Tag Archives: nasa

பறக்கும் தட்டு வீடியோக்களுக்கு விளக்கம் அளிக்கும் வல்லுனர்

imageபறக்கும் தட்டுகள் மீது உங்களுக்கு ஆர்வம் இருக்கிறதா?
பறக்கும் தட்டுகளை பார்த்ததாக சொல்லப்படுவதை நீங்கள் நம்புகிறீர்களா? பறக்கும் தட்டுகள் வேற்று கிரகவாசிகளின் இருப்புக்கான அடையாளமாக அமைகின்றனவா?

இந்த கேள்விகளில் உங்களுக்கு ஆர்வம் இருந்தால், ஜேம்ஸ் ஆபர்கை (james oberg ) நீங்கள் அறிந்து கொள்ள வேண்டும். பறக்கும் தட்டு தொடர்பான சங்கதிகள் மீது உங்களுக்கு நம்பிக்கை கொண்டவர்களும் சரி, நம்பிக்கை இல்லாதவர்களும் சரி ஆபர்கை அறிந்து கொள்வது நல்லது. ஏனெனில் அவர் பறக்கும் தட்டு நிகழ்வுகள் பின்னால் இருக்கும் அறிவியவிலுக்கான விளக்கத்தை அளித்து வருகிறார். இந்த விளக்கத்தை அவர் அளித்து வரும் விதம் தான் கவனத்திற்கு உரியதாக இருக்கிறது. இணைய உலகிற்கு மிகவும் ஏற்றதாகவும் இருக்கிறது.
பறக்கும் தட்டுகள் தொடர்பான விவாதம் பல ஆண்டுகளாக நடந்துக்கொண்டிருக்கின்றன. ஆரம்பத்தில் பிளையிங் சாஸர்ஸ் என்று குறிப்பிடப்பட்டு அதன் பிறகு யு.எப்.ஒ (அன் ஐடிண்டிபைடு பிளையிங் ஆப்ஜக்ட்ஸ்) என பொதுவாக குறிப்பிடப்படும் பறக்கும் தட்டுகள் 60 ஆண்டுகளுக்கும் மேலாக பொதுமக்களின் கற்பனையையும் கருத்தையும் ஈர்த்து வருகின்றன.

பூமியில் பார்த்தறியாத ஒரு பொருளை பார்க்கும் போது அல்லது பார்த்ததாக சொல்லப்படும் போது அது பறக்கும் தட்டாக இருக்கலாம் எனும் நம்பிக்கை பலவித கதைகளுக்கும், கட்டுக்கதைகளுக்கும் வித்திட்டிருக்கின்றன. இணையத்திற்கு முந்தைய காலத்தில் வெறும் செய்திகளையும், புகைப்பட ஆதாரங்களையும் வைத்துக்கொண்டு தான் இது பற்றி விவாதிக்க வேண்டியிருந்தது. ஆனால் இணைய யுகத்தில் பறக்கும் தட்டுகளை பார்த்ததாக சொல்லப்படுவதற்கு வீடியோ ஆதாரங்களும் அநேகம் இருக்கின்றன. யூடிடூப் தளத்தில் யு.எப்.ஒ என தேடிப்பார்த்தால் ஒரு கோடிக்கும் அதிகமான வீடியோக்கள் பட்டியலிடப்படுகின்றன. யு.எப்.ஒ பார்த்தல் தொடர்பான பிரபலமான யூட்டியூப் சேனல்களை நூற்றுக்கும் மேல் இருக்கின்றன. இந்தியாவின் விமானத்திற்கு அருகே காணப்பட்ட பறக்கும் தட்டு, வானத்தில் பெரிய பறக்கும் தட்டை பார்த்தவர் என விதவிதமாக பறக்கும் தட்டு வீடியோக்கள் காணக்கிடைக்கின்றன.

இந்த ஆர்வத்தையும், நம்பிக்கையையும் மீறி பறக்கும் தட்டுகள் இன்னும் அறிவியலின் எல்லைக்குள் வரவில்லை. விஞ்ஞானிகள் இவற்றை ஏற்பதில்லை.
ஆனால் இவற்றின் அறிவியல் அடிப்படை பற்றி எல்லாம் அதிகம் கவலைப்படாமல், பறக்கும் தட்டுகள் பற்றி தீவிரமாக விவாதித்துக்கொண்டிருப்பவர்கள் இல்லாமல் இல்லை.

இந்த இடத்தில் தான் ஜேம்ஸ் ஆபர்க் வருகிறார். அமெரிக்க விண்வெளி ஆய்வுக்கழகமான நாசாவின் முன்னாள் ஊழியரான ஆபர்க் அந்த பணியில் இருந்து விலகிய பிறகு விண்வெளி ஆய்வு தொடர்பான பத்திரிகையாளர் மற்றும் ஆய்வாளராக செயல்பட்டு வருகிறார். விண்வெளி ஆய்வு திட்டங்கள் பற்றி, குறிப்பாக ரஷ்யா மற்றும் சீனாவின் விண்வெளி ஆய்வு திட்டங்கள் பற்றி அவர் நன்கறந்தவராக கருதப்படுகிறார். விண்வெளி ஆய்வு திட்டங்கள் மற்றும் அவற்றிம் அடிப்படை பற்றி தொடர்ந்து கட்டுரைகளும் எழுதி வருகிறார்.

இவற்றுக்கு நடுவே அவர் பறக்கும் தட்டு தொடர்பான உண்மைகளை விளக்குவதிலும் நேரத்தை செலவிட்டு வருகிறார்.

