Tag Archives: image

புகைப்பட தேடலில் புதுமை! ‘

logoதமிழ் இந்து இணைய பதிப்பின் ஆ’வலை’ வீசுவோம் தொடரில், தகவல்களை தேடுவது போல குறிச்சொற்களை கொண்டு தேடும் வழியை நாடாமல், புகைப்படங்களை புகைப்படங்கள் கொண்டே தேடும் தலைகீழ் பட தேடியந்திரங்கள் பற்றி எழுதியிருந்தேன். – இணைப்பு இங்கே:http://bit.ly/2ezEVtk

இந்த கட்டுரையில் முக்கியமான உருவப்பட தேடியந்திரங்களையும் குறிப்பிட்டிருந்தேன். இந்த பட்டியலில் விடுபட்ட உருவப்பட தேடியந்திரங்கள் சில இருக்கின்றன. அவற்றில் இன்கோக்னாவும் ஒன்று.

இன்கோக்னா.காம் குறிச்சொற்களை கொண்டு தேடாமல் உருவப்படங்களை கொண்டு படங்களை தேடுகிறது. படங்கள் தொடர்பான குறிப்புகளை நாடாமல், அவற்றில் உள்ள வடிவங்களை கொண்டு இது தொடர்புடைய படங்களை தேடித்தருகிறது. இதில் இரண்டு விதமாக தேடலாம். ஒன்று முகப்பு பக்கத்தில் கொடுக்கப்பட்டுள்ள மாதிரி படங்களில் ஒன்றை தேர்வு செய்து தொடர்புடைய படங்களை தேடலாம். அதில் தோன்றும் பட்டியலில் தேவையான படத்தை கிளிக் செய்து தொடர்புடைய படங்களை தேட்லாம். இப்படியே தேடலை தொடரலாம்.
அல்லது, தேடல் கட்டத்தில் ஏதேனும் குறிப்புகளை டைப் செய்து தொடர்புடைய படங்களை தேடலாம். அந்த பட்டியலில் இடம்பெறும் படங்களில் ஒவ்வொன்றாக கிளிக் செய்தும் தேடலாம்.

ஆனால், தலைகீழ் உருவப்பட்ட தேடல் ராஜாவான டைனிஐ தேடிய்ந்திரம் போல புகைப்படத்தை சமர்பித்து தேடும் வசதி இல்லை.

ஆயிரக்கணக்கில், லட்சக்கணக்கில் என்றெல்லாம் படங்கள் தோன்றாமல் அளவான எண்ணிக்கையில் தான் படங்கள் வந்து நிற்கின்றன. இந்த வரம்பே சில நேரங்களில் வசதியாக இருக்கலாம். பட்டியலில் உள்ள படங்களை மூலப்பக்கத்திற்கு செல்வது மற்றும் அவற்றின் முழு அளவை பார்க்கும் வசதி இருக்கிறது.

உருவம் சார்ந்த தேடலில் கொஞ்சம் பழைய தேடியந்திரம். கனடாவில் உள்ள ஓட்டாவா பல்கலையில் உண்டாக்கப்பட்ட தேடல் நுட்பத்தின் அடிப்படையில் செயல்படுவதாக தெரிவிக்கப்பட்டுள்ளது.

ஆழமான தேடியந்திரம் என்று சொல்ல முடியாது ஆனால் அதனளவில் உருவப்பட தேடலுக்கு பயனுள்ளது.

தேடியந்திர முகவரி:http://www.incogna.com/

இந்த பட்டியலில் இடம்பெறக்கூடிய வேறு நல்ல புகைப்பட தேடியந்திரங்கள் ஏதேனும் உண்டா என்றும் பரிந்துரைக்கலாம்.

