Tag Archives: father

மகளை இழந்த அப்பாவை நெகிழ வைத்த இணையம்.

baby1இணையத்தில் வெட்டிச்சண்டைகளும் வீண் விவாதங்களும் நடப்பதுண்டு. துவேஷத்தையும் வெறுப்பையும் பின்னூட்டங்களாக வெளியிட்டு குரூரத்தை வெளிப்படுத்தும் நிகழ்வுகளும் உண்டு. இருப்பினும் இணையம் அழகான இடம் தான். இதற்கு நெகிழ வைக்கும் எத்தனையோ உதாரணங்கள் இருக்கின்றன. சமீபத்திய உதாரணம் செல்ல மகளை இழந்து தவித்த அப்பாவின் சோகத்திற்கு மருந்திட இணையவாசிகள் ஓடோடி வந்து உதவிய உருக வைக்கும் சம்பவம்.

அமெரிக்காவின் ஓஹியோவைச்சேர்ந்த நாதன் ஸ்டிபெல் தான் இப்படி இணைய அன்பால் நெகிழந்து போயிருக்கும் அப்பா. ஸ்டிபலுக்கும் ஏற்பட்ட நிலை உலகில் எந்த அப்பாவுக்கும் ஏற்படக்கூடாதது. அவரது செல்ல மகள் ஆறே வாரங்கள் தான் உயிருடன் இருந்தார். அதிலும் அந்த ஆறு வாரங்களும் அந்த குழந்தை மருத்துவமனையிலேயே கழித்திருக்கிறது. கல்லிரல் பாதிப்பால் பிறந்ததில் இருந்து அந்த குழந்தை மருத்துவமனையில் உயிருக்கு போராடியிருக்கிறது. எந்த பெற்றோரையும் உலுக்கி விடும் நிலை தான்.

மகளை பறிகொடுத்த ஸ்டிபெல் அந்த குழந்தையின் புகைப்படமேனும் தன்னிடம் இருக்க வேண்டும் என விரும்பினார். ஆனால் மருத்துவமனையில் எடுக்கப்பட்ட புகைப்படத்தில் குழந்தை சிகிச்சைக்காக குழாய்கள் பொருந்திய நிலையிலேயே இருந்தது. இதனால் அந்த அப்பாவால் குழந்தையின் முழு முகத்தை பார்க்க முடியவில்லை.
baby-581x620இந்த நிலையில் தான் இணையத்தின் முகப்பு பக்கம் என்று வர்ணிக்கப்படும் ரெட்டிட் இணையதளத்தில் அவர் அந்த உருக்கமான கோரிக்கையை வைத்தார்.
என மகள் தான் வாழ்ந்த ஆறு வார காலத்தை மருத்துவமனையிலேயே கழித்ததால் அவளுடைய ஒரு நல்ல புகைப்படம் கூட என்னிடம் இல்லை. யாரேனும் இந்த குழாய்களை நீக்கிவிட்டு குழந்தையின் முகம் முழுவதும் தெரிவது போல மாற்றித்தர முடியுமா?என அவர் கேட்டிருந்தார்.

புகைப்படங்களில் திருத்தங்களை மேற்கொள்ளும் போட்டோஷாப் பயன்பாடு தெரிந்த யாரேனும் இதற்கு உதவலாம் என அவர் எதிர்பார்த்திருந்தார்.

அவர் எதிர்பார்ப்பு வீண் போகவில்லை. குழாய்கள் நீக்கப்பட்டு குழந்தையின் அழகான புகைப்படம் சமர்பிக்கப்பட்டது. இப்படி பலரும் புகைப்படங்களை உருவாக்கி சமர்பித்திருந்தனர். இந்த முகம் தெரியாத மனிதர்களின் ஆதரவால் அவர் திக்குமுக்காடிப்போய்விட்டார். ” நான் ஒரே ஒரு நல்ல படம் தான் கேட்டேன். ஆனால் இத்தனை பேர் அதற்கான முயர்சியில் ஈடுபட்ட்து அற்புதமாக இருக்கிறது. இப்போது நிறைய படங்கள் இருக்கின்றன” என்று அவர் நெகிச்சியுடன் குறிப்பிட்டிருந்தனர்.

