு செய்து வருகிறார்.

இந்த புகைப்படங்கள் தான் வியக்க வைக்கும் தன்மையோடு இருக்கின்றன.

இந்த படங்களில் எல்லாம் அவரது மகள் குட்டி தேவதை போல ஒரு கற்பனை உலகின் நடுவே காட்சி அளிக்கிறார். அந்த கற்பனை உலகம் அந்த தேவதையின் உள்ளத்தில் இருந்து உருவானவை. அம்மா அதற்கு காட்சி வடிவம் கொடுத்திருக்கிறார்.

ஸ்பிரிங் பொதுவாக மகளை மாடலாக்கி படம் எடுத்து வருகிறார் என்றாலும் ஒவ்வொரு படமும் விஷேசமானவை. முதலில் மகளை விதவிதமான போஸ்களில் தயார் செய்கிறார். சிறுமிக்கு ஆடை அணிவதில் அதிக ஆனந்தம் என்பதால் மகிழ்ச்சியோடு பிடித்தமான உடை அணிந்து தயாராகி விடுகிறாள். அதன் பின் தனது மனதில் தோன்றும் கற்பனைகளை விவரிக்கிறாள். அந்த கற்பனைகளை அம்மா தனியே புகைப்படமாக எடுத்திக்கொள்கிறார். பின்னர் அந்த புகைப்படங்கள் நடுவே மகளை இடம்பெற வைத்து புதிய புகைப்படத்தை உருவாக்குகிறார்.
இந்த படங்களில் தான் சிறுமி வொய்லெட் குட்டி தேவதையாக, சிண்ட்ரல்லா போல ஒரு படகின் மீது அமர்ந்திருக்கிறாள். அப்பாவியான ஒட்டகச்சிவிங்கியை பார்த்து வியக்கிறாள். தேவதை போல நடுக்காட்டில் கைநீட்டி காட்சி அளிக்கிறாள். ஒரு பட்டாம்பூச்சி போல நிலவை எட்டிப்பிடிக்கிறாள். இப்படி இன்னும் பல வடிவங்களில் அந்த தேவதை வசிகறிக்கிறாள்.

இந்த படங்கள் ஒவ்வொன்றிலும் விஷேசமான செய்தி இருக்கிறது. தன் மீது நம்பிக்கை கொண்டால் , வாழ்க்கையில் சாதிப்பதற்கு அளவும் இல்லை, எந்த தடையும் இல்லை’ என்னும் நம்பிக்கையை இந்த புகைப்ப்டங்கள் மூலம் அந்த தாய் தனது மகளின் மனதில் ஏற்படுத்த முயன்று வருகிறார்.
ஒரு வித்திதில் இந்த நம்பிக்கையை கொடுத்ததே அவரது மகள் தான். 2 வயதாக இருக்கும் போது, மகள் அவரிடம் தனது கை எப்போது வளரும் என கேட்டிருக்கிறார். அந்த கை வளராது எனும் உண்மையை சொல்ல முடியாமல் அவர் தனக்குள் அழுது தவித்திருக்கிறார். ஆனால் மகள் அதன்பின் அந்த நிலையை ஏற்றுக்கொண்டு தன்னை மாற்றிக்கொண்டு விட்டார். பிஞ்சு உள்ளம் தன்னைதானே மாற்றிக்கொண்ட விதத்தை பார்த்த அம்மா தானும் மன உறுதி பெற்றிருக்கிறார்.

என மகள் என படங்களுக்கு மாடல் மட்டும் அல்ல, அவள் எனக்கான ரோல்மாடலும் தான், அவளிடம் இருந்து நான் நிறைய கற்றுக்கொண்டு வருகிறேன் ‘ என பேட்டி ஒன்றில் ஹோலி ஸ்பிரிங் கூறியிருக்கிறார்.
மகளுடன் எடுக்கும் ஒவ்வொரு புகைப்படமும் ஒரு பொக்கிஷம் ,ஒவ்வொன்றும் கொண்டாட்டத்தின் மைல்கல் என்றும் அவர் சொல்கிறார்.
daughter6
இந்த புகைப்படங்கள் வளரந்த பின் மகளுக்கு உத்வேகம் அளிக்கும் என்றும் அவர் எதிர்பார்க்கிறார். ’ இந்த படங்கள் அவளது உடல் குறைபாட்டை மீறி, அவளது வயதை மீறி எல்லையில்லா எதிர்காலத்தை காட்டும் வகையில் இருப்பதாக’ அவர் கூறுகிறார்.

