Tag Archives: browser

Shove_Home-582x297

நண்பர்கள் பிரவுசர் உங்கள் கையில்;புதுமையான இணைய சேவை

உங்கள் நண்பர்கள் கம்ப்யூட்டரில் நீங்கள் விரும்பும் இணையதளத்தை புதிய டேபாக திறக்க முடிந்தால் எப்படி இருக்கும்? அதே போல உங்கள் கம்ப்யூட்டரில் திடிரென உங்கள் நண்பர்கள் நினைக்கும் இணையதளம் தானாக திறக்கப்பட்டால் எப்படி இருக்கும்?

புதிதாக அறிமுகமாகி இருக்கும் பிரவுசர் நீட்டிப்பு சேவையான ஷோவ் (shove) இதை தான் சாத்தியமாக்குகிறது.
இணையத்தில் உலாவும் போது நண்பர்களுடன் இணையதளங்களை இணப்புகளாக பகிர்ந்து கொள்ள உதவும் சேவைகள் இருக்கின்றன.இந்த வசதியை இன்னும் ஒரு படி மேலே கொண்டு சென்று நண்பர்களின் பிரவுசரிலேயே புதிய இணையதளத்தை தோன்றச்செய்யும் வகையில் ஷோவ் சேவை உருவாக்கப்பட்டுள்ளது.பிரபலமான கூகுள் குரோம் பிரவுசருக்கான நீட்டிப்பு சேவையான இது செயல்படுகிறது.

ஷோவ் சேவையை பயன்படுத்த முதலில் அதை ஒருவர் தனது பிரவுசரில் நிறுவிக்கொள்ள வேண்டும்.அதன் பிறகு இணையத்தில் ஏதேனும் முக்கியமான அல்லது சுவாரஸ்யமான இணையதளத்தை பார்க்கும் போது அதை நண்பர்களுடன் பகிர்ந்து கொள்ள விரும்பினால்,ஒரு கிளிக் செய்தால் போதும் அந்த தளம் நண்பரின் பிரவுசரில் திறக்கப்பட்டுவிடும். அதற்கு முன்னர் ஒரு சின்ன அறிவிப்பு போல ,நண்பர் உங்களுக்கு ஒரு இணையதளத்தை காண்பிக்க விரும்புகிறார் எனும் செய்தி எட்டிபார்க்கும்.இதன் தொடர்ச்சியாக இணையதளம் திறக்கப்படும்.
ஆனால் இதற்கு உங்கள் நண்பர்களுக்கும் ஷோவ் நீட்டிப்பு சேவையை நிறுவியிருக்க வேண்டும்.அதோடு நண்பர்களை நீங்கள் உங்கள் ஷோவ் பட்டியலில் சேர்த்திருக்க வேண்டும். இந்த இரண்டையும் செய்த பிறகு, ஷோவ் பட்டியலில் உள்ள நண்பரின் பெயரை கிளிக் செய்ததுமே குறிப்பிட்ட இணைதளத்தை நண்பர்கள் பார்வைக்கு தோன்றச்செய்யலாம்.

கிட்ட்த்தட்ட நண்பர்களின் பிரவுசரை கைப்பற்றுவது போல அவர்களின் பிரவுசரில் நாம் விரும்பும் இணையதளத்தை இந்த சேவை தோன்றச்செய்கிறது.முதல் பார்வைக்கு இது விபரீதமானதாகவோ,வில்லங்கமானதாகவோ தோன்றலாம்.அதற்கேற்ப இந்த சேவையை விளையாட்டு நோக்கில் பயன்படுத்தும் வாய்ப்பு இருக்கத்தான் செய்கிறது.மோசமான அல்லது ஆபாசமான இணையதளத்தை திடிரென தோன்றச்செய்வதோ அல்லது வைரஸ் இணைப்பு தளங்களை எட்டிப்பார்க்கச்செய்யும் அபாயமோ இருக்கத்தான் செய்கிறது. அதிலும் அலுவலக சூழலில் இப்படி ஒரு இணையதளம் கம்ப்யூட்டரிலோ ,லேப்டாப்பில்லோ தோன்றினால் சங்கடமாக தான் இருக்கும்.

