Tag Archives: facebook

மாணவர்களுக்கான இணையதளம்.

நம் நாட்டில் பலகலைகளுக்கும் பஞ்சமில்லை,கல்லூரிகளுக்கும் குறைவில்லை.ஆனாலும் மாணவர்களை மையமாக கொண்ட இணையதளங்களை பார்க்க முடியவில்லை.

மாணவர்களை மையமாக கொண்ட தளங்கள் என்றால் மாணவர்களுக்கு உதவக்கூடிய அவர்களுக்காகவே உருவாக்கப்பட்ட தளங்கள்.இந்த தளங்கள் பற்றி விவரிப்பதோடு ஸ்வேப்பர் இணையதளத்தை உதாரணமாக சொன்னலே போதுமானது.

கல்லூரி மாணவர்கள் தங்களின் தேவையை நிறைவேற்றி கொள்ள கைகொடுக்கும் வகையில் ஸ்வேப்பர் தளம் உருவாக்கப்பட்டுள்ளது.அந்த தேவை பாட புத்தகமாகவும் இருக்கலாம்.பாடங்களில் வரும் சந்தேகமாகவும் இருக்கலாம்,அவசர செலவிற்கான பணமாகவும் இருக்கலாம்!

தேவை எதுவானாலும் அதை சக மாணவர்கள் மூலம் நிறைவேற்றி கொள்வதற்கான களமாக இந்த தளம் விளங்குகிறது.

இந்த தளம் மூலம் மாணவர்கள் தங்களிடம் உள்ள பொருட்களை வாடகைக்கு விடலாம்.அது புத்தகமாக கூட இருக்கலாம்.எப்படியும் தினந்தோறும் எல்லா புத்தகங்களையும் படித்து கொண்டிருக்க போவதில்லை.புத்தகங்கள் ஒன்று மேஜையில் இறைந்து கிடக்கும்,அல்லது அலமாரியில் தூங்கி கொண்டிருக்கும்.அதே நேரத்தில் வேறு ஒரு வகுப்பில் இருக்கும் மாணவருக்கு அந்த புத்தகம் ஒரு வாரமோ பத்து நாட்களுக்கோ தேவைப்படலாம்.பத்து நாட்களுக்காக புத்தகத்தை விலை கொடுத்து வாங்க வேண்டுமா என்று அந்த மாணவர் யோசிக்க கூடும்.

இது போன்ற நேரங்களில் அந்த மாணவர் தனது புத்தகத்தை வாடகைக்கு தர முன்வரலாம்.இந்த மாணவர் அதனை மகிழ்வோடு ஏற்றுக்கொள்ளவும் முன் வரலாம்.இரண்டு மாணவர்கள்க்குமே லாபம் தான்.வாடகை தொகை முதல் மாணவருக்கு கைச்செலவுக்கு உதவும் .இரண்டாம் மாணவரோ புது புத்தகத்தை வாங்கு தேவையில்லாமல் குறைந்த விலையில் வாடகைக்கு எடுத்து படித்து கொள்ளலாம்.

புத்தகம் என்றில்லை,பயனுள்ள எந்த பொருளையும் வாடகைக்கு விடலாம்.வாடகைக்கு தான் விட வேண்டும் என்றில்லை;இருக்கும் பொருளை கொடுத்து இல்லாத பொருளை வாங்கி கொள்ளலாம்.அதாவது பண்ட மாற்று!

கல்லூரி வாழ்க்கையில் இதெல்லாம் ச‌கஜம் தான்.ஒரு மாணவரின் பொருளை இன்னொரு மாணவர் பயன்படுத்துவதோ அவர்கள் பரஸ்பரம் உதவிக்கொள்வதோ புதிதல்ல தான்.ஆனால் பெரும்பாலும் இந்த பரிமாற்றம் மாணவர்களின் நெருக்கமான நட்பு வட்டத்துக்குள் நிகழ்வது.

ஆனால் நட்பு வட்டத்துக்குள் வெளியே உள்ள மாணவர்கள் தொடர்பு கொண்டு பயன்பெறுவது மிகவும் கடினம்.தனக்கு தேவைப்படும் பொருள் யாரிடம் இருக்கிறது என்பதை ஒரு மாணவரால் கண்டு பிடிக்க முடியாமலே போகலாம்.

ஸ்வேப்பர் தளம் இந்த தொடர்பை ஏற்படுத்தும் அருமையான மேடையாக இருக்கிற‌து.மாணவர்கள் தங்களுக்கு தேவையான பொருள் யாரிடம் கிடைக்கும் என்பதை சுலபமாக தெரிந்து கொண்டு தொடர்பு கொள்ளலாம்.