பொதுவாக விஞ்ஞான உலகில் இருப்பவர்கள் பறக்கும் தட்டு தொடர்பான விவாதங்களை புறங்கையாக ஒதுக்கித்தள்ளி விடுகின்றனர். ஆனால் ஆபர்க் அப்படி செய்வதில்லை. மாறாக அவர் பறக்கும் தட்டு நிகழ்வுகள் என்று சொல்லப்படுவதன் பின்னே உள்ள உண்மையை புரிய வைக்க முயனறு வருகிறார். இதை அவர் செய்து வரும் விதம் தான் பாராட்டுக்குறியதாக இருக்கிறது. பறக்கும் தட்டு தொடர்பான யூடியூப் வீடியோக்களில் பின்னூட்டமாக அவர் தனது கருத்துக்களை பதிவு செய்து வருகிறார்.

பறக்கும் தட்டு நிகழ்வுகளை விளக்கி கட்டுரை எழுதலாம். வீடியோ விளக்கங்களை தயார் செய்யலாம். ஆனால் அவை எல்லாம் பொதுவான வாசகர்களுக்கானவையாகவே இருக்கும். பறக்கும் தட்டுகள் மீது நம்பிக்கை கொண்டவர்கள் அந்த உலகிலேயே தான் முழ்கியிருப்பார்கள். அதனால் தான் ஆபெர்க், யூடியூப்பில் பறக்கும் தட்டு தொடர்பாக தீவிர உரையாடல் நடக்கும் வீடியோக்களை தேர்வு செய்து, அதன் விவாத சரட்டில் விஞ்ஞான பூர்வமான உண்மைகளை விளக்கி பதில் அளித்து வருகிறார்.

பறக்கும் தட்டு நம்பிக்கையை ஒரேடியாக அலட்சியம் செய்து விடாமல் உண்மையில் இந்த ஆர்வத்திற்கான காரணம் என்ன என்பதை அறிந்து கொள்ளும் ஆர்வத்துடன் அவர் செயல்பட்டு வருகிறார். பறக்கும் தட்டு அபிமானிகள் சுட்டிக்காட்டும் தகவல்களை எல்லாம் சேகரித்து அவற்றை உண்மையான நிகழ்வுகளுடன் அவர் ஒப்பிட்டுப்பார்த்து இந்த பணியை செய்து வருகிறார். இதன் பயனாக அவர், ஒரு சுவாரஸ்யமான முடிவை முன்வைக்கிறார். மெதுவாக நகரும் பொருட்கள், குறிப்பிட்ட ஒளி சூழல் மற்றும் காற்று மணடலத்திற்கு பழகிய மனித உணர்வுகள், பூமிக்கு பொருத்தமான சூழலில் சரியாக செயல்படுகின்றன. ஆனால், பூமியை விட்டு விலகிச்செல்லும் போது நமது உணர்வு குழப்பமாகி விடுகின்றன என்கிறார் ஆபெர்க். இந்த குழப்பமே பறக்கும் தட்டுகளை நம்ப வைக்கிறது என்றும் சொல்கிறார்.

யூடியூப்பில் தான் பார்த்த பறக்கும் தட்டு வீடியோக்களை அலசி ஆராய்ந்து அவற்றில் காணப்படும் பொதுத்தன்மைக்கு ஏற்ப மூன்று முக்கிய பிரிவாக பிரித்து ஒவ்வொன்றுக்கும் விளக்கம் அளித்துள்ளார்.
அமெரிக்காவின் கலிபோர்னியாவில் கடந்த நவம்பர் மாதம் 7 ம் தேதி வானத்தில் திடிரென தோன்றிய ஒரு பொருள் கவனத்தை ஈர்த்தது. அதன் பிறகு அந்த பொருள் வெடித்துச்சிதறி நீல நிற பிழம்பாகி மறைந்தது. இது பெரும் பரபரப்ப ஏற்படுத்தியதோடு இந்த நிகழ்வு தொடர்பான யூடியூப் வீடியோ பத்து கோடி முறை பார்க்கப்பட்டது.
ஆனால், ராக்கெட் வெளியேற்றிய புகையின் தாக்கத்தால் உண்டானது இது என்று விளக்கம் தருகிறார் ஆபெர்க். பூமியில் இருந்து வானத்தை பார்க்கும் போது, அது முழு சூரிய ஒளியில் இருக்க நாம் இருளில் இருப்பதால் வானத்திற்கு பழக்கப்பட்டாத நம் கண்களுக்கு அது பிழம்பாக காட்சி அளித்தாலும் அது ராக்கெட்டில் இருந்து வெளியேறும் புகையின் தோற்றமே என்கிறார் அவர்.

இதே போல நாசாவின் விண்கலம் ஒன்றில் இருந்து எடுக்கப்பட்ட காட்சி நடுவே வெள்ளைத்துகள்கள் மிதந்து நடனமாடுவது போல அமைகின்றன. இது தொடர்னாப யூடியூப் வீடியோக்கள், வேற்று கிரக விண்கலங்களில் இருந்து வந்த ஒளி என்ற கருத்து முன்வைக்கப்படுகிறது.

