Tag Archives: social

என் ஸ்டைல் எப்படி? கேட்க ஒரு இணையதளம்.

ஆலோசனை கேட்க உதவும் இணையதளங்கள் ஒரு அலையெனவே தொடர்ச்சியாக அறிமுகமாகி கொண்டிருக்கின்றன.

குழப்பமில்லாமல் முடிவெடுக்க இணையம் மூலம் நண்பர்களிடம் ஆலோசனை நடத்த வழி செய்யும் தளங்களை போலவே ஒருவரின் தோற்ற பொலிவை மேம்படுத்தி கொள்வது குறித்தும் ஆலோசனை கேட்கும் அழகான தளங்கள் அறிமுகமாகி வருகின்றன.

அந்த வகையில் உங்கள் தோற்றத்தையே மாற்றி காட்ட (மேலும் அழகாக தான்)வழி செய்ய ரீ ஸ்டைல் மீ தளம் உதயமாகியிருக்கின்றது.

புற தோற்றத்தில் ஆர்வமும் அக்கரையும் கொண்டவர்கள்(யார் தான் இதற்கு விதிவிலக்கு)இந்த தளத்தின் மூலம தங்கள் உடை அலங்காரம் குறித்தும் தோற்றம் குறித்தும் மற்றவர்களின் (நண்பர்கள்)கருத்தை அறிந்து கொள்ளலாம்.அவற்றின் அடிப்படையில் தங்கள் ஸ்டைலை மாற்றியும் கொள்ளலாம்.

மணிக்கணக்கில் கண்னாடி முன் நின்று அழகு பார்ப்பவர்களும்,இந்த உடையில் எப்படி இருக்கிறேன் என்று பார்ப்பவர்களிடம் எல்லாம் அலுக்காமல் கருத்து கேட்பவர்களும் இந்த தளத்தை வரப்பிரசாதமாகவே கருதுவார்கள்.காரணம் அதை தான் இந்த தளம் செய்கிறது.

புற தோற்றத்தை மேலும் மெருகேற்றி கொள்ள நினைப்பவர்கள் இந்த தளத்தில் தங்களின் புகைப்படத்தை சமர்பித்து மற்றவர்கள் கருத்து சொல்ல காத்திருக்க வேண்டும்.அதன் பிறகு தளத்தின் உறுப்பினர்கள் இந்த புகைப்படத்தை பார்த்து விட்டு தங்களின் கருத்துக்களை தெரிவிப்பார்கள்.

புகைப்படத்திற்கு மேலே வரிசையாக முக அழகு உட்பட பல்வேறு அம்சங்களுக்கான குறியீடுகளும் கொடுக்கப்பட்டுள்ளன.புகைப்படத்தை பார்த்து எந்த அம்சம் கவர்கிறதோ அந்த அம்சத்தில் கிளிக் செய்து கருத்து தெரிவிக்கலாம்.

அஹா அற்புதம் என்று பாராட்டாகவும் தெரிவிக்கலாம்.இல்லை தலை முடி வாரும் வாகை மாற்றி கொள்ளலாம் என்பது போலவும் கருத்து தெரிவிக்கலாம்.பல நேரங்களில் சின்ன சின்ன மாற்றம் அருமையான பலனை தரககூடும் .அது போலவே இந்த யோசனைகள் ஒருவரின் தோற்றத்தை மேம்படுத்தி கொள்ளவும் வழி வகுக்ககலாம்.

அதோடு மற்றவர்கள் நம்மை எப்படி பார்க்கின்றனர் என்று தெரிந்து கொள்ள முடிவது தோற்றம் பற்றிய தன்னம்பிக்கையை தரும் தானே.

ஆழமாக அலசி ஆராய்ந்து கருத்து சொல்ல மனம் இல்லாதவர்கள் தோற்ற பொலிவை ஆமோதிக்கலாம்,அல்லது நிராகரிக்கலாம்.இதற்கு வசதியாக கட்டை விரலை உயர்த்தும் செய்கை மற்ரும் கடை விரலை கீழே காண்பிக்கும் செய்கை ஆகியவற்றுக்கான குறியீடுகள் கொடுக்கப்பட்டுள்ளன.தோற்றம் தொடர்பான அம்சங்களுக்கு மேலும் கீழும் இந்த குறியீடுகள் உள்ளன.

