பார்கோடு விக்கிபீடியா

நுகர்வோர் என்ற முறையில் நமக்கு எவ்வளவு பெரிய பொறுப்பு இருக்கிறது தெரியுமா? நாம் சரியான விவரம் தெரியாமல் தவறான பொருட்களை வாங்கி விடலாகாது என்று சொல்லப்படுவது உங்களுக்கு தெரியுமா?
.
நுகர்வோரான உங்கள் கடமையை சரிவர செய்ய,  வாங்கப்படும் பொருள் பற்றியும், அதனை தயாரித்த நிறுவனம் பற்றியும் நீங்கள் தெரிந்து கொண்டு செயல்பட வேண்டும் என்பது  தெரியுமா? 

 எல்லாம் தெரியும், விளம்பரங்களை பார்த்து விஷயங்களை தெரிந்து  கொண்ட பின்னர் தான் கடைக்கே போகிறோம் என்று நீங்கள் அலுப்புடன் அலட்சியமாக சொல்லலாம். ஆனால், இங்கே குறிப்பிடுவது விளம்பரம் மூலம்  தெரிவிக்கப்படும் தகவல்களை அல்ல; அவற்றின் பின்னே உள்ள தகவல்களை அதாவது நிறுவனங்கள் மறைக்க விரும்பும் தகவல்கள் மற்றும் வெளியிட விரும்பாத விவரங்கள் இவற்றை எல்லாம் ஏன் தெரிந்து கொள்ள வேண்டும் என்று நீங்கள் கேட்கலாம்.

அது உங்களின் தார்மீக கடமை என்று சொல்கின்றேன்.  அப்போது தான் நீங்கள் தார்மீக  பொறுப்புடன் நடந்து கொள்ள முடியும் என்றும் சொல்கின்றனர்.

சொல்வது, வர்த்தக நிறுவனங்கள் லாபத்தை மட்டும் குறிக்கோளாக கொண்டு செயல்படாமல்  சமூக பொறுப்புடன்  நடந்து கொள்ள வேண்டும் என்று நினைப்பவர்கள் இதனை உறுதி செய்ய நுகர்வோர் செய்ய வேண்டியது எல்லாம், தகவல்களை  தெரிந்து கொண்டு அதனடிப்படையில்  சரியான முடிவுகளை  மேற்கொள்வது தான்.

 கெட்ட பெயர் சம்பாதித்த நிறுவனங்களை நுகர்வோர் இயல்பாகவே  தவிர்த்து விடுவ துண்டு. ஆனால்  நுகர்வோர் அறியாமலேயே தவறான  கொள்கைகளை/ நடைமுறையை கடைபிடிக்கும் நிறுவனங்கள் இருக்கின்றனவே. ஒரு நிறுவனம் தெரிந்தே குழந்தை தொழிலாளர்களை  வேலைக்கு நியமித்திருக்கலாம். ஒரு நிறுவனம், சுற்றுச் சூழல் 
மாசுபடுவது பற்றி கவலைப்படாமல் செயல்பட்டு கொண்டிருக்கலாம். ஒரு நிறுவனம் உள்ளூர் மக்களின்  நீர் ஆதாரத்தை சுரண்டி  லாபம் பார்த்து கொண்டிருக்கலாம்.  இப்படி எத்தனையோ விஷயங்களை சொல்லலாம்.

வர்த்தக செயல்பாடுகள் பற்றி பெருமைபட்டுக் கொள்ளும் நிறுவனங்கள், இத்தகைய  சர்ச்சைக்குரிய சங்கதிகளை மூடி மறைத்து விடவே  முயற்சி செய்கின்றன.

 இப்போது உங்கள் முன் உள்ள கேள்வி, ஒரு நிறுவனம் தவறாக  செயல்படுகிறது என்று தெரிந்து கொண்டால்  அதன் தயாரிப்பை, வாங்காமல் புறக்கணிப்பது தானே சரி.  ஆம் என்பது உங்கள் பதிலாக இருந்தால்,  இந்த தகவல்களை  எல்லாம் எப்படி தெரிந்து கொள்வது என்ற கவலை உங்கள் மனதில் உண்டாகலாம்.

அந்த  கவலையே  வேண்டாம். நிறுவனங்களின்  பொருட்கள் பற்றிய விவரங்களை அளிப் பதற்காக  என்றே ஒரு இணைய தளம் உருவாக்கப்பட்டு வருகிறது.

 இன்றைய  வர்த்தக உலகில் எல்லா பொருட்களுமே விலையை குறிக்க பார்கோடை தாங்கி நிற்கின்றன அல்லவா? அந்த பார்கோடை வைத்தே  அப்பொருள் தொடர்பான முழு விவரங்களையும் அளிப்பதை நோக்கமாக  கொண்டு இந்த தளம் உருவாக்கப்பட்டு வருகிறது.  அந்த வகையில்  இதனை பார்கோடு விக்கிபீடியா என்று சொல்லலாம்.