குழாய்கள் நீக்கப்பட்ட அந்த படங்களில் குழந்தையின் தோற்றம் அத்தனை அழகாக இருந்தது. அந்த காட்சியை பார்த்து தந்தையுள்ளம் எத்தனை மகிழ்ந்திருக்கும்!
குழந்தையின் புகைப்பட்த்தை உருவாக்கி தந்துடன் நில்லமால் பலரும் அந்த தந்தையின் சோகத்தை புரிந்து கொண்டு ஆறுதல் கூறியிருந்தனர். ஒரு சிலர் தாங்களும் அவரைப்போலவே மகளை இழந்த சோகத்தை பகிர்ந்து கொண்டு அவருக்கு ஆறுதல் சொல்லியிருந்தனர். மருத்துவமனையில் குழந்தையை சேர்க்க நேர்ந்த அனுப்வத்தையும் பகிர்ந்து கொண்டு அவரது வலியை உணர முடிவதாக சிலர் கூறியிருந்தனர். ஒரு பயனாளி உங்கள் இடத்தில் என்னை வைத்துப்பார்த்தால் இதயம் வலிக்கிறது என்று கூறியிருந்தார். இன்னொருவரோ எனது பையன்களுக்கு 11மற்றும் 12 வயதாகிறது.அவர்கள் நண்பர்களுடன் அதிகம் இருக்கின்றனர். நான் இனி அவர்கள் அருகில் இருப்பேன் என குறிப்பிட்டிருந்தார். பலர் ஆறுதல் வார்த்தைகளோடு புகைப்படங்களையும் உருவாக்கி சமர்பித்திருந்தனர். சிலர் ஆயில்பெயிண்டிங்கில் வரைந்து அனுப்புவதாகவும் கூறியிருந்தார்.

இந்த உரையாடல்கள் அன்பின் மொழியாகவும், மனிதநேயத்தின் வெளிப்பாடாகவும் அமைந்திருந்தன. தந்தைகளின் உலகையும் உணர்வையும் வெளிப்படுத்துவதாகவும் இருந்தன.

ரெட்டிட் கோரிக்கை பக்கம்: http://www.reddit.com/r/pics/comments/2ajul6/photoshop_request_my_daughter_recently_passed/

குழந்தையின் புகைப்படங்கள்; http://imgur.com/nZFisJl

———–

விகடன்.காமில் எழுதியது; நன்றி.விகடன்.காம்

டிவிட்டரில் அப்பா என்னை பின் தொடர்ந்த போது!

தொழில்நுட்பத்திலும் ஆர்வம் மிக்க ஒரு பாசமிகு தந்தை டிவிட்டரில் தனது மகளை பின் தொடர்ந்தால் என்ன நிகழும் என்பதை கேத்தரின் கோல்ட்ஸ்டின் என்னும் பெண்மணி சுவைபட விவரித்திருக்கிறார்.

அமெரிக்காவை சேர்ந்த கேத்தரின் இணைய இதழான ஸ்லேட்டில் பணியாற்றி வருகிறார்.குறிப்பாக இணையம் மற்றும் சமூக ஊடகம் சார்ந்த விஷயங்கள் பற்றி அவர் எழுதி வருகிறார்.

கேத்தரினின் தந்தை கடந்த தலைமுறையை சேர்ந்தவர் என்றாலும் தொழில்நுட்பத்தை கண்டு மிரண்டு ஒதுங்கி கொள்பவர் அல்ல;புதிய தொழில்நுட்பத்தை அறிமுகம் செய்து கொள்ள வேண்டும் என்ற ஆர்வம் மிக்கவர்.அந்த வகையில் தான் டிவிட்டரையும் அவர் பயன்படுத்த துவங்கியிருந்தார்.

டிவிட்டரில் கணக்கை ஏற்படுத்தியிருந்தாரே தவிர அவருக்கு டிவிட்டரின் அடிப்படை அம்சங்கள் குழப்பமாகவே இருந்தது.அதில் தெளிவு பெறுவதற்காக அவர் மகளின் உதவியை நாடினார்.மகளும் அப்பாவுக்கு ஆர்வத்தோடு டிவிட்டரில் குறும்பதிவு செய்வது எப்படி,ரீடிவீட் செய்வது என்றால் என்ன,பின் தொடர்வது என்றால் என்ன, போன்ற விஷயங்களை பாடம் நடத்துவது போல ஆர்வத்தோடு சொல்லிக்கொடுத்தார்.

