Tag Archives: tweets

CHPwgS4UgAAXevE

டிவிட்டரில் பெண் விஞ்ஞானிகளின் பளிச் பதிலடி

ஆய்வுக்கூடத்தில் பெண்கள் கவனத்தை சிதற வைப்பார்கள் எனும் கருத்தை பெண் விஞ்ஞானிகள் எப்படி பொறுத்துக்கொள்வார்கள். அதிலும் நோபல் பரிசுப்பெற்ற விஞ்ஞானி ஒருவர் இப்படி ஒரு அவதூறான கருத்தை தெரிவித்த போது எப்படி பொறுத்துக்கொள்வார்கள்? அதனால் தான் உலகம் முழுவதும் உள்ள பெண் விஞ்ஞானிகள் பொங்கி எழுந்து இந்த கருத்துக்கு டிவிட்டரில் அழகாக ஆனால் அழுத்தமாக பதிலடி கொடுத்து வருகிறார்கள்.

நோபல் பரிசு பெற்ற மேதையான டிம் ஹண்ட் அன்மையில் அறிவியல் பத்திரிகையாளர் மாநாட்டில் பேசிய போது பெண் விஞ்ஞானிகளுக்கு எதிராக கருத்து தெரிவித்திருந்தார். ஆய்வுக்கூடத்தில் பெண்கள் இருந்தால் மூன்று விஷயங்கள் தான் நடக்கும், அவர்களிடம் நீங்கள் காதல் கொள்வீர்கள், அவர்கள் உங்கள் மீது காதல் கொள்வார்கள், அதன் பிறகு அவர்கள் கண்ணை கசக்கும் போது நீங்கள் புலம்ப நேரிடும்” என்பது போல அவர் கருத்து தெரிவித்திருந்தார்.

பெண் விஞ்ஞானிகளை அவமதிக்கும் வகையிலான இந்த கருத்து கடும் கண்டனத்திற்கு இலக்கானது. எதிர்ப்பு அலை வலுவான எழுந்ததை அடுத்து விஞ்ஞானி டிம் ஹண்ட் லண்டன் பல்கலைக்கல்லூரி பதவியில் இருந்து விலகினார்.

இதனிடையே டிம் ஹண்டின் அவமதிப்பான கருத்திற்கு உலகம் முழுவதும் உள்ள பெண் விஞ்ஞானிகள் டிவிட்டரில் அழகாக பதிலடி கொடுத்து வருகின்றனர்.
பெண்கள் கவர்ச்சியால் கவனத்தை சிதற வைக்கின்றனர் என டிம் ஹண்ட் கூறிய கருத்தை விமர்சித்து மறுக்கும் வகையில் #DistractinglySexy எனும் ஹாஷ்டேகுடன் டிவிட்டரில் தங்கள் பணியிடத்து புகைப்படங்களை பெண் விஞ்ஞானிகள் டிவிட்டரில் வெளியிட்டு வருகின்றனர்.

ஆய்வுக்கூடத்தில் பணியாற்றும் முழு ஆடையுடன் காட்சி தரும் இந்த புகைப்படங்கள் கவர்ச்சி வாதத்தை தவிடுபொடியாக்குகின்றன என்றால் அதனுடன் பகிரப்படும் கருத்துக்கள் , ஹண்ட் போன்றவர்களின் ஆணாதிக்க கருத்துக்களை விமர்சிக்கும் வகையில் அமைந்துள்ளன.
உதாரணத்திற்கு டேனியேலா ஸ்பிட்சர் எனும் பெண் விஞ்ஞானி, தலை முதல் கால் அரை மூடிய ஆய்வுக்கூட ஆடையுடன் , இருபாலர் பணிபுரியும் ஆய்வுக்கூடத்தில் பணி புரிவது சிக்கலாக இருக்கிறது, ஏனெனில் நான் ஆண் விஞ்ஞானி கவனத்தை சிதற வைக்கிறேன் என குறிப்பிட்டுள்ளார்.

