Tag Archives: கூகுல்

புதிய தேடியந்திரம் கிவீல்

கொஞ்சம் விநோதமான பெயருடன் அறிமுகமாகியுள்ள தேடியந்திரம் கிவீல்.இதன் ஆங்கில எழுத்துக்களை எப்படி உச்சரிப்பது என குழப்பம் ஏற்படலாம்.ஆனால் இதன் வடிவமைப்பு குழப்பம் இல்லாமல் தெளிவாகவே உள்ளது.

புதியவர்களுக்கான தேடியந்திரம் என வர்ணித்துக்கொள்ளும் இந்த தேடியந்திரத்தில் கூகுலில் தேடுவது போலவே தேடலாம்.செய்திகள்,புகைபப்டங்கள்,வீடியோ,சமூக வலைப்பின்னல் தளங்கள்,ஷாப்பிங் என பல்வேறு வகையான தகவல்களை குறிப்பிட்டு தேடலாம்.

மேலும் தேடல் உலகில் பிரப்லாமாக இருக்கும் தலைப்புகள் பற்றிய பட்டியலும் இடம் பெறுவதால் அத்னையும் தேடல் வழிகாட்டியாக ஏற்றுக்கொள்ளலாம்.

இரண்டாம் அலை தேடியந்திரம் என கூறப்படும் இந்த தேடியந்திரம் பிங்கின் தேடல் தொழில்நுட்பத்தையே பயன்படுத்துகிறது.

தேடியந்திர முகவரி;http://www.keewl.com/

வித்தியாசமான தேடியந்திரம்;3 டி தேட‌ல்

ச‌ர்ச் கியூப் தேடிய‌ந்திர‌த்தை உண்மையிலேயே வித்தியாச‌மான‌ தேடிய்ந்திர‌ம் என்று தான் சொல்ல‌ வேண்டும்.அதிலும் எத்த‌னை நாள் தான் ஒரே மாதிரியான‌ தேட‌ல் முடிவுக‌ளை பார்த்து கொன்டிருப்ப‌து என‌ நினைப்ப‌வ‌ர்க‌ளுக்கு இந்த‌ தேடிய‌ந்திர‌ம் கொஞ்ச‌ம் புத்துண‌ர்ச்சியை அளிக்க‌ கூடும்.

அந்த‌ அள‌வுக்கு தேட‌ல் முடிவுக‌ளை முற்றிலும் புதிய‌ முறையில் இந்த‌ தேடிய‌ந்திர‌ம் காட்டுகிற‌து.

உட‌னே கூகுலுக்கு போட்டியாக‌ ஒரு தேடிய‌ந்திர‌ம் (அல்லது இன்னொரு தேடியந்திரம்)வ‌ந்துவிட்ட‌து என‌ நினைக்க‌ வேண்டாம்.கார‌ண‌ம் கூகுலை வைத்து பிழைப்பு ந‌ட‌த்தும் தேடிய‌ந்திர‌ வ‌கையை சேர்ந்த‌து தான் ச‌ர்ச் கீயுப்பும்.
அது மட்டுமல்ல இணையதளங்களை இணையதுண்டுகளாக (த‌ம்ப்ஷாட்) காட்ட தம்ப்ஷாட்ஸ் இணையசேவையை பயன்படுத்துகிறது.

அதாவ‌து ச‌ர்ச் கியூப்பும் கூகுல் தேடிய‌ந்திர‌த்தையே ப‌ய‌ன்ப‌டுத்துகிற‌து.ஆனால் முடிவுக‌ளை ப‌ட்டிய‌லிடுவ‌தில் தான் வித்தியாச‌ம் காட்டுகிற‌து.உணமையில் இது தேட‌ல் முடிவுக‌ளை ப‌ட்டிய‌லிட்டு தரவில்லை.அத‌ற்கு மாறாக‌ முப்ப‌ரிமான‌ ச‌துர‌மாக‌ தேட‌ல் ப‌ட்டிய‌லில் உள்ள‌ இணைய‌த‌ள‌ங்க‌ளை இட‌ம்பெற‌ வைக்கிற‌து.

இணைய‌த‌ள‌ங்க‌ளின் துண்டு தோற்ற‌ம் (த‌ம்ப்ஷாட்)இந்த‌ ச‌துர‌ம் சுழன்று கொண்டே இருக்கும்.ச‌துர‌த்தில் ஏதாவ‌து ஒரு இட‌த்தில் ம‌வுசை கொண்டு சென்றால் அருகே அந்த‌ இணைய‌த‌ள‌த்தின் அறிமுக‌ம் வ‌ந்து நிற்கிற‌து.அதில் கிளிக் செய்தால் த‌ள‌த்திற்கு விஜ‌ய‌ம் செய்ய‌லாம்.