ஒரு பணிவான மாணவனை போல அவரது அப்பாவும் அவற்றை கவனத்தோடு கேட்டு புரிந்து கொண்டார்.டிவிட்டர் பற்றி இனி எனக்கு பிரச்சனை இல்லை என்று உற்சாகமாக கூறினார்.

அப்பாவிற்கு டிவிட்டரின் அடிப்படை அம்சங்களை சொல்லிக்கொடுத்த போது அவரது டிவிட்டர் பக்கத்தில் எல்லாமே தன்னுடைய குறும்பதிவுகளாக இருப்பதை கேத்தரின் கவனித்தார். தன்னை தவிர டிவிட்டரில் அப்பா மிகச்சிலரை மட்டுமே பின் தொடர்ந்ததால் இந்த நிலை எனப்தை அவர் புரிந்து கொண்டார்.

ஆனால் சில நாட்கள் கழித்து தான் அதன் விளைவுகள் கேததரினுக்கு புரியத்துவங்கியது.

கேத்தரின் எதை குறும்பதிவு செய்தாலும் அதனை அவரது தந்தை படித்து கொண்டிருந்தார்.அது மட்டும் அல்ல குறும்பதிவுகள் மூலம் பகிர்ந்து கொன்ட விஷயங்கள் குறித்து தனது கருத்துக்களையும் உடனுக்குடன் இமெயில் வழியே
அனுப்பி வைத்தார்.

கேத்தரின் சாப்பிட்வதற்கான நல்ல ரெஸ்டாரன்ட் பற்றியோ அல்லது புதிதாக வந்துள்ள திரைப்படம் பற்றியோ குறும்பதிவு செய்தால் தந்தை இநத ரெஸ்டாரண்டுக்கு போம்மா என்றோ அல்லது ஓயாமல் படம் பார்க்காதே என்றோ அறிவுரை கூறினார்.

காலையில் கேட்ட பாடல்,அலுவலகத்தில் நடந்த சம்பவம் என்று எதைப்பற்றி குறும்ப்திவு செய்தாலும் அப்பாவிடம் இருந்து உடனடியாக இமெயில் வந்தது.இது பற்றி விசாரித்த போது தந்தை அவரிடம் டிவுட்டரில் உனது புதிய பதிவு வரும் போதெல்லாம் எனது போனில் தெரியும் படி செய்திருக்கிறேனே என்று உற்சாகமாக கூறினார்.

அப்போது தான் கேததரினுக்கு தந்தை தன்னை பின் தொடர்வது போல கண்காணித்து கொண்டே இருப்பது போல தோன்றியது.அவரது தந்தை பொதுவாக பிள்ளைகளின் சுதந்திரத்தில் தலையிடுபவர் அல்ல;அவர்கள் சுயமாக முடிவெடுத்து செய்லபட வேண்டுமென்றே விரும்புவர்.

ஆனால் டிவிட்டர் சேவையின் புதுமை அவரை மகளின் குறும்பதிவுகளை பின் தொடர் வைத்தது.மகளின் பதிவுகளை படித்து அதற்கு பதில் சொல்வதை அவர் இயல்பானதாகவே கருதினார்.மகளுக்கு ஆலோசனை சொல்வதை தனது கடமையாகவும் நினைத்தார்.

குடும்ப நிகழ்ச்சிகளில் சந்தித்து கொண்டால் கூட மகளின் டிவிட்டர் செய்திகள் பற்றியும் தன்னைவிட அவளுக்கு அதிக பின் தொட்ர்பாளர்கள் இருப்பதையும் பெருமையோடு கூறி வந்தார்.

கேத்தரினுக்கு தான் சங்கடமாக இருந்தது.தொழில் முறையிலான கேல்விகளை வெளியிட்ட போது கூட தந்தை அது பற்றி உடனே போனில் பேசியது அவரை நெளிய வைத்தது.

வேறு வழியில்லாமல் அவர டிவிட்டரில் தனிப்பட்ட விஷயங்களை பகிர்ந்து கொள்வதை தவிர்த்தார்.எதையும் பதிவிடும் முன் இதற்கு அப்பாவிடம் இருந்து பதில் வருமா என்று யோசிக்கத்துவங்கினார்.டிவிட்டரை விட பேஸ்புக்ககையே அதிக பயன்படுத்த துவங்கினார்.

