Tag Archives: instagram

புகைப்படங்களை பார்த்து ரசிக்க புதிய வழி!

திடிரென்று பார்த்தால் இணையத்தில் எங்கு பார்த்தாலும் புகைப்படங்களாக இருக்கின்றன.பேஸ்புக்கில் பார்த்தால் புகைப்படங்களாக இருக்கின்றன‌.டிவிட்டரில் பார்த்தால் புகைப்படங்களாக இருக்கின்றன.வலைப்பதிவு சேவையான டம்ப்லரிலும் புகைப்படங்கள் நிறைந்திருக்கிறது.

இவற்றைத்தவிர இன்ஸ்டாகிராம் போன்ற பிரத்யேக புகைப்பட சேவைகளும் இருக்கின்றன.முன்னோடி புகைப்பட பகிர்வு சேவையான பிலிக்கரையும் மறந்துவிடுவதற்கில்லை.

ஆக இணையம் புகைப்படமயமாகி வருகிறது.

ஒரு விதத்தில் துல்லியமான படங்களை எடுக்க வல்ல காமிரா போன்களின் வருகையும் இதற்கு காரணமாக இருக்கலாம்.

புகைப்படங்களை இணையத்தில் வெளியிடுவதும் பகிர்ந்து கொள்வதும் சுலபமாகி இருக்கும் நிலையில் புகைப்படங்களை பார்த்து ரசிப்பதற்கான வழியும் மேம்பட வேண்டியது காலத்தின் கட்டாயம் என்று தான் செல்ல வேண்டும்.

இதற்கு அழகான உதாரணமாக ‘பிக் ஷோ’இணையதளம் அறிமுகமாகியுள்ளது.

பிக் ஷோ தளம் இணையத்தில் வெளியாகும் புகைப்படங்களில் இருந்து தேவையான படங்களை புகைப்பட தொகுப்பாக உருவாக்கி கொள்ள வழி செய்கிறது.அதாவது பேஸ்புக்,டிவிட்டர்,பிலிக்கர்,இன்ஸ்டாகிராம் ஆகிய சேவைகளில் பகிரப்படும் புகைப்படங்களில் இருந்து இணையவாசிகளின் விருப்பத்திற்கு ஏற்ற புகைப்படங்களை தேர்வு செய்து அவற்றை தொகுப்பாக மாற்றிக்கொள்ள வைக்கிறது.

இணையத்தின் இப்போதைய பரிபாஷையான ஹாஷ்டேக் அடிப்படையில் புகைப்பட தொகுப்பை உருவாக்கி கொள்ள உதவுகிறது என்பதே விஷயம்.

ஹாஷ்டேக் என்பது பகிரப்படும் தகவல் அல்லது புகைப்படத்தின் பொதுத்தனமையை உணர்த்தி அவற்றை அடையாளப்படுத்தும் குறிச்சொற்களாகும்.

டிவிட்டர் ,பேஸ்புக் போன்ற சேவைகளில் பகிரப்படும் புகைப்படங்கள் இப்படி ஹாஷ்டேக்களால் அடையாளப்படுத்தப்படுகின்றன.

பிக் ஷோ தளம் இத்தகயை ஷாஷ்டேக்களை அடிப்படையாக கொண்ட புகைப்படங்களை பல்வேறு சேவைகளில் இருந்து உருவி தொகுத்தளிக்கிறது.

இணையவாசிகள் எந்த வகையான புகைப்படங்களை பார்த்து ரசிக்க விரும்புகின்றனறோ அதற்கான ஹாஷ்டாகை டைப் குறிப்பிட்டால் அந்த அடையாள சொல் கொண்ட படங்களை எல்லாம் தொகுப்பாக பார்த்து ரசிக்கலாம்.பேஸ்புக்,இன்ஸ்டாகிராம்,டிவிட்டர்,பிலிக்கர்,டம்ப்லர்,லாகர்ஸ்,மோபிபிக்சர் ஆகிய புகைப்பட பகிர்வு சேவைகளில் இருந்து தொடர்புடைய புகைப்படங்களை அடையாள சொல் மூலம் இந்த தளம் திரட்டி தருகிறது.

இந்த தொகுப்புகள் புகைப்பட ரசிகர்களை பிரமிக்க வைத்துவிடும் தன்மை கொண்டிருக்கின்றன.

காரணம் எந்த தலைப்பில் புகைப்படங்களை காண ஆர்வமோ அந்த தலைப்பில் இணையத்தின் மூளை முடுக்களில் பகிரப்பட்ட படங்களை எல்லாம் திரட்ட ஒரே பக்கத்தில் வரிசையாக பட்டியலிட்டு தருகிறது.பேஸ்புக்,டிவிட்டர் என எங்கெல்லாமோ பகிரப்பட்ட படங்களை வரிசையாக பார்த்து கொண்டே இருக்கலாம்.

உதாரணத்திற்கு கிரிக்கெட் ரசிகர்கள் சமீபத்திய கிரிக்கெட் போட்டி தொடர்பாக இணையவெளியில் வெளியான படங்களை எல்லாம் வரிசையாக பார்க்கலாம்.சச்சின் ரசிகர்கள் அவரது படங்களை எல்லாம் ஒரே தொகுப்பாக பார்க்கலாம்.

இதே போல அபிமான நட்சத்திரங்களின் புகைப்படங்களையும் ஒரு சேர பார்க்கலாம்.