ஏமி எனும் விஞ்ஞானி , நோபல் மேதை மேடம் கியூரியின் புகைப்படத்தை வெளியிட்டு , கியூரி கண்ணீர் சிந்துவதை ஒதுக்கி வைத்துவிட்டு ரேடியம் மற்றும் போலோனியத்தை கண்டுபிடித்ததற்கு நன்றி என குறிப்பிட்டுள்ளார்.
இவ்வாறு பெண் விஞ்ஞானிகளின் அர்பணிப்பை பறைசாற்றும் வகையில் பத்தாயிரத்துகும் மேற்பட்ட குறும்பதிவுகள் டிவிட்டரில் வெளியாகி இந்த ஹாஷ்டேக் கவனத்தை ஈர்த்துள்ளது.

பெண் விஞ்ஞானிகளின் பதிலடியை காண: https://twitter.com/hashtag/distractinglysexy?src=rela

——–

டிவிட்டரில் பறக்கும் தமிழ் கொடி #தமிழ்வாழ்க !

ஆதலினால் தமிழர்களே இனி தமிழில் ஹாஷ்டேக் செய்க என உற்சாகமாக சொல்லும் அளவுக்கு குறுபதிவு சேவையான டிவிட்டரில் #தமிழ்வாழ்க எனும் ஷாஷ்டேக் முன்னிலை பெற்றுள்ளது. தமிழில் முன்னிலை பெற்ற முதல் ஹாஷ்டேக் எனும் பெருமித்ததுடன் இந்த அடையாளம் மூலம் கீச்சர்கள் தமிழ் குறித்த குறும்பதிவுகளை வெளியிட்டு வருகின்றானர்.

140 எழுத்து வரம்பு கொண்ட குறும்பதிவுகளாக வெளிப்படும் டிவிட்டர் சமூக வலைப்பின்னல் சேவைகளில் பிரபலமானவ ஒன்றாக இருக்கிறது. டிவிட்டரில் வெளியாகும் குறும்பதிவுகளில் உள்ள பல்வேறு அம்சங்களில் ஹாஷ்டேக் அதன் ஆதார சிறப்பம்சமாக கருதப்படுகிறது. # எனும் குறியுடன் குறிப்பிட்ட பதமே ஹாஷ்டேக் என சொல்லப்படுகிறது. குறிப்பிட்ட தலைப்பிலான குறும்பதிவுகளை அடையாளம் காண இந்த ஹாஷ்டேக் பயன்படுகிறது. பல நேரங்களில் ஒரு அலையென் குறும்பதிவுகள் வெளியாகி குறிப்பிட்ட உணர்வை வெளிப்படுத்த அல்லது கருத்தை உணர்த்த ஹாஷ்டேக் கைகொடுக்கிறது.

டிவிட்டர் சேவையின் முக்கிய ஆயுதமாக ஹாஷ்டேக் அமைந்துள்ளது.

ஆனால் இதுவரை ஆங்கிலத்திலேயே ஹாஷ்டேக் செல்லுபடியாக வந்தது. தமிழ் உள்ளிட்ட மொழிகளிலும் ஹாஷ்டே உருவாக்கி பகிரப்பட்டாபும் அதிகார்ப்உர்வமாக டிவிட்டர் ஏற்று தனது டைம்லைனில் பட்டியலிடும் அங்கீகாரம் ஆங்கத்திற்கு மட்டுமே இருந்தது இதுவரை. ஆனால் இப்போது இந்த நிலை மாறியிருக்கிறது. தமிழ் உள்ளிட்ட மொழிகளில் ஹாஷ்டேக் அங்கீகரிக்கப்பட்டுள்ளது.