இணைய‌த‌ள‌ங்க‌ள்,இணைய‌ ப‌க்க‌ங்க‌ள்,செய்திக‌ள்,வீடியோ,புகைப்ப‌ட‌ங்க‌ள்,என‌ எல்லாமே இந்த‌ சதுர‌த்தில் இருக்கின்ற‌ன‌.மொத்த‌ம் 96 இணைய‌ துண்டுக‌ள் இவ்வாறு இட‌ம்பெற்றுள்ள‌ன‌.

வ‌ரிசையாக‌ தேட‌ல் முடிவுக‌ளை பார்த்து பார்த்து ஏற்ப‌ட்ட‌ க‌ளைப்பு இந்த‌ ச‌துர‌த்தை பார்த்த‌ மாத்திர‌த்தில் வில‌கிவிடும்.

ச‌துர‌த்தை மேலும் கீழாக‌வோ ப‌க்க‌வாட்டிலோ புர‌ட்ட‌லாம்.இந்த‌ தேடிய‌ந்திர‌த்தை ப‌ய‌ன்ப‌டுத்துவ‌து எப்ப‌டி என்று த‌னியே குறிப்பும் கொடுக்க‌ப்ப‌ட்டுள்ள‌து.அநேக‌மாக‌ ப‌ய‌ன்ப‌டுத்துவ‌து எப்படி? என‌ விள‌க்க‌ம் அளிக்கும் அபூர்வ‌ தேடியந்திர‌ம் இதுவாக‌ தான் இருக்கும்.

ச‌ர்ச் கியூப்பை சூப்ப‌ர் தேடிய்ந்திர‌ம் என்று சொல்ல‌ முடியாவிட்டாலும் முடிவுக‌ளை காண்பிக்கும் வித‌த்தில் சின்ன வித்தியாச‌த்தை செய்து க‌வ‌ர்ந்திழுக்கிற‌து.

காட்சிரீதியாக‌ முடிவுக‌ளை காண்பிப்ப‌து என இத‌னை ச‌ர்ச் கியூப் குறிப்பிடுகிற‌து.வெகு கால‌ம் முன் விவிஸ்மோ தேடிய‌ந்திர‌ம் முடிவுக‌ளை ப‌ட்டிய‌லிடுவ‌தில் புதுமையை புகுத்த‌ முய‌ன்றது நினைவிருக்க‌லாம்.விவிஸ்மோ முடிவுக‌ளை பட்டியலிடும் முறையில் இருந்து வில‌கி அவ‌ற்றை வ‌ரைப‌ட‌ம் போல‌ காட்ட‌ முய‌ன்ற‌து.ஆனால் விவிஸ்மோ இப்போது பயன்பாட்டில் இல்லை.

அந்த‌ வ‌ரிசையில் இப்போது ச‌ர் கியுப் அறிமுக‌மாகியுள்ள‌து.

எத‌யும் காட்சி ரீதியாக‌ அணுக‌ விரும்புகிர‌வ‌ர்க‌ளுக்கு நிச்ச‌ய‌ம் இந்த‌ தேடிய‌ந்திர‌ம் பிடித்திருக்கும்.
ஆனால் இத‌னை முழுமையாக ப‌ய‌ன்ப‌டுத்த‌ பிளேஷ் வ‌ச‌தி தேவை.

சர்ச் கியூப் உங்களுக்கு பிடித்திருந்தால் அதே பாணியில் வேறு சில தேடிய்ந்திரங்களும் இருக்கின்றன.அவற்றில் ரெட்ஜீயை மிகவும் சிரப்பானது என்று குறிப்பிடலாம்.

அழகிய வரிக்குதிரையின் லோகோ வரவேற்கும் இந்த தேடியந்திரம் வண்ணமயமான பின்னணியில் மாமுலான தேடியந்திரம் போலவே இருக்கிறது.ஆனால் தேடு என கட்டளையிட்ட பின் இதன் தனித்துவம் தெரிகிறது.

தேடல் முடிவுகள் இணையதளங்களின் துண்டு தோற்றங்களாக அரை வட்டமாக தோன்றுகின்றன.வட்டத்தை பக்கவாட்டில் நகர்த்தினால் புதிய இணையதளங்களின் தோற்ற‌த்தை பார்க்க முடியும்.அவை பற்றிய‌ குறிப்பு கீழே கொடுக்கப்பட்டிருக்கும்.
இதே போல ஆஸ்கோப் தேடியந்திரமும் முடிவுகளை காட்சி ரீதியாக தருகிறது.

