Tag Archives: google

lingual2

ஒரே நேரத்தில் இரண்டு மொழிகளில் தேட!

நண்பன் படத்தில் பேராசிரியர் விருமாண்டி சந்தானம் ஒரே நேரத்தில் இரண்டு கைகளாலும் கரும் பலகையில் எழுதுவது போல ஒரு காட்சி வரும்.பேராசிரியரின் அதீத திறமையை உணர்த்தும் இந்த காட்சியை பார்த்து விட்டு யாரேனும் இரண்டு கைகளிலும் எழுதிப்பார்க்க முயன்றனரா என்று தெரியவில்லை.

இது ஒரு புறம் இருக்க விருமாண்டி சந்தானம் போன்ரவர்கள் விரும்பக்கூடிய புதிய தேடியந்திரம் அறிமுகமாகியிருக்கிற‌து.இந்த தேடியந்திரம் ஒரே நேரத்தில் இரண்டு பொழிகளில் தேட வழி செய்கிறது.

கூகுல் தான் பெரும்பாலானோர் விரும்பும் தேடியந்திரம் என்ற போதிலும் சில நேரங்களில் மாற்று தேடியந்திரத்தை பயன்ப‌டுத்தும் தேவையும் ஏற்படலாம்.இது போன்ற நேரங்களில் ஒரே பக்கத்தில் இரண்டும் தேடியந்திரங்களில் தேடும் வசதியையும் தரும் தேடியந்திரங்கள் ஏற்கனெவே அறிமுகமாகியிருக்கின்றன.

கூகுல்.மற்றும் பிங் போன்ற போட்டி தேடியந்திரங்களின் தேடல் முடிவுகளை ஒப்பிட இவை கைகொடுக்கின்ற‌ன.

ஆனால் 2 லிங்குவல் தேடியந்திரமோ முதல் முறையாக இரண்டு மொழிகளில் தேட உதவுகிற‌து.

இந்த தேடியந்திரத்தில் ஆங்கிலத்திலும் இன்னும் பிற மொழிகளிலும் ஒரே நேர‌த்தில் தேட வழி செய்கிற‌து.ஆங்கில தவிர வேறு மொழிகளிலும் பிற மொழிகளோடு தேடலாம்.இரண்டு மொழி முடிவுகளும் அருகே அருகே தோன்றுகின்றன.

சுவார்ஸ்யமான தேடியந்திரம் தான்.ஆனால் இரண்டு மொழிகளில் தேடும் தேவை யாருக்கெல்லாம் ஏற்படும் என்று தெரியவில்லை.

இந்டஹ் தேடியந்திரம் புதுமையானதே தவிர முற்றிலும் புதியது அல்ல! அதாவது கூகுலின் தேடல் தொழில்நுட்பத்தை பயன்ப‌டுத்தியே இந்த சேவை வழங்க‌ப‌டுகிறது.

தேடியந்திர முகவ‌ரி;http://www.2lingual.com/

simple

நேர்மையான ,தூய்மையான,நட்பான தேடியந்திரம்.

நீங்கள் விற்கப்பட்டு கொண்டே இருக்கிறீர்கள் என்பது உங்களுக்கு தெரியுமா?உங்கள் தன்மையும் பழக்க வழக்கங்களும் ஏதாவது ஒரு நிறுவனத்தால் வாங்க‌ப்பட்டு கொண்டே இருப்பதும் தெரியுமா?அது மட்டுமா உங்கள் நடவடிக்கைகளும் செயல்பாடுகளும் கண்காணிக்கப்பட்டு கொண்டே இருக்கின்றன என்ப‌தாவது தெரியுமா?

ஏதோ ‘ஜார்ஜ் ஆர்வெல்’ நாவலில் வருவது போன்ற வாசகங்கள் அல்ல இவை.சுப்ரமணிய ராஜுவின் சிறுகதை தொகுப்பை போல இவை இன்றைய நிஜம்.தேடியந்திர உலகின் நிஜங்கள்.யாரும் பொருட்படுத்தாத நிஜங்கள்.

