Tag Archives: google

பெற்றோர்க்கு கற்றுத்தர ஒரு இணைய தளம்

பிள்ளைகள் முன் பெற்றோர்கள் மாணவர்கள் போல கைக்கட்டி நிற்க வேண்டி இருக்கும் என்று கடந்த தலைமுறையைச் சேர்ந்த பெரியவர்கள் நிச்சயம் நினைத் துக்கூட பார்த்திருக்க மாட்டார் கள். ஆனால் தொழில்நுட்பத்தின் வளர்ச்சியின் இண்டெர் நெட்டின் தாக்கம் இதைத் தான் செய்து இருக்கிறது.
.
பிறக்கும்போதே இமெயில் முகவரியோடு குழந்தைகள் பிறக்கத் துவங்கியிருக்கும் காலத்தில் கம்ப்யூட்டரும், இண்டெர்நெட்டும் எல்லா துறைகளிலும் ஊடுருவி இருக்கிறது. இந்தக்கால தலைமுறையினர் மிகச் சுலபமாக இண்டெர் நெட்டுக்கு பரீட்சைமாகி விடுகின்றனர். ஆனால் கடந்த தலைமுறையைச் சேர்ந்தவர்கள்  இண்டெர்நெட் என்றால் ஏதோ தொழில்நுட்ப பூதம் என்பது போல விலகி நிற்கின்றனர்.

பலர் காலத்தின் போக்கை அறிந்து இண்டெர்நெட்டை பயன்படுத்த கற்று வருகின்றனர். பலர் தங்கள் பிள்ளைகள் மூலமே இண்டெர் நெட் பயன்பாட்டை அறிந்துகொள்கின்றனர்.  வீட்டில் அம்மா  அப்பாவுக்கு, தாத்தா  பாட்டிகளுக்கு பிள் ளைகளும் பேரக்குழந்தைகளும் தொழில்நுட்ப அரிச்சுவடியில் பாடம் நடத்துவதை பல வீடுகளில் பார்க்கலாம். டிவி விளம்பரம் ஒன்றில் வருவதுபோல இண்டெர் நெட் பற்றி மகன் விளக்கிக் கூறுவதை பார்த்து தாய் வியந்து போய் நிற்பதுதான் இந்த தொழில்நுட்ப யுகத்தின் யதார்த்தம்.

பெரியவர்களும், வயதின் தயக்கத்தை உதறித் தள்ளி இந்த யுகத்துக்குள் அடியெடுத்து வருகின்றனர். ஆனால் பல நேரங்களில் பிள்ளைகளுக்கு பெற்றோர்கள் கம்ப்யூட்டர் மற்றும் இண்டெர் நெட் கேட்கக்கூடிய கேள்விகளுக்கு பதில் அளிக்கும் பொறுமை இல்லாமல் போகலாம்.  அதிலும் வேலை பளு அதிகம் உள்ளவர்கள் ஒரே மாதிரியான சின்னச் சின்ன சந்தேகங்களுக்கு மீண்டும் மீண்டும் விளக்கம் அளிக்க நேர்வதால் வெறுத்துப் போகலாம்.

இதுபோன்ற நேரங்களில் பெற்றோர்களுக்கும் வேதனை தராமல் அதே நேரத்தில் பிள்ளைகளின் நேரமும் பாழாகமல்  கைக்கொடுக்க ஒரு இணைய தளம் அமைக்கப்பட்டு உள்ளது. பெற்றோர்களுக்கு தொழில் நுட்பத்தை கற்றுக்கொடுங்கள் என்று பொருள் தரும் வகையில் (டீச் பேரெண்ட்ஸ் டெக்) அமைக்கப்பட்டுள்ள அந்த இணையதளம், கம்ப்யூட்டர் இண்டெர் நெட் தொடர்பாக புதிதாக பயன்படுத்தக்கூடியவர் களுக்கு ஏற்படக்கூடிய அடிப் படையான சந்தேகங்களை தீர்த்து வைப்பதற்கான வழிகளை கொண்டு இருக்கிறது. அதிலும் வீடியோ மூலமான செய்முறை விளக்கங்களாக இவை அமைந்துள்ளன. உதாரணத்துக்கு கம்ப்யூட்டரை பயன்படுத்த துவங்கும்போது என்னவெல்லாம் செய்ய வேண்டும் என்று குறிப்பிடப் பட்டுள்ளன. அதேபோல இணைய தளத்தில் உலாவர என்னவெல்லாம் செய்ய வேண் டும் என்று குறிப்பிடப்பட்டு உள்ளன.