———–

http://www.search-cube.com/

கூகுல் விள‌ம்ப‌ர‌ம் மூல‌ம் கிடைத்த‌ வேலை

கூகுலின் விள‌ம்ப‌ர‌ சேவையான‌ ஆட்வேர்ட்சை இத‌ற்கு முன்ன‌ர் த‌னிந‌ப‌ர்க‌ள் இத்த‌னை அழ‌காக‌ ப‌ய‌ன‌ப்டுத்திக்கொன்டிருக்கின்ற‌ன‌ரா என்று தெரிய‌வில்லை.உண்மையில் ஆட்வேட்ஸ் சேவையை த‌னிந‌ப‌ர்க‌ள் ப‌ய‌ன்ப‌டுத்தியுள்ள‌ன‌ரா என்றும் தெரிய‌வில்லை. பொதுவாக‌ வ‌ர்த்த‌நிறுவ‌ன‌ங்க‌ளே இந்த‌ சேவையை அதிக‌ம் ப‌யன்ப‌டுத்துகின்ற‌ன‌.அதோடு சிறிய‌ அள‌விலான‌ நிறுவ‌ங்க‌ல் ம‌ற்றும் இணைய‌ தொழில் முனைவோர் ப‌ய‌ன்ப‌டுத்துகின்ற‌ன‌ர்.

இதில் விய‌ப்ப‌த‌ற்கு ஒன்றுமில்லை.

ஆட்வேர்ட்ஸ் விள‌ம்ப‌ர‌ சேவையான‌து அத‌ன் இய‌ல்பு ப‌டியே நிறுவன‌ங்க‌ளுக்கான‌து தான்.

எல்லாவிதமான‌ இணைய‌த‌ள‌ங்க‌ளிலும் ஆட்வேர்ட்ஸ் விள‌ம்ப‌ர‌ங்க‌ளை பார்க்க‌லாம். நோட்டு புத‌த‌க‌த்தில் ப‌க்க‌வாட்டில் குறிப்பெழுதுவ‌து போல‌ இணைய‌ப‌க்க‌ங்க‌ளின் ஓர‌த்தில் கூகுல் விள‌ம‌ப‌ர‌ங்க‌ள் என்னும் குறிப்போடு குட்டி குட்டியாக‌ இந்த‌ விள‌ம்ப‌ர‌ங்கள் இட‌ம்பெற்றிருக்கும்.

ஒரு வ‌ரி த‌லைப்பின் கீழ் ஒரிரு வ‌ரி அறிமுக‌த்தோடு விள‌ம்ப‌ர‌ம் த‌ரும் இணைய‌த‌ள‌த்திற்கான‌ இணைப்பு கொடுக்க‌ப்ப‌ட்டிருக்கும்.ம‌ற்ற‌ விளம்ப‌ரங்க‌ளுக்கும் கூகுல் விளம்ப‌ர‌த்துக்கும் உள்ள‌ முக்கிய‌ வித்தியாச‌ம் பெரும்பாமும் இவை பொருத்த‌மான‌தாக‌ இருக்கும்.அதாவ‌து ஒருவ‌ர் ப‌டித்திக்கொண்டிருக்கும் இணைய‌ ப‌க்க‌த்தில் உள்ள‌ விஷ‌ய‌த்திற்கு தொட‌ர்புடைய‌தாக‌வே இவை இருக்கும்.

இத‌ன் கார‌ண‌மாக‌ இந்த‌ விள‌ம்ப‌ர‌ங்க‌ள் கிளிக் செய்ய்ப்ப‌டும் வாய்ப்பு கூடுத‌லாக‌ இருப்ப‌தோடு ம‌ற்ற‌ விள‌ம்ப‌ர‌ம் போல‌ எரிச்சல் உண‌ர்வை தாராம‌ல் இருக்கும்.

அதே போல‌ கூகுல் விளம்ப‌ர‌த்துக்கு க‌ச‌ட்டு மேனிக்கு க‌ட்ட‌ண‌ம் கேட்காம‌ல் கிளிக்கிற்கி இத்தனை காசு என்ற‌ க‌ண‌க்கிலேயே க‌ட்ட‌ண‌ம் வ‌சுலிக்கிற‌து.அதாவ‌து ஒவ்வொரு கிளீக்கிற்கும் காசு வாசுலிக்க‌ப்ப‌டுமே த‌விர‌ மொத்த‌மாக‌ எந்த‌ க‌ட்ட‌ண‌மும் கிடையாது.இத‌னால் விள‌ம்ப‌ரம் த‌ருப‌வ‌ருக்கும் அதிக‌ செல‌வு கிடையாது.’

அது ம‌ட்டுமல்ல‌ கிளிக்கிற்கு எவ்வ‌ள‌வு காசு த‌ர‌ த‌யாராக இருக்கிறோம் என்ப‌தையும் நிறுவ‌ங்க‌ள் தெரிவிக்க‌ முடியும். கீவேர்டு அடிப்ப‌டையிலேயே விள‌ம்ப‌ர‌ங்க‌ல் இட‌ம்பெற‌ச்செய்யப்ப‌டும் என்ப‌தால் பொருத்த‌மான‌ கீவேர்டுக்கு ஏலத்தின் அடிப்ப‌டையில் கூகுல் க‌ட்ட‌ன‌ம் வாங்குகிற‌து.