முன்னணி தேடியந்திரங்கள் குக்கீஸ் எனப்படும் கண்ணுக்குத்தெரியாத சாப்ட்வேர் துணுக்குகளை உங்கள் கம்ப்யூட்டரின் இதயத்தில் அதாவது ஹார்ட் டிரைவில் ஓளிய வைத்து இணைய உலகில் நீங்கள் தேடலில் ஈடுபடும் போது எடுத்து வைக்கும் ஒவ்வொரு அடியையும் கண்காணித்து கொண்டே இருக்கின்றன.கண்காணிபதோடு நிற்பதில்லை.உங்கள் இணைய பழக்க வழக்கங்கள் கவனிக்கப்பட்டு அடையாளம் காணப்படுகின்றன.

இந்த விவரங்கள் இகாமர்சை நம்பியிருக்கும் நிறுவங்களுகு விற்கப்படுகின்றன.இந்த பழக்கத்திலும் கூகுல் தான் முதலிடத்தில் உள்ளது.சொல்லப்போனால் கூகுல் தான் குக்கீசை முதலில் பயன்ப‌டுத்த துவங்கிய தேடியந்திரம்.இந்த குக்கீகள் உங்கள் கம்ப்யூட்டரில் ஒரு அடையாள் எண்ணை ஒட்ட வைத்து அதன் பிறகு ஒவ்வொரு தேட நடவடிக்கையையும் பதிவு செய்து கொண்டே இருக்கிறது.உங்களுக்கு கூட நீங்கள் எந்த தளத்திற்கெல்லாம் சென்றீர்கள் ,அவற்றில் எந்த வகையான தகவல்களை தேடினீர்கள் என்பது நினைவில் இருக்காது,ஆனால் கூகுலுக்கு உங்கள் மொத்த தேடல் வரலாறும் அத்துப்படி.

உங்கள் இண்டெர்நெட்டின் ஐபி முகவ‌ரி,நேரம்,தேடல் பதங்கள் ,பிரவுசர் தகவல்கள் எல்லாவற்றையும் கூகுல் சேகரித்து கொள்கிற‌து.சும்மாயில்லை 57 வகையான தகவல்களின் அடிப்படையில் கூகுல் விவரங்களை சேகரித்து கொள்கிற‌து.

கூகுலில் தேடி அதன் மூலம் ஒரு இணையதளத்திற்கு செல்லும் போது நீங்கள் பயன்படுத்திய குறிச்சொல் அந்த தளத்திற்கு அனுப்படுகிறது.கூடவே உங்களை பற்றிய இணைய விவரங்களும் விற்கப்படுகிறது.

உங்களை புரிந்து கொண்டு உங்களுக்கேற்ற தயாரிப்பு அல்லது சேவைகளை வழங்குவதற்காக இந்த விவரங்கள் பயன்படுத்தப்பட்டு வருகின்றன.அது மட்டுமா இன்சுரன்ஸ் நிறுவன‌ங்களும் கிரிடிட் கார்ட்டு நிறுவங்களும் இவற்றை அலசி ஆராய்ந்து உங்களை பற்றி தீர்மானித்து கொள்கின்ற‌ன.

பாருங்கள் நம்கு தெரியாமலே நம்மைப்பற்றிய தகவல்கள் சேகரிக்கப்பட்டு ஆராய்ப்பட்டு கொண்டிருக்கிற‌ன.

இந்த நிஜங்களை தான் ‘ஸ்டீல்த்’தனது இணையதளத்தில் வெளிச்சம் போட்டு காட்டியிருக்கிறது.

ஸ்டீல்த்திற்கு மட்டும் ஏன் இந்த அக்கறை வேறு யாருக்கும் இல்லாத அக்கறை என்று கேட்டால்,ஸ்டீல்த்திற்கு இதில் தனிப்பட்ட நலன் இருக்கிறது,அதனால் தான் தேடல் உலகின் பின்னே உள்ள விபரீதமான விஷயங்களை அது வெளிப்படுத்துகிறது.

