Tag Archives: wiki

விக்கிபீடியாவில் அதிக அறியாத வசதிகள்

Wikipedia-hovercards-640x398
விக்கிபீடியா நிச்சயம் நீங்கள் நன்கு அறிந்த தளம் தான். கட்டற்ற களஞ்சியமான அதை நீங்கள் அடிக்கடி பயன்படுத்திக்கொண்டிருக்கவும் செய்யலாம். சில நேரங்களில் குறிப்பிட்ட விவரங்களுக்காக நீங்களே விக்கிபீடியாவை நாடலாம். அல்லது பலநேரங்களில் தகவலை தேடும் போது தேடல் பட்டியலில் முதலிலேயே விக்கிப்பீடியா பக்கம் கண்சிமிட்டி வரவேற்கலாம்.

எல்லாம் சரி விக்கிபீடியா பயனாளியான நீங்கள் எப்போதாவது விக்கிபீடியாவாவில் உறுப்பினராவது பற்றி யோசித்திருக்கிறீர்களா?

நுழைவுச்சீட்டு போன்ற அனுமதி தேவைப்படாத சேவையாகவே விக்கிபீடியா இருப்பதால் உறுப்பினராகாமலேயே அதை பயன்படுத்தலாம். அதன் கட்டுரைகளை வாசிக்க மட்டும் அல்ல, அவற்றை திருத்தவும் பயனாளியாக இருந்தால் மட்டுமே போதுமானது: உறுப்பினராக வேண்டும் என்ற கட்டாயம் இல்லை. கட்டற்ற களஞ்சியம் என்பதால் எந்த கட்டுப்பாடும் கிடையாது என்பது விக்கிபீடியாவின் சிறப்பாக இருக்கிறது.

இருந்தாலும் விக்கிபீடியாவில் உறுப்பினராவது மூலம் கூடுதல் பலன்களை பெற முடியும் தெரியுமா?
அப்படியா எனும் ஆச்சர்யம் ஏற்பட்டால், பிரபல தொழில்நுட்ப இணையதளமான மேக்யூஸ்ஆப் , இது பற்றி வெளியிட்டுள்ள கட்டுரை உங்களை உற்சாகத்தில் ஆழ்த்தும். விக்கிபீடியாவில் உறுப்பினராகாமல் இருப்பதன் மூலம் நீங்கள் இந்த இணைய களஞ்சியத்தை தவறான முறையில் பயன்படுத்திக்கொண்டிருக்கிறீர்கள் என குறுப்பிடும் இந்த கட்டுரை, விக்கிபீடியா உறுப்பினராவதால் பெறக்கூடிய பலன்களை பட்டலிட்டுள்ளது:

இணைப்புகளின் முன்னோட்டம்:
விக்கிபீடியாவில் இடம்பெறும் எல்லா கட்டுரைகளும் மற்ற பல கட்டுரைகளுக்கான இணைப்புகளை கொண்டவை. இவற்றில் பல சுவாரஸ்யமாகவும், பயனுள்ளதாகவும் இருக்கலாம். ஆனால் ஒவ்வொரு இணைப்பாக கிளிக் செய்து படித்துப்பார்ப்பது கொஞ்சம் சோதனையான அனுபவமாக தான் இருக்கும்.
இதற்கு மாறாக இணைப்புகளின் உள்ளடக்கத்தை சுருக்கமான அறிமுகத்தோடு முன்னோட்டமாக பார்க்க முடிந்தால் எப்படி இருக்கும். இதற்கென உள்ள ஹோவர்கார்டு வசதியை உறுப்பினர்கள் பிரபர்ன்ஸ் பகுதிக்கு சென்று வரவைத்துக்கொள்ளலாம்.

இதே பகுதியில் சென்று தொடர்புடைய கட்டுரைகள் அம்சத்தை கிளிக் செய்தால், ஒவ்வொரு கட்டுரையின் அடிப்பக்கத்திலும் தொடர்புடைய கட்டுரைகளுக்கான இணைப்புகளை பார்க்க முடியும்.
இந்த வசதி மூலம் விக்கிபீடியாவில் புதிய விஷயங்களை தெரிந்து கொள்ளலாம்.
Wikipedia-watchlist-640x403
புதிய டேபில் இணைப்புகள் ;
விக்கிபீடியா கட்டுரைகள் ஆதாரங்களுக்கான அடிக்குறிப்புகளை கொண்டிருப்பவை. தகவல்களின் நம்பகத்தன்மையை உணர்த்துவதற்காக இது கைகொடுக்கிறது. ஆனால் கட்டுரையை வாசித்துக்கொண்டிருக்கும் போது , இணைப்புகளில் கிளிக் செய்தால் அந்த பக்கத்திற்கு அழைத்துச்செல்லப்படுவோம். மீண்டும் கிளிக் செய்து மூல கட்டுரைக்கு திரும்பி வரவேண்டும்.
இந்த சங்கடத்தை தவிர்க்க, பிரபரன்ஸ் பகுதிக்கு சென்று பிரவுசிங் அம்சத்தில் இணைப்புகளை தனியே புதிய டேபாக தோன்றும் வசதியை இயக்கி கொள்ளலாம்.
வெவ்வேறு பின்னணி
விக்கிபீடியா கட்டுரைகளின் தோற்றம் உங்களுக்கு அலுப்பூட்டலாம். எனில் வேறு பல பின்னணி வண்ணங்களையும் தேர்வு செய்து கொள்ளலாம். இவ்வாறு நான்கு விதமான வசதிகள் இருக்கின்றன.
விளம்பரம் நீக்க வசதி!
அதே போல விக்கிபீடியாவை ஆண்டிற்கு ஒரு முறை தோன்றக்கூடிய நன்கொடை கோரும் விளம்பர அறிவிப்பையும் நீக்கிக்கொள்ளும் வசதியும் இருக்கிறது.
அதே போல நீங்கள் வாசித்துக்கொண்டிருக்கும் கட்டுரையின் பக்கத்தை கவனிக்க விரும்பும் பட்டியலில் சேர்த்துக்கொள்ளலாம். இதன் மூலம் அந்த பக்கத்தில் செய்யப்படும் திருத்தங்கள் தொடர்பான தகவல்களை பெற முடியும்.

இந்த வசதியை உங்களுக்கு பிடித்தமான கட்டுரைகளுக்கான புக்மார்க் வசதி போலவும் பயன்படுத்திக்கொள்ளலாம். மற்ற உறுப்பினர்களையும் இந்த பட்டியலில் சேர்த்துக்கொள்ளலாம். அதே போல குறிப்பிட்ட தலைப்பை பின் தொடரும் ஆர்வம் இருந்தால் அந்த தலைப்பு தொடர்பான அறிவிப்புகளை கவனிக்க விரும்பும் பட்டியலில் பெற ஏற்பாடு செய்யலாம். கட்டுரை பக்கத்தின் மேல் உள்ள கவனிப்பு பட்டியல் ஐகானை கிளிக் செய்து அந்த கட்டுரையை நமக்கான பட்டியலில் சேர்த்துக்கொள்ளலாம்.

மேலும் ஆண்டின் சிறந்த புகைப்படம் போன்றவற்றின் மீது வாக்களிக்கும் உரிமையும் பெறலாம். இப்போது இணைந்தால் கடந்த ஆண்டுக்கான புகைப்படங்கள் மீது வாக்களிக்கலாம். மேலும் பல அம்சங்களும் இருக்கின்றன.
புதிய பக்கங்களை துவக்குவது, பெயர் மாற்றம் செய்வது ஆகிய அம்சங்கள் இதில் அடங்கும்.
உங்களுக்கான பயனர் பெயரையும் தேர்வு செய்து கொள்ளலாம்.
வாசிப்பதை மீறி , விக்கிபீடியா தன்னார்வலர்கள் சமூகத்தில் இணைந்து கொள்ளுங்கள் என்று விக்கிபீடியா உறுப்பினர் பக்கத்தில் அழைப்பு விடுக்கிறது.

