Category Archives: music

வித்தியாசமான இசை அறிமுக இணையதளம்.


மீண்டும் மீண்டும் கேட்டு ரசிக்க தூண்டும் பாடல்களை கேட்டு ரசிப்பது ஒரு வகை என்றால் மனதை மயக்க கூடிய புதிய அற்புதமான பாடலை கண்டறிந்து கேட்டு ரசிப்பது இன்னொரு வகையான இன்பம்.இசைபிரியர்களை பொருத்தவரை இப்படி அருமையான புதிய பாடலை கண்டறிந்து ரசித்து தங்களை மறப்பதற்கான தேடல் இருந்து கொண்டே இருக்கும்.

இந்த தேடலுக்கு உதவும் வகையில் இசை அறிமுக தளங்கள் அநேகம் இருக்கின்றன.இந்த தளங்கள் அனைத்துமே இசைப்பிரியர்கள் கேட்டு ரசித்த பாடலின் அடிப்படையில் அவர்களுக்கு பிடிக்க கூடிய பாடல்களை யூகித்து பரிந்துரை செய்யக்கூடியவையாகவே இருக்கின்ற‌ன.

பாண்டேரோ துவக்கி வைத்த இந்த பிரிவில் லாஸ்ட்.எம்மில் துவங்கி நிறைய தளங்கள் இருக்கின்றன.ஒவ்வொன்றும் பரிந்துரைக்கு ஒரு வகையான யுக்தியை பின்பற்றுகின்றன.

சமூக வலைப்பின்னல் தளங்களின் எழுச்சிக்கு பிறகு இசையை நண்பர்களோடு பகிர்ந்து கொள்ளவும் பகிர்வதன் மூலம் புதிய பாடல்களை அறிமுகம் செய்து கொள்ள உதவும் கூட்டு ரசனை தளங்கள் உருவாகி வருகின்றன.

பாடலை கேட்டு ரசித்த படி பகிர்ந்து கொள்ளவும்,கூட்டாக சேர்ந்து கேட்டு ரசிக்கவும் செய்யும் அற்புதத்தை இந்த தளங்கள் சாத்தியமாக்குகின்றன.

இந்த தளங்களில் இருந்தெல்லாம் முற்றிலும் மாறுபட்ட வகையில் அருமையான இசை பரிந்துரை இணையதளம் ஒன்று இருக்கிறது.ரிச்சீம் என்னும் அந்த இணையதளம் பாடகர்களின் இசை தொடர்பின் அடிப்படையில் புதிய இசையை அறிமுகம் செய்து கொள்ள உதவுகிறது.இந்த பயணத்தின் வழியே பாடகர்கள் இடையே உள்ள பரஸ்பர தொடர்பு வலைப்பின்னல் வழியே மாறி மாறி பயணம் செய்து கிரங்க வைக்கிறது.

பாடகர்கள் அல்லது இசை கலைஞர்களின் இசை தொடர்பு என்றால் அவர்களிடையே உள்ள இசை சார்ந்த உறவாகும்.உதாரணமாக ஒரு பாடகர் பல குழுக்களில் பாடியிருக்கலாம்.பல இசையமைப்பாளர்களின் கீழ் பாடியிருக்கலாம்.வேறு பாடகர் அல்லது இசை கலைஞர்களுடன் இணைந்து இசை நிகழ்ச்சி நடத்தியிருக்கலாம்.பாடல் எழுதி கொடுத்திருக்கலாம்.

இப்படி பல வகைகளில் இசை கலைஞர்கள் பரஸ்பரம் தொடர்பு கொண்டிருக்கலாம்.ஒவ்வொரு பாடகருக்கும் உள்ள இந்த தொடர்புகளை பட்டியலிட்டு காட்டுகிறது ரிச்சீம் இணையதளம்.

ரசிகர்கள் தங்களின் அபிமான பாடகர் அல்லது இசை கலைஞரின் பெயரை இந்த தளத்தில் சம‌ர்பித்தால் அந்த பாடகர் அல்லது இசை கலைஞருடன் தொடர்புடைய கலைஞர்களையும் அவர்கள் இடையிலான தொடர்பு எத்தகையது என்பதையும் அழகாக பட்டியலிட்டு காட்டுகிறது.