பொதுவாக‌ வ‌ர்த்த‌க‌ நிறுவ‌ன‌ங்க‌ளே இந்த‌ ஏல‌த்தில் ப‌ங்கேற்கும்.பிர‌ப‌லாமான கீவேர்டு என்றால் போட்டியும் அதிக‌ம் இருக்கும். விலையும் அதிக‌மாக‌ இருக்கும்.எந்த‌ கீவேர்டு த‌ங்க‌ள் விள‌ம்ப‌ர‌த்துக்கு ஏற்ற‌தாக‌ இருக்குமோ அத‌னை நிறுவ‌ன‌ங்க‌ள் ஏல‌ம் எடுத்தால் அந்த‌ கீவேர்டு வ‌ரும் ப‌க்க‌ங்களில் எல்லாம் விள‌ம்ப‌ர‌த்தை கூகுல் இட‌ம்பெற‌ வைக்கும்.

ப‌ல‌ரும் இத்த‌கைய‌ விள‌ம்ப‌ர‌த்தை த‌ங்க‌ள் த‌ள‌ம் அல்ல‌து வ‌லைப்ப‌திவில் இட‌ம்பெற‌ச்செய்து சென்ட்க‌ளாக‌ அள்ளிக்குவிக்க‌ முய‌ல்கின்ற‌ன‌றே த‌விர‌ தாங்க‌ளும் இப்ப‌டி விள‌ம்ப‌ர‌ம் கொடுத்து பய‌ன்பெற‌ முடியும் என‌ யாரும் க‌ருதிய‌தில்லை.சொல்ல‌ப்போனால‌ வ‌லைப்ப‌திவாள‌ர்க‌ள் அறிந்த‌ ஒரே வ‌ருமான‌ம் ஈட்டும் வ‌ழி கூகுல் விள‌ம்ப‌ர‌மாக‌த‌தான் இருக்கும்.
கூகூல் விளம்பரத்தை பெறுவதற்கான வழிகளை தான் பலரும் தேடிக்கொண்டிருந்தனரே தவிர தாங்கள் கூகுல் விளம்பரம் கொடுக்கலாம் என்று தனிநபர்கள் முயன்றதாக தெரியவில்லை.

ஆனால் அமெரிக்காவை சேர்ந்த அலெக் பிரவுன்ஸ்டியன் என்பவர் கூகுல் விளம்பரம் மூலம் தனக்கான புதிய வேலையை தேடிக்கொன்டிருக்கிறார்.

பொதுவாக வேலை தேடுபவ‌ர்கள் வேலை வாய்ப்பு தொடர்பான விளம்பரங்களை தானே நாடுவார்கள்.அதற்கு மாறாக இந்த வாலிபர் வேலைக்கு விளம்பரம் செய்து தான் விரும்பிய வேலையை பெற்றிருக்கிறார்.

வேலை தேடுவதற்காக கூகுலில் விளம்பரம் செய்யலாம் என்ற எண்ணம் அலெக்கிற்கு எப்படி வந்தது என்பதை புரிந்து கொள்ள கூகுலிங் பற்றி கொஞ்சம் தெரிந்து கொள்ள வேண்டும்.

இண்டெர்நெட்டில் தகவ‌ல்களை தேட கூகுல் தேடியந்திரத்தை பெரும்பாலானோர் பயன்படுத்தி வருவது தெரிந்த‌தே.தேட‌ல் என்றால் கூகுல் என்று சொல்லும் அள‌வுக்கு தேட‌லில் கூகுல் செல்வாக்கு பெற்று விள‌ங்குகிற‌து.

த‌க‌வ‌ல்க‌லை தேட‌ ம‌ட்டும் அல்லாமல் கூகுலில் த‌ங்க‌ள் பெய‌ரை டைப் செய்து தேடினால் என்ன‌ வித‌மான‌ முடிவுகள் வருகின்றன என்று அறியும் ஆர‌வ‌ம் ப‌ல‌ரிட‌ம் உள்ள‌து.த‌ன் முனைப்புக்கு தீனி போடும் இந்த‌ ப‌ழ‌க்க‌ம் கூகுலிங் என்று அழைக்க‌ப்ப‌டுகிற‌து.யார் வேண்டுமானாலும் தங்கள் பெயரை கூகுலிங் செய்து பார்க்கலாம்.

இந்த‌ கூகுலிங் ப‌ழ‌க்க‌த்தை தான் அலெக் கூகுல் விள‌ம்ப‌ர‌த்தோடு புத்திசாலித்த‌னமாக‌ ப‌ய‌ன்ப‌டுத்திக்கொண்டார்.

