Tag Archives: books

இமெயில் வழியே புத்தகம் படிக்க!

வாழைப்பழத்தை உரித்து ஊட்டியும் விடுவது போல புத்தகம் படிப்பதற்கு சுலபமான வழி காட்டுகிறது டிப்ரீட் இணையதளம்.

ஆசை ஆசையாக புத்தகத்தை வாங்கி வைத்துவிட்டு அதை படிக்க நேரம் இல்லாமல் அப்படியே அலமாரியில் வைத்திருக்கும் நபர்கள் இந்த தளத்தை நாடலாம்.அப்படி நாடினால் படிக்க நினைத்த புத்தகத்தை நிச்சயம் படித்து முடித்து விடலாம்.

ஆனால் உடனடியாக இல்லை.ஒவ்வொரு நாளும் ஒவ்வொரு பக்கமாக!அது இந்த தளத்தின் சிறப்பு.

படிக்க நினைத்தவர்கள் மறந்தாலும் சரி,இந்த தளம் புத்தகத்தை ஒவ்வொரு பக்கமான நினைவு படுத்தி கொண்டே இருக்கும்.அதாவது தினமும் புத்தகத்தின் ஒவ்வொரு பக்கத்தை இமெயில் வாயிலாக அனுப்பி கொண்டே இருக்கும்.

இமெயில் வாயிலாக நினைவு படுத்தியது போலவும் இருக்கும்.இமெயில் மூலமே படித்தது போலவும் இருக்கும்.

இதற்காக அதிக கஷ்டப்பட வேண்டியதில்லை.தளத்தில் நுழைந்து எந்த புத்தகம் தேவையோ அதனை தேர்வு செய்து இமெயில் முகவரியை சமர்பித்தால போதும்,அதன் பிறகு நாள்தோறும் அந்த புத்தகத்தின் ஒவ்வொரு பக்கமாக இமெயிலில் வந்து சேரும்.தினமும் இமெயில் பெட்டியை திறக்கும் போது புத்தக்த்தின் அன்றைய பகுதியைடும் படித்து முடித்து விடலாம்.

வழக்கமான புத்தக தளத்தில் உள்ளது போல ரகம்வாரியாக புத்தகங்கள் பட்டியலிடப்பட்டுள்ளன.அவற்றில் இருந்து பிடித்தமானதை தேர்வு செய்து கொள்ளலாம். எல்லாம்லே இபுக் வடிவிலானவை.

இந்த பட்டியலில் உள்ளவை தவிர நீங்கள் விரும்பும் குறிப்பிட்ட புத்தகத்தை அப்டிக்க விரும்பினாலும் அதனை இங்கே சமர்பித்தால் தினமும் இமெயிலில் ஒவ்வொரு பக்கமாக வந்து சேரும்.

புத்தக பிரியர்களுக்கு சுவாரஸ்யமும் பயனும் நிறைந்த சேவை என்பதில் சந்தேகமில்லை.

மிகவும் தீவிர புத்தக புழுக்கள் கூட இச்க நேரங்களில் புத்தகத்தை வாங்கி வைத்து விட்டு உடனே படிக்க முடியாமல் திண்ட்டாடுவது உண்டு.சராசடி வாசகர்கள் பற்றி கேட்கவே வேண்டாம். சோம்பல் வேலை பளு என பல காரணங்களால் எடுத்த புத்தகத்தை முடிக்க முடியாமல் முழித்து கொண்டிருப்பார்கள்.

இதற்கான அழகான தீர்வாக தான் டிப்ரீட் புத்தகங்களை ஒவ்வொரு பக்கமாக இமெயிலில் அனுப்பி வைக்கிறந்து.அந்த காலத்தில் தொடர்கதை படிப்பது போல இந்த காலத்தில் மெகா சீரியல் பார்ப்பது போல படிக்க விரும்பும் புத்தகத்தை நிதானமாக ஆனால் நிச்சயமாக படித்து விடலாம்.

இணையதள‌ முகவரி;http://www.dripread.com/

மாணவர்களுக்கான இணையதளம்.

நம் நாட்டில் பலகலைகளுக்கும் பஞ்சமில்லை,கல்லூரிகளுக்கும் குறைவில்லை.ஆனாலும் மாணவர்களை மையமாக கொண்ட இணையதளங்களை பார்க்க முடியவில்லை.