மேலும் விவரங்களுக்கு: https://en.wikipedia.org/wiki/Wikipedia:Why_create_an_account%3F

———
செயலி புதிது; கூகுள் காலண்டரில் புதிய வசதி

கூகுள் காலண்டர் செயலியை பயன்படுத்த மேலும் ஒரு வலுவான காரணம் கிடைத்துள்ளது. இந்த செயலிக்காக அறிமுகம் செய்யப்பட்டுள்ள இலக்குகள் வசதி தான் அது.
கோல்ஸ் எனும் பெயரில் அறிமுகம் செய்யப்பட்டுள்ள இந்த வசதி மூலம் பயனாளிகள் தங்கள் சின்ன சின்ன இலக்குகளை நிறைவேற்றிக்கொள்வதற்கான ஊக்கம் பெறலாம்.
வாரம் ஒரு புத்தகம் படிப்பது, தினமும் 15 நிமிடம் நடக்க வேண்டும் என்பது போல நாம் அடைய விரும்பும் இலக்கு எதுவாக இருந்தாலும் அதற்காக இந்த வசதியை நாடலாம்.
மனதில் உள்ள இலக்கை, கூகுள் காலெண்டர் செயலியில் சமர்பித்தால் போதுமானது. அதன் பிறகு நம்முடைய நாட்காட்டியில் எந்த நேரம் வெறுமையாக இருக்கிறது என கண்டறிந்து அந்த நேரத்தை இது தானாக பரிந்துரைக்கிறது.
கூகுள் காலெண்டர் சேவையை பயன்படுத்துபவர்களுக்கு இது கூடுதல் வசதியாக அமையும். புதிய பயனாளிகள் இலக்கை அடையும் வாய்ப்பை பெறுவதற்காகவும் கூகுள் காலெண்டர் சேவையை பயன்படுத்தலாம்.
நிகழ்ச்சிகளை குறித்து வைத்து திட்டமிடலுக்கு உதவும் இந்த சேவையில் ஏற்கனவே நினைவூட்டல் உள்ளிட்ட புதிய வசதிகள் அறிமுகம் செய்யப்பட்டுள்ளன.

மேலும் விவரங்களுக்கு: https://play.google.com/store/apps/details?id=com.google.android.calendar

——–

தளம் புதிது; மாற்று மென்பொருளுக்கான தளம்

உங்கள் டிஜிட்டல் வாழ்க்கையை மேம்படுத்திக்கொள்ள புதிய மென்பொருள்களை தெரிந்து கொள்வது அவசியமானது. இந்த அறிமுகம் வசதியை கொஞ்சம் சுவாரஸ்யமாகவும் தெரிந்து கொள்ள வழி செய்கிறது ஆல்டர்நேட்டிவ்டு.நெட் இணையதளம்.

பெயர் உணர்த்தக்கூடியது போலவே இந்த தளம் மாற்று மென்பொருள்களை அறிமுகம் செய்கிறது. அதாவது ஒருவர் ஏற்கனவே அறிந்த அல்லது பயன்படுத்தும் மென்பொருளுக்கான மாற்று மென்பொருளை அறிமுகம் செய்கிறது.

நல்ல மென்பொருள்களை அறிமுகம் செய்து கொள்வதற்கான வழியாக இது முன்வைக்கப்படுகிறது. இந்த தளத்தில் வழக்கமான மென்பொருட்களுக்கான மாற்றுகளை அறிந்து கொள்ள முடிவதோடு, உறுப்பினராகி உங்களுக்கு தேவையான மாற்று மென்பொருளையும் தேடிக்கொள்ளலாம்.
பிரபலமாக இருக்கும் மாற்று மென்பொருட்கள் மற்றும் செயலிகள் முகப்பு பக்கத்திலேயே பட்டியலிடப்பட்டுள்ளன. இவை தவிர மென்பொருள் வகைக்கேற்பவும் பட்டியல் உள்ளது.

பயனாளிகளும் தாங்கள் அறிந்த மென்பொருட்களை சமர்பிக்கலாம். இப்படி பலரது பரிந்துரையால் மென்பொருட்கள் பட்டியலிடப்படுவது இந்த தளத்தின் சிறப்பம்சமாகவும் இருக்கிறது.
மென்பொருட்களை லைக் செய்யும் வசதியும் இருக்கிறது. அதற்கேற்ப அதிக லைக் செய்யப்பட்டவற்றை பார்க்கும் வசதியும் இருக்கிறது.
மென்பொருள் தேவையை நிறைவேற்றிக்கொள்ள சுவாரஸ்யமான இணையதளம்.

இணையதள முகவரி: http://alternativeto.net/

——–

வீடியோ புதிது; 100 ஆண்டுகள் :100 திரைப்படங்கள்

திரைப்படங்களின் 100 ஆண்டுகளை சுவாரஸ்யமான முறையில் திரும்பி பார்க்க வைத்திருக்கிறார் ஜேகப் ஸ்வின்னி எனும் இணையவாசி. திரைப்பட ஆர்வலர்,எடிட்டர், இயக்குனர் என வர்ணித்துக்கொள்ளும் ஸ்வின்னி தனது விமியோ சேனலில் ( யூடியூப் போன்ற வீடியோ பகிர்வு சேவை) புதிய வீடியோ தொகுப்பு ஒன்றை பதிவேற்றி இருக்கிறார்.

இந்த தொகுப்பில் திரைப்பட உலகின் 100 ஆண்டுகளை திரும்பி பார்க்கும் வகையில் ஆண்டுக்கு ஒரு திரைப்படத்தை தேர்வு செய்து ஒவ்வொரு படத்தில் இருந்தும் சிறந்த காட்சியை வீடியோவாக தைத்திருக்கிறார்.
ஹாலிவுட் படங்களின் ஆதிக்கம் இருந்தாலும் ஒற்றை வீடியோவில் 100 ஆண்டு படங்களை பார்ப்பது புதிய அனுபவமாக இருக்கும். 30 ஷாட்களில் ஸ்பீல்பர்க் போன்ற வீடியோக்களையும் உருவாக்கி இருக்கிறார்.

வீடியோவை காண: https://vimeo.com/162855085

———

இணைய பகிர்வுக்கு எளிய வழி!

நீங்கள் பார்த்து ரசித்த இணைய பக்கங்களை டிவிட்டர்,பேஸ்புல், இமெயில் என பல இடங்களில் பகிர்ந்து கொள்ள விரும்பலாம். இப்படி பகிர நினைக்கும் போது குறிப்பிட்ட இணைய பக்கத்தின் முகவரியை மவுசால் தேர்வு செய்து பின்னர் அந்த டெக்ஸ்ட்டை காபி செய்து கொள்ள வேண்டும். இதைவிட எளிய வழி தேவை என்றால் இதற்கான பிரவுசர் குறுக்கு வழியை பயன்படுத்தலாம்.
இணைய பக்கம் ஒன்றின் இணைப்பை பகிர்ந்து கொள்ள விரும்பினால், உடனே விசைப்பலகையில் கண்ட்ரோல்+ எல் என டைப் செய்தால் போதும், குறிப்பிட்ட அந்த இணைய முகவரி தானாக தேர்வு செய்யப்பட்ட, ஹைலைட் செய்யப்பட்டிருக்கும். அதை அப்படியே நகலெடுத்து வேண்டிய இடத்தில் பேஸ்ட் செய்து பகிர்ந்து கொள்ளலாம்.
இதே போலவே பிரவுசரில் இணைய முகவரிக்கான எழுத்துக்களை டைப் செய்த பிறகு கண்ட்ரோல்+ எண்டர் என டைப் செய்தால் போதும் முகவரிக்கு முன்னர் மற்றும் பின்னர் வரவேண்டிய (www. and a .com. ) பதங்களை தானாகவே இடம்பெறச்செய்து இணையபக்கத்தை அணுக வழி செய்யும்.

——-

நன்றி; தமிழ் இந்துவில் எழுதியது

பெண் விஞ்ஞானிகள் புகழ் பரப்பும் விக்கி வீராங்கனை!

_88730047_keilana_portraitஇணையத்தில் புழங்குபவர்கள் எமிலி டெம்பிள் உட்டை அவசியம் அறிந்து கொள்ள வேண்டும். எமிலியை பற்றி தெரிந்து கொண்டால் அவர் மீது மதிப்பு உண்டாகும் என்பது மட்டும் அல்ல இணையம் மீதான நம்பிக்கையும் அதிகமாகும். அதைவிட முக்கியமாக இணையத்தின் இருண்ட பக்கமான டிரால்களின் தொல்லையை எதிர்கொள்வதற்கான ஊக்கமும் உண்டாகும்.

அமெரிக்க கல்லூரி மாணவியான எமிலி விக்கிபீடியாவின் முன்னணி பங்களிப்பாளராக இருக்கிறார். கூட்டு முயற்சியின் அடையாளமாக திகழும் விக்கிபீடியாவில் ஆயிரக்கணக்கான தன்னார்வ பங்களிப்பாளர்கள் இருந்தாலும், எமிலியின் பங்களிப்பை விஷேசமாக குறிப்பிட காரணம் இல்லாமல் இல்லை.