ஒரு பற்பசையையோ, சோப்பு கட்டியையோ பால் பாக் கெட்டையோ நீங்கள்  வாங்க போகிறீர்கள் என்று வைத்துக் கொள்வோம். உடனே அதில் உள்ள பார்கோடை குறித்து வைத்துக் கொண்டு இந்த தளத்தில் அதனை டைப் செய்து பார்த்தீர்கள் என்றால் அந்த தயாரிப்பு தொடர்பான விவரங்கள்  திரையில் வந்து நிற்கும்.

விவரங்கள் என்றதும் வெறும்  தகவல்கள் மட்டும் அல்ல. நிறுவனத்தின் செயல்பாடுகளை ஒரே பார்வையில் அலசி ஆராய்ந்து எடை போட்டு விட உதவும் வகையிலான செய்திகள், விமர்சனங்கள், சர்ச்சைகள் என சகல விதமான விவரங்களும் தொகுக்கப் பட்டிருக்கும்.

உதாரணத்திற்கு நிறுவனத்தின் தயாரிப்பு முறை மற்றும் தொழிற்சாலையில்  ஊழியர்கள் நடத்தப்படும் விதம் குறித்து  ஏதாவது செய்திகள் வெளி வந்திருந்தால் அவை கட்டாயம் இடம் பெற்றிருக்கும் நிறுவனம் அரசு சலுகையை தவறாக பயன்படுத்தியது தொடர்பான செய்திகள் போன்றவையும் இடம் பெற்றிருக்கும்.

அதே போல அந்த   தயாரிப்பு பற்றி சக நுகர்வோரின் விமர்சன கருத்துக்களும் இடம் பெற்றிருக்கும். நிறுவனம் ஏதாவது சர்ச்சையில் சிக்கியிருந்தால் அந்த விவரமும் குறிப்பிடப்பட்டிருக்கும். இப்படியாக  ஒவ்வொரு பொருள் பற்றிய முழு விவரங்களும் தொகுத்தளிக்கப் பட்டிருக்கும். பார்கோடை  டைப் செய்வதன் மூலம் எந்த பொருள் பற்றியும் இதன் வழியே தெரிந்து கொள்ளலாம்.

இவ்வாறாக ஒரு நிறுவனம் தவறாக எதையும் செய்யவில்லை என்பதை உறுதி செய்து கொண்டு  அப்பொருளை நிம்மதியுடன் வாங்கலாம். இல்லை என்றால் இது போன்ற செயல்பாடுகளுடன் உடன்பட மாட்டேன் என கம்பீரமாக மறுத்து நிராகரிக்கலாம்.

நுகர்வோருக்கான இந்த தளம் நுகர்வோர் பங்களிப்பு இல்லாமல்  சிறப்பாக உருவாக வாய்ப்பில்லை. எனவே  நுகர்வோர் உதவியுடனேயே இதில் விவரங்கள் இடம் பெற உள்ளது.

  எனவே தான்  விக்கி பீடியா பாணியில் இந்த தளம் அமைக்கப்பட்டு வருகிறது.  இதில் நுகர்வோர் வர்த்தக நிறுவனங்கள் தொடர்பான   தங்கள் மதிப்பீடுகள், கருத்துக்கள் மற்றும் கண்ணில் படும் செய்திகளை  சமர்பிக்கலாம். இப்படியாக  நுகர்வோர் சமர்பிக்கும் தகவல்கள் தொகுக்கப்பட்டு பொருட் களுக்கான  களஞ்சியமாக  இந்த தளம் உருவாக உள்ளது. 

மைஸ்பேஸ் இருக்க பயமேன்

வலைப்பின்னல் தளங்களின் விபரீத விளைவுகள் பற்றி  என்னன்னவோ சொல்கிறார்கள். இந்த தளங்கள் எல்லாம் ஆபத்தின் மறுவடிவம் என்பது போல, இவற்றால் ஏற்படும் தீமைகளும், பாதிப்புகளும் பெரிதாக பேசப்படுகிறது. இவற்றுக்கு நடுவே, வலைப்பின்னல் தளங்களின் ஆதார பலத்தையும் மறந்துவிடக்கூடாது. இந்த பக்க விளைவுகள் எல்லாம்  அலட்சியப்படுத்தக் கூடிய அங்கொன்றும், இங்கொன்றுமான நிகழ்வே  என்பதையும் நினைவில் கொள்ள வேண்டும்.

.
இந்த கருத்தை உறுதிப்படுத்திக் கொள்ள விவாதத்தில் ஈடுபடாமல், வலைப் பின்னல் தளங்களினால்  உண்டாகக் கூடிய நல்ல பயன்களுக்கான அழகான உதாரணம் ஒன்றை பார்ப்போம்.  

