Tag Archives: email.

basu1

டிவிட்டரில் சிறுகதைகள் எழுதி புகழ் பெற்ற எழுத்தாள‌ர்.

அர்ஜுன் பாசுவை டிவிட்டர் யுகத்தின் ஹெமிங்வே என்று சொல்லலாம்.ஹெமிங்க்வே எழுத்துலக மன்னன் என்றால் பாசு சிறுகதைகளின் மன்னன்.

சிறுகதைகள் என்றால் உண்மையிலேயே சிறிய சிறுகதைகள்.அவற்றின் நீளம் அகலம் ஆழம் எல்லாம் 140 எழுத்துக்கள் தான்.பாசு தனக்காக வகுத்து கொண்டிருக்கும் இலக்கணமும் இதுதான்.எல்லாம் 140 எழுத்துகளுக்குள் அடங்கிவிட வேண்டும்.அதாவது ஒரு எந்த ஒரு சிறுகதையும் ஒரு டிவிட்டில் துவங்கி,அதே டிவிட்டில் வளர்ந்து அந்த டிவிட்டிலேயே முடிந்துவிட வேண்டும்.

டிவிட்டரிலேயே எழுதப்படும் இந்த சின்ன சின்ன சிறுகதைகளை பாசு டிவிஸ்டர்ஸ் என்று அழைக்கிறார்.இது அவரே சூட்டிய பெயர்.மற்றவர்கள் குறுங்கதைகள்,குறும் புனைவு,உடனடி கதைகள் என்றெல்லாம் சொல்கின்றனர்.

இந்த வகையான கதைகளை எழுதும் முயற்சியில் பலரும் ஈடுபட்டுள்ளனர்.ஆனால் டிவிட்டரின் வரம்புக்கு உடபட்டு டிவிட்டர் சிறுகதைகளை முதன் முதலில் எழுத்த துவங்கியவர்களில் பாசு ஒருவர்.

140 எழுத்துகளுக்குள் என்ன செய்துவிட முடியுமென்ற கேள்வி பலரது மனதில் இருந்த டிவிட்டரின் ஆரம்ப காலத்திலேயே பாசு டிவிட்டரில் சிறுகதை எழுத துவங்கிவிட்டார்.அதாவது 2009 ம் ஆண்டிலேயே!

அர்ஜுன் பாசு அடிப்படையில் எழுத்தாளர்.கன்டாவின் மான்ட்ரியலில் பிறந்து வளர்ந்தவர்.சிறுகதை தொகுப்பு ஒன்றையும் அவர் எழுதி வெளியிட்டுள்ளார்.நாவல் எழுத வேண்டும் என்ற திட்டம் எல்லாம் அவரது மனதில் இருந்தது.அதற்கான முயற்சியிலும் ஈடுபட்டிருந்தார்.

இந்த கால கட்டத்தில் தான் 2009 ம் ஆண்டு அக்டோபர் மாதம் அவர் குறும்பதிவு சேவையான டிவிட்டர் பற்றி கேள்விப்பட்டு அதனை பயன்படுத்த துவங்கினார்.

டிவிட்டரை பயன்படுத்தும் எழுத்தாளர்கள் பொதுவாக தங்கள் எழுத்துக்கள் பற்றிய தகவல்களை பகிர்ந்து கொள்ள டிவிட்டரை பயன்படுத்துவதுண்டு.பாசுவே டிவிட்டரிலேயே எழுதலாம் என தீர்மானித்தார்.

அப்படி எழுத துவங்கியது தான் டிவிட்டர் சிறுகதைகள்.ஆனால் இந்த எண்ணம் தோன்றியது மிகவும் தற்செயலானது என்கிறார் பாசு.ஆரம்பத்தில் டிவிட்டர் என்றால் என்ன என்று சரியாக புரியாமல் எதை எதையோ எழுதி கொண்டிருந்ததாகவும் திடிரென ஒரு நாள் உள்ளத்தில் ஒரு தெளிவான சித்திரம் தோன்றியதாகவும் அதனை அப்படியே சிறுகதையாக டிவிட்டரில் பகிர்ந்து கொண்டதாகவும் பாசு தனது டிவிஸ்டர்ஸ் பிறந்த விதம் பற்றி குறிப்பிடுகிறார்.

மிகவும் தற்செயலாக அந்த கதை மிகசரியாக 140 எழுத்துக்கள் கொண்டதாக இருந்தது.ஒரு எழுத்து அதைக இல்லை;ஒரு எழுத்து குரைவு இல்லை.அதன் பிறகு அவர் தொடர்ந்து டிவிட்டர் சிறுகதைகளை எழுத துவங்கினார்.எல்லாமே சரியாக 140 எழுத்துக்கள் கொண்டவை.

