Tag Archives: lunch

புதுமையான இணையதளம் மன்ச்மீல்ஸ்

உணவு சார்ந்த சமூக வலைப்பின்னல் தளங்கள் வரிசையில் மேலும் ஒன்றாக மன்ச் மீல்ஸ் சேர்ந்திருக்கிறது.

உணவு மூலம் நட்பு வளர்ப்பது,நண்பர்களோடு சேர்ந்து உணவு சாப்பிட ஏற்பாடு செய்து கொள்வது ஆகிய இரண்டையும் சாத்தியமாக்கும் இந்த வகை தளங்களில் புதியதாக மேலும் ஒன்று தேவையா என்று தோன்றலாம்.வெட்னஸ்டே,கிரப்வித் அஸ் போன்ற தளங்கள் எல்லாம் மதிய உணவை சேர்ந்டு சாப்பிடுவதற்கான ஏற்பாட்டை இணையம் மூலம் செய்து கொள்வதன் வாயிலாக புதிய தொடர்புகளை ஏற்படுத்திகொள்ள உதவுகின்றன.அப்படியிருக்க இதே போன்ற இன்னொரு இணையதளம் என்ன பெரிதாக செய்துவிடப்போகிறது என்ர அலுப்பு இயல்பானதே என்றாலும் மன்ச் மீல்ஸ் இரண்டும் விஷயங்களில் கவனத்தை ஈர்க்கிறது.

முதலில் இது (சு)தேசி இணையதளம்.அதாவது இந்தியாவையும் இந்தியர்களையும் மையமாக கொண்ட தளம்.எனவே சென்னையிலும் ,பெங்களுரிலும் நண்பர்களோடு விருந்து சாப்பிட இதனை பயன்படுத்தலாம்.

இரண்டாவதாக இந்த தளம் உணவு சார்ந்த வலைப்பின்னலை ஏற்படுத்தி தருவதில் புதுவிதமான வழியை முன் வைக்கிறது.

ஒரு உயர்தரமான ரெஸ்டாரண்ட் அதில் விருந்துக்கான திட்டம் ,குறிப்பிட்ட எண்ணிக்கையிலான விருந்தினர்களுக்கு அழைப்பு என செய்லப்டும் இந்த இணையதளம் அதனை ஏற்போர் சேர்ந்து சாப்பிட வழி செய்வதன் மூலம் உணவு சந்திப்புகளை சமூகமயமாக்குகிறது.

இந்த தளத்தை பயன்படுத்த புதியவர்களோடு சாப்பிட தயராக இருந்தால் போதும்.இணையம் மூலம் ஏற்பாடு செய்வதன் நோக்கமே புதிய தொடர்புகளுக்கு தானே.ஆனால் மற்ற உணவு தளங்கள் சாப்பாடு மூலம் ஒரே துறையில் உள்ளவர்களை சந்திக்க வைத்து தொழில்ரீதியிலான தொடர்புகளை சாத்தியமாக்குவதில் கவனம் செலுத்துகின்றன என்றால் இந்த தளம் நட்பையே பிரதானமாக கொண்டிருக்கிறது.

சுவையான சாப்பாடும் தேவை,அதனை பேசியபடி சுவைத்து சாப்பிட்டு மகிழ புதிய நண்பர்களும் தேவை என நினைத்தால் இதில் பட்டியலிடப்பட்டுள்ள உணவு சந்திப்ப் அழைப்புகளை பார்த்து அதில் எது பிடித்திருக்கிறதோ அதனை தேர்வு செய்து கொள்ளலாம்.

உதாரணத்திற்கு மீன் உணவு பிரியர்களுக்கான விருந்து என்னும் அழைப்போடு பெங்களூர் ஓட்டலில் சாப்பிட அழைப்பு இருக்கிறது.அதற்கான் கட்டணம்,எத்தனை பேர் தேவை என்ற விவரத்தோடு விருந்தின் தன்மை,மற்றும் அதன் பங்கேற்பாளர்களின் தன்மை போன்றவை குறிப்பிடப்பட்டுள்ளன.

இந்த விவரங்களை பார்த்து நமக்கேற்ற நண்பர்கள் கிடைப்பார்களா என்று தீர்மானித்து கொள்ளலாம்.விருந்துக்கு சம்மதித்துள்ளவர்களின் விவரங்களையும் பார்க்கலாம்.

