Tag Archives: செல்பேசி

டிஜிட்டல் பணம்: சில கேள்விகளுக்கான விளக்கம்

 

கிழக்கு பதிப்பக வெளியீடாக வந்திருக்கும் ’டிஜிட்டல் பணம்’ புத்தகத்தின் தலைப்பும் உள்ளடக்கமும் சில பொதுவான கேள்விகளையும், சந்தேகங்களையும் எழுப்பவதாக இருப்பதை நண்பர்கள் கருத்துக்கள் மூலம் அறிகிறேன். இந்த புத்தகம் தொடர்பாக எழக்கூடிய கேள்விகளுக்கான விளக்கம் இதோ:money

  • இந்த புத்தகம் ரொக்கமில்லா சமூகத்திற்கு ஆதாரவானதா?

ஆம்.

  • இந்தியா போன்ற நாடுகளில் ரொக்கமில்லா சமூகம் எப்படி சாத்தியம்?

இதற்கான பதில் மொபைல் பணம் எனும் கருத்தாக்கத்தில் உள்ளது. அதை மையமாக கொண்ட முயற்சிகளை தான் இந்த புத்தகம் பேசுகிறது.

  • கிரெடிட் கார்டு, டெபிட் கார்டு எல்லோரிடமும் இல்லையே?

கார்டு தேவையில்லை. மொபைல் போதுமானது என்பதே இந்த புத்தகத்தின் அடிநாதம்.

 

  • ஸ்மார்ட்போனும் எல்லோரிடமும் இல்லையே?

தேவையில்லை. சாதாரண போனே போதும்.

  • எப்படி ?

கென்யாவின் மொபைல் பணமான எம்-பெசா இதற்கான உதாரணம்.

  • இந்தியாவில் யதார்த்தம் என்ன?

இந்தியாவிலும் எகோ மணி, பீம் மணி போன்ற முன்னோடி உதாரணங்கள் உள்ளன. இந்தியா மட்டும் அல்ல ஆப்கானிஸ்தான் , சோமாலிலாந்தில் முன்னோடி முயற்சிகள் மேற்கொள்ளபடுகின்றன.

  • ரொக்கமில்லா பரிவர்த்தனை ஏழைகளுக்கு பாதகமாக அமையாதா?

பரவலாக கருதப்படுவதற்கு மாறாக ரொகமில்லா பரிவர்த்தனை ஏழைகளுக்கு உதவக்கூடியது. மொபைல் பணம் என்பது ஏழைகளுக்கான வங்கிச்சேவைக்கான அடிப்படையாக பார்க்கபடுகிறது.

  • வங்கி சேவையை இன்னும் பரவலாகவில்லையே?

வங்கிச்சேவையை ஏழைகள் மற்றும் விளிம்பு நிலை மக்களுக்கு கொண்டு செல்ல செல்போன் உதவும். செல்போன் மாற்றத்திற்கான சாதமாக பார்க்கப்படுக்கிறது. மூன்றாம் உலக நாடுகளில் இதற்கான முன்னோடி முயற்சிகள் இருக்கின்றன.

  • இந்த புத்தகத்திற்கான நியாயம் என்ன?

உலகில் எல்லாம் டிஜிட்டல்மயமாகி வருகிறது. பணமும் டிஜிட்டல் மயமாவது தொழில்நுட்ப நோக்கில் தவிர்க்க இயலாதது. அதற்கு நாம் தயாராக வேண்டும். உலகின் பல்வேறு நாடுகளில் இந்த முயற்சி துவங்கிவிட்டது. நாமும் பின் தங்கியிருக்க முடியாது. அது மட்டும் அல்ல, பண பரிவர்த்தனையை டிஜிட்டல் மயமாக்க தொழில்நுட்பம் சார்ந்த பல முன்னோடி முயற்சிகள் மேற்கொள்ளப்பட்டு வருகின்றன. நாமும் அதில் இணைவதே சரி . இல்லை எனிம் தொழில்புரட்சி பேருந்தை தவறவிட்டது போல டிஜிட்டல் பண பேரூந்தை தவறவிட்டு பின்னால் ஓட வேண்டியிருக்கும்.

  • பணமதிப்பு நீக்க நடவடிக்கை பற்றி?