ஆனால்,இதில் நமது நண்பர்களை கவனமாக தேர்வு செய்து கொண்டால் பிரச்சனை இல்லை. பேஸ்புக் போல இதில் முகம் தெரியாதவர்களை எல்லாம் நண்பர்களாக சேர்த்துக்கொள்ள வேண்டியதில்லை.பயனுள்ள அல்லது சுவாரஸ்யமான இணைப்புகளை பகிர்ந்து கொள்ள விரும்பும் நெருக்கமான நண்பர்களை மட்டும் தேர்வு செய்து கொள்ளலாம்.

புதுமையான இந்த சேவையை பலவிதங்களில் பயன்படுத்தலாம்.

இணையதளங்களின் இணைப்பை அனுப்பி வைப்பதைவிட இந்த சேவை முற்றிலும் சுவாரஸ்யமானது.இணைப்புகளை அனுப்பும் போது அது எப்போது திறந்து பார்க்கப்படும் என்பது தெரியாது.ஆனால் இந்த சேவையில் நினைத்தவுடன் இணையப்பை இணையதளமாகவே அறிமுகம் செய்துவிடலாம்.
அதிலும் இணைய அரட்டை அல்லது விவாதத்தில் ஈடுபட்டிருக்கும் போது உடனடியாக இணையதளத்தை பார்க்கச்செய்வது பயனுள்ளதாக இருக்கும்.

அது மட்டும் அல்லாமல் நண்பர் பார்த்து ரசித்த ஒரு சூப்பரான இணையதளம் உங்கள் கம்ப்யூட்டரிலும் திறக்கப்படுவது திரில்லான அனுபவமாக தானே இருக்கும்.
நெகிழ வைக்கும் வீடியோ இது எனும் பரிந்துரை இ-மெயில் மூலம் அல்லது பேஸ்புக் பகிர்வாக வந்து,அதை கிளிக் செய்து பார்ப்பதைவிட அந்த வீடியோ பிரவுசரில் திடிரென ஓடத்துவங்குவது சுவாரஸ்யமாக தானே இருக்கும்.
இணைய பகிர்வில் சின்னதாக ஒரு புதிய அத்தியாயத்தை இந்த சேவை துவக்க வைத்திருக்கிறது என்றே சொல்லலாம்.
அமெரிக்காவைச்சேர்ந்த மைக் லீச்சர் மற்றும் அவரது நண்பர்கள் இணைந்து இந்த சேவையை உருவாக்கியுள்ளனர்.
ஆரம்பத்தில் விளையாட்டாக தான் இந்த சேவையை உருவாக்கியதாகவும்,ஆனால் இதற்கான முயற்சியில் ஈடுபட்ட போது இணைய பகிர்வில் இது புதுமையாக இருக்கும் என தோன்றியதாகவும் வயர்டு இணைய தளத்திற்கு அளித்துள்ள பேட்டியில் லீச்சர் கூறியுள்ளார்.

முற்றிலும் புதுமையான இணைய உரையாடலுக்கு இது வித்திடும் என்றும் அவர் நம்புகிறார்.
இது இன்னொரு அரட்டை சேவை அல்ல,இது உங்கள் பிரவுசரை நண்பர்களின் கட்டுப்பாட்டில் ஒப்படைப்பது,இதை கொஞ்சம் பொறுப்பாக தான் பயன்படுத்த வேண்டும் என்கிறார் லீச்சர்.