அவர் விக்கிபீடியாவின் பெருங்குறை ஒன்றை சரி செய்யும் வகையில் பங்களிப்பு செய்து வருகிறார். அதோடு இணையத்தின் பெருங்குறை ஒன்றை எதிர்கொள்ளும் வகையிலும் அந்த பங்களிப்பில் தீவிரம் காட்டி வருகிறார்.
இதை தான் விக்கிமீடியாவின் வலைப்பதிவு, எமிலி பகலில் உயிரியல் மாணவியாகவும்,இரவில் இணைய டிரால்களுடன் மல்லு கட்டுபவராகவும் இருக்கிறார் என குறிப்பிடுகிறது. டிரால்களுக்கு அவர் நல் தண்டனை வழங்கி வருவதாகவும் அந்த பதிவு பாராட்டுகிறது. அதாவது டிரால்கள் தொடுக்கும் ஒவ்வொரு ஆவேச தாக்குதலுக்கும் பதிலாக கோபமோ, வெறுப்போ கொள்ளாமல் ஒரு பெண் விஞ்ஞானிக்கான அறிமுக பக்கத்தை அவர் விக்கிபீடியாவில் உருவாக்கி வருகிறார்.

இது டிரால்களின் தாக்குதலை இலக்கு தவறிய அம்புகளாக மாற்றும் அதே நேரத்தில் அவரது ஆதார நோக்கத்தை மேலும் செழுமையாக்குகிறது.
எமிலி இதை எப்படி செய்கிறார் என பார்ப்போம்.

எமிலிக்கு இப்போது 21 வயதாகிறது. ஆனால் 12 வயதிலேயே அவர் விக்கிபீடியாவில் களமிறங்கிவிட்டார். 5 வயதிலேயே குழந்தைகள் கலைக்களஞ்சியத்தை கரைத்து குடித்திருந்தவருக்கு இதே ஆர்வத்தை உள்ளடக்கத்தை உருவாக்கும் திசையில் திருப்புவது இயல்பாக இருந்திருக்கிறது. தைவான் பாடகி ஏஞ்சலா சாங் பற்றிய முதல் கட்டுரையை உருவாக்கியவர் அதன் பிறகு நூற்றுக்கணக்கான கட்டுரைகளை சமர்பிப்பவராகவும், கட்டுரை தகவல்களை திருத்துபவராகவும் உருவானார்.

அவரது கட்டுரைகளில் பல குறிப்பிடத்தகவையாக இருந்தாலும், 2012 ல் அவர் துவங்கிய முயற்சி தான் இப்போது அவரைப்பற்றி பேச வைத்திருக்கிறது.

பெண் விஞ்ஞானிகளுக்கான அறிமுக பக்கங்களை கட்டுரையாக எழுதுவது தான் அவர் துவங்கிய விக்கி திட்டம்!
விக்கி நோக்கில் இது மிகவும் முக்கியமான முயற்சி. ஏனெனில் விக்கிபீடியா உள்ளடக்கத்திலும், செயல்பாட்டிலும் பெண்கள் தொடர்பாக இருக்கும் குறையை களையும் வகையில் இது அமைந்துள்ளது.

விக்கிபீடியா பங்களிப்பாளர்களில் பெண்களின் பிரதிநித்துவம் போதுமான அளவு இல்லை என்ற ஒரு கருத்து முன்வைக்கப்பட்டு கவலையுடன் விவாதிக்கப்படுவதை நீங்கள் அறிந்திருக்கலாம். அதே போலவே விக்கிபீடியா உள்ளடக்கத்திலும் பாலின இடைவெளி வெளிப்படையாகவே இருக்கிறது. விக்கிபீடியாவில் உள்ள வாழ்க்கை வரலாறுகளில் 15 சதவீதம் தான் பெண்கள் பற்றியதாக இருப்பதாக புள்ளிவிவரங்கள் தெரிவிக்கின்றன. அதிலும் பெண் விஞ்ஞானிகள் என்று எடுத்துக்கொண்டால் இது இன்னமும் குறைந்து போகும்.

எமிலி இந்த குறையை ராயல் சொசைட்டி ஆப் சயின்ஸ் அமைப்பின் பெண் விஞ்ஞானிகள் பற்றி விக்கிபீடியாவில் போதிய தகவல்கள் இல்லாததை கவனித்த போது உணர்ந்து கொண்டார். இந்த தகவல் அப்போது தனக்கு பெரும் ஆவேசத்தை தந்ததாக எமிலி கூறியிருக்கிறார். ராயல் சொசைட்டி என்பது விஞ்ஞானிகளின் புகழரங்கு போன்றது. அதில் இடம் பெற்ற பெண் விஞ்ஞானிகளுக்கே விக்கிபீடியாவில் இடமில்லை என்றால் எப்படி என கொதித்துப்போனவர் அந்த கணமே ( அதிகாலை 2 மணி) ஒரு பெண் விஞ்ஞானி பற்றிய அறிமுக கட்டுரையை எழுதி பதிவேற்றினார். அத்தோடு நின்று விடாமல் பெண் விஞ்ஞானிகள் பற்றிய கட்டுரைகளை தொடர்ந்து எழுதுவதற்காக என்றே ஒரு விக்கி திட்டத்தையும் துவக்கினார். இதன் ஒரு பகுதியாக பெண் விஞ்ஞானிகளை அணுகு அவர்கள் பங்களிப்பையும் கோரினார். அறிவியல் பயிலும் மாணவிகளையும் ஒன்று திரட்டி இந்த முயற்சியில் ஈடுபடுத்தி வருகிறார். இதன் பயனாக பெண் விஞ்ஞானிகள் பற்றிய 300 க்கும் மேற்பட்ட கட்டுரைகளை விக்கிபீடியா முகப்பு பக்கத்தில் கொண்டு வந்திருக்கிறார்.

_88736330_288விக்கிபீடியாவில் பெண் விஞ்ஞானிகள் பற்றி நூற்றுக்கணக்கான கட்டுரைகள் உருவாக்கி இருப்பது ஒரு சாதனை என்றால், அவர்களில் இன்னும் கவனிக்கப்படாத பிரிவினராக இருக்கும் கருப்பின பெண் விஞ்ஞானிகளையும் அடையாளப்படுத்தும் செயலில் எமிலி ஈடுபட்டு வருவது சாதாரண செயல் அல்ல என்கிறார் விக்கிமீடியா அமைப்பின் முன்னாள் ஊழியரான சிகோ பவுட்டர்சே.

இந்த செயலுக்காக எமிலி பாராட்டுக்கு மட்டும் இலக்காகவில்லை; அதைவிட அதிகமாக இணைய தாக்குதலுக்கு இலக்காகி வருகிறார். அவர் பெண் என்படாலும், பெண் விஞ்ஞானிகள் பற்றிய தகவல்களை தேடித்தேடி இடம்பெறச்செய்வதாலும் அதிருப்தி அடைந்த டிரால்கள் எனும் இணைய விஷமிகள் பலர் அவருக்கு இமெயில் மூலம் தொல்லை கொடுப்பதை வழக்கமாக கொண்டிருக்கின்றனர். அவரை ஆபாசமாக வர்ணிப்பது, டேட்டிங்கிற்கு அழைப்பது, அவதூறாக பேசுவது என பலவிதங்களில் தங்கல் துவேஷத்தை வெளிப்படுத்துகின்றனர்.

இப்படி இணைய தாக்குதலுக்கு பெண்கள் இலக்காவது தொடர்ந்து நடக்கத்தான் செய்கிறது. இதனால் மனம் உடைந்து போகிறவர்கள் இருக்கின்றனர். இணையமே வேண்டாம் என வெறுத்து ஒதுங்கியவர்களும் உண்டு. வரிந்து கட்டுக்கொண்டு பதிலடி கொடுப்பவர்களும் இல்லாமல் இல்லை.

