Tag Archives: gmail

இமெயிலில் புதைந்த புகைப்படங்களை தேடி எடுக்க!

img4

இமெயிலில் எத்தனையோ புகைப்படங்களை அனுப்பி வைத்திருப்பீர்கள்.எத்தனையோ முறை உங்களுக்கு இமெயில் வழியே புகைப்படங்கள் வந்து சேர்ந்திருக்கும்.எத்தனை புகைப்படங்கள் வந்தன,யாருக்கெல்லாம் அனுப்பினோம் என்பதை கூட மறந்திருப்பீர்கள்!

ஆனால் இமெயில் அனுப்பிய அல்லது அனுப்பிவைக்கப்பட்ட படங்கள் இப்போது தேவை என்றால் என்ன செய்வீர்கள்?

ஜிமெயிலில் பழைய மெயில்களை தேடும் வசதி இருப்பதால் கடந்த கால மெயில்களில் தேடிப்பார்க்கலாம்.இருந்தாலும் ஒவொரு மெயிலாக தேடி அதில் புகைப்படம் இருக்கிறதா என்று பார்த்து அவற்றை சேமித்து வைப்பது என்பது தலை சுற்ற வைத்துவிடும் தான்.

இப்படி இமெயிலில் புதைந்த பழைய புகைப்படங்களை தேடி எடுக்கும் எண்ணமோ தேவையோ ஏற்பட்டால் உதவுவதற்காக என்றே ஒரு இணையசேவை உருவாக்கப்பட்டுள்ளது.

லாஸ்ட்போட்டோஸ் என்னும் பெயரிலான அந்த சேவை இமெயில் தொலைந்த புகைப்படங்களை மீண்டும் தேடி எடுக்க உதவுகிறது.

வின்டோஸ் சார்ந்த செயலியாக உருவாக்கப்பட்டுள்ள இந்த சேவையை லாஸ்ட்போட்டோஸ் தளத்தில் இருந்து டவுண்லோடு செய்து உங்கள் கம்ப்யூட்டரில் நிறுவிக்கொள்ள வேண்டும்.

அதன் பிறகு உங்கள் இமெயில் முகவரியை குறிப்பிட்டு பாஸ்வேர்டையும் குறிப்பிட்டு உள்ளே நுழைய அனுமதித்தால் இந்த சேவை கடந்த கால இமெயில்களில் அனுப்பிய மற்றும் வந்து சேர்ந்த புகைப்படங்களை எல்லாம் தேடி எடுத்து அழகாக தொகுத்து தந்து விடும்.

சில புகைப்படங்கள் அளவில் சின்னதாக,தம்ப்நைலாக மட்டுமே இருக்கும்.அத்தகைய புகைப்படங்களை தேட வேண்டாம் என்று வடிக்கட்டச்சொல்லும் வசதியும் இருக்கிறது.அதே போல குறிப்பிட்ட வடிவிலான புகைப்பட கோப்புகள் தேவை இல்லை என்றோ குறிப்பிட்ட காலத்திற்கு முன் வந்த படங்கள் தேவை இல்லை என்றோ வடிக்கட்டிக்கொள்ளலாம்.

புகைப்படங்கள் தேடி எடுக்கப்பட்டு கொண்டிருக்கும் போதோ அந்த படங்கள் உங்கள் டெஸ்க்டாப்பிலும் காண்பிக்கப்படும்.

அந்த படங்களை அப்படியே கிளிக் செய்து பேஸ்புக் அல்லது டிவிட்டர் போன்ற சேவைகள் வழியே நண்பர்களோடு பகிர்ந்து கொள்ளலாம்.பேஸ்புக்கும் டிவிட்டரும் இப்போது தானே பிரபலமாகி இருக்கின்றன.பேஸ்புக் வருவதற்கு முன் இமெயிலில் தானே பெரும்பாலும் புகைப்படங்களை பகிர்ந்து கொண்டிருப்போம்.அப்படி பகிர்ந்து கொண்டு மறந்து விட்ட படங்களை இப்போது தேடி எடுத்து பேஸ்புக்கில் பகிர்வது அருமையானது தானே.

இந்த புகைப்படங்கள் எல்லாம் உங்கள் டெஸ்க்டாப்பிலும் சேமித்து வைக்கப்படும்.அவற்றை அழகாக கோப்புகளில் பிரித்து வைத்துக்கொள்ளலாம்.

ஜிமெயில் உட்பட பல்வேறு இமெயில் கணக்குகளில் இந்த சேவை செயல்படுகிறது.