ஆனால் ஆபெர்க் இதற்கும் பொறுமையாக விளக்கம் தருகிறார். பூமியில் இருந்து பார்க்கும் மனநிலையே இதற்கு அடிப்படை காரணம் என்கிறார் அவர். பூமியில் நாம் நிலையாக நிற்கிறோம். ஆனால் வெளியில் விண்கலம் 17,500 மைல் வேகத்தில் பயணிக்கிறது. அதை கடந்து செல்லும் எந்த பொருளும் ஒரு நொடிக்கும் குறைவான நேரம் மட்டுமே பார்க்க கூடியதாக இருக்கும். இவ்வாறு கடந்து செல்லும் பொருட்களில் ஏதேனும் ஒன்று அதன் பார்வையில் சிக்க வேண்டும் என்றால் அது விண்கல காமிராவில் பதிவானால் மட்டுமே சாத்தியம். விண்கலத்தில் இருந்து உதிர்ந்த சில பொருட்களே இப்படி அதன் காமிராவில் சிக்கி மிதக்கும் புள்ளிகளாக தெரிகிறது என்கிறார் அவர்.

பறக்கும் தட்டு என நம்பப்படும் நிகழ்வுக்கு பின்னே உள்ள இத்தகைய அறிவியல் தகவல்களை அவர் வீடியோக்களில் பின்னூட்டமாக தெரிவித்து வருகிறார். இந்த புள்ளிகளை அவர் விண்வெளி பொடுகுகள் என்கிறார்.

அதே போல, பூமியில் சூரிய ஒளி ஒரு பொருளின் மீது படும் போது அதன் நிழல் வேறு ஒன்றின் மீது படர்கிறது. ஆனால் விண்வெளியில் பயணிக்கும் விண்கலத்தின் நிழல் வேறு எதன் மீதும் விழ வாய்ப்பில்லாத நிலையில், அவப்போது எதிர்படும் விண்வெளி பொடுகளால் ஈர்த்துக்கொள்ளப்பட்டு,வெளியேற்றப்படுகிறது. இதைப்பார்த்தும் ஏமாந்து போகின்றனர் என்கிறார்.

இணைய வெளியில் தகவல்களுக்கும் பஞ்சமில்லை. தகவல் பிழைகளுக்கும் குறைவில்லை. தவறான தகவல்களை நம்புவதற்கும் பல்வேறு குழுக்கள் இருக்கின்றன. இவர்களுக்கு மத்தியில் சென்று கருத்து போராட்டம் நடத்துபவராக ஆபெர்க் விளங்குகிறார்.

ஜேம்ஸ் ஆபெர்க் இணையதளம்:http://www.jamesoberg.com/
ஆபெர்க் விளக்கம் பற்றிய கட்டுரை: http://www.atlasobscura.com/articles/how-one-man-has-explained-almost-every-internet-ufo-theory

நன்றி; தமிழ் இந்துவில் எழுதியது.

1-space

இமெயில் மூலம் வின்வெளியில் அச்சான சாதனம் – 3டிபிரிண்ட்ங் அற்புதம்

தொழில்நுட்பம் வின்னைத்தாண்டி வளர்ந்திருக்கிறது. இதற்கான சமீபத்திய உதாரணம் வின்வெளியில் இருக்கும் வின்வெளி வீரருக்கு சாக்கெட் சாதனம் ஒன்று தேவைப்பட்ட போது நாசா அதற்கான வடிவமைப்பை இங்கிந்திருந்து இமெயில் மூலம் அனுப்பி வைத்து அங்கே அதை முப்பரிமான அச்சில் உருவாக்கி கொள்ள வைத்து வியக்க வைத்திருக்கிறது.
வின்வெளியில் முப்பரிமான அச்சில் உருவாக்கப்பட்ட இந்த முதல் சாதனம் 3டி பிரிண்டிங் என்று சொல்லப்படும் இந்த தொழில்நுட்பம் எந்த அளவுக்கு பயனுள்ளதாக இருக்கும் என்பதற்கான அழகான உதாரணமாக கருதப்படுகிறது.
சாப்ட்வேர் வடிவமைப்பு மூலம் ஒருவொரு அடுக்காக பொருளை அச்சு அசலாக உருவாக்கும் முறையில் 3டி பிரிண்டிங் செயல்படுகிறது. இந்த முப்பரிமான அச்சு முறையின் பயன்பாடு பலதுறைகளில் புரட்சிகரமானதாக அமையும் என கணிக்கப்பட்டுள்ளது.