விள‌ம்ப‌ர‌ நிறுவ‌ன‌ம் ஒன்றில் வேலை பார்க்கும் அலெக் இந்த‌ துறையில் பெரிதும் ம‌திக்கும் புள்ளிக‌ள் சில‌ர் இருக்கின்ற‌ன‌ர்.பிர‌ப‌ல விள‌ம்ப‌ர‌ நிறுவ‌ன‌ங்க‌ளில் கிரியேட்டிவ் ஹெட் ப‌த‌வியில் இருக்கும் இவ‌ர்க‌ளின் கீழ் ப‌ணியாற்ற‌ வேண்டும் என்ப‌து அலெக்கின் விருப்ப‌ம் ம‌ற்றும் க‌ண‌வாக‌ இருந்த‌து.

இந்த‌ நிபுண‌ர்க‌ளின் க‌வ‌ன‌த்தை ஈர்க்க‌ தான் புதுமையான‌ வ‌ழியாக‌ கூகுல் விள‌ம்ப‌ர‌த்தை தேர்வு செய்தார்.

இங்கே க‌வ‌னிக்க‌ வேண்டிய‌ விஷ‌ய‌ம் என்ன‌வென்றால் அலெக்கிற்கும் த‌ன‌து பெய‌ரை கூகுலிங் செய்யும் ப‌ழ‌க்க‌ம் உண்டு என்ப‌து தான்.

ஒரு முறை கூகுலிங் செய்து கொன்டிருந்த‌ போது த‌ன‌து பெய‌ரை ம‌ட்டும‌ அல்லாம‌ல் த‌ன்னுடைய‌ அபிமான‌ கிரியேட்டிவ் ஹெட்க‌ளின் பெய‌ர்க‌ளையும் கூகுலில் தேடிப்பார்த்தார்.அப்போது அவ‌ர்க‌ளுக்கான‌ தேட‌ல் முடிவுக‌ளூக்கு அருகே கூகுல் விள‌ம்ப‌ர‌ங்க‌ள் எதுவும் இல்லாத‌தை பார்த்தார்.இது கொஞ்ச‌ம் விய‌ப்பை அளித்த‌து என்றே சொல்ல‌ வேண்டும்.

விள‌ம்ப‌ர‌த்துறையின் மிக‌ப்பெரிய‌ கிரியேட்டிவ் இய‌க்குன‌ர்க‌ளின் பெய‌ர்க‌ளை யாருமே கீவேர்டாக‌ வாங்காம‌ல் இருக்கின்ற‌ன்றே என்று யோசித்துக்கொண்டே இருந்தார்.அந்த‌ நொடியில் இத‌னை நாம் ஏன் ப‌ய‌ன்ப‌டுத்திக்கொள்ள‌ கூடாது என‌ ஒரு எண்ண‌ம் மின்ன‌ல் போல‌ தோன்றிய‌து.

உட‌னே த‌ன‌து அபிமான‌ கிரியேட்டிவ் இய‌க்குன‌ர்க‌ளின் பெய‌ர்க‌ளை கீவேர்டாக‌ வாங்க‌ கூகுலை அணுகினார்.அவ‌ற்றை ஏல‌ம் எடுக்க‌ போட்டிக்கு யாரும் இல்லாத்தால் மிக‌வும் ம‌லிவாக‌வே வாங்கி விட்டார்.

அடுத்த‌ வேலையாக‌ ஒரு இணைய‌ ப‌க்க‌த்தை உருவாகி அதில் த‌ன‌து ப‌யோ டேட்டா போன்ற‌வ‌ற்றை இட‌ம்பெற‌ வைத்தார். த‌ன‌து வேறு சில‌ திட்ட‌ங்க‌ள் ப‌ற்றிய‌ த‌க‌வ‌ல்க‌ளையும் போட்டு வைத்தார்.

இந்த‌ இணைய‌த‌ள‌த்திற்கான‌ இணைப்பை த‌ன‌து கூகுல் விள‌ம்ப‌ர‌த்தில் கொடுத்தார்.

ச‌ம்ப‌ந்த‌ப்ப‌ட்ட‌ கிரியேட்டிவ் இய‌க்குன‌ர்க‌ள் எப்போதெல்லாம் த‌ங்க‌ள் பெய‌ர்க‌ளை கூகுலிங் செய்கின்ற‌ன‌ரோ அப்போதெல்லாம் இந்த விள‌ம்ப‌ர‌ம் வ‌ந்து நிற்கும்.அதை கிளிக் செய்தால் அவ‌ர்து இணைய‌த‌ள‌மும் ப‌யோ டேட்டாவும் எட்டிப்பார்க்கும். இத‌ன் மூல‌ம் த‌ன‌க்கு வேலை கிடைக்கும் என்ப‌து அவ‌ர‌து எதிர்பார்ப்பு.

இத‌ற்கு ஏற்ற‌ வ‌கையில் ,கூகுலிங் செய்வ‌து ம‌ட்டும‌ல்ல‌ சுவார‌ஸ்ய‌மான‌து என்னை வேலைக்கு அம‌ர்த்திக்கொள்வ‌தும் சுவார‌ஸ்ய‌மான‌து என்று குறிப்ப‌ட்டிருந்தார்.