ஆனால் எமிலி இந்த தாக்குதலை எதிர்கொண்ட விதம் கொஞ்சம் வித்தியசாமாக இருக்கிறது. ஒவ்வொரு முறை தாக்குதலுக்கு இலக்காகும் போதும் அவர், புதிதாக ஒரு பெண் விஞ்ஞானி பற்றிய அறிமுக கட்டுரையை எழுதுவது எனும் கொள்கையை கடைபிடித்து வருகிறார். ஆக, மனம் வருந்தச்செய்யும் மெயில் வரும் போதெல்லாம் அதனால் துவண்டு விடாமால் அதையே ஒரு உத்வேகமாக மாற்றிக்கொண்டு புதிய கட்டுரையை எமிலியும் அவரது சகாக்களும் எழுதி வருகின்றனர்.
இப்படி அடுத்தடுத்து எழுத வேண்டிய கட்டுரைகளுக்கு என்று அவர் ஒரு பெரிய பட்டியலே வைத்திருக்கிறார்.
இது போன்ற தாக்குதல்களை எதிர்கொள்ள தேவைப்படும் உணர்வு ரீதியான உழைப்பு அளவில்லாதது எனும் நிலையில், இத்தகைய தாக்குதல் ஒவ்வொன்றையும் தனது நோக்கத்தை மேலும் வலுவாக்கி கொள்ளும் வகையில் எமிலி செயல்படுவது துணிச்சலானது என்று பாராட்டுகிறார் பவுட்டர்சே. இது இணையத்தில் பெண்களை மவுனமாக்க முயல்பவர்களை தோல்வியடையச்செய்கிறது என்றும் அவர் புகழ்கிறார்.

எமிலியின் பங்களிப்பில் கவனிக்க வேண்டிய இன்னொரு விஷயம் அவரது விக்கி நிபுணத்துவம். விக்கிபீடியாவில் எந்த புது கட்டுரையையும் இடம்பெற வைக்கலாம் என்றாலும் அது விக்கி விதிகளுக்கு உட்பட்டிருக்க வேண்டும். இல்லை என்றால் நிராகரிக்கப்பட வேண்டும். அதிலும் வாழ்க்கை வரலாறு கட்டுரையை பதிவேற்ற வேண்டும் என்றால் அதற்கான தகுந்த முகாந்திரம் இருக்க வேண்டும். அதாவது வாழ்க்கை வரலாற்றுக்குறிய நபர் பற்றி ஏற்கனவே பரவலாக எழுதப்பட்டிருக்க வேண்டும். அந்த நபர் பற்றி ஆதார பூர்வமான கட்டுரைகள் வெளியாகி இருக்க வேண்டும்.

பெண் விஞ்ஞானிகள் வெளியே தெரியாமல் இருப்பது தான் பெருங்குறை எனும் போது அவர்களை பற்றிய கட்டுரைகள் விக்கிபீடியாவில் இடம்பெறாமல் போக இதுவே ஒரு காரணமாக இருக்கிறது. ஆனால் எமிலி விக்கிபீடியா நிபந்தனைகளை பூர்த்தி செய்யும் ஆதாரங்களை தேடிப்பிடித்து அதில் ஏற்கப்படும் நடையில் பெண் விஞ்ஞானிகளை அறிமுகம் செய்து வருகிறார்.

எமிலி பற்றிய விக்கிமீடியா வலைப்பதிவு குறிப்பு: https://blog.wikimedia.org/2016/03/08/alchemy-turning-harassment-into-women-scientists/

எமிலியின் பெண் விஞ்ஞானிகள் விக்கி திட்டம்: https://en.wikipedia.org/wiki/Wikipedia:WikiProject_Women_scientists

——-


இணைய குறிப்பேடு

papiewrஇணையத்தில் உலாவும் போது, காகிதமும் பேனாவும் கையில் இருந்தால் நல்லது தான். பயனுள்ள இணைதளங்கள் அல்லது பின்னர் பார்க்க நினைக்கும் இணைய சேவைகளை குறித்து வைத்துக்கொள்ள இது உதவலாம். அப்படியே இணைய உலாவுதலின் போது மனதில் மின்னலென தோன்றும் எண்ணங்களையும் உடன் எழுதி வைக்கலாம். காதிக குறிப்பேட்டை விட டிஜிட்டல் குறிப்பேடு இன்னும் நல்லது. இதற்கென தனியே இணைய சேவையை நாடாமல் நினைத்த நேரத்தில் குறித்து வைக்கும் வசதி இருப்பது மேலும் சிறந்தது – இப்படி நினைப்பவர்கள் குரோம் பிரவுசரில் நீட்டிப்பாக செயல்படும் கெட்பேப்பியர் சேவையை புக்மார்க் செய்து கொள்ளலாம்.

உடனடி குறிப்பேடாக செயல்படக்கூடியது என்பது இதன் சிறப்பு. இந்த சேவையை நீட்டிபாக நிறுவிக்கொண்ட பின், எப்போது குறிப்பேடு தேவையோ அப்போது புதிய டேப் ஒன்றை கிளிக் செய்து விட்டு அந்த பக்கத்தில் டைப் செய்யத்துவங்கிவிடலாம். டைப் செய்பவை தானாக சேமிக்கப்படும். இதற்கென தனியே கணக்கு துவங்க தேவையில்லை. இந்த குறிப்பேட்டை அச்சிட்டுக்கொள்ளலாம். இரவு வாசிப்புக்கு ஏற்ற அம்சமும் இருக்கிறது.

மேலும் விவரங்களுக்கு: https://getpapier.com/

———

செயலி புதிது; மரம் வளர்க்கும் செயலி
forest-app-trees
ஸ்மார்ட்போனை கையில் எடுத்தால் கீழே வைக்க முடியவில்லை என்று புலம்பும் அளவுக்கு அதற்கு பழகிவிட்டீர்களா? கவலையே வேண்டாம், ஸ்மார்ட்போன் மோகத்தில் இருந்து சற்றே விடுபட சுவாரஸ்யமான முறையில் வழி காட்டுகிறது பாரஸ்ட் ஆப் செயலி.

ஸ்மார்ட்போனில் கவனம் செலுத்தாமல் வேறு முக்கிய பணிகளில் ஈடுபட விரும்பும் போது இந்த செயலியை இயக்க வேண்டும். உடனே திரையில் ஒரு மரம் வளரத்துவங்கும். அடுத்த அரை மணி நேரத்திற்கு செயலி அப்படியே இயங்கி கொள்ள அனுமத்தீர்கள் என்றால் மரம் முழுவதும் வளரும். அது வரை நீங்களும் உங்கள் பணியில் மூழ்கி இருக்கலாம்.

மரத்தை வெட்டாமல் இருக்க வேண்டும் எனும் நல்லெண்ணத்தில் நீங்கள் போனில் கை வைக்காமல் இருக்க வேண்டும். மரம் வளர்ந்து நிற்பதை பார்க்கும் போது உற்சாகம் ஏற்படும் அல்லவா? அதற்காக பொறுமையாக இருக்கத்தோன்றும். வேலையையும் கவனிக்கலாம்.

போனில் இருந்து விடுதலை தேவை என நினைக்கும் போது இந்த செயலியை நாடலாம்.
ஸ்மார்ட் போன் மோகத்திற்கு கொஞ்சம் எளிமையான தீர்வு தான். ஆண்ட்ராய்டு, ஐபோனில் செயல்படுவதோடு, இணைய பிரவுசர்களிலும் செயல்படுகிறது.

பிரவுசரில் பயன்படுத்தும் போது, அரை மணி நேரத்திற்கு இணையதளங்களின் பக்கம் செல்லாமல் இருக்க வேண்டும். எந்த தளங்களை பிளாக் செய்ய வேண்டும் எனும் பட்டியலை பயனாளிகள் தீர்மானித்துக்கொள்ளலாம். சதா பேஸ்புக், டிவிட்டர் என இருப்பவர்களும் இதை முயன்று பார்ககலாம். கவனச்சிதற்ல்களுக்கான வாய்ப்பு இணையத்தில் அதிகம் இருக்கும் நிலையில், அவற்றில் இருந்து மீட்டுக்கொள்ள இந்த சேவை கைகொடுக்கும்.

மேலும் விவரங்களுக்கு: http://www.forestapp.cc/

—-

தளம் புதிது: உடனடி மொழிபெயர்ப்பு வசதி
tras
இணையத்தின் மூலம் கருத்துக்களை வெளியிடுவது மிகவும் எளிதாக இருக்கிறது. சில நேரங்களில் சொந்த மொழி தவிர பிற மொழிகளிலும் கருத்துக்களை வெளியிட இணையத்திலேயே மொழிபெயர்ப்பு வசதியும் இருக்கிறது. இப்படி பல மொழிகளில் மொழிபெயர்க்கும் வசதியை ஒரே இடத்தில் தொகுத்தளிக்கிறது டிரான்ஸ்லேட்டர் இணைதளம்.
எளிமையாக உள்ள இந்த தளத்தில் மேல் பக்கத்தில் மொழிபெயர்க்க விரும்ப்பும் வரிகளை டைப் செய்து விட்டு, கீழே உள்ள பட்டியலில் இருந்து மொழிபெயர்க்கப்பட வேண்டிய மொழியை தேர்வு செய்து கொள்ளலாம். அவ்வளவு தான் மொழிபெயர்ப்பு முடிந்தது. ஆனால் நீளமான பத்திகளுக்கு எல்லாம் பொருத்தமாக இருக்காது. சின்ன சின்ன வாசகங்கள் என்றால் சரியாக இருக்கும். ஒரே நேரத்தில் பல மொழிகளிலும் மாற்றிக்கொள்ளலாம். மிக எளிமையான சேவை; ஆனால் பயன்மிக்கது.
கூகுள் மொழிபெயர்ப்பு வசதியை அடிப்படையாக கொண்டு இந்த சேவை உருவாக்கப்பட்டுள்ளது.

