Tag Archives: gmail

ஆண்ட்ராய்டு அமைப்பில் நீங்கள் செய்ய வேண்டிய மாற்றங்கள்

 

socஆண்ட்ராய்டு போன்களில் வழக்கமான அம்சங்கள் தவிர எண்ணற்ற துணை வசதிகளும் இருக்கின்றன. இந்த துணை வசதிகள் உங்கள் ஆண்ட்ராய்டு அனுபவத்தை மேம்படுத்த வல்லவை என்றாலும், இவற்றில் பெரும்பாலானவை விருப்பத்தின் பேரில் பயன்படுத்தும் தன்மை கொண்டவை. எனவே செல்போன் முகப்பு பக்கங்களில் இவற்றை பார்க்க முடியாது. செட்டிங்ஸ் பகுதிக்குச்சென்று தேடி கண்டுபிடித்து பயன்படுத்த வேண்டும். அதிலும் ஆண்ட்ராய்டுக்கான புதிய அம்சங்களும், வசதிகளும் தொடர்ந்து அறிமுகம் செய்யப்பட்டு வரும் நிலையில், பல பயனுள்ள துணை வசதிகள் செட்டிங்ஸ் பகுதியில் நமக்குத்தெரியாமலேயே மறைந்திருக்கலாம். இந்த வசதிகளை அறிந்து வைத்திருப்பது, கையில் இருக்கும் போனை மேலும் சிறப்பாக பயன்படுத்த உதவுவதோடு, பிரைவசி பாதுகாப்பிலும் கைகொடுக்கும்.

இந்த நோக்கில் நீங்கள் அறிந்திருக்க வேண்டிய ஆண்ட்ராய்டு அம்சங்கள்:

லாக் ஸ்கீரின் ரகசியம்

நீங்கள் விரும்பினால் ஆண்ட்ராய்டு போனில் லாக் ஸ்கீரின் அமைத்துக்கொள்ளலாம். இது ஒன்றும் பெரிய விஷயம் அல்ல. நீங்கள் விரும்பினால் லாக் ஸ்கீரினிலேயே நோட்டிபிகேஷன்களை பெற்று, பதிலளிக்கவும் செய்யலாம். இதுவும் புதிதல்ல. ஆனால் சிக்கல் என்னவெனில், இவ்வாறு லாக் ஸ்கீரினில் நோட்டிபிகேஷனை கையாளும் போது மற்றவர்களும் அவற்றை நோக்கும் வாய்ப்பு இருக்கிறது. போன் லாக் செய்யப்பட்டிருந்தால் கூட, நோட்டிபிகேஷன் தகவல்களை பார்க்கலாம். இதை தவிர்க்க ஒரு எளிய வழி இருக்கிறது.

போனில் பாஸ்வேர்டு அல்லது பேட்டர்ன் லாக் பாதுகாப்பை அமைத்துக்கொண்டு, செட்டிங்ஸ் பகுதிக்குச்சென்று நோட்டிபிகேஷன் வாய்ப்பு மற்றும் லாக் ஸ்கீரின் வாய்ப்புகளை கிளிக் செய்து, முக்கிய தகவல்களை மறைப்பதற்கான, ஹைடு சென்சிட்டிவ் நோட்டிபிகேஷன் காண்டெண்ட் வாய்ப்பை தேர்ந்தெடுக்க வேண்டும். இந்த பூட்டு போட்ட பிறகு உங்களுக்கு வரும் நோட்டிபிகேஷன் தகவல்களை மற்றவர்கள் பார்க்க முடியாது.

இதே போல ஆட்டோ லாக் வசதியும், உடனே தோன்றுமாறு அமைத்துக்கொள்ளலாம். பொதுவாக போன் தானாக அனைந்த பிறகு, ஆட்டோலாக் இயக்கம் பெற சில நொடிகள் ஆகலாம். இந்த இடைவெளியில் விஷமிகள் போனை அணுகுவதை தவிர்க்க உடனடி லாக் வசதியை நாடலாம். சில போன்களில் இந்த வசதியை தேடல் பகுதி மூலம் கண்டுபிடிக்க வேண்டியிருக்கலாம்.

விளம்பரமே போ!

இணையத்திலும், ஸ்மார்ட்போன்களிலும் உங்களின் பல நடவடிக்கைகள் நிறுவனங்களால் கண்காணிக்கப்படுவதை நீங்கள் அறிந்திருக்கலாம். ஆண்ட்ராய்டு இயங்குதளத்தின் பின்னணியில் உள்ள கூகுள் நிறுவனத்திற்கு பயனாளிகள் பற்றி எந்த அளவுக்கு தகவல்கள் தெரியும் என்பதை தெரிந்து கொண்டால் அதிர்ச்சியாக இருக்கும். பயனாளிகளுக்கு ஏற்ற விளம்பரங்களை அளிப்பதற்காகவே பெரும்பாலும், இவ்வாறு இணையவாசிகளின் சுவடுகள் கண்காணிக்கப்படுகின்றன.

ஆனால் இதிலிருந்து ஓரளவு தற்காத்துக்கொள்ள வழி இருக்கிறது. செட்டிங்ஸ் பகுதிக்குச்சென்று, கூகுள் ஆட்ஸ் வாய்ப்பை வரவைத்து அதில் தோன்றும், ’ஆப்ட் அவுட் ஆப் ஆட்ஸ் பர்சனலைசேஷன்’ வாய்ப்பை தேர்வு செய்வதன் மூலம் இதிலிருந்து வெளியேறலாம். இப்படி செய்த பிறகும், விளம்பரங்கள் தோன்றும். ஆனால் அவை நீங்கள் விஜயம் செய்த தளங்களின் உள்ளட்டத்திற்கு ஏற்ப அமையாமல் பொதுவாக இருக்கும்.

ஜிபோர்டு வசதி

ஸ்மார்ட்போன்களுக்காக என்று கூகுள் உருவாக்கியுள்ள, விர்ச்சுவல் விசைப்பலைகையான ஜிபோர்டு செயலியை நீங்கள் அறிந்திருக்கலாம். விரைவாக டைப் செய்வதற்காக இந்த செயலியை நீங்கள் பயன்படுத்தி வரலாம். இல்லை என்றாலும், ஜிபோர்டு செயலியை பயன்படுத்துவது பற்றி பரிசீலிக்கலாம். கிளைடு டைப்பிங் உள்ளிட்ட வசதிகளை அளிக்கும் இந்த விசைப்பலகை எண்களை டைப் செய்வதில் உள்ள சிக்கலுக்கான தீர்வையும் அளிக்கிறது.

போனில் டைப் செய்யும் போது, சில நேரங்களில் எண்களை டைப் செய்ய வேண்டிய தேவை வரலாம். இது போன்ற நேரங்களில் எண்களுக்கும், எழுத்துக்களுக்குமாக மாறுவது சிக்கலாக இருக்கும். இதனால் நேரமும் விரையமாகும். இதை தவிர்க்க, ஜிபோர்ட் செட்டிங்ஸ் பகுதியில் , கீபோர்டு தேர்வுக்கு சென்று, பிரபரன்ஸ் வாய்ப்பு மூலம் நம்பர் ரோ வசதியை வர வைத்தால், கீபோர்டு மேல் பகுதியில், எழுத்துக்களுக்கு மேல், எண்கள் வரிசை தோன்றும். இதன் மூலம் எண்களுக்கு மாற வேண்டிய தேவை இல்லாமல் வேகமாக டைப் செய்யலாம். குரல் வழி டைப்பிங் வசதியையும் இது அளிக்கிறது.

