Tag Archives: stars

w

இணைய நட்சத்திரங்களை அடையாளம் காட்டும் நெட்சத்திரங்கள்!

netchathiranhgalஎனது இரண்டாவது புத்தகமான ‘நெட்’சத்திரங்கள் வெளியாகி இருக்கிறது என்பதை மகிச்சியுடன் பகிர்ந்து கொள்கிறேன். எனது முதல் புத்தகமான இணையத்தால் இணைவோம் நூலை தொடர்ந்து இந்த நூல் வெளியாகி இருக்கிறது. மதி நிலையம் சார்பில் முதல் நூலை வெளியிட்ட விவேக் எண்டர்பிரைசஸ் நெட்சத்திரங்கள் நூலையும் வெளியிட்டுள்ளது.
இணையம் மூலம் புகழ் பெற்ற மற்றும் புதிய பாதை கண்ட சாமான்யர்களின் வெற்றிக்கதைகளை விவரிக்கும் வகையில் இந்த நூல் அமைந்துள்ளது.
இணையம் பயன்படுத்தப்படும் விதம் மற்றும் அதன் எல்லையில்லா சாத்தியங்கள் என்னை எப்போதுமே வியப்பில் ஆழ்த்தியுள்ளது. அந்த வியப்பையும், இணையத்தை எப்படி எல்லாம் பயன்படுத்தலாம் எனும் ஊக்கத்தையும் ஏற்படுத்துவதை இந்த வலைப்பதிவின் முக்கிய நோக்கமாக கொண்டுள்ளேன்.
அந்த வகையில் இணையத்தை அழகாக பயன்படுத்திக்கொண்டு உலகம் போற்றும் நபர்களாக விளங்கிய இணைய நாயகர்களின் வெற்றிக்கதைகளை இந்த புத்தகத்தில் பதிவு செய்துள்ளேன்.
முதல் இணைய நட்சத்திரம் துவங்கி , இணையத்தை சூறாவளையாக தாக்கிய முக்கிய ஆளுமைகளை இந்த புத்தக்கத்தில் காணலாம்.
இணையத்தை இப்படி எல்லாம் பயன்படுத்த முடியுமா? என இவர்கள் வியப்பில் ஆழ்த்துவார்கள். இவ்வாறு 30 இணைய ஆளுமைகளின் வெற்றிக்கதைகளை படிக்கலாம்.
இவற்றில் உள்ள அனைத்து கட்டுரைகளுமே புதிதாக எழுதப்பட்டவை. வலைப்பதிவில் ஏற்கனவே எழுதிய ஒரு சில ஆளுமைகள் பற்றியும் கூட அப்டேட் செய்து முழுவதும் திருத்தி எழுதியுள்ளேன்.
எனவே என் வலைப்பதிவை தொடர்ந்து வாசித்து வருபவர்களுக்கு இந்த கட்டுரைகள் புதிதாகவும் இருக்கும். புதிய அனுபவமாக இருக்கும்.
புத்தக கண்காட்சியை முன்னிட்டு உருவாக்கிய தொடர் வரிசையில் முதல் தொகுதி இது.
முதல் புத்தகம் போலவே இதை வாங்கிப்படித்து கருத்து சொல்லி ஊக்குவிக்க வேண்டும் என அன்புடன் கோருகிறேன்.
இந்த புத்தகம் எழுதிய அனுபவம் மற்றும் இதில் உள்ள ஆளுமைகள் பற்றிய சிறப்பு தகவல்களை தொடர்ந்து பகிர்ந்து கொள்ள விருப்பம்.
புத்தகம் கிடைக்கும் இடங்கள் மற்றும் ஆன்லைனில் வாங்கும் வசதி பற்றி விரைவில் குறிப்பிடுகிறேன்.
புத்தகத்தின் பிரதி தேவைப்படுபவர்கள் இமெயில் மூலம் கோரினால் நானே அனுப்பி வைக்கிறேன்.
புத்தகம் தொடர்பான உங்கள் எதிர்வினையை ஆவலுடன் எதிர்பார்க்கிறேன்.

அன்புடன் சிம்மன்

புகைப்படங்களை வீடியோவாக மாற்ற உதவும் ஸ்லைட்.லே

நம் இணைய வாழ்க்கையில் சேர்ந்து கொண்டே போகும் புகைப்படங்களை அழகிய வீடியோ தொகுப்பாக மாற்றித்த‌ரும் பிகோவிகோ போலவே ஸ்லைட்.லே தளமும் புகைப்படங்களை வீடியோ தொகுப்பாக மாற்றி இணையவெளி முழுவதும் பகிர்ந்து கொள்ள உதவுகிறது.