அவ‌ர் எதிர‌பார்த்த‌து போல‌வே சில‌ நாட்க‌ளில் ஒரு கிரியேட்டிவ் இய‌க்குன‌ர் இந்த‌ இணைப்பை பார்த்து அட‌ என‌ விய‌ந்த‌வ‌ராய் அவ‌ரை அழைத்து த‌ன‌து நிறுவ‌ன‌த்தில் ந‌ல்ல‌ வேலை கொடுத்து விட்டார்.

வேலை கிடைத்த‌து ம‌ட்டுமல்ல‌ புதுமையான் வ‌ழியில் வேலை தேட‌ இண்டெர்நெட்டை மிக‌ நூத‌ன‌மாக‌ ப‌ய‌ன்ப‌டுத்திக்கொன்ட‌த‌ற்காக‌ விருதுகளும் கிடைத்துள்ள‌ன‌.

வேலை தேட‌லில்  டிவிட்டர்  ம‌ற்றும் பேஸ்புக் போன்ற‌வ‌ற்றை ப‌ல‌ரும் ப‌ய‌ன்ப‌டுத்தியிருந்தாலும் கூகுல் விள‌ம்ப‌ர‌த்தை வேலைக்காக‌ ப‌ய‌ன்ப‌டுத்திக்கொண்ட‌ முத‌ல் ந‌ப‌ராக‌ அலெக் பாராட்ட‌ப்ப‌டுகிறார்.அப்ப‌டியே த‌ன‌க்கான‌ த‌னி முத்திரையையும் ப‌தித்திருக்கிறார்.

—————

http://alecbrownstein.com/

கூகுல் வழியில் மேலும் 2 நிறுவனங்கள்

கூகுல் சீனாவில் இருந்து வெளியேறியது போல மேலும் இரண்டு அமெரிக்க நிறுவனங்கள் சீனாவில் தங்கள் செயல்பாடுகளை நிறுத்திக்கொள்வதாக அறிவித்துள்ளன.

உலகின் மிகப்பெரிய டொமைன் பெயர் பதிவு சேவை நிறுவனமான கோடாடி மற்றும் இதே போன்ற  சேவையை வழங்கி வரும் நெர்வொர்க் சொல்யூஷன்ஸ் ஆகிய இரண்டு நிறுவங்களும் சீனாவில் சேவையை நிறுத்திக்கொள்வதாக அறிவித்துள்ளன.

கோ டாடி நிறுவனம் டொமைன் பெயர் பதிவுக்கான சீனாவின் புதிய கட்டுப்பாடுகளை இந்த முடிவுக்கான காரணமான தெரிவித்துள்ளது.இணையதளங்களூக்கான டொமைன் பெயர்களை வாங்குபவர்கள் தங்கள் புகைப்படம் மற்றும் அடையாள அட்டை விவரங்களை வழங்க வேண்டும் என்று சமீபத்தில் சீன அரசால் தெரிவிக்கப்பட்டது.

இது சீனாவின் த‌ணிக்கை முய‌ற்சியின் ஒரு அங்க‌மாக‌ க‌ருத‌ப்ப‌டுகிற‌து.இணைய‌த‌ள‌ உரிமையாள‌ர்க‌ளை க‌ண்ட‌றிந்து அர‌சுக்கு விரோத‌மான‌ த‌க‌வ்ல‌க‌ளை அப்புற‌ப்ப‌டுத்த‌ இந்த‌ ந‌ட‌வ‌டிக்கை உத‌வும் என்று அஞ்ச‌ப்ப‌டுகிற‌து.

என்வே சீனாவில் டாட் சி என் முக‌வ‌ரியை ப‌திவு செய்வ‌தை நிறுத்துக்கொள்வ‌தாக‌ கோ டாடி கூறியுள்ள‌து.இது தொட‌ர்பாக‌ அந்நிறுவ‌ன‌ம் அமெரிக்க‌ நாடாளும‌ன்ற‌ குழுவிட‌ம் அறிக்கை ச‌ம‌ர்பித்துள்ள‌து.நெர்வொர்க் சொல்யூஷன்ஸ் நிறுவ‌ன‌மும் இதே போன்ற‌ முடிவை அறிவித்துள்ள‌து.

கூகுல் மேற்கொண்ட‌ ந‌ட‌வடிக்கையை அடுத்து  அமெரிக்க‌ முன்ன‌ணி நிறுவ‌ன‌ங்க‌ள் சீனாவில் இருந்து வெளியேறுவ‌தாக‌ அறிவித்துள்ள‌து இதுவே முத‌ல் முறை.சீனாவின் த‌ணைக்கை ந‌ட‌வ‌டிக்கையை இண்டெர்நெட் சுத‌ந்திர‌த்தை ப‌றிக்கும் செய‌லாக‌ அமெரிக்க‌ நிறுவ‌ங்க‌ள் க‌ருத‌வ‌த‌ன் அடையாள‌மாக‌ இத‌னை கொள்ள‌லாம்.