உடனடி ஆப்கள்

செயலிகளில் புதிய வசதியான இன்ஸ்டண்ட் ஆப்ஸ் பற்றி நீங்கள் அறிந்திருக்கலாம். புதிய செயலிகளை இன்ஸ்டால் செய்யாமலேயே முன்னோட்டம் பார்க்க இந்த வசதி வழி செய்கிறது. முதலில் ஆண்ட்ராய்டு ஓரியோ வெர்ஷனில் அறிமுகமான இந்த வசதி படிப்படியாக லாலிபாப் உள்ளிட்ட வர்ஷன்களிலும் அறிமுகம் செய்யப்பட்டுள்ளது. ஆனால், இந்த வசதியை இயக்க வேண்டும். செட்டிங்ஸ் பகுதியில் கூகுள் சேவைகளுக்குச்சென்று, அதில் உடனடி ஆப்ஸ் வசதி இருக்கிறதா எனப்பார்த்து இயக்கி கொள்ளலாம். கூகுள் செட்டிங்ஸ் பகுதியில் உள்ள மற்ற வசதிகளையும் ஒரு பார்வை பார்த்து வைத்துக்கொள்ளுங்கள். குறிப்பாக கனெட்க்டட் ஆப் பகுதியில், எந்த எந்த செயலிகளுக்கு எல்லாம் எந்த தகவல்கள் பெற அனுமதி அளித்துள்ளீர்கள் என்பதை தெரிந்து கொள்ளலாம். குறிப்பிட்ட செயலிகளுக்கு அனுமதி தேவையில்லை என நினைத்தால் அதை ரத்து செய்யலாம்.

உடனடி ஆப்ஸ் வசதியை இயக்கிய பிறகு அதன் மூலம் செயலிகளை தேடலாம். இப்போதைக்கு அதிக செயலிகள் இல்லை என்றாலும் மிகவும் பயனுள்ள வசதி இது.

மேலும், கூகுள் செட்டிங்ஸ் பகுதியில் லொகேஷன் வசதியை தேர்வு செய்து, கூகுள் உள்ளிட்ட பல்வேறு சேவைகள் உங்கள் சாதனத்தின் இருப்பிடத்தை டிராக் செய்வதையும் மாற்றி அமைத்துக்கொள்ளலாம்.

இவை எல்லாம் பயனாளிகளுக்கான வசதிகள். இவைத்தவிர டெவலப்பர்களுக்கான பிரத்யேக வசதிகளும் ஆண்ட்ராய்டு போன்களில் இருக்கின்றன. இது பொதுவாக தொழில்நுட்ப விஷயம் தெரிந்தவர்களுக்கானது என்றாலும், சாதாரண பயனாளிகளும் இவற்றில் உள்ள அம்சங்களை அறிந்து வைத்துக்கொள்வது பயனுள்ளதாக இருக்கும்.

ஆண்ட்ராய்டு அமைப்பு தொடர்பான அதிகாரபூர்வ வழிகாட்டுதல்களுக்கு: http://bit.ly/2kD9Aas

 

 

 

 

இணைய விடுதலை பெற உதவும் இணைய சேவை

unஇணையத்தில் இருந்து முற்றிலுமாக வெளியேற வேண்டும் என்று எப்போதாவது உங்களுக்கு தோன்றியிருக்கிறதா? அப்படி ஒரு எண்ணம் உங்களுக்கு உண்டாகி, அதை செயல்படுத்தும் உறுதியும் இருந்தால் அதற்காக என்றே ஒரு இணைய சேவை அறிமுகமாகி இருக்கிறது. டீசீட்.மீ ( deseat.me) எனும் அந்த இணையதளம் உங்களை நீங்களே இணையத்தில் இருந்து டெலிட் செய்து கொள்ள உதவுகிறது.
இணையத்தில் இருந்து வெளியேற வேண்டிய அவசியம் என்ன? அப்படியே வெளியேற நினைத்தாலும் அதை நாமே செய்து கொள்ளலாமே, இதற்காக தனியே ஒரு இணையதளம் தேவையா? என நீங்கள் கேட்கலாம்.
ஆம், நீங்களே நினைத்தாலும் இணையத்தில் இருந்து வெளியேறுவது என்பது அத்தனை எளிதல்ல. ஏனெனில் இணையத்தில் உங்கள் சுவடு எங்கெங்கோ பதிந்திருக்கலாம். இணையத்தில் உலா வந்த காலத்தில் நிங்கள் எண்ணற்ற இணையதளங்களை பயன்படுத்திருப்பீர்கள். அவற்றில் சிலவற்றில் உறுப்பினர்களாகவும் பதிவு செய்து கொண்டிருப்பீர்கள். செய்திமடல் சேவைகளில் சந்தா செலுத்தி இருக்கலாம். மின்வணிக தளங்களில் பதிவு செய்திருக்கலாம். ஒருமுறை பயன்படுத்தி பார்ப்போமே என்று சில தளங்களில் உள்ளே நுழைந்து உறுப்பினராகி இருக்கலாம். இவற்றில் பல தளங்களை நீங்கள் மறந்து விட்டிருக்கலாம். இப்படி எந்த தளங்களில் எல்லாம் உறுப்பினராக பதிவு செய்து கொண்டோம் என்பதை நிச்சயமாக உங்களால் கணக்கு வைத்திருக்க முடியாது. இது அநேகமாக எல்லா இணையவாசிகளுக்கும் பொருந்தும்.
எனவே ஏதோதோ தளங்களில் உங்கள் பயனர் பெயரும், கடவுச்சொல்லும் பதிவாகி இருக்கும். அவற்றோடு நீங்கள் சமர்பித்த விவரங்களும் இருக்கலாம்.
இவற்றில் இருந்தெல்லாம் உங்கள் தடத்தை அழித்துக்கொண்டால் மட்டுமே இணையத்தில் இருந்து உங்களால் முழுமையாக விடுவித்துக்கொள்ள முடியும்.
ஆக, இணைய விடுதலை தேவை எனில், பதிவு செய்து கொண்ட இணையதளங்களில் இருந்தெல்லாம் டெலிட் செய்து கொள்ள வேண்டும். இது கொஞ்சம் சிக்கலானது.
அதனால் தான், இணையத்தில் இருந்து தங்களை டெலிட் செய்ய விரும்புகிறவர்களுக்கு உதவுவதற்காக என்றே அன்சீட்.மீ இணையதளம் அறிமுகம் ஆகியுள்ளது.