அவரது இந்த கதைகள் குறும்பதிவுகளாக வெளியாயின.

டிவிட்டர் பதிவாக ஒரு கதையை சொல்வதே சவாலானது.அதிலும் மிகச்சிரியாக 140 எழுத்துக்கள் கொண்டதாக இருக்க வேண்டும் என்றால் திண்டாட்டம் தானே.ஆனால் பாசுவோ இந்த சவால் தனக்கு மிகவும் பிடித்திருப்பதாக கூறுகிறார்.டிவிட்டரில் சிறுகதை எழுதுவது என்று முடிவு செய்த பின் அதன் விதிகளுக்கும் வரம்பிறகும் உடபடுவதே சரியாக இருக்கும் என்பதால் 140 எழுத்துக்கள் என்பதில் உறுதியாக இருப்பதாகவும் பாசு சொல்கிறார்.

முதல் நாள் அன்று பாசு மூன்று சிறுகதைகளை எழுதி டிவிட்டரில் பகிர்ந்து கொண்டார்.அவற்றுக்கு நல்ல வரவேற்பு கிடைக்கவே தொடர்ந்து எழுத துவங்கினார்.ஒரு நாளுக்கு நானுக் அல்லது ஐந்து கதைகளை எழுதி விடுகிறார்.இது வரை 500க்கும் மேற்பட்ட டிவிட்டர் சிறுகதைகளை எழுதியிருக்கிறார்.

ஆரம்பத்தில் நூற்றுக்கணக்கில் இருந்த அவரது ரசிகர்களின் எண்ணிக்கை அதன் பிறகு ஆயிரக்கணக்கில் வளரத்துவங்கிவிட்டது.

இதை படித்து கொண்டிருக்கும் போதே 140 எழுத்துகளுக்குள் எப்படி கதை சொல்ல முடியும் என்ற சந்தேகமும் வாட்டிக்கொண்டிருக்கலாம்.

ஆசுவின் கதைகளை படித்தால் இந்த சந்தேகம் தீர்ந்துவிடும்.140 எழுத்துகளுக்குள் அவர் ஒரு கதையை சொல்லி முடித்து விடுகிறார்.அதற்குள்ளாகவே மூன்று நான்கு வரிகள் வந்து விடுகின்றன.

உதாரணத்திற்கு சில கதைகளை பார்ப்போம்.

‘அந்த திருமணம் தேனிலவு வரை கூட தாங்கவில்லை;அவர்கள் தங்கள் தவறின் மகத்துவத்தை ஒப்புக்கொண்டனர்.ஆனால் ஒன்றாக இருந்தனர்.காரணம் பரிசுகள்’.

‘அவள் பத்திரிகையை எடுத்து அவனைப்பார்த்து என்ன என்று கேட்டாள்.அவன் என்ன?என்றான்.அவள் என்ன?என்றால்,அவன் என்ன என்ன என்ன என்றான்.அவள் அலுப்பில் இறந்து போனாள்’.

‘அவள் கணவன் எடுத்த முடிவுகளால் ஏமாற்றம் அடைந்தாள்,ஆனால் ,நாயின் வாயில் சிக்கிய துணி போல அல்லாமல் தன்னால் இதிலிருந்து மீள முடியும் என நம்பினாள்’

‘குழந்தைகள் கத்த துவங்கின.அவன் காபியை கூட குடிக்க துவங்கவில்லை.அவன் வேண்டாம்,வேண்டாம்,வேண்டாம் என்றான்,குழந்தைகள் மேலும் சத்தமாக கத்ததுவங்கின’.

இப்படி பாசு எழுதி தள்ளியிருக்கிறார்.சில கதைகள் குழப்பும்,சில சிரிக்க வைக்கும்,சில சிந்திக்க வைக்கும்.

பாசு கதைகள் அவற்றின் வரம்பை மீறி பலவகப்ப்பட்டதாக இருப்பதும் பல வித உணர்வுகளை முன்வைப்பதும் உண்மையிலேயே ஆச்சர்யமானது தான்.

இந்த கதைகளில் அர்த்தம் உண்டா ?அது அவரவர் புரிந்து கொள்ளும் விதத்தில் உள்ளது.இவற்றில் இலக்கியத்தரம் உண்டா என்பதை காலம் தான் தீர்மானிக்கும்.அதற்கு டிவிட்டர் சிறுகதைகளுக்காக அளவுகோள் முதலில் உருவாக்கப்பட வேண்டும்.