இணையதள முகவரி: http://shove.wtf/

நன்றி;விகடன்.காமில் எழுதியது

பாஸ்வேர்டு பொன்விதி மீறல்கள்

பாஸ்வேர்டு பாதுகாப்பில் போதிய விழிப்புணர்வு இல்லை என்பதையே பாஸ்வேர்டு பயன்பாடு தொடர்பான ஆய்வுகள் தொடர்ந்து நிருபித்து வருகின்றன. இதற்கு லேட்ட்ஸ்ட் உதாரணம் பிரிட்டன் மற்றும் அமெரிக்காவில் டெலி சைன் எனும் மொபைல் சேவை நிறுவனம் நடத்தியுள்ள ஆய்வு.
இணைவாசிகளில் ஐந்தில் ஒருவர் பாஸ்வேர்டு பொன்விதியை மீறி வருவதாக இந்த ஆய்வு தெரிவிக்கிறது. அதாவது இவர்கள் பத்தாண்டுகளுக்கும் மேலாக தங்கள் பாஸ்வேர்டை மாற்றாமல் இருக்கின்றனர். பாஸ்வேர்டு தாக்குதலுக்கு இலக்காகாமல் இருக்க அவற்றை அடிக்கடி மாற்றிக்கொண்டிருக்க வேண்டும் என்கின்றனர். இது தான் பாஸ்வேர்டு பயன்பாட்டின் பொன்விதியாக கருதப்படுகிறது. அடிக்கடி மாற்றாமல் இருந்தால் கூட பரவாயில்லை ஆண்டுக்கணக்கில் ஒரே பாஸ்வேர்டை பயன்படுத்துவது என்பது, தாக்காளர்களின் பணியை எளிதாக்குவதாகும்.
47 சதவீதம் பேர் கடந்த ஐந்து ஆண்டுகளில் ஒரு பாஸ்வேர்டையேனும் தொடர்ந்து பயன்படுத்தி வருவதாகவும் இந்த ஆய்வு தெரிவிக்கிறது. அது மட்டுமா, 73 சதவீத இணைய கணக்குகள் அவற்றுக்கென் பிரத்யேக பாஸ்வேர்டு இல்லாமல் பயன்படுத்தப்படுவதாகவும் ஆய்வில் தெரிய வந்துள்ளது. அதாவது ஒரு இணைய கணக்கிற்கு பயன்படுத்தும் பாஸ்வேர்டு இன்னொரு இணைய கணக்கை இயக்கவும் பயன்படுத்தும் நிலை பரவலாக இருக்கிறது.
இதற்கு உதாரணம் வேண்டும் என்றால் இமெயிலுக்கான பாஸ்வேர்டையே இன்ஸ்டாகிராம் சேவைக்கோ அல்லது வேறு சேவைகளுக்கோ பயன்படுத்துவது. ஒரே பாஸ்வேர்டை பயன்படுத்துவது எளிதாக இருக்கலாம், ஆனால் தப்பித்தவறி அந்த பாஸ்வேர்டு களவாடப்பட்டால், அந்த ஒரு இணைய சேவை மட்டும் அல்லாமல் அது பயன்படுத்தப்பட்ட அனைத்து இணைய சேவைகளுக்கான கதவுகளும் தாக்காளர்களுக்கு திறக்கப்பட்டு விடும். எனவே தான் கட்டாயம் ஒவ்வொரு சேவைக்கும் தனித்தனி பாஸ்வேர்டு தேவை என்கின்றனர். ஆனால் இதன் முக்கியத்துவமும் பரவலாக அறியப்படாமல் இருப்பதையும் இந்த ஆய்வு உணர்த்துகிறது.
ஆக முதலில் பாஸ்வேர்டு விழிப்புணர்வு தேவை!


தளம் புதிது; கோப்பு மாற்றும் பூனை!

இணைய பயன்பாட்டில் கோப்புகளை மாற்றும் தேவை அடிக்கடி ஏற்படலாம்.புகைப்பட கோப்போ அல்லது வரி வடிவ கோப்பையோ ஒரு வடிவில் இருந்து இன்னொரு முறைக்கு மாற்றிக்கொள்ள வேண்டிய நிர்பந்தம் பலகாரணங்களில் பல சூழல்களில் ஏற்படலாம். இது போன்ற நிலையில் கைகொடுக்கும் கோப்பு மாற்று சேவைகளும் இல்லாமல் இல்லை. இந்த சேவைகள் வரிசையில் கன்வெர்ட்கேட் இணையதளத்தையும் சேர்த்துக்கொள்ளலாம்.
இந்த இணையதளம் குறிப்பிட்ட வடிவிலான கோப்புகளை எச்.டி.எம்.எல், எக்.எம்.எல், பிடிஎப் ,பிஎம்பி, ஜேபெக், ஜிஃப் என நீங்கள் விரும்பும் வடிவில் மாற்றித்தருகிறது. இதற்காக செய்ய வேண்டியதெல்லாம் மாற்ற விரும்பும் கோப்பை பதிவேற்றி விட்டு, மாற்ற விரும்பும் கோப்பை வடிவை தேர்வு செய்து கொள்வது மட்டும் தான்.
வரி வடிவ கோப்பி, வீடியோ ,புகைப்படம் என எந்த வடிவ கோப்பை மாற்றவும் இதை பயன்படுத்தலாம்.
இணையதள முகவரி: http://convertcat.com/

