Tag Archives: tweet

டிவிட்டரில் இவர் வழி தனி வழி.

டிவிட்டர் எத்தனையோ நட்சத்திரங்களை உருவாக்கியிருக்கிறது.அவற்றில் மார்க் மெக்கென்சியும் ஒருவர்.கனடாவை சேர்ந்த இவருக்கு டிவிட்டரில் வேறு யாருக்கும் கிடைக்காத பாராட்டும் மகுடமும் கிடைத்தது.

உலகின் அழகான டிவிட்டர் செய்தியை அதாவது குறும்பதிவை வெளியிட்டவர் என்று அடைமொழிக்கு சொந்தக்காராக மெக்கென்சி இருக்கிறார்.டிவிட்டரை அறிந்தவர்களுக்கு இது எத்தனை பெரிய பாராட்டு என்று தெரியும்.

டிவிட்டரில் நொடிக்கு சில மில்லியன் கணக்கில் குறும்பதிவுகள் வெளியாகி கொண்டிருப்பதாக சொல்கின்றனர்.இந்த குறும் பதிவு கடலில் கவனத்தை ஈர்ப்பது என்பதே பெரிய விஷயம்.அதிலும் சிறந்த குறும்பதிவு என்னும் மகுடத்தை சூட்டி கொள்வது என்றால் தனி திறமை இருந்தால் தான் சாத்தியம்.

மெக்கென்சிக்கு அத்தகய திறமை இருந்த்தால் தான் அவரது குறும்பதிவு உலகிலேயே அழகான குறும்பதிவாக தேர்வு செய்யப்பட்டது.

அதென்ன அழகான குறும்பதிவு என்று கேட்கலாம்.அதைஎப்படி தேர்வு செய்தனர் என்றும் கேட்கலாம்!

சொற்சுவை ,பொருட்சுவை என அனைத்து சுவைகளும் நிரம்பிய கவிதையை போல மொழி நடையின் அடிப்படையில் சிறப்பு மிக்க குறும்பதிவை தேர்வு செய்தனர்.சர்வதேச அளவிலான இலக்கிய திருவிழாவாக கருத்தப்படும் ஹே திருவிழாவின் போது இதற்கான போட்டு அறிவிக்கப்பட்டது.

குறும்பதிவாளர்கள் எல்லாம் இந்த போட்டியில் பங்கேற்று தங்கள் சிறந்த குறும்பதிவை சம்ர்பிக்குமாறு கேட்டுக்கொள்ளப்பட்டனர்.விழாவுக்கான டிவிட்டர் முகவரியில் குறும்பதிவுகளை சமர்பிக்கலாம் என்றும் தெரிவிக்கிப்பட்டது.

கனடாவை சேர்ந்த மெக்கின்சியும் இந்த போட்டிக்காக ஆர்வத்தோடு தனது குறும்பதிவுகளை சமர்பித்தார்.கனடாவில் அல்பெர்ட்டாவில் வசிக்கும் மெக்கென்சி மார்க்மார்க் என்னும் பெயரில் டிவிட்டரில் குறும்பதிவுகளை வெளியிட்டு வந்தார்.போட்டிக்காக அவர் ஒன்றல்ல இரண்டல்லா மொத்தம் 36 குறும்ப்திவுகளை சமர்பித்திருந்தார்.தனது குறும்பதிவுகளில் மிகச்சிறந்தது என ஒரே ஒரு பதிவை தேர்வு செய்ய முடியாமல் திணறியதால் சிறந்தவை என கருதியவற்றை சம்ர்பித்தார்.

அவற்றில் ஒன்று நடுவரும் டிவிட்டரை பொருத்தவரை நட்சத்திரமுமான நகைச்சுவை நட்கர் ஸ்டீபன் பிரையால் மிகச்சிறந்தது என தேர்வு செய்யப்பட்டது.அதாவது உலகின் அழகான டிவீட்டாக தேர்வானது.

‘நம்மால் மேலும் சிறந்த ஒரு உலகை உருவாக்க முடியும் என்று நம்புகிறேன்.அதற்கு நிறைய பாறையும்,மண்ணும்,நீரும் தேவை தான்… ஆனால் அந்த உலகை எங்கே வைப்பது என்பது தான் பிரச்ச்னை’

இது அந்த பரிசுக்குறிய குறும்பதிவு.

இந்த குறும்பதிவில் கலந்திருந்த அங்கதம் மற்றும் நடைமுறை உண்மையை கவனியுங்கள் எத்தனை அழகாக இருக்கிறது என பிரை பாராட்டியிருந்தார்.