ஓகே என்றால் பதிவு செய்து விட்டு கட்டணம் செலுத்தி விட்டு குறிப்பிட்ட நாளில் சென்று விருந்தையும் சுவைக்கலாம்.புதிய நண்பர்களையும் சந்திக்கலாம்.

அறிமுகம் இல்லாதவர்களோடு சேர்ந்து சாப்பிடுவது தான் இந்த உணவு வலைப்பின்னலின் விஷேசம் என்றாலும் சிலருக்கு இதில் தயக்கம் இருக்கலாம்.அவர்கள் அறிமுகம் இல்லாதவர்களுக்கு பதிலாக தங்களது குடும்பத்தினர் மற்றும் தெரிந்த்வர்களோடு இந்த தளத்தின் வாயிலாக விருந்துக்கு ஏற்பாடு செய்து கொள்ளலாம்.

இதே போல பிரபலங்களோடு நட்சத்திர விருந்து சாப்பிடும் வாய்ப்பும் உள்ளது.நன்கொடை வழங்குவதற்கான சாரிட்டி லஞ்சும் இருக்கிறது.

இந்த தளம் பிரித்திருந்தால் நண்பர்களுக்கு பரிந்துரைக்கலாம்.அப்படி பரிந்துரைத்தால் சலுகையும் தருகின்றனர்.

புதியவர்களை சந்திப்பதை சுவாரஸ்யமாக ஆக்கும் தனமையை இந்த தளம் கோன்டிருப்பதாக அதன் நிறுவனர்கள் கருதுகின்றனர்.சேர்ந்து சாப்பிடும் போது கடைபிடிப்பதற்கான விரிவான நெறிமூறைகளையும் கொடுத்துள்ளனர்.

இணையதள முகவரி;http://www.munchwithus.com

lunchmix

உணவுக்கும் உறவுக்கும் ஒரு பேஸ்புக்.

உணவும்,உறவும் சார்ந்த தளங்களில் அதாவது மதிய உணவு சந்திப்புகள் மூலம் புதிய நட்பையும் நண்பர்களையும் தேடிக்கொள்ள உதவும் தளங்களில் லஞ்ச் மிக்ஸ் புதிய வரவு.ஆனால் இந்த பிரிவில் இன்னொரு இணையதளம் வெறென்ன என்ற அலுப்பை மீறி தன்னை வித்தியாசப்படுத்தி கொள்ளும் வலுவான தளமாகவே இருக்கிறது.

மதிய உணவுக்கான துறை சார்ந்த புதிய நண்பர்களை பரிந்துரைத்து அவர்களோடு சாப்பாட்டு மேஜையை பகிர்ந்து கொண்டு புதிய பந்தத்தையும் ஏற்படுத்தி தரும் தளங்களில் இருந்து இந்த தளம் மாறுபட்டே இருக்கிறது. இதனை மதிய உணவுக்கான சமூக வலைப்பின்னல் தளம் என்றும் சொல்லலாம்.

அதைவிட உணவுக்கும் உறவுக்குமான பேஸ்புக் என்றால் இன்னும் கொஞ்சம் சுவாரஸ்யமாகவும் இருக்கும்,இந்த தளத்தின் தன்மையையும் நெத்தியடியாக புரிய வைக்கும்.

பேஸ்புக்கிலும்,அதனை பின்பற்றி துவக்கப்பட்டுள்ள ஏராளமான வலைப்பின்னல் இணையதளங்களிலும் இருப்பது போல இதிலும் உறுப்பினர்கள் தங்களுக்கான பக்கத்தை உருவாக்கி கொள்ளலாம்.அந்த பக்கத்தில் அவரவர் தங்கள் விருப்பத்திற்கேற்ப தங்களை வெளிப்படுத்து கொள்ளலாம்.

பெயர் விருப்பு வெறுப்புகள் போன்ற விவரங்களை பகிர்ந்து கொள்வதோடு ,மகிழ்ச்சியில் ஆழ்த்தும் விஷயங்கள்,வேலையில் பிடித்தவை ,இருப்பிடம்,வாழ்க்கை முறை உள்ளிட்ட விவரங்களையும் வெளியிட்டு வருங்கால நண்பர்களின் கவனத்தை ஈர்க்கலாம்.முக்கியமாக உணவு சந்திப்புகள் குறித்த உங்கள் எதிர்பார்ப்பையும் வெளிப்படுத்தலாம்.