இணையதள முகவரி: http://translatr.varunmalhotra.xyz/

——-

வீடியோ புதிது: புளுடோனியம் அறிவோம்
science-elements
புளுடோனியம் தான் உலகின் ஆபத்தான தனிமம் என்று கருதப்படுவது உங்களுக்குத்தெரியுமா? மற்ற தனிமங்கள் கண்டுபிடிக்கப்பட்டவை என்றால், புளுடோனியம் மனிதர்களால் உருவாக்கப்பட்டவை. கதிரியக்க செயல்பாடால் கண்டறியப்பட்டது என்பதால் அது ஆபத்தானது. அது கதிரியக்க தன்மை கொண்டது. புளுடோனியத்தை சாதாரண ஆய்வுக்கூடத்தில் வைத்திருக்க முடியாது.; அதற்கென வடிவமைக்கப்பட்ட ஆய்வுக்கூடத்தில் தான் வைக்க முடியும். புளுடோனியத்தை நேரில் பார்ப்பது சாத்தியமில்லை. புளுடோனியம் பற்றி இப்படி இன்னும் பல சுவாரஸ்யமான தகவல்களை வழங்குகிறது ரியல் புளுடோனியம் வீடியோ. ஆர்வத்தை தூண்டும் ஆவணப்பட பாணியில் அமைந்துள்ள இந்த வீடியோவை பார்த்து பல பயனுள்ள தகவல்களை தெரிந்து கொள்ளலாம். புளுடோனியம் பற்றி மட்டும் அல்ல, பீரியாடிக் டேபிள் எனப்படும் தனிப அட்டவனையில் உள்ள ஒவ்வொரு தனிமம் பற்றிய வீடியோக்களையும் இதன் பின்னே உள்ள யூடியூப் சேனலில் பார்க்கலம்;

வீடியோவைக்காண: https://www.youtube.com/watch?v=89UNPdNtOoE

நன்றி; தமிழ் இந்துவில் எழுதியது

விக்கிபீடியா உருவான வரலாறு!

360_wikipedia_0817இதோ இந்த நொடி உலகின் எதோ ஒரு மூளையில் இருக்கும் ஒருவர் புதிய தலைப்பிலான கட்டுரையை உருவாக்கும் முயற்சியில் ஈடுபட்டிருக்கலாம்.இதே விநாடி இன்னும் சிலர் ஏற்கனவே உருவாக்கப்பட்ட கட்டுரைகளில் திருத்தங்கள் தேவையா? என பரிசீலித்துக்கொண்டிருக்கலாம். இன்னும் பலர் தங்களுக்கு தெரிந்த விவரங்களை பொறுப்புடன் இடம்பெறசெய்து கொண்டிருக்கலாம். யாருடைய கட்டளையும் இவர்களை இயக்கி கொண்டிருக்கவில்லை.பரிசையோ,பாராட்டியோ எதிர்பார்க்காமல் பங்களிப்பே தங்கள் கடமை என இவர்கள் செயல்பட்டுக்கொண்டிருக்கின்றனர். இந்த அயராத உழைப்பின் பலனை தான் இணைய உலகம் விக்கிபீடியா எனும் பெயரில் அனுபவித்துக்கொண்டிருக்கிறது.

கட்டற்ற கலைக்களஞ்சியம் என வர்ணிக்கப்படும் விக்கிபீடியா பாராட்டு மழை,சர்ச்சை பூகம்பங்கள் ,விமர்சன சூறாவளிகள் என எல்லாவற்றையும் கடந்து 15 ஆண்டுகளை நிறைவு செய்திருக்கிறது.

இணைய உலகில் 15 ஆண்டுகள் என்பது மிக நீண்ட காலம். இணைய சாம்ராஜ்யங்கள் உருவாகி,எழுச்சி பெற்று,பின்னர் மறக்கப்பட போதுமான காலம். சந்தேகம் இருந்தால் மைஸ்பேஸ் தளம் பற்றி நினைத்துப்பாருங்கள். 2003 ல் அறிமுகமான இந்த சமூக வலைப்பின்னல் தளம் பெரும் அதிர்வுகளை ஏற்படுத்தி பின்னர் பேஸ்புக் மாயத்தில் எடுபடாமல் போய்விட்டது.
அதற்கு மூன்று ஆண்டுகளுக்கு முன் அறிமுகமான பிரென்ட்ஸ் யுனைடெட் தளமும் என்ன ஆனது என்று தெரியவில்லை. ஜியோசிட்டிஸ் போன்ற புகழ் பெற்ற சேவைகளுக்கு இறங்கற்பா பாடியாகி விட்டது. புதிய அலை சேவைகள் அறிமுகமாகி கொண்டிருக்கின்றன.

ஆனால் விக்கிபீடியா அதிகம் நாடப்படும் முன்னணி இணையதளங்களில் ஒன்றாக தொடர்கிறது.இந்த இணைய களஞ்சியம் வளர்ந்து கொண்டே இருக்கிறது.விக்கிபீடியாவின் வளர்ச்சி வியக்க வைத்துக்கொண்டே இருக்கிறது. எந்த தகவல் தேவை என்றாலும் விக்கிபீடியாவை நாடலாம் என்பதற்கு ஏற்ப விக்கிபீடியாவை பார்த்து வியக்கவும் அதனையே நாடலாம். விக்கிபீடியா புள்ளி விவரங்கள் பக்கம் விக்கிபீடியா மற்றும் அதன் சகோதர திட்டங்கள் விநாடிக்கு பத்து திருத்தங்கள் எனும் வேகத்தில் வளர்ந்து கொண்டிருப்பதாகம் குறிப்பிடுகிறது. சும்மா இல்லை விக்கி கலாச்சாரப்படி இதற்கான ஆதாரமும் இணைக்கப்பட்டுள்ளது. விக்கிபீடியா மொத்தம் 291 மொழிகளில் செயல்படுகிறது. பிரதான மொழியான ஆங்கிலத்தில் 5,058,949 கட்டுரைகளுக்கு மேல் இருக்கின்றன. தினமும் 800 புதிய கட்டுரைகள் இணைந்து கொண்டிருக்கின்றன. மாதம் 20,000 க்கு மேல் புதிய கட்டுரைகள் எனும் விகித்ததில் இந்த வளர்ச்சி இருக்கிறது. 2006 ல் 50,000 கட்டுரை என உச்சத்தில் இருந்திருக்கிறது.- https://en.wikipedia.org/wiki/Wikipedia:Statistics

ஆனால் எண்ணிக்கையை விட விக்கிபீடியாவை பற்றி வியப்பான விஷயம் அதன் பின்னே இருக்கும் இணைய சமூகம். துடிப்பு மிக்க அந்த சமூகத்தை இயக்கி கொண்டிருப்பது,யார் வேண்டுமானாலும் கட்டுரைகளை இடம்பெற வைக்கலாம், எவர் வேண்டுமானாலும் அதில் திருத்தங்களை செய்யலாம் எனும் இணைய ஜனநாயக பன்பு தான்! விக்கிபீடியாவின் பலமும் இது தான். அதன் நம்பகத்தன்மையை சந்தேகத்துடன் நோக்கி,முன்வைக்கப்படும் விமர்சனங்களுக்கு இலக்காக்கும் பலவீனமும் இது தான்.
Jimmy Wales
ஆனால் கேள்விகள் மற்றும் தாக்குதல்களை மீறி விக்கிபீடியாவை வெற்றி பெற வைத்திருப்பது அதன் பங்கேற்பு ஜனநாயகம் தான். இந்த அம்சத்தால் தான் தன்னார்வல கட்டுரையாளர்கள் மற்றும் திருந்தங்களை செய்பவர்கள் ஈர்க்கப்பட்டு மகத்தான கூட்டு முயற்சியாக விக்கிபீடியாவை பளிச்சிட செய்து வருகின்றனர்.
விக்கிபீடியா இந்த அளவு விஸ்வரூப வளர்ச்சியை பெறும் என்று அதன் நிறுவனரான ஜிம்மி வேல்ஸே கூட நினைத்துப்பார்த்திருப்பாரா? என்று தெரியவில்லை.