பிகோவிகோ தனிப்பட்ட புகைப்படங்களுக்கான சேவை போல தோன்றுகிறது என்றால் ஸ்லைட்.லே பொதுவில் பகிர்ந்து கொள்ளக்கூடிய புகைப்படங்களுக்கான சேவையாக காட்சி தருகிறது.

ஸ்லைட்.லே தளத்தின் முகப்பு பக்கம் முழுவதும் அழகிய புகைப்பட வீடியோ தொகுப்பாக காட்சி அளிக்கிறது.எல்லாமே பிரபல நட்சத்திரங்கள் அல்லது பாடகர்கள்,விளையாட்டு வீரர்களின் தொகுப்பாக இருக்கின்றன.அழகான இடங்கள் மற்றும் தனிநபர் படத்தொகுப்புகளும் கூட இருக்கின்றன.

இந்த சேவையை பயன்படுத்த துவங்குவதற்கு முன் இந்த தொகுப்புகளை பார்த்தாலே சொக்கிப்போய்விடுவோம்.இந்த பிரம்முப்புக்கு நடுவே இந்த தளத்தை எப்பைட்யெல்லாம் பயன்படுத்தலாம் என்ற புரிதலும் உண்டாகலாம்.

திரைப்படத்தில் ஒட்டி வெட்டப்பட்ட காட்சிகளை போல புகைப்படங்கள் நகரும்படங்களாக புகைப்பட கொலாஜாக தோன்றுவது கிரங்கடிக்கிறது.

அபிமான பாடகி அல்லது நடிகையின் விதவிதமான தோற்றத்தை நகரும் புகைப்படங்களாக பின்னணி இசையோடு பார்ப்பது சுவாரச்யமான அனுபவம் தான்.

நீங்களும் கூட இதே போன்ற புகைப்பட வீடியோ தொகுப்புகளை எளிதாக உருவாக்கி கொள்ளலாம்.

அதற்கு பேஸ்புக் மூலம் இந்த தளத்தில் நுழைந்தால் போதுமானது.அதன் பிறகு புதிய தொகுப்பை உருவாக்கவும் என்னும் பகுதியை கிளிக் செய்து விட்டு உங்களுக்கான புகைப்படங்களை தேர்வு செய்ய வேண்டியது தான்.புகைப்படங்களை எங்கிருந்து வேன்டுமானாலும் உருவலாம்.பேஸ்புக்கில் இருந்து புகைப்பட் சேவையான பிலிக்கரில் இருந்து,இன்ஸ்டாகிராமில் இருந்து என எங்கிருந்து வேண்டுமானாலும் எடுத்து கொள்ளலாம்.இவ்வளவு ஏன் இந்த தளம் மூலமே இணையத்தில் உள்ள புகைப்படங்களை தேடி எடுத்து தொகுக்கலாம்.

புகைப்படங்களை தேர்வு செய்த பின் அதற்கான பொருத்தமான பின்னணி இசையையும் தேர்வு செய்து சேர்த்து விட்டு ஒரே கிளிக்கில் நகரும் புகைப்பட தொகுப்பை உருவாக்கிவிடலாம்.பின்னணி வண்ண கோர்வையையும் கூட நாமே முடிவு செய்து கொள்ளலாம்.

இந்த புகைப்பட வீடியோ காட்சியை பேஸ்புக் ,டிவிட்டர் மூலம் நண்பர்களோடு பகிர்ந்து கொள்ளலாம்.இமெயில் மூலமும் பகிர்ந்து கொள்ளலாம்.இணைய முகவரியை பெறு அதனை வலைப்பதிவிலும் பகிர்ந்து கொள்ளலாம்.

இந்த தொகுப்புகள் தானாக தளத்திள் உள்ள தொகுப்புகளின் பட்டியலிலும் சேர்ந்து விடும்.எனவே மற்ற உறுப்பினர்களும் அவற்றை பார்த்து ரசிக்க முடியும் .கருத்து தெரிவிக்க முடியும்.

சமீபத்திய தொகுப்புகள்,மிகவும் பிரபலமானவை என்ற அடிப்படையிலும் புகைப்படங்கள பார்த்து ரசிக்கலாம்.அவற்றைன் வகைகளுக்கு ஏற்பவும் தொகுப்புகள் பட்டியலிடப்பட்டுள்ளன.