விண்வெளியில் இருந்து ஒரு சுயபடம் !

swanson-iss-instagram-cupola-2தன்னைத்தானே புகைப்படம் எடுத்து வெளியிட்டுக்கொள்ளும் சுயபட (செல்ஃபீ) கலாச்சாரத்தை நீங்கள் விரும்பினாலும் சரி வெறுத்தாலும் சரி, ஸ்டீவ் ஸ்வான்சனின் சுயபடத்தை நிச்சயம் வியந்து பாராட்டுவீர்கள். ஏனெனில் இது வழக்கமான சுபபட அல்ல; சாதனை சுயபடம்!. ஆம், விண்வெளியில் இருந்து இன்ஸ்டாகிராம் செய்யப்பட்டுள்ள முதல் புகைப்படம் இது. அமெரிக்க விண்வெளிவீரரான ஸ்டீன் ஸ்வான்சன் விண்வெளியில் அமைக்கப்பட்டு வரும் சர்வதேச விண்வெளி ஆய்வு மையத்திற்கு ( ஐ.எஸ்.எஸ்) சென்றிருக்கிறார். விண்வெளி ஆய்வு மைத்தில் இருந்து தான் அவர் தன்னை புகைப்படம் எடுத்து அதை இன்ஸ்டகிராம் புகைப்பட பகிர்வு சேவை மூலம் வெளியிட்டுள்ளார். ஏப்ரல் 7 ந் தேதி வெளியிடப்பட்ட இந்த புகைப்படம் விண்வெளியில் இருந்து இன்ஸ்டாகிராமில் வெளியிடப்பட்ட முதல் புகைப்படம் எனும் சிறப்பை பெற்றிருக்கிறது.

ஸ்டீவன்சன், விண்வெளி மையத்தில் மிதந்தபடி காட்சித்தரும் இந்த புகைப்படத்தை அவரே எடுத்து வெளியிட்டிருக்கிறார். அதாவது சுயபடமாக வெளியிட்டிருக்கிறார். ” ஐ.எஸ்.எஸ் -சுக்கு திரும்பி வந்திருக்கிறேன், இங்கு வாழ்க்கை நன்றாக இருக்கிறது’ எனும் புகைப்பட குறிப்பையும் அதனுடன் இணைத்திருக்கிறார். ஸ்வான்சன் புன்னகைத்துக்கொண்டிருக்கும் இந்த புகைப்படம் விண்வெளி மையத்தில் வாழ்க்கையை எடுத்துக்காட்டும் வகையில் இருக்கிறது. அதனால் உற்சாகம் அளிக்கிறது.

இன்ஸ்டாகிராம் புகைப்பட பகிர்வு சேவை மிகவும் பிரபலமாக இருக்கிறது. இன்ஸ்டாகிராமில் நட்சத்திரங்கள் முதல் சாமான்யர்கள் வரை பலதரப்பினரும் இருக்கின்றனர். இன்ஸ்டாகிராமில் லட்சக்கணக்கில் புகைபப்டங்கள் பகிரப்பட்டு பார்த்து ரசிக்கப்படுகின்றன. இருந்தாலும் கூட விண்வெளியில் இருந்து இன்ஸ்டாகிராமில் புகைப்படம் வெளியிடப்பட்டிருப்பது விஷேசமானது.
ஏற்கனவே விண்வெளியில் இருந்து டிவிட்டர் செய்தி பகிரப்பட்டது உங்களுக்கு நினைவிருக்கலாம். நாசாவின் மைக் மாரிமொனோ (Mike Massimino ) எனும் விண்வெளி வீரர் கடந்த 2009 ம் ஆண்டு விண்வெளியில் இருந்து முதல் டிவிட்டர் செய்தியை வெளியிட்டார். அவரது டிவிட்டர் கணக்கு : @Astro_Mike