1-space2
இதற்கு உதாரணமாக அமைவது போல சமீபத்தில் வின்வெளியில் உள்ள சர்வதேச வின்வெளி ஆய்வு மைத்தில் தேவைப்பட்ட பொருளை நாசா இமெயில் மூலம் அனுப்பி வைத்திருக்கிறது. அதாவது அந்த பொருளுக்கான வடிவமைப்பை அனுப்பி அதை வின்வெளியில் முப்பரிமான அச்சில் உருவாக்கி கொள்ள வைத்திருக்கிறது.
அமெரிக்கா உள்ளிட்ட நாடுகள் இணைந்து வின்வெளி ஆய்வுக்காக சர்வதேச வின்வெளி ஆய்வு மையத்தை அமைத்துள்ளன. வின்வெளி வீரர்கள் ஆய்வு பணிக்காகவும், பராபரிப்பு பணிக்காகவும் இந்த வின்வெளி மையத்திற்கு டூர் அடித்துவிட்டு வருவதுண்டு. குறிப்பிட்ட காலத்திற்கு அங்கேயே வீரர்கள் தங்கி விட்டு வருவார்கள்.
இப்படி வின்வெளியில் தங்கியிருக்கும் வீரர்களுக்கு ஏதேனும் பொருள் தேவை என்றால் அதை உடனே அனுப்பி வைத்துவிட முடியாது. அடுத்த முறை வின்வெளிக்கு வின்களத்தை அனுப்பும் போது தான் பொருளை அனுப்பி வைக்க முடியும். ஆக வின்வெளி வீரர் மாதக்கணக்கில் காத்திருக்க வேண்டியதில்லை.
இனி அந்த கவலை கிடையாது. புதிய பொருள் தேவைப்பட்டால் ஒரு கோரிக்கை வைத்தால் போதும் இக்கிருந்து ஒரு இமெயிலில் அந்த பொருளுக்கான வடிவமைப்பை அனுப்பி விடலாம். அந்த வடிவமைப்பை கொண்டு வின்வெளியில் இருக்கும் 3டி பிரிண்டரில் பொருளை அச்சிட்டு பயன்படுத்திக்கொள்ளலாம்.
இப்படி தான் சமீபத்தில் வின்வெளியில் இருக்கும் பேரி வில்மூர் எனும் வின்வெளி வீரருக்கு சாக்கெட் ரென்ச் எனும் சாதனம் தேவைப்பட்ட போது நாசா அதற்கான சாப்ட்வேர் வடிவமைப்பை இமெயிலில் அனுப்பி வைத்திருக்கிறது. ஏற்கனவே வின்வெளிக்கு அனுப்பி வைக்கப்பட்ட 3 டி பிரிண்டர் மூலம் வில்மூர் தனக்கு தேவைப்பட்ட சாக்கெட்டை உருவாக்கி கொண்டு விட்டார். ( ஜிரோ கிராவிட்டியில் செயல்படக்கூடிய பிரத்யேக் பிரிண்டர் இது).
வின்வெளியில் செயல்படும் 3டி பிரிண்ட்ங் சாதனங்களை உருவாக்கும் மேட் இன் ஸ்பேசஸ் நிறுவனம் நாசா கோரிக்கையை ஏற்று இந்த வடிவமைப்பை உருவாக்கி ஜி-கோடு முறையில் அனுப்பி வைத்திருக்கிறது. இது பற்றி நிறுவன இணை நிறுவனர் மைக் சென் விரிவான கட்டுரை ஒன்றை மீடியம் வலைப்பதிவு சேவையில் எழுதியுள்ளார்.
வின்வெளி மையத்தில் இது வரை அச்சிடப்பட்ட 21 பொருட்களை ( மற்ற 20 பொருட்களுக்கான வடிவமைப்பு பிரிண்டருடன் அனுப்ப பட்டன) மீண்டும் பூமிக்கு கொண்டு வந்து வின்வெளியில் அச்சிடும் பொருட்களின் தன்மை மற்றும் அவற்றுக்கான மாற்றம் குறித்து மேட் இன் ஸ்பேசஸ் ஆய்வு செய்ய உள்ளதாக சென் குறிப்பிட்டுள்ளார்.
மைக் சென் வலைப்பதிவு: https://medium.com/backchannel/how-we-email-hardware-to-space-7d46eed00c98

 

—-

விகடன்.காமில் எழுதியது.

விண்வெளியில் இருந்து ஒரு சுயபடம் !

swanson-iss-instagram-cupola-2தன்னைத்தானே புகைப்படம் எடுத்து வெளியிட்டுக்கொள்ளும் சுயபட (செல்ஃபீ) கலாச்சாரத்தை நீங்கள் விரும்பினாலும் சரி வெறுத்தாலும் சரி, ஸ்டீவ் ஸ்வான்சனின் சுயபடத்தை நிச்சயம் வியந்து பாராட்டுவீர்கள். ஏனெனில் இது வழக்கமான சுபபட அல்ல; சாதனை சுயபடம்!. ஆம், விண்வெளியில் இருந்து இன்ஸ்டாகிராம் செய்யப்பட்டுள்ள முதல் புகைப்படம் இது. அமெரிக்க விண்வெளிவீரரான ஸ்டீன் ஸ்வான்சன் விண்வெளியில் அமைக்கப்பட்டு வரும் சர்வதேச விண்வெளி ஆய்வு மையத்திற்கு ( ஐ.எஸ்.எஸ்) சென்றிருக்கிறார். விண்வெளி ஆய்வு மைத்தில் இருந்து தான் அவர் தன்னை புகைப்படம் எடுத்து அதை இன்ஸ்டகிராம் புகைப்பட பகிர்வு சேவை மூலம் வெளியிட்டுள்ளார். ஏப்ரல் 7 ந் தேதி வெளியிடப்பட்ட இந்த புகைப்படம் விண்வெளியில் இருந்து இன்ஸ்டாகிராமில் வெளியிடப்பட்ட முதல் புகைப்படம் எனும் சிறப்பை பெற்றிருக்கிறது.

ஸ்டீவன்சன், விண்வெளி மையத்தில் மிதந்தபடி காட்சித்தரும் இந்த புகைப்படத்தை அவரே எடுத்து வெளியிட்டிருக்கிறார். அதாவது சுயபடமாக வெளியிட்டிருக்கிறார். ” ஐ.எஸ்.எஸ் -சுக்கு திரும்பி வந்திருக்கிறேன், இங்கு வாழ்க்கை நன்றாக இருக்கிறது’ எனும் புகைப்பட குறிப்பையும் அதனுடன் இணைத்திருக்கிறார். ஸ்வான்சன் புன்னகைத்துக்கொண்டிருக்கும் இந்த புகைப்படம் விண்வெளி மையத்தில் வாழ்க்கையை எடுத்துக்காட்டும் வகையில் இருக்கிறது. அதனால் உற்சாகம் அளிக்கிறது.