இந்த வியப்புடன் விக்கிபீடியாவின் பிரம்மிக்க வைக்கும் வளர்ச்சியை கொஞ்சம் திரும்பி பார்க்கலாம்!
2001ம் ஆண்டு ஜனவரி 15 ம் தேதி விக்கிபீடியா அறிமுகமானது. ஆனால் விக்கிபீடியா வரலாற்றை முழுமையாக அறிந்து கொள்ள அதற்கு முன்னர் நுபீடியாவையும், புரோமிராமிங் முன்னோடியான வார்ட் கன்னிங்ஹாமையும்(Ward Cunningham)தெரிந்து கொள்ள வேண்டும்.
நுபீடியா தான் ஒருவிதத்தில் விக்கிபீடியாவின் மூத்த சகோதரன். அதில் இருந்து கிளையாக பிரிந்து விருட்சமாக விக்கிபீடியா வளர்ந்திருக்கிறது.

நுபீடியா தான் ஜிம்மி வேல்சும் ,இணை நிறுவனருமான லாரி சாங்கரும் (Larry Sanger) இணைந்து உருவாக்கிய முதல் இணைய களஞ்சியம். வல்லுனர்கள் கொண்டு எழுதப்பட்ட கட்டுரைகளை, இணையவாசிகள் கொண்டு சரி பார்த்து வெளியிடும் நோக்கத்துடன் இது உருவாக்கப்பட்டது. ஆனால் பிரச்சனை என்ன என்றால் முதல் ஆறு மாதங்களில் 2 கட்டுரைகள் தான் உருவாகி இருந்தது. இதே வேகத்தில் (!) தொடர்ந்தால் களஞ்சியம் எப்போது முழுவதுமாக உருவாவது என ஜிம்மி வேல்ஸ் கவலைப்பட்டார். அவரது கவலையை பகிர்ந்து கொண்ட சாங்கர், இதற்கு துணையாக இன்னொரு களஞ்சியத்தை உருவாக்கலாம் எனு யோசனை கூறினார். நுபீடியா போல் அல்லாமல் இந்த களஞ்சியத்தில் ஆசிரியர் குழு மேற்பார்வை இல்லாமல் யார் வேண்டுமானல் பங்கேற்கலாம் ,திருத்தங்களை செய்யலாம் என்று கூறினார். இதன் விளைவாக பிறந்தது தான் விக்கிபீடியா.முதல் ஆண்டிலேயே அது 20,000 கட்டுரைகளுடன் ஆங்கிலம் தவர 17 மொழிகளில் கிளைப்பரப்பி அபார வளர்ச்சி பெறத்துவங்கியது.
விக்கிபீடியாவின் வெற்றிக்கு காரணம் பலரும் அறிந்தது போல, அதில் யார் வேண்டுமானாலும் கட்டுரைகளை சேர்க்கலாம் மற்றும் திருத்தலாம் என்பது தான். ஆனால்,இந்த கட்டற்ற சுதந்திரம் பின்னே ஒரு சுய ஒழுங்கும்,கட்டுப்பாடும் இருப்பதை மறந்துவிடக்கூடாது.

விக்கிபீடியாவில் மேற்கொள்ளப்படும் ஒவ்வொரு திருத்தமும் அதற்கான பக்கத்தில் ஆவணப்படுத்தப்பட்டு வருகிறது. எந்த ஒரு திருத்தத்தையும் எவரும் பார்க்கலாம்.அதில் பழுதிருந்தால் புதிதாக சேர்க்கலாம். இரண்டும் சேர்ந்தே ஆவணப்படுத்தப்படும். பழுதான தகவலை திருத்த வேண்டும் என்றால் அதற்கான ஆதாரம் தேவை. இந்த ஆதாரங்களை சரி பார்த்து, ஏற்க தன்னார்வலர்கள் குழு செயல்பட்டுக்கொண்டிருக்கிறது. கட்டுரையை உருவாக்குபவர்களும், அவற்றில் திருத்தங்களை மேற்கொள்பவர்களையும் உள்ள்டக்கிய மாபெரும் இணைய சமூகமே விக்கிபீடியாவை உயிர்ப்புடன் வைத்திருக்கிறது.

விக்கிபீடியாவில் தணிக்கை கிடையாது. ஆனால் அதற்கான விதிகள் இருக்கின்றன.நடுநிலை கடைபிடிக்கப்பட வேண்டும் எனும் கொள்கை இருக்கிறது.
திருத்தங்கள் இதை சாத்தியமாக்குகிறது. அதற்கான நியாயத்தை உறுதி செய்ய அதன் வரலாறும் சேமிக்க்கப்பட்டு வருகிறது.
உண்மையில் இந்த அம்சமும், புதிய பக்கங்களை மிக எளிதாக உருவாக்கி இணைக்கும் அம்சமுமே விக்கிபீடியாவின் ஆதார அம்சமாக இருக்கிறது. இந்த அடிப்படைக்காக விக்கிபீடியா சமூகமும், இணைய உலகமும் கன்னிங்ஹாமிற்கு நன்றி கடன் பட்டிருக்கிறது. ஏனெனில் அவர் தான், இதற்கான சாப்ட்வேர் அடித்தளமான விக்கியை உருவாக்கி தந்தவர்.

அமெரிக்காவின் ஆரேகோன் மாநிலத்தைச்சேர்ந்த கன்னிங்ஹாம் ,டெக்ட்ரானிக்ஸ் எனும் நிறுவனத்தில் பணியாற்றிக்கொண்டிருந்தார். புரோகிராமிங் புலியான அவர் ஆப்பிள் நிறுவனத்தின் ஹைபர்கார்ட் எனும் புரோகிராமில் விளையாடிக்கொண்டிருந்தார். ஏற்கனவே ஒரு பக்கம் உருவாக்கப்பட்டுள்ளதா என்பதை எளிதாக அறிந்து கொண்டு புதிய இணைய பக்கத்தை இதில் உருவாக்குவது எளிதாக இருப்பதை அவர் கண்டுகொண்டார். இதை கொண்டு அவர் தனது நிறுவன ஊழியர்களிடம் அவர்களைப்பற்றிய பக்கங்களை உருவாக்கி தருமாறு கேட்டார். இந்த பக்கங்களை எல்லாம் இணைத்தால், யார் எந்த திட்டங்களில் என்ன செய்து கொண்டிருக்கின்றனர் என்பதை எளிதாக அறிந்து கொள்ளலாம் என்று அவர் நினைத்தார்.

முதலில் ஊழியர்கள் இதை சந்தேகத்துடன் பார்த்தாலும் பின்னர், இது செயல்பட்ட விதம் கண்டு அசந்து விட்டனர். குறிப்பாக புதிய பக்கத்தை எளிதாக சேர்க்க முடிந்தது மற்றும் தங்களைப்பற்றிய விவரங்களை அதைவிட எளிதாக அப்டேட் செய்ய முடிந்தது கண்டு சொக்கிப்போயினர்.
இணைப்புகளை உருவாக்குவது,கூட்டு முயற்சியுடன் திருத்துவது மற்றும் வெளியிடுவது ஆகிய அம்சங்களை கொண்ட இந்த வசதியை அவர் இணையத்திற்கும் கொண்டு சென்றார்.

1995 ம் ஆண்டு இதன் இணைய வடிவத்தை அவர் அறிமுகம் செய்தார். முதலில் இதற்கு குவிக்வெப் என பெயர் வைக்க நினைத்தவர் தனது ஹவாய் பயணத்தின் தாக்கத்தால் ,விக்கிவிக்கி எனும் வேகத்தை குறிக்கும் ஹவாய் மொழி சொல்லை கொண்டு விக்கிவிக்குவெப் என பெயர் வைத்தார். விக்கிவிக்கிவெப் இணையதளம் மெல்ல வளர்ந்தது. இதனிடையே 2001 ல் ,
புதிய களஞ்சியத்தை உருவாக்க பொருத்தமான சாப்ட்வேர் தேடிக்கொண்டிருந்த லாரி சாங்கரிடம் விக்கி பயனாளி ஒருவர் இது பற்றி பரிந்துரைக்க விக்கிபீடியா உருவாகி விஸ்வரூபம் எடுத்தது.விக்கிபீடியாவின் துடிப்பு மிக்க சமூகத்தில் தமிழ் மொழியும் முக்கிய இடம் பிடித்திருப்பது பற்றி நாம் பெருமை கொள்ளலாம்.