———-
செயலி புதிது; பிக் ஸ்டிச்

புகைப்படங்களை அழகிய புகைப்பட தொகுப்பாக்க ( கொலேஜ்) வழி செய்கிறது பிக் ஸ்டிச் செயலி. ஐபோன் மற்றும் ஆண்ட்ராய்டு போன்களில் செயல்படும் இந்த செயலி மூலம் பல புகைபப்டங்களை ஒன்றாக தைத்து தொகுப்பாக்கலாம். இதற்கான வடிவமைப்பும் ,டெம்ப்லேட்டும் கொடுக்கப்பட்டுள்ளது. விரும்பியதை தேர்வு செய்து கொள்ளலாம். டெஸ்க்டாப், பேஸ்புக் என எதிலிருந்தும் படங்களை எடுத்து தொகுக்கலாம். ஸ்மார்ட்போனில் புதிதாக எடுக்கும் புகைப்படங்களையும் பயன்படுத்தலாம்.
இந்த தொகுப்பை எளிதாக் எடிட் செய்யலாம். அப்பயே சமூக வலைப்பரப்பில் பகிரவும் செய்யலாம்.
ஆண்ட்ராய்டில் தரவிறக்க: https://play.google.com/store/apps/details?id=com.bigblueclip.picstitch&hl=en



பிரவுசர் குறுக்கு வழிகள்

இணையத்தில் உலாவும் போது கைகொடுக்கும் கீபோர்ட் ஷார்ட்கட் எனப்படும் குறுக்கு வழிகள் பல இருப்பதை நீங்கள் அறிந்திருக்கலாம். இதே பிரவுசர் பயன்பாடு தொடர்பான சில எளிய வழிகள்.
CTRL F; இணைய பக்கத்தில் உள்ள குறிப்பிட்ட சொல்லுக்கான அர்த்த்தை தேட தனி தேடபெட்டி வசதி.
CTRL D ; இணைய பக்கத்தை புக்மார்க் செய்ய்.
CTRL P; செலக்ட் செய்தவற்றை அச்சிட.
CTRL W: ஜன்னலை (விண்டோ) மூட
CTRL +: சிறியதாக்க ( ஜும் இன் )
CTRL – :பெரியதாக்க (ஜிம் அவுட் )
Alt Home:ஹோம்பேஜுக்கு திரும்ப.
F5: பார்த்துக்கொண்டிருக்கும் பக்கத்தை புதுப்பிக்க
CTRL T:புதிய இணைய பக்கத்திற்கான டேப்

கேள்வி பதில் நேரம்

கேள்வி பதில் சேவை என்றால் ரெட்டிட் தளத்தின் ஏ.எம்.ஏ (AMA) சேவை தான் பலருக்கும் நினைவுக்கு வரும். இணையத்தின் முகப்பு பக்கம் என வர்ணிக்கப்படும் ரெட்டிட் தளத்தின் பின்னே இருக்கும் இணைய சமூகத்தின் முன் ஆஜராக அவர்கள் கேட்கும் எந்த கேள்விக்கும் பதில் அளிக்க இந்த கேள்வி பதில் வசதி வழி செய்கிறது. பல பரபலங்கள் இப்படி ரெட்டிட் சமூகம் முன் ஆஜராகி பதில் அளித்திருக்கின்றனர். இவ்வளவு ஏன் அமெரிக்க அதிபர் கூட இதில் பங்கேற்றுள்ளார்.
இப்போது டம்பளர் வலைப்பதிவு சேவையிலும் இதே போன்ற கேள்வி பதில் வசதி அறிமுகமாகியிருக்கிறது. டம்ப்ளர் சமூக வலைப்பின்னல் அம்சங்களை கொண்ட வலைப்பதிவு சேவையாக இருக்கிறது. இதன் பின்னும் வலுவான ஒரு இணைய சமூகம் இருக்கிறது.
இந்த சமூகத்தை பயன்படுத்திக்கொள்ளும் வகையில் பதில் நேரம் ( ஆன்சர் டைம் ) எனும் வசதி அறிமுகம் செய்யப்பட்டுள்ளது. இசைக்கலைஞர்கள், அரசியல் தலைவர்கள், இணைய பிரபலங்கள் ஆகியோர் இந்த சேவை மூலம் ஆஜராகி பயனாளிகளின் கேள்விகளுக்கு பதில் அளிக்கலாம். இணையவாசிகளுடன் நேரடியாக தொடர்பு கொள்வதற்கான அருமையான வழியாக இது இருக்கும் என கருதப்படுகிறது.
இந்த வசதிக்கான பகுதி ”கேளுங்கள்’ எனும் கோரிக்கையுடன் அருமையான அமைந்துள்ளது.