இந்த புத்தகம் அது பற்றி பேசவில்லை.

  • ஏன்?

இதன் மைய நோக்கம் அதுவல்ல. பண மதிப்பு நீக்க நடவடிக்கையின் போது அதிக கவனத்தையும், சர்சையையும், விவாதத்தையும் ஏற்படுத்திய ரொக்கமில்லா பரிவர்த்தனையின் சார்பு அம்சங்களை தொழில்நுட்ப நோக்கில் இந்த புத்தகம் பேசுகிறது.

  • பண மதிப்பு நீக்க நடவடிக்கை சரியானதா?

தெரியாது. ஆனால் அது மிக மோசமாக செயல்படுத்தப்பட்டது.

  • டிஜிட்டல் பணத்தில் வேறு என்ன சாதகம் உண்டு?

டிஜிட்டல் பணம் டிஜிட்டல் கடன், அனைவரிக்குமான வங்கி- நிதிச்சேவைகள் பற்றி எல்லாம் சிந்திக்க வைக்கிறது. நடைமுறையிலும் செயல்பட வைக்கிறது.

  • கருப்புபணம் ஒழியுமா?

ஓரளவு உதவலாம். ஆனால் கருப்பு பணம் வேறு பிரச்சனை.

  • டிஜிட்டல் பணம் பாதுகாப்பானதா?

பாதுகாப்பாக ஆக்குவதற்கான எல்லா வழிமுறைகளும் உள்ளன. ஆனால் சைபர் தாக்குதல், இணைய களவு உள்ளிட்ட ஆபத்துகள் உள்ளனை. அவற்றை எதிர்கொள்ள வேண்டும். ஆனால் இது டிஜிட்டல் யுகத்தின் பிரச்சனை. டிஜிட்டல் பணத்திற்கு மட்டும் உரியது அல்ல. டிஜிட்டல் பணம் இல்லாவிட்டாலும் கூட இத்தகைய ஆபத்துகள் உண்டு.

  • இந்த புத்தகத்தை படித்தால் டிஜிட்டல் பணத்திற்கு மாற முடியுமா?

இல்லை. டிஜிட்டல் பணம் தொடர்பாக உலகில், குறிப்பாக தொழில்நுட்ப உலகில் நடைபெறும் முன்னோடி முயற்சிகளை தெரிந்து கொண்டு நீங்களாக அதை நோக்கி முன்னேறலாம்.

சைபர்சிம்மன்

டிஜிட்டல் பணம்

கிழக்கு பதிப்பக வெளியீடு

விலை;ரூ150.

 

 

வீடியோ விமர்சனங்களுக்கான இணையதளம்!

எந்த பொருளை வாங்குவதாக இருந்தாலும் அதற்கு முன்பாக அந்த பொருள் பற்றிய விரிவான ஆய்வை மேற்கொள்வது நல்லது தான்.விலை ஒப்பீட்டில் துவங்கி,பயந்தன்மை,செயல்பாடு,நிறைகுறைகள் உள்ளிட்ட விஷயங்களை அலசிப்பார்த்து விட்டு அந்த பொருளை வாங்குவது பற்றி முடிவெடுக்கலாம்.

இப்படி நுகர்வாராய்ச்சியில் ஈடுபட விரும்புகிறவர்களுக்கு பொருட்கள் பற்றிய தகவல்களை வழங்கும் தளங்களும் நிறையவே இருக்கின்றன.குறிப்பிட்ட பொருட்கள் பற்றிய நுகர்வோரின் விமர்சன கருத்துக்களையும் இந்த தளங்கள் வழியே அறிந்து கொண்டு நிபுணர்கள் சொல்வது போல அறிவார்ந்த வாங்கும் முடிவுகளை மேற்கொள்ளலாம்.

ஆனால் என்ன தான் பொருட்களின் விமர்சன கருத்துக்களை படித்தாலும் காட்சி ரீதியிலான விளக்கத்திற்கு ஈடாகாது.அதாவது வீடியோ விளக்கங்கள்!.