ஸ்வீடன் நாட்டைச்சேர்ந்த மென்பொருள் வல்லுனர்களால் உருவாக்கப்பட்டுள்ள இந்த தளம் பயனாளிகள் சார்பில் அவர்களின் இணைய சுவடுகளை எல்லாம் அழிக்க உதவுகிறது. இந்த சேவையை பயன்படுத்திக்கொள்ள முதலில் பயனாளிகள் தங்கள் ஜிமெயில் முகவரி மற்றும் பாஸ்வேர்டை தெரிவிக்க வேண்டும். அதன் பிறகு இந்த தளம் இணையத்தில் தேடுதல் வேட்டை நடத்தி, எந்த தளங்களில் எல்லாம் உறுப்பினராக சேர்ந்திருக்கிறோம் என காண்பிக்கிறது. அதோடு அந்த தளங்களில் இருந்து டெலிட் செய்து கொள்வதற்கான இணைப்பையும் அளிக்கிறது. எந்த தளங்களில் இருந்தெல்லாம் நீக்கி கொள்வது என முடிவு செய்து கொள்ளலாம். அல்லது ஓட்டுமொத்தமாக எல்லாவற்றில் இருந்தும் விலகலாம். இந்த தளம் மூலம் வெளியேற உதவும் சேவைகளில் பேஸ்புக்கில் துவங்கி யூடியூப், எவெர்நோட் என பெரிய பட்டியலே இருக்கிறது.
எல்லாம் சரி, இந்த தளத்திடம் இமெயில் முகவரியையும், பாஸ்வேர்டையும் சமர்பிப்பதால் அந்தரங்க மீறல் ஏற்படலாமே என்று சந்தேகிக்கலாம். அத்தகைய சந்தேகம் தேவையில்லை, பயனாளிகள் வெளியேற வேண்டிய தளங்கள் பற்றிய விவரத்தை மட்டுமே தங்களிடம் அளிப்பதாகவும், நீக்கம் தொடர்பான அனைத்து செயல்களும் பயனாளிகள் கம்ப்யூட்டரிலேயே நிகழ்வதாகவும், இந்த தளத்தை உருவாக்கிய மென்பொருளாலர்கள் வில்லே டால்போ மற்றும் லினஸ் உன்னேபேக் தெரிவிக்கின்றனர். பயனாளிகள் தொடர்பான எந்த தகவலையும் அணுக வாய்ப்பில்லை என்றும் கூறுகின்றனர். இணையவாசிகள் தங்கள் இணைய இருப்பை சுத்தமாக்கி கொள்ள உதவும் நோக்கத்துடனே இந்த தளத்தை அமைத்துள்ளதாகவும் தெரிவிக்கின்றனர்.
ஆனால், இந்த சேவை மூலம் கூட இணையத்தில் இருந்து முற்றிலும் வெளியேறிவிட்டதாக சொல்லிவிட முடியாது. ஏனெனில் இது ஜிமெயில் கணக்கு அடிப்படையில் செயல்படுவதால், அதனுடன் தொடர்பு கொண்டு தளங்களில் இருந்து மட்டுமே நீக்கி கொள்ள முடியும். ஜிமெயிலுக்கு முந்தையை இமெயில் முகவரி ( ஹாட்மெயிலை நினைவில் உள்ளதா?) அல்லது வேறு முகவரிகளில் பதிவு செய்து கொண்ட சேவைகளை ஒன்றும் செய்ய முடியாது. ஒரு காலத்தில் சமூக வலைப்பின்னல் பரப்பில் கோலோச்சிய மைஸ்பேஸ் போன்ற தளங்களில் இது செல்லுபடியாகாது.
இருந்தாலும் இது சுவாரஸ்யமான சேவை தான்.
ஆனால், இணைய யுகத்தில் இணையத்தில் இருந்து முற்றிலுமாக வெளியேற வேண்டும் என்ற எண்ணம் ஏற்படும் வாய்ப்பிருக்கிறதா? என்று தெரியவில்லை. ஆனால் விஷயம் என்னவென்றால், அப்படியே விரும்பினாலும் கூட அது முற்றிலும் சாத்தியமில்லை. பதிவு செய்து கொண்ட தளங்களில் இருந்தெல்லாம் நீக்கி கொண்டால் கூட, சமூக ஊடகங்களில் நண்பர்கள் நம்மைப்பற்றி பகிர்ந்து கொண்ட தகவல்கள் இருக்கலாம். அவர்கள் டேக் செய்த படங்கள் இருக்கலாம்.
ஆக, இணையத்தில் இருந்து நீக்கி கொள்வது அத்தனை எளிதல்ல. எப்படியும் இணையம் ஏதேனும் ஒரு வழியில் நினைவில் வைத்திருக்கும். இதை ஏற்றுக்கொள்வது ஒரு விழிப்புணர்வாகவே அமையும். இணையத்தில் நம்முடைய சுவடுகள் பதிந்து கொண்டே இருப்பதால், நாம் அதை எப்படி பயன்படுத்துகிறோம் என்பதில் கொஞ்சம் கவனம் செலுத்துவது நல்லது. அது மட்டும் அல்ல எந்த இணையதளங்களில் எல்லாம் பதிவு செய்து கொண்டோம் என நினைத்துப்பார்ப்பதே கூட நல்ல இணைய பயிற்சியாக இருக்கும். நமது இணைய பழக்கத்தை அறிந்து கொள்ளும் பயிற்சியாக இருக்கும்!

காவலருக்கு உதவிக்கு வந்த இணையம்

Officer-Hickeyகாவல் அதிகாரி மேத்யூ ஹிக்கி இணையத்தின் உதவியால் நெகிழ்ந்து போயிருக்கிறார். அவர் மட்டு அல்ல, செல்லப்பிராணிகள் மீது பாசம் கொண்ட பலரும் நெகிழ்ந்து போயிருக்கின்றனர். ஹிக்கிக்கு இணையம் மூலம் முகம் தெரியாத பலர் உதவிய விதத்தை தெரிந்து கொண்டால் நீங்களும் கூட இதே உணர்வை பெறுவீர்கள்.
அமெரிக்காவின் ஓஹியோ மாகாணத்தில் உள்ள மெரியேட்டா நகரில் காவல்துறை அதிகாரியாக பணியாற்றிக்கொண்டிருந்தார். 30 ஆண்டு கால பணிக்குப்பிறகு ஹிக்கி சமீபத்தில் ஓய்வு பெற்றார்.

ஹிக்கி தனது பணியை மிகவும் நேசித்தவர்.பணியில் தனது சகாவாக இருந்த அஜெக்சையும் மிகவும் நேசித்தார். ஓய்வுக்கு பிறகு அஜெக்சும்,தானும் இணைந்திருக்கலாம் என்று நினைத்துக்கொண்டிருந்தார். ஆனால் கவால்துறை விதிகளால் அது சாத்தியமில்லை என அறிந்த போது நொந்துபோனார்.

அஜெக்ஸ் அவருடன் பணியாற்றிய பயிற்சி நாய்.அஜெக்சை தனது சகாவாகவும், நண்பனாகவும் கருதியிருந்தார். அதனால் தான் ஓயவுக்குப்பின் அஜெக்சை தானே பரமரிக்க விரும்பினார்.
ஆனால் சட்டங்களும்,விதிகளும் சில நேரங்களில் விசித்திரமானவை அல்லவா?

ஹிக்கி பணியில் இருந்து ஓய்வு பெற்றுவிட்டாரே தவிர,அஜெக்ஸ் இன்னமும் ஓய்வு பெறாமல் பணியில் இருப்பதால் அதனை அவரிடம் ஒப்படைக்க முடியாது என காவல்துறை சார்பில் மறுப்பு தெரிவிக்கப்பட்டது.
இத்தனைக்கும் ஹிக்கி, அந்த நாயை தன்னுடனே வைத்துக்கொள்வதற்காக அதை விலைக்கு வாங்கி கொள்ளவும் தயாராக இருந்தார். ஆனால் நாயை விற்பதாக இருந்தாலும் ஏலம் மூலம் மட்டுமே அளிக்க முடியும் என காவல் துறை தரப்பில் தெரிவிக்கப்பட்டது.

இதனால் அதிகாரி சிக்கி சோகத்தில் மூழகியிருந்த நிலையில் இந்த செய்தி உள்ளூர் வட்டாரங்கள் பரவிய போது, உள்ளூர்வாசிகள் அவரது ஏக்கத்தையும்,ஏமாற்றத்தையும் புரிந்து கொண்டு அவருக்கு மனமிறன்கினர். ஆனால் அத்துடன் நிற்கவில்லை, மாற்றத்திற்கான இணைய கோரிக்கைகளை சமர்பித்து ஆதரவு திரட்டுவதற்கான சேஞ்ச்.ஆர்க் தளத்தின் மூலம் ஹிக்கிக்கு ஆதரவாக ஒரு கோரிக்கை மனுவை உருவாக்கினார். ஹிக்கியிடமே அஜெக்ஸ் ஒப்படைக்கப்பட வேண்டும் என கோரிய அந்த மனுவில் 24,000 பேருக்கு மேல் கையெழுத்திட்டு இந்த கோரிக்கைய வலியுறுத்தினர்.