பிடித்தமான பாடக‌ர்களை கண்டுபிடிக்க உதவும் இணையதள‌ம்.

எனக்கு உமா ரமணன் பாடிய பாடல்களை மிகவும் பிடிக்கும். அதே போல பி எஸ் சசிரேகா,ஜென்ஸி,எஸ் என் சுரேந்தர்,ஜெயச்சந்திரன், மலேசியா வாசுதேவன்,வாணி செயராம ஆகியோர் பாடிய பாடல்களும் மிகவும் பிடிக்கும்.

நிற்க இது எனது தனிப்பட்ட ரசனை பற்றிய பதிவு அல்ல. அவர்களின் குரலில் உள்ள பொது தன்மை கவனிக்கத்தக்கது, எஸ் பி பி யின் குரல் வெகுஜன வகை என்றால் சுரேந்தரின் குரல் கொஞ்சம் வித்தியாசமான அழகை கொண்டது.

மேலும் சுரேந்தரை பிடித்திருந்தால் ஜென்ஸியை பிடித்திருக்கலாம்.செயச்சந்திரனை பிடித்திருக்கலாம்.தீபன் சகரவர்த்தியையும் பிடித்திருக்கலாம். இது பொது விதி அல்ல.ஆனால் ஒரே மாதிரியான குரல் வளம் கொன்டவ‌ர்களில் ஒருவரை பிடித்திருந்தால் இன்னொருவரை பிடித்துபோகலாம்.

இனி விஷயத்திற்கு வருவோம்.ஏற்கனவே அறிமுகமான பாடகர்களில் பிடித்தமானவர்கலை தேர்வு செய்வதோ அல்ல‌து அவர்களிடையேயான பொது தன்மையை கண்டு பிடிப்பதோ பெரிய விஷயமல்ல.

ஆனால் அவர்களைப்போலவே குரல் கொண்ட நம‌க்கு கேட்டதும் பிடித்து போகக்கூடிய ஒரு புதிய பாடகரை அறிமுகம் செய்து கொள்ள முடிந்தால் எப்படி இருக்கும்?அதற்கான இணையதளத்தை தான் நாம் பார்க்கப்போகிறோம்.

மியூசிக் மேப் என்னும் அந்த இணையதளம் இசை கண்டு பிடிப்பு இயந்திரம் வகையை சேர்ந்தது.

அதென்ன இசை கண்டுபிடிப்பு இயந்திரம்?

புதிய இசையை கண்டுபிடிக்க உதவும் தேடியந்திரம் என்று வைத்துக்கொள்ளுங்களேன்.
இணைய உலகில் மிக பிரபலம்.

நாம் அறிந்த‌ கூகுல் போன்ற‌ த‌க‌வ‌ல் தேடிய்ந்திர‌ங்க‌ளில் இருந்து இவை மூற்றிலும் மாறுப‌ட்ட‌வை.ஆங்கில‌த்தில் வாவ் ஃபேக்ட‌ர் என்பார்க‌ளே அதே போன்ற‌ ஆச்ச‌ர்ய‌த்த‌ன்மை இவ‌ற்றிட‌ம் உண்டு.

அதாவ‌து நம‌க்கு பிடித்திருக்க‌ கூடிய‌து என‌ நாமே அறிந்திராத‌ பாட‌ல்க‌ள‌ மற்றும் பாட‌க‌ர்க‌ளை ந‌ம்க்கு அறிமுக‌ம் செய்யும் ஆற்ற‌ல் கொண்டவை இவை.

இந்த‌ த‌ள‌ங்க‌ளில் தேடும் போது ந‌ம்க்கு பிடிக்க‌கூடிய‌ பாட‌ல்க‌லை இவை க‌ண்டுண‌ர்ந்து ப‌ரிந்துரைத்து விய‌க்க‌ வைக்கும்.இதெப்ப‌டி சாத்திய‌ம்?

எல்லாம் ஒரு அனுமான‌ம் தான்.ஆனால் அறிவிய‌ல் பூர்வ‌மான‌ அனுமானம்.

மேலே ஒரு பாடகர்களின் ப‌ட்டிய‌லை பார்த்தோம் இல்லையா?அதில் உள்ள‌து போல‌வே குறிப்பிட்ட‌ ஒரு பாட‌க‌ரை பிடித்திருந்தால் அதே போன்ற‌ த‌ன்மை கொண்ட‌ ம‌ற்ற‌ பாட‌க‌ர்களையும் பிடித்துபோகும்.

