Tag Archives: people

இந்த தளம் இணைய இசை அகராதி

muஇணையத்தில் இசை தொடர்பான இணையதளங்களும், சேவைகளும் அநேகம் உள்ளன. அதே போல புரியாத சொற்களுக்கு அர்த்தம் தெரிந்து கொள்ள உதவும் இணைய அகராரிதிகளும் நிறையவே இருக்கின்றன. இந்த இரண்டு அம்சங்களையும் ஒன்றாக இணைந்ததாக ஆன்மியூசிக் டிக்‌ஷனரி தளம் அமைந்துள்ளது. அதாவது இசைக்கான இணைய அகராதியாக இது உருவாக்கப்பட்டுள்ளது.

வழக்கமான இணைய அகராதிகள் போலவே இதிலும் சொற்களுக்கான பொருளை தேடலாம். ஆனால், இசை தொடர்பான சொற்களை மட்டுமே இதில் தேட முடியும். இசையில் ஆர்வம் கொண்டவர்கள் அல்லது புதிதாக இசை பயில்பவர்களுக்கு இந்த அகராதி பயனுள்ளதாக இருக்கும்.

ஏதேனும் ஒரு இசைச்சொல் தொடர்பான விளக்கம் தேவை எனில் இதில் தேடிக்கொள்ளலாம். தேடப்படும் சொல்லுக்கான விரிவான விளக்கத்துடன் அதற்கான இசைக்குறிப்பும் இடம்பெறுகிறது. பல சொற்களுடன் அதற்கான ஒலிக்குறிப்பை கேட்கும் வசதி இருக்கிறது. உதாரணமாக இசைக்கருவி தொடர்பான தேடலில், அந்த கருவியின் ஒலி நயத்தையும் அறியலாம்.

இசைக்கருவிகள், இசை அமைப்பாளர்கள் சார்ந்தும் தேடும் வசதி உள்ளது. அகர வரிசையிலும் தேடலாம். இவைத்தவிர முகப்பு பக்கத்திலேயே தினம் ஒரு இசைச்சொல் விளக்கப்படுகிறது.

இணைய முகவரி: https://dictionary.onmusic.org/

 

செயலி புதிது: தயக்கத்தை வெல்ல ஒரு செயலி

ஸ்டெப்ஸ் எனும் பெயரில் ஐபோனுக்கான புதுமையான செயலி ஒன்று அறிமுகமாகி உள்ளது. இந்த செயலி சமுக தயக்கங்களை உடைத்தெறிய உதவுகிறது.

அறிமுகம் இல்லாதவர்களுடன் பேச தயங்குவது, புதிய இடங்களுக்கு செல்வது, நிராகரிப்புகளை எதிர்கொள்ள அஞ்சுவது என ஒவ்வொருவருக்கும் ஒரு விதமான சமூக சங்கடம் அல்லது தயக்கம் இருக்கலாம். கூட்டுக்குள் அடைந்து கிடக்காமல் தைரியமாக இத்தகைய சூழலை எதிர்கொள்வதே இந்த தயக்கங்களை வெல்ல ஏற்ற வழி என சொல்லப்படுகிறது. இது வெளிப்படுத்திக்கொள்ளும் சிகிச்சை என அழைக்கப்படுகிறது.

ஒருவர் அஞ்சும் சூழல் தொடர்பான சிறிய செயல்களை மேற்கொள்வதன் மூலம் அந்த சூழலுக்கு பழகிக்கொள்ள தயார் செய்யும் வகையில் இந்த சிகிச்சை செயல்படுகிறது. ஆனால் இந்த சிகிச்சை முறையை சுவாரஸ்யமான வழியில் மேற்கொள்ள உதவும் வகையில் ஸ்டெப்ஸ் செயலி உருவாக்கப்பட்டுள்ளது.’