இப்போது ஸ்வான்சன் விண்வெளியில் இருந்து சமூக ஊடக உலகிற்கு அடுத்த பாய்ச்சலை இன்ஸ்டாகிராம் படம் மூலம் செய்திருக்கிறார். இன்ஸ்டாகிராமில் சரவ்தேச வின்வெளி மையத்திற்காக அமைக்கப்பட்டுள்ள கணக்கு மூலம் இந்த புகைப்படத்தை வெளியிட்டுள்ளார். அவரும் ரஷ்யாவைசேர்ந்த சக விண்வெளி வீரரகள் இருவருமாக சேர்ந்து கடந்த ஜனவரியில் இன்ஸ்டாகிராம் கணக்கை துவக்கினர். விண்வெளி பயணத்திற்கு தயாராகும் புகைப்படங்களை அதில் பகிர்ந்து வந்தனர். இப்போது வின்வெஇல் இருந்தே படம் வந்து விழுந்துள்ளது.
ஸ்வான்சன் மேலும் சில புகைப்படங்களையும் விண்ணில் இருந்து வெளியிட்டிருக்கிறார். தொடர்ந்து அவரிடம் இருந்து விண்வெளி புகைப்படங்களை எதிர்பார்க்கலாம். விண்வெளி வீர்ர்களின் புகைப்படத்தை பார்த்து ரசிப்பது விஞ்ஞான ஆர்வலர்களுக்கு நிச்சயம் மகிழ்ச்சியானது . அப்படி இருக்க வீரரகள் விண்வெளியில் இருக்கும் காட்சியை அங்கிருந்தே பார்க்க முடிவது நிச்சயம் வியப்பானது தான்.

விண்வெளி வீரர்களுக்கு இந்த இன்ஸ்டாகிராம் பழக்கம் தேவையா என்று கேட்க நினைக்கலாம். ஆனால் விண்வெளி ஆய்வு தொடர்பான தகவல்களை பொதுமக்களுடன் பகிர்ந்து கொண்டு அவர்களுக்கு விண்வெளி ஆய்வில் விருப்பத்தையும் விழிப்புணர்வையும் ஏற்படுத்தும் வகையில் சமூக ஊடகத்தை பயன்படுத்தும் பரவலான முயற்சி
யின் ஒரு அங்கமாகவே இது அமைந்துள்ளது. சமூக ஊடகம் வாயிலாக மக்களுடன் விண்வெளி ஆய்வு பற்றிய விவரங்களை பகிர்ந்து கொள்வதில் அமெரிக்க விண்வெளி ஆய்வுக்கழகமான நாசா தீவிரமாக உள்ளது. நம்முடைய இஸ்ரோ அமைப்பும் சமூக ஊடகத்தை பயன்படுத்துவதில் முனைப்புடன் இருக்கிறது.

ஸ்வான்சன் இன்ஸ்டாகிராம் மூலம் வெளியிடுள்ள புகைப்படம் இணையவாசிகள் மத்தியிலும் பரவலான வரவேற்பை பெற்றுள்ளது. 4000 பேருக்கு மேல் அந்த புகைப்படத்தை லைக் செய்துள்ளனர். பலர் பின்னூட்டம வாயிலாக கருத்துக்களையும் தெரிவித்துள்ளனர். அதில் சிலர் தாங்களும் விண்வெளி வீரராக வேண்டும் எனும் விருப்பத்தை தெரிவித்துள்ளனர். இத்தகைய ஆர்வத்தை ஏற்படுத்துவதே தானே இந்த முயற்சியின் நோக்கமாக இருக்க வேண்டும்.