இவற்றில் கிளிக் செய்து விட்டு வாக்களிக்கவும் செய்யலாம்.வாக்குகளின் அடிப்படையில் ஒருவர் தனது அழகுக்கு என்ன மதிப்பு உள்ளது என்பதை தெரிது கொள்ளலாம்.

புகைப்படத்தை சம்ர்பிகும் போதே அதனை பேஸ்புக் மற்றும் டிவிட்டர் உள்ளிட்ட நண்பர்களோடு பகிர்ந்து கொண்டு கருத்து கேட்கும் வசதியும் உள்ளது.

இதே போல இந்த தளத்தில் தங்கள் படங்களை சம்ர்பித்து விட்டும் ஆலோசனை கேட்டு காத்திருக்கும் மற்ற உறுப்பினர்களுக்கு நிங்களும் ஆலோசனை கூறலாம்.ஏற்கனவே சமர்பித்தவர்களுக்கு கிடைத்த வரவேற்பு எப்ப்டி இருக்கிறது என்பதையும் பார்க்கலாம்.சமீபத்திய ப்டங்கள்,பிரபலமானவை என்று பலவேறு வகைகளில் இவை பட்டியலிடப்பட்டுள்ளன.

நாடுகளின் அடிப்படையிலும் பட்டியல் இருக்கிறது.

நடிகைகளும் மாடல்களும் தான் அழகு கலை நிபுணர்களின் ஆலோசனை கேட்டு தங்கள் அழகை மேம்படுத்தி கொள்ள வேண்டுமா என்ன? நீங்களும் கூட நண்பர்களின் ஆலோசனையை கேட்டு பயன்பெறலாம்.நிபுணர்களின் குறிபுகளை விட நண்பர்கள் வழங்கும் இந்த ஆலோசனை ஜனநாயகமயமானது.

இதே போலவே புகைப்படத்தை சமர்பித்து மற்றவர்களின் முதல் அபிப்ராயத்தை அறிந்து கொள்ள உதவும் சேவையை ஸ்பீகிங் பேசஸ் தளம் வழங்கி வந்தது.ஆனால் இந்த சேவை காணாமல் போய் விட்டது.

இணையதள முகவரி;http://www.restyleme.com/

go_green

இணையதளம் மூலம் போராடுங்கள்.

உலகில் அமைதி நிலவட்டும் என்று நீங்கள் நினைக்கலாம்.எல்லோரும் முகத்திலும் புன்னைகை தவழவும் என்று விரும்பலாம்.சுற்றுச்சுழல் பாதுகாக்கப்பட வேண்டும்,பசுமை உணர்வு பொங்க வேண்டும் என்றும் நீங்கள் விரும்பலாம்.

ரத்ததானம் செய்ய வேண்டும்,சைவ உணவுக்கு மாற வேண்டும்,விலங்கு தோல் ஆடைகளை புறக்கணிக்க வேண்டும் என்று கொள்கை சார்ந்த கோஷங்களும் உங்களிடையே இருக்கலாம்.

இப்படி நீங்கள் நம்பும் விஷயங்களை உங்கள் இணையதளம் அல்லது வலைப்பதிவு மூலம் வலியுறுத்த விரும்புகிறீர்கள் என்றால் அதற்கான சுலபமாக வழி காட்டுகிறது காஸ்ரிப்பன் இணையதளம்.

இந்த தளம் நீங்கள் குரல் கொடுக்க விரும்பும் முக்கிய பிரச்சனைகளுக்கான இணைய ரிப்பன்களை வழங்குகிறது.

இணைய ரிப்பன் என்பது குறிப்பிட்ட பிரச்சனைகளுக்கு அடையாளமாக திகழும் வாசகத்தை இணைதளத்தின் ஒரு மூளையில் ஒரு பட்டை போல இடம்பெற வைப்பது ஆகும்.