இந்த செயலி சமுக தயக்கங்களை வெல்ல வழி செய்யும் சிறிய செயல்களை பல்வேறு தலைப்புகளில் பரிந்துரைக்கிறது. அவற்றில் இருந்து விரும்பியதை தேர்வு செய்தால் அது தொடர்பாக நினைவூட்டி ஊக்கம் அளிக்கிறது. பின்னர் அந்த செயலில் ஈடுபட்டு அந்த அனுபவத்தையும் பகிர்ந்து கொள்ளலாம். நண்பர்களையும் இந்த செயலில் ஈடுபட அழைக்கலாம்.

மேலும் தகவல்களுக்கு: https://www.stepsapp.xyz/

 

 

 

 

பொன்மொழிகளுக்கான இரண்டு இணையதளங்கள்

qபொன்மொழிகளுக்கான இணையதளங்களில் தாட்ஜாய் ( http://thoughtjoy.com/) மற்றும் கோட்ஸ்4ஆல் (http://quotes4all.net/ ) இடையே போட்டியே வைக்கலாம் , இந்த இரண்டு இணையதளங்களில் எது மிக எளிமையாக இருக்கிறது என்று ? அந்த அளவுக்கு இரண்டு தளங்களும் நேர்த்தியான எளிமையோடு அமைந்துள்ளன.

தாட்ஜாய் , பொன்மொழி தேடியந்திரமாக வரவேற்கிறது. முகப்பு பக்கம் அத்தனை எளிமை. நடுநாயகமாக ஒரு தேடல் கட்டம். அதில் பொன்மொழிகளை தேடலாம். அதன் கீழே பொன்மொழிகளை ,மூன்று விதமான தலைப்புகளில் பட்டியலாக பார்க்கலாம். அருகிலேயே டிவிட்டர் அல்லது பேஸ்புக் மூலம் தினம் ஒரு பொன்மொழி பெறும் வசதி இருக்கிறது. அவ்வளவு தான் இந்த பொன்மொழி தளம். ஆனால் இஷ்டம் போல பொன்மொழிகளை தேடிக்கொண்டே இருக்கலாம். குறிப்பிட்ட பொன்மொழி தேவை என்றால் தேடல் கட்டத்தை பயன்படுத்தலாம் .அல்லது, பொன்மொழி வகைகள் அல்லது பொன்மொழி சொன்னவர்கள் பட்டியலை கிளிக் செய்து வரிசையாக பொன்மொழிகளை பார்த்துக்கொண்டே இருக்கலாம். பொன்மொழி வகைகள் ஆங்கில அகர வரிசைப்படி அமைந்துள்ளன. ஒவ்வொரு தலைப்பாக பார்த்தால் நேரம் போவதே தெரியாது.

கோட்ஸ்பாரால்  தளமும் இதே முறையில் ஆனால் கொஞ்ச்ம் மாறுபட்டு இருக்கிறது. ( http://quotes4all.net/) . இதன் முகப்பு பக்கம் வரிசையாக பொன்மொழிகளுடன் வரவேற்கிறது. அந்த பொன்மொழிகளை படித்து ரசித்த பின், கீழ் பகுதியில் கிளிக் செய்தாலும் சரி அல்லது மேலே உள்ள பகுதிக்கு சென்றாலும் சரி பொன்மொழிகளின் உலகம் அகல விரிகிறது. கீழ்ப்பகுதியில் இணையவாசிகள் மத்தியில் பிரபலமாக உள்ள பொன்மொழி வகைகள் குறிப்பிடப்பட்டுள்ளன. அவற்றை கிளிக் செய்து பார்க்கலாம். அதற்கும் கீழே மேலும் பொன்மொழிகளுக்கான வாயில் ஒரு கிளிக்கில் திறக்கிறது. தளத்தின் மேல் பகுதியில் பார்த்தால், ஆங்கில எழுத்துக்களின் அகர வரிசை கண்களை உறுத்தாத வகையில் தரப்பட்டுள்ளது. எந்த எழுத்தை கிளிக் செய்தாலும் அந்த எழுத்தியில் துவங்கும் பொன்மொழிகளை காணலாம்.