ஆனால் நல்ல வேளையாக கொஞ்ச நாட்களில் எல்லாம் அப்பா அவரது பதிவுகளுக்கு உடனே பதில் சொல்வதை குறைத்து கொண்டு விட்டார்.டிவிட்டர்ல் அவருக்கு கவனம் செலுத்த வேறு பின் டொடர்பாளர்கள் கிடைத்திருக்க வேண்டும் என்று கேத்தரின் நினைத்து கொண்டார்.

ஆனால் இதற்குள் அவர்து அம்மா டிவிட்டரை பார்த்து விட்டு அது குறித்து விளக்கம் கேட்ட துவங்கிவிட்டதாக கேத்தரின் இந்த கட்டுரையை ஒரு சிறுகதை போல முடிந்திருந்தார்.

டிவிட்டர் கால கருத்து பரிமாற்றம் எப்படி குடும்ப உறவிலும் பிரதிபலிக்ககூடும் என்பதை அழாக உணர்த்தும் கட்டுரை இது.

டிவிட்டர் குடும்ப உறுப்பினர்கள் மத்தியில் புதியதொரு கருத்து பறிமாற்றத்திற்கும் வழி வகுக்கலாம்.

பிள்ளைகளை அப்பா அம்மாக்கள் டிவிட்டரில் பின் தொடர்வது மேலும் சக்ஜமாகலாம்.நீ என் ப்திவுகளை படிப்பதே இல்லை என்று பிள்ளைகளும் கோபித்து கொள்ளலாம்.இல்லை தயவு செய்து டிவிட்டரில் என்னை பின் தொடராதே என்று கட்டளையிடலாம்.

டிவிட்டர் பதிவை படித்து விட்டு அப்பாவோ அம்மாவோ பிள்ளைகளின் மனதை புரிந்து கொள்ளலாம்.

வாழ்க டிவிட்டர்.

—————–

டிவிட்டருக்கு எத்தனையோ பரிமானம் இருக்கிறது.டிவிட்டர் குடும்ப உறவை மேம்படுத்த கைகொடுக்கும் என்பதை உணர்த்தும் வகையில் இந்த பதிவு அமைந்துள்ளது.இதில் டிவிட்டரில் மகளும் தந்தையும் நெருங்கி வந்தனர் என்றால் டிவிட்டர் மூலம் நெருங்கி வந்த தாய் மகள் பற்றி முந்தைய பதிவில் எழுதியுள்ளேன்.

இரண்டும் பதிவுகளுக்குமே அடிப்படையான கட்டுரைகள் நான் விரும்பி வாசிக்கும் இணைய இதழான சலோன் டாட் காமில் வெளியாகின என்பதை இங்கே சுட்டிக்காட்ட விரும்புகிறேன்.

அன்புடன் சிம்மன்.

Shit-My-Dad-Says

அப்பாவின் திட்டுகளும் ஒரு டிவிட்டர் நட்சத்திரமும்.

அப்பாவிடம் திட்டு வாங்காத மகன்கள் உலகில் உண்டா சொல்லுங்கள்!எப்போதாவது திட்டு வாங்குபவர்கள் எப்போதுமே திட்டு வாங்குபவர்கள் போன்ற வேறுபாடு இருக்கலாமே தவிர எல்லோருமே அப்பாக்களிடம் திட்டு வாங்குபவர்கள் தான்.

அப்பாவின் திட்டுக்களால் திருந்தியவர்கள் உண்டு,மனம் வெதும்பியவர்கள் உண்டு.கடுப்பாகி கண்டு கொள்ளாமல் இருப்பவர்களும் உண்டு.ஆனால் அப்பாவின் திட்டுக்களால் உலகப்புகழ் பெற்ற ஒருவர் இருக்க முடியும் என்றால் அந்த அதிர்ஷ்டசாலி அமெரிக்க வாலிபர் ஜஸ்டின் ஹால்பெர்னாக தான் இருக்க வேண்டும்.

இது ஆச்சர்யமாக இருக்கலாம்! ஹால்பெர்ன் அப்பாவின் திட்டுக்களால் முதல் டிவிட்டரில் தனக்கென தனி ரசிகர் படையை பெற்று ,பின்னர் புத்தகம் எழுதும் வாய்ப்பையும் பெற்று உலக அளவில் பிரபலமானவர்.அப்படியே தொலைக்காட்சி தொடர் வாய்ப்பையும் பெற்றிருக்கிறார்.