டிவிட்டருக்கு வளர்ச்சி வரைபடத்தில் இந்தியா முக்கிய பங்கு வகிக்கும் நிலையில் தற்போது நடைபெற்று வரும் உலக கோப்பை கிரிக்கெட் போட்டி சமூக ஊடகங்களில் பெரும் ஆர்வத்தை ஏற்படுத்தியிருக்கும் நிலையில் டிவிட்டர் இந்தி , தமிழ் உள்ளிட்ட மொழிகளில் ஹாஷ்டேக் வசதியை அறிமுகம் செய்துள்ளது.
இதனை கொண்டு இந்தியா-பாகிஸ்தான் போட்டியில் இந்தியா வென்ற பிறகு ஜெய்ஹிந்த் எனும் ஹாஷ்டேக் இந்தி மொழியில் முன்னிலை பெற்றது.

இப்போது #தமிழ்வாழ்க எனும் ஹாஷ்டேக் டிவிட்டரில் முன்னிலை பெற்றுள்ளது.
எற்கனவே தமிழில் குறும்பதிவு செய்பவர்கள் அதிக அளவில் உள்ளனர். இந்நிலையில் தமிழ் பற்றும் நேசமும் கொண்டவர்கள் தங்கள் குறும்பதிவுகளால் டிவிட்டரில் தமிழ் கொடியை உயர பறக்க விட்டுள்ளனர். #தமிழ்வாழ்க எனும் ஹாஷ்டேகுடன் தொடர்ந்து குறும்பதிவுகள் அலையென திரள்கின்றன.

இந்த குறும்பதிவுகள் தமிழ் பெருமையையும், தமிழ் மீதான பற்றையும் எண்ணற்ற விதங்களில் வெளிப்படுத்துகின்றன.
தமிச் கொடி பறக்கும் சில குறும்பதிவுகள் :

* நம் குழந்தைகளுக்கு தமிழை எப்படியாவது பிறமொழி கலப்பின்றி பேச எழுத சொல்லித்தந்துட்டா அதே நம் மொழிக்கு நாம் செய்யும் தொண்டு #தமிழ்வாழ்க; @mpgiri

@nkprabu தமிழ் உலகின் பழமையான வாழும் மொழி என்று குறிப்பிட்டுள்ளதுடன் தமிழ் மொழி தொடர்பான வரைபட சித்திரத்தையும் பகிர்ந்துள்ளார். : http://favpins.com/infographic-on-tamil-language/

* @MissLoochu (அனாமிகா) மொழியறியா ஊரில் “நீங்க தமிழா” என்று கேட்க ஓர் ஜீவன் கிடைக்கும் நேரம் தமிழ் இனிது இனிது #தமிழ்வாழ்க, என குறிப்பிட்டுள்ளார்.

* @Sricalifornia தில்லையாடி டி.சுப்பிரமணிய ஆச்சாரிக்கு மாகாத்மா காந்தி எழுதிய தமிழ் கடிதம் எனும் தகவலுடன் அந்த கடித்ததை பகிர்ந்துள்ளார்.

* @priya1subramani தமிழ்ல எழுதறவங்க ஸ்கூல் பசங்க தான் .ட்விட்டரில் ஸ்கூல் பசங்க மாதிரி எங்களையும் எழுத வைத்து மகிழ்வித்த ட்விட்டர் வாழ்க #தமிழ்வாழ்க, என மகிழ்ந்துள்ளார்.

* @karunaiimalar தமிழில் பேசுபவனை சாதாரணமாகவும் ஆங்கிலத்தில் பேசுபவனை மரியாதையாகவும் பார்ப்பதை நிறுத்திவிட்டு பெருமையுடன் சொல்வோம் #தமிழ்வாழ்க என்று சொல்வோம் என கூறியுள்ளார்.

* @JAnbazhagan கல் தோன்றா மண் தோன்றா காலத்து முன் இருந்த மூத்த மொழி தமிழ் மொழி, அத் தமிழ் செம் மொழியானது .தமிழ் வாழ்க ! செம்மொழி வாழ்க ! #தமிழ்வாழ்க என குறிப்பிட்டுள்ளார்.