ஒரு கலைஞர் மற்ற கலைஞர்களுடன் எப்படி எல்லாம் தொடர்பு கொண்டிருக்கிறார் என்பதை தெரிந்து கொள்வதே சுவாரஸ்யமாக இருப்பதோடு இந்த பட்டியலில் இருந்து புதிய பாடகர்களையும் தெரிந்து கொள்ளலாம்.அவர்களில் யாரை கிளிக் செய்தாலும் அவர்களின் இசை தொடர்பு பட்டியலை பார்க்கலாம்.அதன் மூலம் மேலும் புதிய பாடகர்களை அறிமுகம் செய்து கொள்ளலாம்.

ஒவ்வொரு பாடகர் அல்லது கலைஞரின் பக்கத்திலும் அவரது தொடர்புகளோடு அவர்களின் ஆல்பம் ,பாடல்கள் போன்றவற்றுக்கான தகவல்கள் தரப்பட்டிருப்பதோடு ஸ்பாட்டிபை,லாஸ்ட்.எபெம் உள்ளிட்ட இசை சார்ந்த தளங்களில் அவர்களின் பக்கங்களுக்கான இணைப்பும் தரப்பட்டுள்ளது.

இசைப்பிரியர்கள் பயன்படுத்தி பார்த்தால் நிச்சயம் சொக்கிப்போய் விடுவார்கள்.

இணையதள முகவரி;http://richseam.com/

இசை மேதைகளின் பொன்மொழிகளை தரும் இனையதளம் .

விழித்து கொள்ளுங்கள்,எழுந்து நில்லுங்கள்,உங்கள் உரிமைக்காக போராடுங்கள்;விழித்து கொள்ளுங்கள்,எழுந்து நில்லுங்கள் ஒரு போதும் போராடுவதை விட்டு விடாதீர்கள்’

இந்த வாசகம் ரெகே மன்னன் பாப் மார்லேவின் பொன்மொழிகளில் ஒன்று.

மார்லே வெறும் பாடகர் மட்டும் அல்ல;இசையின் மூலம் விடுதலையையும்,போராட்ட குணத்தையும் வலியுறுத்திய போராளி அவர்.இசையின் மூலம் சிந்தித்தவர் மார்லே.அவரது ஒவ்வொரு வார்த்தையும் ஊக்கம் தரக்கூடியது.

இந்த பிரகாசமான எதிர்காலத்தில் கடந்த கால சோகத்தை நீங்கள் மறந்து விடலாம் என்று ஊக்கப்படுத்தியவர் மார்லே.

இதுவும் மார்லேவின் பொன்மொழி தான்.இதே போல மார்லே உதிர்த்த பொன்மொழிகள் அநேகம் உள்ளன.

ஒவ்வொரு மனிதனும் தனக்கான விதியை தானே தீர்மானித்து கொள்ளூம் உரிமை பெற்றிருக்கிறான் என்னும் முழக்கமும் அவரது பொன்மொழி தான்.

வாழ்ந்து மடிவதற்கானது வாழ்கை என்று கற்பிக்கும் அமைப்பிற்கு எதிரானது எனது இசை!என்று அறிவித்தவர் மார்லே.

இசை போராளியான மார்லே மட்டும் அல்ல இசையை ஒரு வேள்வியாக நினைத்த அவரைப்போன்ற எல்லா மகத்தான பாடகர்களுமே தங்களது சிந்தனைகளை மறக்க முடியாத வாசகங்களாக விட்டுச்சென்றுள்ளனர்.

இப்படி இசை மேதைகளின் பிரபலமான மேற்கோள்களின் இருப்பிடமாக விளங்குகிறது ஜாஸ் கோட்ஸ் இணையதளம்.

மார்லேவின் மொழிகளை இந்த தளத்தில் காண முடியாது என்றாலும் ஜாஸ் இசை வடிவில் சிறந்து விளங்கிய மேதைகளின் பொன்மொழிகளை இந்த தளத்தில் காண‌லாம்.ஆம் இந்த தளம் ஜாஸ் இசையில் புகழ் பெற்று விளங்கிய பாடகர்களின் மேற்கோள்களை தொகுத்தளிக்கிறது.

அந்த வகையில் ஜாஸ் இசை பிரியர்களுக்கு இந்த தளம் மகிழ்ச்சியை தரலாம்.தங்களுடைய அபிமான ஜாஸ் இசை கலைஞர்களின் சிந்தனை சிதறல்களை இந்த தளத்தின் மூலம் தெரிந்து கொள்ளலாம்.

