Tag Archives: செல்போன்

செல்போன் வாங்க ஆலோச‌னை சொல்லும் இணையதளம்.

எதை எடுப்பது எதை விடுப்பது என்ற குழப்பம் ஆடைகளில் மட்டுமல்ல,இப்போது புதிதாக செல்போன் வாங்கச்சென்றாலும் எந்த மாதிரியை வாங்குவது என்ற குழப்பம் ஏற்பட்டு விடும்.அதிலும் பிரபல நிறுவனங்கள் புதுப்புது மாதிரியை அறிமுக செய்வது போதாது என்று புதுப்புது நிறுவன‌ங்கள் அறிமுகமாகி புதிய போன்களை சந்தையில் நிறைத்து வருகின்றன.

எனவே புதிதாக போன் வாங்கச்செல்லும் போது எந்த போனை வாங்கலாம் என்ற குழப்பம் ஏற்படுவது நிச்சயம்.

இந்த குழப்பத்தில் இருந்து தெளிவு பெற பூர்விகாவோ யூனிவர்செலோ தேடி போவதற்கு முன் இண்டெர்நெட்டில் பல்வேறு போன்களை பார்த்து அவற்றின் விலை மற்றும் அமசங்களை அலசிப்பார்த்து கொள்ளலாம்.

இதைவிட‌ சுல‌ப‌மான‌ வ‌ழி ஒன்று இருக்கிற‌து.அது நேராக‌ போன்க‌ரி இனிஅய‌த‌ள‌த்திற்கு செல்வ‌து தான்.இந்த‌ த‌ள‌ம் உங்களுக்கு ஏற்ற‌ புதிய‌ போன் எது என்று தேர்வு செய்து கொள்ள‌ வ‌ழி காட்டுகிற‌து.

இந்த‌ த‌ள‌த்தில் நுழைந்த‌தும் உங்க‌ள்: ப‌ட்ஜெட்டை குறிப்பிட்டு விட்டு,போனில் நீங்க‌ள் எதிர்பார்க்கும் அம்ச‌ங்க‌ள் எவை என்ப‌தை குறிப்பிட‌ வேண்டும்.எல்லாவ‌ற்றுக்கும் த‌னித்த‌னி க‌ட்ட‌ங்க‌ள் இருப்ப‌தால் அவ‌ற்றில் இருந்து தேர்வு செய்தாலே போதும்.

ட‌ச் ஸ்கிரீன் தேவையா,மீயூசிக் பிலேய‌ர் தேவையா,கீபோர்டு எப்ப‌டி இருக்க‌ வெண்டும் என்று குறிப்பிட்ட‌ பின் கிளிக் செய்தால் பொருத‌த‌மான‌ போனை அடையாள‌ம் காட்டும்.

அத‌ன் பிற‌கு அந்த‌ குறிப்பிட்ட‌ ர‌க‌ம் ப‌ற்றி ப‌டித்துவிட்டு அதே போன்ற‌ ம‌ற்ற‌ போன்க‌ளோடு அத‌ன் விலையையும் ஒப்பிட்டு பார்த்து எது திருப்ப்தி அளிக்கிற‌தோ அத‌னை தேர்வு செய்ய‌லாம்.

மிக‌வும் எளிமையான‌ நான்கே ப‌டிக‌ளில் பொருத்த‌மான‌ போனை தேர்வு செய்து விட‌லாம் என்று போன்க‌ரி உறுதி அளிக்கிற‌து.

ஜி எஸெம் போன்க‌ள் ம‌ட்டுமே இந்த‌ த‌ள‌த்தில் இட‌ம் பெற்றுள்ள‌ன‌. சிடிஎம் போன்க‌ள் இல்லை. அதே போல‌ இர‌ண்டு ஆண்டுக்கு மேல் ப‌ழ‌மையான‌ போன்க‌ள் இல்லை.
அந்த‌ போன்க‌ள் காலாவ‌தியாகி போய் க‌டைக‌ளில் இல்லாத‌ நிலையும் இருக்க‌லாம் என்ப‌தால் இப்ப‌டியாம்.

நேராக‌ குறிப்பிட்ட‌ ர‌க‌ போன் பெய‌ரை குறிப்பிட்டு அத‌னை ப‌ற்றியும் தெரிந்து கொள்ளூ வ‌ச‌தியும் உள்ள‌து.போன்க‌ளின் ப‌ட்டிய‌லை கிளீக் செய்து அவை பற்றியும் ஆர‌ய்ந்து பார்க்க‌லாம்.