எந்த பிரிவில் உதவி தேவையோ அதனை கிளிக் செய்து அந்த வீடியோவை அப்பாவுக்கோ, அம்மாவுக்கோ, தாத்தாவுக்கோ  அல்லது பாட்டிக்கோ அனுப்பி வைக்கலாம். தேடியந்திர உலகில் முன்னணியில் இருக்கும் கூகுல் நிறுவனத்தில் பணியாற்றும்  நபர்கள் இணைந்து இந்த தளத்தை உருவாக்கி உள்ளனர்.

கூகுலைப்போலவே எளிமை யான வடிவமைப்பை கொண்ட இந்த தளத்தின் மூலமாக அன்புள்ள அம்மாவுக்கு/அப்பா வுக்கு எனும் அறிமுகத்தோடு தேவைப்படும் வீடியோ வழிமுறையை கிளிக் செய்து அனுப்பி வைக்கலாம். பெற்றோர்களின் இண்டெர்நெட் பயன்பாடு குறித்து பிள்ளை கள் கொண்டிருக்கும் எண்ணத்தையும் வெளிப்படுத்த வழி செய்திருக்கின்றனர்.  பிள்ளைகளுக்கு பெற்றோர்கள் கற்றுத் தந்த காலம் மாறி பிள்ளைகள் பெற்றோருக்கு கற்றுத் தரும் காலத்தை உணர்த்தும் இணைய தளம் இது.

இணைய தள முகவரி: www.teachparentstech.org

கூகுல் ஜோசியம்

laptopகூகுலுக்கு தெரியாத விஷயம் உலகத்தில் இருக்கிறதா என்ன? எந்த கேள்விக்கு பதில் வேண்டும் என்றாலும் கூகுலில் தேடலாம் என்பது தெரிந்த விஷயம் தான்.
அப்ப‌டியே க‌ட‌ந்த‌ ஆண்டு நொடித்துப்போன‌ உல‌க‌ பொருளாதார‌ம் இப்போது எப்ப‌டி இருக்கிற‌து என்னும் கேள்விக்கு ப‌தில் தேவை என்றாலும் கூகுலிட‌மே கேட்க‌லாம் தெரியுமா?

இந்த‌ கேள்விக்கான கூகுலின் ப‌தில் ம‌கிழ்ச்சியை த‌ர‌க்கூடிய‌து.பொருளாதார‌ சீர்குலைவை அடுத்து உண்டான‌ தேக்க‌நிலை சீராக‌த்துவ‌ங்கியிருக்கிற‌து என்ப‌தே அந்த ப‌தில்.

கூகுல் என்ன பொருளாதார நிபுணரா?அதனால் எப்படி பொருளாதார நிலை குறித்த் பதில சொல்ல முடியும்?

எல்லாம் ஒரு கணிப்பு தான். தேடப்படுவதை வைத்து சொல்லப்படும் கணிப்பு.

கூகுல் முன்ன‌ணி தேடிய‌ந்திர‌மாக‌ இருப்ப‌தும் ப‌ல‌ரும் தேட‌ல் என்றால் கூகுலையே நினைப்ப‌தும் நீங்க‌ள் அறிந்திருக்க‌லாம்.இண்டெர்நெட்டில் த‌க‌வ‌ல் தேவைப்ப‌டும் போது பெரும்பால‌னோர் நாடுவது கூகுலைதான்.அது ம‌ட்டுமல்ல‌ முக்கிய‌ நிக‌ழ்வுக‌ள் உல‌கை உலுக்கும் போது அவை தொட‌ர்பான‌ த‌க‌வ‌ல்க‌ளை தேட்ட‌வும் கூகுலை தான் ப‌ய‌ன்ப‌டுத்துகிண்ற‌ன‌ர்.