அதாவது ஸ்டீல்த்தும் ஒரு தேடியந்திரம் தான்.உடனே அதனால் தான் கூகுல் உள்ளிட்ட தேடியந்திரங்கள் மீது சேறு வாரி பூசுவதாக அவசரப்பட்டு முடிவுக்கு வந்துவிட வேண்டாம்.ஸ்டீல்த சுட்டிக்காட்டுபவை எல்லாமே இணைய உலக‌ நிதர்சன‌ங்கள்.உண்மையில் இணையயவாசிகளின் அந்தரங்க விவர‌ங்கள் சேமித்து வைக்கப்படுவது எதிர் காலத்தில் மிக‌ப்பெரிய பிரச்ச்னையாக உருவாகலாம்.

ஸ்டீல்த் இந்த விஷய்ஙகளை பட்டியல் போட்டு காட்டுவது கூகுலோடு ஒப்பிடும் போது அது எத்தனை நம்பகமான,தூய்மையான,நேர்மையான தேடியந்திரமாக இருக்கிறது என்பதை உணர்த்துவதறகாக தான்!.

ஆம் ஸ்டீல்த்தில் தேடும் போது உங்களைப்பற்றிய விவரங்கள் சேகரிக்கப்படுவதில்லை,தேடல்கள் சேமித்து வைக்கப்ப்டுவதில்லை,ஐபி முகவ‌ரி போன்ற‌வை அறியப்படுவதில்லை .எல்லாவற்றுக்கும் மேல் இது குக்கீ ஒற்றர்களை உங்கள் கம்ப்யூட்டருக்குள் ஏவிவிடுவதில்லை.

எனவே ஸ்டீல்த்தை பயன்ப்டுத்தும் போது நீங்கள் தேட மட்டுமே செய்யலாம்.உங்கள் நடவடிகைகள் கண்காணிக்கப்படுவதில்லை.நீங்கள் பின்தொடர‌ப்படுவதில்லை.

ஆக‌வே ஸ்டீல்த்தை பயன்படுத்துங்கள் என்கிறது ஸ்டீல்த்.

ஸ்டீல்த் பயனாளிகள் பற்றிய விவரங்களை சேர்ப்பதால் அதனிடம் விற்க ஒன்றுமில்லை.இதனால் விளம்பர வருவாயும் சாத்தியமில்லை.ஸ்டீல்த்தோ அது பற்றி கவலையில்லை.இணையவாசிகளுக்கு தூய்மையான தேடல் அனுபவத்தை தருவதற்காக விளம்பர வருவாயை தியாகம் செய்திருப்பதாக கூறுகிறது.

இதனை ஏற்று பலரும் ஸ்டீல்த் பக்கம் வந்துவிட்டால் வருவாய்க்கான வழி கிடைத்து விடும் என்பது அதன் நம்பிகை.

கூகுலை புறக்கணித்துவிட்டு ஸ்டீல்த்திற்கு தாவலாம் என்பது உங்கள் விருப்பம்.ஆனால் கூகுல் மற்றும் குக்கீஸ் பற்றிய விவரங்க்ள் அறியவாவது இத‌னை பயன்படுத்தி பாருங்கள்.

ஸ்டீல்த் பற்றி தெரிந்து கொள்ள வேண்டிய விவரம் அதன் தேடல் தொழில்நுட்பம் பற்றியது.ஸ்டீல்த் முழுக்க முழுக்க சொந்த தேடல் தொழில்நுட்பத்தை பயன்டுத்தவில்லை.கொஞ்சம் கூகுல்,கொஞ்சம் பிங்,அவற்றுடன் தனது தொழில்நுட்பம் கலந்து தேடல் முடிவுகளை தருகிறது.

தேடியந்திர முகவ‌ரி;http://usestealth.com/#

வாழ்க்கை புள்ளிவிவரங்களை சொல்ல ஒரு இணையதளம்.

கடந்த மாதம் நீங்கள் சராசரியாக நாள் தோறும் அரை கி மீ தொலைவு நடந்து சென்றுள்ளீர்கள்,மூன்று நாட்கள் நடை பயிற்சி மேற்கொள்ள மறந்துவிட்டீர்கள்,வார இறுதி நாட்களில் அதிகம் நடந்துள்ளீர்கள்…. என்றெல்லாம் உங்கள் செயல்பாடுகள் பற்றிய விரிவான அறிக்கை பெற முடிந்தால் எப்படி இருக்கும்?அதுவும் அழகான வரைபடத்தின் மூலம் உங்கள் வாழ்க்கை நடவடிக்கைகள் விளக்கப்பட்டிருந்தால் எப்படி இருக்கும்?