ஆனால் பாசு டிவிட்டர் சிறுகதைகள் மூலம் டிவிட்டர் உலகில் அதற்குறிய கவனத்தை பெற்றிருகிறார்.ஷார்ட்டி விருதினையும் வென்றுள்ளார்.இணையதளங்களுக்காக வழங்கப்படும் வெப்பி விருதுகள் போல டிவிட்டர் உலகிறகாக ஷார்ட்டி விருதுகள் வழங்கப்படுகின்றன.

நாவல்களை அடிப்படையாக கொண்டு திரைப்படங்கள் எடுக்கப்படுவது போல அவரது குறுங்கதையை கொண்டு ஒரு நிமிட திரைப்படம் எடுக்கப்பட்டு சர்வதேச ஒரு நிமிட திரைப்பட விழாவில் விருது வென்றுள்ளது.

பாசு தொடர்ந்து டிவிட்டர் சிறுகதைகளை எழுதி வருகிறார்.டிவிட்டரில் எழுதும் போது வாசக்ர்களிடம் இருந்து கிடைக்கும் உடனடி எதிர்வினைக்கு எதுவும் ஈடில்லை என்பது பாசுவின் கருத்து.நாவல் அல்லது சிறுகதையை எழுதிவிட்டு வாசகர் கருத்தை அறிய மாதக்கணக்கில் காத்திருக்க வேண்டும்.ஆனால் டிவிட்டரில் குறும்பதிவாக கதை வெளியானவுடன் பின் தொடர்பாளர்கள் உடனே படித்து விட்டு கருத்து சொல்வது எழுத்தாளன் என்ற முறையில் அளவில்லா மகிழ்ச்சி தருகிறது என்கிறார் அவர்.

இந்த பதிவின் துவக்கத்தில் பாசுவை ஹெமிங்வேயுடன் ஒப்பிட்டதற்கு ஒரு காரணம் உள்ளது.கடலும் கிழவனும்,போரே நீ போ உள்ளிட்ட காலத்தை வென்ற நாவல்களையும் முத்திரை சிறுகதைகளையும் எழுதிய ஹெமிங்வே ஒரு முறை ஒரே வரியில் ஒரு சின்னஞ்சிறிய கதை ஒன்றை எழுதினார்.

தனது மிகச்சிறந்த படைப்பு என்று ஹெமிங்வே குறிப்பிட்ட அந்த கதை இது தான்.

“விற்பனைக்கு;குழந்தைகள் ஷூ;இது வரை அணியப்படாதது.”

பாசுவின் கதைகளுக்கு இதனை முனோடியாக சொல்லலாம்!

—————–

http://twitter.com/arjunbasu

http://arjunbasu.com/twisters

lifty

இந்த இணையதளம் இபுக் தளங்களின் சிகரம்.

இணையத்திலேயே புத்தகங்களை படிப்பதற்கு ‘ரீட் எனி புக்‘ தான் சிறந்த இணையதளம் என்று நினைத்து கொண்டிருந்தால் லிட்பை இணையதளம் அதைவிட சிறந்ததாக இருக்கிறது.தோற்றத்திலும் சரி உள்ளடக்கத்திலும் சரி லிட்பை இணையதளம் ஒரு படி மேலானதாக இருக்கிறது.

முழுமையான இணைய புத்தக வாசிப்பு தளம் என்று இதனை தயக்கமே இல்லாமல் பாராட்டலாம்.அந்த அளவுக்கு வாசிப்பு சார்ந்த அம்சங்களை கொண்டிருக்கிறது.

புத்தகங்களை படிக்க விருப்பமா? எங்களிடம் வாருங்கள் என்று அழைப்பு விடுக்கும் இந்த தளம் இபுத்தகங்களை(பெரும்பாலும் நாவல்கள்) இலவசமாக படிக்க தருகிறது.இதுவரை 2 ஆயிரம் புத்தகங்களே இருப்பதாக சொல்லப்பட்டாலும் நாளுக்கு நாள் இந்த எண்ணிக்கை கூடிக்கொண்டே போவதாக இந்த தளம் உற்சாகம் அளிக்கிறது.

நாவல்களை எந்த இடத்திலும் எந்த நேரத்திலும் வாசித்து மகிழலாம்!இதன் பொருள் கம்ப்யூட்டரிலும் வாசிக்கலாம்,லேப்டாப்பிலும் வாசிக்கலாம்,வேரு எந்த வாசிப்பு வசதி கொண்ட சாதனத்திலும் படிக்கலாம் என்பதே.