பொன்மொழிகளை மதிப்பீடு செய்யும் வசதியும் இருக்கிறது. எளிமையான அமைப்பை மீறி இந்த தளங்களில் இருககூடிய செழுமை வியப்பானது.

தினம் தினம் விஜயம் செய்ய வேண்டிய தளங்கள் இவை . காலையில் ஒரு சில நிமிடங்களையாவது செலவிடுங்கள். இல்லை, அவப்போது நேரம் கிடைக்கும் போது சென்றுப்பாருங்கள் .உங்கள் வாழ்க்கை ஊக்கம் பெறட்டும்.

———-

தினமும் பொன்மொழியுடன் துவக்க விருப்பமா? கோட்சீக்ரெட் உட்பட சிறந்த பொன்மொழி இணையதள அறிமுகங்களுக்கு :

உங்களை பற்றி சொல்ல இரு இணையதளம்.

எல்லோருக்குமே மற்றவர்கள் தங்களை பற்றி தெரிந்து கொள்ள வேண்டும் என்று நினைக்கும் விஷயங்கள் அநேகம் இருக்கும்.

நான் யார் என்பதை பறைசாற்றக்கூயதாக அந்த தகவல்கள் இருக்கலாம்.சுயசரிதை குறிப்புகளாக இருக்கலாம்.மனம் திறந்து பகிர்ந்து கொள்ளும் விவரங்களாக இருக்கலாம்.புதிய பழக்கமாக,திடமான நம்பிக்கையாக,வாட்டும் அச்சமாக… என்னவாக வேண்டுமானாலும் இருக்கலாம்.

இத்தகைய தகவல்களை பகிர்ந்து கொள்வதற்காக என்றே ஒரு இணையதளம் உருவாக்கப்பட்டுள்ளது.மிகவும் பொருத்தமாக பேக்ட் என்னும் தகவலுக்கான ஆங்கில பதத்தை குறிக்கும் வகையில் பேக்டோ என்னும் பெயரில் அமைந்துள்ள இந்த தளம் தனிநபர்கள் தங்களை பற்றிய தகவகல்களை வெளியிட வழி செய்கிறது.

தகவல்களுக்கான குறும்பதிவு சேவை என்றும் சொல்லப்படக்கூடிய இந்த தளம் உங்களை பற்றி பலருக்கும் தெரியாத தகவல்களை மற்றவர்களோடு பகிர்ந்து கொள்ளுங்கள் என்று அழைப்பு விடுக்கிறது.

டிவிட்டரிலும் பேஸ்புக்கிலும் இருப்பது போன்ற ஒரு கட்டத்தில் இந்த தகவல்களை அப்படியே டைப் செய்ய வேண்டியது தான்.அதற்கு முன்பாக இந்த தளத்தில் உறுப்பினராக பதிவு செய்து கொள்ள வேண்டும்.

உறுப்பினரான பின் உங்கள் ராஜ்யம் தான்.

நீங்கள் யார் என்பதை உணர்த்தக்கூடிய தகவல்களை இந்த கட்டத்தில் டைப் செய்து மற்றவர்களுக்கு தெரிவிக்கலாம்.இப்படி ஒவ்வொரு தகவலாக உங்களை பற்றி அழகாக அறிமுகம் செய்யலாம்.

கருத்துக்களையும் மனஓட்டத்தையும் பகிர்ந்து கொள்ள பேஸ்புக் மற்றும் குறும்பதிவு சேவையான டிவிட்டரும் இருக்கின்றனவே ,அதன் பிறகு தனியே இந்த சேவை எதற்கு என்று கேட்கலாம்.உண்மை தான்,நினைத்ததை பகிர்ந்து கொள்ள பேஸ்புக்கே போதுமானது தான்.

ஆனால் பேக்டோ உங்களை பற்றிய தகவல்களை மட்டும் பகிர்ந்து கொள்வதற்கானது.