இணைய சுதந்திரத்தை பறிக்கும் அமெரிக்காவின் சோபா சட்டத்திற்கு எதிராக இணைய உலகில் கருப்புக்கொடி போராட்டம் நடைபெற்ற போது தணிக்கைக்கு எதிராக குரல் கொடுக்கும் வகையிலான இணைய ரிப்பனை இணையதளங்கள் மற்றும் வலைப்பதிவுகளில் இடம்பெற வைக்கப்பட்டன.

நாம் நம்பும் கொள்கை அல்லது கோட்பாட்டிற்கு சட்டையில் பேட்ஜ் குத்தி தார்மீக ஆதரவு தெரிவிப்பது போல இணைய உலகில் தார்மீக ஆதரவு தெரிவிப்பதற்காக எளிய வழி இணைய பட்டையை ஒட்ட வைப்பது.

சோபா சட்டத்திற்கு எதிரான போராட்டம் தீவிரமாக நடைபெற்ற போது நானும் தணிக்கைக்கு எதிரானவன் என்று இணைய பட்டை மூலம் ப‌லரும் சொல்ல முடிந்தது இந்த இயக்கத்தின் செல்வாக்கையும் உணர்த்தியது.

இதே போலவே மற்ற முக்கிய விஷய‌ங்கள் குறித்தும் ஆதரவு தெரிவிப்பதற்கான வசதியை காஸ் ரிப்பன் இணையதளம் வழங்குகிறது.உலகின் பல்வேறு பிரச்சனைகள் குறித்த இணைய பட்டைகளை இந்த தளம் வழங்குகிறது.

மனித உரிமைகள்,சமூகம்,நீதி,விலங்கு நல‌ம்,விடுமுறை என பலவேறு தலைப்புகளில் அவற்றுக்குறிய இணையபட்டைகள் பட்டியலிடப்பட்டுள்ளன.
அவற்றில் இருந்து தேவையானதை தேர்வு செயது அதற்கான இணைய நிரலை (கோட்) பெற்று அந்த பட்டையை இணையதளத்தில் தோன்றச்செய்யலாம்.

முக்கிய பிரச்ச்னைகளில் துவங்கி உலகில் அமைதி தவழட்டும் போன்ற நல்லெண்ண கோஷங்களும் இடம் பெற்றுள்ளன.

நீங்கள் நம்பும் விஷயம் குறித்த உங்கள் கருத்தை இணைய பட்டை வாயிலாக தெரிவிக்க வழி செய்யும் இந்த தளம் அடிப்படையில் போர்க்குணம் கொண்டவர்களுக்கு மிகவும் பயனுள்ளதாக இருக்கும்.

உண்மையிலேயே பயனுள்ள தளம் தான்.ஆனால் இதில் உள்ள விஷயங்கள் தவிர இணையவாசிகள் தாங்கள் விரும்பும் வேறு பிரச்சனைகளை சம்ர்பித்து அதற்கான இணைய பட்டையை பெறும் வசதி இருந்தால் இன்னும் சிறப்பாக இருக்கும்.அதே போல இணையவாசிகள் தங்கள் கோஷங்களையும் சம‌ர்பிக்க வழி செய்யலாம் .

இலங்கை தமிழருக்கு ஆதரவாக குரல் கொடுக்கவோ அல்லது இலங்கை அரசு மீது மனித உரிமை மீறல் விசாரணைக்கு உதரவிட வலியுறுத்தும் கோரிக்க்கை போன்றவற்றை சமர்பிக்கும் வசதி இருந்தால் சிறப்பாக தானே இருக்கும் .

இணையதள முகவரி;http://www.causeribbon.com/

என்ன படம் பார்க்கலாம்?ஆலோசனை சொலும் இணையதளம்

படம் பார்க்க வேண்டும் என்று விரும்பினால் எந்த படத்தை பார்ப்பது என முடிவு செய்வது எப்படி?
.
நாளிதழ்ளில் புதிய பட விளம் பரங்கள் பார்க்கலாம், நண்பர்களை கேட்கலாம், பேஸ்புக் அல்லது டிவிட்டரில் நோக்கலாம்! அப்படியே சஜஸ்ட் மூவி இணையதளத்திலும் எட்டிப்பார்க்கலாம்.