இதனிடையே உள்ளூர்வாசிகள் பலரும், பேஸ்புக் மூலமும் நகரசபை மற்றும் காவல்துறைக்கு எதிராக தங்கள் கருத்துக்களை பதிவு செய்திருந்தனர். இணையவாசிகள் இத்துடன் நிற்கவில்லை. ஒருவேளை அஜெக்ஸ் ஏலம்விடப்பட்டால், அதை அதிகாரி ஹிக்கியே வெற்றிகரமாக ஏலம் எடுக்க உதவுவதற்காக நிதி திரட்டித்தரவும் கோஃபண்ட் மீ இணையதளத்தில் ஒரு கோரிக்கை பக்கத்தை அமைத்து நிதி திரட்டினர்.

இதற்கும் ஆதரவு குவிந்தது. நான்கே நாட்களுக்களில் 68,000 டாலர்களுக்கு மேல் நிதி குவிந்துவிட்டது. ( ஏலம் போக எஞ்சிய தொகை நாய்களின் நலனுக்கான அமைப்பிற்கு நன்கொடையாக அளிக்கப்படும் என தெரிவிக்கப்பட்டுள்ளது).
நிச்சயம் ஹிக்கி இப்படி ஒரு ஆதரவை முகம் தெரியாத மனிதர்களிடம் இருந்து எதிர்பார்த்திருக்க மாட்டார்.
இந்த இணைய பக்கத்தில் நூற்றுக்கணக்கானோர் அஜெக்சை ஹிக்கியே தொடர்ந்து வளர்க்கும் உரிமையும்,நியாயமும் உள்ளவர் என்று கருத்து தெரிவித்துள்ளனர். மனிதர்களுக்கும், அவர்களால் வளர்க்கப்படும் செல்லப்பிராணிகளுக்கும் ஏற்படும் விஷேச பிணைப்பையும், அதற்கு குறுக்கே விதிகள் நிற்க கூடாது எனும் கருத்தையும் அவை பலவிதங்களில் பிரதிபலிக்கின்றன.

இந்த பிரச்சனையில் தற்போதைய நிலை என்ன என்ற அப்டேட்டும் அந்த பக்கத்தில் இடம்பெற்று வருகின்றன.
இணையத்தின் ஆற்றலை உணர்த்தும் எண்ணற்ற உதாரணங்களில் இந்த நிகழ்வும் இணைந்துள்ளது.
ஹிக்கிக்காக நிதி திரட்ட உருவாக்கப்பட்ட இணைய பக்கம்; https://www.gofundme.com/yumeagsk

———–
regret
வீடியோ புதிது; வாழ்க்கை பாடம்

வாழ்க்கையில் செய்யத்தவறியதற்காக நீங்கள் மிகவும் வருந்தும் விஷயம் எது? இந்த கேள்வி எப்போதாவது உங்கள் மனதில் தோன்றியதுண்டா? இந்த கேள்வி கேட்கப்பட்டால் உங்கள் பதில் என்னவாக இருக்கும்?
யூடியூப் வீடியோ ஒன்று இதே கேள்வியை கேட்கும் வகையில் உருவாக்கப்பட்டுள்ளது.அமெரிக்காவில் உள்ள சமூக செய்தி நிறுவனமான ஏபிளஸ் இந்த வீடியோவை உருவாக்கி பதிவேற்றியுள்ளது.

இந்த வீடியோவுக்காக நியூயார்க் நகரின் மையப்பகுதியில் பெரிய கரும் பலைகை வைக்கப்பட்டு அதில், உங்கள் வாழ்க்கையில் செய்யத்தவறியதற்காக நீங்கள் மிகவும் வருந்தும் விஷயம் எது? எனும் கேள்வி எழுதப்பட்டிருந்தது.
இந்த பலைகையை பார்க்கத்துவங்கும் நபர்கள் ஆர்ம்ப தயக்கத்திற்கு பிறகு அதில் வந்து தங்களி மனதில் உள்ள வருத்தங்களை எழுதத்துவங்கினர்.

கனவுகளை பின் தொடரமால் போனது, மருத்துவக்கல்லூரியில் சேராமல் போனது,மேலும் தீவிரமாக அன்பு செலுத்த தவறியது… என வரிசையாக ஒவ்வொருவரும் தங்கள் மனதில் உள்ள வருத்தங்களை வார்த்தைகளாக எழுதுகின்றனர்.

வீடியோவின் நடுவில், எல்லோரு மனதிலும் உள்ள வருதங்களில் உள்ள பொதுத்தன்மை சுட்டிக்காட்டப்படுகிறது. செய்யத்தவறிய செயல்களும்,பேசத்தவறிய வார்த்தைகளும் ,மேற்கொள்ள மறந்த கனவுகளும் தான் அவை என குறிப்பிடப்படும் போது உள்ளத்தை லேசாக அசைத்து பார்க்கவே செய்கிறது.

இப்படி வருத்தமாக நினைவுகளில் மூழ்கச்செய்யும் வீடியோவில் அதன் பிறகு ஒரு சின்ன திருப்பம் வருகிறது.
அந்த கரும்பலகையில் உள்ளவை எல்லாம் அழிக்கப்பட்டு முற்றிலும் புதிய கரும் பலைகை தோன்றுகிறது. அதைத்தொடந்து ஒவ்வொரு தினமும் ,அதில் நீங்கள் செய்யாததற்கு வருந்தும் விஷயங்களை செய்யுங்கள் எனும் ஊக்கம் தரும் வாசகத்துடன் வீடியோ முடிகிறது.இது போல மேலும் பல வீடியோக்கள் இந்த சமூக செய்தி தளத்தின் யூடியூப் சேனலில் உள்ளன.

நீங்களும் பார்த்து ஊக்கம் பெறுங்கள்; https://www.youtube.com/watch?v=R45HcYA8uRA

தளம் புதிது; கோப்பு நோக்கி

இணையத்தில் உலாவும் போது குறிப்பிட்ட வடிவிலான கோப்புகளை பார்ப்பதில் சிக்கலை உணர்ந்த அனுபவம் உங்களுக்கு இருக்கலாம். வழக்கமான வடிவிலான கோப்புகள் எனில் கிளிக் செய்தவுடன் திறக்கப்பட்டுவிடும். ஆனால் ஜிபி பைல் போல வேறு விதமான வடிவங்களில் இருந்தால் அவற்றை திறப்பதற்காகவே தனி மென்பொருளை நாட வேண்டும். இமெயிலில் வரும் கோப்பு வடிவங்களில் கூட இது போன்ற சிக்கலை நீங்கள் உணர்ந்திருக்கலாம்.

இது போன்ற நேரங்களில் குறிப்பிட்ட அந்த கோப்பு வடிவத்தை திறந்து பயன்படுத்த ஏற்ற மென்பொருளை இனி நீங்கள் தேடி அலைய வேண்டாம்.டாக்ஸ் ஆல்லைன் வியூவர் மூலம் எந்த வடிவிலான கோப்பையும் நீங்கள் எளிதில் பயன்படுத்தலாம். இதற்காக எந்த மென்பொருளும் தேவையில்லை. இந்த தளத்தில் இருந்து கோப்புகளை திறப்பதற்கான சேவையை டவுண்லோடு செய்து நிறுவிக்கொண்டால் போதும். உங்கள் பிரவுசரில் நீட்டிப்பு சேவையாக இது செயல்படும். அதன் பிறகு எந்த வடிவில் கோப்பை பெற்றாலும் அதன் மீது, இந்த சேவையின் ஐகானை கிளிக் செய்தால் போதும் அது திறக்கப்பட்டுவிடும். பிரவசரில் இருந்தே இதனை பயன்படுத்தலாம்.