இத்தகைய வீடியோ விமசனங்களை வழங்கும் தளமாக பியூப்பில் வீடியோ ரிவியூ தளம் விளங்குகிறது.இந்த தளம் பொருட்களின் நிறைகுறை பற்றி அலசி ஆராயும் வீடியோ விளக்கங்களால் நிறைந்திருக்கிறது.

கார்களில் துவங்கி,செல்போன்,வீட்டு உபயோக சாதங்கள்,கலைப்பொருட்கள்,அழகு சாதங்கள் என எல்லா வகையான பொருட்கள் பற்றியும் விமர்சன வீடியோக்களை இங்கு காணலாம்.சாப்ட்வேர்,இசைக்கருவிகள்,கைகடிகாரங்கள் போன்ற பொருட்களும் இடம்பெற்றுள்ளன.

இந்த வீடியோ விமர்சனங்கள் எல்லாமே சக நுகர்வோரால் சமர்பிக்கப்பட்டவை.எனவே விளம்பர சார்பு இல்லாமல் பொருட்கள் பற்றிய உண்மையான விமர்சன கருத்துக்களாக இவை இருக்கும் என எதிர்பார்க்கலாம்.அதோடு காட்சி வடிவிலான விளக்கமும் இருப்பதால் சொல்லப்படும் கருத்தை சரியாக புரிந்து கொள்ளலாம்.

முகப்பு பக்கத்தில் விமர்சன வீடியோக்கள் வரிசசையாக பட்டியலிடப்பட்டிருந்தாலும் குறிபிட்ட பொருள் தொடர்பான விமர்சன வீடியோ தேவை என்றால் அதனை தேடிப்பார்க்கும் வசதியும் இருக்கிறது.

இதை தவிர த்ற்போது நுகர்வோர் பார்த்து கொண்டிருக்கும் வீடியோக்களும் தனியே பட்டியலிடப்பட்டுள்ளன.அந்த அந்த பிரிவின் வகைகளின் கீழும் விமர்சன‌ங்கள் பட்டியலிப்பட்டுள்ளன.குறிப்பிட்ட வர்த்தக நிறுவனங்களின் பிராண்ட்களும் தனியே வகைப்படுத்தப்பட்டுள்ளன.

வீடியோ விமர்சனத்தினை பார்த்து விட்டு அது சரியாக உள்ளதா என்பதை தெரிவிக்க வாக்களிக்கும் வசதியும் இருக்கிறது.வீடியோக்களை பேஸ்புக்,டிவிட்டர் வழியே நண்பர்களோடு பகிர்ந்து கொள்ளவும் முடியும்.

உண்மையிலேயே பயனுள்ள தளம்.

ஆனால் இதில் நுகர்வோர் தங்கள் விமர்சனத்தை சமர்பிக்கும் வசதி இருக்கிறதா என்று தெரியவில்லை.ஏற்கனவே உள்ள வீடியோக்கள் எப்படி தேர்வு செய்யப்பட்டவை என்றும் தெரியவில்லை.

அதே போல இந்தியர்களுக்கு,அதாவது இந்திய பொருட்கள் பற்றி அறிய இந்த தளம் எந்த அளவுக்கு கைகொடுக்கும் என்றும் தெரியவில்லை.ஆனால் தொழில்நுட்ப சாதங்கள் மற்றும் சாப்ட்வேர் போன்றவை உலகலாவியவை என்பதால் அவை பற்றி தாராளமாக தெரிந்து கொள்ளலாம்.

இருந்தாலும் இதே போல இந்திய விமர்சன தளம் உருவாக்கப்பட்டால் நன்றாக இருக்கும்.

இணையதள முகவரி;http://people-video-review.com/

பேஸ்புக் மூலம் ஆலோசனை கேட்க ஒரு இணையதளம்.

புதிதாக அறிமுகமாகியிருக்கும் குறிப்பிட்ட பிராண்ட் செல்போனை நம்பி வாங்கலாமா? என்று கேட்டு யாரிடமிருந்தாவது கோரிக்கை வந்தால் குழம்பி போய்விட வேண்டாம்?நன்றாக உற்று கவனியுங்கள்.அது உங்கள் நண்பர் அல்லது நண்பர்களிடம் இருந்து வந்த கேள்வியாக இருக்கலாம்.