இணைய முகவரி: https://play.google.com/store/apps/details?id=com.bigblueclip.picstitch&hl=en

———–

திரைப்படம் போல யூடியூப் வீடியோ பார்க்க.

fullscreentotlmilkincதியேட்டருக்கு சென்று படம் பார்ப்பது ஒரு அனுபவம். என்ன தான் வீட்டில் வசதியாக அமர்ந்து கொண்டு டிவிடியில் படம் பார்த்தாலும் தியேட்டரில் சென்று படம் பார்த்த திருப்தி கிடைக்காமல் போகலாம். அதற்கு முக்கிய காரணம் தியேட்டர் ஒரு தனி உலகம். முழுவதும் மூடப்பட்ட நிலையில் இருக்கையில் அம்ர்ந்து இருளுக்கு நடுவே படம் பார்க்கும் உணர்வு தான் தியேட்டரில் படம் பார்க்கும் போது அதிலேயே ஒன்றச்செய்து விடுகிறது.
இதில் உங்களுக்கு மாற்று கருத்து இருக்கலாம். விஷயம் அதுவல்ல, தியேட்டரில் படம் பார்ப்பது போன்ற உணர்வை யூடியூப் வீடியோ பார்க்கும் போது விரும்பினால் அதற்கான அருமையான இணையசேவை ஒன்று இருக்கிறது என்பது தான் . டேர்ன் ஆப் தி லைட்ஸ் என்னும் அந்த சேவையை பயன்படுத்தினால், யூயியூப் வீடியோக்களை பார்க்கும் போது பின்னணில் முழுவதுயும் இருள் மயமாக்கி விட்டு வீடியோ காட்சியை மட்டும் பார்த்து ரசிக்கலாம்.
தியேட்டரில் படம் பார்க்கும் போது விளக்குகள் அணைக்கப்பட தாமதாமானால் , முதலில் விளக்கை அணைங்கப்பா என விசில் சத்ததுடன் குரல் கொடுப்பார்கள். அது போலவே பிரவுசர்களில் நீட்டிப்பாக பயன்படுத்தக்கூடிய இந்த சேவை மூலம் வீடியோ காட்சிகளை பார்க்கும் போது சுற்றியுள்ள பகுதிகளில் விளக்கை அணைத்து விட்டும் படத்தை மட்டும் பார்க்கலாம். கம்ப்யூட்டரில் வீடியோ பார்க்கும் போதும் சரி, அல்லது ஐபேட் போன்ற சாதனங்களில் படம் பார்க்கும் போதும் சரி இந்த சேவையை பயன்படுத்திக்கொள்ளலாம்.
பளிச் என்று சூரிய ஒளியிலும் கூட டேப்லெட் திரையில் எழுத்துக்களை துல்லியமாக படிக்க கூடிய ரெட்டினா டிஸ்பிளே தொழில்நுட்பம் அறிமுகமாகி இருக்கும் காலம் தான். ஆனாலும் என்ன திரைப்படங்களையும், வீடியோக்களையும் பார்த்து ரசிக்க கொஞ்சம் இருளான பின்னணி தானே தேவைப்படுகிறது. இல்லையா ? நீங்கள் என்ன சொல்கிறீர்கள்.