மாணவர்களை மையமாக கொண்ட தளங்கள் என்றால் மாணவர்களுக்கு உதவக்கூடிய அவர்களுக்காகவே உருவாக்கப்பட்ட தளங்கள்.இந்த தளங்கள் பற்றி விவரிப்பதோடு ஸ்வேப்பர் இணையதளத்தை உதாரணமாக சொன்னலே போதுமானது.

கல்லூரி மாணவர்கள் தங்களின் தேவையை நிறைவேற்றி கொள்ள கைகொடுக்கும் வகையில் ஸ்வேப்பர் தளம் உருவாக்கப்பட்டுள்ளது.அந்த தேவை பாட புத்தகமாகவும் இருக்கலாம்.பாடங்களில் வரும் சந்தேகமாகவும் இருக்கலாம்,அவசர செலவிற்கான பணமாகவும் இருக்கலாம்!

தேவை எதுவானாலும் அதை சக மாணவர்கள் மூலம் நிறைவேற்றி கொள்வதற்கான களமாக இந்த தளம் விளங்குகிறது.

இந்த தளம் மூலம் மாணவர்கள் தங்களிடம் உள்ள பொருட்களை வாடகைக்கு விடலாம்.அது புத்தகமாக கூட இருக்கலாம்.எப்படியும் தினந்தோறும் எல்லா புத்தகங்களையும் படித்து கொண்டிருக்க போவதில்லை.புத்தகங்கள் ஒன்று மேஜையில் இறைந்து கிடக்கும்,அல்லது அலமாரியில் தூங்கி கொண்டிருக்கும்.அதே நேரத்தில் வேறு ஒரு வகுப்பில் இருக்கும் மாணவருக்கு அந்த புத்தகம் ஒரு வாரமோ பத்து நாட்களுக்கோ தேவைப்படலாம்.பத்து நாட்களுக்காக புத்தகத்தை விலை கொடுத்து வாங்க வேண்டுமா என்று அந்த மாணவர் யோசிக்க கூடும்.

இது போன்ற நேரங்களில் அந்த மாணவர் தனது புத்தகத்தை வாடகைக்கு தர முன்வரலாம்.இந்த மாணவர் அதனை மகிழ்வோடு ஏற்றுக்கொள்ளவும் முன் வரலாம்.இரண்டு மாணவர்கள்க்குமே லாபம் தான்.வாடகை தொகை முதல் மாணவருக்கு கைச்செலவுக்கு உதவும் .இரண்டாம் மாணவரோ புது புத்தகத்தை வாங்கு தேவையில்லாமல் குறைந்த விலையில் வாடகைக்கு எடுத்து படித்து கொள்ளலாம்.

புத்தகம் என்றில்லை,பயனுள்ள எந்த பொருளையும் வாடகைக்கு விடலாம்.வாடகைக்கு தான் விட வேண்டும் என்றில்லை;இருக்கும் பொருளை கொடுத்து இல்லாத பொருளை வாங்கி கொள்ளலாம்.அதாவது பண்ட மாற்று!

கல்லூரி வாழ்க்கையில் இதெல்லாம் ச‌கஜம் தான்.ஒரு மாணவரின் பொருளை இன்னொரு மாணவர் பயன்படுத்துவதோ அவர்கள் பரஸ்பரம் உதவிக்கொள்வதோ புதிதல்ல தான்.ஆனால் பெரும்பாலும் இந்த பரிமாற்றம் மாணவர்களின் நெருக்கமான நட்பு வட்டத்துக்குள் நிகழ்வது.

ஆனால் நட்பு வட்டத்துக்குள் வெளியே உள்ள மாணவர்கள் தொடர்பு கொண்டு பயன்பெறுவது மிகவும் கடினம்.தனக்கு தேவைப்படும் பொருள் யாரிடம் இருக்கிறது என்பதை ஒரு மாணவரால் கண்டு பிடிக்க முடியாமலே போகலாம்.

ஸ்வேப்பர் தளம் இந்த தொடர்பை ஏற்படுத்தும் அருமையான மேடையாக இருக்கிற‌து.மாணவர்கள் தங்களுக்கு தேவையான பொருள் யாரிடம் கிடைக்கும் என்பதை சுலபமாக தெரிந்து கொண்டு தொடர்பு கொள்ளலாம்.