மற்ற இசை பிரியர்களுக்கும் இந்த தளம் மகிழ்ச்சியையே தரக்கூடும்.இசை மேதைகளின் மேற்கோள்கள் எல்ல்லோருக்கும் பொருந்தக்கூடியது தானே.

உதாரனத்திற்கு பிரபல ஜாஸ் இசை கலைஞரான லூயிஸ் ஆம்ஸ்டிராங்கின் மேற்கோளான ‘ஜாஸ் இதயத்திலிருந்து வருகிறடு,ஜாஸ் மூலம் வாழ்லாம்,ஜாஸ் இசையை நேசியுங்கள்’ என்னும் கருத்து எவரையும் கவரக்கூடியது தானே.

அதே போல சார்லி பார்கர் என்னும் பாடகரின்,முதன் முதலில் இசையை கேட்ட போது அது மிகவும் தூய்மையானதாக இருக்க வேண்டும்,துல்லியமானதாக,மக்கள் ரசிக்க கூடியதாக இருக்க வேண்டும் அழகானதாக இருக்க வேண்டும் என நினைத்தேன்’ என்று சொல்லியதை படிக்கும் போது அவரது இசை கொள்கையும் கோட்பாடும் புரிகிறது அல்லவா?

எனவே ஜாஸ் கலைஞர்கள் பொன்மொழிகள் மட்டுமே அடங்கியது என்ற போதிலும் மேதைகளின் சிந்தனைகளை அறிய விரும்பும் எவரையும் இந்த தளம் கவரும்.இதில் உள்ள பொன்மொழிகள் ஊக்கத்தையும் தரும்,வாழ்க்கையை பற்றிய புதிய ஒளிக்கீற்றையும் மின்னச்செய்யும்.

‘இசை தினசரி வாக்கையின் அழுக்குகளை கழுவிச்செல்கிறது’என்னும் பாடகர் ஆர்ட் பேக்கேவின் கருத்து இதற்கு உதாரணம் தானே.

‘எப்போதுமே முன்னோக்கி பாருங்கள்,ஒரு போதும் பின்னோக்கி பார்க்காதீர்கள்’என்னும் பாடகர் மைல்ஸ் டேவிசின் கருத்து இன்னொரு அழகான உதாரணம்.

மிக எளீமையான வடிவமைப்பு கொண்ட இந்த தளத்தில் பிரப்லமான ஜாஸ் படக்ர்களின் பொன்மைகளை படித்து ஊக்கம் பெறலாம்.உங்களூக்கு தெரிந்த மொழிகளை பரிந்துரைக்கும் வ‌சதியும் உள்ளது.

முடிக்கும் முன் மீண்டும் ஒரு மார்லே பொன்மொழி ;’இசை உங்களை தாங்கும் போது எந்த வலியையும் நீங்கள் உணராததே இசையின் தனித்தன்மை’

இணையதள முகவரி;http://jazz-quotes.com/

———–
பொன்மொழி தொடராபான முந்தைய பதிவு;http://cybersimman.wordpress.com/2011/12/21/quote-4/

——–
மேலும் ஒரு பொன்மொழி பதிவு.http://cybersimman.wordpress.com/2011/12/22/quote-5/

mashroomdisplay1

நீங்களூம் ரீமிக்ஸ் செய்யலாம்.

பழைய பாடல்களை ரீமிக்ஸ் செய்வது நல்லதா?தேவையானதா? தெரியவில்லை.நல்ல பாடல்களை ரீமிக்ஸ் என்ற பெயரில் கொலை செய்து ரீம்க்ஸ் பெயரையே கோலிவுட் இசையமைப்பாளர்கள் கெடுத்து வைத்துள்ளனர்.

ஆனால் ரீமிக்ஸ் அழகான கலை வடிவமே.ரீமிக்ஸ் என்பது பதிவான பாடலுக்கான மாற்று வடிவம் என்கிறது ரீமிக்ஸ் பற்றிய விக்கிபீடியா கட்டுரை.ரீமமிக்ஸ் செய்யப்படுவதற்கு பல்வேறு காரணங்கள் இருப்பதாக சொல்லும் இந்த கட்டுரை இசை உலகில் மேக்னெடிக் டேப் மூலம் அறிமுகமான தொழில்நுட்பமே ரீமிக்ஸ் கலைக்கும் வாய்ப்பளித்ததாக தெரிவிக்கிறது.

இசையில் மட்டும் அல்ல கலையிலும் இலக்கியத்திலும் கூட ரீமிக்ஸ் இருப்பதாக இந்த கட்டுரை சொல்கிறது.