அது, மைஸ்பேஸ் திறந்து விட்டிருக்கும் கூடுதல் கதவுகள் பற்றிய கதையாக விரிகிறது. இளைஞர்களின் இணைய கூடாரம் என்று  வர்ணிக்கப்படும் “மைஸ்பேஸ்’ வலைப்பின்னல் தளங்களின்  பிரதிநிதியாக அறியப்படுகிறது. இந்த தளத்தின் மூலம் அதன் உறுப்பினர்கள் இமெயிலில் தொடங்கி, செய்திகள், கருத்துக்கள் என சகலத்தையும் பரிமாறிக் கொள்கின்றனர்.
மைஸ்பேஸ் மூலம் எளிதாக  நண்பர்களை தேடிக்கொள்ளலாம். தவிர, மைஸ்பேஸ் வழியே வீடியோ கோப்புகளையும் பகிர்ந்து கொள்ளலாம். இந்த இரண்டையும் இணைத்தால், உங்களுக்கான பிரத்யேக ரசிகர்கள்  கிடைத்து விட மாட்டார்கள்.  அதாவது நீங்கள் துடிப்பும், படைப்பாற்றல் மிக்க கலைஞராகவும் இருந்து, உங்கள் படைப்பை, ரசிக்கக் கூடியவர்களை (நீங்களே) தேடிக் கொள்ளும் ஆர்வமும் இருந்தது என்றால்!

அமெரிக்காவைச் சேர்ந்த மார்ஷல் ஹெர்கோவிம்ப்  மற்றும் எட்வர்டு விக் ஆகியோர் இதைதான் செய்திருக்கின்றனர். இருவரும் சேர்ந்து இயக்கியுள்ள  தொலைக்காட்சி தொடரை “மைஸ்பேஸ்’ தளத்தில் வெளியிட்டிருக்கின்றனர்.  மைஸ்பேஸ் தளத்தில் வீடியோ கோப்புகளை  பதிவேற்ற முடியும் என்னும் போது, தொலைக்காட்சி தொடரின் நிகழ்ச்சிகளையும் ஒவ்வொன்றாக இந்த தளத்தின் மூலமே ஒளிபரப்பலாம் தானே!
ஆக, இந்த தொடரை  பார்க்க எந்த சேனலின் தயவும், தேவை இல்லை. மைஸ்பேஸ் தளத்தில் இதற்கென துவக்கப்பட்டுள்ள  பக்கத்திற்கு போனால் பார்த்து ரசிக்கலாம். மைஸ்பேஸ் இலக்கணப்படி உறுப்பினர்கள் இதை பார்த்து ரசித்த கையோடு, மற்ற உறுப்பினர்களோடு   நிகழ்ச்சி பற்றிய கருத்துகளை பகிர்ந்து கொள்ளலாம். இப்படி பகிர்ந்து கொள்வதன்  மூலம்  புதிய நண்பர்களையும் தேடிக் கொள்ளலாம்.  தொடர்பு சங்கிலி பெரிதாக, பெரிதாக  நண்பர்கள்  எண்ணிக்கையும் அதிகரிக்கும்.

ஒட்டுமொத்தமாக பார்க்கும் போது, நிகழ்ச்சிக்கான புதிய ரசிகர்கள்  கிடைக்கப் பெற்று, எண்ணிக்கையும் கூடிக் கொண்டே போகும். இந்த நம்பிக்கையில்தான் ஹெர்கோவிம்ப்  மற்றும் விக் ஆகிய இருவரும் எந்த சேனலையும் சார்ந்திருக்காமல் நேரிடையாக மைஸ்பேஸ் தளத்தில் தங்கள் படைப்பை இடம் பெற வைத்திருக்கின்றனர்.

உண்மையில் தொலைக்காட்சி சேனல்  ஒன்றுடன் ஏற்பட்ட மோதலின் விளைவாகவே இவர்கள் மைஸ்பேசிடம் வந்திருக்கின்றனர். கால் வாழ்க்கை என்னும் பெயரில் ஏபிசி தொலைக்காட்சிக்காக இவர்கள்  நிகழ்ச்சியின் சில பகுதியை தயாரித்துக் கொடுத்தனர். ஆனால் தொலைக்காட்சி நிர்வாகம் கதைக் கருவில் கைவைத்து, படைப்பாளி என்ற முறையில் ஏற்றுக்கொள்ள முடியாத நிபந்தனைகளை  ஆலோசனைகள் என்னும் பெயரில் முன்வைத்ததால் இருவரும் வெறுப்புற்று வெளியே வந்து விட்டனர்.