வெறும் புகைப்படங்களாக பார்ப்பதியும் பகிர்வதையும் விட இது போல புகைப்பட வீடியோ தொகுப்பாக பார்த்து ரசிக்க முடிவது மிகவும் சுவாரஸ்யமானது.

நடசத்திரங்கள் மட்டும் அல்லாது குறிப்பிட்ட நிகழ்வு சார்ந்த தொகுப்புகளையும் உருவாக்கலாம்.

இணையதள முகவரி;https://slide.ly/

e

வால் முளைத்த விக்கிபீடியா

விக்கிபீடியா பயனாளிகளால் உருவாக்கப்படும் இணைய களஞ்சியம் என்பதும் அதில் யார் வேண்டுமானாலும் தகவல்களை இடம்பெற வைக்கவோ திருத்தவோ முடியும் என்பது உங்களுக்கு நிச்சயம் தெரிந்திருக்ககும்.

இணையவாசிகளின் பங்களிப்பால் விக்கிபீடியா நிகரில்லாத களஞ்சியமாக பர்நது விரிந்து வளர்ந்துள்ளது.விக்கிபீடியா தகவல்களில் நம்பகத்தன்மை பற்றி கேள்விகள் எழுப்பட்டாலும் அதன் பயன்பாடு பற்றி எந்த சந்தேகமும் இல்லை.

உலகின் முளை முடுக்கில் நடக்கும் விஷயங்கள் பற்றி கூட விக்கிபீடியாவில் குறிப்புகளை பார்க்கலாம்.உண்மையில் விக்கிபீடியாவில் கட்டுரை உருவாக்கப்படுவது குறிப்பிட்ட ஒரு தலைப்பு அல்லது நிகழ்வினுடைய செல்வாக்கின் அடையாளமாக கருதப்படுகிறது.

விக்கியை மேலும் மேம்படுத்துவதற்கான முயற்சிகள் தொடர்ந்து மேற்கொள்ளப்பட்டு வருகின்றன.

இவை ஒருபுறம் இருக்க விக்கிபீடியாவை அடிப்படையாக கொண்டு அதனை மேம்படுத்தும் அழகான முயற்சியாக புதிதாக ஒரு இணையதளம் அமைக்கப்பட்டுள்ளது.

எம்பீடியா என்பது அந்த தளத்தின் பெயர்.அதன் நோக்கத்திற்கு மிகவும் பொருத்தமான பெயரும் கூட!காரணம் விக்கிபீடியா கட்டுரைகளின் மீது அனுபவம் சார்ந்த கருத்துக்களையும் தகவல்களையும் பகிர்ந்து கொள்ள இந்த தளம் உதவுகிறது.

இணையத்தில் ஏற்கனவே உள்ள தகவல்களுடன் இணையவாசிகள் தங்களது அனுபவம் சார்ந்த தகவல்களை பகிர்ந்து கொள்ள வைப்பதன் மூலம் விக்கிபீடியாவை அடிப்படையாக கொண்ட இணைய சமூகத்தை உருவாக்கிவது தான் இந்த தளத்தின் நோக்கம் என்று குறிப்பிடப்பட்டுள்ளது.எந்த தலைப்பு தொடர்பாகவும் யார் வேண்டுமானாலும் தங்களது தகவல்களை இடம் பெற வைக்கலாம் என்றும் குறிப்பிடப்பட்டுள்ளது.

இது உண்மையிலேயே அற்புதமானது.விக்கிபீடியாவின் பலமே அதன் திறந்த தன்மை தான்.அதில் உள்ள கட்டுரைகளில் யார் வேண்டுமானாலும் தங்களுக்கு தெரிந்த தகவலை சேர்க்கலாம்.இந்த பங்களிப்பால் தான் விக்கி கட்டுரைகள் விரிவானதாக செறிவானதாக இருக்கின்றன.

ஆனால் விக்கிபீடியாவில் தகவல்களை சமர்பிப்பபதற்கும் வரம்புகள் இருக்கின்றன.அதற்கு மாறாக விக்கி கட்டுரைகளை கை வைக்காமல் அந்த கட்டுரை தலைப்பு தொடர்பான தனிப்பட்ட அனுபவங்களை பகிர்ந்து கொள்ள முடிவது சிறந்த விஷயம் தானே.