இணையதள முகவரி: http://www.stefanvd.net/project/turnoffthelights.htm#.Uq1RwtJDtaZ

சுறாவளி பாதிப்புக்கு உதவ வழி காட்டும் பயர்பாக்ஸ்.

firefoxஇணையவாசிகளுக்கு பல விதங்களில் பயனுள்ளதாக இருக்கும் பயர்பாக்ஸ் உலாவி( பிரவுசர்) இப்போது  சூறாவளியால் பெரும் பாதிப்புக்கு இலக்காகி இருக்கும்  பிலிப்பைன்ஸ் நாட்டுக்கு உதவ செஞ்சிலுவை சங்கத்துக்கு உடவுமாறு வேண்டுகோள் விடுத்துள்ளது.

நீங்கள் பயர்பாக்ஸ் உலாவியை பயன்படுத்துபவர் என்றால் , இந்த கோரிக்கையை கவனித்திருக்கலாம்.பயர்பாக்ஸ் உலாவியை பயன்படுத்தும் போது இது போன்ற செய்திகள் வழ்க்கமாக தோன்றுவதை நீங்கள் கவனித்திருக்கலாம்.முகப்பு பக்கத்தில் தேடல் கட்டத்தின் அருகே இந்த செய்திகளை பயர்பாக்ஸ் பாகிர்ந்து கொள்ளும். சில நாட்கள் முன்வரை, இணைய கண்காணிப்பை கண்காணிக்கும் லைட்பீம் வசதியை தரவிறக்கம் செய்து கொள்ளுங்கள் எனும் வாசகம் இதில் இடம்பெற்றிருந்தது.

பொதுவாக இந்த பகுதியில் பயர்பாகஸ் தொடர்பான தகவலகளே இடம்பெறும். தற்போது பிலிப்பைன்ஸ் நாட்டில் கோர சூறாவளியால பெரும் பாதிப்பு ஏற்படுள்ள நிலையில் அங்கு நேசக்கரம் நீட்டி வரும் செஞ்சிலுவை சங்கத்துக்கு உதவுங்கள் எனும் பொது நல கோரிக்கை இடம்பெற்றுள்ளது. 9 ஆண்டுகளாக எங்களை ஆதரித்து வருவதற்கு நன்றி ,இப்போது பிலிப்பைன்சுக்கும் உதவுங்கள் என்று தெரிவிக்கப்பட்டு அருகிலேயே செஞ்சிலுவை சங்க தளத்திற்கு இணைப்பு தரப்பட்டுள்ளது.

கூகுல் தேடல் கட்டத்தின் மீது அவப்போது டூடுல் சித்திரங்களை வெளியிட்டு முக்கிய நிகழ்வுகளை கொண்டாடி வருவதற்கு நிகராக பயர்பாக்ஸ் தனது முகப்பு பக்க தேடல் கட்டத்தை பயனுள்ள செய்திகளை பகிர்ந்து கொள்ள பயன்படுத்து வருகிரது. தற்போது பொது நலன் நோக்கிலும் இது கை கொடுக்கிறது.

கூகுல் கூட தனது லோகோ அமைப்பை இது போல பேரிடர் கால நிதி திரட்டலுக்கு பயன்படுத்தலாம் இல்லையா?

நேசக்கரம் நீட்ட பயர்பாக்ஸ் முகப்பு பக்கத்திற்கு செல்லவும்.

 

பி.கு:

ஒரு சோதனை முயற்சியாக வலைப்பதிவின் தோற்றத்தை மாற்றியுள்ளேன். புதிய அமங்களை விரைவில் படிப்படியாக சேர்க்க உள்ளேன். வடிவமைப்பு மற்றும் உள்ளடக்கம் குறித்து தங்கள் கருத்துக்களை அறிய ஆரவமாக உள்ளேன். ஆலோசனை தாருங்கள்.ஆதரவை தொடருங்கள்.-அன்புடன் சிம்மன்

மேலும் ஒரு இணைய பாதுகாப்பு சேவை.