அதன் பிறகு இந்த நிகழ்ச்சியை முழுத்தொடராக உருவாக்கி, “கால் வாழ்க்கை’ என்னும் பெயரில் மைஸ்பேஸ் தளத்தில் வெள்ளோட்டம்   விட்டிருக்கின்றனர். நிகழ்ச்சியை மைஸ்பேஸ் உறுப்பினர்கள் வீடியோ கோப்பாக பார்க்க முடியும் என்பதோடு, அவர்களின் கூடுதல் கவனத்தையும், ஆர்வத்தையும் ஈர்க்கும் வகையில், நிகழ்ச்சிக்கான பக்கத்தில் அதன் கதாபாத்திரங்கள் மற்றும் கதைப்போக்கு பற்றிய விவரங்களும் தொகுத்தளிக்கப்பட்டுள்ளன.
கதாபாத்திரங்கள் பேசுவது போன்ற இந்த தகவல்கள், நிகழ்ச்சி மீது பற்று கொண்ட ரசிகர்கள்  வட்டத்தை உருவாக்கும் வகையில் அமைக்கப்பட்டுள்ளது.

இப்படி மைஸ்பேஸ் தனித்தன்மையை பயன்படுத்திக் கொள்வதோடு, இதே பாணியில் இந்த நிகழ்ச்சிக்காக என்றே தனியே ஒரு வலைப்பின்னல் தளமும் (quaterlife.com) என்னும்  பெயரில் உருவாக்கப்பட்டுள்ளது.
படைப்பாற்றல் பாதிக்கப்படாமல், கலைஞனுக்குரிய முழு சுதந்திரத்தோடு, நிகழ்ச்சிகளை தயாரித்து வெளியிட இது சிறந்த வழி என்று கருதப்படுகிறது.

எனக்கென்று ஒரு நெட்வொர்க்

 மை ஸ்பேசை மறந்து விடுங்கள். இப்போது மை ஸ்பேசுக்கு நிகராக தனக்கென்று ஒரு வலைப்பின்னல் தளத்தை பாடகி ஒருவர் அமைத்திருப்பது பற்றித்தான் இன்டெர்நெட் உலகில் பரபரப்பாக பேசப்படுகிறது. ஆஸ்திரேலியாவை சேர்ந்த பிரபல பாப் பாடகி கெய்லி மினோ கெய்லி கனெக்ட் டாட் காம் எனும் பெயரில் புதிய இணையதளத்தை அமைத்திருக்கிறார்.

.
இந்த தளத்தின் மூலம் அவர் தன்னுடைய ரசிகர்களோடு முன்னை விட நெருக்கமான முறையில் தொடர்பு கொள்ள திட்டமிட்டிருக்கிறார். பாப் உலகில் எத்தனையோ இளவரசிகள் மற்றும் அரசிகள் உண்டு.அவர்களில் ஒருவரான கெய்லி மினோ, தனக்கென பெரிய ரசிகர் பட்டாளத்தை கொண்டிருப்பவர்.  இசைக்காக அவரை நேசிக்கும் ரசிகர்களோடு, அவருடைய மன உறுதிக்காக நேசிப்பவர்களும் அதிகமாகி இருக்கின்றனர்.

40 வயதை தொட இருக்கும் அவர், புற்றுநோயால் பாதிக்கப்பட்டு அந்த நோயோடு போராடி மீண்டு வந்திருக்கிறார். புற்றுநோயிலிருந்து மீண்ட அவர் மீண்டும் மேடையேற தொடங்கி இருக்கிறார். தனக்கு வந்த சோதனையை மிகுந்த உமீண்டும் இசை வானில் மின்ன தொடங்கியிருக்கும் அவர், விரைவில் புதிய பாடல் ஆல்பம் ஒன்றை வெளியிட இருக்கிறார். ஒற்றை பாடலோடு வெளியாக இருக்கும் இந்த ஆல்பம் பற்றி இசையுலகில் பரபரப்பாக பேசப்பட்டு வரும் நிலையில், இன்டெர்நெட் உலகில் அவர் அடியெடுத்து வைத்திருக்கிறார்.

கெய்லி மினோ பெயரில் ஏற்கனவே இணையதளம் இருக்கிறது. அவரது அபிமானிகளும் பல இணையதளத்தை அமைத்திருக்கின்றனர். ஆனால் இவற்றையெல்லாம் மிஞ்சும் வகையில் கெய்லி மினோ தனக்கென ஒரு வலைப்பின்னல் தளத்தை அமைத்திருக்கிறார்.
இன்டெர்நெட் உலகில் இப்போது வலைப்பின்னல் தளங்கள்தான் உச்சத்தில் இருக்கின்றன.

மை ஸ்பேஸ் மற்றும் ஸ்பேஸ் புக் போன்ற இணையதளங்கள் வலைப் பின்னல் முறையில் நண்பர்களை தேடிக் கொள்ள உதவி செய்து இணையவாசிகளை பெரிதும் கவர்ந்துள்ளன.