ஸ்டீவ் ஸ்வான்சன் இன்ஸ்டாகிராம் புகைப்படங்களை பார்க்க: http://instagram.com/iss

————-

நன்றி; தமிழ் இந்து

 

 

நண்பர்கள் ரியாக்‌ஷனை பார்த்து ரசிக்க ஒரு செயலி

app_prevcவிழுந்து விழுந்து சிரிக்க வைக்கும் நகைச்சுவை புகைப்படங்களையோ ,வீடியோக்களையோ நண்பர்களிடம் பகிர்ந்து கொள்ளாதவர்கள் யார் ? சொல்லுங்கள். ஆரம்பத்தில் இமெயில் வாயிலாக, அப்புறம் பேஸ்புக் வாயிலாக என்று , யாம் பெற்ற சிரிப்பு நண்பர்களும் பெறட்டும் என , நகைச்சுவை படங்களை அனுப்பி வைப்பது இயல்பாக தான் இருக்கிறது. இப்போது , இதற்காக என்றே ஒரு செல்போன் செயலி அறிமுகமாகியிருக்கிறது.

கிகில் மெயில் எனும் அந்த செயலி சிரிக்க வைக்கும் படங்களை எடுத்து நண்பர்களுக்கு அனுப்பி வைக்க உதவுகிறது. இது என்ன புது விஷயமா ? புகைப்பட புகழ் செயலி ஸ்னேப்சேட் இதை தானே செய்கிறது என்று கேட்கலாம். இன்னும் கூட பல செயலிகள் செல்வழி புகைப்படங்களை பகிர வைக்கின்றனவே என்று செயலிகள் விஷயத்தில் அப்டட்டாக இருப்பவர்கள் கேட்கலாம்.

சரி தான், புகைப்பட பகிர்வுக்கு செய்லிகள் இல்லாமல் இல்லை. ஆனால் கிகிலி மெயில் செயலி , ஸ்னேப்சேட்டை விட ஒரு படி மேலே சென்று அசத்துகிறது. எப்படி தெரியுமா?  ஸ்னேப்சேட் போன்றவை புகைப்படங்களை எடுத்து அனுப்ப மட்டும் தானே செய்கின்றன ? கிகில் மெயில் இப்படி அனுப்பிய புகைப்படத்தை பார்த்ததும் நண்பர்கள் என்ன ரியாக்‌ஷன் செய்கின்றன்றோ அதை பார்த்து ரசிக்க உதவுகிறது.

சிரிப்பு புகைப்படம் அல்லது வீடியோவை பகிர்வதே, என்னைப்போல நீங்களும் சிரியுங்கள் என்று சொல்வது தானே. அப்படி இருக்க, சிரிப்பு படத்தை பார்த்த்தும் நண்பர்கள் எப்படி உணர்ந்தனர் என்று தெரிந்து கொண்டால் தான் அந்த பகிர்வு முழுமையாகும். ஆனால் எங்கோ இருக்கும் நண்பர்கள் ரியாக்‌ஷனை எப்படி தெரிந்து கொள்வது? இதை தான் கிகில் மெயில் சாத்தியமாக்குகிறது. இதன் மூலம் , புகைப்பட அல்லது வீடியோவை அனுப்பியதுமே , அவர்கள் போனில் புதிய  மெயிலுக்கான தகவல் போய் சேரும் . அந்த மெயிலை கிளிக் செய்து பார்த்ததுமே நண்பர்கள் ரியாக்‌ஷன் என்னவோ அது அப்படியே புகைப்படமாக கிளிக் ஆகி, பதில் மெயிலாக வந்தடையும். ஆக, நண்பர்கள் நகைச்சுவை காட்சியை பார்த்து , எப்படி ரசித்து மகிழ்கின்றனர் என்று இந்த செயலி வழியே உடனடியாக தெரிந்து கொள்ளலாம்.

மிகவும் சுவாரஸ்ய்மான செயலி தான். கொஞ்சம் யோசித்து பாருங்கள், இதில் எத்தனை விதமான ரியாக்‌ஷ்ன்களை எல்லாம் பார்க்க கூடும் என்பதை . சில வீடியோக்களை பார்த்து பலரும் விழுந்து விழுந்து சிரிக்கலாம். சிலர் சிரித்து கொண்டே இருக்கலாம். இன்னும் சில படங்களை பார்த்து யாரேனும் , உம்மனா மூஞ்சியாக முகத்தை வைத்துக்கொள்ளலாம். சிரிப்பு படத்துக்கான இந்த ரியாகஷனே கூட சிரிக்க வைக்கலாம் தானே.