இந்த புகைப்படங்களை தனது இணையதளம் மூலமு பேஸ்புக் பக்க மூலமும் அவர் பகிர்ந்து கொண்டு வருகிறார்.
பேஸ்புக்கில் இந்த புகைப்படங்களை பார்ப்பவர்கள் அதன் அழகு மற்றும் அதன் பின்னே உள்ள நெகிழ்ச்சியான கதையை அறிந்து உருகிப்பொகின்றனர. பல்ரும் உங்கள் மகள் தான் அழகு என கருத்து தெரிவித்துள்ளனர். ‘
இன்னும் சிலர் இதே போல உடல்ரீதியான குறைபாடு கொண்ட தங்கள் குழந்தைகள் பற்றிய அனுபவத்தை பகிர்ந்து கொண்டு , இந்த குறைபாட்டை புகைப்படங்கள் வழியே வெல்லும் முயற்சியை மனதார பாராட்டியுள்ளனர்.
97 வய்தான பெண்மணி ஒருவர், நானும் ஒற்றைக்கையுடன் பிறந்தேன்.ஆனால் என்னை ஊக்குவிக்க யாரும் இல்லை.நானாக தடைகளை வென்று வளர்ந்தேன் என குறிப்பிட்டு இந்த பஞ்சுக்கு நல்ல வளமான எதிர்காலம் காத்திருக்கிறது என குறிப்பிட்டுள்ளார்.

மகளின் குறை தெரியாமல் இருக்க அவளுக்கு புகைப்படம் மூலம் புது உலகை உருவாக்கத்தரும் இந்த தாயின் முயற்சியை இணையத்தில் படித்து லட்சக்கணக்கானோர் இந்த குட்டி தேவைதையை கொண்டாடி மகிழ்கின்றனர்.
’எப்போதும் உங்கள் குழந்தைகளின் சிறந்தவற்றை வெளிக்கொணர்வதில் நேரத்தை செலவிடுங்கள் , அவர்களுக்கு சுவாரஸ்யத்தை அளியுங்கள், அவர்கள் உங்களுக்கு மறக்க முடியாத தருணங்களை அளிப்பார்கள்’ என ஹோலி ஸ்பிரிங் தனது பேஸ்புக் பக்கத்தில் பெற்றோர்களுக்கு கோரிக்கை வைத்துள்ளார். எத்தனை அழகான கோரிக்க்கை அது!.

ஹோலி ஸ்பிரிங்கின் பேஸ்புக் பக்கம்: https://www.facebook.com/HSpringPhotography?ref=stream

ஹோலி ஸ்பிரிங்கின் இணையதளம்: http://www.hollyspringphotography.com/

——-
நன்றி-விகடன்.காம்

பிலிக்கர் புகைப்பட சேவையை சிறப்பாக பயன்படுத்த உதவும் இணையதளங்கள்.

fliபிக்காசா, இன்ஸ்டாகிராம் போன்ற புகைப்பட சேவைகளின் வருகையையால் பிலிக்கர் சேவை கொஞ்சம் பளபளப்பு குறைந்து விட்டதாக தோன்றினாலும் இதன் பயன்பாட்டுத்தன்மையை குறைத்து மதிப்பிட்டுவிட முடியாது. தொழில்முறை புகைப்பட கலைஞர்கள் மத்தியிலும் சரி, அமெச்சூர் ஒளிப்பட கலைஞர்கள் மத்திலும் சரி பிலிக்கர் தான் இன்னும் செல்வாக்கு பெற்றிருக்கிறது. அதோடு பிலிக்கர் சமீப காலங்களாக புதிய வசதிகளையும் அறிமுகம் செய்டு வருகிறது. அது மட்டும் அல்லாமல் புகைப்படங்களை சேமிப்பதற்கான இட வசதியையும் வாரி வழங்கியிருக்கிறது. எனவே பிலிக்கருக்கு நிகரில்லை என்றே சொல்ல வேண்டும். பிலிக்கர் புகைப்பட சேவையை மேலும் சிறப்பாக பயன்படுத்த உதவக்கூடிய இணையதளங்களும் இருக்கின்றன. பிலிக்கர் அனுபவத்தை மேம்படுத்தும் பிலிக்கர் சார்ந்த சில முக்கிய சேவைகள் இதோ;