புத்த்கம் உள்ளிட்ட பொருட்களை பரிமாரிக்கொள்வது போல ,மாணவர்கள் தங்கள் திறமையையும் பரிமாறிக்கொள்ளலாம்.உதாரணத்திற்கு ஒரு மாணவர் வயலின் வாசிப்பதில் கில்லாடியாக இருக்கலாம்.அவர் மற்ற மாணவர்களுக்கு வயலின் வாசிக்க கற்றுத்தர முன் வரலாம்.இதே போல கணித புலிகள் வகுப்பெடுக்க முன்வரலாம்.

பேராசிரியர்களை அணுக தயங்கும் மாணவர்கள் சக மாணவர்களிடமே நட்போடு சந்தேகத்தை தீர்த்து கொள்ளலாம்.

வேறு ஏதானும் பொருட்கள் தேவை என்றாலும் இந்த தளத்தின் மூலம் தெரிவித்து உதவி கோரலாம்.

கேட்டது கிடைக்கும் என்பதோடு இந்த பரிமாற்ரங்கள் புதிய தொடர்பையும் நட்பையும் ஏற்படுத்தி தரலாம்.

இணையதள முக‌வரி;http://www.swaapr.com/

pubslush

வாசகர்களே வாங்க;புத்தகம் பதிப்பிக்க,அழைக்கும் தளம்.

சுயபதிப்பில் அழகான அடுத்த கட்டமாக பப்ஸ்லஷ் இணையதளம் உதயமாகியுள்ளது.

புதிய எழுத்தாளர்கள் தங்கள் புத்தகத்தை (தாங்களே)வெளியிட்டு கொள்ள உதவுவது இதன் நோக்கம்.

அதாவது பதிப்பகங்களின் தயுவு இல்லாமல் எழுத்தார்வம் மிக்கவர்களே தங்கள் புத்தகத்தை வெளியிட்டு கொள்ளவது.வாசகர்களின் ஆதரவோடு என்பதை இங்கே சேர்த்து கொள்ள வேண்டும். காரணம் அது தான் இந்த தளத்தின் சிறப்பம்சம்.

ஆம்,வாசகர்களே ஒன்றாக சேர்ந்து புத்தகம் வெளியாக வழி செய்ய இந்த தளம் வழி செய்கிறது.அந்த வகையில் பதிப்புலகிற்கான கிக் ஸ்டாரட்டர் என்று இந்த தளத்தை வர்ணிக்கலாம்.

கிக் ஸ்டார்ட்டர் புதிய திட்டங்களுக்கான நிதியை இணையவாசிகளிடம் இருந்து திரட்ட கைகொடுக்கிறதோ அதோ போல இந்த தளம் எழுத்தாளர்கள் தாங்கள் வெளியிட விரும்பும் புத்தகத்திற்கான நிதியை அதனை படிக்க விரும்பும் வாசகர்களிடம் இருந்தே திரட்டி கொள்ள உதவுகிறது.

கிக்ஸ்டார்ட்டரில் நிதி கோருபவர் தனது திட்டத்தை விவரித்து அதனை ஆதரிக்க கேட்பது போல இதில் எழுத்தாளர்கள் தாங்கள் எழுத உள்ள புத்தகம் பற்றி குறிப்பிட்டு ஆதரவு கோர வேண்டும்.

ஆனால் ஒன்று கிக்ஸ்டார்ட்டரில் புதிய திட்டங்கள் பற்றி சற்றே விரிவாகவே குறிப்பிடலாம்.வீடியோ இணைப்புகளையும் சேர்த்து கொள்ளலாம்.தனி மினி இணையதளம் போல ஒவ்வொரு திட்டத்துக்கும் ஒரு தனி பக்கமே ஒதுக்கப்படும்.

இதிலோ முழு கதையை எல்லாம் சொல்ல முடியாது.புத்தகத்தின் நோக்கத்தை குறிப்பிட்டு மாதிரிக்கு பத்து பக்கங்களை சமர்பிக்கலாம்.புத்தக சுருக்கத்துடம் இந்த விவரங்கள் எழுத்தாளரின் பக்கத்தில் இடம் பெறும்.வாசக்ர்கள் அதனி படித்து பார்க்கும் போது பிடித்து போனால் முழு புத்தகம் எழுத தங்கள் ஆதரவை அளிக்கலாம். இப்படி போதுமான வாசக்ர்கள் ஒரு புத்தகத்திற்காக சேரும் போது அவர்கள் நிதி பங்களிப்போடு புத்தகம் வெளியாகும்.