இமெயிலில் அனுப்பிய புகைப்படங்களை மீட்டெடுக்க விரும்புகிறவ‌ர்களுக்கு இந்த சேவை பயனுள்ளதாக இருக்கும்.அதே போல புகைப்படங்கள் வாயிலாக கடந்த கால நினைவில் மூழ்க நினைப்பவர்களுக்கும் இந்த சேவை பயனுள்ளதாக இருக்கும்.புகைப்படஙக்ளை மீட்டெடுப்பதோடு அதனை நண்பர்களோடு பகிர்ந்து கொள்ளவும் கைகொடுப்பது இந்த சேவையின் சிறப்பம்சம்.

புகைப்படம் சார்ந்த சேவைகளில் மேலும் ஒரு பயனுள்ள சேவை.

இணையதள முகவரி;http://lostphotosapp.com/

இமெயில் மாற்று சேவை.

கூகுலையும் பெரும்பாலானோர் மாற்றப்போவதில்லை.அதே போல ஜிமெயிலையும் யாரும் மாற்றப்போவதில்லை.இருந்தாலும் ஏதாவது ஒரு காரணத்திற்காக இமெயில் சேவையை மாற்றும் நிலை ஏற்பட்டால் பழைய இமெயிலில் இருந்து புதிய இமெயிலுக்கு எல்லா மெயில்கள் மற்றும் தொடர்புகளையும் மாற்றிக்கொள்வது கொஞ்சம் சோதனையானது தான்.

புதிய மெயிலிலும் பழைய மெயில்கள் தொடர்ந்து இருக்க வேண்டும் என்று நினைத்தால் ஒவ்வொரு இமெயிலாக புதிய மெயிலுக்கு பார்வேர்டு செய்து கொண்டிருக்க வேண்டும்.இல்லை குறைந்த பட்சம் முக்கிய மெயில்களையாவது பார்வேர்டு செய்ய வேண்டும்.

ஆனால் யிப்பி மூவ் சேவை இந்த மாற்றத்தை சுலபமாக்கி தருகிறது.இதில் பழைய இமெயில் முகவரியை குறிப்பிட்டு புதிய இமெயில் சேவையையும் குறிப்பிட்டால் அழகாக அந்த பெயில் இருந்து எல்லாவற்றையும் புதிய மெயிலுக்கு மாற்றித்தந்து விடுகிறது.

இந்த மாற்றத்தை பயன்படுத்தி கொள்வதற்காக இதில் கொடுக்கப்பட்டுள்ள இமெயில் சேவைகளின் பட்டியலை பார்த்தால் இத்தனை இமெயில் சேவைகள் இருக்கிறதா என்ற வியப்பு ஏற்படுகிறது.

புதிய இமெயிலுக்கு குடியேறிபவர்களுக்கு நிச்சயம் பயனுள்ளதாக இருக்கும்.ஆனால் இலவசம் இலை.கட்டண சேவை

இணையதள முகவரி;http://www.yippiemove.com/

சிறுவர்களுக்கான இமெயில் சேவை.

பிறக்கும் போதே குழந்தைகளுக்கு எல்கேஜியில் சீட் வாங்கி விட வேண்டும் என்பதெல்லாம் பழைய ஜோக்.இப்போது இணைய யுகத்தில் பிறக்கும் போதே குழந்தைகளுக்கான டிவிட்டர் முகவரிகளையும் பேஸ்புக் பக்கங்களையும் உருவாக்கி வைக்கும் பழக்கம் பெற்றோர்கள் மத்தியில் ஏற்பட்டிருக்கிறது.

டிவிட்டர் பேஸ்புக் அளவுக்கு ப்துமையாக இல்லாமல் இமெயில் இப்போது கொஞ்சம் அவுட் ஆப் பேஷன் ஆகிவிட்டாலும் பிள்ளைகளுக்காக இமெயில் முகவரிகளை உருவாக்கி வைப்பதும் பெற்றோர்களின் கடமையாக கருதலாம்.

எப்படியும் பிள்ளைகள் வளர்த்துவங்கியதும் இமெயிலை பயன்படுத்தும் தேவை ஏற்படும் என்பதால் முன்கூட்டியே இமெயில் முகவரியை உருவாக்கி வைப்பது நல்ல யோசனை தான்.அவர்களின் பெயருலேயே இமெயில் முகவரி கிடைக்க இப்படி முந்தி கொள்வது அவசியமும் கூட!

சிறுவர்களுக்கான இமெயில் முகவரியின் முக்கியத்துவத்தை பெற்றோர்கள் உணர்ந்து வரும் நிலையில் சிறுவர்களுக்காக என்று பிரத்யேகமான இமெயில் சேவை அறிமுகமாகியுள்ளது.