இந்திய‌ நுக‌ர்வோருக்கு செல்போன் வாங்க‌ வ‌ழி காட்டும் நோக்கில் உருவாக்க‌ப்ப‌ட்டுள்ள‌தாக‌ இந்த‌ த‌ள‌ம் த‌ன்னைப்ப‌ற்றி குறிபிடுகிற‌து.

ம‌ற்ற‌ போன் த‌ள‌ங்க‌ளை விட‌ எளிமையான‌து.சிற‌ந்த‌தும் கூட‌.

——

http://www.phonecurry.com/

இந்தியா வருகிறது கூகுல் போன்

கூகுல் அறிமுகம் செய்த நெக்சஸ் ஒன் செல்போன் எப்போது இந்தியாவில் அறிமுகாகும் என ஆர்வத்தோடு காத்திருப்பவர்களுக்கு ஒரு ந‌ற்செய்தி கூகுல் போன் விரைவில் இந்தியாவில் அறிமுகமாக உள்ளது.

கூடுதல் நல்ல செய்தி இந்தியாவுக்கு என்று பிரத்யேக மாற்றங்களோடு இந்த போன் அறிமுகமாக உள்ளது.

ஆப்பிளின் ஐபோனுக்கு போட்டியாக கூகுல் நெக்சஸ் ஒன் போனை அறிமுகம் செய்தது. ஆரமப் பரபரப்பிற்கு பிறகு இந்த போன் பற்றி அதிக செய்திகள் இல்லை.

இந்நிலையில் கூகுல் போன் இந்தியாவில் அறிமுகமாக உள்ளதாக செய்தி வெளியாகி உள்ளது. சி என் பி சி டிவியை சேர்ந்த் அன்கிட் எனபவர் இது பற்றி தனது டிவிட்டர் பதிவில் செய்தி வெளியிட்டுள்ளார்.

கூகுல் அதிகாரியோடு பேசிக்கொண்டிருந்த போது கூகுலின் இந்திய‌ போன் திட்ட‌ம் ப‌ற்றி அறிய‌ முடிந்த‌தாக‌ அவ‌ர் தெரிவித்துள்ளார்.

ஆனால் அமெரிக்காவில் அறிமுக‌ம் செய்ய‌ப்ப‌ட்ட‌ போன் போல் அல்லாம‌ல் இந்தியாவுக்கு என்று பிர‌த்யேக‌ மாற்ற‌ங்க‌ளோடு இந்த‌ போனை அறிமுக‌ம் செய்ய‌ கூகுல் திட்ட‌மிட்டுள்ள‌தாக‌ அவ‌ர் கூறியுள்ளார்.

இத‌ன் பொருள் போனில் வ‌ச‌திக‌ள் குறைவாக‌ இருக்க‌லாம். அதே நேர‌த்தில் விலையும்குறைவாக‌ இருக்கால‌ம். அமெரிக்க‌ விலையிலேயே இந்தியாவிலும் ஐபோன‌ஒ அறிமுக‌ம் செய்து ஆப்பிள் செய்த‌ த‌வற்றை மகூகுல் செய்ய‌ விரும்ப‌வில்லை போலும்.

எப்ப‌டியோ கூகுல் போனே வ‌ருக‌.

———–

750 ரூபாய்க்கு செல்போன்;வோடோஃபோன் அறிமுகம்

ஐபோன்,ஐபேடை எல்லாம் விட்டுத்த‌ள்ளுங்கள் ;நமக்குத்தேவை மலிவு விலை கொண்ட போன்கள் தான்.

அந்த வகையில் வோடோஃபோன் நிறுவனம் உலகிலேயே விலை குறைந்த செல்போனை அறிமுகம் செய்வதாக அறிவித்துள்ள‌து. பார்சிலோனாவில் நடைபெற்று வரும் சர்வதேச செல்போன் மாநாட்டில் வோடொஃபோன் நிறுவனம் இந்த‌செல்போன் ரகங்களை அறிமுகம் செய்துள்ளது.

வோடோ 150 மற்றும் வோடோ 250 ஆகிய பெயரில் இரண்டு மாதிரி போன்கள் அறிமுகாமாகியுள்ளன. இவற்றின் விலை 15 மற்றும் 20 டாலர் என தெரிவிக்கப்பட்டுள்ளது. இந்திய மதிப்பின் படி பார்த்தால் ரூ 750 மற்றும் 1000 வரலாம்.