மை ஸ்பேசின் வெற்றி வலைப் பின்னல் கருத்தாக்கத்திற்கு கிடைத்த வெற்றியாக கருதப்படுகிறது. இதனால் வலைப்பின்னல் கருத்தாக்கம் மிகவும் பிரபலமாகி இருக்கிறது.
மை ஸ்பேஸ் தளத்தில் புகழ் பெற்ற பாடகர்கள் தங்களுக்கென தனிப் பகுதியை அமைத்திருக்கின்றனர். மை ஸ்பேஸ் மூலம் ரசிகர்களை தொடர்பு கொள்வதே சுலபமானதாக கருதப்படுகிறது.

இந்நிலையில், கெய்லி மினோ மை ஸ்பேஸ் பக்கம் போகாமல் சொந்த வலைப் பின்னலை உருவாக்கி கொள்ள திட்டமிட்டிருக்கிறார். இதற்காக இந்த நோக்கத்தோடு அவர் அமைத்திருக்கும் தளம்தான் கெய்லி கனெக்ட் டாட் காம்.

இந்த தளம் வரும் நாட்களில் முழு வீச்சோடு அறிமுகமாக உள்ளது. தன்னுடைய ரசிகர்களோடு நேரடியாக தொடர்பு கொள்வதற்கான வழியாக இந்த தளத்தை கெய்லி கருதுவதாக கூறப்படுகிறது.

வலைப்பின்னல் தளத்திற்குரிய அனைத்து அம்சங்களுடனும் அதே நேரத்தில் எளிமையான தோற்றத்தோடும் இந்த தளம் அமைந்துள்ளது. இசை நிகழ்ச்சிகள் மற்றும் புதிய பாடல் வெளியீடு பற்றி இந்த தளத்தின் மூலம் கெய்லி மினோ தனது ரசிகர்களோடு உடனுக்குடன் பகிர்ந்து கொள்ள இருக்கிறார். மேலும் ரசிகர்களும் கெய்லி மினோ படங்களை இந்த தளத்தில் இடம் பெற வைக்கலாம். அவற்றை தங்கள் நண்பர்களோடும் பகிர்ந்து கொள்ளலாம்.

உதாரணத்திற்கு கெய்லியின் இசை நிகழ்ச்சியை கேட்டு ரசித்துக் கொண்டிருக்கும் போதே அந்த காட்சியை கிளிக் செய்து செல்போன் மூலம் அதனை நண்பர்களுக்கு அனுப்பி வைக்கலாம்.றுதியோடு அவர் எதிர்கொண்ட விதம் அவர் மீதான மதிப்பை அதிகரிக்க வைத்துள்ளது.
மேலும் பல வசதிகள் ரசிகர்களுக்காக இந்த தளத்தில் அமைக்கப்பட உள்ளது. வெறும் பாடகி என்ற நிலையிலிருந்து ஒரு இன்டெர்நெட் தொழில் முனைவோராக தன்னை உயர்த்திக் கொள்ள கெய்லி திட்டமிட்டிருப்பதாக அவரது உதவியாளர் தெரிவிக்கிறார்.

தன்னை சுற்றியுள்ள வர்த்தக நடவடிக்கைகளை தானே கட்டுப்படுத்தும் முயற்சியாகவும் இதனை அவர் கருதுவதாக கூறப்படுகிறது. இந்த திட்டம் குறித்து கெய்லி மினோ மிகுந்த பெருமிதம் கொண்டிருப்பதாகவும் அவரது உதவியாளர் தெரிவிக்கிறார்

புள்ளி விவரங்களுக்கான பிரவுசர்

கட், காபி, பேஸ்ட்இன்டெர்நெட் பயன்பாட்டை பொறுத்தவரை இதுதான் செயல்பாட்டு தத்துவமாக இருக்கிறது. எந்த இணையதளத்தில் எந்தவிதமான தகவல்களை பார்த்தாலும் சரி. பிற்பாடு படிப்பதற்காக அல்லது பயன்படுத்துவதற்காக அதனை அப்படியே கட், காபி செய்து பேஸ்ட் செய்து வைத்துக் கொண்டு விட்டால் எப்போது வேண்டுமானாலும் பயன்படுத்திக் கொள்ளலாம்.இப்படி தகவல்களை சேமித்து வைத்துக் கொள்ளும் வசதி இன்டெர்நெட்டில் தகவல் வலை வீசும்போது பெரும்பாலானோர் பின்பற்றும் பழக்கமாக இருக்கிறது. இணையவாசிகளுக்கு இது பேருதவியாக இருக்கிறது என்றாலும், இதில் ஒரேயொரு குறை உண்டு.

புள்ளி விவரங்கள் மற்றும் அட்டவணையில் இடம் பெற்றுள்ள தகவல்களை இப்படி சேமித்து வைத்துக் கொள்ள முடியாது. அப்படியே சேமித்து வைத்துக் கொண்டாலும், அட்டவணை பாணியில் அதனை தக்க வைத்துக் கொள்ள முடியாது.
பெரும்பாலானோர் அட்டவணை தகவல்களை பற்றி கவலைப்படாமல் விட்டு விடுவார்கள். ஆனால் புள்ளி விவரங்களில் முக்கியத்துவம் அறிந்தவர்களுக்கு இது மிகவும் சிக்கலாகி போய் விடுவதுண்டு.