* @sindhutalks விளக்கம் தேவையில்லை #தமிழ்வாழ்க என உற்சாகம் தெரிவித்துள்ளார்.

* @madhankarky Snapshots of #குறள், first #Tamil app for #AppleWatch Developed by @KaReFo என குறிப்பிட்டுள்ளார்.

* @Premgiamaren ட்விட்டரில் இந்திய அளவில் #தமிழ்வாழ்க முதலிடம் என குறிப்பிட்டு தனது மகிழ்ச்சியை வெளிப்படுத்தியுள்ளார். நடிகர் சிவகார்த்திகேயனும் இந்த போக்கு குறித்து மகிச்சியை பகிர்ந்துள்ளார்.

பலர், தஞ்சை பெரிய கோயில், மதுரை மீனாட்சி அம்மன் ஆலையம் உள்ளீட்ட தமிழர்களின் சாதனையை சுட்டிக்காட்டி தமிழ்வாழ்க் என பெருமிதம் தெரிவித்துள்ளனர்.

தொடர்ந்து தமிழ் ஆர்வலர்கள் தமிழ் மீதான பற்றையும் நேசத்தையும் டிவிட்டட்ரில் வெளிப்படுத்தி வருகின்றனர். தமிழ் அலையில் திளைக்க: #தமிழ்வாழ்க

-=———-

விகடன் .காமில் எழுதியது. நன்றி விகடன்

எல்லா டிவீட்களையும் தேடலாம்: டாப்சை தரும் புதிய வசதி.

<Topsyp>டாப்சை தேடியந்திரம் ஓசைப்படாமல் ஒரு அறிவிப்பை வெளியிட்டு இணையவெளி முழுவதும் எதிரொலியை ஏற்படுத்தியுள்ளது. 2006 ம் ஆண்டு முதல் வெளியான டிவிட்டர் குறும்பதிவுகளை தேடலாம் என்பது தான் அந்த அறிவிப்பு.இதன் பொருள் இது வரை வெளியான டிவிட்டர் குறும்பதிவுகள் எல்லாவற்றையும் தேடலாம் என்பது தான்!.

முதல் பார்வைக்கு மிகவும் சாதாரணமாக தோன்றினாலும் இது ஒரு மைல்கல் அறிவிப்பு.காரணம் இது வரை வெளியான டிவிட்டர் பதிவுகளை எல்லாம் தேடிப்பார்ப்பதற்கான வசதி இப்போது தான் முதல் முறையாக அறிமுகமாகியுள்ளது.

டிவிட்டரில் வெளியாகும் குறும் ப‌திவுகளை தேடுவது என்பது பெரிய விஷய்மல்ல தான். அவற்றை கூகுல் மூலம் தேடலாம். டிவிட்டர் தளத்திலேயே கூட குறும்பதிவுகளை தேடுவதற்கான வசதி இருக்கிறது. ஆனால் இவை முழுமையானதல்ல. காரணம் இந்த இரண்டுமே சமீபத்திய குறும்பதிவுகளையே தேடித்தரும். பழைய குறும்பதிவுகள் தேவை என்றால் அவற்றை தேடிப்பார்க்க முடியாது.டிவிட்டர் வசமே கூட பழைய குறும்பதிவுகளை எல்லாம் அலசிப்பார்த்து பொருத்தமான குறும்பதிவை கொண்டு வந்து நிறுத்தும் வசதி இல்லை.

அனால் டிவிட்டர் அலசல் இயந்திரமான டாப்சை இந்த வசதியை அறிமுகம் செய்துள்ளது. டிவிட்டர் அறிமுகமான 2006 ம் ஆண்டு முதல் வெளியான எல்லா குறும்பதிவுகளையும் பட்டியலிட்டு வைத்திருக்கும் டாப்சி அவற்றில் இருந்து நமக்கு தேவையானதை தேடித்த‌ருகிறது.அதாவது இது வரை வெளியான 425 பில்லியன் குறும்பதிவுகளை பட்டியலிட்டு வைத்திருக்கிறது. 3500 க்கும் மேற்பட்ட சர்வர்களில் இவை சேமித்து வைக்கப்பட்டுள்ளன.