உதார‌ண‌த்திற்கு பாப் இசை ம‌ன்ன‌ன் மைக்கேல் ஜாக்ஸ‌ன் ம‌ர‌ன‌ம‌டைந்த‌ போது ஜாக்ஸ‌ன் தொட‌ர்பான‌ த‌க‌வ‌ல்க‌ள் கூகுலில் அதிக‌ம் தேட‌ப்ப‌ட்ட‌ன‌. ப‌ன்றிக்காய்ச்சல் நோய் ப‌ர‌வ‌த்துவ‌ங்கிய‌ போது இந்த‌ நோய் ப‌ற்றி விடாம‌ல் தேடிய‌து இண்டெர்நெட் ச‌மூக‌ம்.

கூகுலில் அதிக‌ம் தேட‌ப்படும் ப‌த‌ங்க‌ளை வைத்தே பிர‌ப‌லமாக‌ திக‌ழ்வ‌து யார் என்று ஊகித்துவிட‌ முடியும்.அதே போல‌ உல‌கில் நில‌வும் போக்குக‌ளையும் கூகுலில் தேட‌ப்ப‌டும் ப‌த‌ங்க‌ள் மூல‌மே ஒரு முடிவுக்கு வ‌ர‌ முடியும்.

இதே அடிப்படையில் தான் த‌ற்போது பொருளாதார‌ தேக்க‌த்தின் பாதிப்பு உல‌கிலும் ,குறிப்பாக‌ அமெரிக்காவிலும் குறைந்திருப்ப‌தாக‌ க‌ணிக்க‌ப்ப‌ட்டுள்ள‌து.

பொருளாதார‌ சீர்குலைவின் பாதிப்பு உச்ச‌த்தில் இருந்த‌போது எங்கு பார்த்தாலும் ஆட்குறைப்பு ப‌ற்றியும் நிறுவ‌ன‌ங்க‌ள் இழுத்து மூட‌ப்ப‌டுவ‌து ப‌ற்றியும் தான் பேச்சாக‌ இருந்த‌து.அப்போது வேலை வாய்ப்பு ப‌ற்றியே கூகுலில் அதிக‌ம் தேட‌ப்ப‌ட்ட‌து.

ஆனால் இப்போது கூகுலில் தேட‌ப்ப‌டும் சொற்க‌ளை பார்த்தால் வேலை வாய்ப்பு, ம‌ற்றும் அர‌சு உத‌வுக்கான‌ தேட‌ல் குறைந்திருக்கிற‌தாம்.அதே நேர‌த்தில் வீடு, ம‌ற்றும் வீட்டுக்க‌ட‌ன் தொட‌ர்பான‌ தேட‌ல் ஒர‌ல‌வுக்கு அதிக‌ரித்திருக்கிற‌தாம்.

இவ‌ற்றை க‌ருத்தில் கொண்டு பார்த்தால் பொருளாதார‌ தேக்க‌நிலையிலிருந்து அமெரிக்கா மிள‌த்துவ‌ங்கியிருக்கிற‌து என்றுதானே பொருள்.கூகுலின் முத‌ன்மை பொருளாதார‌ நிபுண‌ரான‌ ஹால் வ‌ரியான் இப்ப‌டி தான் ந‌ம்பிக்கையோடு கூறுகிறார்.

கூகுல் தேட‌ல் முடிவுக‌ள் தொற்று நோய் ப‌ர‌வுவ‌து தொட‌ர்பான‌ த‌க‌வ‌ல்க‌ளையும் தெரிந்து கொள்ள‌ உதுவுகிற‌து என்ப‌து கூடுத‌லான‌ த‌க‌வ‌ல்.

கூகுலின் கை ஓங்குகிறது

google1கூகுல் பற்றிய சமீபத்திய செய்தி கொஞ்சம் சுவாரசியமானது.கூடவே அதிர்ச்ச்சியானது.