இணையதள முகவரி: dov.parishod.com/

செயலி புதிது; செய்திகளை டாஸ் செய்யவும்

indexஇன்ஷார்ட்ஸ் செயலியை நீங்கள் அறிந்திருக்கலாம்; பயன்படுத்தியும் வரலாம். செய்தி திரட்டி வகையை சேர்ந்த இந்த செயலி, முக்கிய செய்திகளை 60 வார்த்தைகளில் சுருக்கமாக தெரிந்து கொள்ளும் சேவையை அளித்து செய்திப்பசியை தீர்க்கிறது;நேரத்தையும் மிச்சமாக்கி தருகிறது.

இப்போது இன்ஷார்ட்ஸ் தனது வாசகர்களுக்காக டாஸ் எனும் புதிய வசதியை அறிமுகம் செய்திருக்கிறது. வாசகர்கள் தாங்கள் முக்கியமாக கருதும் செய்தியை டாஸ் செய்யலாம்.அதாவது அந்த செய்தியை தங்கள் தொடர்பு பட்டியலில் உள்ளவர்களுடன் பகிர்ந்து கொள்ளலாம். ( அவர்களும் இன்ஷார்ட்ஸ் பயனாளிகளாக இருக்க வேண்டும்).

நண்பர்களுக்கு முக்கிய செய்திகளை நோட்டிபிகேஷன் வடிவில் தெரிவிக்கும் வசதி இது.
பொதுவாக எல்லா செய்தி தளங்களுமே வெளிடத்தக்க செய்திகளை தேர்வு செய்ய ஒரு அளவுகோள் வைத்திருக்கின்றன.அதனடிப்படையில் தான் செய்திகளை தேர்வு செய்கின்றன,நிராகரிக்கின்றன; முன்னிறுத்துகின்றன.

இந்த தேர்வை கொஞ்சம் ஜனநாயகமயமாக்கும் வகையில், பயனாளிகள் தாங்கள் முக்கியமாக கருதும் செய்திகளை நண்பர்கள் வட்டத்தில் பகிர்ந்து கொள்ளும் வகையில் டாஸ் வசதியை அறிமுகம் செய்துள்ளதாக் இன்ஷார்ட்ஸ் வலைப்பதிவு தெரிவிக்கிறது. ஆண்ட்ராய்டு மற்றும் ஐபோனில் செயல்படும் இந்த வசதியை பயன்படுத்த முதலில் பயனாளிகள் தங்கள் மொபைல் எண் மூலம் பதிவு செய்து கொள்ள வேண்டும்.

மேலும் விவரங்களுக்கு: http://blog.inshorts.com/2016/01/introducing-toss-without-the-jargon/

பாஸ்வேர்டு எச்சரிக்கை

மோசமான பாஸ்வேர்டுகளின் பட்டியல் மீண்டும் வெளியாகி இருக்கிறது. இந்த பட்டியல் இணைய உலகின் மோசமான பாஸ்வேர்டுகளை அடையாளம் காட்டுகிறது. அதோடு கடந்த ஆண்டு போலவே 12346 என்பதும் பாஸ்வேர்டு என்பதுமே மிக மோசமான பாஸ்வேர்டாக இருப்பதையும் உணர்த்துகிறது.ஸ்பிலேஷ் டேட்டா எனும் நிறுவனம் கடந்த சில ஆண்டுகளாக இந்த பட்டியலை வெளியிட்டு வருகிறது. இணையத்தில் பயன்படுத்தப்படும் பாஸ்வேர்டுகள் பாதுகாப்பானதாக இருக்க வேண்டும் என்பது பலவிதங்களில் வலியுறுத்தப்படுகிறது. இல்லை என்றால் தாக்காளர்கள் மற்றும் இதர இணைய களவாணிகள் கைகளில் சிக்கும் வாய்ப்பு இருப்பது பற்றியும் தொடர்ந்து எச்சரிக்கப்பட்டு வருகிறது.

இந்த எச்சரிக்கையை மீறி பலரும் பாஸ்வேர்டு விஷயத்தில் அலட்சியமாகவே இருக்கின்றனர். அதன் விளைவு தான் மிக மிக எளிதாக ஊகித்துவிடக்கூடிய எண்களின் வரிசை, வெல்கம், பேஸ்பால் மற்றும் பாஸ்வேர்டு போன்றவற்றை பாஸ்வேர்டாக பயன்படுத்தும் பழக்கமும் தொடர்கிறது.

இது போன்ற பலவீனமான பாஸ்வேர்டுகளையே மோசமான பாஸ்வேர்டுகளாக ஸ்பிளேஷ் டேட்டா பட்டியலிட்டுள்ளது. கடந்த ஆண்டில் இணையத்தில் நடத்தப்பட்ட தாக்குதல் மற்றும் பாஸ்வேர்டு திருட்டுகளின் போது பகிரங்கமாக தெரியவந்த பாஸ்வேர்டுகளில் இருந்து இந்த பட்டியல் தயாரிக்ப்பட்டுள்ளது என்பது தான் கவனிக்க வேண்டிய விஷயம். எனவே உங்கள் பாஸ்வேர்டு நிலை குறித்தி அறிய இந்த பட்டியலையுக் கொஞ்சம் பார்த்துக்கொள்ளுங்கள்; https://www.teamsid.com/worst-passwords-2015/

index

உங்கள் இ-மெயிலில் பணிவு இருக்கிறதா?

இ-மெயிலை எப்படி பயன்படுத்துவது எப்படி? என பாடம் நடத்துவது எல்லாம் இனியும் தேவையில்லாத விஷயம் என்று தான் நம்மில் பலர் நினைக்கலாம்.ஆனால் இ-மெயிலை சரியாக பயன்படுத்துவது எப்படி என்பது என்பது தொடர்பாக எல்லோரும் கற்றுக்கொள்வதற்கான விஷயங்கள் இருக்கவே செய்கின்றன.சரியாக எனும் போது மறுமுனையில் இருப்பவர் அதிருப்தியோ,ஆவேசமோ அடையாத வகையில் வாசகங்களை மெயிலில் இடம்பெறச்செய்வது!

ஏனெனில் மெயிலில் நாம் பயன்படுத்திம் தொனி அதை வாசிப்பவர் மனதில் பலவித பாதிப்புகளை ஏற்படுத்தலாம்.அதிலும் போகிற போக்கில் அதிகம் யோசிக்காமல் அனுப்பி வைக்கப்படும் மெயில்கள் வர்த்தக முறிவுகளை கூட உண்டாக்கலாம்.

இதற்கு முக்கிய காரணம், கடிதம் எழுதும் போது அதற்கென ஒரு வடிவத்தை,அலுவல் மொழியை பயன்படுத்த பழகியிருப்பது போல அதன் நவீன கால வடிவமான ஈ-மெயிலுக்கு என ஒரு அமைப்புக்கு நாம் பழகியிருக்கவில்லை என்பது தான்.

அலுவலகத்தில் உடன் பார்க்கும் நண்பருக்கு மெயில் அனுப்பும் போது, கோப்பு தேவை அனுப்பவும் என ஒற்றை வரியை டைப் செய்வதற்கும், தயவு செய்து,இந்த கோப்பை உடனே அனுப்பி வைக்கவும் என கேட்பதற்கும் வித்தியாசம் இருக்கிறது.