என்ன படம் பார்க்கலாம் என்னும் கேள்விக்கும் அழகாக பதில் சொல்லும் வகையில் எப்போதுமே முகப்பு பக்கத்தில் ஏதாவது ஒரு திரைப்படம் பற்றிய விவரங்களோடு இந்த தளம் இணையவாசிகளை வரவேற்கிறது.

அந்த படத்தின் கதை,நட்சத்திரங்கள், தயாரிப்பு போன்ற விவரங்களை தெரிந்து கொள்வதோடு, பார்த்தவர்களின் என்ணிக்கை, அவர்கள் தந்த ரேட்டிங் போன்ற விவரங்களையும் தெரிந்து கொள்ளலாம். படத்தின் டிரெய்லரை பார்க்கும் வசதியும் உள்ளது.
அதன் பிறகு படத்தை பார்க்க விரும்பினால் அருகே இடது பக்கத்தில் உள்ள அமேசான இணைப்பை கிளிக் செய்தால் அந்த படத்தின் டிவிடியை தருவிக்கலாம். அல்லது இணையம் வழியாகவே பார்த்து ரசிக்கலாம்.

இல்லை, அந்த படம் பிடிக்கவிலையா, கவலையே வேண்டாம், அடுத்த பரிந்துரையை கோரலாம். இதற்காகவே இன்னொரு படத்தை பரிந்துரைக்கவும் என்னும் பட்டனை கொடுத்துள்ளனர். அதை கிளிக் செய்தால் அந்த படம் பற்றிய விவரங்களை தெரிந்து கொள்ளலாம். அதுவும் பிடிக்கவில்லையா, அடுத்த படத்தை காட்டவும் என கிளிக் செய்து கட்டளையிடலாம்.

இப்படி வரிசையாக படங்களை பார்த்து கொண்டே போகலாம். சீட்டு குலுக்கி போட்டது போல ஒவ்வொரு முறையும் ஒரு படம் வந்து கொண்டே இருக்கும். வழக்கமான திரைப்பட தளங்களில் இருக்கும் தலைப்புகளின் கிழ் ரகம் வாரியாக தொகுக்கப்பட்ட படங்கள் பற்றிய விவரங்களை படித்து பார்ப்பதைவிட இந்த முறை கொஞ்சம் சுவாரஸ்ய மானது. என்ன படம் வரும் என தெரியாமல் இருப்பது இன்னும் சுவாரஸ்யமானது. அது மட்டும் அல்ல உங்ககுக்கானக பரிந்துரைக்கப்பட்ட படங்களின் பட்டியலையும் தனியே காட்டுகிறது. என்ன என்ன படம் பற்றிய விவரங்களை பார்த்தோம் என நினைவுபடுத்திக் கொள்ள இது உதவும்.

பார்க்க வேண்டிய படத்தை தீர்மானித்த பிறகு அதனை பேஸ்புக், டிவிட்டர், இமெயில், ஜிமெயில், வலைப்பதிவு என சகல வழிகளிலும் அதனை நண்பர்களுக்கு பரிந்துரைகலாம். விரும்பினால் நாலு வரி விமர்சனமும் எழுதலாம்.பிடித்தமான படத்தை தேர்வு செய்ய மேலும் ஒரு சுவாரஸ்யமான வழியும் இருக்கிறது. எந்த வகையான படத்தை எதிர்ப்பார்க்கிறோம் என்பதை குறிப்பிட்டு அந்த மனநிலைக்கேற்ற படங்களையும் பரிந்துரைக்க கோரலாம். நகைச்சுவை படமா, திர்ல்லர் வகையா அல்லது எந்த காலகட்டத்தில் வெளியானது என குறிப்பிட்டு தேடலாம். இதை தவிர எல்லா தளங்களிலும் இருப்பதுபோல பிரபலமான படங்கள் மற்றும் சமீபத்தில் பார்க்கப்பட படங்களை பட்டியலிலும் தேடலாம்.