புத்த்கம் உள்ளிட்ட பொருட்களை பரிமாரிக்கொள்வது போல ,மாணவர்கள் தங்கள் திறமையையும் பரிமாறிக்கொள்ளலாம்.உதாரணத்திற்கு ஒரு மாணவர் வயலின் வாசிப்பதில் கில்லாடியாக இருக்கலாம்.அவர் மற்ற மாணவர்களுக்கு வயலின் வாசிக்க கற்றுத்தர முன் வரலாம்.இதே போல கணித புலிகள் வகுப்பெடுக்க முன்வரலாம்.

பேராசிரியர்களை அணுக தயங்கும் மாணவர்கள் சக மாணவர்களிடமே நட்போடு சந்தேகத்தை தீர்த்து கொள்ளலாம்.

வேறு ஏதானும் பொருட்கள் தேவை என்றாலும் இந்த தளத்தின் மூலம் தெரிவித்து உதவி கோரலாம்.

கேட்டது கிடைக்கும் என்பதோடு இந்த பரிமாற்ரங்கள் புதிய தொடர்பையும் நட்பையும் ஏற்படுத்தி தரலாம்.

இணையதள முக‌வரி;http://www.swaapr.com/

social

ரத்த தானத்திற்கான பேஸ்புக்.

பேஸ்புக் மூலம் நண்பர்கள் பற்றி பல தகவல்களை தெரிந்து கொண்டிருப்பீர்கள்.அவர்களின் ரத்த வகையை தெரிந்து கொள்ள வேண்டும் என்று நினைத்ததுண்டா?அதே போல பேஸ்புக் பக்கத்தில் உங்களை பற்றிய விவரங்களில் ரத்த வகையை குறிப்பிட்டுள்ளீர்களா?

ஒருவரின் ரத்த வகையை தெரிந்து கொண்டால் அவசர காலத்தில் கைகொடுக்கும் அல்லவா?யாருக்கேனும் ரத்தம் தேவைப்படும் போது,குறிப்பிட்ட ரத்த வகை யாருக்கெல்லாம் இருக்கிறது என விசாரித்து கொண்டிருப்பதை விட ஒருவரது பேஸ்புக் பக்கத்திலிருந்தே தெரிந்து கொள்ள முடிவது பயனுள்ளதாக இருக்கும் தானே.சமயங்களில் உயிர் காப்பதாகவும் இருக்கும்.

சரி,இதற்காக என்றே ஒரு சமூக வலைப்பின்னல் உருவாக்கப்பட்டால் இன்னும் நன்றாக தானே இருக்கும்.’சோஷியல் பிலட்’ இணையதளம் இதை தான் அழகாக அருமையாக செய்கிற‌து.

பேஸ்புக் வசதியை பயன்படுத்து கொண்டு உருவக்கப்பட்டுள்ள தள‌ம் இது.ரத்த வகை மூலம் நண்பர்கள் தங்களுக்குள் தொடர்பு ஏற்படுத்து கொள்ள வழி செய்வது தான் இதன் நோக்கம்.

தளத்தின் முகப்பு பக்கத்தை பார்த்தாலே இதன் நோக்கம் புரிந்துவிடும்.எட்டு வகையான ரத்த பிரிவுகளும் அவற்றுக்கான சின்னத்தோடு இடம் பெற்றுள்ளன.இதில் சேர விரும்புகிறவர்கள் தங்கள் ரத்த பிரிவை கிளிக் செய்து உறுப்பினராக பதிவு செய்து கொண்டால் அதே பிரிவை சேர்ந்த மற்ற நண்பர்களின் வலைப்பின்னலில் அடைக்க‌லம் ஆகிவிடலாம்.

அதன் பிறகு யாருக்கேனும் ரத்த தானம் தேவைப்பட்டால் அந்த பிரிவை சேர்ந்த நண்பர்களை எளிதாக தொடர்பு கொள்ளலாம்.நண்பர்களில் அருகாமையில் உள்ளவர்களையும் எளிதாக கண்டு கொள்ளலாம்.அவசர காலத்தில் இந்த தகவல்கள் பேருதவியாக இருக்கும்.

ரத்த தானத்திற்கு உதவும் இணையதளங்கள் பல இருக்கின்றன.இருப்பினும் பேஸ்புக்கின் சமூக வலைப்பின்னல் ஆற்றலை பயன்ப‌டுத்தி கொண்டும் ரத்த தானம் செய்ய விரும்புகிற‌வர்களை அழகாக ஒருங்கிணைக்கும் சேவையாக இதனை பாராட்டலாம்.