எந்த புத்தகத்தை படிக்கலாம் என்று தேர்வு செய்து கொள்வது மிகவும் எளிதானது.புத்தகங்கள் பகுதியை கிளிக் செய்தால் புத்தக பட்டியல் அவற்றின் அட்டை படத்தோடு அழகாக தோன்றுகிறது.சமீபத்தில் சேர்க்கப்பட்ட புத்தகம்,அதிகம் படிக்கப்பட்ட புத்தகம் என்னும் தலைப்பிலும் புத்தகங்களை காணலாம்.

புத்தகத்தை தேர்வு செய்து கிளிக் செய்த பின் ஒரு கணம் திக்குமுக்காடி போக நேரலாம். அந்த அளவுக்கு புத்தகம் சார்ந்த தகவல்களும்,வசதிகளும் இருக்கின்றன.அதற்கு காரணம் இந்த தளம் வெறும் வாசிப்பு தளம் அல்ல.படித்ததை பகிர்ந்து கொள்ளவும் விவாதிக்கவும் உதவும் தளம் இது.

புத்தக விற்பனை தளமான அமேசான் தளத்தில் புத்தகங்கள் பற்றிய தகவல்களை தேடும் போது ,புத்தகத்தின் சுருக்கமான அறிமுகம்,அதன் ரகம்,வாசகர்கள் விமர்சனம்,அவர்களின் ரேட்டிங் உள்ளிட்ட அம்சங்களை பார்த்திருக்கலாம்.அதோடு நாமும் விமர்சனம் எழுதி சமர்பிக்கலாம்.

அதே போல தான் இதிலும் புத்தகத்தின் அறிமுக குறிப்பு,அதில் உள்ள அத்தியாயங்கள்,அது எந்த வகையை சார்ந்தது என்ற குறிப்பு,ஏற்கனவே படித்தவர்களின் விமர்சனங்கள்,வாசகர்களின் மதிப்பீடு ஆகிய விவரங்கள் வரவேற்கின்றன.

இவை போதாதென்று குறிப்பிட்ட அந்த எழுத்தாளரின் பிற புத்தகங்கள் மற்றும் அதே போன்ற மற்ற புத்தகங்களின் பட்டியலும் தரப்படுகிறது.புதிய புத்தகங்களை அறிமுக செய்து கொள்ள இதை விட வேறு என்ன வேண்டும்.

புத்தகத்தை பற்றி அப்படியே பேஸ்புக் அல்லது டிவிட்டர் மூலம் நண்பர்களோடு பகிர்ந்து கொள்ளலாம்.ஜிமெயில்,வலைப்பதிவு போன்றவற்றிலும் இங்கிருந்தே பகிர்ந்து கொள்ளலாம்.

புத்தகம் நன்றாக இருக்கிறதா ,பிடித்திருக்கிறதா அது பற்றி நண்பர்களோடு கருத்துக்களை பகிர்ந்து கொண்டு விவாதிக்கலாம்.இந்த தளத்தில் உள்ள உறுப்பினர் குழுக்களிலுல் நுழைந்து விவாதத்தில் பங்கேற்கலாம்.அதற்கேற்பவே தளத்தின் முகப்பு பக்கத்தில் தற்போது யாரெல்லாம் என்ன புத்தகங்களை படித்து கொண்டிருக்கின்றனர் என்றும் தெரிந்து கொள்ளலாம்.

விருபினால் வாகர்களே கூட ஒரு புதிய விவாத குழுவை துவக்கி மற்றவர்களை அழைக்கலாம்.ஏதானும் சந்தேக்ம் இருந்தாலும் மற்றவர்களிடம் விளக்கம் கேட்கலாம்.

வாசகர் என்ற முறையில் ஒருவருக்கு பிடித்த சிறந்த புத்தகங்களை பட்டியலிடவும் செய்யலாம்.இப்படி சக வாசகர்கள் பட்டியல் மூலம் புதிய புத்தகங்களை அறிமுகம் செய்து கொள்ளலாம்.

இந்த அமசங்களை எல்லாம் ரசித்து மகிழ்ந்து விட்டு வாசிப்பதற்கான பட்டனை கிளிக் செய்தால்,இன்னொரு முறை அசந்து போக நேரும்.