அதுவும் உங்களை போன்ற நண்பர்கள் மீது நம்பிக்கை வைத்து இந்த கேள்விக்கான பதில் உங்களுக்கு தெரிந்திருக்கலாம் என்னும் எதிர்பார்ப்பில் கேட்கப்பட்ட கேள்வியாக இருக்கலாம்.

இப்படி சுற்றி வளைக்காமல் நேரடியாக சொல்வதாயின் ‘டவுட’ட்’ இணையதளத்தில் உறுப்பினராக சேர்ந்த உங்கள் நண்பரின் கேள்வியாக இருக்கலாம்!.

‘டவுட’ட்’ சமூக வலைப்பின்னல் சேவையான பேஸ்புக் மூலம் உங்கள் வாழ்க்கையை மேலும் எளிமையாக்க உருவாக்கப்பட்டுள்ள மேலும் ஒரு புதுமையான இணைய சேவை.

டவுட’ட் என்ன செய்கிறது என்றால் உங்கள் நண்பர்கள் ஏற்கனவே நன்கறிந்த விஷயங்களை கேட்டு தெரிந்து கொள்ள உதவுகிறது.அவை ஆலோசனையாக இருக்கலாம்,சந்தேகங்களாக இருக்கலாம்,குழப்பத்திற்கான தீர்வாக இருக்கலாம்,தகவலாக இருக்கலாம்!.எதுவாக இருந்தாலும் அதனை உங்கள் நண்பர்கள் வாயிலாக கேட்டு தெரிந்து கொள்ளலாமே என்கிறது இந்த இணையதளம்.

எந்த பொருள் வாங்கலாம் என்ற பரிந்துரை தேவையா?எந்த ஓட்டலில் சாப்பிட போகலாம் என்ற வழிகாட்டுதல் தேவையா?குறிப்பிட்ட கல்லூரி அல்லது பள்ளியின் தரம் எப்படி என்று அறிய விருப்பமா? இவை எல்லாவற்றையும் கேள்வியாக பேஸ்புக நண்பர்களிடல் கேட்டு தெளிவு பெறலாம் என்பது தான் இந்த இணையதளத்தின் மைய நோக்கம்.

இணையத்தில் தகவல்களை பெறுவது ஒன்றும் பெரிய விஷயமல்ல.இப்போது கருத்துக்கலை திரட்டுவதும் ஒன்றும் கடினமானதல்ல;எந்த விஷயமாக இருந்தாலும் அது பற்றி ஊர் என்ன நினைக்கிறது உலகம் என்ன நினைக்கிறது என்று அறிந்து கொள்ள உதவும் இணையதளங்கள் இருக்கின்ற‌ன.

இவ்வளவு ஏன் முன்பின் அறியாதவர்களிடம் நேரடியாக கேள்வி கேட்டு கருத்துக்களை அறிய உதவும் தளங்களும் இருக்கின்றன.

ஆனால் அறிமுகம் இல்லாதவர்களி கருத்துக்களை எந்த அளவுக்கு நம்ப முடியும்? அதோடு சில விஷயங்களுக்கு நம்பகமான பதில் தேவை அல்லவா?

அதனால் தான் முன் பின் தெரியாதவர்களிடம் கேட்காமல் தெரிந்த மற்றும் தெரியாத நண்பர்களிடம் கேட்டு தெரிந்து கொள்ளுங்களேன் என்கிறது டவுட’ட் தளம்.

எது குறித்து உங்களுக்கு தகவல் அல்லது கருத்து அல்லது பரிந்துரை தேவையோ அதனை கேள்வியாக இந்த தளத்தின் வாயிலாக கேட்கலாம்.உடனே அந்த கேள்வியை உங்கள் பேஸ்புக் நட்பு வட்டாரத்தில் உள்ளவர்களுக்கு அனுப்பி வைக்கிற‌து.நண்பர்களில் யாருக்கு பதில் தெரிகிற‌தோ அவர்கள் உங்கள் கேள்விக்கு பதில் அளிப்பார்கள்.

நண்பர்களின் பரிந்துரை என்பதால் அது நம்பகமானதாக இருக்கும்!

இந்த சேவையை பயன்ப‌டுத்த முதலில் உறுப்பினராக வேண்டும்.பேஸ்புக் கணக்கு மூலமே உறுப்பினராகலாம்.