ஆகவே சில ஆண்டுகளுக்கு முன் பரபரப்பாக பேசப்பட்ட் தலைப்பு தொடர்பான குறும்பதிவுகளை காண வேண்டும் என்றால் டாப்சையில் தேடிக்கொள்ளலாம். ரஜினியின் எந்திரன் வெளியான போது என்ன ரியேக்ஷ்ன இருந்தது சச்சின் நூறாவது சதம் அடிப்பதற்கு தருமாறிக்கொண்டிருந்த போது டிவிட்டரில் என்ன விதமான உரையாடல் நடந்தது என்பதை எல்லாம் அறிந்து கொள்ளலாம்.

அதே போல சசி தரூர் முதன் முதலில் டிவிட்டரில் சர்ச்சையில் சிக்கி பத‌வியை இழந்த போது வெளியான குறும்பதிவுகள், நரேந்திர மோடி பிரதமர் கனவை வெளியிட்ட போது பதிவான கருத்துக்கள் என சக்லத்தையும் திரும்பி பார்க்கலாம்.

டாப்சையின் தேடல் வசதி தெளிவாகவும் விரிவாவும் உள்ளது. தேடல் பதத்தை டைப் செய்து விட்டு புதிய பதிவுகள் வேண்டுமா பழைய பதிவுகள் வேண்டுமா என குறிப்பிட்டு தேடலாம். இவ்வளவு ஏன், போன மாதத்து குறும்பதிவுகள் தேவை என்றோ போன வருடத்து குறும்பதிவுகள் தேவை என்றோ குறிப்பிட்டு தேட முடியும்.

இவற்றை தவிர குறுபதிவுகளில் வெளியான இணைப்புகள் ,புகைப்படங்கள் வீடியோக்களையும் தனியே தேடலாம்.பல்வேறு மொழிகளிலும் தேட்லாம்.

டிவிட்டர் உலகின் மனசாட்சி என்று சொல்லக்கூடிய அளவுக்கு அதில் உடனுக்குடன் எல்லா நிகழ்வுகள் தொடர்பான பதிவுகளும் வெளியாகி வரும் நிலையில் இந்த பதிவுகளில் தேடிப்பார்க்க கூடிய வசதி மிகவும் முக்கியமானது .

டிவிட்டர் பதிவுகளை தேட: http://topsy.com/

தியேட்டரில் டிவிட்டர் இருக்கைகள்!

tweet_seat-4f6cceb-introஅநேகமாக சென்னை சத்யம் திரையரங்கில் அந்த வசதி முதலில் அறிமுகமாகலாம். ஸ்மார்ட் போனும் கையுமாக வருபவர்கள் டிவிட்டர் செய்து கொள்வதற்கான இருக்கைகளை அமைப்பது தான் அந்த வசதி.

இப்படி டிவிட்டர் செய்பவர்களுக்காக என்றே தனி இருக்கைகளை ஒதுக்கும் வழக்கம் அமெரிக்க கலை அரங்குகளில் பிரபலமாகி வருகிறது.சமீபத்தில் கூட அமெரிக்காவின் மின்னேசோட்டாவில் உள்ள கலை அரங்கில் டிவிட்டர் செய்வதற்கான பிரத்யேக இருக்கை பகுதி உருவாக்கப்பட்டுள்ளது.

இதன் தொடர்ச்சியாக திரையரங்குகளிலும் கூட டிவிட்டர் இருக்கைகள் அமைக்கப்படலாம்.

எதையும் டிவிட்டரில் பகிர்ந்து கொள்ளும் பழக்கம் பரவலாகி வருவதன் விளைவாக சமூகத்தில் ஏற்பட்டு வரும் பல்வேறு மாற்றங்களில் ஒன்றாக கலை அரங்குகளிலும் டிவிட்டருக்கு இடம் கிடைத்திருக்கிறது.