காரணம் பல தளங்களில் பார்க்க கூடியது போல புத்தக பக்கங்களின் பிடிஎப் வடிவம் வந்து நிற்காமல் அழகான இபுக் ரீடர் தோன்றுகிறது.வரிசையாக ஒவ்வொரு பக்கமாக படித்து கொண்டே போகலாம்.

படிக்கும் போது ஏதாவது தோன்றுகிரதா,உடனே படித்து கொண்டிருக்கும் பக்கத்தின் அருகிலேயே அந்த குறிப்புகளை எழுதி வைக்கலாம்.இதற்கென தனியே இணைய குறிப்பேடு வசதி உள்ளது.மனதை கவர்ந்த் வரிகளை அடிக்கோடிட்டும் வைக்க முடியும்.

பாதி படித்து கொண்டிருக்கும் போதே வேறு வேலை வருகிறதா,அந்த பக்கத்தை அப்படியே புக மார்க் செய்து விட்டும் போய்விடலாம்.அடுத்த முறை படித்து கொண்டிருந்த பக்கத்தை தேடும் தேவையில்லாமல் அதே பக்கத்தில் இருந்து படிக்க துவங்கலாம்.புத்தகத்திற்கான மதிப்புரையும் எழுதி,மதிப்பீட்டையும் அளிக்கலாம்.இவற்றுக்கெல்லாம்உறுப்பினராக பதிவு செய்து கொள்ளுதல் அவசியம்.

ஆக இங்கே புத்தகம் வாசிப்பது என்பது அலுப்புட்டக்கூடிய தனிமையான அனுபவம் அல்ல,நண்பர்களோடு இணைந்து படிக்க கூடிய இனிமையான அனுபவம்.

இதை போன்ற வாசிப்பு அனுபவத்தை செழுமையாக்க கூடிய முழுமையான தளம் வேறில்லை என்றே சொல்ல வேண்டும்.

ஆங்கிலம் மட்டும் அல்லாமல் பிற மொழி புத்தகங்களும் இடம் பெற்றிருப்பது இந்த தளத்தின் கூடுதல் சிறப்பம்சம்.

இணையதள முகவரி:http://www.litfy.com/

logo-main

இமெயிலில் புத்தகம் படிக்க இன்னொரு இணையதளம்.

இமெயில் வாயிலாக புத்தகம் படிக்க உதவும் டிப்ரீட் இணையதளம் பற்றி படிக்கும் போது டெயிலிட் தளம் பற்றியும் நினைவுக்கு வரலாம்.

டெய்லிலிட் தளமும் இமெயில் வாயிலாக தவணை முறையில் புத்தகம் படிக்க உதவும் தளம் தான்.உண்மையில் டெய்லிலிட் போல என்று டிப்ரீட் பற்றி தான் சொல்ல வேண்டும்.காரணம் டெய்லிலிட் இந்த பிரிவில் முதலில் தோன்றி முன்னோடி தளம்.

டெய்லிலிட் தளத்தின் உள்ளடக்கம் மற்றும் அது வழங்கும் அம்சங்களை பார்க்கும் போதும் முன்னோடி தளம் என்றெ சொல்லத்தோன்றும்.

எந்த புத்தகத்தை படிக்க விருப்பமோ அதனை டெய்லிலிட்டின் பட்டியலில் இருந்து தேர்வு செய்து இமெயில் முகவரியை சமர்பித்து விட்டால் தினமும் புத்தகத்தின் ஒரு பகுதி இமெயிலில் வந்து சேரும்.இமெயிலில் மடும் அல்ல ஆர் எஸ் எஸ் முறையிலும் புத்தக தவணையை பெறலாம்.அது மட்டும் அல்லாமல் எப்போதெல்லாம் அனுப்ப வேண்டும் என்று குறிப்பிட்ட நாட்களையும் குறிப்பிடலாம்.கம்ப்யூட்டரில் அல்லது கையில் இருக்கும் செல்போனில் என்று புத்தகம் படிக்கும் வசதி கொண்ட எந்த சாதனம் வழியாகவும் புத்தக தவணையை பெறலாம்.

வெளியூர் பயணங்களின் போது அல்லது விடுமுறை நாட்களில் குறிப்பிட்ட புத்தகத்தை படித்து முடிக்க விரும்பினாலும் இந்த‌ வசதியை பயன்ப‌டுத்தி கொள்ளலாம்.சுஜாதாவின் கணேஷ் வசந்த் கதைகளில் கனேஷ் வெளியூர் பயணங்களின் போது தவறாமல் ஏதாவது ஒரு புத்தகத்தை சுட்கேசில் எடுத்து வைப்பார்.ஒரு கதையில் நீண்ட நாளாக படிக்க நினைத்த டால்ஸ்டாயின் போரும் சமாதானமும் புத்தகத்தை கனேஷ் எடுத்து வைப்பதாக சுஜாதா எழுதியதாகவும் ஞாபகம்.