இன்ஸ்டாகிராம் புகைப்பட பகிர்வு சேவை மிகவும் பிரபலமாக இருக்கிறது. இன்ஸ்டாகிராமில் நட்சத்திரங்கள் முதல் சாமான்யர்கள் வரை பலதரப்பினரும் இருக்கின்றனர். இன்ஸ்டாகிராமில் லட்சக்கணக்கில் புகைபப்டங்கள் பகிரப்பட்டு பார்த்து ரசிக்கப்படுகின்றன. இருந்தாலும் கூட விண்வெளியில் இருந்து இன்ஸ்டாகிராமில் புகைப்படம் வெளியிடப்பட்டிருப்பது விஷேசமானது.
ஏற்கனவே விண்வெளியில் இருந்து டிவிட்டர் செய்தி பகிரப்பட்டது உங்களுக்கு நினைவிருக்கலாம். நாசாவின் மைக் மாரிமொனோ (Mike Massimino ) எனும் விண்வெளி வீரர் கடந்த 2009 ம் ஆண்டு விண்வெளியில் இருந்து முதல் டிவிட்டர் செய்தியை வெளியிட்டார். அவரது டிவிட்டர் கணக்கு : @Astro_Mike

இப்போது ஸ்வான்சன் விண்வெளியில் இருந்து சமூக ஊடக உலகிற்கு அடுத்த பாய்ச்சலை இன்ஸ்டாகிராம் படம் மூலம் செய்திருக்கிறார். இன்ஸ்டாகிராமில் சரவ்தேச வின்வெளி மையத்திற்காக அமைக்கப்பட்டுள்ள கணக்கு மூலம் இந்த புகைப்படத்தை வெளியிட்டுள்ளார். அவரும் ரஷ்யாவைசேர்ந்த சக விண்வெளி வீரரகள் இருவருமாக சேர்ந்து கடந்த ஜனவரியில் இன்ஸ்டாகிராம் கணக்கை துவக்கினர். விண்வெளி பயணத்திற்கு தயாராகும் புகைப்படங்களை அதில் பகிர்ந்து வந்தனர். இப்போது வின்வெஇல் இருந்தே படம் வந்து விழுந்துள்ளது.
ஸ்வான்சன் மேலும் சில புகைப்படங்களையும் விண்ணில் இருந்து வெளியிட்டிருக்கிறார். தொடர்ந்து அவரிடம் இருந்து விண்வெளி புகைப்படங்களை எதிர்பார்க்கலாம். விண்வெளி வீர்ர்களின் புகைப்படத்தை பார்த்து ரசிப்பது விஞ்ஞான ஆர்வலர்களுக்கு நிச்சயம் மகிழ்ச்சியானது . அப்படி இருக்க வீரரகள் விண்வெளியில் இருக்கும் காட்சியை அங்கிருந்தே பார்க்க முடிவது நிச்சயம் வியப்பானது தான்.

விண்வெளி வீரர்களுக்கு இந்த இன்ஸ்டாகிராம் பழக்கம் தேவையா என்று கேட்க நினைக்கலாம். ஆனால் விண்வெளி ஆய்வு தொடர்பான தகவல்களை பொதுமக்களுடன் பகிர்ந்து கொண்டு அவர்களுக்கு விண்வெளி ஆய்வில் விருப்பத்தையும் விழிப்புணர்வையும் ஏற்படுத்தும் வகையில் சமூக ஊடகத்தை பயன்படுத்தும் பரவலான முயற்சி
யின் ஒரு அங்கமாகவே இது அமைந்துள்ளது. சமூக ஊடகம் வாயிலாக மக்களுடன் விண்வெளி ஆய்வு பற்றிய விவரங்களை பகிர்ந்து கொள்வதில் அமெரிக்க விண்வெளி ஆய்வுக்கழகமான நாசா தீவிரமாக உள்ளது. நம்முடைய இஸ்ரோ அமைப்பும் சமூக ஊடகத்தை பயன்படுத்துவதில் முனைப்புடன் இருக்கிறது.

ஸ்வான்சன் இன்ஸ்டாகிராம் மூலம் வெளியிடுள்ள புகைப்படம் இணையவாசிகள் மத்தியிலும் பரவலான வரவேற்பை பெற்றுள்ளது. 4000 பேருக்கு மேல் அந்த புகைப்படத்தை லைக் செய்துள்ளனர். பலர் பின்னூட்டம வாயிலாக கருத்துக்களையும் தெரிவித்துள்ளனர். அதில் சிலர் தாங்களும் விண்வெளி வீரராக வேண்டும் எனும் விருப்பத்தை தெரிவித்துள்ளனர். இத்தகைய ஆர்வத்தை ஏற்படுத்துவதே தானே இந்த முயற்சியின் நோக்கமாக இருக்க வேண்டும்.

ஸ்டீவ் ஸ்வான்சன் இன்ஸ்டாகிராம் புகைப்படங்களை பார்க்க: http://instagram.com/iss

————-

நன்றி; தமிழ் இந்து

 

 

வின்கலம் பேசக்கண்டேன்;டிவிட்டர் சிறப்பு பதிவு.

“மனிதர்கள் என்னை செவ்வாய்க்கு அனுப்பி வைத்தனர்.இன்று அவர்கள் படைப்பாற்றலை பூமிக்கு திருப்பி அனுப்பி வைக்கிறேன்”

இதை விட சுவாரஸ்யமான குறும்பதிவை நீங்கள் எதிர்கொள்ள முடியாது.டிவிட்டரில் வெளியான குறும்பதிவுகளில் மிகச்சிறந்த குறும்பதிவுகளில் இதுவும் ஒன்றாக விளங்குகிறது.அதோடு டிவிட்டரை எப்படி பயன்படுத்த வேண்டும் என்பதற்கான மிகச்சிறந்த உதாரணமாகவும் திகழ்கிறது.