நன்றாக தான இருக்கும்,ஆனால் இது எப்படி சாத்தியம் என்று நீங்கள் நினைத்தால் கவலையே வேண்டாம்,காரணம்’ஆஸ்க் மீ எவ்ரி’ எனும் அந்த தளம் உங்கள் வாழ்க்கையின் ஒவ்வொரு செயலையும் கவனித்து மாத இறுதியில் நீங்கள் செயல்பட்ட விதம் குறித்த அறிக்கையையும் அளிக்கிறது.

உங்களின் எந்த செயல் கவனிக்கப்பட வேண்டும் என்பதையும் நீங்களே தேர்வு செய்து கொள்ளலாம்.உதாரணத்திற்கு நீங்கள் உணவு கட்டுப்பாட்டை கடைபிடித்து வந்தால் அதனை எந்த அளவுக்கு நிறைவேற்றி இருக்கிறீர்கள் என அறிக்கை கேட்கலாம்.

அதே போல புகைப்பிடிக்கும் பழக்கத்தை விட்டுவிட விரும்பினால் சிகிரெட் பிடிக்கும் பழக்கம் பற்றி அறிக்கை கேட்கலாம்.

இப்படி உங்கள் வாழ்கையின் எந்த செயலையும் நீங்கள் இந்த தளத்தின் மூலம் அலசி ஆராய்ந்து கொள்ளலாம்.

எப்படி என்றால் இந்த தளம் தினந்தோறும் உங்களிடம் கேள்வி கேட்டு அதற்கான பதிலை பெற்று அந்த பதில்களின் அடிப்படையில் புள்ளி விவரங்களை சேகரித்து அவற்றை வரைபட வடிவில் அறிக்கையாக தருகிறது.

எந்த கேள்வியை எப்போதெல்லாம் கேட்கப்பட வேண்டும் என்பதை நீங்களே தீர்மானித்து கொள்ளலாம்.உடற்பயிற்சி செய்பவர் என்றால் இன்று எத்தனை மணிநேரம் பயிற்சி மேற்கொண்டீர்கள் என்று கேட்க சொல்லலாம்.தேர்வுக்கு படித்து கொண்டிருப்பவர்கள் என்றால் ஒவ்வொரு நாளும் எத்தனை நேரம் படித்தீர்கள் என்று கேட்க சொல்லலாம்.

இப்படி கேட்க சொல்வதற்கு முன் செல்போனில் பதிவு செய்து கொள்ள வேண்டும்.அதன் பிறகு கேள்விகள் எஸ் எம் எஸ் மூலம் வந்து சேரும்.பதிலையும் எஸ் எம் எஸ் மூலம் அனுப்பி வைக்கலாம்.

இந்த பதில்களை கொண்டு உங்கள் இலக்கு பற்றிய அறிக்கையை அழகாக தயார் செய்து தரும் வேலையை இந்த தளம் பார்த்து கொள்ளும்.

என்ன தான் முயற்சி செய்தாலும் ஒவ்வொரு நாளும் என்ன செய்கிறோம் என்பதை குறித்து வைப்பது சாத்தியமில்லை.அப்படியே குறித்து வைத்தாலும் மாத இறுதியில் அவற்றை புரட்டிப்பார்த்து புள்ளி விவரங்களாக தொகுத்து புரிந்து கொள்ள முயல்வது சாத்தியம் இல்லை.

ஆனால் இந்த தளம் நமக்கான உதவியாளர் போல செயல்பட்டு நம்முடைய செயல்களை புள்ளிவிவரமாக தொகுத்து தருகிறது.

வர்த்தக நிறுவனங்களின் செயல்பாடுகள் வரைபடங்கள் மூலம் விளக்கப்படுவது போல ,தேர்தலில் கட்சிகள் வாங்கிய வாக்கு விகிதம் வரைபடமாக சுட்டிக்காட்டப்படுவது போல இந்த தளம் உங்கள் வாழ்க்கையை செய்ல்பாடுகளை வரைபடமாக புரிய வைக்கிறது.