கலகலப்பாக பேசிக்கொண்டே சாப்பிட பிடிக்குமா?அல்லது ரசித்து ருசித்து சாப்பிட்டபடி அளவாக பேச விருப்பமா என உணவு சந்திப்புகள் எப்படி இருக்க வேண்டும் என்பதை குறிப்பிட்டு விடலாம்.

உறுப்பினர் பக்கத்தை தயார் செய்தவுடன்,தேடுதல் வேட்டையில் இறங்கலாம்.சக உறுப்பினர் பக்கங்களில் உலா வந்து யாருடன் சேர்ந்து சாபிடலாம் என தீர்ர்மானித்து அவர்களுக்கு அழைப்பு அனுப்பி வைத்து காத்திருக்கலாம்.இது இரு வழி பாதை என்பதால் மற்றவர்களும் நமது உறுப்பினர் பக்கத்தை பார்த்து நம்மை மதிய விருந்துக்கு அழைக்கும் வாய்ப்பு உள்ளது.

வேறு எந்த எதிர்பார்ப்பும் இல்லாமல் புதிய நண்பர்களை சந்திப்பதற்காக ,தொழில் முறையில் உதவக்கூடிய நண்பர்களை பெறவோ இதனை பயன்படுத்தி கொள்ளலாம்.கொஞ்சம் காவியமயமாகி காதலிக்க கூடிய நண்பர்களை பெறவும் இந்த உணவு சந்திப்புகளை நாடலாம்.

புதிய நண்பர்களை பெற சரியான வாய்ப்பு கிடைக்கவில்லை என்றோ புதியவர்களை சந்தித்து பேச நேரம் ஒதுக்க முடியவைல்லை என்றோ புலம்பிக்கொண்டிருக்க தேவையில்லை.அதற்காக என்று தான் அந்த அற்புதமான நேரம் இருக்கிறதே என்று தினமும் கிடைக்கும் ஒரு மணிநேர மதிய உணவு நேரத்தை சுட்டிக்காட்டி அநேரத்தில் சேர்ந்து பேசி உண்டு மகிழ்ந்து உறவையும் வளர்த்து கொள்ள உற்சாகம் தருகிறது இந்த தளம்.

ஒரு முழுமையான வலைப்பின்னல் தளத்தில் பார்க்க கூடியது போலவே சக உறுப்பினர்களுக்கு தகவல் அனுப்பும் வசதி, போன்ரவையும் இருக்கின்றன.

உணவும் பிட்க்கும் உறவும் பிடிக்கும் இரண்டும் இணைந்தால் இன்னும் சிறப்பாக இருக்கும் என்று நினைப்பவர்களுக்கு பொருத்தமான வலைப்பின்னல் தளம் இது.

இணையதள முகவரி;http://www.lunchmix.com/

————-
உணவும் உறவும் சார்ந்த சுவாரஸ்யமான இணையதளங்கள் பற்றி ஏற்கனவே ஒரு சில பதிவுகள் எழுதியுள்ளேன்.அவற்றையும் படித்து பாருங்களேன்!
———
http://cybersimman.wordpress.com/2011/06/06/lunc/

———-
http://cybersimman.wordpress.com/2011/07/29/lunch-3/

twitrun

ஓடுவதற்கு மனம் இருந்தால்;உதவுவதற்கு டிவிட்டர் உண்டு.

பெயர் சொன்னாலே பொருள் விளங்கும் என்பது போல ‘டிவிட்ரன்’ இணையதளத்தின் பெயரை கேட்டவுடனே அது ஓட்டமும் டிவிட்டரும் இணைந்த தளம் என்பதை புரிந்து கொண்டுவிடலாம்.

அதாவது ஓடுவதற்கான நண்பர்களை தேடிக்கொள்ள உதவுகிறது இந்த தளம்.

ஓடுவது நல்ல உடற்பயிற்சி என்பது உங்களுக்கு தெரிந்திருக்கலாம்.ஓடுவது உடலுக்கும் சரி உள்ளத்திற்கும் சரி உற்சாகம் தரக்கூடியது.தினமும் ஓடலாம்,வாய்ப்பு கிடைக்கும் போது ஒடலாம்.ஆனால் பிரச்ச்னை என்றால் தனியே ஒடும் போது அதற்கான ஊக்கமோ உற்சாகமோ இல்லாமல் போகலாம்.அதைவிட நண்பர்களோடு சேர்ந்து ஓடினால் உற்சாகமாக‌ இருக்கும்.