கூகுல் தனது முகப்பு பக்கத்திற்கான காப்புரிமையை பெற்றுள்ளது என்பதே அந்த செய்தி.2004 ம் ஆண்டில் கூகுல் காப்புரிமை கோரி விண்ணப்பித்தது. 5 ஆண்டு பரிசிலனைக்கு பிறகு த‌ற்போது காப்புரிமை வழங்கப்பட்டுள்ளது.

ஒரு இணையதள‌த்தின் பின்னே உள்ள புதுமையான கருத்தாக்கம்,இணைய சேவை போன்றவற்றுக்கு காப்புரிமை கோரப்படுவதும் வழங்கப்படுவதும் வழக்கமானது தான். ஆனால் முகப்பு பக்கத்திற்கு காப்புரிமை கோரப்பட்டு வழ‌ங்கப்படுவது இதுவே முதல் முறை.

ச‌ரி இத‌னால் கூகுலுக்கு என்ன‌ லாப‌ம் என்று கேட்கலாம்.கூகுலுக்கு என்ன‌ லாப‌ம் என்று கேட்ப‌தைவிட‌ ம‌ற்ற‌ தேடிய‌ந்திர‌ங்க‌ளுக்கு என்ன‌ பாதிப்பு என்று யோசித்துப்பார்த்தால் இந்த‌ காப்புரிமை எத்த‌னை முக்கிய‌மான‌து என்று புரிந்து விடும்.

த‌மிழ் மொழியை பொருத்த‌வ‌ரை ‘முருக‌ன் என்றால் அழகு’ என்ப‌து போல‌ இண்டெர்நெட்டைப்பொருத்த‌வ‌ரை கூகுல் என்றால் அழ‌கு என்று அர்த்த‌ம்.அதாவ‌து எளிமை தான் அழ‌கு என்று எடுத்துக்கொண்டால் கூகுலின் முக‌ப்பு ப‌க்க‌த்தின் முன் வேறு எந்த‌ இணைய‌தள‌மும் நிற்க‌ முடியாது.எளிமையோடு தெளிவையும் சேர்த்துக்கொண்டால் கூகுலின் முக‌ப்பு ப‌க்க‌ம் தான் பேர‌ழ‌கான‌து.

மேக‌ங்க‌ள‌ற்ற‌ வெண்மையான‌ வான‌ம் போன்ற‌ அழ‌கான‌ பின்ன‌ணியில்,ந‌டுவே ஒரே ஒரு கட்ட‌ம் .அத‌ன் கீழே தேட‌லுக்கான‌ குறிப்பு.அவ்வள‌வு தான் கூலின் முக‌ப்ப‌ ப‌க்க‌ம். ப‌க்கா எளிமை என‌றாலும் நெத்திய‌டி ர‌க‌ம். த‌க‌வ‌ல்க‌லை தேட‌ வ‌ருப‌வ‌ர்க‌ளுக்கு வேறு எந்த‌ க‌வ‌ன‌ப்பிச‌கும் இல்லாம‌ல் வ‌ந்தோமா தேடினோமா என்று போய் கொண்டே இருக்க‌லாம். வ‌டிவ‌மைப்பு என்றால் மெகா பட்ஜெட் படங்கள் போல ஏக‌ப்பட்ட கிர‌பிக்ஸ் ம‌ற்றும் இத‌ர‌ அம்ச‌ங்க‌ளோடு ப‌டு அம‌ர்க்க‌ள‌மாக‌ இருக்க‌ வேண்டும் என்று க‌ருத‌ப்ப‌ட்ட‌ கால‌த்தில் சும்மா எளிமையான‌ முக‌ப்பு ப‌க்க‌த்தின் மூல‌ம் வ‌டிவ‌மைப்பு இல‌க்கண‌த்தையே மாற்றிய‌மைத்த‌து.

கூகுலின் வெற்றிக்கு பிறகு எளிமை எனபது இணையதளத்திற்கான வடிவமைப்பு அம்சங்களில் முக்கிய விஷயமாகிவிட்டது.அது மாட்டும‌ல்லாம‌ல் தேடியந்திர‌ம் என்றால் அத‌ன் முக‌ப்பு ப‌க்க‌ம் கூகுலைப்போல‌ இருந்தாக‌ வேண்டும் என்ப‌து எழுத‌ப்ப‌டாத‌ விதியாகி விட்ட‌து.