மெயிலி என்னும் பெயரிலான அந்த சேவையை பார்த்ததுமே சிறார்களுக்கு பிடித்து போகும்.பெற்றோர்களுக்கும் பிடித்து போகும்.

சிறார்களுக்கு ஏன் பிடிக்கும் என்றால்,இந்த சேவை அந்த அளவுக்கு வண்ணமயமானதாக இருக்கிறது.

சிறுவர்களுக்கான இமெயில் அவர்களின் உலகிற்கு ஏற்றதாக இருக்க வேண்டும் அல்லவா?மெயிலி அப்படி தான் இருக்கிறது.

ஜிமெயில் ,பழைய ஹாட்மெயில் போல் எல்லாம் இதில் டைப் செய்து கொண்டிருக்க வேண்டாம்.தூரிகைகளை கொண்டு வரையலாம்.எழுதலாம்.அதற்கு வண்ணமயமான பின்னணியை தேர்வு செய்து கொள்ளலாம்.

ஆம் சிறுவர்கள் இதில் உள்ள தூரிகையை பயன்படுத்தி வண்ணமயமான சித்திரங்களை வரைந்து வண்ண் பென்சிலால் வாசகங்களை எழுதலாம்.அப்பியே இதில் உள்ள காமிரா மூலம் படங்களையும் கிளிக் செய்து சேர்த்து கொள்ளலாம்.அதன் பிறகு அழகான பின்னணியில் இருந்து பொருத்தமானதை தேர்வு செய்து கொள்ளலாம்.

இமெயிலேயே கதை சொல்லலாம்.

சிறுவர்கல் தங்கள் நோட்டு புத்தகத்திலேயே கூட இப்படி சித்திரங்களை வரைந்து மனதில் உள்ள எண்ணங்களை எழுதி பெற்றோரிடம் தருவதை நீங்கள் கவனித்திருக்கலாம்.சிறுவர்களுக்கு பிடித்த இதே முறையில் இமெயில் அனுப்ப வழி செய்கிறது மெயிலி.

சிறுவர்கள் தங்களுக்கான இன்பாக்சையும் பெற்று கொண்டு அதில் அப்பா,அமா,தங்கை,தம்பி போன்றோரை சேர்த்து கொள்ளலாம்.இந்த மெயிலில் இருந்து அப்பாவுக்கும் அமாவுக்கும் தாத்தாவுக்கும் பாட்டிக்கும் மெயில் அனுப்பி மகிழலாம்.

இந்த வண்ணமயமான மெயில் சிறுவர்களையும் பகிழ்ச்சியில் ஆழ்த்தும் அதனை பெறும் தாத்தா பாட்டிகளையும் மகிழ்ச்சியில் ஆழ்த்தும்.

இந்த மெயிலை பெற்றோர்கள் உருவாக்கி கொடுத்து தங்கள் மேற்பார்வையிலேயே வைத்திருக்கலாம்.அதாவது குழந்தைகள் யாருக்கு மெயில் அனுப்புகின்றனர் என்பதையும் என்ன செய்தியை அனுப்புகின்றனர் என்பதையும் கண்காணித்து கொண்டே இருக்கலாம்.எனவே இந்த மெயில் மிகவும் பாதுகாப்பானது.

சிறுவர்களுக்காக இமெயிலை மறு உருவாக்கம் செய்திருக்கிறோம் என பெருமை பட்டு கொள்ளும் மெயிலி சேவை அருமையானது என்பதில் சந்தேகமில்லை.

ஆனால் இந்த சேவையில் உள்ள ஒரே குறை இது டேப்லெட் என்று சொல்லப்படும் பலகை கணணிகளுக்காக உருவாக்கப்பட்டுள்ளது தான்.டேப்லெட்டில் பார்க்கும் போது இதன் அம்சங்களும் வண்ணமயமான வசதிகளும் கண்ணை கவரும் என்றாலும் சாதாரண கம்ப்யூட்டரிலும் அணுக முடிந்தால் இன்னும் சிறப்பாக இருக்கும் என தோன்றலாம்.

இப்படி கவலைப்படுபவர்கள் எற்கனவே உள்ள சிறுவர்களுக்கான இமெயில் சேவைகளை பயன்படுத்தி பார்க்கலாம்.

கிட்ஸ்மெயில்,கிட்ஸ்சேப்மெயில்,சேப்2ரீட் ,கிட்மெயில் போன்ற இமெயில் சேவைகளை முயன்று பார்க்கலாம்.

இணையதள முகவரி;http://www.maily.com/