ஒரு விதத்தில் பார்த்தால் இதனை தலைகீழ் மாற்றம் என்று சொல்லலாம்.செல்போன் அறிமுகமாகி அவை பிரபலமாகத்துவங்கிய காலத்தில் அரங்கங்களில் நிகழ்ச்சி துவங்கும் முன் தயவு செய்து உங்கள் செல்போனை அனைத்து வைக்கவும் என்று வேண்டுகோள் வைக்கப்படுவது வழக்கமாக இருந்தது.இன்னும் கூட பல அரங்குகளில் இந்த அறிவிப்பை கேட்கலாம்.

ஆனால் குறும்பதிவு சேவையான டிவிட்டரின் செல்வாக்கு அரங்குகளில் டிவிட்டர் செய்பவர்களுக்கு என்று தனி இடத்தை ஒதுக்க வைத்திருக்கிறது.

திரைப்பட அனுபவத்தில் டிவிட்டர் பிரிக்க முடியாத அம்சமாக மாறியிருப்பதே இதற்கு காரணம் என்று சொல்லலாம்.

ஆம்,திரைப்படத்தை பார்த்த‌தும் வீட்டுக்கு போன பின் நண்பர்களிடம் படம் பற்றிய கருத்துக்களை பகிர்ந்து கொண்டது அந்த காலம்.இப்போதெல்லாம் படம் பார்த்தவுடன் தங்கள் கருத்தை டிவிட்டர் கணக்கு வழியே குறும்பதிவாக தியேட்டரை விட்டு வெளியே வந்தவுடனேயே பகிர்ந்து கொண்டு விடுகின்ற‌னர்.அந்த கருத்துக்களை பலரும் அமோதித்து ரிடிவீட் செய்கின்றனர்.இல்லை மறுத்து பதில் குறும்பதிவிடுகின்ற‌னர்.

ஆக,படத்தின் முதல் காட்சி முடிந்தவுடனேயே படம் எப்படி என்னும் கருத்து ரசிகர்களின் குறும்பதிவுகளாக உருவாக்கப்பட்டு விடுகிறது.உண்மையில் டிவிட்டரில் வெளியாகும் கருத்துக்கள் ஒரு படத்தின் வெற்றி தோல்வியை நிர்ணயிக்ககூடியதாக கூட அமைந்து விடுகிறது.

நிற்க இதன் அடுத்த கட்டமாக இப்போதெல்லாம் படம் முடியும் வரை கூட இல்லை,இடைவேளையின் போதே படம் எப்படி என்னும் கணிப்பை குறும்பதிவுகளாக பகிரத்துவங்கி விட்டனர்.

குறிப்பாக இளம் ரசிகர்களிடையே இப்படி படம் பார்த்தவுடன் அல்லது படம் பார்க்கும் போதே விமர்சன கருத்துக்களை பகிர்ந்து கொள்வது பிரபலமாக உள்ளது.அதிலும் டிவிட்டர் செய்யக்கூடிய ஸ்மார்ட்போன்கள் மேலும் பரவலாக துவங்கியுள்ள நிலையில் திரையரங்கில் இருந்து டிவிட்டர் செய்வதும் அதிகரித்துள்ளது.

இப்படி ரசிகர்களில் பலர் ஸ்மார்ட்போனோடு வரும் போது அவர்களுக்கு தனி மரியாதை தந்தால் என்ன என்ற எண்ணம் உண்டாக கூடிய‌து இயல்பானதாகவே தோன்றுகிறது.

முதன் முதலில் 2009 ம் ஆண்டில் அமெரிக்காவின் கன்சாஸ் நகரில் ஒபாரா இசை நாடக நிகழ்ச்சியின் போது அரங்கில் 100 இருக்கைகள் டிவிட்டர் செய்பவர்களுக்காக ஒதுக்கப்பட்டது.