ஆனால் ஓடுவதற்கான நண்பர்களை திரட்டுவது எப்படி?ஓட வாருங்கள் என அழைத்தால் நண்பர்கள் நம்மை கண்டாலே ஓடத்துவங்கலாம்.ஓட்டத்தின் அருமையை புரிந்தவர்கள் என்றால் பிரச்சனை இல்லை.அதாவது ஒத்த க‌ருத்துள்ள‌வர்கள் சந்தித்து பேசிக்கொள்வது போல ஓட்டம் தொடர்பாக ஒத்து போகிற‌வர்கள் இணைந்து ஓடலாம்.

ஆனால் இத்தகைய நண்பர்களை தேடுவது எப்படி?

இப்படி சேர்ந்து ஓடுவதற்கான நண்பர்களை தேடித்தருவது தான் டிவிட்ரன் தளத்தின் நோக்கம்.அப்படியே ஓடுவத‌ன் மூலம் புதிய நண்பர்களை தேடிக்கொள்ளவும் உதவுகிற‌து.

அதாவது இந்த தளம் ஓட்டத்தில் ஆர்வம் கொண்டவர்களின் சங்கமாமாக‌ விளங்குகிற‌து.டிவிட்டரோட்டத்தை உருவாக்கி கொள்ளவதன் மூலம் இதனை சாத்தியமாக்குகிற‌து.

டிவிட்டரோட்டம் என்றால் சேர்ந்தோடுவது.ஓடுவதற்கான நண்பர்கள் தேவை என நினைப்பவ‌ர்கள் இந்த தளத்தில் டிவிட்டரோட்டம் நடைபெற உள்ள நாள் மற்றும் இடம் ஆகியவற்றை குறிப்பிட்டு தங்களுக்கான டிவிட்டரோட்டத்தை உருவாக்கி கொள்ள வேண்டும்.ஓட்டத்தின் தூரமும் இதில் குறிப்பிடப்பட்டிருக்கும்.

இந்த டிவிட்டரோட்டம் பற்றிய தகவல் அவர்களின் டிவிட்டர் பின் தொடர்பாள‌ர்கள் மற்றும் தளத்தின் உறுப்பினர்களூக்கு தெரிவிக்கப்படும்.ஆர்வம் உள்ளவர்கள் இதில் இணைய சம்மதம் தெரிவிக்கலாம்.நானும் இனைய விரும்புகிறேன் என்னும் இணைப்பில் கிளிக் செய்து சம்மதம் தெரிவிக்கலாம்.

அதன் பிறகு ஒப்புக்கொள்ளப்பட்ட நாளில் சந்தித்து கொண்டு ஒன்றாக் ஓடி மகிழலாம்.

உறுப்பினர்கள் உருவாக்கும் டிவிட்டரோட்டங்களும் முகப்பு பக்கத்திலேயே பட்டியலிடப்பட்டிருக்கும்.அதை பார்த்து ஒருவரது பேட்டையில் திட்டமிடப்பட்டுள்ள ஓட்டத்தை தெரிந்து கொண்டு ஓட்டத்தில் ஐக்கியம் ஆகலாம்.

ஒருவர் தனது டிவிட்டர் கணக்கு மூலமே ஓட வாரீங்களா என்று கேட்கலாம் என்றாலும் இந்த தளத்தின் பரந்து விரிந்த தன்மை ஏற்படுத்தி தரும் பலன் குறிப்பிடத்தக்கது.

உலக‌லாவிய தளமாக இது செய‌ல்படுகிற‌து.

இதே போலவே டிவிட்டர் மூலம் திரண்டு ஒன்றாக மதிய உணவு சாப்பிட உதவும் ‘டுவஞ்ச்’ என்ற தளமும் இருக்கிறது.

டுவஞ்ச் என்றால் டிவிட்டர் மூலம் லஞ்சுக்கு சந்திப்பதாகும்.எந்தவித திட்டமிடலும் இல்லாமல் டிவிட்டர் மூலம் ஏதாவது ஒரு ரெஸ்டாரன்டில் சந்தித்து மதிய உணவு சாப்பிட்டு மகிழ்வது தான் ‘டுவெஞ்ச்’ .டிவிட்டர் ஸ்டைலில் மதிய உனவு இது என்கிற‌து இந்த தளம்.