யாரை பார்த்தாலும் பேஸ்புக்கில் இருக்கிறீர்களா என்று கேட்கும் காலத்தில் பேஸ்புக் வழியிலான ரத்த தான தொடர்பு போற்றத்தக்க முயற்சியே.

இந்தியாவை சேர்ந்த ‘கார்திக் ந‌ரலசெட்டி’ என்னு 22 வயது இளைஞர் தான் இந்த தளத்தை உடுவாக்கியுள்ளார்.பெரும்பாலான இளைஞர்களை போல பேச்புக் பிரியரான கார்த்திக் ஒரு முறை பேஸ்புக் பக்கத்தில் தனது நண்பர் ஒருவர் அவரது தந்தைக்கு அருவை சிகிச்சைக்காக ரத்த தானம் தேவை என வேண்டுகோள் விடுத்திருப்பதை பார்த்தார்.அடுத்த சில மணி நேர‌ங்களிலேயே அந்த நண்பர் தேவையா ரத்தம் கிடைத்துவிட்டது என்னும் தகவலை தெரிவித்து பேஸ்புக் நண்பர்களுக்கு நன்றி தெரிவித்திருந்தார்.

அதை படித்து நெகிழ்ந்து போன் கார்திக் பேஸ்புக்கின் தொடர்பு கொள்ளும் ஆற்றலை பயன்படுத்தி ரத்த தான விவரங்களை மேலும் எளிதாக்கலாமே என்று யோசித்தார்.அதன் பய‌னாக பிறந்தது தான் ‘சோஷியல் பிலட்’ இணைய சேவை.

இந்த சேவைக்காக சிற்ந்த இளம் தொழில்முனைவோருக்கான விருதும் அவருக்கு வழங்கப்பட்டுள்ளது.சமூக தொழில் முனைவோரை ஊக்குவித்து வரும் அசோகா அமைப்பு இந்த விருதை வழங்கியுள்ளது.

இணைய‌தள முக‌வரி;http://socialblood.org/

டிவிட்டர் செய்கிறார் ஜேம்ஸ் பாண்ட்

திரையில் ஜேம்ஸ் பாண்ட செய்யாத சாக‌சங்கள் கிடையாது.பாண்டின் சாக்சங்கள் எப்போதுமே ஹைடெக்காக இருக்கும்.இப்போது பாண்ட் டிவிட்டரும் செய்யத்துவங்கியிருக்கிறார்.

பாண்டின் டிவிட்டர் கைப்பிடி (முகவரி) என்னவாக இருக்கும் என்று யூகிப்பதில் எந்த சிக்கலும் இல்லை.பாண்டின் அடையாளமான 007 என்னும் இருந்து தான் ஜேம்ஸ் பாண்ட் டிவீட் செய்யத்துவங்கியிருக்கிறார்.

ஜேம்ஸ் பாண்ட் பட வரிசையில் புதிய படத்திற்கான அறிவிப்பின் போது தயாரிப்பு நிறுவனமான எம்ஜிஎம் நாயகன் ஜேம்ஸ் பாண்ட் சார்பில் பேஸ்புக் பக்கமும் டிவிட்டர் கணக்கும் துவக்கப்பட்டுள்ளதாக தெரிவிக்கப்பட்டுள்ளது.

@007 என்னும் டிவிட்டர் முகவ‌ரியில் ஜேம்ஸ் பாண்டை பின்தொடரலாம்.பாண்டின் குறும்பதிவுகள் ரசிகர்களை கவரும் வகையில் இருக்குமா இல்லை வெறும் மார்க்கெட்டிங் முயற்சியாக போரடிக்குமா என்பதை பொருத்திருந்து பார்ப்போம்.
———–

http://twitter.com/#!/007

index

அலுவலக‌த்திலும் பேஸ்புக் பார்க்க…

கல்லூரி மாணவர்கள் கூட பக்கத்தில் இருப்பவர்களோடு பேசாமால் இருந்துவிட முடியும்,ஆனால் அலுவலக்த்தில் வேலை பார்ப்பவர்களால் பேஸ்புக்கில் நண்பர்கள் என்ன சொல்லியிருக்கின்றனர் என்று பார்க்காமல் இருக்க முடியுமா என்ன?அதிலும் வேலையில் மூழ்கி உடலும் ,மனதும் களைத்து போன நிலையில் ஒரு மாறுதல் வேண்டி மனது அலைபாயும் போது பேஸ்புக்கில் உலாவினால் சுகமாகதானே இருக்கும்!