டெய்லிலிட் மூலம் நீங்களும் கூட வெளியூர் பயணத்தின் போது எந்த் ஒரு புத்தகத்தையும் படித்து முடித்து விடலாம்.இல்லை என்றால் இருக்கவே இருக்கிறது அலுவலக் நேரத்தில் வேலை பளுவுக்கு இடையே கொஞ்சம் ரிலாக்சாக படித்து மகிழலாம்.(வேலை பாதிக்கப்படாமல்)

புத்தகத்தின் தவணையை ஒரே மூச்சில் படித்தாயிற்றா?அடுத்த தவணைக்காக மறு நாள் வரை காத்திருக்க வேண்டும் என்ற அவசியமில்லை.மேலும் படிக்கவும் என்ற பகுதியில் கிளிக் செய்தால் அடுத்த தவணை உடனே வந்தே சேரும்.

விருப்பமான புத்தகங்களை தேர்வு செய்ய பல வழிகள் இருக்கின்றன.

புத்தகங்களின் பட்டியல் எழுத்தாளர்களின் பட்டியலில் இருந்து தேர்வு செய்து கொள்ளலாம்.புத்தக வகைகளின் பட்டியலிலும் தேடலாம்.அல்லது குறிப்பிட்ட புத்தகம்,எழுத்தாளர் பெயரை குறிப்பிட்டு தேடலாம்.இதை தவிர புதிதாக அறிமுகமாகியுள்ள புத்தகங்கள் மற்றும் சமீபத்திட புத்தகங்களும் தனியே பட்டியலிடப்பட்டுள்ளன.

குறிப்பிட்ட சில புத்தகங்களை தனியேவும் கட்டம் கட்டி பரிந்துரை செய்கின்றனர்.

சமூக வலைப்பின்னல் தளங்கள் போல உறுப்பினர்கள் விரும்பி படிக்கும் புத்தங்களையும் பார்க்கலாம்.அவர்களோடு தொடர்பு கொண்டு நட்பைவும் வளர்த்து கொள்ளலாம்.புத்தக பிரியர்களுக்கான விவாத அரங்கும் இருக்கிற‌து.

எல்லோரும் தினமும் இமெயில் பார்க்கிறோம் ஆனாலும் புத்தகம் படிக்க நேரம் இல்லை என்று புலம்புவதை கவனித்து இந்த இரண்டையும் இணைத்து இமெயில் வழியே தினமும் புத்தகம் படிக்கும் இந்த சேவையை உருவாக்கியதாக இந்த நிறுவனர்கள் குறிப்பிட்டுள்ளனர்.

இணையதள முகவரி;http://www.dailylit.com/

பார்க்க முந்தைய பதிவு.http://cybersimman.wordpress.com/2011/12/11/book-2/

இமெயில் வழியே புத்தகம் படிக்க!

வாழைப்பழத்தை உரித்து ஊட்டியும் விடுவது போல புத்தகம் படிப்பதற்கு சுலபமான வழி காட்டுகிறது டிப்ரீட் இணையதளம்.

ஆசை ஆசையாக புத்தகத்தை வாங்கி வைத்துவிட்டு அதை படிக்க நேரம் இல்லாமல் அப்படியே அலமாரியில் வைத்திருக்கும் நபர்கள் இந்த தளத்தை நாடலாம்.அப்படி நாடினால் படிக்க நினைத்த புத்தகத்தை நிச்சயம் படித்து முடித்து விடலாம்.

ஆனால் உடனடியாக இல்லை.ஒவ்வொரு நாளும் ஒவ்வொரு பக்கமாக!அது இந்த தளத்தின் சிறப்பு.

படிக்க நினைத்தவர்கள் மறந்தாலும் சரி,இந்த தளம் புத்தகத்தை ஒவ்வொரு பக்கமான நினைவு படுத்தி கொண்டே இருக்கும்.அதாவது தினமும் புத்தகத்தின் ஒவ்வொரு பக்கத்தை இமெயில் வாயிலாக அனுப்பி கொண்டே இருக்கும்.

இமெயில் வாயிலாக நினைவு படுத்தியது போலவும் இருக்கும்.இமெயில் மூலமே படித்தது போலவும் இருக்கும்.