திரைப்பட விமர்சனங்கள், ரசிகர்களின் கருத்துக்கள், இணையவாசிகலின் ரேட்டிங் என்றெல்லாம் அலசி ஆராய்ந்து குழப்பி கொள்ளாமல் எளிமையாக எந்த படத்தை பார்க்கலாம் என தீர்மானிக்க உதவுவதே இந்த தளத்தின் சிறப்பம்சம்.

இணையதள முகவரி;
http://www.suggestmemovie.com/

சொல்ல மறந்த குறிப்பு: எல்லா பரிந்துரைகளுமே ஹாலிவுட் படங்களுக்கானது. பாலிவுட் படங்களுக்கும், கோலிவுட் படங்களுக்கும் இதே போன்ற தளங்கள் தேவை.

index

அலுவலக‌த்திலும் பேஸ்புக் பார்க்க…

கல்லூரி மாணவர்கள் கூட பக்கத்தில் இருப்பவர்களோடு பேசாமால் இருந்துவிட முடியும்,ஆனால் அலுவலக்த்தில் வேலை பார்ப்பவர்களால் பேஸ்புக்கில் நண்பர்கள் என்ன சொல்லியிருக்கின்றனர் என்று பார்க்காமல் இருக்க முடியுமா என்ன?அதிலும் வேலையில் மூழ்கி உடலும் ,மனதும் களைத்து போன நிலையில் ஒரு மாறுதல் வேண்டி மனது அலைபாயும் போது பேஸ்புக்கில் உலாவினால் சுகமாகதானே இருக்கும்!

ஆனால் என்ன செய்வது அலுவலகத்தில் சுதந்திரமாக பேஸ்புக்கில் உலாவும் பாக்கியம் எல்லோருக்கும் கிடைப்பதில்லையே!பல‌ நிறுவனங்கள் பேஸ்புக் தளத்தையே தடை செய்திருக்கும் கொடுமைக்கார நிர்வாகங்களாக இருக்கின்ற‌ன என்றால் மற்ற நிறுவனங்களில்லோ பேஸ்புக் பய‌ன்ப‌டுத்துபவரை பார்த்தாலே வேலை செய்யாமல் வெட்டியாக பொழுதை கழிக்கிறாரே என்று நினைப்பவர்கள் தானே அதிக உள்ளனர்.

அது மட்டும் அல்லாமல்,நடுவில் சிறிது நேரம் பேஸ்புக் பார்த்தாலும் யாராவது மேலதிகாரி எட்டிப்பார்த்துவிட்டால் தவறாக் நினைத்து கொள்வாரே என்ற சந்தேகமும் காட்டலாம்.இதனால் ஏதோ திருட்டு தம் அடிப்பது போல அவசரம் அவசரமாக பேஸ்புக் பதிவுகளை படிக்க வேண்டியிருக்கும்.

இத்தகைய அனுபவம் உள்ளவர்களுக்கு உதவும் வகையில் அலுவலக நேரத்திலும் அச்சமோ சந்தேகமோ இல்லாமால் பேஸ்புக் பதிவுகளை பார்ப்பதற்கான வழியை ஹார்ட்லி வொர்க் இன் தளம் உண்டாக்கி தருகிறது.

இந்த தளம் பேஸ்புக் பதிவுகளை ஏதோ மிக முக்கியமான புள்ளி விவரங்கள் அடங்கிய எக்செல் கோப்புகளை பார்த்து கொண்டிருப்பது போன்ற தோற்றத்த தந்து பேஸ்புக்கில் உலாவ வழி செய்கிறது.

கொஞ்சம் பழைய உத்தி தான் இது. படிக்கிற காலத்தில் பாட புத்தகத்தின் நடுவே கதை புத்தகத்தை மறைத்து வைத்து கொண்டு பாட புத்தகம் படிப்பது போல கதை புத்தகம் படிப்பது உண்டல்லவா?அதே போல தான் இந்த தளம் பேஸ்புக் பதிவுகளை உருவி எக்செல் கோப்பு போல கட்டம் கட்டி தருகிற‌து.யாரவது உங்கள் முதுக்குக்கு பின் இருந்து எட்டிப்பார்த்தால் நீங்கள் எக்செல் கோப்பில் மூழ்கியிருப்பது போல தோன்றும்.நீங்கள் ஜாலியாக நண்பர்கள் பதிவுகளை படித்து கொண்டிருக்கலாம்.