———

flixed
தளம் புதிது; நெட்பிளிஸ் வழிகாட்டி

இணையத்தின் முன்னணி வீடியோ ஸ்டீரிமிங் சேவையான நெட்பிளிக்ஸ் இந்தியாவில் அறிமுகமாகி இருக்கிறது. இந்தியா உள்ளிட்ட 100 க்கும் மேற்பட்ட நாடுகளிலும் நெட்பிளிக்ஸ் விரிவாக்கம் செய்துள்ளது. நெட்பிளிக்சில் கட்டணம் செலுத்தி புதிய படங்கள் மற்றும் தொலைக்காட்சி நிகழ்ச்சிகளை பார்த்து ரசிக்கலாம். கட்டணத்தை மாதச்சந்தவாக செலுத்தும் வசதி தான் நெட்பிளிக்சின் கவரும் அம்சங்களில் ஒன்று. இந்தியாவில் இந்த சேவை எப்படி செயல்படும், என்ன விதமான வரவேற்பை பெறுகிறது என்பதை பொருத்திருந்து பார்க்க வேண்டும் என்றாலும், நெட்பிளிக்ஸ் ஒரு விதத்தில் பயனாளிகளை நிச்சயம் குழத்தில் ஆழ்த்தலாம்.நெட்பிளிஸ் வழங்கும் எல்லா படங்கள் மற்றும் தொலைக்காட்சி நிகழ்ச்சிகளை எல்லோரும் பார்த்துவிட முடியாது. அவற்றில் பல குறிப்பிட்ட நாடுகளின் காப்புரிமை கட்டுப்பாட்டிற்கு உட்பட்டவை. எனவே பயனாளிகள் எந்த இட்த்தில் இருக்கிறார் என்பதை பொருத்தே அவர் பார்க்க கூடிய உள்ளடக்கம் அமையும். ஒரு வேளை உங்களுக்கு குறிப்பிட்ட படம் அல்லது நிகழ்ச்சி எந்த எந்த பகுதியில் பார்க்கலாம் என்பது பற்றிய தகவல் தேவை என்றால் பிக்செட்.இயோ தளம் அதற்கு வழி செய்கிறது. இந்த தளத்தில் எந்த எந்த பகுதியில் எந்த படங்களை பார்க்க முடியும் என எளிதாக தேடலாம்.
இணையதள முகவரி: http://flixed.io/

செயலி புதிது; வேளாண் செயலி’

எல்லா விவரங்களும் ஸ்மார்ட்போன் உதவியுடன் விரல் நுனியில் அணுகும் வசதி சாத்தியமாகி இருக்கிறது. இந்த வசதியை விவசாயிகளுக்கும் வழங்கும் வகையில் வேளாண் துறை அமைச்சகத்தால் அக்ரி மார்கெட் செயலி அறிமுகமாகியுள்ளது. இந்த செயலி மூலம் விவசாயிகள் மற்றும் வேளாண் வியாபாரிகள் இந்தியா முழுவதும் உள்ள சந்தைகளில் முக்கிய விளை பொருட்களின் விலை நிலவரத்தை தெரிந்து கொள்ளலாம். இந்த செயலி போனின் ஜிபிஎஸ் மூலமாக விவசாயிகளின் இருப்பிடத்தை தெரிந்து கொண்டு அதற்கேற்ற விலை விவரங்களை வழங்குகிறது.
அதே போல குறிப்பிட்ட இடத்தில் எந்த பொருளுக்கான விலையையும் தெரிந்து கொள்ளும் வசதி இருக்கிறது.
மேலும் விவரங்களுக்கு: https://play.google.com/store/apps/details?id=com.brinvik.vksKBazar.app

unnamed

வீடியோ புதிது; தூக்கத்தின் பலன்

நல்ல தூக்கம் எல்லோருக்கும் அவசியம். அதே போல ’நேப்’ எனப்படும் குட்டித்தூக்கமும் அவசியம் என்கின்றனர் ஆய்வாளர்கள். குட்டித்தூக்கம் களைப்பை போக்கி, படைப்பூக்கத்தின் ஆற்றலை தரக்கூடியது என்கின்றனர். பல வெற்றிகரமான மனிதர்களுக்கு குட்டித்தூக்கம் பழக்கம் தான் கைகொடுக்கின்றன. குட்டித்தூக்கம் என்றால் அலுவலக நேரத்தில் குறட்டை விட்டு தூங்குவது அல்ல, சுறுசுறுப்பான நாளுக்கு இடையே கொஞ்சம் ஓய்வெடுப்பது. குட்டித்தூக்கத்தின் அருமை பற்றி புரிய வைப்பதற்காக நியூயார்க் பத்திரிகை எளிய யூடியூப் வீடியோவை உருவாக்கியுள்ளது. ஜெர்மனி விஞ்ஞானிகள் வயலின் கலைஞர்களின் பழக்க வழக்கம் பற்றி மேற்கொண்ட ஆய்வு உள்ளிட்ட விஷயங்களை கொண்டு இந்த வீடியோ எளிமையாக பல விஷயங்களை புரிய வைக்கிறது: https://www.youtube.com/watch?v=idCDmpUGIig


நன்றி; தமிழ் இந்துவில் எழுதியது.

விக்கிபீடியாவை மேலும் சிறப்பாக பயன்படுத்துவதற்கான வழிகள்!

wi1இணையவாசிகளின் பங்களிப்பால் உருவாகும் கட்டற்ற கலைகளஞ்சியமான விக்கிபீடியாவை நீங்கள் விரும்பலாம், விரும்பாமல் போகலாம். ஆனால் அதை பயன்படுத்தாமல் இருக்க முடியாது. ஒன்று விக்கிபீடியாவை நீங்கள் தற்செயலாக பயன்படுத்தலாம் – எப்படியும், இணையத்தில் தகவல்களை தேடும் போது , உங்கள் குறிச்சொல் தொடர்பான விக்கிபீடியா பக்கம் வந்து நிற்கலாம். அல்லது நீங்களே விரும்பி விக்கிபீடியாவில் தகவல்களை தேடலாம். நம்பகத்தன்மை பற்றிய கேள்விகள், அதில் அரங்கேறும் திருத்தங்களின் அரசியல் ஆகியவற்றை மீறி விக்கிபீடியா மிகச்சிறந்த தகவல் சுரங்கம். அதிகம் பயன்படுத்தப்படும் இணையதளங்களின் பட்டியலில் அது ஆறாவது இடத்தில் இருப்பதற்கான காரணமும் அதுவே.

ஒரு முறை விக்கிபீடியாவை பயன்படுத்தினால் அதில் உள்ள ஏதவாது ஒரு அம்சம் உங்களை கவராமல் இருக்க வாய்ப்பில்லை. தகவல் களஞ்சியமாக விக்கிபீடியா பயன் மிக்கது என்றாலும் அதன் வடிவமைப்பு அத்தனை நேர்த்தியானது அல்ல. அதோடு விக்கிபீடியாவை பயனாளிகள் தங்கள் தேவைக்கேற்ப மாற்றியமைத்துக்கொள்ள முடியாது. இந்த குறைகளுக்கு தீர்வு காணவும், விக்கிபீடியாவை மேலும் சிறந்த முறையில் பயன்படுத்தவும் வழிகள் இல்லாமல் இல்லை. உங்கள் விக்கி அனுபவத்தை மேம்படுத்தக்கூடிய சில வழிகளையும் விக்கி சார்ந்த சேவைகளையும் இங்கே பார்க்கலாம்.