உறுப்பினர்கள் நாளையும் ரெஸ்டாரன்டையும் குறிப்பிட்டு டுவெஞ்சை ஏற்பாடு செய்து மற்றவர்களுக்கு அழைப்பு விடுக்கலாம்.ஏற்பவர்கள் ஒன்றாக சாப்பிடலாம்.சாப்பிடும் போதே கருத்து பரிமாற்றத்தின் மூலம் நட்பு வளர்க்கலாம்,புதிய நட்பு பெறலாம்.

மேலும் டிவிட்டர் வழி சந்திப்பு என்பதே ஒரு சுவார‌ஸ்யம் தானே.

இப்படி டிவிட்டர் வழியே மதிய உண‌வுக்காக கூடுவது என்ப‌தும் பிரபலமாகவே இருக்கிற‌து.அதை அழகாக ஒருங்கிணைக்கிறது இந்த தளம்.இன்னொரு கூடுதல் தகவல் இந்த தள‌மே தங்களுக்கு ஊக்கம் தந்தது என்கிற‌து டிவிட்ரன் தளம்.

இணையதள முகவரி;http://twitrun.com/

http://twunch.be/

உணவோடு உறவு வளர்க்கும் இணையதளம்.

ஒரே கல்லில் இரண்டு மாங்காய் அடிப்பது போல மதிய உணவை நண்பர்களுடன் சேர்ந்து சாப்பிட்டது போலவும் இருக்க வேண்டும்,அதே நேரத்தில் புதிய வர்த்தக தொடர்பு அல்லது தொழில் முறை உறவை ஏற்படுத்தி கொண்டது போலவும் இருக்க வேண்டும் என்று நினைப்பவர்களுக்கு அதற்கான வாய்ப்பை உண்டாக்கி தரும் இணையதளங்களின் வரிசையில் லஞ்ச் மீட் சேவையையும் சேர்த்து கொள்ளலாம்.

மதிய உணவை மையமாக வைத்து கொண்டு நட்பு பாலம் அமைத்து கொள்ள வழி செய்யும் இந்த தளம் இனி ஒரு முறை தனிமையில் மதிய உணவு சாப்பிடாதீர்கள்,எங்கேயும் எப்போது நண்பர்களோடு சேர்ந்தே சாப்பிடுங்கள் என்கிற‌து.

தனிமையில் சாப்பிடாமல் இருப்பதற்கான சேவை என்பதே இதன் நோக்கம்.அதை தான் கோஷமாகவும் முன்வைக்கிற‌து.

மருத்துவ பிரதிநிதிகள்,ஐடி ஊழியர்கள்,ஆலோசகர்கள்,தொழில்முனைவோர் போன்றவர்களுக்கு இந்த வாசக‌த்தின் அருமை சொல்லமலே புரிந்து விடும்.காரணம் மதிய உணவு நேரம் என்பது பசியாறுவதற்கு மட்டும் அல்ல;சாப்பாட்டை சுவைத்தபடியே யாருடனாவது பேசி கருத்துக்களை பாரிமாறி புதிய வாய்ப்புகளை தேடிக்கொள்வதற்கானதும் தான்.

சாப்பிட்டு கொண்டே உரையாடலில் ஈடுபடுவதைவிட சுவாரஸ்யமானது வேறு என்ன இருந்து விட முடியும். உடன் சாப்பிடும் புதிய நண்பர்களை பற்றி தெரிந்து கொள்ளலாம் .அப்படியே ந‌ம்மை பற்றி இன்னும் சரியாக அறிமுகம் செய்து கொள்ளலாம்.இந்த கருத்து பரிமாற்றம் தொழில்முறையான புதிய வாயில்களை திறந்து விடக்கூடியது.

அதனால் தான் திறமைசாலிகள் வாய்ப்பு கிடைக்கும் போதெல்லாம் சாப்பிட்டு கொண்டே பேசலாமா என்று மதிய உணவு நேரமாக பார்த்து ஓட்டலுக்கு அழைத்து சென்றுவிடுகிறார்கள்.

சிலருக்கு மட்டுமே கைவந்த கலையான இந்த மதிய உணவு சந்திப்பை எல்லோருக்கும் எற்படுத்தி தருகிறது லஞ்ச் மீட் சேவை.