போதுமான வாசகர் சேரும் வரை நிதி அளிக்க வேண்டியதில்லை.கிட்டத்தட்ட பதிப்பகங்களின் முன் வெளியீட்டு திட்டம் போல தான்,ஆனால் இணையதன்மை கொண்டது.முன் வெளியீட்டு திட்டத்தில் வாசகர்கள் ஒரு புத்தக்த்தை முன்கூட்டியே வாங்க ஒப்பு கொள்கின்றனர்.மற்றப்டி அந்த புத்தக உருவாக்கத்தில் அவர்களுக்கு எந்த பங்கும் கிடையாது.

இந்த தளத்திலோ வாசகர்கள் தான் புத்தகத்தையே உருவாக்குகின்றனர்.அவர்களுக்கு பிடித்தால் தான் புத்தகம் வெளிவரும்.

அதோடு புதிய எழுத்தாளரை இனம் கண்டு ஆதரித்த திருப்தியையும் பெறலாம்.அந்த வகையில் பார்த்தால் வாசகர்கள் தான் பதிப்பாசிரியர் போல!புத்தக சுருக்கத்தையும் மாதிரியையும் படித்து பார்த்து அதன் தரத்தை தீர்மானித்து ஆதரிக்கலாம்.

ஒரு புத்தக கருத்து பிடித்திருந்தால் தங்கள் நண்பர்களுக்கு பரிந்துரை செய்து ஆதரிக்க கோரலாம்.இந்த வகையில் பார்த்தால் இது புத்தக உருவாக்கத்திற்கான சமூக வலைப்பின்னல் தளம் போல செயல்படுவதாக வைத்து கொள்ளலாம்.

வாசகர்கள் தங்களுக்கு பிடித்தமான பிரிவில் எழுத்தாளர்களின் படைப்புகளை படித்து பார்த்து எந்த எழுத்தாளரை ஆதரிக்கலாம் என முடிவு செய்து கொள்ளலாம்.

பதிப்பாகம் முன்னிறுத்தும் எழுத்தாளரின் புத்தகத்தை படிப்பதை காட்டிலும் வாசக்ர்கள் தாங்களே புதிய எழுத்தாளர்களை அடையாள்ம் காட்டுவது வாசகர் கைகளில் பதிப்பதிகாரத்தை கொண்டு வந்தது போல தானே!.

பின்னளில் பிரபல எழுத்தாலர்களாக கோலோச்சியவரக்ள் கூட ஆரம்ப்த்தில் பதிப்பிக்கும் வாய்ப்பை பெற திண்டாடிய கதைகள் ஏராளம்.அதற்கெல்லாம் முறுப்புள்ளி வைக்க வந்திருக்கிறது இந்த புதுமை பதிப்பு தளம்.பஃதிப்பக் ஜனநாயகம் மலரட்டும்.வாகர்கள் எழுதுலக மன்னர்களை உருவாக்கலாம் வாருங்கள்!

இணையதள முகவரி;http://www.pubslush.com/

intro-img

தினம் ஒரு புத்தகம் படிக்கலாம் வாங்க.

புதிதாக ஒரு புத்தகத்தை பார்த்தும் அதனை வாங்க தீர்மானிப்பதற்கு முன் என்ன செய்வீர்கள்?புத்தகத்தை அப்படியே மனக்கண்ணால் ஸ்கேன் செய்தபடி முன் அட்டையையும் பின் அட்டையையும் திரும்பி பார்ப்பீர்கள்.அதில் எழுதியுள்ள அறிமுக குறிப்புகளை படிக்கும் போதே புத்தகத்தின் உள்ளடக்கம் குறித்து ஒரு அபிப்ராயம் உருவாகத்துவங்கியிருக்கும்.அடுத்ததாக புத்தகத்தை புரட்டிய படி முன்னுரையையும் நடுவே உள்ள பக்கங்களில் சில வரிகள் அல்லது பத்திகளை படித்து பார்ப்பீர்கள்.

இதற்குள் புத்தகத்தின் சாரம்சம் பிடிபட்டிருக்கும்.சரி வாங்கலாம்,அல்லது வேண்டாம் என்று முடிவு செய்து விடுவீர்கள்!.