இதற்காக அதிக கஷ்டப்பட வேண்டியதில்லை.தளத்தில் நுழைந்து எந்த புத்தகம் தேவையோ அதனை தேர்வு செய்து இமெயில் முகவரியை சமர்பித்தால போதும்,அதன் பிறகு நாள்தோறும் அந்த புத்தகத்தின் ஒவ்வொரு பக்கமாக இமெயிலில் வந்து சேரும்.தினமும் இமெயில் பெட்டியை திறக்கும் போது புத்தக்த்தின் அன்றைய பகுதியைடும் படித்து முடித்து விடலாம்.

வழக்கமான புத்தக தளத்தில் உள்ளது போல ரகம்வாரியாக புத்தகங்கள் பட்டியலிடப்பட்டுள்ளன.அவற்றில் இருந்து பிடித்தமானதை தேர்வு செய்து கொள்ளலாம். எல்லாம்லே இபுக் வடிவிலானவை.

இந்த பட்டியலில் உள்ளவை தவிர நீங்கள் விரும்பும் குறிப்பிட்ட புத்தகத்தை அப்டிக்க விரும்பினாலும் அதனை இங்கே சமர்பித்தால் தினமும் இமெயிலில் ஒவ்வொரு பக்கமாக வந்து சேரும்.

புத்தக பிரியர்களுக்கு சுவாரஸ்யமும் பயனும் நிறைந்த சேவை என்பதில் சந்தேகமில்லை.

மிகவும் தீவிர புத்தக புழுக்கள் கூட இச்க நேரங்களில் புத்தகத்தை வாங்கி வைத்து விட்டு உடனே படிக்க முடியாமல் திண்ட்டாடுவது உண்டு.சராசடி வாசகர்கள் பற்றி கேட்கவே வேண்டாம். சோம்பல் வேலை பளு என பல காரணங்களால் எடுத்த புத்தகத்தை முடிக்க முடியாமல் முழித்து கொண்டிருப்பார்கள்.

இதற்கான அழகான தீர்வாக தான் டிப்ரீட் புத்தகங்களை ஒவ்வொரு பக்கமாக இமெயிலில் அனுப்பி வைக்கிறந்து.அந்த காலத்தில் தொடர்கதை படிப்பது போல இந்த காலத்தில் மெகா சீரியல் பார்ப்பது போல படிக்க விரும்பும் புத்தகத்தை நிதானமாக ஆனால் நிச்சயமாக படித்து விடலாம்.

இணையதள‌ முகவரி;http://www.dripread.com/

intro-img

தினம் ஒரு புத்தகம் படிக்கலாம் வாங்க.

புதிதாக ஒரு புத்தகத்தை பார்த்தும் அதனை வாங்க தீர்மானிப்பதற்கு முன் என்ன செய்வீர்கள்?புத்தகத்தை அப்படியே மனக்கண்ணால் ஸ்கேன் செய்தபடி முன் அட்டையையும் பின் அட்டையையும் திரும்பி பார்ப்பீர்கள்.அதில் எழுதியுள்ள அறிமுக குறிப்புகளை படிக்கும் போதே புத்தகத்தின் உள்ளடக்கம் குறித்து ஒரு அபிப்ராயம் உருவாகத்துவங்கியிருக்கும்.அடுத்ததாக புத்தகத்தை புரட்டிய படி முன்னுரையையும் நடுவே உள்ள பக்கங்களில் சில வரிகள் அல்லது பத்திகளை படித்து பார்ப்பீர்கள்.

இதற்குள் புத்தகத்தின் சாரம்சம் பிடிபட்டிருக்கும்.சரி வாங்கலாம்,அல்லது வேண்டாம் என்று முடிவு செய்து விடுவீர்கள்!.

இது ஒரு புறம் இருக்க, தலைப்பு பார்த்தே புத்தகம் வாங்குபவர்கள் இருக்கின்றனர்.இன்னும் சிலர் தங்களுக்கு பிடித்த‌ எழுத்தாளரின் புத்தகத்தை பார்த்தால் வாங்கிவிடுவார்கள்.

இவை தவிர சிலர் ஒரு புத்தகத்தை வாங்கும் முன் முதலில் அதன் முதல் அத்தியாயத்தை பொருமையாக படித்து பார்த்து விடுவதுண்டு.முதல் சில பக்கங்களை படித்ததும் தொடர்ந்து படிக்கலாம் என்ற உண்ர்வு ஏற்பட்டால் புத்தகத்தை வாங்கி விட‌லாம்.