இப்படி இ-மெயில் அனுப்பும் போது அதில் இடம்பெறும் வாசகங்களில் அலட்சியம்,ஆணவம் போன்ற தொனி கேட்பதை தவிர்கக்ச்செய்யும் சேவையை பாக்ஸ்டைப் அறிமுகம் செய்துள்ளது.இ-மெயில் திருத்தச்சேவையான இதில் நாம் உத்தேசித்துள்ள வாசகங்களை டைப் செய்தால் அவற்றை சரி பார்த்து பணிவம்சம் கொண்ட வாசகங்களாக மாற்றித்தருகிறது.

மெயிலில் உள்ள வார்த்தைகளில் எவை பணிவற்றவை என சுட்டிக்காட்டி அவற்றை எப்படி மாற்றலாம் எனும் ஆலோசனை சொல்கிறது. நண்பர்களுக்கு அனுப்பும் மெயில்களை கூட விட்டுவிடலாம் ஆனால் வர்த்தக நோக்கிலான மற்றும் அலுவல் நோக்கிலான மெயில்களில் இந்த கவனம் மிகவும் அவசியம்.இந்த சரி பார்த்தல் சேவையை ஜிமெயிலுடன் இணைந்து பயன்படுத்தும் வசதியும் இருக்கிறது.

இதன் பரிந்துரைகள் 100 சதவீதம் துல்லியமானவை என்று சொல்ல முடியாது என்றாலும் இ-மெயில் நாகரீகத்தின் முக்கியத்துவத்தை வலியுறுத்தும் சேவை.ஆங்கில மொழியில் உள்ள வாசகங்களை மட்டுமே இந்த சேவை திருத்தி தருகிறது என்றாலும் கூட இதன் பின்னே இருக்கும் அடிப்படை அம்சங்கள் எந்த மொழியில் இ-மெயில் அனுப்பும் போதும் கவனிக்க வேண்டியவை தான்.

இணைய முகவரி: https://labs.foxtype.com/politeness

—–

g5

கூகுளை வழி நடித்தும் தமிழர் சுந்தர் பிச்சையின் வெற்றிக்கதை

g3
உலகிற்கே வழிகாட்டும் தேடியந்திர நிறுவனமாக கூகுளை வழிநடத்தும் பொறுப்பு தமிழரான சுந்தர் பிச்சையிடம் ஒப்படைக்கப்பட்டிருக்கிறது. இணைய உலகின் முன்னணி நிறுவனங்களில் ஒன்றாக இருக்கும் கூகுள், அடுத்த கட்ட வளர்ச்சியை குறி வைத்து மாபெரும் சீரமைப்பு திட்டத்தை வகுத்துள்ள நிலையில், புதிதாக தாய் நிறுவனம் ஒன்று உருவாக்கப்பட்டிருந்தாலும் அதன் கீழ் இயங்கும் மணி மகுடமான கூகுளுக்கு தலைமை ஏற்கும் பொறுப்பு சுந்தர் பிச்சையை தேடி வந்திருக்கிறது. சாப்ட்வேர் கனவுகளுடன் அமெரிக்க சென்று அந்நாட்டின் முன்னணி நிறுவனத்தின் தலைமை பதவிக்கு வந்திருக்கும் இந்த தமிழரின் வெற்றிக்கதை இது;

இந்தியர்கள் சாப்ட்வேர் புலிகள் என்பது தெரிந்த விஷயம் தான்.இந்திய சாப்ட்வேர் வல்லுனர்கள் பன்னாட்டு நிறுவனங்களில் வேலைக்கு சேருவது எல்லாம் இப்போது செய்தி அல்ல; அந்த நிறுவனங்களை வழிநடத்தும் பெறும் அளவுக்கு அவர்கள் ஆற்றப் பெற்றிருப்பது தான் செய்தி. ஏற்கனவே முன்னணி சாப்ட்வேர் நிறுவனமான மைக்ரோசாப்டின் தலைமை செயல் அதிகாரியாக இந்தியரான சத்யா நாதெள்ளா இருந்து வருகிறார். சவாலான சூழலில் அவர் மைக்ரோசாப்டை வளர்ச்சிப்பாதையில் அழைத்துச்செல்கிறார். இப்போது இன்னொரு முன்னணி நிறுவனமான கூகுளுக்கு தலைமை ஏற்கும் பொறுப்பு இந்தியரான சுந்தர் பிச்சையை தேடி வந்திருக்கிறது. இவர் சென்னையில் பிறந்து வளர்ந்த பச்சைத்தமிழர் என்பது கூடுதல் சிறப்பு.
இணைய உலகில் கூகுளை தெரியாதவர்களே இருக்க முடியாது. இணையத்தில் தகவல்களை தேட கூகுள் தேடியந்திரத்தை தான் பெரும்பாலானோர் பயன்படுத்துகின்றனர். எது தேவை என்றாலும் கூகுளிடம் கேளுங்கள் என்று சொல்வது பலருக்கு இயல்பாக இருக்கிறது.