அப்போதெல்லாம் அவர்களுக்கு அட்டவணைகளை உள்ளது உள்ளபடியே சேமித்து வைக்கும் வசதி இருந்தால் நன்றாக இருக்குமே என்று தோன்றும். அது மட்டுமல்ல, அட்டவணை விவரங்களை தங்களது கோப்பில் தேவையான இடத்தில் இடம் பெற வைத்து அதன் விவரங்களை அலசி ஆராய முயன்றால் நன்றாக இருக்குமே என்று தோன்றும்.

இத்தகைய புள்ளி விவர பிரியர்களுக்காக என்றே புதியதோர் பிரவுசர் அறிமுகமாகி இருக்கிறது. எண்ணிக்கைகளில் கையாள்வதற்காக என்று உருவாக்கப்பட்டுள்ள இந்த பிரவுசரின் மூலம் புள்ளிவிவரங்கள் மற்றும் அட்டவணை தகவல்களை பயன்படுத்துவதும், கையாள்வதும் சுலபமாக்கப்பட்டுள்ளது.

கிரிக்ஸ் ஸ்டிராட்டா எனும் பெயரில் அறிமுகமாகியுள்ள இந்த பிரவுசரை பயன்படுத்தும் போது எண்ணிக்கை தொடர்பான விஷயங்களை கையாள்வது மிகவும் எளிதாகி விடுகிறது. இந்த பிரவுசரை பல விதங்களில் பயன்படுத்தலாம்.

உதாரணத்திற்கு ஒரு பிரபல நடிகரின் திரைப்படம் தொடர்பான வசூல் விவரங்களை சேகரித்து அதற்கு முன்னர் வந்த 5 படங்களின் வசூல் விவரங்களை ஒப்பிட்டுப் பார்த்து ஒரு பட்டியல் தயாரிக்கலாம்.

இதே போல, அந்த நடிகரின் குறிப்பிட்ட எந்த படம் பிரபலமாக இருக்கிறது என்பதை புள்ளி விவரங்கள் மூலம் அட்டவணையாக மாற்றியும் பார்த்துக் கொள்ளலாம். இந்த புள்ளி விவரங்களை எந்த குறிப்பிட்ட தளத்திலிருந்து வேண்டுமானாலும் எடுத்து நம் இஷ்டம் போல பயன்படுத்திக் கொள்ளலாம்.எத்தனை இணையதளங்களிலிருந்து வேண்டுமானாலும் புள்ளி விவரங்களை எடுத்து பயன்படுத்தலாம். அவற்றை கொண்டு புதிய அட்டவணையை உருவாக்குவதும் மிகவும் சுலபமானது.

தகவல்களை டைப் செய்யும்போது, அட்டவணையை தயார் செய்வதுதான் உள்ளபடியே மிகவும் கடினமானது. அந்த செயலை இந்த பிரவுசர் மிகவும் சுலபமாக்கி விடுகிறது.

புள்ளி விவரங்கள் மட்டுமல்லாமல் செய்தியோடை (ஆர்எஸ்எஸ்) வசதி மூலம் பெறப்படும் செய்திகளையும் இப்படி அட்டவணைப்படுத்தி குறிப்பிட்ட எந்த செய்தி அதிகம் படிக்கப்படுகிறது என்பது போன்ற தகவல்களையும் தெரிந்து கொள்ளலாம்.

நேட் வில்லியம்ஸ் என்பவர் தனது நண்பர்களோடு சேர்ந்து இந்த பிரவுசரை உருவாக்கியுள்ளார். புள்ளி விவரங்கள் தொடர்பான சிக்கலை நன்கு அறிந்திருந்த அவர், முதலில் வர்த்தக நிறுவனங்களில் தகவல் தொகுப்புகளில் உள்ள சிக்கல்களை சரி செய்வதற்கான சாப்ட்வேரை உருவாக்கினார். அதன் பிறகே அவருக்கு இந்த சாப்ட்வேர் இன்டெர்நெட் முழுவதற்கும் பயன்படுத்த முடிந்தால் சிறப்பாக இருக்கும் என்று தோன்றியது.

அதன் அடிப்படையில் அந்த சாப்ட்வேரின் மேம்பட்ட வடிவை உருவாக்கி அதனையொரு முழு வீச்சிலான பிரவுசராக மாற்றினார். தற்போது அந்த பிரவுசர் இணையவாசிகளின் பயன்பாட்டிற்காக அறிமுகம் செய்யப்பட்டுள்ளது. மற்ற எந்த பிரவுசரை போலவே இதனை பயன்படுத்தலாம்.