ஆஸ்க் தேடிய‌ந்திர‌த்திலிருந்து சில‌ மாத‌ங்க‌ளுக்கு முன் துவ‌க்க‌ப்ப‌டட்ட‌ cuiல் வ‌ரை எந்த‌ தேடிய‌ந்திர‌மாக‌ இருந்தாலும் அத‌ன் முக‌ப்பு ப‌க்க‌ம் கூகுலை போல‌வே இருக்கும்.

பிர‌ச்ச்னை இது தான். இப்போது கூகுல் முக‌ப்பு ப‌க்க‌த்திற்கு காப்புரிமை வாங்கியிருப்ப்தால் புதிதாக‌ துவ‌ங்க‌ப்ப‌டும் தேடிய‌ந்திர‌ங்க‌ள் வேறு மாதிரியான‌ முக‌ப்பு ப‌க்க‌த்தை உருவாக்க‌ வேண்டும். ஏற்க‌ன‌வே உள்ள‌ யாகூ போன்ற‌ தேடிய‌ந்திர‌ங்க‌ளும் பாதிக்க‌ப்ப‌ட‌லாம்.

ஒரு தேடிய‌ந்திர‌த்தின் வெற்றிக்கு கூகுல் பாணி முக்ப்பு ப‌க்க‌ம் மிக‌வும் அவ‌சிய‌ம் என்ப‌தால் இனி கூகுல் ம‌ட்டுமே அத‌னை ப‌ய‌ன்ப‌டுத்த‌முடியும்.

ஏற்க‌ன‌வே தேட‌லில் கூகுலின் அதிக்க‌ம் நில‌வும் நிலையில் இது கூகுலுக்கு எதிர்ப்பே இல்லாம‌ல் செய்துவிட‌லாம்.

கூகுல் மீது வழக்கு

modelvகூகுலால் அடையாளம் காட்டப்பட்ட அனாமத்து பதிவாளர் அந்த நிறுவனத்தை எதிர்த்து வழக்கு தொடர்ந்துள்ளார். தனது அந்தரங்க உரிமையை காக்க தவறியாதற்காக 15 மில்லியன் நஷ்டஈடு கோரியுள்ளார்.

அவரது வாதம் வெற்றி பெறுகிறாதோ இல்லையோ இந்த வழக்கு முக்கியத்துவம் வாய்ந்தது.காரணம் பதிவர்கள் தங்கள் உரிமையை விட்டுக்கொடுக்க தயாராக இல்லை என்பதையும் அதற்காக போராட தயாராக உள்ளனர் என்பதையும் இந்த வழக்கு உணர்த்திருகிறது.

ரோஸ்மேரி போர்ட் என்பது அவரது பெயர்.ஆனால் அந்த பெயர்கூட யாருக்கும் தெரியமலேயே இருந்தது.காரணம் அவர் அனாமத்து பதிவராக தன்னைப்பற்றிய எந்தவிதமான தகவல்களையும் வெளியிடாமல் இருந்ததுதான்.

வலைப்பதிவு ஏற்படுத்தி தரும் வாய்ப்பை பயன்படுத்திக்கொண்டு தங்களைப்பற்றி சுயதம்பட்டம் அடித்துக்கொள்ள பலரும் தயாராக உள்ள நிலையில் ஒரு சிலர் மட்டும் தங்கள் அடையாளத்தை மறைத்துக்கொண்டு பதிவு செய்கின்றனர்.இவர்கள் அனாமத்து பதிவாளர்கள் என்று குறிப்பிடப்படுகின்றனர்.

பெரும்பாலும் சர்சைக்குரிய சங்கதிகளை எழுதவும் பிறர் மீது சேற்றை வாரி பூசவும் இவ்வாறு அடையாளத்தை மறைத்துகொள்கின்றனர்.வேறு நியாயமான காரணங்களுக்காக அடையாளத்தை வெளியிடாமல் இருப்பவர்களும் உண்டு.