உதாரணத்திற்கு விண்டோஸ் பற்றிய கட்டுரையில் இணையவாசிகள் தங்களது விண்டோஸ் அனுபவங்களை பகிர்ந்து கொள்ளலாம்.விண்டோஸ் தொடர்பான முதல் விளம்பரத்தை நாளிதழில் பார்த்த அனுபவத்தை அல்லது விண்டோசை முதன் முதலில் பயன்படுத்திய அனுபவத்தை பகிர்ந்து கொள்ளலாம்.

இதே போல பிரபலங்கள் தொடர்பான கட்டுரைகளில் ரசிகர்கள் அவரை சந்தித்த அனுபவத்தை பகிர்ந்து கொள்ளலாம்.அதே போல அவர்களோடு பழகியவர்கள் நட்சத்திரங்களின் தனிப்பட்ட குணாதிசயம் தொடர்பான தகவல்களையும் இணைக்கலாம்.இந்த அனுபவ பகிர்வுகள் விக்கி கட்டுரைகள் தரும் தக‌வல்களுக்கு கூடுதல் சுவாரஸ்யத்தையும் புரிதலையும் ஏற்படுத்தலாம்.

எந்த தலைப்பாக இருந்தாலும் சரி அந்த தலைப்பின் விக்கி கட்டுரையின் கீழ் இணையவாசிகள் தங்கள் அனுபவங்களை பகிர்ந்து கொள்ளலாம்.அதை படிப்பவர்கள் தங்கள் கருத்துக்களையும் பகிர்ந்து கொள்ளலாம்.

குறிப்பிட்ட தலைப்பபு தொடர்பான கேள்வி பதில் பகுதியையும் இணையவாசிகள் உருவாக்கி உரையாடலில் ஈடுபடலாம்.அதே போல அந்த தலைப்பிற்கான இணைய வாக்கெடுப்பையும் நடத்தலாம்.

இணையவாசிகள் தங்களுக்கு விருப்பமான தலைப்பை தேர்வு செய்து படித்துப்பார்க்கலாம்.மனதில் உள்ள தலைப்பை தேடிப்பார்க்கும் சவசதியும் இருக்கிறது.அந்த தலைப்பு தொட‌ர்பான அனுபவ பகிர்வுகளை தவறவிடாமல் இருக்க நினைத்தால் டிவிட்டரில் பின் தொடர்வது போன அந்த தலைப்பை பின் தொடர்வும் செய்யலாம்.அது மட்டும் அல்ல இந்த தகவல்களை டிவிட்டர்,பேஸ்புக் மூலம் நண்பர்களுடன் பகிர்ந்து கொள்ளவும் செய்யலாம்.

ஒவ்வொரு தலைப்பின் கீழும் எத்தனை பேரால் பார்க்கப்பட்டுள்ளது,எத்தனை பேர் அனுபவங்களையும் கருத்துக்களையும் பகிர்ந்து கொண்டுள்ளனர் என்ற விவரங்களும் இடம் பெற்றுள்ளன.மேலும் சமீபத்தில் பகிர்ந்து கொள்ளப்பட்ட அனுபவங்களையும் கருத்துக்களின் பட்டியலையும் தனியே பார்க்கலாம்.

விக்கிபீடியாவை மேலும் சுவாரஸ்யமானதாக அதன் கட்டுரைகளை மேலும் உயிரோட்டமாக மாற்றக்கூடிய சேவை இந்த அனுபவம் சார்ந்த களஞ்சியம்.

இணையதள முகவரி;http://www.empedia.com/

திரைப்படங்களுக்கான தேடியந்திரம்.

கேன் ஐ ஸ்டிரிம் இட் போலவே வாட்ச்லே தளமும் எந்த படத்தை எங்கே பார்க்கலாம் என்னும் கேள்விக்கு பதில் சொல்கிறது.திரைப்படங்கள் ,மட்டும் அல்ல டிவி நிகழ்ச்சிகளையும் எங்கே பார்க்கலாம் என்று சொல்கிறது.

திரைப்படம் மற்றும் டிவி நிகழ்ச்சிகளுக்கான தேடியந்திரம் என்றும் இதனை சொல்லலாம்.

எந்த படத்தை பார்க்க விருப்பமோ அந்த படத்தின் பெயரை சமர்பித்தால் அந்த படம் எங்கே எல்லாம் பார்க்க கிடைக்கிறது என இந்த தளம் பட்டியல் போடுகிறது.எங்கே எல்லாம் என்பது அமேசானிலா,நெட்பிலிக்சிலா,ஐடியூன்சிலா,ஹுலுவிலா என்பதாகும்.