முதல் முறை பார்க்கும் போது உங்களுக்கே கூட கொஞ்சம் குழப்பமாக தான் இருக்கும்.பேஸ்புக்கின் வழக்கமான பதிவு வரிசை அதன் நடுவே புகைப்படங்கள் வீடியோக்கள் என்னும் அழகிய தோற்றத்துக்கு பதிலாக கட்டம் கட்டமாக‌ தக‌வல்களை பார்க்கும் போது குழ‌ம்பிவிடும்.ஆனால் கட்டதின் உள்ளே உற்றுபார்த்தால் பதிவுகளையும் புகைப்படங்களையும் இணைப்புகளையும் கருத்துக்களையும் தனித்தனியே படிக்க முடியும்.

நண்பர்களை பார்த்தாலே பேஸ்புக்கில் காணவில்லயே என்று கேட்கும் வழக்கம் உள்ள காலகட்டத்தில் அவசியமான சேவை தான்.

நிற்க இதே போன்ற முகமுடி சேவைகள் இன்னும் சில இருக்கின்றன.தொடர்ந்து எழுதுகிறேன்.இதே போல எக்செல் கட்டங்கள் வடிவிலான் இணைய விளையாட்டு பற்றி ஏற்கனவே எழுதியுள்ளேன்.
———-

http://hardlywork.in/
———]]

http://cybersimman.wordpress.com/2010/03/21/game/

pubslush

வாசகர்களே வாங்க;புத்தகம் பதிப்பிக்க,அழைக்கும் தளம்.

சுயபதிப்பில் அழகான அடுத்த கட்டமாக பப்ஸ்லஷ் இணையதளம் உதயமாகியுள்ளது.

புதிய எழுத்தாளர்கள் தங்கள் புத்தகத்தை (தாங்களே)வெளியிட்டு கொள்ள உதவுவது இதன் நோக்கம்.

அதாவது பதிப்பகங்களின் தயுவு இல்லாமல் எழுத்தார்வம் மிக்கவர்களே தங்கள் புத்தகத்தை வெளியிட்டு கொள்ளவது.வாசகர்களின் ஆதரவோடு என்பதை இங்கே சேர்த்து கொள்ள வேண்டும். காரணம் அது தான் இந்த தளத்தின் சிறப்பம்சம்.

ஆம்,வாசகர்களே ஒன்றாக சேர்ந்து புத்தகம் வெளியாக வழி செய்ய இந்த தளம் வழி செய்கிறது.அந்த வகையில் பதிப்புலகிற்கான கிக் ஸ்டாரட்டர் என்று இந்த தளத்தை வர்ணிக்கலாம்.

கிக் ஸ்டார்ட்டர் புதிய திட்டங்களுக்கான நிதியை இணையவாசிகளிடம் இருந்து திரட்ட கைகொடுக்கிறதோ அதோ போல இந்த தளம் எழுத்தாளர்கள் தாங்கள் வெளியிட விரும்பும் புத்தகத்திற்கான நிதியை அதனை படிக்க விரும்பும் வாசகர்களிடம் இருந்தே திரட்டி கொள்ள உதவுகிறது.

கிக்ஸ்டார்ட்டரில் நிதி கோருபவர் தனது திட்டத்தை விவரித்து அதனை ஆதரிக்க கேட்பது போல இதில் எழுத்தாளர்கள் தாங்கள் எழுத உள்ள புத்தகம் பற்றி குறிப்பிட்டு ஆதரவு கோர வேண்டும்.