முதல் கட்டமாக இந்தியா ,துருக்கி மற்றும் சில ஆப்பிரிக்க நாடுகளை மனதில் கொண்டு இவை விற்பனை செய்யப்பட உள்ளன.

இந்த‌ய‌ ச‌ந்தையில் வோடோ 150 மாதிரி அறிமுக‌மானால் அநேக‌மாக‌ மிக‌ விலை குறைந்த‌ போனாக‌ இருக்கும். இந்த‌ மாநாட்டில் எல்லா நிறுவ‌ன‌ங்க‌ளும் ஸ்மார்ட் போன் ர‌க‌ போனில் க‌வ‌ன‌ம் செலுத்திய‌ போது வோடோஃபோன் ஓசைப்ப‌டாம‌ல் ம‌லிவு விலை போனை கொண்டு வ‌ந்து க‌ல‌க்கியுள்ள‌து.

 ஒரு ப‌க்க‌ம் ஐபோன் ர‌க‌ ச‌ந்தை வ‌ள‌ர்ந்து கொண்டே சென்றாலும் வ‌ள‌ரும் ம‌ற்ற‌ம் ஏழை நாடுக‌ளை பொருத்த‌வ‌ரை ம‌லிவு விலை போன்க‌ளே ஏற்ற‌தாக‌ க‌ருத‌ப்ப‌டுகிற‌து.

ஏழை நாடுக‌ளில் செல்போன் ம‌க்க‌ளின் வாழ்க்கையில் புர‌ட்சிக‌ர‌மான‌ மாற்ற‌ங்க‌ளை கொண்டு வ‌ந்துள்ள‌தாக‌ க‌ருத‌ப்ப‌டுகிற‌து. ப‌ல‌ ஆப்பிரிக்க‌ நாடுக‌ளில் செல்போன் சார்ந்த‌ வ‌ங்கிச்சேவை இது வ‌ரை வ‌ங்கி சேவை அமைப்புக்கு வெளியே உள்ள‌ ஏழை ம‌க்க‌ளுக்கு வ‌ங்கி சேவையை சாத்திய‌மாக்கியிள்ள‌து.

விவாசிக‌ளுக்கான‌ த‌க‌வ‌ல்க‌ளை வ‌ழ‌ங்குவ‌து உட‌ப‌ட‌ செல்போன் ப‌ல‌வித‌ங்க‌ளில் ப‌ய‌ன்ப‌ட்டு வ‌ருகிற‌து. வ‌ல‌ர்ச்சி மற்றும் மேம்பாட்டு திட்ட‌ங்க‌ளுக்கு செல்போனே ஏற்ற‌தாக‌ க‌ருத‌ப்ப‌டுகிற‌து

. என‌வே விலை குறைந்த‌ செல்போன்க‌ள் இந்த‌ வ‌ள‌ர்ச்சியை மேலும் ஊக்குவிக்க‌ வ‌ல்ல‌து .

இந்நிலையில் தான் வோடோஃபோனின் அறிமுக‌ம் நிக‌ழ்ந்துள்ள‌து. வோடோ 150 ர‌க‌ போன் அழைப்பு ம‌ற்றும் எஸ் எம் எஸ் வ‌ச‌தியை கொண்ட‌து.வோடோ 250 ரேடியோ வ‌ச‌தியும் கொண்ட‌து.

இந்தியா போன்ற‌ நாடுக‌ளில் ஏழைக‌ளே அதிக‌ம் என்ப‌தால் ம‌லிவு விலை போன்க‌ளுக்கு ஜே.

————–

http://www.vodafone.com/start/media_relations/news/group_press_releases/2010/vodafone_adds_two.html

வருது வருது ,ஜீ..போன் வருது

கூகுல் ஒரு பேரரசைப்போல.அதன் ஆற்றலும் பெரிது.அதன் ராஜ்ஜியமும் பரந்து விரிந்தது.அதன் வியூகமும் சக்தி வாய்ந்தது.அதன் அடுத்த கட்ட திட்டங்களும் எண்ணிலடங்காதவை.கூடவே மிக்க ரகசியமானவை.