வேலை வாய்ப்புக்கான நேர்காணலின் போதோ அல்லது புதியவர்களை சந்திக்கும் போதோ உங்களை பற்றிய தகவல்களை தெரிவிப்பது உண்டல்லவா?ஏன் சில நேரங்களில் நெருக்கமானவர்கள் கூட உங்களை பற்றீய ஒரு விஷயத்தை அறிந்து கொண்டு ,இது நாள் வரை எனக்கு தெரியாதே என்று வியந்து போவது உண்டல்லவா?

அத்தகைய தகவல்களை பகிர்ந்து கொள்வதற்கான இணைய பலகை தான் பேக்டோ.

உங்களுக்கு நன்றாக பாட வரும் என்பதில் துவங்கி ,சமைக்க தெரியும்,நாட்டு புற இசையில் ஆர்வம் அதிகம்,இரக்க குணம் உண்டு,நள்ளிரவில் நட்சத்திரங்களை பார்க்க பிடிக்கும் என ஒருவரை பற்றிய எந்த அம்சத்தை வேண்டுமானாலும் இங்கு வெளியிடலாம்.

டிவிட்டரில் உங்களை பற்றிய அறிமுக குறிப்பு எழுதுவது போல தான்.ஆனால் டிவிட்டர் அறிமுகம் ரத்தின சுருக்கமாக இருக்க வேண்டும் என்பதால் மிகவும் முக்கியம் என கருதும் விஷயத்தை மட்டுமே டிவிட்டர் அறிமுகத்தில் தெரிவிக்க முடியும்.

பேக்டோவில் அந்த நெருக்கடி கிடையாது.தினம் தினம் ஒவ்வொரு தகவலாக கூட தெரிவிக்கலாம்.

ஒருவர் உருவாக்கி கொள்ளும் பேக்டோ பக்கத்தை பேஸ்புக் மற்றும் டிவிட்டர் பக்கங்களின் மூலம் பகிர்ந்து கொள்ளலாம்.இதில் இன்னொரு சுவாரஸ்யமான வசதியும் உண்டு.

நீங்கள் பகிர்ந்து கொள்ளும் தகவல்களை பார்த்து விட்டு உங்கள் நண்பர்கள் அது பற்றி கருத்து தெரிவிக்கலாம்.

ஆஹா அற்புதம் என்பதில் துவங்கி நானும் கூட அப்படி தான் என பலவகையான கருத்துக்களை நண்பர்கள் தெரிவிக்கலாம்.உங்களை பற்றி மற்றவர்கள் நினைப்பதை தெரிந்து கொள்ளவும் இந்த கருத்து பரிமாற்றம் கை கொடுக்கும்.

மேலும் தற்பெருமை சார்ந்த கருத்துக்களாக பதிவு செய்யாமல் மனம் திறந்து சொல்லக்கூடிய கருத்துக்களை வெளியிடவும் இது உதவும்.

அதே போல உங்கள் நண்பர்கள் பற்றிய புதிய செய்திகளை தெரிந்து கொள்ளவும் இந்த தளம் உதவலாம்.

உங்களுக்கான பக்கத்தை உருவாக்கி கொண்டு அதில் புதிய தகவல்களை இடம்பெற வைக்கலாம்.

நட்சத்திரங்கள் மற்றும் பிரபலங்களின் வாழ்க்கை குறிப்புகள் போல சாம்னயர்களின் வாழ்கை குறிப்புகளாக அவர்களின் ஆளூமை சித்திரமாக கூட இவை விலங்களாம்.நண்பர்கள் குறித்த புதிய தரிசனத்தையும் புதிய நண்பர்களையும் கூட இந்த சேவை ஏற்படுத்தி தரலாம்.ஏன் சுயபரிசோதனைக்கான இடமாக கூட விளங்கலாம்.

இணையதள முகவரி.;www.facto.me