பிரை கூறியது போல ஒரு விஷ்யத்தை தகவல் போல விவரித்து விட்டு அதில் ஒரு திருப்பத்தை ஏற்படுத்துவது தான் மெக்கென்சி குறும்பதிவுகளின் தனித்தன்மை.அதே நேரத்தில் ஹைக்கூ கவிதையை நினைவு படுத்துவது போல அவை அமைந்திருக்கும்.

சொல்லப்போனால் இதனை அவர் தனக்கான பாணியாகவே உருவாக்கி வைத்திருக்கிறார்.

டிவிட்டரில் வெற்றிக்கொடி நாட்ட வேண்டும் என்றால் இது மிகவும் கவனிக்கத்தக்க விஷயம்.உங்கள் குறும்பதிவுகள் பல லட்சங்களில் ஒன்றாக கரைந்து விடாமல் தனித்து நிற்க வேண்டும் என்றால் உங்கள் குரல் தனியே கேட்க வேண்டும்.அதற்கு டிவிட்டரில் ஒருவருக்கென என தனி பாணி அவசியம்.

மெக்கென்சியை பொருத்தவரை ஏதா ஒன்றை கூறத்துவங்கி அதில் ஒரு திருப்பத்தை தருவதை தனது பாணியாக உருவாக்கி கொண்டுள்ளார்.இதை ஒருவித இணைய‌ ஹைகூ என்கிறார் அவர்.அவற்றில் பொதிந்து இருக்கும் நகைச்சுவை கவித்துவமானது என்றும் சொல்லலாம்.அதே நேரத்தில் அவரது குறும் பதிவுகள் பல நேரத்தில் மிகவும் ஆழமான உண்மைகளை சுட்டிக்காட்டக்கூடியவை.

பல நேரங்களில் குறும்பதிவுகள் தனக்கு தானாக தோன்றுவதாகவும் அவர் பெருமையோடு கூறுகிறார்.

மருத்துவரான மெக்கென்சி டிவிட்டரில் தனக்கு என தனி வழியை ஏற்படுத்தி கொண்டிருந்தாலும் ஆரம்பத்தில் டிவிட்டர் புரியாத புதிராக இருந்ததாக கூறுவது ஆச்சர்யம் தான்.பேஸ்புகின் தீவிர ரசிகனாக இருந்த தான் டிவிட்டர் பற்றி கேள்விப்பட்டு அதன் அருகே வந்ததாகவும் எதையுமே சுருக்கமாக சொல்ல வேண்டிய சவாலான தன்மை மெல்ல தன்னை கவர்ந்து இழுத்ததாகவும் சொல்கிறார்.

மெக்கென்சி ஏற்கனவே ஒரு முறை டிவிட்டர் போட்டியில் வெற்றி பெற்றிருக்கிறார் என்பது அவரது டிவிட்டர் திறமைக்காக சான்றால கருதலாம்.

ஒரு முறை மெக்கென்சியின் குறும்பதிவுகளை படிக்க துவங்கிவிட்டால் தொடர்ந்து படிக்க தோன்றும்.மற்றவர்களை போல தனது தினசரி செயல்களையோ அல்லது சுய சாதனைகளையோ பகிர்ந்து கொள்ளாமல் ஒரு புதுமையான நடையில் நகைச்சுவையும்,கேலியும் கிண்டலும் ,தததுவமும் விமர்சன நோக்கமும் கலந்த அழகான குறும்பதிவுகளை பகிர்ந்து கொண்டு வருகிறார்.

————–

http://twitter.com/marcmack

pul

நல்ல தமிழுக்காக ஒரு தேடியந்திரம்.

‘அச்சம் தவிர’ போல கிரந்தம் தவிர் என்கிறது புல்வெளி டாட் காம்.அடாடா அழகு தமிழில் இணையதளத்தின் பெயரை கேட்டாலே காதில் தேன் வந்து பாய்கிறதே.

கிரந்தம் தவிர் என்றால் வடமொழி கல‌ப்பில்லாமல் நல்ல தமிழ் சொற்களை பயன்ப‌டுத்தி எழுதுவது.நல்ல தமிழில் எழுத வேண்டும் என்ற ஆர்வம் உள்ளவர்களுக்கு பல நேரங்களில் வடமொழி சொற்களுக்கு பதில் பயன்படுத்தக்கூடிய தமிழ் சொற்களை நினைவில் கொண்டு வருவது கடினமாக இருக்கலாம்.

இது போன்ற நேரங்களில் கைகொடுக்கவே புல் வெளி உருவாகப்பட்டுள்ளது.கிரந்தம் கலந்த எந்த சொல்லுக்கு நிகரான தமிழ் சொல் தேவையோ அந்த சொல்லை இந்த தளத்தில் சம‌ர்பித்தால் அழகான தமிழ் சொற்களை இந்த தளம் பட்டியல் போட்டு தருகிறது.