 

எளிய ஆங்கித்தில்!
எப்போதாவது விக்கிபீடியா கட்டுரைகள் கடினமாக இருப்பதாக உணர்ந்திருக்கிறீர்களா? கட்டுரையில் பயன்படுத்தப்படும் ஆங்கிலம் மற்றும் அதில் இடம்பெறும் கரடுமுரடான சொற்கள் இடையூறாக இருப்பதாக நினைத்திருக்கிறீர்களா? ஆம் எனில், கவலையேபடாதீர்கள், உங்களுக்காக என்றே எளிய ஆங்கில விக்கிபீடியா (http://simple.wikipedia.org/wiki/Main_Page ) இருக்கிறது. இங்கு விக்கிபீடியா கட்டுரைகளை எளிய ஆங்கிலத்தில் படிக்கலாம். அடிப்படையில் விக்கிபீடியாவில் உள்ள கட்டுரைகள் தான் இங்கும் இருக்கின்றன. ஆனால் அவை எல்லாமே சிக்கல் இல்லாமல் எளிய ஆங்கிலத்தில் எழுதப்பட்டுள்ளன. விக்கி கட்டுரைகளில் உள்ள கரடுமுரடான சொற்கள் நீக்கப்பட்டு அவற்றின் சாரம்சம் எளிதாக புரியும் வகையில் சிக்கலான விஷயங்கள் நீக்கப்பட்டு எளிதாக படிக்க கூடிய வகையில் திருத்தி எழுத்தப்பட்டுள்ளன. எளிய ஆங்கிலத்தில் எழுதப்பட்ட மூலக்கட்டுரைகளையும் இங்கு சமர்பிக்கலாம். அடிப்படையான ஆங்கில சொற்களை மட்டுமே பயன்படுத்த வேண்டும். விக்கிபீடியா கட்டுரைகள் எல்லோருக்குமானதாக இருக்க வேண்டும் எனும் நோக்கத்துடன் எளிமையான வடிவில் வழங்கப்பட்டு வருகின்றன. 2003 ம் ஆண்டு முதல் செயல்பட்டு வரும் இதில் ஒரு லட்சத்திற்கும் அதிகமான கட்டுரைகள் உள்ளன. குறிப்பாக மாணவர்களுக்கு மிகவும் பயனுள்ளதாக இருக்கும். ஆங்கிலத்தை தாய்மொழியாக கொள்ளாதவர்களுக்கும் ஏற்றதாக இருக்கும். இதே போலவே விக்கி அகராதியான விக்கிஷ்னரிக்கும் எளிய ஆங்கில வடிவம் இருக்கிறது – http://simple.wiktionary.org/wiki/Main_Page

 

செய்திகளை தொடர
செய்திகள் என்றதும் விக்கிபீடியா நினைவுக்கு வர வாய்ப்பில்லை. அதற்கு செய்தி தளங்களையோ அல்லது தேடியந்திரங்களையோ தான் தேடிச்செல்வோம். இருப்பினும் தவறவிட்ட முக்கிய செய்திகளை தெரிந்து கொள்ள விக்கிபீடியா சிறந்த இடம் என்பது உங்களுக்குத்தெரியுமா? இதற்காக நீங்கள் செய்ய வேண்டியதெல்லாம் , விக்கிபீடியா தளத்தில் , நீங்கள் எந்த மாதத்தின் நிகழ்வுகளை தெரிந்து கொள்ள விரும்புகிறீர்களோ , அந்த மாதத்தை விக்கிபீடியா தேடலில் கட்டத்தில் குறிப்பிட்டு தேடினால் , அந்த மாதத்தின் முக்கிய நிகழ்வுகளை எல்லாம

விக்கிபீடியா தெரியும் ! விக்கி புதிர் தெரியுமா?

wikigameவிக்கிபீடியாவை நிச்சயம் உங்களுக்கு தெரிந்திருக்கும்.பிரபலமான இணைய களஞ்சியம் இது. பயனாளிகளே பங்கேற்று உருவாக்கலாம் என்பதால் கட்டற்ற களஞ்சியம் என்று அழைக்கப்படுகிறது. மாணவர்கள் முதல் ஆய்வாளர்கள் வரை குறிப்புகளுக்காக (Reference ) இணையத்தில் அதிகம் பயன்படுத்துவது விக்கிபீடியாவை தான். விக்கிபீடியாவில் உள்ள தகவல்களின் நம்பகத்தன்மை குறித்து கேள்விகள் உண்டே தவிர அதன் பயன்பாடு குறித்து எந்த சந்தேகமும் கிடையாது. நீங்களே கூட விக்கிபீடியாவில் தகவல்களை தேடியிருக்கலாம்.

விக்கிபீடியா சரி, விக்கி விளையாட்டு இருப்பது உங்களுக்குத்தெரியுமா?

விக்கி விளையாட்டா ? அது என்ன? என்று நீங்கள் ஆவலோடு கேட்பது புரிகிறது. விக்கிபீடியாவில் கட்டுரைகளை தேடுவதையே ஒரு இணைய விளையாட்டாக வடிவமைத்திருப்பதை தான் விக்கி விளையாட்டு என்று அழைக்கின்றனர். விக்கிபீடியேமேஸ்(http://wikipediamaze.com/ )  இணையதளம் இந்த விளையாட்டை வழங்குகிறது.

ஒரே கல்லில் இரண்டு மாங்காய் அடிப்பது என்பார்களே அதே போல , இந்த இணையதளம் ஒரு விளையாட்டின் சுவாரஸ்யத்தையும் அளிக்கிறது, அதே நேரத்தில் இணையகளஞ்சியமான விக்கிபீடியாவில் பல கட்டுரைகளையும் தேடிப்படிக்க வைக்கிறது. இந்த விளையாட்டில் ஈடுப்படும் ஒவ்வொரு முறையும் நீங்கள் இணையத்தில் புதிய விஷயங்களை தெரிந்து கொள்ளலாம்.

விக்கிபீடியாவில் எந்த தலைப்பிலும் கட்டுரைகளை பார்க்கலாம் இல்லையா? பொதுவாக நமக்கு ஏதாவது ஒரு தலைப்பில் தகவல் தேவை என்றால் விக்கிபீடியாவில் அதை தேடுவோம்.

இந்த தேடலையே விக்கிபுதிராக மாற்றித்தருகிறது , விக்கிபீடியாமேஸ் தளம். இந்த தளத்தில் கொடுக்கப்பட்டுள்ள ஒரு விக்கிபீடியா கட்டுரையில் இருந்து இன்னொரு விக்கிபீடியா கட்டுரைக்கு இணைப்புகளின் மூலம் தாவிச்செல்ல வேண்டும். இதற்காக எந்த அளவுக்கு குறைவான கிளிக்குகளை பயன்படுத்துகிறோம் என்பது தான் இந்த விளையாட்டின் சவால் .

உதாரணத்திற்கு இந்த புதிரை பாருங்கள். கெவின் பேக்கனில் இருந்து கனடியன் பேக்கனுக்கு செல்லுவது எப்படி ?அதாவது கெவின் பேக்கன் விக்கிபீடியா கட்டுரையில் இருந்து கனடியன் பேக்கன் கட்டுரைக்கு செல்ல வேண்டும். இதற்காக கெவின் பேக்கன் இணைப்பில் இருந்து துவங்கி , ஒவ்வொரு பொருத்தமான கட்டுரையாக கிளிக் செய்து போனால் கனடியன் பேக்கன் கட்டுரைக்கு சென்று விடலாம். ஆனால் அதிக கிளிக்களை பயன்படுத்தாமல் விரைவாக அந்த கட்டுரைக்கு செல்ல முடியுமா ? என்று பார்க்க வேண்டும்.

கெவின் பேக்கன் ஹாலிவுட் நடிகர் . கனடியன் பேக்கன் ஹாலிவுட் திரைப்படம், ஜான் கேண்டி எனும் நடிகர் நடித்த்து. ஜான் கேண்டியும் கெவின் பேக்கனும் , பிலேன்ஸ்,டிரைன்ஸ் அண்ட் ஆட்டோமொபைல்ஸ் படத்தில் இனைந்து நடித்துள்ளனர். ஆக கெவின் பேக்கனின் விக்கிபீடியா கட்டுரையில் ஆரம்பித்தால் , அதில் உள்ள பிலேன்ஸ்,டிரைன்ஸ் அண்ட் ஆட்டோமொபைல்ஸ் திரைப்பட இணைப்பை கிளிக் செய்தால் பேக்கனும் கேண்டியும் இணைந்து நடித்த படம் எனும் விவரம் வரும் . கேண்டி நடித்த படம் கனடியன் பேக்கன் என்பது நமக்கு தெரியும் என்பதால் , அவரது கட்டுரையில் இந்த படம் பற்றிய குறிப்பிள் கிளிக் செய்தால் அந்த கட்டுரைக்கு சென்றுவிடலாம். அவ்வளவு தான் விக்கி புதிரில் வெற்றி பெற்றாகிவிட்டது.

இப்படியே , இந்த தளத்தில் கொடுக்கப்பட்டுள்ள பல்வேறு விக்கிபுதிர்களை விடுவிக்க முயற்சிக்கலாம். ஜூல்ஸ் வர்னேவில் இருந்து பிலாட்டினமுக்கு செல்லவும், டாப் கன்னில் இருந்து ஜேம்ஸ் பாண்டிற்கு செல்லவும், எலிசிபெத் டெய்லரில் இருந்து எச்.எச்.ஹோம்சிற்கு செல