டிவிட்டர் உருவாக்கிய நட்சத்திரங்களில் அவர் மிகவும் சுவாரஸ்யமானவர்.அவரது கதை டிவிட்டர் வெற்றிக்கதைகளில் ஒன்று.

அந்த கதையை பார்ப்போம்.

டிவிட்டர் மூலம் கவனத்தை ஈர்க்க வேண்டும்,பெரிய அளவில் புகழ்பெற வேண்டும் என்ற எதிர்பார்ப்போ அதற்கான திட்டமோ இல்லாமல் ஹால்பெர்ன் டிவிட்டர் செய்யத்துவங்கினார்.அவர் டிவிட்டரில் பகிர்ந்து கொண்ட விஷய்ம் தான் அவரே எதிர்பாராத வகையில் புகழை தேடி தந்தது.

டிவிட்டரில் அவர் பகிர்ந்து கொண்டது அப்பாவின் திட்டுக்களை தான்!.

அப்பாவின் திட்டுக்களை விட்டில் சொல்லி புலம்பலாம்,நண்பர்களிடம் பகிர்ந்து கொள்ளலாம்,ஆனால் டிவிட்டரில் பகிர்ந்து கொள்ளலாமா என்று வியப்பு ஏற்படலாம்.

ஹால்பெர்னும் கூட அப்பாவின் திட்டுக்களை டிவிட்டருக்கு கொண்டு சென்றது தற்செயலானதே.

ஹால்பெர்னுக்கு அப்போது 28 வயது.மாக்சிம் பத்திரிகையில் பணியாற்றி கொண்டிருந்த ஹால்பெர்ன் லாஸ் ஏஞ்ஜெல்ஸ் நகர வாழ்க்கை வெறுத்து போய் சான்டியாகோ நகருக்கே திரும்பி தனது பெற்றோருடன் வசிக்கத்துவங்கியிருந்தார்.

ஹால்பெர்ன் வேலை வெட்டி இல்லாதவராக இல்லை என்றாலும் அவரது தந்தை சாம் ஹால்பெர்ன் தினமும் அவரை வறுத்தெடுக்க தவறவில்லை.

திட்டுக்களின் பல ரகம் உண்டு.சில திட்டுக்களை சிரித்து ரசித்து மகிழக்கூடியதாக இருக்கும்.ஹால்பெர்னின் தந்தையின் திட்டுக்களும் இந்த ரகம் தான்.மனித வசை பாடும் போது அதில் ஆவேசம் இருக்கிறதோ இல்லையோ புதுமையாகவும்,ரசிக்க கூடியதாகவும் ஏதோ இருக்கும்.கொஞ்சம் பச்சையாகவும் இருக்கும்.படபடவென்று அவர் திட்டித்தீர்க்கும் போது தனிச்சுவையோடு இருக்கும்.

அதோடு உலகின் மீதான அவரது அபிப்ராயத்தை சொல்வதாகவும் இருக்கும்.சமயங்களில் பெரிசுகளின் தத்துவ முத்துக்களாகவும் இருக்கும்.

சாம்பிலுக்கு ஒன்று பார்ப்போமா?

‘டாய்லெட்டில் ஒரு முறைக்கு மேல் நீர் ஊற்றியாக வேண்டும்.இல்லை,இல்லை நீ இதனை செய்தே ஆக வேண்டும்.இல்லை என்றால் வேறு டாய்லெட்டை பயன்படுத்து.இது என் டாய்லெட்’.

‘ இந்த காலத்தில் எல்லா பையன்களும் குண்டாக இருக்கின்றனர்.மகனே நீ சின்ன வயதிலும் குண்டாக தான் இருந்தாய்”

இப்படி அவர் திட்டுவதை கேட்கும் போது கோவம் வருகிறதோ இல்லையோ நிச்சயம் ரசித்து சிரிக்க தோன்றும்.

ஹால்பெர்ன் இவற்றை கேட்டு ரசிப்பதோடு தனது நண்பர்களுடனும் பகிர்ந்து கொள்வார்.ஒரு முறை நண்பர் ஒருவர் இந்த வசை முத்துக்களை எல்லாம் டிவிட்டரில் பகிர்ந்து கொள்ளலாமே என்று யோசனை தெரிவித்தார்.ஹால்பெர்னும் அதனை ஏற்றுக்கொண்டு தந்தை தினந்தோறும் திட்டுவதில் இருந்து மிகச்சிறந்த திட்டை தேர்வு செய்து அதனை டிவிட்டரில் வெளியிடத்துவங்கினார்.