உதாரணத்திற்கு ஷ் என்ற எழுத்தை டைப் செய்தால் கஷ்டத்திற்கு கடினம்,இஷ்டத்திற்கு விருப்பம்,புஷ்பத்திற்கு பூ,நஷ்டத்திற்கு இழப்பு,விஷ்ணுவுக்கு பெருமாள் என தமிழ் சொற்களாக அடையாளம் காட்டுகிற‌து.

அந்த வகையில் நல்ல தமிழ் சொற்களுக்கான தேடியந்திரம் என்று இதனை வர்ணிக்கலாம்.தமிழ் கூல் என்று கூட சொல்லலாம்.அது மட்டும் அல்ல ஒவ்வொரு முறையும் முகப்பு பக்க்த்தில் ஒவ்வொரு கிரந்த சொற்களும் அதற்கு பதிலான தமிழ் சொல்லும் தோன்றி கொண்டே இருக்கின்றன.

முற்றிலும் வடமொழி அல்லது ஆங்கில சொற்கள் கலப்பில்லாமல் எழுத வேண்டும் என்பதில் எனக்கு உடன்பாடு இல்லை என்றாலும் இந்த தளத்தை மனதார வரவேற்கிறேன்.இருந்தாலும் தமிழில் கலப்படம் களையப்பட வேண்டும் எனபதில் உடன்படுகிறேன்.தமிழ் மொழிக்கு உதவக்கூடிய இத்தகைய தளங்கள் இன்னும் பல தேவை.

இந்த தளத்தை அடையாளம் காட்டிய டிவிட்த‌மில்ஸ் தளத்திற்கும் எனது நன்றிகள்.

இணையதள முகவரி;http://www.pulveli.com/

http://twitamils.com/

டிவிட்டரில் விவாதம் செய்த ரவாண்டா அதிபர்.

அமெரிக்க அதிபர் ஒபாமா டிவிட்டரில் இருக்கிறார்.ரஷ்ய அதிபர் மெடிவிடேவ்,வெனிசுலா அதிபர் சாவேஸ் ஆகியோரும் டிவிட்டரில் இருக்கின்றனர்.தாய்லாந்து பிரதமர்,பிரிட்டன் பிரதமர் என மேலும் சில தேசத்தலைவர்களும் டிவிட்டரில் இருக்கின்றனர்.ஆனாலும் டிவிட்டர் பயன்பாட்டில் முன்னோடி என்னும் பெருமை ரவாண்டா நாட்டு அதிபர் பால ககாமேவுக்கு தான் கிடைத்திருக்கிறது.

அதற்கு காரணம் தன் மீதான விமர்சனத்திற்கு பதில் அளிக்க டிவிட்டரை அவர் மிகச்சரியாக பயன்படுத்தி கொண்டது தான்.பதில் அளித்தது மட்டும் அல்லாமல் தனது நிலையை விளக்கி தொடர் விவாதத்திலும் ஈடுபட்டு வியக்க வைத்தார்.

டிவிட்டரில் தெரிவிக்கப்படும் கருத்துக்கு டிவிட்டரில் பதில் அளிப்பதோ அல்லது டிவிட்டர் வழியே விவாதம் செய்வதோ புதிதல்ல;பெரிய விஷயமும் இல்லை.ஆனால் ஒரு நாட்டின் அதிப‌ராக இருப்பவர் இப்படி டிவிட்டரில் பதில் அளிப்பது என்பது வியப்பானது தான்.

பிரிட்டன் பத்திரிகையாளார் இயான் பிரெல் அவருடைய டிவிட்டர் பக்கத்தில் அதிபர் ககாமேவை கடுமையாக விமர்சித்திருந்ததை அடுத்து அந்த விமர்சனத்திற்கு பதில் அளிக்கும் வகையில் ககாமே டிவிட்டரில் விளக்கம் அளித்து அதை தொடர்ந்து விவாதத்திலும் ஈடுபட்டார்.

பத்திரிகையாளராக பிரெல் எத்தனையோ பதிலடிகளையும்,மிரட்டல்களையும் சந்தித்தவர் தான்.ஆனாலும் கூட ஒரு நாட்டின் அதிபர் அவர்து கருத்துக்கு டிவிட்டரில் பதில் அளிக்ககூடும் என்பதை அவர் எதிர்பார்க்கவில்லை.அதிலும் டிவிட்டரில் தான் தெரிவித்த கருத்துக்கு டிவிட்டர் வழியேவே அதிபர் பதில் அளிப்பார் என்று அவர் எதிர்பார்த்திருக்கவில்லை.

எல்லாம் ககாமே அளித்த பேட்டி ஒன்றிலிருந்து ஆரம்பமானது.