பாரம்பரிய இசை வடிவமான ஒபரா நிகழ்ச்சிகளுக்கு ஆதரவு குறைந்து வரும் நிலையில் இளம் ரசிகர்களை கவர்ந்திருக்கும் விளம்பர யுக்தியாக இந்த டிவிட்டர் இருக்கைகள் பயன்படுத்தப்பட்டன.

டிவிட்டர் யுகத்திற்கே ஏற்ற புத்திசாலித்தனமான யுக்தியாக இது பாராட்டப்பட்டாலும் இசை நாடகம் நடுவே டிவிட்டர் செய்ய அனுமதிப்பது அந்த நாடகத்தின் ரசனையை கொல்லும் செயல் என்றும் கடுமையாக விமர்சிக்கப்பட்டது.அதிலும் குறிப்பாக ஒபாராவின் பாரம்பரிய ரசிகர்கள் ,நாடகத்தின் நடுவே போனை கையில் வைத்து கொண்டு டிவிட்டர் செய்வதை ரசனைக்கு விரோதமானதாக கருதி கடுமையாக விமர்சித்தனர்.குறும்பதிவில் கவனம் செலுத்தினால் நாடகத்தின் நுணுக்கங்களை ரசிப்பது எப்படி என்று அவர்கள் கேள்வி எழுப்பினர்.

விமர்சன‌ங்களை மீறி இந்த யுக்தி மெல்ல பரவலாக துவங்கியது.ஒரு கட்டத்தில் புகழ் பெற்ற பிராட்வே திரையரங்கிலும் டிவிட்டர் இருக்கைகள் அமைக்கப்பட்டன.

தொடர்ந்து சில திரையரங்குகள் மற்றும் விளையாட்டு மைதானங்களிலும் இத்தகைய டிவிட்டர் இருக்கைகள் அமைக்கப்பட்டன.புது யுக ரசிகர்களை கவர்வதற்கான புதுமையான முயற்சியாக இவை மேற்கொள்ளப்பட்டு வருகின்றன.’

எல்லா நிகழ்வுகள் பற்றியும் முதல் கருத்துக்கள் டிவிட்டரில் வெளியாகி வரும் நிலையில் திரையரங்கம் போன்றவற்றில் டிவிட்டர் செய்பவர்களுக்கு என்று தனி இருக்கைகள் அமைக்கப்படுவது ஏற்றுக்கொள்ளகூடியதாகவே கருதப்படுகிறது.

ஆக இந்த வழக்கம் வெகு விரைவில் இங்கும் பிரபலமாகலாம்.

திரையரங்கம் சார்ந்த தொழில்நுட்பங்களை முதலில் அறிமுகம் செய்வதில் முன்னணியில் இருக்கும் சத்யம் திரையரங்கம் இந்த வசதியையும் முதலில் அறிமுகம் செய்யலாம்.

டிவிட்டர் மூலம் திட்டமிட உதவும் இணையதளம்.

app-play-button
‘பல்லும் இருந்து பசியும் எடுப்பதால் சீப்பு என் முடியை தின்கிறது’ என்னும் கவிஞர் கலாப்பிரியாவின் அழகான கவிதையை போல உங்களுக்கு டிவிட்டரிலும் நாட்டம் இருந்து திட்டமிடுதலிலும் ஆர்வம் இருந்தால் எதையும் அழகாக திட்டமிட்டு மேற்கொள்வதற்கான வழியை டுடுடிவீட் இணையதளம் காட்டுகிறது.

இணையத்தில் செய்து முடிக்க விரும்பும் செயல்களை குறித்து வைத்து கொள்ள உதவும் தளங்கள் அநேகம் இருக்கின்றன.இந்த வகை தளங்களில் குறும்பதிவு சேவையான டிவிட்டரின் ஆற்றலை சரியாக பயன்படுத்தி கொள்ளக்கூடியதாக டுடுடிவீட் தளம் உருவாக்கப்பட்டுள்ளது.