இவை ஒரு புறம் இருக்க இசையமைப்பாளர்கள் ரீமிக்ஸ் செய்வது என்பது வேறு ரசிகர்கள் ரீமிக்ஸ் செய்வது என்பது வேறு.ரீமிக்ஸ் மூலம் ரசிகர்களூக்கு தாங்கள் ரசிக்கும் பாடல்கள் மீது கூடுதல் உரிமை கிடைக்கிறது.

இந்த கருத்தில் உங்களூக்கும் உடன்பாடு இருந்து நீங்களும் ரீமிக்ஸ் செய்ய விரும்பினால் மாஷ்ரூம் தளம் அதற்கான வாய்ப்பை ஏற்படுத்தி தருகிறது.

மாஷ்ரூமில் இசைப்பிரியர்கள் தாங்கள் விரும்பும் எந்த பாடலையும் இஷ்டம் போல ரீமிக்ஸ் செய்யலாம்.

இதற்கு அவர்கள் செய்ய வேண்டியதெல்லாம் அந்த பாடலில் யூடியூப் கோப்பை பதிவேற்றுவது மட்டும் தான்.இதற்கும் கூட கஷடப்பட வேண்டாம்.பாடலில் யூடியூப் முகவரியை சமர்பித்தாலே போதும்.

அதன் பிறகு அந்த பாடலில் விரும்பிய ஒலிகளை சேர்த்து அவற்றின் அளவை ஏற்றி இறக்கி முற்றிலும் புதிய பாடலை உருவாக்கி கொள்ளலாம்.இப்பைட் ரீமிக்ஸ் செய்த பாடலை இந்த தளத்திலேயே கேட்டி ரசிப்பதோடு அதனை பேஸ்புக் டிவிட்டர் வழியே நண்பர்களோடும் பகிர்ந்து கொள்ளலாம்.

இணையதள முகவரி;http://mashroom.fm/
———
இசை தொடர்பான இன்னொரு சுவாரஸயமான சேவை ;http://cybersimman.wordpress.com/2012/04/02/songs-3/

பாட்டு வரும்,டிவிட்டரில் பாட்டு வரும்.

இணையத்தில் பாட்டு கேட்கவும் பிடிக்கும் கேட்டு ரசிக்கும் பாடலை நண்பர்களோடு பகிர்ந்து கொள்ளவும் பிடிக்கும் என்றால் அதற்கேற்ற சேவையாக சாங்.லி தளத்தை சொல்லலாம்.

சாங்.லி தளத்தி எம்பி3 வடிவிலான எந்த பாட்டை சமர்பித்தாலும் அதற்கான இணைய முகவரியை உருவாக்கி தருகிறது.இந்த முகவரியை டிவிட்டர் குறும்பதிவாக நண்பர்களோடு பகிர்ந்து கொள்ளலாம்.

இந்த குறும்பதிவை காணும் நண்பர்கள் அந்த இணைப்பை கிளிக் செய்து பாடலை கேட்டு மகிழலாம்.பாடலை டவுண்லோடு செய்ய வேண்டும் என்ற அவசியம் இல்லை.ஆனால் ஒன்று பகிர்ந்து கொள்ளப்படும் பாடல் இணையத்தில் எங்காவது ஒரு தளத்தில் இருக்க வேண்டும்,அப்போது தான் அதனை கேட்க முடியும்.

இசை சார்ந்த சேவைகளில் எளிமையானது,சுவாரஸ்யமனது,பயனுள்ளதும் கூட!

இணையதள முகவரி;http://song.ly/#axzz1qr0f8mRy

ஒரு பக்க கலைஞர்கள்

1ஒரே பக்கத்தில் ,அதாவது முகப்பு பக்கத்தில் எல்லா பாடகர்கள் பற்றிய விவரங்களையும் இடம்பெற வைத்தால் எப்படி இருக்கும்.ஒன்பேஜ் ஆர்டிஸ்ட் இணையதளம் இதை தான் அழகாக‌ செய்கிறது.

பாப் பாடகர்களில் தொடங்கி ராக் பாடகர்கள் ,ஹிப் ஹாப் படகர்கள்,ராப் பாடகர்கள் என மேற்கத்திய இசை உலகில் எத்தனை வகையான பாடகர்கள் இருக்கின்றன‌றோ அவர்கள் அனைவர் பற்றிய தகவல்களை தாங்கிய வண்ணம் இதன் முகப்பு பக்கம் அமைந்துள்ளது.