இந்த குறும்பதிவு வெளியானது செவ்வாய் கிரகத்திற்கு ஆய்வுக்காக சென்றிருக்கும் மார்ஸ் ரோவார் கியூரியாச்சியின் டிவிட்டர் கணக்கில் இருந்து!

பிரபல பாப் பாடகர் வில்லியம்மின் பாடல் செவ்வாய் கிரகத்தில் இருந்து பூமிக்கு ஒலிபரப்பட்டதை தான் கியூரியாசிட்டி வின்கலம் இவ்வாறு குறும்பதிவாக பகிர்ந்து கொண்டது.

இந்த நிகழ்வு ஒரு கிரகத்தில் இருந்து மற்றொரு கிரகத்திற்கு ஒலிபரப்பட்ட முதல் பாடலாக கருதப்படுகிறது.கியூரியாட்டி வின்கலம் எம்பி3 வடிவிலான பாட்ல் கோப்பை செய‌ற்கைகோள் மூலம் ஒலிபரப்பிய பாடலை கலிபோர்னியாவில் உள்ள ஆய்வு கூடத்தில் அம‌ர்ந்திருந்த பொறியியல் வல்லுனர்கள் கேட்டு ரசித்தனர்.

இந்த நிகழ்வு பத்திரிகைகளில் செய்தியாக வெளியாக பரவலான கவனத்தை ஈர்த்தது.

கியூரியாட்டி வின்கலம் தான் இந்த பாடலை ஒலிபர‌ப்பியது.இந்த தகவலை அந்த வின்கலமே டிவிட்டரில் குறும்பதிவாக பகிர்ந்து கொண்டது உண்மையிலேயே சுவாரஸ்யமானது தானே.

மனிதர்கள் என்னை இங்கே அனுப்பி வைத்தனர் அதற்கு நன்றி கடனாக நான் அவர்களின் பாடலை இங்கிருந்து அனுப்பி வைக்கிறேன் என்று வின்கலம் சொல்வது போல அமைந்திருந்த இந்த குறும்பதிவு அட,வின்கலம் மனிதர்கள் போலவே பேசுமா என்ன என்று கேட்க வைக்கலாம்.

வின்கலம் பேச வாய்ப்பில்லை;குறும்பதிவு செய்யவும் வாய்ப்பில்லை.மனிதர்கள் தான் வின்கலம் போல குறும்பதிவிடுகின்றனர் என்று சொல்லாமலே புரிந்து கொள்ளலாம்.ஆம் நாசா விஞ்ஞானிகள் தான் கியூரியாசிட்டியின் செவ்வாய் கிரக பயணத்தை அதன் சார்பாக டிவிட்டரில் பகிர்ந்து கொண்டு வருகின்றனர்.

நாசா உள்ளிட்ட அமைப்புகள் டிவிட்டரை ஒரு தகவல் வெளியீட்டு சாதனமாக கருதி டிவிட்டரில் செயல்பட்டு வருகின்றன.அறிக்கை வாயிலாக செய்தி வெளியிடுவது போல வலைப்பின்னல் யுகத்தில் டிவிட்டர் மூலமாக குறும்பதிவுகளாக தகவல்களை பகிர்ந்து கொண்டு வருகின்றன.

இப்படி டிவிட்டர் பயன்பாட்டில் முன்னோடியாக விளங்கும் நாசா, வின்வெளி ஆய்வில் முக்கிய பாய்ச்சலாக கருதப்படும் மார்ஸ் ரோவர் வின்கல பயணத்தையும் டிவிட்டர் வழியே பதிவு செய்யவும் பகிர்ந்து கொள்ளவும் தீர்மானித்து கியூரியாசிட்டி வின்கலத்திற்கான டிவிட்டர் கணக்கை துவக்கியது.இந்த கணக்கு மூலம் வின்கலத்தின் செயல்பாடுகள் குறும்பதிவுகளாக வெளியிடப்பட்டு வருகின்ற‌ன.

இந்த குறும்பதிவுகளை வெளியிடுபவர்கள் நாசா விஞ்ஞானிகள் என்றாலும் அவை வழக்கமான செய்தி வடிவில் அலுப்பூட்டும் வகையில் இல்லாமல் மிகவும் சுவாராஸ்ய‌மாக வின்கலமே பகிர்ந்து கொள்வது போல அமைந்திருக்கின்றன.

வின்கலம் தொடர்பான செய்திகள் வரட்டுத்தனமான முறையில் மூன்றாம் நபரால் வெளியிடப்படுவதை விட தானே பேசும் தன்மையோடு பகிர்ந்து கொள்ளப்படுவது ஆர்வத்தை ஏற்படுத்தும் அல்லவா?

அதை தான் வின்கல டிவிட்டர் பக்கத்திற்கு பொறுப்பேற்றுள்ள நாசா குழு செய்து வருகிறது.அதாவது இந்த குழு வின்கலத்தில் குரலாக செயல்பட்டு வருகிறது.

இதற்கான அழகான உதாரணம் தான் மேலே பார்த்த குறும்பதிவு.

நாசாவின் நோக்கம் வின்கலத்தின் பயணத்தை பகிர்ந்து கொள்வது மட்டும் அல்ல இந்த பயணம் தொடர்பான ஆர்வத்தை மக்கள் மத்தியில் ஏற்படுத்துவதும் தான்.இல்லை என்றால் வழக்கம் போல முக்கிய முன்னேற்றங்களின் போது செய்தியாளர் கூட்டத்திற்கு ஏற்பாடு செய்து யாருக்கும் புரியாத விஞ்ஞான் மொழியில் தகவல்களை கொட்டி விட்டு ஆய்வை கவனிக்க போயிருக்கலாம்.