ககாமே ரவாண்டாவை இனப்படுகொலையில் இருந்து மீட்டவர் என்ற போதிலும்  அத‌ன் பிறகு அவரது சர்வாதிகார போக்கு கடும் விமர்சனத்திற்கு ஆளானது.விமர்சனத்தை சகித்து கொள்ளாதவாரகவும்,கருத்து சுதந்திரத்தை ந‌சுக்குபவராகவும் இருப்பதாக அவர் மீது குற்றசாட்டுக்கள் கூறப்படுகின்றன.யாரெல்லாம் அதிபரை விமர்சிக்கின்றனரோ அவர்கள் எல்லாம் கொடுமைப்படுத்தபடுவதாகவும் குற்றச்சாட்டு உள்ளது.

இந்நிலையில் பிரிட்டனின் பைனான்சியல் டைம்ஸ் நாளிதழுக்கு அளித்த பேட்டியில் ரவாண்டாவின் க‌டுமையான நட்வடிக்கைகளை நியாயப்படுத்தி பேசிய ககாமே ,தன்னை விமர்சிக்க மீடியாவில் உள்ளவர்களுக்கோ,ஐநா அல்லது மனித உரிமை ஆர்வலர்களுக்கோ எந்த தார்மீக உரிமையும் இல்லை என்று கூறியிருந்தார்.

இந்த பேட்டியை படித்த பிரெல் அதிபர் ககாமேவின் ஆணவமான கருத்துக்களால் கடுமையாக‌ அதிருப்தி அடைந்த பிரெல்,அதிபர்  ககாமே சர்வாதிகாரத்தன்மை மிக்கவர்,நிதர்சனத்தை அறியாதவர் என்று டிவிட்டரில் தனது கோபத்தை வெளிப்படுத்தினார்.

அதன் பிறகு ககாமேவை மற‌ந்துவிட்டு அவர் தனது வேலையில் மூழ்கிவிட்டார்.பின்னர் வாக்கிங் சென்று திரும்பியவர் எப்பொதும் போல முதல் வேலையாக தனது டிவிட்டர் பக்கத்தில் நுழைந்து புதிய செய்தி ஏதாவது இருக்கிறதா என பார்க்க முற்பட்டார்.

அவர் சற்றும் எதிர்பார்க்காத வகையில் ரவாண்டா அதிபர் டிவிட்டரில் அவர் தெரிவித்திருந்த கருத்துக்கு பதில் அளித்திருந்தார்.என்னை சர்வாதிகாரி என்று சொல்வதற்கு உங்களுக்கு தகுதி இல்லை என்பது போல அமைந்திருந்த அந்த பதிலில் ‘எல்லோரையும் விமர்சிக்கும் உரிமையை நீங்களே எடுத்து கொள்கிறீர்கள்.உங்களுக்கு தான் உரிமை இருப்பது போல மற்றவர்களை மதிப்பிடுகிறிர்கள்’ என்று தெரிவித்திருந்தார்.

முதல் பதிவின் தொடர்ச்சி போல இருந்த அதற்கு அடுத்த பதிவில் ‘உலகில் எது சரி எது தவறு என்றும்,எதை நம்ப வேண்டும் எதை நம்பக்கூடாது நீங்களே தீர்மானிக்கிறிர்கள் உங்களுக்கு  அந்த உரிமை இல்லை’ என்று கூறியிருந்தார்.

அதிபரின் இந்த டிவிட்டர் பதிலை படித்த‌ பிரெல் ஆச்சர்யத்தில் ஆழ்ந்துவிட்டார்.ஒரு நாட்டுக்கு அதிபராக இருப்பவர் டிவிட்டரில் தான் சொன்ன கருத்துக்கு பதில் அளிக்க முற்படுவார் என்று அவர் நினைக்கவில்லை.அதோடு அதிபரின் டிவிட்டர் வாசகம் இளைஞர்கள் டிவிட்டரில் பய்னப‌டுத்தும் பாணியில் அமைந்திருந்ததும் வியப்பில் ஆழத்தியது.

அந்த வியப்பினுடே பிரெல் அதிபருக்கு பதில் அளிக்கும் வகையில்’உங்களை விமர்சன்ம் செய்ய எனக்கு ஏன் உரிமையில்லை என்று எப்படி சொல்கிறீர்கல் என்று புரியவில்லை,தயவுசெய்து விளக்கம் தர முடியுமா?’என கேட்டிருந்தார்.

பின்னர் மீண்டும் அதே கேள்வியை டிவிட்டர் செய்தார்.

ரவாண்டாவில் பத்திரிகை சுதந்திரத்துக்கு உங்களை விமர்சிபவர்களுக்கும் என்ன ஆகிரது என்று தெரிந்தாலும் இதை கேட்கிறேன் என்று அடுத்த கேள்வியையும் கேட்டார்.