செயலி முகவரி; http://www.gigglemail.com/#

இணைய தேடலில் ஒரு சுவாரஸ்யம்.

இந்த இணையதளம் எந்த அளவுக்கு பயனுள்ளதாக இருக்கும் என்று தெரியவில்லை.ஆனால் முதல் முறை பயன்படுத்தும் போது நிச்சயம் சுவாரஸ்யத்தை ஏற்படுத்தவே செய்யும்.

ரைட் வித் இமேஜஸ் என்னும் இந்த தளம் நீங்கள் டைப் செய்வதை எல்லாம் புகைப்பட உருவமாக மாற்றிக்காட்டுகிறது.அதாவது எந்த சொல்லை டைப் செய்தாலும் அதற்கு பொருத்தமான உருவத்தை காட்டுகிறது.

இந்த மாற்றத்தை உருவ மொழி என இந்த தளம் குறிப்பிடுகிறது.

டைப் செய்யப்படும் சொல்லுக்கு நிகரான உருவத்தை கூகுல் உருவ தேடலில் இருந்து கொண்டு வந்து காட்டுகிறது.ஆம் குறிப்பிட்ட சொல்லுக்கான கூகுல் உருவ தேடலில் எந்த உருவம் முதலில் வருகிறதோ அந்த உருவத்தை முன் வைக்கிறது.

இடது பக்கம் உள்ள தேடல் கட்டத்தில் சொற்களை டைப் செய்தால் வலது பக்கத்தில் கூகுல் உருவ தேடல் படம் தோன்றுகிறது.இந்த உருவ மொழியை பேஸ்புக் வழியே நண்பர்களோடு பகிர்ந்து கொள்ளவும் செய்யலாம்.

சொற்களையும் உருவங்களையும் இணைத்து உருவாக்கப்பட்ட அழகான இணைய பரிசோதனை முயற்சி என இந்த தளம் மேலும் குறிப்பிட்டுள்ளது.

ஒவ்வொரு முறையும் ஒரு சொல்லை டைப் செய்யும் போது ஒரு சொல் வரக்கூடும் என்பது தான் இந்த சோதனையில் உள்ள சுவாரஸ்யம்.காரணம் கூகுல் தேடலில் உருவங்களின் வரிசை மாறிக்கொண்டே இருக்கிறது அல்லவா?

நேரமும் ஆர்வமும் இருந்தால் பிடித்தமான ஒவ்வொரு சொல்லாக அல்லது சொற்றொடராக டைப் செய்து என்ன உருவங்கள் வருகிரது என பார்க்கலாம்.கவனம் சில நேரங்களில் அற்புதமான படங்கள் தோன்றலாம்.சில நேரங்களில் அலுப்பூட்டும் படங்களும் ஏன் மோசமான படங்களும் கூட தோன்றலாம்.

இணைய உலகின் பிரலமான தேடியந்திரமான கூகுலை வைத்து கொண்டு உருவாக்கப்பட்ட இன்னொரு அழகான சேவையாகவே இது தோன்றுகிற‌து.இதனை இணையம் சார்ந்த கலை ப‌டைப்பு என்று கூட சொல்லலாம்.

இணையதள முகவரி;http://writewithimages.com/index.php

இணையத்தில் வெளியான‌ முதல் புகைப்படம்;ஒரு பிளேஷ்பேக்


இண்டெர்நெட்டில் இன்று புகைப்படங்கள் கொட்டிக்கிடக்கின்றன.புகைப்படங்கள் மட்டும் அல்ல வீடியோ கோப்புகளும் நிறைந்திருக்கின்றன.புகைப்படங்கள் இல்லாத இண்டெர்நெட்டை நினைத்து பார்ப்பது கூட கடினம் என்று சொல்லும் அளவுக்கு இண்டெர்நெட்டும் புகைப்படங்களும் நெருக்கமாக இருக்கின்றன.
ஆனால் இண்டெர்நெட்டில் வெளியான முதல் புகைப்படம் என்னவாக இருக்கும் என்று நீங்கள் எப்போதாவது நினைத்து பார்தததுண்டா?