குறிப்பிட்ட இலக்கை அடைய நினைப்பவர்கள் அதனை நோக்கிய முன்னேற்றத்தை பின்தொடரவும்,சிரியான திசையில் சென்று கொண்டிருக்கிறோமா என தெரிந்து கொள்ளவும் இந்த தளத்தை பயன்படுத்தலாம்.

செலவுகளை குறித்து வைத்து சேமிப்பை கண்காணிக்க உதவும் இணையதளங்களை போல இந்த தளம் மிக அழகாக தனிநபர்களின் வாழ்க்கையை ஆய்வு செய்து கொள்ள உதவுகிறது.

செல்போன் சர்ந்தது என்பதால் நிச்சயம் அமெரிக்கர்கள் மட்டுமே பயன்படுத்த முடியும் என்பது மட்டுமே ஒரே குறை.

இணையதள முகவரி;http://www.askmeevery.com/

pul

நல்ல தமிழுக்காக ஒரு தேடியந்திரம்.

‘அச்சம் தவிர’ போல கிரந்தம் தவிர் என்கிறது புல்வெளி டாட் காம்.அடாடா அழகு தமிழில் இணையதளத்தின் பெயரை கேட்டாலே காதில் தேன் வந்து பாய்கிறதே.

கிரந்தம் தவிர் என்றால் வடமொழி கல‌ப்பில்லாமல் நல்ல தமிழ் சொற்களை பயன்ப‌டுத்தி எழுதுவது.நல்ல தமிழில் எழுத வேண்டும் என்ற ஆர்வம் உள்ளவர்களுக்கு பல நேரங்களில் வடமொழி சொற்களுக்கு பதில் பயன்படுத்தக்கூடிய தமிழ் சொற்களை நினைவில் கொண்டு வருவது கடினமாக இருக்கலாம்.

இது போன்ற நேரங்களில் கைகொடுக்கவே புல் வெளி உருவாகப்பட்டுள்ளது.கிரந்தம் கலந்த எந்த சொல்லுக்கு நிகரான தமிழ் சொல் தேவையோ அந்த சொல்லை இந்த தளத்தில் சம‌ர்பித்தால் அழகான தமிழ் சொற்களை இந்த தளம் பட்டியல் போட்டு தருகிறது.

உதாரணத்திற்கு ஷ் என்ற எழுத்தை டைப் செய்தால் கஷ்டத்திற்கு கடினம்,இஷ்டத்திற்கு விருப்பம்,புஷ்பத்திற்கு பூ,நஷ்டத்திற்கு இழப்பு,விஷ்ணுவுக்கு பெருமாள் என தமிழ் சொற்களாக அடையாளம் காட்டுகிற‌து.

அந்த வகையில் நல்ல தமிழ் சொற்களுக்கான தேடியந்திரம் என்று இதனை வர்ணிக்கலாம்.தமிழ் கூல் என்று கூட சொல்லலாம்.அது மட்டும் அல்ல ஒவ்வொரு முறையும் முகப்பு பக்க்த்தில் ஒவ்வொரு கிரந்த சொற்களும் அதற்கு பதிலான தமிழ் சொல்லும் தோன்றி கொண்டே இருக்கின்றன.

முற்றிலும் வடமொழி அல்லது ஆங்கில சொற்கள் கலப்பில்லாமல் எழுத வேண்டும் என்பதில் எனக்கு உடன்பாடு இல்லை என்றாலும் இந்த தளத்தை மனதார வரவேற்கிறேன்.இருந்தாலும் தமிழில் கலப்படம் களையப்பட வேண்டும் எனபதில் உடன்படுகிறேன்.தமிழ் மொழிக்கு உதவக்கூடிய இத்தகைய தளங்கள் இன்னும் பல தேவை.

இந்த தளத்தை அடையாளம் காட்டிய டிவிட்த‌மில்ஸ் தளத்திற்கும் எனது நன்றிகள்.

இணையதள முகவரி;http://www.pulveli.com/

http://twitamils.com/

கூகுலில் நீங்கள் தேடப்படுகிறீர்கள் உஷார்..