இது ஒரு புறம் இருக்க, தலைப்பு பார்த்தே புத்தகம் வாங்குபவர்கள் இருக்கின்றனர்.இன்னும் சிலர் தங்களுக்கு பிடித்த‌ எழுத்தாளரின் புத்தகத்தை பார்த்தால் வாங்கிவிடுவார்கள்.

இவை தவிர சிலர் ஒரு புத்தகத்தை வாங்கும் முன் முதலில் அதன் முதல் அத்தியாயத்தை பொருமையாக படித்து பார்த்து விடுவதுண்டு.முதல் சில பக்கங்களை படித்ததும் தொடர்ந்து படிக்கலாம் என்ற உண்ர்வு ஏற்பட்டால் புத்தகத்தை வாங்கி விட‌லாம்.

இந்த பழக்கம் உங்களுக்கும் இருந்து,புதிய புத்தகங்களை வாங்க இதுவே சிறந்த‌வழி என்று நீங்கள் நினைத்தால் புக் டெய்லி தளத்திற்கு நீங்கள் தினமும் செல்லலாம்.

புத்தக கடலில் இருந்து உங்களுகு தேவையான புத்தகத்தை தேர்வு செய்து கொள்ள கைகொடுக்கும் தளம் என்ற போதிலும் இதனிடம் கொஞ்சம் எச்சரிக்கையாக இருக்க வேண்டும் .காரணம் கொஞ்சமாக படிக்கும் ஆர்வம் இருந்தால கூட இந்த தளம் உங்களை புத்தகங்களுக்கு அடிமையாக்கிவிடும்.அதாவது தினமும் புத்தகங்களை படிக்க வைத்துவிடும்.தினம் ஒரு புத்தகத்தை அதாவது புத்தக மாதிரியை படிக்க விருப்பம் என்றால் இதன் பக்கம் போகலாம்.

புத்தக மாதிரி என்றால் புத்தகத்தின் முதல் அத்தியாயத்தை படிப்பது.ஒரு சில இனிப்பு க‌டைகளில் இனிப்புகளை வாங்கும் முன் முதலில் கொஞ்சம் சுவைத்து பார்க்க தருவதில்லை,அதே போல இந்த தளம் ஒரு புத்தகத்தின் முதல் அத்தியாயத்தை இலவசமாக படிக்க தருகிற‌து.

இப்பைட் முதல் அத்தியாயத்தை படித்து பார்த்து அந்த புத்தகத்தை வாங்க‌ விரும்பினால் இந்த தலம் மூலமே அதனை வாங்கவும் செய்யலாம்.

முகப்பு பக்கத்தில் வரிசையாக புத்தகங்கள் அவைகளின் வகைகளுக்கு ஏற்ப பட்டியலிட்டப்பட்டுள்ளது.எந்த புத்தகத்தை வேண்டுமானாலும் கிளிக் செய்து அவற்றின் முதல் அத்தியாயத்தை படித்து கொள்ளலாம்.புத்தக் வகைகலூக்கு ஏற்பவும் தேடிப்பார்க்கலாம்.அருகிலேயே இந்த தளத்தின் டாப் டென் புத்தக பட்டியல் இடம் பெற்றுள்ளது.அதிலும் தேடலாம்.

எப்படியோ எந்த புத்தகத்தையும் அதன் முதல் அத்தியாயத்தை படித்து பார்த்து முடிவு செய்து கொள்ளலாம்.

ஒரு புத்தகத்தி சாரம்சத்தை உணர்த்தக்கூடிய சுருக்கத்தை படிப்பது போல முதல் அத்தியாய்த்தை படித்து புத்த்கம் வாங்குவதும் சிறந்த வழி தான்.ஒரு சில எழுத்தாளர்களின் இனையதளங்களில் இப்பைட் புத்தக்த்தின் முதல் அத்தியாயத்தை மட்டும் படித்து பார்க்கும் வசதி அளிக்கபடுவதை நீங்கள் பார்த்திருக்கலாம்.இந்த தள‌ம் 80 ஆயிரம் புத்தகங்களுக்கு இந்த வசதியை தருகிற‌து.

இந்த தள‌த்தில் இன்னொரு சுவாரஸ்யமான‌ விஷயம்.இதில் உங்கலுக்கு என்று ஒரு மாதிரி புத்தக அலமாரிட்யை உருவாக்கி கொண்டு அதில் நீங்கள் விரும்பும் புத்தகத்தை எல்லாம் சேர்த்து கொள்ளலாம்.அத‌ன் பிறகு தினமும் அடுத்த புத்தகத்தின் மாதிரி அத்தியாயம் இமெயில் மூலமே அனுப்பி வைக்கப்ப‌டும்.ஆக தினமும் கொஞ்ச‌ம படித்து கொண்டே இருக்கலாம்.