இண்டெர்நெட்டில் வெளியான முதல் புகைப்படம் பற்றியும் அது வெளியிடப்பட்ட விதம் குறித்தும் சுவாரஸ்யமான தகவல்கள் வெளியாகியுள்ளன.

பலரும் எதிர்பார்க்க கூடியது போல இண்டெர்நெட்டில் புகைப்படத்தை வெளியிட்டது வலையின் பிதாமகன் டிம் பெர்னர்ஸ் லீ தான்.லீ வெளியிட்ட அந்த புகைப்படம் ஒரு இசை குழுவினுடையது.சாதாரண இசைக்குழு அல்ல.வலையின் முதல் இசைக்குழு.

லெஸ் ஹாரிபில்ஸ் செர்னட்டே என்பது அந்த குழுவின் பெயர்.அந்த குழு மாமுலான இசைக்குவும் கிடையாது.செர்ன் ஆய்வு கூடத்தில் இருந்த பெண் உதவியாளர்கள் மற்றும் விஞ்ஞானிகளின் காதலிகள் இணைந்து உருவாக்கிய இசைக்குழு அது.

இந்த குழு உருவான விதமே கூட சுவார்ஸ்யமானது தான்.

சிவிட்சர்லாந்து நாட்டில் உள்ள செர்ன் ஆய்வுக்கூடம் இணைடெர்நெட்டின் தாய் வீடாகும்.ஆம் இண்டெர்நெட்டின் பரவலான வடிவான வைய விரிவு வலை இந்த ஆய்வு கூடத்தில் தான் உதயமானது.

இண்டெர்நெட் உருவாக்கப்பட்ட போது அதில் புகைப்படங்களுக்கு இடமருக்கவில்லை.ஆரம்ப கால இண்டெர்நெடில் எல்லாமே வரிவடிவில் தான் இருந்தன.

வலையை உருவாக்கிய டிம் பெர்னர்ஸ் லீ செர்ன் ஆய்வு கூடத்தில் தான் அதற்கான பணிகளை மேற்கொண்டு வந்தார்.1992 ம் ஆண்டு வாக்கில் அவர் இண்டெர்நெட்டில் புகைப்படத்தை இடம் பெற வைக்கும் முயற்சியில் ஈடுபட்டிருந்தார்.லீ இண்டெர்நெட்டில் புகைப்படத்தை சேர்க்க விரும்பியதற்கு ஒரு முக்கிய காரணமும் இருந்தது.

அது வரை இண்டெர்நெட் என்னும் வலைப்பின்னல் பெரும்பாலும் பல்கலைகழகங்களில் அமைந்திருந்த கம்ப்யூட்டர் வலைப்பின்னல்களுட‌ன் மட்டுமே இணைக்கப்பட்டிருந்தது.விஞ்ஞானிகளும் ஆய்வாளர்களுமே அதனை பயன்படுத்தி வந்த‌ர்.இவர்கள் மட்டுமே தொடர்ந்து பயன்படுத்தப்போகின்றனர் என்ற நம்பிக்கையும் இருந்தது.