கூகுள் சாம்ப்ராஜ்யம்

கூகுள் நம்பர் ஒன் தேடியந்திரமாக இருப்பதில் கூட வியப்பில்லை. தேடல் தவிர இ-மெயில் சேவை, பிரவுசர், இயங்கு தளம், கோப்பு பகிர்வு சேவை என்று எண்ணற்ற பிரிவுகளில் அது செல்வாக்கு பெற்றிருக்கிறது.இவற்றில் பெரும்பாலானவற்றில் கூகுள் ஆதிக்கம் செலுத்துகிறது. இ-மெயில் சேவையில் அதன் ஜி-மெயில் தான் முன்னணியில் இருக்கிறது. பிரவுசர்களில் கூகுள் குரோம் தான் அதிகம் பயன்பட்ய்த்தப்படுகிறது. அதன் கோப்பு பகிர்வு சேவையான கூகுள் டிரைவும் சந்தையில் முன்னோடியான டிராப்பாக்சிற்கு நிகராக உள்ளது.
மேலும், ஸ்மார்ட்போன் உலகில் கூகுளின் ஆண்ட்ராய்டு இயங்கு தளம் ஆதிக்கம் செலுத்துகிறது. இவை தவிர கூகுள் ரோபோக்கள் உருவாக்கம், தானாக இயங்கும் கார்கள், பலூன் மூலம் இணைய வசதி என பல சோதனை முறையிலான மற்றும் ஆய்வு நோக்கிலான திட்டங்களிலும் கவனம் செலுத்து வருகிறது.
சுருக்கமாக சொல்வது என்றால் இணைய உலகில் கூகுள் ஒரு சாம்ப்ராஜ்யமாக இருக்கிறது. இந்த இணைய சாம்பிராஜ்யம் லாரி பேஜ் மற்றும் செர்ஜி பிரின் ஆகிய இரண்டு இளைஞர்களால் துவக்கப்பட்டது. துவக்கத்தில் தூய்மையான தேடிய்ந்திரமாக இருந்த கூகுள், மிகச்சிறந்த தேடல் அனுபவத்தை வழங்கி முன்னணி தேடியந்திரமாக உருவானது. அதன் பிறகு தேடலை மையமாக கொண்டு இ-மெயில் உள்ளிட்ட துணை சேவைகளை அறிமுகம் செய்து தனது செல்வாக்கை பல துறைகளில் விரிவாக்கம் செய்து கொண்டது.இன்று கூகுள் கால் வைக்காத துறையே கிடையாது என்று சொல்லும் வகையில் பல்வேறு துறைகளில் ஈடுபட்டிருக்கிறது.
இன்னும் வளர்ச்சி எனும் குறிக்கோளுடன் கூகுள் துடிப்புடன்
g4
திடீர் சீரமைப்பு
செயல்பட்டுக்கொண்டிருக்கும் நிலையில் தான் கடந்த ஆகஸ்ட் 11 ம் தேதி அந்த அறிவிப்பு வெளியானது. கூகுள் நிறுவனத்தி அதிரடி சீரமைப்பு மேற்கொள்ளப்படுவதற்கான அந்த அறிவிப்பை நிறுவனர்களில் ஒருவரான லாரி பேஜ் வெளியிட்டார். கூகுளுக்கு புதிதாக தாய் நிறுவனம் ஒன்று உருவாக்கப்படுக்கிறது என்பது அந்த சீரமைப்பின் மையம். புதிய தாய் நிறுவனம் ஆல்பபெட் என அழைக்கப்படும். கூகுள் அதன் துணை நிறுவனமாக தனியே இயங்கும். ஜி-மெயில், ஆண்ட்ராய்டு , யூடியூப் உள்ளிட்ட சேவைகளில் கூகுள் வசம் இருக்கும். ஆய்வு திட்டங்கள் மற்றும் ரோபோ பிரிவு உள்ளிட்டவை தாய நிறுவனத்தின் கீழ் இயங்கும் என தெரிவிக்கப்பட்டிருந்தது.
தாய் நிறுவனமான அல்பபெட் தனது தலைமையில் இயங்கும் என அறிவித்த லாரி பேஜ், கூகுள் நிறுவனம் இந்தியரான சுந்தர் பிச்சையின் கீழ் இயங்கும் என அறிவித்தார். 2004 ம் ஆண்டு கூகுள் நிறுவனத்தில் பணிக்கு சேர்ந்து தனது திறமையால் வேகமாக முன்னேறிய சுந்தர் பிச்சை மூத்த துணைத்தலைவர்களில் ஒருவராக இருந்தார்.நிறுவனத்தின் தயாரிப்பு புரிவுக்கு பொறுப்பேற்றிருந்தவர் சி.இ.ஓ லாரி பேஜின் நம்பிக்கைக்கு உரியவராகவும் இருந்தார். ஆண்ட்ராய்டு வளர்ச்சியிலும் அவருக்கு முக்கிய பங்கு இருந்தது.
இந்த நிலையில் கூகுள் சி.இ.ஓ எனும் மகுடத்தை அவருக்கு லாரி பேஜ் சூட்டியிருக்கிறார்.பிரம்மாண்டமான வளர்ச்சி திட்டம் வகுக்கப்பட்டிருக்கும் நிலையில் கூகுளை வழிநடத்தும் பொறுப்பு சுந்தர் பிச்சையிடம் ஒப்படைக்கப்பட்டுள்ளது.
கூகுளின் திடீர் முடிவு ஆச்சர்யத்தை அளித்தாலும் அதன் தேர்வு கைத்தட்டல்களையே பெற்று வருகிறது. சபாஷ் சரியான நபரிடம் தான் நிறுவனம் ஒப்படைக்கப்பட்டிருக்கிறது என பலரும் கருத்து தெரிவித்துள்ளனர். மைக்ரோசாப்ட் சி.இ.ஓ சத்யா நாதெள்ளா மற்றும் ஆப்பிள் சி.இ.ஓ டிம் குக் ஆகியோர் சுந்தர் பிச்சைக்கு வாழ்த்து தெரிவித்துள்ளனர். மேலும் வாழ்த்துக்கள் குவிகின்றன. இதனிடையே , மற்றொரு முன்னணி இணைய நிறுவனமான டிவிட்டர் தனது தலைமை பதவிக்காக சுந்தர் பிச்சையை கொத்திச்செல்ல குறி வைத்திருந்தது, அதனை அறிந்தே அவரை தக்க வைத்துக்கொள்ளும் வகையில் அவர் சி.இ.ஓவாக நியமிக்கப்பட்டார் எனும் செய்தியும் வெளியானது.

பிச்சை தேர்வு ஏன்?
கூகுளின் இந்த முடிவுக்கு மேலும் பல காரணங்கள் கூறப்படுகின்றன. ஐரோப்பாவில் அதன் தேடல் உத்திக்கு எதிராக நடைபெற்றும் வரும் வழக்கில் அபராதம் விதிக்கப்பட வாய்ப்புள்ளதால் அதன் பாதிப்பில் இருந்து தப்பிக்க கூகுள் தனி நிறுவனமாக ஆக்கப்பட்டிருப்பதாக கூறப்படுகிறது. கூகுள் பல துறைகளில் செயல்பாடுகளை கொண்டிருக்கும் நிலையில் கவனத்தை கூர்மையாக்கி கொள்ள துணை நிறுவனத்தை உருவாக்குவது உதவும் என கருதப்படுகிறது. மேலும் நிறுவனர்கள் இருவரும் ஆய்வு சார்ந்து முயற்சிகளில் அதிகம் கவனம் செலுத்தி எதிர்கால வளர்ச்சியை உறுதி செய்யவும் இது வித்திடும் என கருதப்படுகிறது. காரணம் என்னவாக இருந்தாலும் சரி, துணை நிறுவனமாக்கப்பட்ட கூகுளை வழிநடத்தும் பொறுப்பிற்கு சுந்தர் பிச்சை தகுதியானவராகவும், பொருத்தமானவராகவும் கருதப்பட்டிருக்கிறார் என்பதில் மாற்று கருத்து கிடையாது.
சுந்தர் பிச்சையின் ஆற்றல் மற்றும் ஈடுபாடு தங்களுக்கு மிகுந்த உற்சாகத்தை அளிப்பதாக கூறிய லாரி பேஜ், சுந்தர் பிச்சை போல திறமை வாய்ந்த ஒருவர் கூகுள் நிறுவனத்தை வழிநடத்த கிடைத்திருப்பது அதிர்ஷ்டம் என்றும் அவர் பாராட்டியது குறிப்பிடத்தக்கது.
சுந்தர் பிச்சை இந்த இடத்திற்கு உயர்ந்தது எப்படி? இதற்கான ஆற்றலும் திறமையும் அவரிடம் இயல்பாக இருந்ததை அவரது வாழ்க்கை உணர்த்துகிறது.
சுந்தர் பிச்சை சென்னையில் சாதாரண குடும்ப்பத்தில் பிறந்து வளர்ந்தவர். ( அவர் பிறந்த இடம் தொடர்பான சர்ச்சை இணையத்தில் இருக்கிறது). அவரது தாய் ஸ்டெனோகிரபராக பணியாற்றினார். தந்தை ரகுநாத பிச்சை ஜெனரல் எலக்ட்ரிக் நிறுவனத்தில் பொறியாளராக பணியாற்றினார். சிறு வயதில் அவர்கள் வீட்டில் டிவி கூட கிடையாது.