இப்படி ரசிகர்களால் தேடப்படும் புகைப்படங்களின் அடிப்படையில் பிரபலமான ஹாஷ்டாக்களும் பட்டியலிடப்பட்டுள்ளன.அவற்றையும் கிளிக் செய்து ப‌டங்களை பார்க்கலாம்.இந்த தொகுப்பகளிலே கூட மாற்றங்களை செய்து புகைப்படங்களை சேர்த்து புதிய தொகுப்பை உருவாக்கி கொள்ளலாம்.

தொகுப்பை உருவாக்க முயலும் போது எந்த சேவைகளில் இருந்து படங்கள் தேவை என்று குறிப்பிடும் வசதியும் இருக்கிறது.அதே போல தொகுப்பில் உள்ள ப‌டங்களில் விருப்பமில்லா படங்களை நீக்கி கொள்ளும் வசதியும் இருக்கிறது.

இந்த தொகுப்புகளை அப்படியே சேமித்து வைத்து கொள்ளலாம்.பேஸ்புக்,டிவிட்டர் வழியே நண்பர்களோடு பகிர்ந்து கொள்ளலாம்.

இணையதள முகவரி;http://picsho.com/

இணைய புகைப்பட கேலரியை உருவாக்க!


இதோ இந்த நொடி இணையத்தில் யாரெல்லாமோ புதிய புகைப்படங்களை பதிவேற்றிக்கொண்டிருக்கின்றனர்.அது இன்ஸ்டாகிராம் மூலமாக இருக்கலாம்.டிவிட்டர் மூலமாக இருக்கலாம்.பிலிக்கர் மூலமாக இருக்கலாம்.வலைப்பதிவு மூலமாக இருக்கலாம்.இன்னும் பல வழிகளில் இருக்கலாம்.

ஆக இணையத்தில் கடலென புகைப்படங்கள் சேர்ந்து கொண்டே இருக்கின்றன.இணையத்தில் குவியும் புகைப்படங்களை நினைத்து பார்த்தால் பிரமிப்பாக இருக்கும்.

எல்லாம் சரி,இந்த புகைப்படங்களை பார்த்து ரசிப்பதற்கும் ஏற்ற வழி இருந்தால் நன்றாக இருக்கும் அல்லவா?

பிக்ஷோ இணைய சேவையை இந்த ஏக்கத்தை போக்குவதற்காக உருவாக்கப்பட்டுள்ளது.

இணையத்தில் வெளியாகும் புகைப்படங்களை கொண்டு அழகிய கேலரியை உருவாக்கி கொள்ள இந்த சேவை உதவுகிறது.

இணைத்தில் இருந்து புகைப்படங்களை திரட்டுவது பெரிய விஷய‌மல்ல;ஆனால் அவற்றை சரியாக தொகுக்க வேண்டும் அல்லவா?அது தான் இந்த சேவை ஹாஷ்டேக் மூலம் புகைப்படங்களை தொகுத்து பிறரோடு பகிர்ந்து கொள்ள வழி செய்கிறது.

ஹாஷ்டேக் என்பது சமூக வலைப்பின்னல் உலகில் பிரபலமாக இருப்பதை நீங்கள் அறிந்திருக்கலாம்.பகிரப்படும் தகவல்களை அவற்றின் தன்மைக்கேற்ப வகைப்படுத்தி அடையாளப்படுத்தி கொள்ள ஹாஷ்டேகுக்கள் கைகொடுக்கின்றன.

டிவிட்டரில் குறும்பதிவுகள் பொருத்தமான ஹாஷ்கேகுகளுடன் பகிரப்படுவது பிரபலமாக இருப்பதோடு பிரபலமாகும் ஹாஷ்டேகுகள் எந்த தலைப்பு முக்கியத்துவம் பெற்றுள்ளது என்பதையும் உணர்த்த வல்லவையாக இருக்கின்றன.

குறும்பதிவுகள் மட்டும் அல்ல புகைப்படங்களும் ஹாஷ்டேகுடன் பகிர்ந்து கொள்ளப்படுகின்றன.

செல்போனில் புகைப்படத்தை பகிர உதவும் இன்ஸ்டாகிராம்,புகைப்பட பகிர்வு சேவை பிலிக்கர் போன்ற சேவைகளில் பகிரப்படும் புகைப்படங்கள் ஹாஷ்டேகுடன் பகிரப்படுகின்றன.இதே போல டிவிட்டரிலும் கூட புகைப்படங்கள் பகிரபப்டுகின்றன.டிவிட்பிக் மூலமும் புகைப்படங்கள் பகிரப்படுகின்றன.

எனவே விருப்பமான ஹாஷ்டேகை தேர்வு செய்துவிட்டால் அந்த குறிப்பிட்ட பதத்திற்கு உரிய புகைப்படங்களை மட்டும் தேர்வு செய்ய முடியும்.

பிக்ஷோ இதை தான் செய்கிறது.

இதில் விருப்பமான ஹாஷ்டேகை சமர்பித்தால் அதற்கேற்ற சமீபத்திய புகைப்படங்களை இந்த தளம் திரட்ட இணைய கேலரியாக தருகிறது.

ஹாஷ்டேகை தேர்வு செய்வது போலவே எந்த எந்த சேவையில் இருந்து புகைப்படங்கள் தேவை என தேர்வு செய்து கொள்ளலாம்.தேர்வு செய்யப்பட்ட கேலரியை அப்படியே சேமித்து நண்பர்களோடு பகிர்ந்து கொள்ளலாம்,இல்லை அப்படியே பார்த்து ரசிக்கலாம்.

எப்படி பார்த்தாலும் இணைய கடலில் சங்கமிக்கும் புகைப்படங்களை புதிய கோணத்தில் பார்த்து ரசிப்பதற்கு ஏற்ற சேவை இது.

இணையதள முகவரி;http://picsho.com/