ஆனால் ஒன்று கிக்ஸ்டார்ட்டரில் புதிய திட்டங்கள் பற்றி சற்றே விரிவாகவே குறிப்பிடலாம்.வீடியோ இணைப்புகளையும் சேர்த்து கொள்ளலாம்.தனி மினி இணையதளம் போல ஒவ்வொரு திட்டத்துக்கும் ஒரு தனி பக்கமே ஒதுக்கப்படும்.

இதிலோ முழு கதையை எல்லாம் சொல்ல முடியாது.புத்தகத்தின் நோக்கத்தை குறிப்பிட்டு மாதிரிக்கு பத்து பக்கங்களை சமர்பிக்கலாம்.புத்தக சுருக்கத்துடம் இந்த விவரங்கள் எழுத்தாளரின் பக்கத்தில் இடம் பெறும்.வாசக்ர்கள் அதனி படித்து பார்க்கும் போது பிடித்து போனால் முழு புத்தகம் எழுத தங்கள் ஆதரவை அளிக்கலாம். இப்படி போதுமான வாசக்ர்கள் ஒரு புத்தகத்திற்காக சேரும் போது அவர்கள் நிதி பங்களிப்போடு புத்தகம் வெளியாகும்.

போதுமான வாசகர் சேரும் வரை நிதி அளிக்க வேண்டியதில்லை.கிட்டத்தட்ட பதிப்பகங்களின் முன் வெளியீட்டு திட்டம் போல தான்,ஆனால் இணையதன்மை கொண்டது.முன் வெளியீட்டு திட்டத்தில் வாசகர்கள் ஒரு புத்தக்த்தை முன்கூட்டியே வாங்க ஒப்பு கொள்கின்றனர்.மற்றப்டி அந்த புத்தக உருவாக்கத்தில் அவர்களுக்கு எந்த பங்கும் கிடையாது.

இந்த தளத்திலோ வாசகர்கள் தான் புத்தகத்தையே உருவாக்குகின்றனர்.அவர்களுக்கு பிடித்தால் தான் புத்தகம் வெளிவரும்.

அதோடு புதிய எழுத்தாளரை இனம் கண்டு ஆதரித்த திருப்தியையும் பெறலாம்.அந்த வகையில் பார்த்தால் வாசகர்கள் தான் பதிப்பாசிரியர் போல!புத்தக சுருக்கத்தையும் மாதிரியையும் படித்து பார்த்து அதன் தரத்தை தீர்மானித்து ஆதரிக்கலாம்.

ஒரு புத்தக கருத்து பிடித்திருந்தால் தங்கள் நண்பர்களுக்கு பரிந்துரை செய்து ஆதரிக்க கோரலாம்.இந்த வகையில் பார்த்தால் இது புத்தக உருவாக்கத்திற்கான சமூக வலைப்பின்னல் தளம் போல செயல்படுவதாக வைத்து கொள்ளலாம்.

வாசகர்கள் தங்களுக்கு பிடித்தமான பிரிவில் எழுத்தாளர்களின் படைப்புகளை படித்து பார்த்து எந்த எழுத்தாளரை ஆதரிக்கலாம் என முடிவு செய்து கொள்ளலாம்.

பதிப்பாகம் முன்னிறுத்தும் எழுத்தாளரின் புத்தகத்தை படிப்பதை காட்டிலும் வாசக்ர்கள் தாங்களே புதிய எழுத்தாளர்களை அடையாள்ம் காட்டுவது வாசகர் கைகளில் பதிப்பதிகாரத்தை கொண்டு வந்தது போல தானே!.

பின்னளில் பிரபல எழுத்தாலர்களாக கோலோச்சியவரக்ள் கூட ஆரம்ப்த்தில் பதிப்பிக்கும் வாய்ப்பை பெற திண்டாடிய கதைகள் ஏராளம்.அதற்கெல்லாம் முறுப்புள்ளி வைக்க வந்திருக்கிறது இந்த புதுமை பதிப்பு தளம்.பஃதிப்பக் ஜனநாயகம் மலரட்டும்.வாகர்கள் எழுதுலக மன்னர்களை உருவாக்கலாம் வாருங்கள்!

இணையதள முகவரி;http://www.pubslush.com/