ஒரு காலத்தில் இணைய முகவரி சுருக்க சேவைகளாக அறிமுகமாகி கொண்டிருந்தன.முதலில் பிட்.லே அதன் பிறகு பிட்.லே போன்ற இதர சேவைகள் என இணைய முகவரி சுருக்க சேவைகள் அடுத்தடுத்து அறிமுகமான நிலையில் கூகுலும் தன் பங்கிற்கு கூ.குல் முகவரி சுருக்க சேவையை அறிமுகம் செய்தது.

இந்த போக்கின் தலை கீழ் வடிவமாக இப்போது இணைய முகவரி சுருக்க நீக்க சேவைகள் அறிமுகமாகி கொண்டிருக்கின்றன.

இணைய முகவரி சுருக்க நீக்க சேவைகள் என்றால் சுருக்கப்பட்ட இணைய முகவரிகள் பின்னே உள்ள இணையதளங்கள் பாதுகாப்பானவையா என்று எச்சரிக்கும் சேவைகள்.

சுருக்கப்பட்ட முகவரிகள் பின்னே வைரஸ் அல்லடு வில்லங்க தளங்கள் ஒளிந்திருக்கலாம் என்பதால் அவற்றை கிளிக் செய்வதற்கு முன் அவை எப்படிப்பட்ட தளங்கள் என்பதை உறுதி செய்து கொள்வது அவசியமாகிறது.

இந்த சேவையை தான் ஐலவ்லாங்யூஆரெல் போன்ற தளங்கள் வழங்கி வருகின்றன.

இந்த வரிசையில் மேலும் இரு இணையதளம் உதயமாகியிருக்கிறது.

அன்ஷார்ட்டன்.இட் என்னும் பெயரிலான இந்த தளம் சுருக்கப்பட்ட முகவரிகள் பின்னே உள்ள தளங்களின் தன்மை குறித்து தகவல்களை வழங்குகிறது.

அடிப்படையில் ஐலவ்லாங்யூஆரெல் போன்றது தான் என்றாலும் இந்த தளம் முகவரி சுருக்கத்தின் பின்னே உள்ள மூல தளத்தை அடையாளம் கண்டு சொல்வதோடு அந்த தளம் பற்றிய அறிமுக குறிப்பையும் வழங்குகிறது.

அது மட்டும் அல்லாமல் அந்த தளத்தின் பாதுகாப்பு தன்மை குறித்த மதிப்பீட்டையும் வழங்கி அந்த தள்த்தின் திரை தோற்றத்தையும் சின்னதாக முன்னோட்டம் காட்டுகிறது.

இப்படி இணையதளத்தின் சுருக்கமான ஜாதகத்தையே தெரிந்து கொண்டு அதன் பிறகு அந்த தளத்திற்கு விஜயம் செய்யும் வாய்ப்பை தருகிறது.

இவை எல்லாம் கூடுதல் வசதிகள்.

மேலும் குறிப்பிட்ட அந்த தளம் ஆபத்தான தளங்கள் பட்டியலில் இருக்கிறதா என்ற தகவலையும் த‌ருகிறது.

மற்ற சேவைகள் போலவே இதிலும் இணைய முகவ‌ரி சுருக்கத்தை சமர்பித்து அதன் பின்னணியை தெரிந்து கொள்ள வேண்டும்.

இப்போதோ இப்படி முகவரியை சம‌ர்பிக்கும் தேவை கூட இல்லாமல் புக்மார்கிக் சேவை போலவே பிரவுசரிலேயே இதனை இணைத்து கொண்டு பயன்படுத்தும் வசதி உருவாக்கப்பட்டுள்ளது.

ஆக இணைய முகவரி சுருக்கத்தை எங்கேனும் பார்த்தால் புக்மார்க்கை கிளிக் செய்தால் போதும் அதன் இணைய ஜாதக சுருக்கத்தை பார்த்து விடலாம்.

இணையதள முகவரி;http://unshorten.it/index.php

——————
இணைய முகவரி சுருக்க நீக்க சேவைகள் பற்றிய இந்த முந்தைய பதிவையும் வாசிக்கவும்;மறைந்திருந்து பார்க்கும் இணையதளங்கள்

;