கூகுலின் திட்ட‌ங்க‌ளில் எது வ‌த‌ந்தி எது உண்மை என்று ப‌குத்த‌றிய‌ முடியாம‌ல் இருக்கும் .இப்போதைய‌ வ‌த‌ந்தி விர‌வில் கூகுல் போன் அறிமுக‌மா இருக்கிற‌து என்ப‌து தான்.ஜி போன் என்னும் பெய‌ரில் கூகுல் தானே சொந்த‌மாக‌ செல்போனை அறிமுக‌ம் செய்ய‌ இருப்ப‌தாக‌ ஒரு பேச்சு இருந்து வ‌ருகிற‌து.

ஆப்பிளின் ஐபோனுக்கு போட்டியாக‌ ஜி போன் அறிமுக‌மாக‌லாம் என்று எதிர்பார்க்கப்ப‌டுகிற‌து.கூகுல் இது ப‌ற்றி ம‌வுன‌ம் காத்தாலும் இந்த‌ செய்தி இணைய‌ உல‌கில் உலா வ‌ந்த‌ வ‌ண்ண‌ம் உள்ள‌து.இந்நிலையில் பிர‌ப‌ல‌ தொழில்நுட்ப‌ வ‌லைப்ப‌திவான‌ டெக்கிர‌ஞ்ச் கூகுலின் இந்த‌ திட்ட‌ம் உண்மையான‌து தான் அடுத்த‌ ஆண்டு ஜி போன் நிச்ச‌ய‌ம் வ‌ரும் அன‌ கூறியுள்ள‌து.டெக்கிர‌ஞ்ச் ந‌ம்ப‌க‌மான‌ த‌ள‌ம் என்ப‌தால‌ இத‌னை வெறும் வ‌த‌ந்தி என‌ கொள்வ‌த‌ற்கில்லை.

ஏற்க‌ன‌வே கூகுல் த‌ன‌க்கேன‌ பிர‌வுச‌ர் ஒன்றை அறிமுக‌ம் செய்ய‌ இருப்ப‌தாக‌ இர‌ண்டு ஆண்டுக‌ளுக்கும் மேலாக‌ செய்திக‌ளும் வ‌த‌ந்திக‌ளும் மாறி மாறி உலா வ‌ந்து குழ‌ப்ப‌த்தை ஏற்ப‌டுத்திய‌ நிலையில் இறுதியில் கூகுல் குரோம் வெளியாகி விய‌ப்பை ஏற்ப‌டுத்திய‌து.

ஜீ போன் விஷ‌ய‌த்திலும் இப்ப‌டியே நிக‌ழ‌லாம்.ஆனால் ஒன்று கூகுல் இது வ‌ரை சாப்ட்வேரைத்தாண்டி ஹார்டுவேர் ப‌க்க‌ம் வ‌ந்த‌தில்லை .என‌வே ஜி போன் சாத்திய‌மில்லை என்று ஒரு க‌ருத்து நில‌வுகிற‌து.கூகுல் தான் ஐபோன் போட்டியை ச‌மாளிக்க‌ ஸ்மார்ட் போன்க‌ளூக்கான‌ ஆப்ப‌ரேட்டிங் அமைப்பான‌ ஆன்டிராய்டை அறிமுக‌ம் செய்துள்ளதே என்று கூறுப‌வ‌ர்க‌ளும் இருக்கின்ற‌ன‌ர்.

ஆனால் கூகுல் விஷயத்தில் என்ன் வேண்டுமானாலும் நடக்கலாம்.கூகுலின் அடுத்த‌ ந‌க‌ர்வு என்ப‌து புரியாத புதிர் அல்லவா?

புளு டூத் காதணி

eaqrringதொழிநுட்பம் என்பது எதோ தொழில்நுட்பமானது என நினைத்து விட வேண்டாம்.என்ன குழப்புவது போல தோன்றுகிறதா?குழம்ப ஒன்றுமில்லை. தொழில்நுட்பத்தை எதோ அன்னியமனது ,நமக்கு சம்பந்தமில்லாதது என கருத வேண்டாம் என்பதே விஷயம்.

தொழில்நுட்பத்தின் உண்மையான பயன்பாடு அது நம்முடைய நடைமுறை வாழ்க்கை சார்ந்த்ததாக இருப்ப்தில் தான் இருக்கிறது .அதாவது தொழில்நுட்பம் அன்றாட வாழ்க்கையின் அனைத்து அம்சங்களிலும் பின்னி பினைந்திருக்க வேண்டும்.வ‌டிவ‌மைப்பாள‌ர்க‌ள் இத‌னை ம‌ன‌தில் கொண்டு செய‌ல்ப‌ட‌ வேண்டும்.