எத்தனை பேருக்கு சொந்தமாக இணையதளம் இருக்கிறது என்று தெரியவில்லை.ஆனால் அந்த எண்ணிகை சொற்பமாக தான் இருக்க வேண்டும்.காரணம் பெரும்பாலானோர் தங்களுக்கென தனியே இணையதளம் இருக்க வேண்டும் என்று கருதுவதாக சொல்ல முடியாது.

வர்த்தகத்தில் ஈடுபடுவர்களும் பிரபலமாக இருப்பவர்களுமே தங்களுக்கான இணையதளத்தை வைத்து கொள்கின்றனர்.மற்றபடி சாமன்யர்கள் யாரும் சொந்தமாக இணையதளம் வேண்டும் என நினைப்பதாக தெரியவில்லை.

அப்படியே யாரவது சொந்தமாக இணையதளம் வைத்து கொண்டு அதில் தங்களைப்பற்றிய தகவல்களை இடம்பெற வைத்திருந்தால் அவரை தன்முனைப்பு மிக்கவராகவே கருத வாய்ப்புள்ளது.

மற்றவர்களை விடுங்கள் சாமன்யர்களில் பலரும் கூட எதற்காக சொந்த இணையதளம் என்றே நினக்ககூடும்.நம்மை பற்றி இணையதளம் அமைத்து உலகிற்கு தெரிவிக்கும் அளவுக்கு என்ன இருக்கிறது என்றும் கூட சுய இளக்காரம் கொள்ளலாம்.

ஆனால் ஒவ்வொருக்கும் தனியே ஒரு இணையதளம் இருப்பது நல்லது என்றே தோன்றுகிறது .அது மட்டும் அல்ல அரசியல் மொழியில் சொல்வதானால் சொந்த இணையதளம் என்பதை காலத்தின் கட்டாயம் என்றும் சொல்லலாம்.

ஏன் என்றால் எல்லோரும் உங்கள் கூகுலில் தேடிக்கொண்டிருக்கின்றனர்.ஆம் கூகுலில் தகவல்களை மட்டும் தேடுவதில்லை.மனிதர்கள் பற்றிய விவரங்களையும் தான் தேடுகின்றனர்.

வேலைக்காக விண்ணப்பித்தவ‌ர்களின் தகுதியை சரி பார்க்க வேண்டும் என்றாலும் சரி புதிதாக அறிமுகமானவர் தொடர்பான விவரங்கள் தேவை என்றாலே பலரும் செய்வது கூகுலில் பெயரை குறிப்பிட்டு தேடிப்பார்ப்பது தான்.

இவ்வளவு ஏன் பெண் பார்ப்பவர்கள் மாப்பிளை எப்படி என தெரிந்து கொள்ளவும் கூட கூகுல் மூலம் தேடிப்பார்க்கலாம்.

கூகுலிங் என்று சொல்லப்படும் இந்த பழக்கம் மிகவும் பரவ‌லாகி வருகிறது.

இவ்வாறு தேடப்படும் போது இணையத்தில் உங்களைப்பற்றி இறைந்து கிடக்கும் தகவல்களை எல்லாம் கூகுல் பட்டியலிட்டு காட்டும்.பேஸ்புக்கில் பகிர்ந்தவை,வலைப்பதிவில் உள்ளவை,வேலைவாய்ப்பு தளங்களில் சமர்பித்தவை ,இனைய குழுக்களில் விவாதங்களின் போது தெரிவித்த‌வை என எல்லா வகையான தகவல்களையும் கூகுல் திரட்டித்தரலாம்.

அவற்றில் எதிர்மறையானவையும் இருக்கலாம்,பாதகமானவையும் இருக்கலாம்.உங்களைப்பற்றி தவறான தகவலை தரக்கூடியவையும் இருக்கலாம்.

இப்போது யோசித்து பாருங்கள் உங்களுக்கென தனியே இணையதளம் இருக்கும் படசத்தில் கூகுலிங் செய்யும் போது அநேகமாக அந்த பக்கம் முதலில் வந்து நிற்கும்.உங்ககளை பற்றிய சரியான அறிமுகத்தையும் அந்த பக்கம் தரகூடும்.அல்லது மற்ற பக்கங்களில் உள்ள விவரங்களோடு ஒப்பிட்டு பார்த்து சரியான முடிவுக்கு வரவும் உதவும்.