அதன் பிறகு எப்போது தேவையோ அப்போது நண்பர்களிடம் ஆலோச‌னை கேட்கலாம்.

கேள்விகள் கருத்துக்கள் என இரண்டு வகையான கேள்விகளை கேட்கலாம்.

இரண்டுக்கும் இரண்டு விதமான படிவங்கள் இருக்கின்றன.கேள்வி கேட்பதற்கான படிவத்தில் என்ன?எங்கே?எதற்காக? என்று மூன்று பகுதியாக கேட்கலாம்.

என்ன என்பது பொருளாகவோ ,இடமாகவோ,சேவையாகவோ இருக்கலாம்.எங்கே என்பது அவற்றை எங்கே வாங்கலாம் என்பது/மூன்றாவது பகுதி அதற்கான காரணங்களை குறிப்பதற்கானது.

உதாரனத்திற்கு சென்னையில் எங்கே சைனீஸ் உணவு வகை நன்றாக இருக்கும் என நீங்கள் கேட்டால்,உங்கள் நண்பர்கள் இடத்தை குறிப்பிட்டு விட்டு அங்கே நான் சுவைத்து மகிழ்ந்திருக்கிறேன் என குறிப்பிடலாம்.இதே போல செல்போன் பற்றியோ வாடகை வீடு பற்றியோ கேட்கலாம்.

கருத்தறிவது என்றால் (இந்த தளம் இதனை டவுட் என குறிப்பிடுகிற‌து)குறுப்பிட்ட நபர் அல்லது இடம் அல்லது பொருள் பற்றிய கருத்துக்களை கேட்கலாம்.

இந்த கேள்விகள் முதலில் உங்கள் பேஸ்புக் நண்பர்களுக்கு பரிந்துரைக்கப்படுகிறது.அவர்கள் பதில் அளிக்க தயாராக இருந்தால் உங்களுக்கு தகவல் தெரிவிக்கப்படுகிறது.இல்லை என்றால் அவர்களின் நண்பர்களிடம் இந்த கேள்வி கேட்கப்பட்டு பதில் பெற்று தரப்படுகிறது.(இந்த நண்பர்களின் நண்பர்கள் தான் தெரியாத நண்பர்கள்).

இணையத்தில் யாரிடமோ பொத்தம் பொதுவாக கேட்பதை விட உங்கள் நட்பு வட்டத்தில் கேட்டு அவர்களின் அனுபவம் சார்ந்த பதிலை பெற்று தருவது தான் இந்த சேவையின் சிறப்பு.

இதே போன்ற‌ கோரிக்கை உங்களுக்கும் நண்பர்களிடம் இருந்து வரலாம் எனபதை தான் முதலில் கூறிப்பிட்டோம்.அதற்கு நீங்கள் விரும்பினால் பதில் அளிக்கலாம்.இல்லை என்றால் நிராகரித்து விடலாம்.ஆனால் நீங்கள் நிராகரித்தது உங்கள் நண்பர்களுக்கு தெரிய வாய்பில்லை.அதே போல உங்கள் கேள்வியை யாரேனும் நிராகரித்தாலும் உங்களுக்கு தெரிய வாய்ப்பில்லை.எனவே கசப்புணர்வுக்கு இட்மைல்லை.

பதில் அளித்தால் மட்டுமே தெரிய வரும் .அப்போது சந்தோஷமாக ஓரு தேங்க்யூ சொல்லலாம்.

இணையதள முகவரி;http://toutd.com/

அகதிகள் நிலை உணர்த்தும் செல்போன் செயலி!


ஒரு அகதியாக இருப்பது என்றால் என்ன?இந்த கேள்விக்கு பதில் தேடும் துணிவு உங்களுக்கு இருக்கிறதா என்று கேட்காமல் கேட்கிறது ஐக்கிய நாடுகள் சபை அகதிகள் தொடர்பாக உருவாக்கியுள்ள செல்போன் செயலி.