நியூயார்க்கைச்சேர்ந்த ரோஸ்மேரி ஸ்காங்க்ஸ் ஆப் நியூயார்க் என்னும் பெயரில் மறைந்து கொண்டு வலைப்பதிவு செய்து வந்தார்.அவர் எழுதியது என்ன ,அவற்றை யார் படித்தார்கள் என்று தெரியவில்லை.

ஆனால் மாடல் ஒருவர் மீது அவர் நடத்திய தாக்குதல் எல்லாவற்றையும் மாற்றிவிட்டது.கனாடவைச்சேர்ந்த லிஸ்குலா கோஹன் என்னும் மாடலழகி பற்றி அவர் தாறுமாறான கருத்துக்களை வெளியிட்டிருந்தார்.அவதூறு என்ற வரையறைக்குள் பொருந்தக்கூடிய அந்த பதிவுகளை பார்த்து கோஹன் கொதித்துப்போனார்.

யார் என்றே தெரியாத ஒருவரால் இப்படி கடுமையாக தாக்கி எழுதப்பட்டது அவரை மேலும் வேதனைக்கு உள்ளாக்கியது.முகம் தெரியாத நபாரால் எழுதப்படும் அந்த பதிவு தனது புகழுக்கு களங்கம் விளைவிக்கும் என்ற அச்சமும் உண்டானது.

பத்திரிக்கையிலேயோ தொலைக்காட்சியிலேயோ இப்படி யாராவது கூறியிருந்தால் சரியான பதிலடி கொடுக்கலாம்.தேவைப்பட்டால் கோர்ட்டுக்கும் இழுக்கலாம். ஆனால் அனாமத்து பதிவாளரை என்ன செய்ய முடியும்?அனாமத்து தன்மை தானே அவர்களின் பாதுகாப்பு.

பார்த்தார் கோஹன் .இதை இப்படியே விடக்கூடாது என்று கோர்ட்டில் வழக்கு தொடர்ந்தார். அவ‌தூறான‌ க‌ருத்துக்க‌ளை எழுதிவ‌ரும் அந்த‌ ப‌திவாள‌ர் யார் என்ப‌தை வெளியிட‌ ச‌ம்ப‌ந்த‌ப்ப‌ட்ட வ‌லைப்ப‌திவு சேவை நிறுவ‌ன‌த்திற்கு உத்த‌ர‌விடவேண்டும் என்று அவ‌ர் கோரினார்.

வ‌ழ‌க்கை விசாரித்த‌ நியுயார்க் உச்ச‌ நீதிம‌ன்ற‌ம் அவ‌ர் கோரிக்கையை ஏற்று குறிப்பிட்ட‌ அந்த‌ ப‌திவ‌ரின் அடையாள‌த்தை வெளியிட‌ வேண்டும் என்று கூகுலுக்கு (பிளாகர் சேவையின் உரிமையாளர்)தீர்ப்ப‌ளித்த‌து.இத‌னைய‌டுத்து அந்த‌ ப‌திவ‌ர் ரோஸ்மேரி என்ற‌ விவ‌ர‌ம் தெரிய‌வ‌ந்த‌து.

இண்டெர்நெட் உல‌கில் இது முக்கிய‌த்துவ‌ம் வாய்ந்த‌ தீர்ப்பாக‌ க‌ருத‌ப்ப‌டுகிற‌து.ஒரு முன்னோடி தீர்ப்பாக‌வும் க‌ருத‌ப்ப‌டுகிற‌து.இனி ப‌திவ‌ர்க‌ள் அனாம‌த்து முக‌முடியின் கீழ் ம‌றைந்துகொண்டு இஷ்ட‌ம் போல‌ எழுதுவ‌து சாத்திய‌மில்லை.

இந்நிலையில் ரோஸ்மேரி கூகுல் நிறுவ‌ன‌த்தின் மீது வ‌ழ‌க்கு தொட‌ர்ந்துள்ளார். கூகுல் த‌ன‌து அந்த‌ர‌ங்க‌ உரிமையை மீறிவிட்ட‌தாக‌ கூறீ அவ‌ர் நஷ்ட ஈடும் கேட்டுள்ளார்.