அது மட்டுமல்லாமல் இந்த பிரவுசரை நமது கம்ப்யூட்டரில் உள்ள கோப்புகளை கையாள்வதற்கும் பயன்படுத்திக் கொள்ளலாம். எண்ணிக்கை தொடர்பான விஷயங்களை பயன்படுத்துபவர்களுக்கு இந்த பிரவுசர் மிகவும் ஏற்றதாக இருக்கும்.

மெட்டைச் சொல்லவா!

தமிழ் திரைப்பட ரசிகர்கள் பொறா மைப்படவும், ஏங்கித் தவிக்கவும் இன்டெர்நெட்டில் நிறைய விஷயங்கள் இருக்கின்றன. அதிலும் குறிப்பாக தமிழ் திரைப்பட பாடல்களை கேட்டு ரசிப்பவர்களை  பொறாமையில் புழுங்கித் தவிக்க வைக்க கூடிய இணையதளங்களும், இணைய சேவைகளும் அநேகம் இருக்கின்றன.”வாட்சட் சாங்’  (தீச்t த்ச்t ண்ணிணஞ்) நிச்சயம் அதில் ஒன்று.
.
மெட்டைச் சொன்னால் பாட்டைச் சொல்லி இசைப்பிரியர்களை மகிழ வைக்கும் தளமாக இது இருக்கிறது. இப்போது நீங்கள் மெட்டை முணுமுணுத்தபடி பாடல் வரிகளை தேடி ஞாபக விதிகளில் அலைந்த  அனுபவத்தை நினைத்துப்பாருங்கள். அந்த பாட்டு என்றோ ஒரு நாள் கேட்டு ரசித்திருந்தும், அதன் பாடல் வரிகள் மட்டும் நினைவில் வராமல் ஆட்டம் காட்டுகிறது. கண்ணை மூடியபடி அதன் வரிகளை முணுமுணுத்து பார்க்க முயற்சி செய்வீர்கள். வரிகள் காதின் அருகே கேட்பது போல தோன்றும். ஆனால் வாயில் வார்த்தைகள் வராமல் தொண்டையில் சிக்கிக் கொள்ளும். வாய் வரை வந்து விட்டது ஆனால்… என்று அலுத்துக் கொள்ள வைக்கும் அனுபவம் எப்போது வேண்டுமானாலும் ஏற்படலாம். 

பஸ்சில் போய்க்கொண்டிருக்கும் போது, தொலைவில் பாடிக் கொண்டிருக்கும் ஒலிபெருக்கியில் இருந்து அருமையான பாடல் ஒன்று காதில் விழும். வீட்டுக்கு வந்ததும் அதன் மெட்டு மட்டும் தாலாட்டிக் கொண்டிருக்கும். வரிகள் மறந்து போயிருக்கும். அல்லது வரிகள் நினைவில் இருந்தாலும், என்ன பாடல்? அது இடம் பெற்ற படம் எது? பாடியது யார்? போன்ற விவரங்கள் தெரியாது!

தொலைக்காட்சியில் அல்லது வானொலியில் நிகழ்ச்சிக்கு நடுவே எப்போதோ கேட்டு ரசித்த பாடலை கேட்க நேரில் அடடா, நல்ல பாடலாச்சே என்று மெய் மறக்கும் கணத்தில் பாடலும் மறந்திருக்கும்.

இன்னும் சில நேரங்களில் அழகான யுவதி மெல்லிய குரலில் பாடல் ஒன்றை தனக்குள் முணுமுணுத்தபடி போவதை கேட்கும்போது, அந்த பாடல் வரிகள் கண்ணாமூச்சி காட்டும்.
இசைப்பிரியர்கள் இப்படி மெட்டையும், வரிகளையும் வைத்துக் கொண்டு பாட்டைத் தேடி அலையும் அனுபவத்தை பல முறை பல விதங்களில் எதிர் கொண்டிருக்கலாம்.

இவ்வளவு ஏன்? கைவசம் நேரம் இருந்தால் நண்பர்கள் மெட்டைச் சொல்லி பாட்டை கேட்கும் விளையாட்டில் மூழ்கி இசை மயமாகி பொழுதை கழிக்கலாம்.
இப்போது மீண்டும் “வாட் சன் சாங்’ தளத்திற்கு போகலாம்.

மனதின் ஒரு மூளையில் கேட்டுக் கொண்டே இருந்தாலும், நினைவில் வராத பாடல் வரிகளை அறிய விரும்புகிறவர்கள், (அதாவது ஆங்கில (அ) மேற்கத்திய பாடல்கள் என்று அர்த்தம்) இந்த தளத்திற்குள்  நுழைந்து அந்த மெட்டை பாடிக்காட்டினால் அதற்குரிய முழு பாடல் வரிகளையும் தெரிந்து கொள்ளலாம். அதோடு பாடலை பாடியவர் பெயர் உள்ளிட்ட விவரங்கள் மற்றும் அந்த பாடலை எங்கே வாங்கலாம் என்னும் தகவலையும் கூட தெரிந்து கொண்டு விடலாம்.