ஆம் ,அகதிகளின் தவிப்பையும் துயரத்தையும் புரிந்து கொள்வதற்கான வாய்ப்பை ஏற்படுத்தி தரும் வகையில் ‘ஒரு அகதியாக என் வாழ்க்கை’ என்னும் பெயரிலான அந்த செயலி உருவாக்கப்பட்டுள்ளது.அகதிகள் தொடர்பான விழிப்புண‌ர்வை பரவலாக்கி அவர்களின் பரிதவிப்பையும் துயர நிலையையும் புரிய வைக்க முயல்கிறது இந்த செயலி.

செல்போன் செயலிகளில் பெரும்பாலானவை வீடியோகேம் ரகத்தை சேர்ந்தவை என்பதை நீங்கள் அறிந்திருக்கலாம்.இந்த விளையாட்டுகள் கேளிக்கையும் பொழுதுபோக்கும் தரக்கூடியவை தான்.

ஆனால் கல்வி நோக்கிலும் வீடியோகேமை பயன்படுத்த முடிவது போல செல்போன் செயலி விளையாட்டையும் கூட கல்வி நோக்கில் பயன்படுத்தலாம்.சமூக விழிப்புணர்வு நோக்கிலும் பயன்படுத்தலாம்.

ஐக்கிய நாடுகளின் சபையின் அகதிகள் விழிப்புணர்வு பிரிவு இதே நோக்கில் அகதிகள் நிலை குறித்து புரிய வைக்கும் வகையில் அகதியாக இருப்பது என்றால் என்ன என்னும் அனுபவத்தை தரும் விளையாட்டை செயலியாக உருவாக்கியுள்ளது.

இந்த விளையாட்டில் உங்களை ஒரு அகதியாக கருதி கொள்ள வேண்டும்.உள்நாட்டு போரிலோ அல்லது வேறு ஏதோ காரணத்தினாலோ உடமைகளை துரந்து உயிர் காத்து கொள்ள சொந்த நாட்டை விட்டு வெளியேற நேரும் அவல நிலைக்கு தள்ளப்பட்டால் என்ன செய்வீர்கள் என்பது தான் இந்த விளையாட்டு முன் வைக்கும் சவால்.

வீட்டை விட்டு வெளியேற நேர்ந்ததில் இருந்து ஒவ்வொரு கட்டமாக இந்த விளையாட்டில் முன்னேறி செல்லலாம்.ஒவோரு கட்டமும் அகதிகள் எதிர் கொள்ளும் சோதனையின் எடுத்து காட்டாக விளங்க கூடியவை.உதாரணத்திற்கு குடும்பத்தோடு த‌ப்பி செல்லும் போது மகனும் தாயும் வழி தவறி விட்டது தெரிய வந்தால் அவர்களை தேடிச்செல்வீர்களா,அல்லது முன்னேறி சென்று காத்திருப்பீர்களா என்னும் கேள்வியை கேட்கிறது இந்த செயலி.

இந்த கேள்விக்கு உங்களின் பதில் எதுவாக இருந்தாலும் அதனை சிக்கலுக்குள்ளாகும் வகையில் மோசமான மாற்று பாதையை முன் வைக்கிற்து இந்த செயலி.அந்த கேள்விகளும் தொடரும் சோதனைகள் நிறைந்த பயணமும் திகைக்க வைத்து விடும்.

ஒவ்வொரு அகதியும் எதிர்கொள்ளும் நிலை தான் இது.

அகதியாக தப்பிச்செல்லும் போது எடுக்கும் சந்திக்கும் சோதனைகளும் எடுக்கும் முடிவுகளும் பாதிப்பை ஏற்படுத்தும் என்றாலும் அவற்றை தவிர்ப்பது அவர்கள் கையில் இல்லையே.இந்த கையறு நிலையை தான் செல்போன் உலகிற்குள் உங்களை ஒரு அகதியாக இருக்க வைத்து உணர்த்த விரும்புகிறது இந்த செயலி.

உலகம் சொற்க‌ பூமியாக இல்லை.ஒவ்வொரு நிமிடமும் யாராவது ஒருவர் போருக்கு பயந்தோ தண்டனைக்கு அஞ்சியோ அகதியாக வெளியேறி கொண்டிருக்கின்ற‌னர்.அவர்களின் நிலையை கொஞ்சமேனும் நினைத்து பார்க்க வைக்க வேண்டும் என்பதற்காக இந்த செயலியை ஐநா உருவாக்கியுள்ளது.