ஒரே குடையின் கீழ் எல்லா தகவல்களூம் என்று சொல்வது போல ஒரே இடத்தைல் பாடகர்களை பற்றி தெரிந்து கொள்ள செய்வது நல்ல முய்ற்சி தான்.ஆனால் முகப்பு பக்கம் சிக்கலானதாக குழப்பம் தரக்கூடியதாக தோன்றுமே என்ன செய்வது ?

ஆச்சர்ய‌ப்ப‌டும் வ‌கையில் ஒன்பேஜ் ஆர்டிஸ்ட் த‌ள‌த்தின் முக‌ப்பு ப‌க்க‌ம் குழப்பமில்லாம‌ல் எளிமையாக‌வே அமைந்திருக்கிற‌து.அந்த அள‌வுக்கு த‌க‌வ‌ல்க‌ளை அழ‌காக‌ தொகுத்துள்ள‌ன‌ர்.ப‌ல்வேறு வ‌கையான‌ இசை வ‌டிவ‌ங்க‌ள் த‌னித்த‌னி த‌லைப்புக‌ளாக‌ பிரிக்க‌ப்ப‌ட்டு அவ‌ற்றின் கீழ் பாட‌க‌ர்க‌ள் இட‌ம்பெறுகின்ற‌ன‌ர்.

விரும்பிய‌ ப‌ட‌க‌ரின் பெய‌ரை கிளிக் செய்தால் முழு விவ‌ர‌ங்க‌ளும் த‌னிப்ப‌க்க‌த்தில் வ‌ந்து நிற்கும்.இங்கு இட‌ம்பெறும் த‌க‌வ‌ல்க‌ள் மெரும்பாலும் ஏற்க‌ன‌வே யூடியூப்,அமேஸான்,போன்ற‌ த‌ல‌ங்க‌ளில் இருப்ப‌வைதான்.அவ‌ற்றை மிக அழ‌காக‌ தொகுத்து த‌ருவ‌து தான் இத‌ன் சிற‌ப்பு.

சின்ன‌தாக ப‌யோ டேட்டா, பாடல் ஆல்ப‌ங்க‌ளின் வீடியோ கோப்புக‌ள்,எதிர்வ‌ர‌ உள்ள‌ இசை நிக‌ழ்ச்சிக‌ள் பற்றிய‌ விவ‌ர‌ங்க‌ள் ஆகிய‌வை இட‌ம்பெற்றிருகின்ற‌ன‌.ப‌க்க‌த்திலேயே இதே போன்ற‌ க‌லைஞ‌ர்க‌ள் என்னும் குறிபோடு நிக‌ரான‌ ம‌ற்ற‌ ப‌ட‌க‌ர்க‌ள் பற்றிய‌ விவ‌ர‌ங்க‌ளும் இட‌ம்பெறுகிற‌து.

ஆக‌ ஒரு முறாஇ உள்ளே நுழைந்துவிட்டால‌ இசைப்பிரிய‌ர்க‌ள் மேற்கொண்டு விவ‌ர‌ங்க‌ளை தேடிக்கொண்டே செல்ல‌லாம்.

இந்த‌ தள‌த்தின் ம‌ற்றொரு சிற‌ப்பம்ச‌ம் முக‌ப்பு ப‌க்க‌த்தில் ஒவ்வொரு த‌லைப்புக‌ளின் கீழும் 5 பாட்க‌ர்க‌ள் ம‌ட்டுமே இட‌ம்பெறுவ‌து தான்.இத‌னால் முக‌ப்பு ப‌க்க‌ம் எளிமையாக‌ தோற்ற‌ம் த‌ருவ‌தோடு த‌ற்போது முன்னியில் உள்ள‌ பாட‌க‌ர்க‌ளின் ப‌ட்டிய‌லாக‌வும் இது அமைகிற‌து.இந்த‌ வ‌கையில் இசை ச‌ந்தையில் நில‌வும் போக்குகளையும் தெரிந்துகொள்ள‌லாம்.

குறிப்பிட்ட‌ பாட‌க‌ர் தொட‌ர்பான‌ த‌க‌வ‌ல் தேவை என்றால் முக‌ப்பு ப‌க்க‌த்திலேயே தேட‌ல் வ‌ச‌தி இருக்க‌வே இருக்கிற‌து.

—–

link;
http://www.onepageartist.com/