உடனே ;’ரவாண்டா மக்களை கேட்டால் சொல்வார்கள்,நீங்கள் வணிப்பது போல இல்லை நான்,ரவாண்ட மக்கள் பற்றியும் உங்களுக்கு ஒன்றும் தெரியாது’ என்று  அதிபர் ககாமே பதில் அளித்தார்.

‘நீங்கள் சொல்லும் குற்றச்சாட்டுக்கல் ஆதாரம் இல்லாதவை,என்னை பற்றியே ரவாண்டா மக்கள் பற்றியோ எதையும் தெரிந்து பேசுவதில்லை’என்று அடுத்த பதிவிலும் அவர்து பதிலடி தொடர்ந்தது.

அதற்கு,’ நான் சொல்வத்ற்கெல்லாம் போதுமான‌ ஆதரங்கள் இருக்கின்றன ‘என்று பிரெல் பதில் தெரிவித்தார்.அடுத்த டிவிட்டர் செய்தியில் அதற்கான ஆதாரத்தையும் இணைத்திருந்தார்.

‘ஆப்பிரிக்கர்களுக்கு ஆப்பிரிக்ககள் தான் தேவை உங்களை போன்றவர்கள் இல்லை என அடுத்த இரண்டு பதிவுகளில் அதிபர் தனது பதிலடியை தொடர்ந்தார்.

உடனே பிரெல் தனது பழைய குற்றச்சாட்டை அழுத்தம் திருத்தமாக் மீண்டும் தெரிவித்தார்.

அதற்கு ‘என்னை ஏன் சர்வாதிகாரி என்றும் நிதர்சனைத்தை அறியாதவர் என்றும் விமர்சனம் செய்தீர்கள் என்பதற்கு இன்னும் நீங்கள் பதில் அளிக்கவில்லை’என்று ககாமே குற்றம் சாட்டினார்.என்னை அவ‌மதிக்க மட்டுமே செய்துள்ளீர்கள் என்றும் குற்றம் சாட்டி அடுத்த பதிவை வெளியிட்டார்.

பிரெல் விடாம்ல்,’நான் கேட்ட கேள்வியை விட்டு விட்டு எங்கோ செல்கிறிர்கள்,உங்களை விமர்சனம் செய்ய ஏன் எங்களுக்கு உரிமை இல்லை என்று சொல்கிறிர்கள் என்று கேட்டார்.

ஆனால் அதிபரோ ‘என்னை விமர்சித்த பத்திரிகையாளரோடு விவாதம் செய்ய எனக்கு உரிமையில்லையா’ என கேட்டிருந்தார்.

‘ரவாண்டா பற்றி உங்களுக்கு எதுவும் தெரியாது,உங்களுக்கு எதையும் விளக்க வேண்டிய அவசியமில்லை,உங்கள் அரசிடம் இப்படி கேட்டுப்பாருங்களேன் ‘என்றும் அடுத்த பதிவை வெளியிட்டார்.

‘நாளிதழ்களையும் ,மீடியாவையும் நீங்கள் நசுக்கும் போது நியாயம் எங்கே இருக்கிறது ‘என பிரெல் விடாமல் தனது கேள்விகனையை தொடர்ந்தார்.

‘ரவாண்டாவில் எல்லாமே நேர்மையாகவும் வெளிப்படையாகவும் நடக்கிற‌து என்று இதற்கு அதிபர் ஆணித்தரமான பதிலை டிவீட் செய்தார்.

‘பிரெல் மீண்டும் தனது மூல கேள்வியை கேட்டு அதற்கு பதில் தருமாறு கேட்டுக்கொன்டார்.

ஐநா மற்றும் மனித உரிமை அமைப்பினர் மட்டும் ஒழுங்கா என்பது போல அதிபர் இப்போது பதில் அளித்தார்.

இனும் சில டிவிட்டர் செய்திகளாக இந்த பரிமாற்றம் தொடர்ந்தது.நீங்கள் கேள்விகள் கேட்கப்படுவதை விரும்புவதில்லை என குற்றம் சொல்லிவிட்டு அதிபர் விவாதத்திற்கு முற்றுப்புள்ளி வைத்தார்.

இதனிடையே அந்நாட்டு வெளியுரவுத்துறை அமைச்சரும் தன் பங்கிற்கு டிவிட்டரில் விளக்கம் அளித்தார்.

இந்த‌ விவாதம் நடைபெற்று கொண்டிருக்கும் நிலையிலேயே டிவிட்டர் வெளியில் இந்த செய்தி பரபரப்பை உண்டாகியது.ப‌த்திரிகையாளர் ஒருவரோடு ரவாண்டா அதிபர் டிவிட்டரில் நேரடி விவாதத்தில் ஈடுட்டிருப்பதை பலரும் ரசித்ததோடு இரு தரப்பினருக்கும் ஆதரவாகவும் எதிராகவும் கருத்துக்களை வெளியிட்டனர்.