பிலிக்கர் தேடியந்திரம்

பிலிக்கர் சேவையில் வெளியாகும் புகைப்படங்களை தேட பல வழி இருக்கிறது. பிலிக்கர் தளத்திலேயே கூட இதற்கான வசதி இருக்கிறது. என்றாலும் கூட பிலிக்கர் பிரியர்கள் ரிட்ரிவர் ( http://labs.systemone.at/retrievr/) தேடியந்திரத்தை நிச்சயம் விரும்புவார்கள். ஏனெனில் இந்த தேடியந்திரம் தேவையான புகைப்படங்களை வரைந்து காட்டி தேட உதவுகிறது. இந்த தளத்தின் இடது பக்கத்தில் உள்ள கட்டத்தில் , காகிதத்தில் வரைவது போல வரைந்து காட்டினால் தொடர்புடைய புகைப்படங்களை அடையாளம் காட்டுகிறது. நாம் வரைந்து காட்டுவதற்கு ஏற்ப பொருத்தமான புகைப்படங்கள் காட்டப்படுவதை பார்த்தால் வியப்பாக தான் இருக்கிறது. அதே போல் நம்மிடம் உள்ள புகைப்படத்தை இதில் பதிவேற்றி அதே போன்ற புகைபடங்களையும் தேடலாம். சோதனை முறையில் செயல்படுத்தப்படும் தேடியந்திரம் , எனவே அதிகம் எதிர்பார்க்க வேண்டாம் என்று குறிப்பிடப்பட்டுள்ளது. ஆனால் இந்த எச்சரிக்கையை மீறி முதல் முறை பயன்படுத்தும் எவரையும் வியப்பில் ஆழ்த்திவிடக்கூடும்.

சிறந்த படங்களை காண’

பிலிக்கரில் வெளியாகும் ஆயிரக்கணக்கான புகைப்படங்களில் அருமையான படங்களை கண்டு ரசிக்க வழி செய்கிறது லவர்லி.காம் (http://www.lurvely.com/ ) இணையதளம். இதன் முகப்பு பக்கத்திலேயே பிலிக்கர் பயனாளிகள் மத்தியில் பிரபலமாக இருக்கும் புகைப்படங்களை பார்த்து ரசிக்கலாம். செய்திப்படங்கள், பிரபலமான புகைப்படங்கள், பரிந்துரைக்கப்பட்ட புகைப்படங்கள் என பலவகையான தலைப்புகளில் புகைப்படங்கள் இடம்பெற்றுள்ளன. புகைப்பட கலைஞர்களின் படங்கள் மற்றும் குறிப்பிட்ட இருப்பிடம் சார்ந்த புகைபப்டங்களையும் காணலாம். பிலிக்கரில் உங்களுக்கு உறுப்பினர் கணக்கு இருந்தால் அதை குறிப்பிட்டு நீங்கள் விரும்பிய புகைப்படங்கள் போன்றவற்றையும் பார்த்து ரசிக்கலாம். பிலிக்கரில் வெளியாகும் சிறந்த புகைப்படங்களை எளிதாக பார்த்து ரசிப்பதற்கான இணையதளம் என்று இந்த சேவை தன்னை வர்ணித்துக்கொள்கிறது.

புகைப்படங்களை பதிவேற்ற!

பிலிக்கர் புகைப்படங்களை பகிர்ந்து கொள்வதற்கான சிறந்த இடம் மட்டும் அல்ல, புகைப்படங்களை சேமித்து வைப்பதற்காகவும் இதை பயன்படுத்தலாம்.உங்களிம் நிறைய புகைப்படங்கள் இருந்து அவற்றை பிலிக்கரில் பதிவேற்ற விரும்பினால் அதற்கு உதவுவதற்காக என்றே ஜப்லோடர் ( http://juploadr.sourceforge.net/ சேவை உருவாக்கப்பட்டுள்ளது. இதன் மூலம் உங்கள் கம்ப்யூட்டரில் இருக்கும் புகைப்படங்களை பிலிக்கருக்கு எளிதாக் கொண்டு செல்லலாம். இதற்கான மென்பொருளை டவுண்லோடு செய்து கொண்டால் போதும்.

புகைப்படங்களை அழகாக்க

பிலிக்கரில் பகிர்ந்து கொள்ளும் புகைப்படங்களை திருத்தி மேம்படுத்தி பகிர
்ந்து கொள்ள உதவுகிறது பிர்லோடர் இணையதளம் (http://www.preloadr.com/ ) .இதற்கென தனியே உறுப்பினர் கணக்கு தேவையில்லை.எதையும் டவுண்லோடு செய்யவும் வேண்டாம். பிலிக்கர் கணக்கு மூலமே இந்த சேவையை பயன்படுத்திக்கொள்ளலாம். பதிவேற்றப்படும் புகைப்படங்கள் திருத்தப்பட்டு வண்ணங்கள் சரி செய்யப்பட்டு பதிவேற்றப்படுகின்றன. புகைப்படங்களுக்கு இன்ஸ்டாகிராமில் இருப்பது போல பில்டர்க்ளையும் பொருத்தலாம். எளிமையான சேவை.ஆனால் மிகவும் பயனுள்ளது.

இதே போல பிலிக்கர் காம்ன்ஸ்( https://www.flickr.com/commons) மூலம்
குறிப்பிட்ட பகுதியில் எடுக்கப்பட்ட வரலாற்று புகைப்படங்களை பார்த்து ரசிக்கலாம். இது பிலிக்கர் தளமே தரும் அருமையான வசதி. சரித்திர பொக்கிஷங்களை க்ண்டு கொள்ள இந்த வசதி உதவும்.