ஆனால் லீ இண்டெர்நெட் விஞ்ஞானிகளுகானதாக மட்டும் இல்லாமல் எல்லோருக்குமானதாக இருக்க வேண்டும் என நம்பினார்.அந்த எண்ணத்தை மேலதிர்காரிகளும் ஏற்றுக்கொள்ள வைப்பதற்காக தான் இண்டெர்நெட்டில் புகைப்படத்தை சேர்க்க விரும்பினார்.விஞ்ஞானம் தொடர்பான ஆய்வு கோப்புகள் மட்டும் அல்லாமல் எல்லோருக்கும் சுவாரஸ்யம் அளிக்ககூடிய விஷயங்கள் அதில் இடம் பெற வைக்க முடியும் என உணர்த்த புகைப்படம் உதவும் என லீ நினைத்தார்.

இதற்கான முயற்சியில் ஈடுபட்டிருந்த போது தான் லீக்கு ஆய்வு கூட நண்பர் மூலம் செர்னட்டே இசைக்குழுவின் புகைப்படம் கிடைத்தது.

இந்த குழுவில் இடம் பெற்றிருந்த பெண்கள் உற்சாகமாக போஸ் கொடுப்பது போன்ற அந்த புகைப்படத்தை குழுவின் ஆல்பத்தின் வெளியிடுவதற்காக சில்வனோ டெ ஜெனரோ என்னும் அந்த நண்பர் எடுத்திருந்தார்.

லீ அதனை தான் கேட்டு வாங்கி பயன்படுத்தி கொண்டார்.அந்த படமே இண்டெர்நெட்டில் வெளியான முதல் புகைப்படம் என்னும் சிறப்பை பெற்றது.

செர்னட்டே இசைக்குழு உருவான விதம் தொடர்பான் தகவலையும் தெரிந்து கொள்வது சுவாரஸ்யமாக இருக்கும்.

செர்ன் ஆய்வுக்கூடம் விஞ்ஞானிகளால் நிர்ம்பியது.அங்கு பணியாற்றிய இளம் விஞ்ஞானி ஒருவரின் காதலி அவருக்காக தினமும் காத்திருந்து காத்திருந்து நொந்து போன நிலையில் ஆய்வு கூடத்தில் நடைபெற இருந்த விழாவில் காதலனின் கவனத்தை ஈர்க்க விரும்பினார்.

இதற்கான அவர் சில்வானோவை ஒரு காதல் பாடல் எழுதி தருமாறு கேட்டு தனது தோழிகள் சிலரை சேர்த்து கொண்டு அந்த பாடலை மேடையில் பாடினார்.இப்படி தான் அந்த குழு உருவானது.இக்குழு செர்ன் கலைவிழாக்களில் தொடர்ந்து இசை நிகழ்ச்சிகளை நடத்தி வந்திருக்கிறது.

செர்ன் இசைக்குழுவுக்காக எழுதப்பட்ட அந்த முதல் பாடல் ஆய்வு கூடத்தில் பயன்படுத்தப்படும் அறிவியல் சொற்களை கொண்டு எழுதப்பட்டது என்பது இன்னும் சுவாரஸ்யமானது.

உனக்கு என் மேல் உண்மையான காதல் இல்லை நீ விரும்புவது எல்லாம் அந்த கொலைடரை(ஆய்வுக்கூட சாத‌னம்) தான் என பொருள்பட அந்த பாடல் அமைந்துள்ளது.

இந்த சுவையான வரலாற்று கதையை இக்குழ்வின் இணையதளத்தில் காணலாம்.இணையத்தின் அந்த காலத்தை நினைவு கூறும் வகையில் இந்த தளத்தையும் அந்த காலத்தின் எச்டிஎமெல் வடிவமைப்பிலேயே வைத்திருக்கின்ற‌னர்.

செர்ன் இசைக்குழு இணைய முகவரி;http://musiclub.web.cern.ch/MusiClub/bands/cernettes/

பிகு;இந்த செய்தி பரபரப்பாக்கப்பட்ட விதம் குறித்தும் லீ பற்றிய கருத்துக்கள் தவறாக திரித்து கூறப்பட்டது பற்றியும் இக்குழுவினர் விளக்கம் ஒன்றையும் அளித்துள்ளனர்.