இந்த சேவையை பயன்படுத்துவது மூலமாக டிவிட்டர் வழியே உங்கள் வாழ்க்கையை திட்டமிட்டுக்கொள்ளலாம்.அதாவது செய்ய வேண்டிய செயல்களை டிவிட்டர் மூலம் உங்களுக்கு நீங்களே நினைவுபடுத்திக்கொள்ளலாம்!.

இதற்கு நீங்கள் செய்ய வேண்டியதெல்லாம் எதை செய்ய வேண்டும் என்று நினைக்கிறீர்களோ ,எதை மறக்காமல் இருக்க வேண்டும் என்று நினைக்கிறீர்களோ அவற்றை எல்லாம் டிவிட்டரில் குறும்பதிவுகளாக பகிர்ந்து கொள்ள வேண்டியது தான்.

இவை எல்லாம் செயற்கறிய செயல்களாக தான் இருக்க வேண்டும் என்றில்லை.இன்று செல்போன் பில் கட்ட வேண்டும் என்பதில் துவங்கி புதிய புத்தகத்தை படித்து முடிக்க வேண்டும்,யோகா செய்ய வேண்டும்,சிகிரெட் பிடிக்காமல் இருக்க வேண்டும்,மளிகை சாமான வாங்க வேண்டும் என்று எந்த வகையான செயல்களையும் டிவிட்டரில் வெளியிடலாம்.

இத்தகைய குறும்பதிவுகளோடு டுடு என்னும் ஆங்கில சொற்களை ஹாஷ்டேகாக சேர்த்து வெளியிட வேண்டும்.

இவ்வாறு வெளியாகும் குறும்பதிவுகளை டுடுடிவீட் தளம் தனியாக பிரித்து உங்களுக்கான பக்கத்தில் சேமித்து வைக்கும்.

எப்போது தேவையோ அப்போது இந்த பக்கத்தை பார்த்தால் என்ன வேலைகளை செய்ய வேண்டும்,எவை செய்து முடிக்கப்படாமல் இருக்கின்றன என்பதை நீங்கள் தெரிந்து கொள்ளலாம்.

திட்டமிட உதவுவதற்கான நினிவூட்டல் தளம் தான் என்றாலும் இதற்கென தனியே நீங்கள் எதுவுமே செய்ய வேண்டியதில்லை.செய்ய நினைப்பவற்றை டிவிட்டரில் பகிர்ந்து கொண்டால் போதுமானது.

குறும்பதிவுகளில் ‘டுடு’சொற்களை சேர்ப்பதோடு அந்த செயல் தொடர்பான குறிச்சொற்களையும் சேர்த்து கொண்டால் அந்த சொற்கள் தொடர்பான செயல்களை எல்லாம் தனியே பிரித்து வகைப்படுத்தியும் தருகிறது இந்த தளம்.உதாரணத்திற்கு உடற்பயிற்சி என்றோ அலுவல் என்றோ குறிப்பிட்டுக்கொள்ளலாம்.

எப்போதும் டிவிட்டரே கதி என இருப்பவர்கள் இந்த தளம் மூலம் டிவிட்டர் வழியே தங்கள் வாழ்க்கையை திட்டமிட்டு கொண்டு செய்ய வேண்டியவற்றை செய்து முடித்து முன்னேறலாம்.

இதை டிவிட்டரிலேயே செய்து கொள்ளலாமோ இதற்கு தனியே ஒரு இணையதளம் தேவையா என்று கேட்கலாம்.ஆனால் டிவிட்டரில் குறும்பதிவுகளை தொடர்ந்து வெளியிடும் போது நினைவூட்டல் பதிவுகள் அவற்றில் பின்னுக்குத்தள்ளப்பட்டு மறைந்துவிடலாம்.

ஆனால் டுடுடிவீட் தளமோ அழகாக அத்தகைய குறும்பதிவுகள் கண்டு கொண்டு தொகுத்தளிக்கிறது.

இணைதள முகவரி;http://todotweet.com/