தொழில்நுட்பத்தை நம் வீட்டுக்குள்ளே கொண்டு வருவதன் மூலம் வடிவமைப்பிலும் பயன்பாட்டிலும் புதுமையை உருவாக்கலாம்.

இப்ப‌டி தொழில்நுட்ப‌ம் சார்ந்த‌ வாழ்விய‌ல் பொருட்க‌ளை உருவாக்கும் வித்த‌க‌ வ‌டிவ‌மைப்பு க‌லைஞ‌ர்க‌ள் ப‌ல‌ர் இருக்கின்ற‌ன‌ர்.இவ‌ர்க‌ளின் ப‌ட்டிய‌லில் சீனாவை சேர்ந்த‌ ஃபென்டி மெங்கையும் சேர்த்துக்கொள்ள‌லாம்.

இவ‌ரைப்ப‌ற்றி சொல்வதைவிட‌ இவ‌ர் வ‌டிவ‌மைத்த‌ பொருளை சொல்வ‌தே பொருத்த‌மாக‌ இருக்கும்.

மெங் ச‌மீப‌த்தில் உருவாக்கியிருப்ப‌து ந‌வீன‌ காத‌ணியை.அதாவது புளூடூத் காதணியை.
தற்போது நீக்கமற நிறைந்திருக்கும் செல்போன் ம‌ற்றும் புளூ டுத் தொழில்நுட்ப‌ங்க‌ளை அழ‌காக‌ இணைத்து இந்த‌ காத‌ணியை உருவாக்கியுள்ளார்.சிவ‌ப்பு நிற‌ புள்ளி போன்ற‌ ப‌குதியை ந‌டுவில் கொண்டுள்ள‌ இந்த‌ காத‌ணி செல்போன் அழைப்பு அந்தால் சிவ‌ப்பாக‌ மின்னும் .அத‌ன் பிற‌கு அத‌னை மெதுவாக் அமுக்குவிட்டு பேச‌ வேண்டிய‌து தான்.

நேர்த்தியான‌து ம‌ட்டுமல்ல‌ ந‌டைமுறை நோக்கில் ப‌ய‌னுள்ள‌து.ஆன்க‌ளுக்கு ச‌ரிப்ட்டு வ‌ருமா என்று கேட்க‌கூடாது.

மெங் உருவாக்கிய‌ ம‌ற்றொரு பொருள் ந‌வீன‌ அலார‌ம் .தூக்க‌த்திலிருந்து எழுப்ப‌ கைகாடிகார‌ங்க‌ளில் துவ‌ங்கி செல்போன் வ‌ரை ப‌ல‌வித‌ சாத‌ன‌ங்க‌ள் இருந்தாலும் இந்த‌ அலார‌ம் மிக‌வும் விசேஷ‌மான‌து.

இந்த‌ அலார‌ம் இர‌ண்டு ப‌குதிக‌ளை கொண்ட‌து.ஒரு ப‌குதியில் நேர‌த்தை செட் செய்துவிட்டு மோதிர‌ம் போல‌ இருக்கும் இன்னொரு ப‌குதியயை கையில் மாட்டிக்கொள்ள‌ வேண்டும்.ச‌ரியான் நேர‌ம் வ‌ரும் போது கையில் உள்ள‌ மோதிர‌ம் மெல்லிய‌ அதிர்வுகளை உண்டாக்கும் .

அலார‌ ம‌ணியை கேட்டு அல‌றி அடித்து எழுவதைவிட‌ அல்ல‌து அல‌ட்சிய‌ப்ப‌டுத்தி விட்டு தூங்குவதைவிட‌ இப்ப‌டி கையைப்பிடித்து எழுப்புவ‌து போல‌ துயில் எழுப்ப‌ப்ப‌டுவ‌து சிற‌ந்த‌து தானே.

மெங்கின் ம‌ற்றொரு ப‌டைப்பு ம‌ல‌ர் போன்ற‌ சூரிய‌ ஒளி செல்போன் சார்ஜ‌ர். மல‌ர்க‌ளினித‌ழ் விரிவ‌து போல‌ இத‌னித‌ழ்க‌ள் விரிந்து சார்ஜாகும்.அழ‌கும் ப‌ய‌ன்பாடும் இணைதிருப்ப‌து தான் மெங் வ‌டிவமைப்பின் சிற‌ப்ப‌ம்ச‌ங்க‌ள்.