தொழில்முறை நப‌ர்களுக்கான வலைப்பின்னல் சேவை தளமான லிங்க்ட் இன் தளத்தை அடிப்படையாக கொண்டு இது செய்லப‌டுகிற‌து. லிங்க்ட் இன் உறுப்பினர்கள் இந்த தளத்தின் மூலம் தாங்கள் மதிய உணவு திட்டம் பற்றி தெரிவித்தால் அதனடிப்படையில் உங்கள் வலைப்பின்னலில் இருப்பவர்கள் யாரேனும் அருகாமையில் உள்ளனரா என்று தேடிப்பார்த்து சொல்லி விடுகிற‌து.

உடனே அந்த நப்ரை தொடர்பு கொண்டு உணவு சாப்பிட சம்மதாமா என்று அழைப்பு விடுக்கலாம்.நேரம் மற்றும் இடத்தையும் விவாதித்து முடிவு செய்து கொள்ளலாம்.இருவருக்கும் உடன்பாடு என்றால் சேர்ந்து சாப்பிட்டு மகிழலாம்.

தொழில்முறையிலான வலைப்பின்னலில் இருப்பவர்கள் என்பதால் பேசுவதற்கும் பொதுவான விஷயங்கள் இருக்கும்.எனவே சுலபமாக உரையாடலை துவக்கி சரளமாக தொடரலாம்.

அவரவர் தேவை மர்றும் எதிர்பார்ப்பிற்கு ஏற்ப இந்த சந்திப்பை பயன்படுத்தி கொள்ளலாம்.வேலையில் இருப்பவர் என்றால் வேறு நல்ல வேலைக்கான வாய்ப்பு பற்றி அறிந்து கொள்ளலாம்.வேலைக்கு ஆள் பிடிப்பவர் என்றால் தகுதியான நபர்களுக்கு வலைவீசி பார்க்கலாம்.தொழில் மூனைவோர் என்றால் புதிய வார்த்தக வாய்ப்பை நாடலாம்.ஆலோசகர்கள் என்றால் தங்கள் நிபுணத்துவத்தை வெளிப்படுத்தி பயன் பெறலாம்.

இன்னும் எத்தனையோ விதங்களில் இந்த சந்திப்புகளை பயன்ப்டுத்தி கொள்ள முடியும்.உங்கள் நண்பர்களும் இந்த சேவையை பயன்படுத்தும் பட்சத்தில் அவர்களிடம் இருந்தும் கூட உங்களுக்கு மதிய உணவுக்கான அழைப்பு வரலாம்.

நட்புகு நட்பும் வலரும்.புதிய வாய்ப்புகளும் உருவாகும்.அது தான் இந்த சேவையின் சிறப்பு.

மதிய உண‌வின் இந்த மகத்துவத்தை எல்லாம் விளக்கி கீத் பெராசி என்பவர் நெவர் ஈட் அலோன் என்னும் புத்தகத்தை எழுதியுள்ளார்.இந்த புத்தகம் தந்த உந்துலால் தான் ல‌ஞ்ச் மீட தளத்தை உருவாக்கியதாக அதன் நிறுவனர் குறிப்பிட்டுள்ளார்.

இணையதள முகவரி;http://lunchmeetapp.com/

சாப்பிடலாம்;சந்திக்கலாம்;அழைக்கும் இணையதளம்.

சாப்பட்டையும் சமூக வலைப்பின்னலையும் இணைக்கும் வகையில் மேலும் ஒரு சேவை உதயமாகியுள்ளது.

அதாவது சேர்ந்து சாப்பிட நண்பர்களுக்கு அழைப்பு விடுப்ப‌தற்கான இணையதளம்.

சாப்பிடுவதற்கு  நண்பர்களை அழைக்க வேண்டும் என்றால் செல்போன்  இருக்கிறதே என்றெல்லாம் அசட்டுத்தனமாக கேட்டால் நீங்கள் இன்னும் பேஸ்புக் யுகத்திற்கு வந்து சேரவில்லை என்று பொருள்.

போனில் கை வைக்காமால் ,இமெயில் உதவியை நாடாமல் பேஸ்புக் போன்ற சமுக வலைப்பின்னல் சேவை ஏற்படுத்தி தரும் வசதியை பயன்படுத்தி மதிய உணவுக்காக‌ நண்பர்களை அணி சேர்ப்பது தான் இப்போதைய பேஷன்.அது மட்டும் அல்ல நண்பர்கள் என்னும் போது ஏற்கனவே உள்ள நெருக்கமான வட்டத்தை சேர்ந்த நண்பர்கள் அல்ல.புதிய நண்பர்கள்.