டிவிட்டர் நிபுணர்களும் இந்த விவாததால் கவரப்பட்டன‌ர்.இதற்கு முன்னர் இப்படி தேசத்தலைவ‌ர் ஒருவர் டிவிட்டரில் விளக்கம் அளிக்கவோ விவாதம் நடத்தவோ முயன்றதில்லை;இது ஒரு டிவிட்டர் மைல்கல் என்று ஸ்லாகித்தனர்.

அவரோடு விவாதத்தில் ஈடுபட்ட பத்திரிகையாளர் பிரெல் தனது கேள்விகளுக்கு அதிபர் நேரடியாக பதில் அளிக்காமல் பதில் கேள்வி கேட்டு தட்டி கழித்தாலும் ,புதிய தகவல் தொடர்பு சாதனமான டிவிட்டர் வழியே அவர் தன் மிதான விமர்சனத்திற்கு விளக்கம் அளிக்க முயன்றது பாராட்டத்தக்கது என்று தெரிவித்தார்.ஆனால் இந்த சுதந்திரத்தை அவர் தனது நாட்டு மக்களிடமும் காட்டாதது வேத‌னையானது என்று தெரிவித்தார்.

எதிர்காலத்தில் இப்படி தலைவர்களும் அதிபர்களும் டிவிட்டரில் தங்கள் மீதான  விவாதத்தில் ஈடுபடுவது சக‌ஜமானால் எப்படி இருக்கும் யோசித்து பாருங்கள்.

டிவிட்டர் சாதனையாளர்களும், தேவதைக‌ளும்

twஒரே நாளில் அதிக டிவீட்களை செய்தவர் என்னும் பட்டத்திற்கு உரிமை கொண்டாடும் சாதனையாளர்கள் வரும் காலத்தில் உருவாகலாம். அதாவது ஒரு நாளில் டிவிட்டர் மூலம் அதிக செய்திகளை பகிர்ந்து கொண்டவர். தொடர்ந்து அதிக நாட்கள் டிவிட்டரில் அதிக செய்திகளை வெளியிட்ட சாதனையாளர்களும் உருவாகலாம்.இந்த சாதனையை முறியடிக்க போட்டா போட்டி ஏற்படலாம். இந்தப் போட்டியில் முந்துவதற்காக விரைவாக டிவீட் செய்யும் உத்திகளும் குறுக்கு வழிகளும் கண்டுபிடிக்கப்படலாம். இதற்காகவே விசேஷ பயிற்சிகளும் அறிமுகமாகலாம். அதி விரைவாக டிவீட் செய்பவர்களை கண்டறிவதற்காக உலகலாவிய போட்டியும் நடத்தப்படலாம்.

.
அதிக டிவீட்களை செய்வது ஒன்றும் பெரிய விஷயமல்ல. அவற்றில் எத்தனை பயனுள்ளதாக இருக்கின்றன என்பதே முக்கியம் என்னும் விவாதமும் சூடு பிடிக்கலாம். ஒருநாள் முழுவதும் இடைவிடாமல் டிவிட்டர் செய்பவர்களும் உருவாகலாம். எது எப்படியோ, டிவிட்டரின் பயன்பாட்டில் புதுமைகளும், சாதனைகளும் தொடர்ந்து நிகழப் போகின்றன என்பது மட்டும் நிச்சயம்.
இப்படி உருவாக்கக் கூடிய டிவிட்டர் சாதனையாளர்களுக்கெல்லாம் முன்னோடி என்று அமெரிக்க பெண்மணி போனி ஸ்மால்லேவை (Bonney Smalley)குறிப்பிட வேண்டும்.

இவரை முதல் டிவிட்டர் தேவதை என்றும் சொல்லலாம். ஸ்மால்லே அப்படி என்ன சாதனையை செய்து விட்டார்?
அதிக டிவீட்களை வெளியிடுவதுதான் டிவிட்டரின் எவரெஸ்ட் என்றால் அந்த சிகரத்தை முதலில் ஏறி கடந்த டிவிட்டர் பயனாளி அவர்தான். ஆம், ஸ்மால்லே நாளொன்றுக்கு சராசரியாக 400 டிவீட்கள் மேல் செய்து ஒரே நாளில் அதிக டிவிட்டர் செய்தி வெளியிடுபவர் என்னும் பெருமையை பெற்றிருக்கிறார்.