ஆனால் என்ன செய்வது அலுவலகத்தில் சுதந்திரமாக பேஸ்புக்கில் உலாவும் பாக்கியம் எல்லோருக்கும் கிடைப்பதில்லையே!பல‌ நிறுவனங்கள் பேஸ்புக் தளத்தையே தடை செய்திருக்கும் கொடுமைக்கார நிர்வாகங்களாக இருக்கின்ற‌ன என்றால் மற்ற நிறுவனங்களில்லோ பேஸ்புக் பய‌ன்ப‌டுத்துபவரை பார்த்தாலே வேலை செய்யாமல் வெட்டியாக பொழுதை கழிக்கிறாரே என்று நினைப்பவர்கள் தானே அதிக உள்ளனர்.

அது மட்டும் அல்லாமல்,நடுவில் சிறிது நேரம் பேஸ்புக் பார்த்தாலும் யாராவது மேலதிகாரி எட்டிப்பார்த்துவிட்டால் தவறாக் நினைத்து கொள்வாரே என்ற சந்தேகமும் காட்டலாம்.இதனால் ஏதோ திருட்டு தம் அடிப்பது போல அவசரம் அவசரமாக பேஸ்புக் பதிவுகளை படிக்க வேண்டியிருக்கும்.

இத்தகைய அனுபவம் உள்ளவர்களுக்கு உதவும் வகையில் அலுவலக நேரத்திலும் அச்சமோ சந்தேகமோ இல்லாமால் பேஸ்புக் பதிவுகளை பார்ப்பதற்கான வழியை ஹார்ட்லி வொர்க் இன் தளம் உண்டாக்கி தருகிறது.

இந்த தளம் பேஸ்புக் பதிவுகளை ஏதோ மிக முக்கியமான புள்ளி விவரங்கள் அடங்கிய எக்செல் கோப்புகளை பார்த்து கொண்டிருப்பது போன்ற தோற்றத்த தந்து பேஸ்புக்கில் உலாவ வழி செய்கிறது.

கொஞ்சம் பழைய உத்தி தான் இது. படிக்கிற காலத்தில் பாட புத்தகத்தின் நடுவே கதை புத்தகத்தை மறைத்து வைத்து கொண்டு பாட புத்தகம் படிப்பது போல கதை புத்தகம் படிப்பது உண்டல்லவா?அதே போல தான் இந்த தளம் பேஸ்புக் பதிவுகளை உருவி எக்செல் கோப்பு போல கட்டம் கட்டி தருகிற‌து.யாரவது உங்கள் முதுக்குக்கு பின் இருந்து எட்டிப்பார்த்தால் நீங்கள் எக்செல் கோப்பில் மூழ்கியிருப்பது போல தோன்றும்.நீங்கள் ஜாலியாக நண்பர்கள் பதிவுகளை படித்து கொண்டிருக்கலாம்.

முதல் முறை பார்க்கும் போது உங்களுக்கே கூட கொஞ்சம் குழப்பமாக தான் இருக்கும்.பேஸ்புக்கின் வழக்கமான பதிவு வரிசை அதன் நடுவே புகைப்படங்கள் வீடியோக்கள் என்னும் அழகிய தோற்றத்துக்கு பதிலாக கட்டம் கட்டமாக‌ தக‌வல்களை பார்க்கும் போது குழ‌ம்பிவிடும்.ஆனால் கட்டதின் உள்ளே உற்றுபார்த்தால் பதிவுகளையும் புகைப்படங்களையும் இணைப்புகளையும் கருத்துக்களையும் தனித்தனியே படிக்க முடியும்.

நண்பர்களை பார்த்தாலே பேஸ்புக்கில் காணவில்லயே என்று கேட்கும் வழக்கம் உள்ள காலகட்டத்தில் அவசியமான சேவை தான்.

நிற்க இதே போன்ற முகமுடி சேவைகள் இன்னும் சில இருக்கின்றன.தொடர்ந்து எழுதுகிறேன்.இதே போல எக்செல் கட்டங்கள் வடிவிலான் இணைய விளையாட்டு பற்றி ஏற்கனவே எழுதியுள்ளேன்.
———-

http://hardlywork.in/
———]]

http://cybersimman.wordpress.com/2010/03/21/game/

பேஸ்புக்கில் பாடல் வரிகளை பகிர …

‘பனியில்லாத மார்கழியா…’ என்பது போல பாடல் வரியை பகிர்ந்து கொள்ளாதவர் எல்லாம் ஒரு பேஸ்புக் பயனாளியா என்று கேட்கிறது மியூசிக்கோ இணையதளம்.