இணையதள‌ முக‌வரி:http://www.bookdaily.com/

வழக்கம் போல ஒரு விஷயம்.இந்த தளம் ஆங்கில புத்தகங்களுக்கானது .தமிழிலும் இதே போல ஒரு புத்தக சேவை துவங்கப்பட்டல் நன்றாக இருக்கும்.

(நேற்று புதிதாக பதிவை காணவில்லையே என்று கேட்டு இதனை எழுத தூண்டிய நண்பர் சதாவுக்கு நன்றிகள் பல).

பிடிஎப் வடிவில் ஒரு கோடி புத்தகங்கள்.

பிடிஎப் புத்தகங்களும் ,இ புத்தகங்களும் ஒன்று தானா?இரண்டையும் ஒரே அர்தத்தில் ப‌யன்படுத்தலாமா?பயன்படுத்துவது சரியாக இருக்குமா?சரியாக இருந்தாலும் குழப்பத்தை ஏற்படுத்தாமல் இருக்குமா?

பி டி எப் எஸ் பி இணையதளம் தான் இந்த கேள்விகளுக்கான பதில்களை சிந்திக்க வைக்கிற‌து.

பி டி எப் எஸ் பி இணையதளத்தை பிடிஎப் வடிவிலான புத்தகங்களுக்கான தேடியந்திரம் என்று சொல்லலாம்.பிடிஎப் வடிவிலான புத்தகங்களின் இருப்பிடம் என்றும் சொல்லலாம்.இதன்வசம் கிட்டத்த‌ட்ட 70 லட்சத்திகும் மேற்பட்ட பிடிஎப் புத்தகங்கள் இருக்கின்றன.இந்த எண்ணிக்கை அதிகரித்து கொண்டே இருக்கிறது.விரைவில் ஒரு கோடி புத்தகங்களை தொடக்கூடும் என்று நம்பலாம்.

பிடிஎப் புத்தகங்கள் தேவைப்படுபவர்கள் கூகுலில் தேடுவது போல இதிலும் தேடிப்பார்த்து விருப்பமான புத்தகத்தை டவுண்லோடு செய்து கொள்ளலாம்.இல்லை என்றால் முகப்பு பக்கத்தில் புகைப்படத்தோடு பரிந்துரைக்கப்பட்டுள்ள புத்தகங்களின் பட்டியலில் இருந்து விருப்பமானத்தை தேர்வு செய்து கொள்ள்லாம்.

பிடிஎப் கோப்பு வடிவில் உள்ள தகவல்களை தேடுவதற்கு என்று பிரத்யேக‌ தேடியந்திரங்கள் இல்லாமல் இல்லை.அவற்றில் தேடும் போதும் பிடிஎப் கோப்புகளை மட்டும் அல்ல பிடிஎப் புத்தகங்களையும் கண்டுபிடிக்கலாம்.

இந்த தளம் பிரத்யேகமாக பிடிஎப் புத்தகங்களுக்கானாது என்பது தான் விசேஷ‌ம்.

பிடிஎப் கோப்புக்ளை தேடுவதற்கான நோக்கமும் தேவையும் வேறு.பெரும்பாலான தேடியந்திரங்களின் தேடல் பட்டியலில் இடம் பெறத்தவறும் பிடிஎப் வடிவிலான தகவல்களையும் சேர்த்து தேட விரும்பும் போது பிடிஎப் தேடியந்திரங்கள் தேவைப்படுகின்ற‌‌ன.

ஆனால் பிடிஎப் புத்தகங்கள் என்னும் போது வாசிப்பு அனுபவமே மேலோங்கி நிற்கும்.அப்போது பி டி எப் எஸ் பி தேடியந்திரமே சிற‌ந்தது.நாவல் மற்றும் கையேடுகள் போன்றவற்றை படிக்க விரும்பினாலும் இதுவே ஏற்றது.