மற்ற விளையாட்டு போல செல்போனில் இதனை தருவித்து விளையாடலாம்.ஆனால் இந்த விளையாட்டு கேளிக்கையை தராது.வாழ்க்கை பற்றிய புதிய புரிதலை தரக்கூடும்.

அகதிகள் நிலை பற்றிய புரிதலை தருவதோடு அவர்கள் நிலை மேம்பட நிதி அளிக்கவும் இந்த செயலி வாய்ப்பு தருகிறது.

கோபக்கார பறவையாக பன்றிகள் மீது தாக்குதல் நடத்து அங்க்ரிபேர்டு விளையாட்டு போன்றது தான் இதுவும் என்றாலும் இந்த செயலி அங்க்ரிபேர்டு போல மாபெரும் வெற்றியை பெற வேண்டும் என்றெல்லாம் ஐநா எதிர்பார்க்கவில்லை.சொல்லப்போனால் அங்க்ரிபேர்டு அள‌வுக்கு இந்த செயலி பிரபலமாக வேண்டும் என்று கூட ஐநா எதிர்பார்க்கவில்லை.இந்த செயலியை பலரும் அறிந்து கொண்டு இதன் மூலம் அகதிகள் நிலை உணர்ந்தாலே போதும் என்கிறது ஐநா.

இன்னலுக்கு ஆளான ஈழத்தமிழர்கள் பெயரால் நாமும் இந்த விளையாட்டை விளையாடுவோம்.அகதிகள் நிலை உணர்வோம் ,ஏதேனும் செய்வோம்!

இணையதள முகவரி;http://takeaction.unhcr.org/

ஆய்வு செய்திகளை கண்டுபிடித்து தரும் இணையதளம்.

தமிழில் சிலர் பேஸ்புக்கை முகநூல் என்று சொல்வது போல ஃபேக்ட் பிரவுசர் தளத்தை தகவல் பிரவுசர் என்று தமிழ் படுத்தலாம்.ஆனால் பெயரில் பிரவுசர் இருந்தாலும் இது இன்னொரு பிரவுசர் அல்ல!

ஒரு விதத்தில் இது வலைவாசல் இன்னொரு விதத்தில் தேடியந்திரம்.அல்லது இரண்டும் இணைந்த தளம் என்றும் சொல்லலாம்.

இந்த தளமோ தன்னை ஆய்வு தகவலுக்கான கண்டுபிடிப்பு இயந்திரம் என்று வர்ணித்து கொள்கிறது.அதாவது ஆய்வு தொடர்பான செய்திகளையும் தகவல்களையும் இந்த தளம் கண்டு பிடித்து தருகிறது.

ஆய்வு தகவல்களை தனியே தேட வேண்டிய அவசியமே இல்லை.ஆய்வுலகின் சமீபத்திய செய்திகளை முகப்பு பக்கத்திலேயே இது பட்டியலிடுகிறது.

ஆய்வுலக செய்திகள் என்றால் ஆய்வு அல்லது கருத்து கணிப்பு அடிப்படையில் பெறப்பட்ட தகவல்கள் மற்றும் புள்ளி விவரங்களை மையமாக கொண்டவை.

உதாரணத்திற்கு அமெரிக்காவின் முன்னணி நளிதழான நியுயார்க் டைமிசின் அச்சு பிரதிக்கான சந்தாதாரர்களின் எண்ணிக்கையை விட இணைய பதிப்பிற்கான எண்ணிக்கை அதிகரித்துள்ளது என்ற தகவலோ அல்லது அமெரிகாவில் உள்ள பேஸ்புக் பயனாளிகளில் 70 % பேர் ஏதாவது ஒரு வர்த்தக நிறுவன பிராண்டை விரும்பியுள்ளனர் என்ற தகவலோ ஆய்வின் அடிப்படையில் பெறப்பட்டவை.

அதே போல சில மாதங்களுக்கு முன்னர் நடத்தப்பட்ட ஆய்வு ஒன்று இந்தியாவில் கழிவறை வசதி உள்ளவர்களை விட செல்போன் வைத்திருப்பவர்களே அதிகம் என்று தெரிவித்தது.