நீங்கள் அறிய விரும்பும் பாடலின் மெட்டைக் கேட்டு அந்த புதிரை விடுவிப்பதற்காக என்று யாராவது ஒருவர் பலர் தளத்தில் காத்திருப்பார் கள். யார் இவர்கள்? என்று நீங்கள் கேட்கலாம். அவர்களும் உங்களைப் போன்ற இசைப் பிரியர்கள்தான்! உங்களைப் போலவே  மெட்டுக்குரிய பாடலை கேட்கவும், மற்றவர்களின் இசை சந்தேகங்களை தீர்த்து வைக்கவும் விரும்பும் இந்த தளத்தில் உறுப்பினர்களாக பதிவு செய்து கொண்டார்கள்.

மெட்டாகவே தொண்டையில் சிக்கியிருக்கும் பாட்டை அறிய துடிக்கும் நேரத்தில் நீங்கள் நண்பர்களிடமும் தெரிந்தவர்களிட மும் கேட்டுப்பார்ப்பதுதானே வழக்கம்.
“வாட் சட் சாங்’ இணையதளம், இத்தகைய இசைப் பிரியர்களின் சங்கமமாக  உருவாக்கப்பட்டுள்ளது. எனவே பாட்டில் ஏதாவது சந்தேகம் என்றால், இந்த தளத்தில் நிவர்த்தி செய்து கொள்ளலாம்.

பாடலை நீங்களே பாடிக் காட்டலாம். பாடியவர் (அ) இடம்பெற்ற படம்/ஆல்பம் விவரம் தெரிய வேண்டும் என்றால் அந்த இசைக் கோப்பை அப்படியே பதிவேற்றவும் செய்யலாம்.
சங்கீத சந்தேகம் நீங்கப் போவதோடு, இசை பட நட்பை வளர்த்துக்கொண்டு இனிமையாக  நேரத்தை செலவிடவும் இந்த தளத்தை பயன்படுத்திக் கொள்ளலாம்.

உங்களுக்கு தெரியாத பாட்டே கிடையா என்று வைத்துக்கொள்வோ அல்லது எந்த பாட்டை கேட்டாலும் உடனே பாடிக்காட்டி விடுவீர்கள் என்று வைத்துக்கொள்வோம். அப்படி என்றால் நீங்கள் இந்த தளத்தில் மற்றவர்கள் கேட்கும் சந்தேகங் களுக்கு பதில் அளித்து இவ்வாறு நீங்கள் பாடிக்காட்டிய பாடல்களை எல்லாம் உங்களுடைய உறுப்பினர் பக்கத்திலேயே குறிப்பிட்டு வைக்கலாம். இதனடிப் படையில் தரவரிசை பட்டியலும் உண்டு. அதில் முந்தி நிற்பதில் மகிழ்ச்சி அடைய லாம். மற்றவர்களின் உறுப்பினர் பக்கத்தை பார்த்து ஒப்பீடும் செய்து கொள்ளலாம். தேவைப் பட்டால்  இணைய தளத்தையே மெட்டுக்களை சொல்லச் சொல்லி அதற்கான பாடல்களை பாடிக்காட்டி உங்கள் திறமையை பரிசோதித்துக் கொள்ளலாம். இந்த விளையாட்டில் மற்ற உறுப்பினர் களையும் சேர்த்துக் கொண்டு போட்டா போட்டியில் ஈடுபடலாம்.

நீங்கள் இசைப்பிரியராக இருந்து, ஒரு முறை இந்த தளத்திற்குள் உள்ளே நுழைந்து விட்டீர்கள் என்றால் இந்த இசை சமூகத்தில் அப்படியே ஐக்கியமாகி விடுவீர்கள்.
தளத்தின் உள்ளே நுழைந்ததுமே, மற்றவர்கள் கேட்கும் மெட்டுகள் மற்றும் நீங்கள் கேட்க்கூடிய மெட்டு ஆகியவற்றுக்கான வாசகங்கள் வரவேற்கின்றன. அதன் கீழே சமீபத்தில் கேட்கப்பட்ட பாடல்களின் பட்டியல், தீர்க்கப்பட வேண்டிய பாடல்களின் பட்டியல் இடம்பெற்றுள்ளது.

நிற்க, தமிழில் தேனாய் தித்திக்கும் திரைப்பட பாடல்களும், மெல்லிசை பாடலும், ஆயிரமாயிரம் இருந்தென்ன இப்படி வழிகாட்டும் தளம் இல்லையே!
பி.கு.: டிஞீஞுண.tடிtதூ.தண் என்று மற்றொரு இணையதளம் இருக்கிறது. இதுவும் இசை தீர்வு அளிக்கும் தளம்தான். இங்கும் தெரியாத பாடல்களை பாடிக்காட்டி தெளிவு பெறலாம்.