இந்த பழக்கம் உங்களுக்கும் இருந்து,புதிய புத்தகங்களை வாங்க இதுவே சிறந்த‌வழி என்று நீங்கள் நினைத்தால் புக் டெய்லி தளத்திற்கு நீங்கள் தினமும் செல்லலாம்.

புத்தக கடலில் இருந்து உங்களுகு தேவையான புத்தகத்தை தேர்வு செய்து கொள்ள கைகொடுக்கும் தளம் என்ற போதிலும் இதனிடம் கொஞ்சம் எச்சரிக்கையாக இருக்க வேண்டும் .காரணம் கொஞ்சமாக படிக்கும் ஆர்வம் இருந்தால கூட இந்த தளம் உங்களை புத்தகங்களுக்கு அடிமையாக்கிவிடும்.அதாவது தினமும் புத்தகங்களை படிக்க வைத்துவிடும்.தினம் ஒரு புத்தகத்தை அதாவது புத்தக மாதிரியை படிக்க விருப்பம் என்றால் இதன் பக்கம் போகலாம்.

புத்தக மாதிரி என்றால் புத்தகத்தின் முதல் அத்தியாயத்தை படிப்பது.ஒரு சில இனிப்பு க‌டைகளில் இனிப்புகளை வாங்கும் முன் முதலில் கொஞ்சம் சுவைத்து பார்க்க தருவதில்லை,அதே போல இந்த தளம் ஒரு புத்தகத்தின் முதல் அத்தியாயத்தை இலவசமாக படிக்க தருகிற‌து.

இப்பைட் முதல் அத்தியாயத்தை படித்து பார்த்து அந்த புத்தகத்தை வாங்க‌ விரும்பினால் இந்த தலம் மூலமே அதனை வாங்கவும் செய்யலாம்.

முகப்பு பக்கத்தில் வரிசையாக புத்தகங்கள் அவைகளின் வகைகளுக்கு ஏற்ப பட்டியலிட்டப்பட்டுள்ளது.எந்த புத்தகத்தை வேண்டுமானாலும் கிளிக் செய்து அவற்றின் முதல் அத்தியாயத்தை படித்து கொள்ளலாம்.புத்தக் வகைகலூக்கு ஏற்பவும் தேடிப்பார்க்கலாம்.அருகிலேயே இந்த தளத்தின் டாப் டென் புத்தக பட்டியல் இடம் பெற்றுள்ளது.அதிலும் தேடலாம்.

எப்படியோ எந்த புத்தகத்தையும் அதன் முதல் அத்தியாயத்தை படித்து பார்த்து முடிவு செய்து கொள்ளலாம்.

ஒரு புத்தகத்தி சாரம்சத்தை உணர்த்தக்கூடிய சுருக்கத்தை படிப்பது போல முதல் அத்தியாய்த்தை படித்து புத்த்கம் வாங்குவதும் சிறந்த வழி தான்.ஒரு சில எழுத்தாளர்களின் இனையதளங்களில் இப்பைட் புத்தக்த்தின் முதல் அத்தியாயத்தை மட்டும் படித்து பார்க்கும் வசதி அளிக்கபடுவதை நீங்கள் பார்த்திருக்கலாம்.இந்த தள‌ம் 80 ஆயிரம் புத்தகங்களுக்கு இந்த வசதியை தருகிற‌து.

இந்த தள‌த்தில் இன்னொரு சுவாரஸ்யமான‌ விஷயம்.இதில் உங்கலுக்கு என்று ஒரு மாதிரி புத்தக அலமாரிட்யை உருவாக்கி கொண்டு அதில் நீங்கள் விரும்பும் புத்தகத்தை எல்லாம் சேர்த்து கொள்ளலாம்.அத‌ன் பிறகு தினமும் அடுத்த புத்தகத்தின் மாதிரி அத்தியாயம் இமெயில் மூலமே அனுப்பி வைக்கப்ப‌டும்.ஆக தினமும் கொஞ்ச‌ம படித்து கொண்டே இருக்கலாம்.

இணையதள‌ முக‌வரி:http://www.bookdaily.com/

வழக்கம் போல ஒரு விஷயம்.இந்த தளம் ஆங்கில புத்தகங்களுக்கானது .தமிழிலும் இதே போல ஒரு புத்தக சேவை துவங்கப்பட்டல் நன்றாக இருக்கும்.

(நேற்று புதிதாக பதிவை காணவில்லையே என்று கேட்டு இதனை எழுத தூண்டிய நண்பர் சதாவுக்கு நன்றிகள் பல).