தொழில்நுட்ப ஆர்வம்
சிறுவனாக இருந்த போதே தனது பொறியல் வேலையில் மகனுக்கு ஆர்வம் இருந்ததாக ரகுநாத பிச்சை பேட்டி ஒன்றில் கூறியிருக்கிறார்.
தொழில்நுட்பத்துடனான முதல் அறிமுகம் பிச்சைக்கு 12 வயதில் நிகழ்ந்தது. அப்போது வாங்கிய தொலைபேசி தான் அது. சுந்தர் பிச்சை தொலைபேசி மீது ஈடுபாட்டை வளர்த்துக்கொண்டதோடு அதில் டயல் செய்யப்படும் ஒவ்வொரு எண்ணையும் நினைவில் நிறுத்துக்கொள்ளும் ஆற்றல் கொண்டிருந்தார். தொலைபேசி எண் ஏதாவது மறந்துவிட்டால் மாமா தன்னிடம் கேட்பார் என்று சுந்தர் பிச்சை இந்த ஆற்றல் பற்றி நினைவு கூர்ந்துள்ளார்.
இந்த ஆற்றல் அவருக்கு இன்று பணிசூழலில் கைகொடுக்கும் அம்சங்களில் ஒன்றாக இருப்பதை சக ஊழியர் ஒருவர் தெரிவித்துள்ளார். ஒரு முறை கூகுள் ஆலோசனை கூட்டம் ஒன்றில் குரல் வழி தேடல் பற்றிய விவாதம் வந்த போது அது தொடர்பான புள்ளி விவரங்களை பிச்சை அப்படியே ஒப்பித்திருக்கிறார். இந்த பிரிவிற்கு தலைமை வகிக்கும் பொறியாளருக்கு கூட அந்த விவரங்கள் தெரிந்திருக்கவில்லை. இப்படி பிச்சை தன்னுடன் பணியாற்றும் ஊழியர்களை தனது ஆற்றலால் பல முறை வியக்க வைத்திருக்கிறார்.

ஐஐடியில் இருந்து
பள்ளிப்படிப்பை முடித்த்தும் புகழ் பெற்ற ஐஐடி கராக்பூரில் பொறியியல் பட்டம் பெற்ற பிச்சை, ஸ்காலர்ஷிப் பெற்று அமெரிக்காவின் ஸ்டாட்போர்டிற்கு உயர் கல்விக்காக சென்றார். அமெரிக்க பயணச்செலவுக்காக அவரது குடும்பல் கடன் வாங்க வேண்டியிருந்தது, பெரும்பாலான இந்திய குடும்பங்கள் போலவே பெற்றோர் தனது எதிர்காலத்திற்காக தங்கள் தேவைகளை குறைத்துக்கொண்டு பல தியாகங்களை செய்ததாக பிச்சை குறிப்பிடுகிறார்.
1993 ல் அவர் ஸ்டான்போர்டில் படிக்கத்துவங்கினார். அப்போது தனக்கு தேவைப்பட்ட பேக்பாக் சாதனத்தை வாங்க வசதியில்லாமல் இணையத்தின் மூலம் ஏற்கனவே பயன்படுத்திய ஒன்றை குறைந்த விலைக்கு வாங்கினார். பிச்சை முதலில் ஸ்டான்போர்டில் பிஎச்டி பட்டம் பெற்று கல்வித்துறையில் தான் பணியாற்ற திட்டமிட்டிருந்தார்.
ஆனால் இந்த திட்டத்தை மாற்றிக்கொண்டு சிலிக்கான் வேலி நிறுவனம் ஒன்றில் பொறியாளராக வேலைக்கு சேர்ந்தார். பின்னர் எம்பிஏ பட்டம் பெற்று மெக்கின்சி நிறுவனத்தில் ஆலோசகராக பணியாற்றினார்.
இதனிடையே தனது காதலியான அஞ்சலியையும் திருமணம் செய்து கொண்டார்.
2004 ல் அவர் தேடியந்திர நிறுவனமான கூகுளில் சேர்ந்தார். அதிலிருந்து நிறுவன ஏணியில் ஏறிக்கொண்டே இருந்தார். முதலில் தேடல் சார்ந்த உப சேவை ஒன்றில் பணியாற்றினார். டூல் பார் எனும் இந்த சேவை பிரவுசரில் இருந்தே தேடுவதை சாத்தியமாக்கியது. இந்த கால கட்டத்தில் தான் பிச்சை கூகுளி சொந்தமாக பிரவுசரை உருவாக்க வேண்டும் என நிறுவரான லாரி பேஜிடம் வலியுறுத்தினார். அப்போதைய தலைவரான எரிக் ஸ்கிமிட் இதற்கு எதிர்ப்பு தெரிவித்தாலும் லாரி பேஜ் பச்சைக்கொடி காட்டினார். இதன் பயனாக தான் கூகுள் குரோம் பிரவுசர் உண்டானது. பிரவுசர் பரப்பில் கூகுளுக்கு வெற்றியையும் கொடுத்தது.இப்போது சந்தையின் 32 சதவீத பங்கு குரோம் வசம் இருக்கிறது.
குரோமை அடிப்படையாக கொண்டு லேப்டாப்களுக்கான இயங்கு தளத்தை உருவாக்கும் பிச்சையின் யோசனையும் நல்ல பலனை கொடுத்தது.

ஆண்ட்ராய்டு பொறுப்பு
2008ல் ஆண்ட்ராய்டு போன்கள் அறிமுகம் போது அதன் செயல்பாட்டிலும் பிச்சை முக்கிய பங்கு வகித்தார். ஆண்ட்ராய்டை உருவாக்கிய ரூபின் அதை கூகுளிடம் விற்றுவிட்டு தொடர்ந்து அதன் மேம்பாட்டில் கவனம் செலுத்தி வந்தார். ரூபினுக்கும் கூகுள் குழுவினருக்கும் ஆண்ட்ராய்டு தொடர்பாக மோதல் ஏற்பட்ட போதெல்லாம் பிச்சை தான் அதை திறம்பட சமாளித்து இருக்கிறார். இறுதியில் ஆண்ட்ராய்டும் பிச்சையின் பொறுப்பில் ஒப்படைக்கப்பட்டது.
பின்னர் நிறுவன பிராடக்ட் பிரிவுக்கு பொறுப்பேற்றுக்கொண்ட பிச்சை அதன் மூத்த துணைத்தலைவராக உயர்ந்தார். சமீப காலமாக ஆண்ட்ராய்டு தொடர்பாக முக்கிய அறிமுகங்களை பிச்சையே வெளியிட்டு வந்தார்.
புதிய திட்டம் பற்றிய அறிவிப்பில் லாரி பேஜ், என்னைவிட அதிகமாக நிறுவன தயாரிப்புகள் பற்றி பேசி வருவதாகவும், தன்னைவிட சிறப்பாக பேசி வருவதாகவும் பாராட்டியது குறிப்பிடத்தக்கது.
இந்த பின்னணியில் தான் சுந்தர் பிச்சை 43 வது வயதில் கூகுள் சி.இ.ஒ வாகி இருக்கிறார்.
ஒல்லியான தோற்றத்துடன் , தாடியுடன் சிரித்த முகத்துடன் காணப்படும் சுந்தர் பிச்சை கூகுள் ஊழியர்கள் மத்தியில் அன்பிற்கும் , மதிப்பிற்கும் உரியவராக கருதப்படுகிறார். அவரை எளிதாக அணுக முடிவதாக பலரும் பாராட்டுகின்றனர். மேலும் அவரது அரவணைத்து போகும் ஆற்றலும் முக்கியமாக சொல்லப்படுகிறது. நிறுவன சிக்கல்களை அவர் லாவகமான எதிர்கொள்ளும் விதமும் குறிப்பிட்த்தக்கதாக சொல்லப்படுகிறது. ஒருமுறை ஆண்ட்ராய்டு பயன்பாடு தொடர்பாக சாம்சங் நிறுவனத்துடன் பிரச்சனை வந்த போது பிச்சை தான் அதை திறம்பட கையாண்டு தீர்த்து வைத்திருக்கிறார். அன்பான தந்தையாகவும் இருக்கும் சுந்தர் பிச்சை இணைய உலகிலும் விரும்ப்படுகிறார் . இப்போது கூகுள் நிறுவனத்தில் உச்சிக்கு வந்து, சிலிக்கான் வேலியில் சாதிக்க முடியும் என்ற நம்பிக்கையை இந்தியர்கள் மத்தியில் இன்னமும் ஆழமாக விதைத்திருக்கிறார்.

—————-
\