ஆனால் நாசா மிகவும் முக்கியமான செவ்வாய் கிரக ஆய்வு குறித்த தகவல்களை சாமான்ய மக்களும் தெரிந்து கொள்ள வேண்டும் என விரும்பியது.அதற்கு டிவிட்டரே ஏற்ற வழி என கருதியது.அதோடு இந்த பதிவுகள் நேரடியாக தொடர்பு கொள்ளும் தன்மையோடு இருக்க வேண்டும் என்றும் தீர்மானிக்கப்பட்டு வின்கலத்தின் பார்வையிலேயே பகிரப்பட்டு வருகிறது.

இதில் நடைமுறை பயனும் இருக்கிறது.டிவிட்டரின் 140 எழுத்து வரம்பிற்குள் ஒவ்வொரு முறையும் வின்கலம் என்னும் வார்த்தையை பயன்படுத்துவதை விட நான் என வின்கலம் சார்பில் குறிப்பிடும் போது கூடுதல் வார்த்தைகளை தவிர்க்கலாம்.அதைவிட முக்கிய‌மாக இது பிந்தொட்ர்பாளர்கள் மத்தியில் சுவாரஸ்யத்தை ஏற்படுத்தும்.

சும்மாவா ,இந்த வின்கலத்தால் ஈர்க்கப்பட்டு பத்து லட்சத்திற்கும் அதிகமானோர் இதன் டிவிட்டர் பக்கத்தை பின்தொடரும் போது அதன் பகிர்வுகள் சுண்டி இழுக்க வேண்டாமா?கிட்யூரியாசிட்டி பகிர்வுகள் அதை தான் செய்து வருகிறது.

வின்கலத்தில் இருந்து பெறப்படும் தகவல்கள் அல்லது அதன் செயல்பாடுகள் அதுவே பேசுவது போல குறும்பதிவாக வெளியாகின்றன.

உதாரண‌த்திற்கு ,வின்கலம் செவ்வாய் கிரகத்தில் வெற்றிகரமாக இறங்கிய உடன்,தொலைக்காட்சிகளில் அந்த செய்தி பரபரப்போடு வெளியிடப்பட்டு கொண்டிருந்த நிலையில் “நான் பாதுகாப்பாக செவ்வாயில் இற‌ங்கி விட்டேன்.செவ்வாய் கிரகமே நான் உன் மீது அமர்ந்திருக்கிறேன்’ என கியூரியாசிட்டி டிவிட்டரில் பதற்றமே இல்லாமல் அறிவித்தது.

இந்த அப்டேட்டை தங்கள் டிவிட்டர் பதிவு வரிசையில் பார்த்த குறும்பதிவாளர்கள் பரவசமடைந்திருப்பார்கள் அல்லவா?

கியூரியாசிட்டி இப்படி தனது சாத‌னை நிமிடத்தை பகிர்ந்து கொள்வதற்கு முன் அந்த பயணத்தின் முக்கிய கட்டங்களையும் ஒருவித பரபரப்போடு பகிர்ந்து கொண்டு வந்தது.ஒரு எதிர்பார்ப்பையும் உருவாக்கி வந்தது.

அந்த குறும்பதிவுகள இப்போது திரும்பி பார்த்தாலும் சுவாரஸ்யமாக இருப்பதை உணரலாம்.அந்த பதிவுகள் இதோ:

“எனது சென்சாரில் இறுதி சோதனை நடத்த உள்ளனர்.தரையிரங்க இன்னும் 11 நாட்கள் உள்ளன”

“முன்னேறி வருகிறேன்.நாசா எனது பாதையை கண்காணித்து வருகிறது.இன்னும் 10 நாட்கள் உள்ளது”

“லன்டனில் ஒலிம்பிக் ஜோதி ஏற்றப்பட்டிருக்க நான் இறுதிகட்ட சரிபார்த்தல்களுக்காக தயாராகி கொண்டிருக்கிறேன்.இன்னும் 9 நாட்கள் உள்ளன”

“செவ்வாய்க்கான இறுதி கட்டத்தில் வெற்றிகரமாக அடியெடுத்து வைத்திருக்கிறேன்.இறகு இன்னும் ஒரு வாரம் உள்ளது.ஆக‌ 5 ல் நீங்கள் பார்ப்பீர்களா?”

‘இன்று எனது பிளைட் குழு தானாகவே நுழைந்து,இறங்கி தரையில் நிலைகொள்வதற்கான செயலில் கவனம் செலுத்த துவங்கியுள்ளது.”

‘டைம்லைன் செயல்படத்துவங்கியுள்ளது.நுழைந்து,இறங்கி தரையில் நிலைகொள்வதற்கான சாப்ட்வேரை நானே இயக்கத்துவங்கியுள்ளேன்.செவ்வாய்க்கு இன்னும் நான்கு நாட்கள்’

‘இன்னும் 3 நாட்கள் உள்ளன்.எந்து எஞ்ஜினியர்கள் விளக்குவதை கேளுங்கள்’

‘எல்லாம் சீராக இருக்கிறது.நான் ஆரோக்கியமாக இருக்கிறேன்,இறங்குவதற்கான பாதையில் முன்னேறிக்கொண்டிருக்கிறேன்.இன்னும் 3 நாட்கள்.’