அதோடு இந்த தேடியந்திர‌த்தில் உள்ள சிறப்பம்சம் என்னவென்றால் ஆங்கிலம் மட்டும் அல்லாது உலகின் பல மொழிகளில் உள்ள பிடிஎப் புத்தகங்களை அணுக முடியும் என்பது தான்.மேலும் புத்தகத்தின் பக்க அளவை குறிப்பிட்டும் தேடலாம்.

அதாவது பத்து பக்கங்கள் கொண்ட புத்தகம் மட்டும் தேவை என்றோ 100 பக்கத்துக்குள் உள்ள புத்த்கம் டேவை என்றோ குறிப்பிட்டு தேட்லை சுருக்கி கொள்ளலாம்.நாவல் போன்ற்வை தேவை என்றால் பக்க எண்ணிக்கையை அதிகரித்து கொள்ளலாம்.சிறுகதை அல்லது கையேடு போன்றவை என்றால் பக்கத்தின் என்ணிக்கையை குறைத்து கொள்ளலாம்.

இந்த இரு அம்சங்களும் இத்தேடியந்திரத்தை விஷேசமானதாக ஆக்குகிறது.

இந்த தேடியந்திரத்தில் இடம் பெறுபவை பெரும்பாலும் பிடிஎப் வடிவிலான புத்தகங்கள்.சரி ,இதே போலவே இ புத்தகங்களை தேடித்தரும் புத்தகங்களும் இருக்கின்றன.இலவ‌சமாக இபுத்தகங்களை படிக்க உதவும் தளங்களும் இருக்கின்றன.

எனில் இ புத்த‌கங்களுக்கும் பிடிஎப் புத்த‌கங்களுக்கும் வேறுபாடு என்ன?அநேகமாக அவை தயாருகும் விதம் மற்றும் அவற்றை படிப்பதற்கான சாதங்கள் பொருத்து இது மாறுபடும் என்று நினைக்கிறேன்.பிடிஎப் புத்த்கம் என்னும் போது ஒரு புத்தகத்தின் பக்கங்களை அப்படியே ஸ்கேன் செய்து பிடிஎப் வடிவில் மாற்றிவிடுவது.இவற்றை டிஜிட்டல் புத்த்கம் என்றும் குறிப்பிடலாம்.

இபுத்த‌கம் என்பது இணைய யுகத்திற்கான புத்த்கம் .டிஜிட்டல் புத்தகத்தில் கூடுதல் அம்சங்கள் எதுவும் கிடையாது.ஆனால் இபுத்தக‌த்திலோ இணைப்புகளில் துவங்கி அடிக்குறிப்பு வசதி என அசத்தலாம்.வாசக‌ர்கள் அதனோடு பேசலாம்.ஒரு விதத்தில் இபுத்த‌கம் வளர்ந்து கொண்டே இருக்ககூடியது.

இபுத்தகம் பற்றி இன்னும் என்னவோ சொல்லலாம்.

நிற்க மேலே சொன்ன தேடியந்திரத்தில் ஒரே குறை தமிழ் பிடிஎப் புத்தகங்க‌ள் இல்லை என்பது தான்.தமிழில் பிடிஎப் புத்தகங்க‌ளை தேடினால் தமிழ்கியுப்ஸ் என்னும் தளம் கண்ணில் படுகிற‌து.சென்னை லைப்ரரி தளத்தில் புதுமை பித்தன் துவங்கி பல எழுத்தாளர்களை வாசிக்கலாம்.கல்கியின் பொன்னியின் செலவ‌னும் இபுத்தகமாக கிடைக்கிற‌து.தமிழ்நாவல்ஸ் ஆன்லைன் வலைப்பதிவிலும் தமிழ் இபுத்தகங்களை பார்க்கலாம்.ஆனால் ஒரே ரமணிசந்திரனின் ஆதிக்கம்.

இணையதள முகவரி;http://pdfsb.com/

பின் குறிப்பு;
நான் தொழில்நுட்ப ஆர்வலனே தவிர தொழில்நுட்ப‌ நிபுணத்துவம் கொண்டவன் அல்ல.எனக்கு தெரிந்த வரை இபுத்தகம் ,பிடிஎப் புத்த‌கம் பற்றி குறிப்பிட்டுள்ளேன்.இரண்டுக்குமான வேறுபாடு மற்றும் ஒற்றுமையை அறிந்தவர்கள் விளக்கி எழுதலாம்.அதனை கவுரவ சிறப்பு பதிவாக கூட வெளியிட தயாராக இருக்கிறேன்.

அன்புன் சிம்மன்.