லிரிக்ஸ் ஸ்டேடஸ் இணைய சேவைக்கான அறிமுகத்தில் தான் இந்த தளம் இப்படி குறிப்பிடுகிறது.

அடிப்படையில் லிரிக்ஸ் ஸ்டேடஸ் பாடல் வரிகளுக்கான தேடியந்திரம். ஆனால் பேஸ்புக்கை மையமாக கொண்டது.இதில் வரிகளை தேடலாம்,தேடிய கையோடு பேஸ்புக்கில் அதனை பகிர்ந்து கொள்ளலாம்.

பேஸ்புக்கில் அப்போதைய மன‌நிலையை பகிர்ந்து கொள்ளும் போது எப்படி உண‌ர்கிறோம் என்பதை இசைமய‌மாக உணர்த்த நினைப்பவர்களுக்கானது இந்த சேவை.

அப்படி செய்யும் வழக்கம் இல்லாதவர்களும் இருக்கின்றனரா என்ன?(இதுவும் மியுசிக்கோவில் வரும் குறிப்பு)

யோசித்து பார்த்தால் எல்லாமே இசைமயமானது தான்.சந்தோஷமாக இருக்கும் போது நாம் அதற்கேற்ற பாடலை முணுமுணுப்பது இல்லையா?அதே போல ஒவ்வொரு மன‌நிலைக்கேற்ற பாடல்களையும் பாடுவது தான் இல்லையா?

சொல்லப்போனால் நம்மூர் மாமூம் மசாலா படங்களை (ஆதவன் மொழியில் மெலோடிராமாக்கள்)எவ்வள்வு தான் விமசன‌ம் செய்தாலும் அவற்றில் வரும் சிச்சுவேஷன் பாடல்களை நமக்காகவே பாடியிருப்பதாக தோன்றுகிறது.என்ன சூழ்நிலைக்கு தான் தமிழில் பாடல்கள் இல்லை.எந்த மன‌நிலையில் இருந்தாலும் சினிமா பாடல்களை பாடி மனதை வெளிப்படுத்தி கொள்ளலாம்.

இதே போலவே பேஸ்புக்கிலும் மனதில் உள்ளதை சில நேரங்களில் பாடல் வரிகளாகவே வெளிப்படுத்தலாம் அல்லவா?

மகிழ்ச்சியை வெளிப்படுத்த ‘இன்றைக்கு ஏன் இந்த அனந்தமோ…’ என்ற வரிகளை போடுவது இசைமயமாக தானே இருக்கும்.

ஆனால் இதில் உள்ள ஒரே சிக்கல் பாடல் வரிகளை பிழையில்லாமல் சரியாக மேற்கோள் காட்டுவது தான்.வார்த்தைகள் மாறிவிட்டால் அர்த்தம் மாறிவிடலாம்.நண்பர்களும் வறுத்தெடுத்துவிடுவார்கள்.

இது போன்ற நேரங்களில் சரியான பாடல் வரிகளை தேடுவதற்காக என்றே லிரிக்ஸ் ஸ்டேடஸ் தளம் உருவாக்கப்பட்டுள்ளது.மனதில் உள்ள பாடலை இந்த தேடியந்திரத்தில் டைப் செய்து தேடினால் அந்த பாடல் வரிகள் வருகிற‌து.அதை அப்படியே கிளிக் செய்து பேஸ்புக்கில் பகிரலாம்.தேவைப்பட்டால் முழு வரிகளையும் இணைக்கலாம்.

பாட‌ல் ,பாடியவர் என்று இரண்டையுமே குறிப்பிட்டு தேடலாம்.ஏற்கனவே தேடப்பட்ட வரிகளையும் அவற்றில் பிரபலமாக‌ உள்ளவற்றையும் பார்க்கலாம்.எல்லாவற்றுக்கும் தனி பட்டியல் உள்ளது.நாமும் பாட‌ல்களை சம‌ர்பிக்க‌லாம்.நமக்கான பாடல்களை கோரலாம்.

பாடல் வரி தேடியந்திரங்களிலேயே மிகவும் வித்தியாசமானது.ஆனால் ஒன்று நாம் தேடினால் கண்ணதாசனோ வாலியோ வைரமுத்துவோ கிடைக்க மாட்டார்கள்.எல்லாம் ஜஸ்டீன் பைபரும் ரிக்கி மார்டினும் தான்.

இணையதள முகவ‌ரி;http://www.lyricstatus.com/

எல்லாம் சரி பேஸ்புக்கில் பாட‌ல்களை பகிரும் வழக்கம் உங்களுக்கு இருக்கிற‌தா?அப்படி நீங்கள் பகிர்ந்த பாடல் என்ன?