இவர் டிவீட் செய்யும் வேகத்தை பார்த்து மிரண்டுப் போன டிவிட்டர் நிர்வாகம் இவரது டிவிட்டர் கணக்கை தற்காலிகமாக நிறுத்தி வைத்தது. ஆம், இந்த அளவுக்கு வேகமாகவும், சீராகவும் “டிவீட்’ செய்ய வேண்டும் என்றால் அதை செய்பவர் மனிதராக இருக்க முடியாது. இதற்காகவே உருவாக்கப்பட்ட சாப்ட்வேராக இருக்க வேண்டும் என சந்தேகித்து டிவிட்டர் நிர்வாகம் நடவடிக்கை எடுத்தது.

ஆனால் ஸ்மால்லே சாப்ட்வேர் அல்ல, அதி விரைவாக டிவீட் செய்யும் ஆற்றல் கொண்ட மனிதர் என்பதை தெரிய வந்த பின் இந்த நடவடிக்கை ரத்து செய்யப்பட்டது. இதனால் டிவிட்டர் கொஞ்சம் அசடு வழிய நேர்ந்தாலும், ஸ்மால்லேயின் விசேஷ ஆற்றலை இந்த சம்பவம் வெளிச்சத்திற்கு கொண்டு வந்தது.

நேரம் கிடைக்கும் போதெல்லாம்/ அல்லது பகிர்ந்து கொள்ளத் தோன்றும் போதெல்லாம் டிவீட் செய்யலாம். இப்படி ஒரு நாளுக்கு 10, 15 டிவீட் செய்யலாம். சில நாளில் 30,40 செய்யலாம்.ஆனால் நூற்றுக்கணக்கில் டிவீட் செய்வது சாத்தியமா என பலரையும் இந்த சம்பவம் ஸ்மால்லேவை நினைத்து வியக்க வைத்தது.

நாள் முழுவதும் டிவிட்டர் முன் அமர்ந்திருப்பதை வேலை என்றால் இது சாத்தியம்தான். அதாவது டிவீட் செய்வதே தொழிலாக வாய்த்தவர்கள் என்று பொருள்! ஆம், ஸ்மால்லே காம்காஸ்ட் நிறுவனத்தில் வாடிக்கையாளர் சேவை பிரிவில் பணியாற்றுகிறார். வாடிக்கையாளர்களின் புகார்களை/ கோரிக்கைகளை படித்து அவற்றுக்கு டிவிட்டர் மூலம் பதிலளிப்பதே அவரது வேலை.

இப்போதெல்லாம் வாடிக்கையாளர்கள் ரொம்ப விவரமாகி விட்டார்கள். நிறுவன தயாரிப்பு/சேவையில் திருப்தி இல்லை என்றால் அவர்கள் நண்பர்களிடம் புலம்பிக் கொண்டிருப்பதோ அல்லது நிறுவனத்திடம் முறையிட்டு பதிலுக்கு காத்திருப்பதோ இல்லை. உடனே டிவிட்டரில் தங்கள் மனக்குறையை தட்டி விட்டு விடுகின்றனர்.

சில நேரங்களில் இத்தகைய டிவிட்டர் செய்திகள் பற்றிக் கொள்ளலாம்.மேலும் பல வாடிக்கையாளர்கள் இதே போன்ற புகார்களை டிவிட்டர் செய்யும் பட்சத்தில் நிறுவனத்தின் நற்பெயர் பாதிக்கப்படலாம்.டிவிட்டரில் வெளியாகும் புகார்கள் செய்தி நிறுவனங்கள், நாளிதழ்கள் பார்வையில் பட்டு அவற்றால் ஊதி பெரிதாக்கப்பட்டால் பாதிப்புக்கு கேட்கவே வேண்டாம்.

இப்படி டிவிட்டர் மூலம் பகிர்ந்து கொள்ளப்பட்ட புகார்களால் தலைகுனிந்து நின்ற நிறுவனங்கள் பற்றி நிறைய கதைகள் உள்ளன. டிவிட்டர் புகார்களால் ஏற்படக் கூடிய பாதிப்புகளை நிறுவனங்களும் உணரத் தொடங்கி இருக்கின்றன. ஒரு சில நிறுவனங்கள் இத்தகைய புகார்களை முளையிலேயே கிள்ளியெறியும் நோக்கத்தோடு டிவிட்டரில் தங்கள் நிறுவனம் தொடர்பான கருத்துகள் வெளியாகின்றனவா என்று கண்டறிந்து நடவடிக்கை எடுப்பதற்காக என்றே ஒரு ஊழியரை நியமிக்கும் பழக்கத்தை ஏற்படுத்திக் கொண்டுள்ளன.