இந்த‌ ரச‌னைக்கான‌ பொது த‌ன்மைக‌ளை துல்லிய‌மாக‌ க‌ண்டு பிடிக்க‌கூடிய‌ சாப்ட்வேர் ஒருவ‌ருக்கு பிடிக்க‌கூடிய‌ பாடக‌ர்க‌ளை அழ‌காக‌ அடையாள‌ம் காட்டிவிடும்.

முத‌ன் முத‌லில் ப‌ண்டோரா சாப்ட்வேர் இத‌னை செய்து காட்டிய‌து. ஒருவ‌ர் த‌ன‌க்கு பிடித்த‌மான‌ பாட‌லை ச‌ம‌ர்பித்த‌தும் அத‌ன் இசைக்கூறுக‌ளை அல‌சி ஆராய்ந்து அதே போன்ற‌ கூறுக‌ள் கொண்ட‌ பாட‌ல்க‌ளை தேடி க‌ண்டு பிடித்து ப‌ரிந்ததுரைத்து அச‌த்துவ‌தோ இந்த‌ சாப்ட்வேரின் சிற‌ப்ப‌ம‌ச‌ம். ஒரு பாட‌ல் ஏன் பிடித்திருகிர‌து என்று கேட்டால் ந‌ம்க்கே கூட‌ ப‌தில் சொல்ல‌ தெரியாது ஆனால் இந்த‌ சாப்ட்வேர் த‌ன‌து செயற்கை புத்திசாலித‌த‌ன‌த்தை ப‌ய‌ன் ப‌டுத்தி ந‌ம் ரச‌னையை ப‌குத்துண‌ர்ந்து ச‌ரியாக‌ சொல்லிவிடும்.

இதே பாணியிலான‌ இசை க‌ண்டுபிடிப்பு  இய‌ந்திர‌மாக மியூசிக்மேப் உருவாக்க‌ப்ப‌ட்டுள்ள‌து.

இதில் என்ன‌ விஷேச‌ம் என்றால்,பாடக‌ர்க‌ளின் ப‌ட்டிய‌லை வ‌ரைப‌ட‌மாக‌ அளிப்ப‌து தான்.

இந்த‌ த‌ள‌த்தில் நுழைந்துமே ந‌ம்க்கு பிடித்த‌மான‌ பாட்க‌ரின் பெய‌ரை ச‌ம‌ர்பிக்க‌ வேண்டும்.உட‌னே பாட‌க‌ர்க‌ளின் பெய‌ர்க‌ள் ந‌ட‌ச‌த்திர‌ கூட்ட‌ம் போல‌ ஒரு வ‌ரைப‌ட‌மாக‌ தோன்றும். மைய‌த்தில் உள்ள‌ பாட‌க‌ர்க‌ள் நாம் கேட்டு ர‌சித்த‌ பாட‌க‌ர்க‌ளின் குர‌ல் வ‌ள‌த்துக்கு மிக‌வும் அருகாமையில் உள்ள‌வ‌ர்க‌ள் என்று பொருள். என்வே அவ‌ர்க‌ளை பிடித்திருக்க‌ வாய்ய்ப்புக‌ள் அதிக‌ம். தொலைவில் உள்ள‌வர்க‌ளை பிடித்திருக்க‌ அந்த‌ அள‌வுக்கு  வாய்ப்பு குறைவு.

புதிய‌ பாப் பாட‌க‌ர்க‌ளை அறிமுக‌ம் செய்து கொள்ள‌ இது மிக‌ச்சிற‌ந்த‌ வ‌ழி.வ‌ரைப‌ட‌மாக‌ தோன்றுவ‌து கூடுத‌ல் சுவார்ஸ்ய‌ம்.

ஜிநாட் என‌ப்ப‌டும் செய‌ற்கை அறிவு சார்ந்த‌ சாப்ட்வேரின் அடிப்ப‌டையில் இந்த‌ இய‌ந்திர‌ம் செய‌ல்ப‌டுகிற‌து.இந்த‌ த‌ள‌த்திலேயே புத்த‌க‌ங‌க்ள்,திரைப்ப‌டங்கள் ம‌ற்றும் ம‌னித‌ர்க‌ளூக்கான‌ க‌ன்டுபிடிப்பு சேவையும் இருக்கினற‌ன‌ எனப‌து க‌வ‌ன‌த்திற்குறிய‌து.

அதாவ‌து ந‌ம‌க்கு பிடித்த‌ எழுத்தாள‌ர்க‌ள், ம‌ற்றும் திரைப்ப‌ட‌ங‌க்ளின் பெய‌ரை ச‌ம‌ர்பித்து பிடிக்க கூடிய‌ எழுத்தாள‌ர‌க்ள் ம‌ற்றும் ப‌டங்க‌ளின் பெய‌ரை அறிய‌லாம்.
ஜினாட் என்னும் மைய இணையத‌ள‌த்தின் மூலமும் அணுக‌லாம்.

—————-

http://www.music-map.com/