இததகைய ஆய்வு முடிவுகள் சுவாரஸ்யமான தகவல்களை அளிக்க கூடயவை மட்டும் அல்ல புதிய புரிதலை ஏற்படுத்த வல்லவை.பத்திரிகைகளிலும் நாளிதழ்களிலும் இத்தகைய ஆய்வு சார்ந்த செய்திகளை தவறாமல் பார்க்கலாம்.

நிற்க‌ மற்ற செய்திகளுக்கு நடுவே புதைந்து கிடக்கும் இந்த செய்திகள் கவனிக்கப்படாமலே போகும் வாய்ப்பும் இருக்கிறது.மாறாக இந்த வகை செய்திகள் மட்டுமே பட்டியலிடப்பட்டிருந்தால் எப்படி இருக்கும் ?அதை தான் ஃபேக்ட் பிரவுசர் செய்கிறது.

ஆய்வுகள்,கருத்து கணிப்புகள்,அறிக்கைகள்,சர்வேக்கள் ஆகியவற்றை அடிப்படையாக கோண்ட செய்திகளை இது தேடிப்பிடித்து பட்டியலிடுகிறது.எனவெ ஆய்வு முடிவுகளுக்காக அங்கும் இங்கும் அலையாமல் ஒரே இடத்தில் அவற்றை படித்து கொள்ளலாம்.

ஆய்வு சார்ந்த முன்னணி நிறுவனங்கள் மற்றும் அமைப்புகளில் இருந்து இந்த செய்திகளை திரட்டி தருகிறது ஃபேக்ட் பிரவுசர்.தொழில்நுட்பம்,பொருளாதாரம்,செல்போன்,சமூக ஊடகம் என பல்வேறு த‌லைப்புகளின் கீழ இவை பட்டியலிட்ப்பட்டுள்ளதால் அவரவர் விருப்பத்திற்கேற்ற தலைப்புகளின் சமீபத்திய ஆய்வுகளை சுலப‌மாக தெரிந்து கொள்ளலாம்.

குறிப்பிட்ட துறையில் ஆர்வம் உள்ளவர்கள் தாங்கள் துறையில் புதிய ஆய்வு முடிவுகள் வந்துள்ளனவா என்பதை தேடிப்பார்க்கும் வசதியும் உள்ளது.அதே போல தொடர் ஆய்வுகளில் சமீபத்திய போக்கையும் தெரிந்து கொள்ளலாம்.உதாரணமாக செல்போன் கதிர் வீச்சால் உடல் நலம் பாதிக்கப்படுவதாக கூறப்படுவது தொடர்பாக பல்வேறு விதமான கருத்துக்கள் உள்ளன.இது தொடர்பாக ஆய்வுகளும் தொடர்ந்து நடத்தப்பட்டு வருகின்றன.சாமான்யர்களும் ஆர்வத்தோடு கவனித்து வரும் விஷயம் இது.

செல்போன் ஆய்வில் புதிய் அதகவல் என்ன என்று தெரிந்து கொள்ள விரும்பினால் இந்த தளத்தில் சுலபமாக தேடிப்பார்த்து கொள்ளலாம்.
ஆய்வு தகவல்கள் தனி தனி தலைப்புகளின் கீழ் மட்டும் அல்ல அவை மேற்கொள்ளப்பட்ட நாடுகளின் அடிப்படையிலும் வகைப்படுத்தப்பட்டுள்ளன.உதாரனத்திற்கு இந்தியா சார்ந்த தகவல் விரும்புவோர் அவற்றை மட்டும் தேர்வு செய்து படிக்கலாம்.

இதழாளர்கள்,ஆய்வு மாணவர்கள்,பேராசிரியர்கள் போன்றவர்களுக்கு பயனுள்ள தளம் இது.

ஏன்,சாமான்யர்களும் கூட செய்திகளை மாறுபட்ட வழியில் பெற விரும்பினால் இந்த தளத்தின் மூலம் சுவாரஸ்யமான மற்றும் சிந்தனைக்குறிய பல தகவல்களை தெரிந்து கொள்ளலாம்.

இணையதள முகவரி;http://www.factbrowser.com/