எனவே கூகுலில் தேடப்படும் போது நீங்கள் நீங்களாகவே அறியப்பட வேண்டுமாயின் உங்களூக்கான இணையதளம் அவசியம்.

அட சரி தான்,ஆனால் இணையதளம் வைத்து கொள்ளும் அளவுக்கு நான பெரிய ஆள் இல்லையே என்றோ அல்லது இணையதளத்தை வைத்து பராமரிப்பது கடினம் என்று நினைதாலோ அதற்கு சுலபமாக ஒரு வழி இருக்கிற‌து.

இதற்காக என்றே விஸிபிலிட்டி என்னும் தளம் உருவாக்க‌ப்பட்டுள்ளது.இந்த தளம் கூகுலில் உங்களை பற்றி எந்த வகையான தகவல்கள் இடம்பெற வேண்டும் என்பதை கட்டுப்படுத்த உதவுகிறது.

அதாவது இந்த தள‌த்தில் உங்களுக்கான தேடல் பட்டனை உருவாக்கி அதில் உங்கலைப்பற்றிய தகவல்களை இடம்பெற வைக்கலாம்.
விஸிபிலிட்டி கூகுலுக்கான என்னை தேடு (சர்ச் மீ)பட்டனை தருவதாக சொல்கிறது.ஒருவருடைய பெயர் கூகுலில் தேடப்படும் போது இந்த பட்டன் முதலில் வரும் என்றும் உறுதி அளிக்கிறது.இதனை கிளிக் செய்தால் தேடப்ப‌ட்டவரின் விவரம் அவர் விரும்பிய வண்ணமே தோன்றும்.இதை தான் விஸிபிலிட்டி உங்கள் தேடல் விவரங்க‌ளை நீங்களே கட்டுப்படுத்தி கொள்ள உதவுவதாக கூறுகிறது.

விஸிபிலிட்டியில் என்னை தேடு பட்டனை உருவாக்கி கொள்ள முதலில் எப்யர் மற்றும் ப‌ணியிடம் போன்ற விவரங்க‌ளை சமர்பிக்க வேண்டும்.அதன் பிறகு பயனாளி தன்னை தீர்மானிக்கும் குறிச்சொற்களை சமர்பிக்கலாம்.தேவைப்பட்டால் இந்த விவரங்களை மாற்றி அமைத்து மேம்படுத்தி கொள்ளலாம். விவரங்களில் திருப்தியான பிறகு இந்த பக்கத்தை சம‌ர்பித்து கூகுல் தேடல் பட்டனை பெற்று கொள்ளலாம்.

எல்லாம் சரி இந்த பக்கம் தான் கூகுலில் முதலில் வந்து நிற்கும் என்பதற்கு என்ன நிச்சயம் என்று கேட்கலாம்.

அந்த சந்தேகமே வேண்டாம்,கூகுலில் முன்னிலை பெறக்கூடிய வகையில் பிரத்யேக தேடல் தொழில்நுட்பம் ஒன்றை உருவாக்கி வைத்திருப்பதாக விஸிபிலிட்டி சொல்கிறது.முன் தேடல் என்று இதனை குறிப்பிடுகிற‌து.கூகுலில் தேடப்படும் போது முன்னிலை பெறும் வகையில் தேடலுக்கான விவரங்களை முன்கூட்டியே தேர்வு செய்ய வழி செய்யும் இந்த உத்தியை நீண்ட ஆய்வுக்கு பின் உருவாக்கியிருப்பதாகவும் தெரிவிக்கிறது.

இந்த தேடு பட்டனை வலைப்பதிவு மற்றும் பேச்புக் போன்றவ‌ற்றிலும் இடம் பெற வைக்கலாம்.தனி நபர்கள் மட்டும் அல்ல நிறுவன‌ங்களும் இந்த சேவையை பயன்படுத்தலாம்.

ஆக கூகுல் யுகத்தில் தேவையான சேவை என்றே இதனை குறிப்பிடலாம்.

இணையதள முகவரி;http://vizibility.com/