டிவிட்டர் வெளியில் நிறுவனம் பற்றி ஏதாவது சொல்லப்படுகிறதா என கண்கொத்தி பாம்பு போல பார்த்திருந்து அதற்கு பதில் அளித்து வாடிக்கையாளர்களை சாந்தப்படுத்துவதுதான் இவர்களின் வேலை. காம்காஸ்ட் சார்பில் இப்படி நியமிக்கப்பட்டவர்களில் ஒருவர்தான் போனி ஸ்மால்லே தினந்தோறும் டிவிட்டரில் தோன்றும் புகார்களை பார்த்து விளக்கம் அளிக்கும் பணியை அவர் மிகுந்த ஈடுபாட்டோடு செய்ததின் விளைவே நாளொன்றுக்கு சராசரியாக 400 டிவீட்கள் மூலம் அவரால் பதிலளிக்க முடிந்திருக்கிறது. டிவிட்டர் புகார்களைத் தவிர இமெயில், பேஸ்புக் மூலம் வரும் புகார்களையும் அவர் கவனித்து பதிலளிக்கிறார்.

வாடிக்கையாளர் தொலைபேசி செய்யும் போது ரிசிவரை காதில் வைத்துக் கொண்டு பக்கத்தில் உள்ள தோழியோடு அரட்டை அடிக்கும் ஊழியரோடு இவரை ஒப்பிட்டுப் பாருங்கள்! ஸ்மால்லே கடமையில் மட்டுமே கருத்தாக புகார்களை படிப்பதும், டிவிட்டரில் பதிலளிப்பதுமாக இருப்பதால்தான் அவரை டிவிட்டர் தேவதை என்றும் வர்ணிக்கத் தோன்றுகிறது.

எப்போதும் டிவிட்டரில் பதிலளிக்க ஸ்மால்லே காத்திருப்பதால் அவர் மீதான வாடிக்கையாளர் எதிர்பார்ப்பும் அதிகரித்துள்ளது. விளைவு வேலை முடிந்து செல்லும்போது ஸ்மால்லே டிவிட்டரில் அதை மறக்காமல் குறிப்பிட்டு விட்டு மறுநாள் சந்திப்பதாக விடைபெற்றுச் செல்கிறார்.

வருங்காலத்தில் மேலும் பல நிறுவனங்கள் இத்தகைய டிவிட்டர் தேவதைகளை பணியில் அமர்த்தலாம். இவர்கள் எப்பொழுதும் வாடிக்கையாளர்களுக்கு சேவை யாற்ற டிவிட்டரில் தயாராக இருக்க வேண்டும் என்பதால் விரைவாக டிவிட்டர் செய்யும் கலையையும் அதில் ஈடுபாட்டையும் வளர்த்துக் கொண்டாக வேண்டும்.

நிறுவனங்கள் மட்டுமல்ல, வேறு அமைப்புகளும், மருத்துவமனை போன்றவைகளும் கூட டிவிட்டர் பிரதிநிதி ஒருவரை நியமிக்கலாம். எங்கெல்லாம் உடனடி விளக்கங் களும், தகவல் பரிமாற்றம் தேவையோ அங்கெல்லாம் ஒரு டிவிட்டர் பிரதிநிதி தேவைப்படலாம்.

உதாரணத்திற்கு ரேஷன் அலுவலகம் போன்ற அரசு இலாகாக் களில் பொதுவாக காணப்படும் குறைகள் முறையீடுகள், சந்தேகங் கள் ஆகியவை குறித்து பொறுப்பான ஒருவர் டிவிட்டர் மூலம் விளக்கம் அளித்தால் எப்படி இருக்கும் யோசித்துப் பாருங்கள்?

இதே போல மருத்துவமனையில் ஒரு நர்ஸ் (அ) வார்டுபாய், நோயாளிகளுக்கான தகவல்களை டிவிட்டர் மூலம் பகிர்ந்து கொண்டால் எப்படி இருக்கும்? இவ்வளவு ஏன், திருமணங்களின் போது யாராவது ஒருவர், விருந்தினர் களை வரவேற்பதையும், திருமண நிகழ்வுகளை வர்ணிப்பதையும் டிவிட்டர் செய்யலாம். விருந்தினர் களை பார்க்கும் போது ஏற்படும் மகிழ்ச்சியையும், நலம் விசாரிப் பதையும் டிவிட்டரில் தெரிவிக்க லாம்.

இதற்கு ஒரு அழகான இளம்பெண்ணை லாப்டாப்போடு வரவேற்பு மேஜை அருகே அமர வைக்கலாம். இல்லை, கையில் செல்போனோடு சுற்ற விடலாம். (போன் மூலம் டிவிட்டர் செய்யலாம்). மிதமிஞ்சிய கற்பனையாக தோன்று கிறதோ! டிவிட்டர் பயன்பாட்டிற்கு எல்லையில்லை என்பதே விஷயம்!