திட்டுகளில் கெட்ட வார்த்தைகளும் இருக்கலாம் என்பதால் ‘ஷிட் மை டாட் சேஸ்’ (ஆங்கில எழுத்து வழக்கப்படி எஸ் மற்றும் ட் என்றே இருக்கும்)எனும் பெயரில் டிவிட்டரில் குறும்பதிவுகளை வெளியிட்டிருந்தார்.

அப்போது கூட தனது நட்பு வட்டார்த்தை மட்டுமே மனதில் கொண்டு அவர் இதனை செய்து வந்தார்.ஆனால் அவர் சற்றும் எதிர்பார்க்காத வகையில் பலருக்கும் இந்த திட்டுக்கள் பிடித்து போனது.பிடித்தவர்கள் மற்றவர்களுக்கு பரிந்துரை செய்தனர்.சில நாட்களில் பார்த்தால் அந்த டிவிட்டர் கணக்கை பின்தொடர்பவர்களின் எண்ணிக்கை ஆயிரக்கணக்கில் அதிகரித்திருந்தது.

தினம் ஒரு திட்டு பகிர்வு என்னும் புதுமையான முயற்சி அனைவரையும் கவ்ர்ந்திருக்க வேண்டும்.அதோடு அந்த திட்டுக்கள் ஒரு முதியவரின் மனநிலையை அவரது உலக பார்வையை ஏமாற்றங்களை எதிர்பார்ப்புகளை வெளிப்படுத்தக்கூடியதாகவும் இருக்கவே பலரும் அவற்றை தொடர்ந்து படித்தனர்.

கவனத்தை ஈர்க்கும் டிவிட்டர் கணக்கும் நாளிதழ்களின் கண்ணில் படாமல் இருக்குமா?பல் முன்னணி அமெரிக்க நாளிதழ்கள் ஹால்பெர்னின் டிவிட்டர் பதிவு பற்றி செய்தி வெளியிட்டு அவரையும் பேட்டி எடுத்து போட அவரது டிவிட்டர் பதிவு மேலும் பலமடங்கு பிரபலமாகிவிட்டது.

அப்பா திட்டுவதை மட்டுமே ஒருவர் டிவிட்டர் பதிவாக வெளியிடுகிறாரா என்ற வியப்பும் அந்த பதிவுகள் தனி சுவையோடு இருந்ததும் ஹால்பெர்னை டிவிட்டர் நட்சத்திரமாக உயர்த்தியது.

,மிக விரைவிலேயே நியூயார்க் பதிப்பகம் ஒன்று இந்த குறும்பதிவுகளை புத்தகமாக எழுதிதர கேட்டது.அந்த புத்தகம் வெளியாகும் முன் இந்த குறும்பதிவுகள் அடிப்படையில் தொலைக்காட்சி தொடரை உருவாக்கும் வாய்ப்பும் தேடி வந்தது.கூடவே டாலர்களும் குவிந்தன என்பதை சொல்ல வேண்டியதில்லை.

இதில் என்ன வேடிக்கை என்றால் தனது திட்டுக்கள் அமெரிக்க முழுவதும் பிரபலமாகி உலக அளவில் பேசப்படுகின்றன என்பது ஹால்பெர்னின் அப்பாவுக்கு முதலில் தெரியாது.ஹால்பெருனும் இதையெல்லாம் யார் படிக்கப்போகின்றனர் எனற அலட்சியத்தில் பெரிதாக கண்டு கொள்ளவில்லை.ஆனால் பத்திரிகை செய்தி தொலைக்காட்சி பேட்டி என்று வந்த பின் அப்பாவுக்கு எல்லாம் தெரிந்துவிட்டது.

ஆனால் மனிதர் அப்போதும் அலட்டிக்கொள்ளவில்லை.மகனிடம் அவர் இரண்டும் விஷ்யஙக்ளை தான் சொன்னார்.என்னை யாரும் பேட்டி எடுக்க வரக்கூடாது.பணமும் எனக்கு தேவையில்லை.என பணம் என்னிடம் இருக்கிறது என்று மட்டுமே அவர் சொன்னார்.

கோபம் இல்லாத அந்த வெள்ளந்தியான மனத்தை தானே எல்லோரும் ரசிக்கின்றனர்.

http://twitter.com/shitmydadsays