பேஸ்புக்கில் வலைவீசினால் புதிய நண்பர்கள் கிடைக்கின்றனர் அல்லவா?அதே போல சேர்ந்து சாப்பிடுவதன் மூலமே அறிமுகமாகி நட்பை வளர்த்து கொள்ளும் நண்பர்கள்.

தொழில்முறையில் பலரை சந்தித்து பேச வேண்டியவர்களுக்கு இதன் அருமை புரியும்.தொழில் முறையில் புதிய வாய்ப்புகள் தேவைப்படும் போது புதியவர்களை சந்திக்க வேண்டியிருக்கும்.இத்தகைய நண்பர்களை அடைய சிறந்த வழி அப்படியே சாப்பிட்டு கொண்டே பேசலாமா என் கேட்டு ரெஸ்டாரண்டுக்கு போவது தான்.

சேர்ந்து சாப்பிட்டது போலவும் இருக்கும்.அப்படியே பேச்சு வாக்கில் பரஸ்பரம் கருத்துக்களை பரிமாறிக்கொண்டு நட்பையும் ஏற்படுத்தி கொள்ளலாம்.இந்த நட்பு தொழில் ரீதியாக உதவும்.

ஆனால் திடிரென சாப்பிட‌ வாருங்கள் என‌ அழைப்பது எப்படி?

இந்த இடத்தில் தான் சாப்பிடுவதையும் சமுக தொடர்புகளையும் இணைக்கும் சேவைகள் வருகின்றன.

இந்த பிரிவில் புதிய வரவான பைட் டூ மீட் இணையதளம் மிக சுலபமாக சாப்பிடுவதற்கான நண்பர்களை தேடிக்கொள்ள உதவுகிறது.

இந்த தளத்தில் உறுப்பினராக சேர்ந்ததுமே உங்கள் பேஸ்புக் அல்லது டிவிட்டர் தொடர்புகளை நீங்கள் எங்கே எப்போது சாப்பிட விரும்பிகிறீகள் என்று குறிப்பிடலாம்.அதே நேரத்தில் உங்கள் தொடர்புகளில் யாரெல்லாம் எந்த இடத்தில் உள்ளனர் என்பதை இந்த தளம் வரைபடத்தில் காட்டும்.(அதாவது அவர்களும் இதில் உறுப்பினராக இருந்தால்).நீங்கள் தேர்வு செய்த இடத்தில் யார் இருக்கின்றனறோ அவர்களை தொடர்பு கொண்டு சாப்பிட அழைக்கலாம்.

அதே போல நீங்களும் கூட இந்த வகையில் யாராலாவது சாப்பிட அழைக்கப்படலாம்.எல்லாமே இருப்பிடம் சார்ந்தது என்பதால் மிகவும் உடனே சந்தித்து சாப்பிட ,சாப்பிட்டபடி பேச வசதியாக இருக்கும்

டேட்டிங் போல ஒருவரை மட்டும் சாப்பிட அழைக்கலாம்.அல்லது ஒன்றுக்கு மேற்ப்பட்டவரையும் அழைக்கலாம்.

ஆனால் சாப்பாட்டுக்கான பில் யார் பொறுப்பு என்பதை எல்லாம் முன்கூட்டியே முடிவு செய்து கொள்வது நல்லது.

எதை பற்றி பேசுவது என்பதை தீர்மானிக்க அல்லது யாரை சாப்பிட் அழைத்தல் நமக்கேற்றவராக இருப்பார் என்பதை முடிவு செய்ய ஒவ்வொருவரும் குறிச்சொற்கள் மூலம் தங்கள் விருப்பங்களை அடையாளப்படுத்தி கொள்ளும் வசதி அறிமுகம் செய்யப்பட உள்ளதாம்.

அதே போல் ரெஸ்டாரண்டுகளுடன் கூட்டணி வைத்து கொண்டு உறுப்பினர்களுக்கு சலுகை மற்றும் தள்ளுபடி பெற்றுத்தரும் திட்டமும் உள்ளதாம்.ஆனால் ஒன்று சாப்பிட செல்லும் இடம் பாதுகாப்பானது தானா என்றெல்லாம் யோசித்து கொள்ள வேண்டும்.

இணையதள முகவரி;http://bitetomeet.com/accounts/sign_in