இவை எல்லாமே படங்களை ஸ்டிரிமிங் அல்லது டவுண்லோடு முறையில் இணையத்திலேயே பார்க்க உதவும் சேவையை வழங்கும் இணையதளங்கள்.நெட்பிலிக்ஸ் அனுமதிக்கப்பட்ட புதிய படங்களை கூட ஸ்டிரிமிங் முறையில் வழங்குகிறது.அமேசான் தளத்திலும் படங்களை வாங்கலாம்.யூடியூப்பின் போட்டி தளமான ஹுலுவிலும் படங்களை பார்க்க முடியும்.

ஆப்பிளின் ஐடியூன்ஸ் பிரதானமாக் பாடல் விற்பனை கடை என்ற போதிலும் படங்கள் மற்றும் டிவி நிகழ்ச்சிகளையும் இதில் வாங்க முடியும்.

திரையரங்கிற்கு போகாமல் டிவிடியும் வாங்காமல் இருந்த இடத்திலிருந்தே லேப்டாப் அல்லது கம்ப்யூட்டடில் விரும்பும் படத்தை பார்க்க நினைக்கும் ரசிகர்கள் இந்த தளங்கள் ஏதாவது ஒன்றில் அந்த படம் இருக்கிறதா என்று பார்த்து வாங்கி கொள்வார்கள்.பல படங்கள் இலவசமாகவும் கிடைக்கும்.

சில நேரங்களில் எந்த படம் எங்கே கிடைக்கிறது என்று தெரியாது.நெட்பிலிக்சில் ஒரு படத்தை தேடிக்கொன்டிருந்தால் அந்த படம் ஹுலுவில் கிடைக்கும் .இந்த விஷயம் தெரியாமல் நெட்பிலிக்ஸ் ரசிகர்கள் தவித்து கொண்டிருப்பார்கள்.அதே போல சில படங்கள் அமேசான் இனைய கடையில் கிடைக்கலாம்.சில ஐடியூன்சில் கிடைக்கலாம்.

எப்படியும் படத்தை பார்த்து விட வேண்டும் என நினைப்பவர்கள் ஒவ்வொரு தளமாக நுழைந்து தேடிப்பார்க்க வேண்டும்.அந்த கஷ்டம் ரசிகர்களுக்கு எதற்கு என கேட்டு படத்தை சொன்னால் அது கிடைக்குமிடத்தை தானே தேடி தருகிறது வாட்ச்லே தளம்.

படத்தின் பெயரை குறிப்பிட்டதுமே அந்த படதை எந்த திரைப்பட சேவை தளங்களில் இருந்து வாங்கி கொள்ளலாம் என்று காட்டுவதோடு அப்படி வாங்குவதற்கான இணைப்பையும் அருகிலேயே தருகிறது.தேடியவுடன் அப்படியே கிளிக் செய்து பார்த்து கொள்ளலாம்.

இணையவாசிகள் தங்கள் தேவைக்கு ஏற்ப தேடலை பட்டை தீட்டிக்கொள்ளலாம்.உதாரணத்திற்கு இலவசமாக மட்டும் பார்க்க கூடிய இடங்களை காட்ட சொல்லலாம்.காசு கொடுக்க தயார் என்றால் கட்டணத்தின் வரம்பையும் குறிப்பிட்டு தேடலாம்.

இதே போலவே டிவி நிகழ்ச்சிகளையும் தேடலாம். டிவி நிகழ்சிச்சிகளை அவை ஒலிபர்ப்பாகும் பொதே பார்க்க வேண்டும் என்ற அவசியமில்லை.பெரும்பாலான நிகழ்ச்சிகள் இணைய வடிவில் கிடைக்கின்றன.எப்போது விருப்பமோ அப்போது டவுண்லோடு செய்து பார்க்கலாம்.அத்தகைய நிகச்சிகள் கிடைக்கும் இடத்தையும் இந்த தளம் காட்டுகிறது.

திரைப்படங்கள் எந்த தளங்களில் எல்லாம் எந்த வடிவில் கிடைக்கின்றன என்பதை தேடுவதற்காக என்றே தேடியந்திரங்கள் உதயமாகின்றன என்றால் ,திரைப்படங்கள் ரசிகர்களை சென்றடையும் வழிகள் எந்த அளவுக்கு பரந்து விரிந்து இருக்கின்றன என்று பார்த்து கொள்ளுங்கள்.

இணையதள முகவரி;http://www.watchily.com/