‘செவ்வாயிலிருந்து 5 லட்சம் மைல் தொலைவில் இருக்கிறேன்.பூமியில் இருந்து செவ்வாய் சிவப்பு கிரகம் நிலவின் அளவில் தெரிகிறது.இன்ன்னும் 2 நாட்கள்.’

‘இன்னும் ஒரு நாள் தான்.இறங்குவதற்கு முன்னான எனது விளக்கத்தை பாருங்கள்’

‘செவ்வாயின் ஈர்ப்பை உணர்கிறேன்,34 மணிக்கும் குறைவாக உள்ளது.ஈர்ப்பு எனது இறங்குதலை பரபரப்பாக்கியிருக்கிறது”

‘இப்போது பூமிக்கு நிலவு இருப்பதை விட செவ்வாயிக்கு அருகில் இருக்கிறேன்.இன்னும் 28 மணி’

‘இன்று இறங்கப்போகிறேன்.சில மணிகளே இருக்கின்றன.’

‘ செவ்வாயை நெருங்க 2 மணி நேரம்.16,300 மைல்களே உள்ளன,வேகமாக நெருங்கிறேன்,8900 மைல் வேகம்.’

‘பிரிக்கும் படலம் வெற்றிகரமாக முடிந்தது.செவ்வாய்க்கு 17 நிமிடங்கள்.’

‘செவ்வாயின் வாயு மண்டலத்தில் நுழைகிறேன்.பதட்டமான 7 நிமிடங்கள் ஆரம்பமாகிறது.’

‘பாதுகாப்பான இறங்கி கொண்டிருக்கிறேன்’

‘பாரசூட் விரிந்துவிட்டது.900 மைல் வேகம்.4 நிமிடங்கள்.’

‘செவ்வாயில் வெற்றிகரமாக இறங்கிவிட்டேன்.செவ்வாயே உன் மீது நான் இருக்கிறேன்.’

நேரடி சுய வர்ணனை போல அமைந்திருந்த இந்த குறும்பதிவுகள் கியூரியாசிட்டி வின்கல‌த்தின் முன்னேற்றத்தை அதன் பார்வையிலேயே அழகாக விவரித்திருந்தது.

அதிலும் செவ்வாயில் இறங்கி விட்டேன் என்று வின்கலம் பெருமிதத்தோடு அறிவித்த போது பின் தொடர்பாளர்களுக்கு மிகுந்த பரவசத்தையும் சாதனை உணர்வும் ஏற்பட்டிருக்கும்.

செவ்வாய்க்கு வின்கலம் அனுப்பபடும் செய்தி பற்றி மிடியாவில் படித்து அதன் முன்னேற்றம் குறித்து அறிய ஆர்வம் ஏற்பட்டிருந்த நிலையில் கியூரியாசிட்டியின் சாதனை பயணத்தின் தகவல்களை அதன் மூலமே அறிந்து கொள்ள இந்த குறும்பதிவுகள் உதவின.

நாளிதழ்கள் அல்லது டிவி மூலம் செய்தியாக் தெரிந்து கொள்வதை காட்டிலும் இப்படி வின்கலத்தின் டிவிட்டர் பதிவுகள் மூலமே அதன் முன்னேற்றத்தை அறிய முடிந்தது புதிய அனுபவம் என்றே சொல்ல வேண்டும்.

கியூரியாசிட்டி செவ்வாயில் இறங்கிய செய்தி பூமியில் வெற்றிக்களிப்பை ஏற்படுத்த தொடர்ந்து அது தனது செய்ல்பாடுகளை குறும்பதிவுகளாக பகிர்ந்து கொண்டது.
உதாரணத்திற்கு ‘என்னிடம் இருந்து புகைப்படத்தை கேட்கிறீர்கள்.இதே நான் எடுத்த முதல் புகைப்படங்கள் ‘என்னும் குறும்பதிவோடு செவாயில் எடுக்கப்பட்ட புகைப்படங்கள் பூமிக்கு அனுப்பி வைக்கப்பட்டன‌.

இதே போலவே ஒவ்வொரு செயலும் குறும்பதிவாக பகிர்ந்து கொள்ளப்பட்டு வருகிறது.

பூமிக்கு பாடலை அனுப்பி வைத்தது தொடர்பான குறும்பதிவும் இந்த வரிசையில் தான் வெளியானது.

தொடர்ந்து கியூரியாசிட்டியின் ஆய்வுகள் சுவாரஸ்யமான முறையில் குறும்பதிவுகளாக வெளியாகி கொண்டிருக்கின்றன.

இந்த டிவிட்டர் பக்கத்தை பின் தொடர்ந்தால் கியூரியாசிட்டியை நேரடியாக பின் தொடர்வது போன்ற உண‌ர்வை பெறலாம்.விண்வெளி ஆய்வில் இது ஒரு மகத்தான அனுபவம்.

டிவிட்டரை எப்படி பயன்படுத்தலாம் என்பதற்கும் இது அழகான உதாரணம்.விண்வெளி ஆய்வை எப்படி மேலும் ஜன்நாயகமயமாக்கலாம் என்பதற்கும் அழகான உதாரணம்.
இந்த சாதனைக்கு பின்னே நாசா விஞ்ஞானிகள் குழு இருக்கிறது.

நாசாவின் சமூக ஊடக மேளாலரான வெரோனிகா மெகிரிகார் தாலைமையிலான மூவர் குழு கியூரியாசிட்டி சார்பில் இந்த குறும்பதிவுகளை வெளியிட்டு வருகிறது.


https://twitter.com/MarsCuriosity